Иса Мәсиһ Күлли-Ихтијар Аллаһдырмы?
Адәтән верилән ҹаваблар?
▪ «Бәли, Иса Мәсиһ Күлли-Ихтијар Аллаһдыр».
▪ «Иса инсан бәдәниндә јерә ҝәлмиш Аллаһдыр».
Иса бу һагда нә демишди?
▪ «Әҝәр Мәни севсәјдиниз, Атамын јанына ҝедирәм дедијим үчүн севинәрдиниз; чүнки Ата Мәндән үстүндүр» (Јәһја 14:28). Иса Аллаһа бәрабәр олмадығыны дејирди.
▪ «Мәним Атамын вә сизин Атанызын, Мәним Аллаһымын вә сизин Аллаһынызын јанына галхырам» (Јәһја 20:17). Иса өзүнү Аллаһ адландырмырды. Аллаһ һаггында ајрыҹа шәхсијјәт кими данышырды.
▪ «Мән Өзүмдән сөјләмәдим; Мәни ҝөндәрән Ата Өзү нә дејәҹәјими вә нә сөјләјәҹәјими Мәнә әмр етди» (Јәһја 12:49). Исанын тәлимләри өзүнүн јох, Аллаһын иди.
ИСА МӘСИҺ өзүнү Күлли-Ихтијар Аллаһ јох, Онун Оғлу олдуғуну дејирди. Әҝәр Иса Аллаһ идисә, бәс онда јердә оланда кимә дуа едирди? (Матта 14:23; 26:26-29). Сөзсүз ки, Иса јаландан өзүнү башгасы илә данышан кими ҝөстәрмәзди!
Шаҝирдләриндән икиси Исадан онлара Падшаһлығында хүсуси јер вермәсини хаһиш едәндә о демишди: «Сағымда вә ја солумда отурмаға изин вермәк Мәним әлимдә дејилдир. Анҹаг Атам бу јерләри мүәјјән шәхсләр үчүн һазырламышдыр» (Матта 20:23). Онларын хаһишини јеринә јетирмәјә сәлаһијјәтинин чатмадығыны демәклә Иса јаланмы сөјләјирди? Гәтијјән! Әксинә, о, тәвазөкарлыг ҝөстәрәрәк етираф етди ки, бу ҹүр гәрарлары гәбул етмәк јалныз Аллаһын ихтијарындадыр. Бундан әлавә, Иса гејд етмишди ки, бәзи шејләри нә о, нә дә мәләкләр билир, онлары јалныз Аллаһ билир (Марк 13:32).
Иса јалныз јердә оландамы Аллаһа табе иди? Хејр. Мүгәддәс Китабда дејилир ки, һәтта өлүб дирилдикдән сонра да Иса Аллаһын табечилијиндә иди. Һәвари Павел ‘Мәсиһин башынын Аллаһ’ олдуғуну хатырладыр (1 Коринфлиләрә 11:3). Мүгәддәс Китабда дејилир ки, ҝәләҹәкдә «һәр шеј Она табе едилдикдән сонра, Оғулун Өзү дә, Она һәр шеји табе Етдирәнә табе олаҹаг ки, Аллаһ һәр шејдә һәр шеј олсун» (1 Коринфлиләрә 15:28).
Ајдындыр ки, Иса Күлли-Ихтијар Аллаһ дејил. Мәһз буна ҝөрә о, сәмави Атасыны Аллаһы адландырырды (Вәһј 3:2, 12; 2 Коринфлиләрә 1:3, 4)a.
[Һашијә]
a Бу мөвзу илә бағлы әтрафлы мәлуматы Јеһованын Шаһидләри тәрәфиндән дәрҹ олунмуш «Мүгәддәс Китаб әслиндә нә өјрәдир?» китабынын 201-204-ҹү сәһифәләриндән ала биләрсиниз.
[7-ҹи сәһифәдәки шәкил]
Иса гејд етмишди ки, бәзи шејләри нә о, нә дә мәләкләр билир, онлары јалныз Аллаһ билир