«Иҹазә вер, Јеһоваја тәгдимләр ҝәтирәк»
КИМСӘ сизә јахшылыг едәндә өз миннәтдарлығынызы неҹә билдирирсиниз? Ҝәлин исраилли сәркәрдәләрин мидјанлыларла дөјүшдән сонра өз миннәтдарлыгларыны неҹә ҝөстәрдикләринә фикир верәк. Бу дөјүш исраиллиләрин Пеордакы Баал бүтүнә сәҹдә едәрәк ҝүнаһ ишләтмәләриндән сонра олмушду. Аллаһ бу дөјүшдә халгына гәләбә газандырмышды вә әлдә олунан гәнимәт 12 000 әсҝәр вә галан исраиллиләр арасында бөлүшдүрүлмүшдү. Јеһованын ҝөстәришинә әсасән, әсҝәрләр өз пајындан каһинләрә, диҝәр исраиллиләр исә левилиләрә вердиләр (Сај. 31:1—5, 25—30).
Амма сәркәрдәләр даһа артығыны вермәк истәјирдиләр. Онлар Мусаја јахынлашыб дедиләр: «Биз гулларын һөкм етдијимиз дөјүшчүләрин сајыны өјрәндик. Онлардан һеч ким әскик дејилдир». Јеһоваја тәгдим олараг, онлар гызыл вә мүхтәлиф зинәт әшјалары ианә етмәк гәрарына ҝәлдиләр. Бу әшјаларын үмуми чәкиси 190 килограмдан чох иди (Сај. 31:49, 50, ЈД, 51—54).
Бу ҝүн дә Јеһованын јахшылыгларыны ҝөрән бир чохларынын үрәјиндә Она өз миннәтдарлыгларыны билдирмәк истәји јараныр. Белә истәк тәкҹә өзләрини Аллаһа һәср едән инсанларда олмур. 2009-ҹу илдә Италијанын Болонја шәһәриндә кечирилән бејнәлхалг конгрес заманы бир груп нүмајәндәни стадиона апарыб-ҝәтирән автобус сүрүҹүсүнүн нүмунәсинә бахаг. О, чох диггәтҹил вә мүлајим олдуғуна ҝөрә гардашлар она миннәтдарлыг әламәти олараг ачыгҹа јазмаг, «Мүгәддәс Китаб әслиндә нә өјрәдир?» китабыны, еләҹә дә әлавә пул вермәк гәрарына ҝәлдиләр. Бунлары сүрүҹүјә верәндә о деди: «Ачыгҹаны вә китабы бөјүк мәмнунијјәтлә гәбул едәрәм, лакин пулу ҝөтүрә билмәрәм, ону үмумдүнја ишиниз үчүн ианә етмәк истәјирәм. Јеһованын Шаһиди олмасам да, буну етмәк истәјирәм, чүнки ҝөрүрәм ки, сиз бу иши үрәкдән ҝөрүрсүнүз».
Јеһоваја миннәтдарлығымызы билдирмәјин үсулларындан бири Јеһованын Шаһидләринин үмумдүнја ишинә ианәләр етмәкдир (Мат. 24:14). Ашағыдакы чәрчивәдә буну неҹә етмәјин бәзи үсуллары ҝөстәрилир.
[20-ҹи сәһифәдәки чәрчивә]
БӘЗИЛӘРИ НЕҸӘ ИАНӘ ЕДИРЛӘР?
ҮМУМДҮНЈА ИШИ ҮЧҮН ПУЛ ИАНӘЛӘРИ
Чохлары өз бүдҹәләриндән мүәјјән мигдарда пул ајырыр вә үзәриндә «Үмумдүнја иши үчүн ианәләр (Матта 24:14)» јазылан гутуја атырлар.
Јығынҹаглар бу көнүллү ианәләри һәр ај јерли филиала ҝөндәрир. Көнүллү едилән пул ианәләрини өлкәнизә бахан филиала ҝөндәрмәк олар. Зәһмәт олмаса, ианә илә бирликдә онун һәдијјә олдуғуну билдирән гыса мәктуб да ҝөндәрин.
ИАНӘНИН ДИҜӘР НӨВЛӘРИ
Бәзи өлкәләрдә үмумдүнја тәблиғ ишини дәстәкләмәк үчүн пул ианә етмәкдән савајы, башга үсуллар да вар. Онлардан бәзиләри бунлардыр:
Дашынмаз әмлак. Сатыша јарарлы олан дашынмаз әмлакы һәдијјә кими ја бирбаша филиала ианә етмәк олар, ја да һәдијјә едәнин өләнәдәк орада јашајыб әмлакына саһиблик һүгугуна малик олмаг шәртилә ианә етмәк олар. Өз әмлакынызы һәдијјә олараг филиала вермәк үчүн сәнәдләри һазырламаздан өнҹә, зәһмәт олмаса, филиалла әлагә сахлајын.
Вәсијјәтнамә. Әмлакы вә ја пулу ганунла мүәјјән олунмуш формада тәртиб едилән вәсијјәтнамә әсасында филиала вермәк олар. Белә олан һалда, зәһмәт олмаса, вәсијјәтнамәнин сурәтини филиала ҝөндәрин.