‘Әмәлләри онунла бирликдә ҝедир’
РӘҺБӘРЛИК шурасынын үзвү Теодор Јарач 2010-ҹу ил ијунун 9-у, чәршәнбә ҝүнү сәһәр јерүзү һәјатыны баша вурду. 84 јашында вәфат едән Јарач гардашдан сонра 53 ил бирҝә өмүр сүрдүјү јолдашы Мелита, һәмчинин бөјүк баҹысы, онун бир оғлу вә ики гызы галды.
О, 1925-ҹи ил сентјабрын 28-дә Кентукки штатынын (АБШ) Пајк маһалында дүнјаја ҝөз ачмышды. Јарач гардаш 1941-ҹи ил август ајынын 10-да 15 јашында вәфтиз олунмушду. Бундан ики ил сонра, 17 јашында оларкән о, даими пионер хидмәтинә башлады вә һәјатынын 67 илини таммүддәтли хидмәтә һәср етди.
Јарач гардаш 1946-ҹы илдә, 20 јашында оларкән «Ҝөзәтчи Гүлләсинин Мүгәддәс Китаб Мәктәби Ҝилеад»ын једдинҹи синфинә дәвәт алды. Ораны битирдикдән сонра Оһајо штатынын Кливленд шәһәринә сәјјар нәзарәтчи тәјин олунду. 1951-ҹи илдә исә она Австралија филиалынын ишләринә нәзарәт етмәк мәсулијјәти һәвалә едилди. 1983-ҹү илин «Јеһованын Шаһидләринин иллик мәҹмуәси»ндә (инҝ.) гејд олунурду ки, Јарач гардаш «теократик гајда-ганунлара ҹидди јанашмагла вә тәблиғ ишинә јахшы нәзарәт етмәклә өлкәдәки бүтүн гардашлары чох руһландырырды».
Бирләшмиш Штатлара гајыдандан сонра Јарач гардаш 1956-ҹы ил декабрын 10-у Мелита Ласко адлы баҹы илә аилә гурду. О, һәјат јолдашы илә бирҝә Бирләшмиш Штатларын бир чох јерләриндә рајон, сонра исә вилајәт нәзарәтчиси кими сәјлә хидмәт етмәјә башлады. 1974-ҹү илин сонунда Јарач гардаш Јеһованын Шаһидләринин Рәһбәрлик Шурасынын үзвү олмаг дәвәтини алды.
Јарач гардаш бүтүн диггәтини теократик ишләрә јөнәлдән Јеһованын һәср олунмуш вә садиг хидмәтчиси кими узун илләр јаддашлардан силинмәјәҹәк. О, севән вә гајғыкеш әр, еләҹә дә башгаларынын мәнфәәтини өзүнүнкүндән үстүн тутан руһани инсан кими танынырды (1 Кор. 13:4, 5). О, инсанлара бу ҹүр сәмими мараг ҝөстәрирди вә истәјирди ки, һамы бир-биринә гаршы әдаләтли вә мәрһәмәтли олсун. Үстәлик, онун инсанлара бәсләдији түкәнмәз мәһәббәт вә онлара ҝөстәрдији гајғы хидмәтдә ҹанла-башла иштирак етмәсиндән ҝөрүнүрдү.
Бет-Ел аиләсинин вә бејнәлхалг гардашлығын үзвүнү итирмәк нә гәдәр кәдәрли олса да, онун узун илләр Јеһоваја сәдагәтлә хидмәт етмәси бизи севиндирир. Јарач гардашын өлүмәдәк садиг галараг һәјат таҹыны алдығына әминик (Вәһј 2:10). Һәмчинин шүбһә етмирик ки, ‘әмәлләри онунла бирликдә ҝедир’ (Вәһј 14:13).