Zəbur

51 Məhəbbətinlə mənə rəhm et,+ Pərvərdigara,

Böyük mərhəmətinlə günahlarımı sil.+

 2 Məni təqsirimdən təmizlə,+

Günahımdan pak et.+

 3 Təqsirlərimi yaxşı bilirəm,

Günahım gözümün önündə durub.+

 4 Sənə, əsas Sənə qarşı günah etdim,+

Gözündə pis olan işi tutdum,+

Odur ki, sözlərin haqq,

Hökmün adildir.+

 5 Mən təqsir içində dünyaya gəldim,

Anamın bətninə düşəndən məndə günah yaşayır.+

 6 Fəqət Sən ürəkdə qərar tutmuş doğruluğu xoşlayırsan,+

Ürəyimə əsl hikmət aşıla.

 7 Məni günahdan təmizlə*, pak olum,+

Məni yu, qardan da ağ olum.+

 8 Mənə şənlik, şadlıq sədaları eşitdir ki,

Əzib qırdığın sümüklər şəfa tapsın*.+

 9 Günahlarımdan üzünü yan çevir,+

Təqsirlərimin hamısını sil.+

10 Məndə təmiz ürək yarat,+

İçimə təzə, mətin bir ruh qoy.+

11 Məni hüzurundan rədd etmə,

Nə olar, müqəddəs ruhunu məndən alma.

12 Səndən gələn qurtuluş sevincini qoy yenə dadım,+

Sənə itaət etməyə həvəs oyat içimdə.

13 Qanunu pozanlara Sənin yollarını öyrədəcəyəm ki,+

Günahkarlar Sənə sarı dönsün.

14 Ey Allah, ey nicatımın Allahı,+ məni qan günahından azad et,+

Qoy dilim Sənin ədalətini şövqlə bəyan etsin.+

15 Yehova, nə olar, dodaqlarımı aç,

Dilim Sənə təriflər söyləsin.+

16 Sən qurban istəmirsən, yoxsa gətirərdim,+

Yandırma qurbanlarından xoşhal olmursan.+

18 Lütfünlə Siona yaxşılıq et,

Yerusəlimin divarlarını tik.

19 O zaman salehliklə gətirilən qurbanlar,

Yandırma qurbanı, bütöv qurban Sənə xoş olar.