Xidməti görüşlərin cədvəli

Fevralın 11-dən başlanan həftə

Mahnı 8.

10 dəq. Yerli elanlar. 8-ci səhifədə verilən və ya sizin əraziyə uyğun gələn başqa təqdimələrdən istifadə edərək səhnəcik hazırla. Səhnəcikdə «Gözətçi Qülləsi»nin yanvar-mart sayını təqdim etməyin üsulu göstərilir.

15 dəq. Daha çox ehtiyac olan yerlərdə xidmət edə bilərsənmi? «Gözətçi Qülləsi»nin 2003-cü il 1 oktyabr sayının 18-ci səhifəsinə əsaslanan nitq və dinləyicilərlə müzakirə. «Təşkil olunmuşuq» kitabının 111-ci səhifəsinin 1-ci abzasından 112-ci səhifəsinin 1-ci abzasına kimi hissədən fikirlər daxil et. Böyük ehtiyac olan yerdə xidmət edən bir-iki təbliğçidən qısa müsahibə götür. Onlar hansı çətinliklərlə üzləşmiş və öhdəsindən necə gəlmişlər? Hansı xeyir-duaları əldə etmişlər?

20 dəq. Yeni təbliğçilərə xidmətdə təkmilləşməyə kömək et. Bir dəqiqədən çox çəkməyən giriş sözlərindən sonra, «İngiliscə 2005-ci ilin “Gözətçi Qülləsi”ndən öyrəniləcək məqalələr» broşürasının 2-ci hissəsinin 31, 32-ci səhifələrindəki 15-dən 19-dək abzasları çap edilmiş sualların köməyilə müzakirə et. 18-ci abzası müzakirə etdikdən sonra, ev sahibinin yeni təbliğçiyə təcrübəli təbliğçi ilə xidmət edərkən etirazını bildirdiyini göstərən səhnəcik hazırla. Yeni təbliğçinin cavabı təsirli olmur və ev sahibi söhbəti dayandırır. Oranı tərk edəndən sonra təcrübəli təbliğçi yeni təbliğçini göstərdiyi səyə görə səmimi tərifləyir, sonra isə belə vəziyyətlərdə söhbəti davam etdirmək üçün «Müqəddəs Kitab əsasında söhbətə başlamağın və davam etməyin üsulu» broşürasından necə istifadə edə biləcəyini göstərir.

Mahnı 18.

Fevralın 18-dən başlanan həftə

Mahnı 13.

10 dəq. Yerli elanlar. «Bizim Padşahlıq Xidmətimiz»dən seçilmiş elanlar.

10 dəq. Yerli tələbatlar.

25 dəq. «Möhkəm imanın təzahürü!»a Xidməti nəzarətçi təqdim edir. Sonda yığıncağın ötən xidmət ilində əldə etdiyi nailiyyətlərə toxun.

Mahnı 20.

Fevralın 25-dən başlanan həftə

Mahnı 1.

10 dəq. Yerli elanlar. Təbliğçilərə fevral ayı üçün təbliğ xidməti haqqında hesabat verməyi xatırlat. Maliyyə hesabatını və minnətdarlıq məktubunu oxu. Xatirə Gecəsi üçün hazırlanmış dəvətnamədən istifadə edərək ailə üzvünü və ya qonşunu dəvət etməyin üsulunu göstər.

20 dəq. «Fidiyəni minnətdarlıqla xatırlayın»b. Ayrılan vaxt çərçivəsində dinləyicilərdən Müqəddəs Kitab ayələrini oxuyub şərh etmələrini xahiş et.

15 dəq. «Nəyə görə dürüst olmağa dəyər?» «Gözətçi Qülləsi»nin 2006–cı il 1 dekabr sayının 17–19–cu səhifələrinə (rus.) əsaslanan nitq.

Mahnı 6.

Martın 3-dən başlanan həftə

Mahnı 25.

10 dəq. Yerli elanlar. «Xatirə Gecəsi ilə əlaqədar xatırlatma» çərçivəsindən əsas bəndləri vurğula.

20 dəq. Mart ayında Müqəddəs Kitab öyrənməsi başlaya bilərsənmi? Dinləyicilərlə müzakirə. Mart ayında Müqəddəs Kitab öyrənməsi başlamaq məqsədilə «Müqəddəs Kitab öyrədir» kitabını təklif edəcəyik. Kitabın bir neçə üstün cəhətini nəzərdən keçir. Xatirə Gecəsinə dəvətnamə saxlayarkən maraq göstərənə və ya daima jurnal gətirdiyimiz insana növbəti dəfə baş çəkəndə, yaxud martın 22-dən sonra evdən-evə təbliğ edəndə bu kitabı necə təqdim edə biləcəyimizi müzakirə et (Bax: km 8/07 s. 3; km 3/06 s. 1, abz. 3; km 1/06 s. 3-6, rus.). Bir-iki səhnəcik hazırla.

15 dəq. Suallara cavab verərkən Müqəddəs Kitabdan istifadə edin. «Xidmət Məktəbi» kitabının 143, 144-cü səhifələrinə əsaslan nitq və dinləyicilərlə müzakirə. Qısa səhnəcik hazırla. Bu səhnəcikdə təbliğçiyə sizin ərazidə insanların tez-tez verdiyi sualı verirlər və o, Müqəddəs Kitabdan istifadə edərək bu suala cavab verir.

Mahnı 16.

[Haşiyələr]