Məhəbbət göstərin

Problem

Qərəz hissi insanın ürəyindən tez bir zamanda yox olmur. Necə ki, virusun orqanizmdən təmizlənməsi üçün həm vaxt keçməlidir, həm də tədbir görmək lazımdır, eləcə də qərəz hissi. Bəs qərəzdən qurtulmaq üçün hansı tədbirləri görmək lazımdır?

Müqəddəs Kitabdan məsləhət

«Məhəbbətə bürünün, çünki məhəbbət insanlar arasında kamil birlik yaradır» (KOLOSLULARA 3:14).

Mənası: Yaxşılıq insanları birləşdirir. İnsanlara məhəbbət göstərdikcə, qərəz hissi ürəyinizdən yox olacaq. Ürəkdə məhəbbət artdıqca orada nifrətə və qərəzə yer qalmayacaq.

Nə edə bilərsiniz?

Düşünün, görün mənfi münasibət bəslədiyiniz cəmiyyətdən olan insanlarla necə məhəbbətlə davrana bilərsiniz. Bu o demək deyil ki, onlar üçün nəsə böyük şeylər etməlisiniz. Aşağıda sadalananlardan hansınısa etməyə çalışın.

• Onlarla nəzakətlə davranın, məsələn, qapını tutun, yaxud ictimai nəqliyyatda yer verin.

• Hətta sizin dilinizi yaxşı bilməsələr də, onlarla bir-iki kəlmə danışın.

• Onların davranışını başa düşməsəniz də, səbirli olun.

• Problemlərindən danışanda dərdlərinə şərik olun.