‘O, yorğunlara güc verər’
1 Hər birimiz hərdən özümüzü yorğun hiss edirik. Bu yorğunluq yalnız fiziki işlə məşğul olduğumuza görə yox, həmçinin bu ‘çətin anlarda’ qarşılaşdığımız problemlərə görə ola bilər (2 Tim. 3:1). Yehovanın xidmətçiləri olan bizlər xidmətdə zəifləməmək üçün ruhani köməyi haradan əldə edə bilərik? Buna, ‘böyük qüdrəti’ olan Yehovaya e’tibar etməklə nail ola bilərik (Yeşaya 40:26). O bizim tələbatlarımızı bilir və səmimi qəlbdən kömək etmək istəyir (1 Pet. 5:7).
2 Yehovanın kömək üsulları. Yehova Kainatı yaratmaq üçün istifadə etdiyi möhtəşəm müqəddəs ruhu vasitəsilə bizə güc verir. Allahın ruhu taqətdən düşdüyümüz zaman bizə ‘yeni qüvvə almağa’ kömək edir (Yeşaya 40:31). Özündən soruş: «Məsihçi məs’uliyyətimi yerinə yetirməyə kömək etsin deyə, müqəddəs ruh almaq üçün axırıncı dəfə nə vaxt dua etmişəm?» (Luka 11:11-13).
3 Allahın ilhamlanmış Kəlamını hər gün oxumaq və üzərində düşünməklə, həmçinin ruhən qidalanmaq üçün nəşrlərimizi müntəzəm öyrənməklə ‘axar sular kənarına əkilmiş, barını mövsümündə verən, yarpağı solmayan’ səmərəli ağaca bənzəyəcəyik (Məz. 1:2, 3).
4 Yehova bizə ‘təsəlli verə biləcək’ həmimanlılarımızdan da istifadə edir (Kolos. 4:10, 11). Onlar bizi yığıncaq görüşlərində ruhlandırıcı ünsiyyətləri, şərhləri və çıxışları ilə qüvvətləndirirlər (Həv. iş. 15:32). Xüsusilə də məsihçi ağsaqqallar ruhani köməklik göstərir, möhkəmləndirir və ruhlandırırlar (Yeşaya 32:1, 2).
5 Xidmət. Özünü yorğun hiss edirsənsə, təbliği dayandırma! Digər işlərdən fərqli olaraq, xidmətdə iştirak etmək bizi həqiqətən də təravətləndirir (Mat. 11:28-30). Xoş xəbəri təbliğ etmək diqqətimizi Allahın Padşahlığına cəmləməyə, əbədi həyatı və onun gətirəcəyi xeyir-duaları yadda saxlamağa kömək edir.
6 İndiki pis sistem məhv edilməzdən əvvəl görüləcək işimiz çoxdur. ‘Allahın tə’min etdiyi qüvvət’ sayəsində icra etdiyimiz xidmətdə möhkəm qalmağa bir çox səbəbimiz var (1 Pet. 4:11). Biz bu işimizi Yehovanın köməyilə başa çatdıracağıq, çünki ‘O, yorğunlara güc verir’ (Yeşaya 40:29).