Müqəddəs Kitabı hər gün oxumaqda qətiyyətli olun

Ola bilər ki, həyatınız qaçhaqaç içində keçir, buna görə də Allahın Kəlamını hər gün oxumaq sizə çətin olur (Yuş. 1:8). Əgər belədirsə, növbəti məsləhətlərdən birini sınaya bilərsiniz.

• Xəbərdarlıq siqnalı. Müqəddəs Kitabı oxumağı unutmayasınız deyə, elektron cihazınızda xəbərdarlıq siqnalı qura bilərsiniz.

• Müqəddəs Kitabı göz qabağına qoyun. Əgər Müqəddəs Kitabı çap olunmuş formatda oxuyursunuzsa, onu hər gün görə biləcəyiniz bir yerə qoyun (Qan. 11:18).

• Audioyazısına qulaq asın. Gündəlik işlərinizi görərkən Müqəddəs Kitabın audioyazısını dinləyin. Gecə növbəsində çalışan, həm öncüllük edən, həm də uşaqlarının qayğısına qalan Tara adlı bir bacı deyir: «Ev işlərini görərkən Müqəddəs Kitabın audioyazısını dinləmək mənə Müqəddəs Kitabı hər gün mütaliə etmək qrafikimə bağlı qalmağa kömək edir».

• Qətiyyətli olun. Əgər gözlənilməz vəziyyətlərdən dolayı Müqəddəs Kitabı planlaşdırdığınız vaxtda oxuya bilməmisinizsə, ən azından, yatmamışdan əvvəl bir neçə ayə oxuyun. Hətta hər gün bir-iki ayə oxumağın belə sizə böyük faydası dəyəcək (1 But. 2:2).