TJÉMBI

1 I mut a ntjél noñ maéba ma bibéba bi bôt a yé kimasoda,

a ntelep bé i njel i baboñbéba,+

a nyén bé to i yééne i bôt ba minjôha.+

 2 Ndi a ngwés mbén Yéhôva+ iloo hihéga,

a ñañ ki mbén yé, a ôdôk pék mu* juu ni njamuha.+

 3 A ga ba kiki e le ba mbel ipañ malép,

e i i num matam i ngéda yé,

tjai tjé di nyuyi bé.

 4 Bibéba bi bôt bi ta bé hala;

bi yé kiki bikôgôô* bi blé mbebi i nkena.

 5 Jon bibéba bi bôt bi ga pei bé* i ngéda ba ga kéés+ bo;

to baboñbéba ba ga pei bé mu ntôñ u bôt ba téé sép.+

 6 Inyule Yéhôva a nyi njel i bôt ba téé sép,+

ndi njel i bibéba bi bôt i ga tjé.+

2 Inyuki biloñ bi nyôgbe,

yak matén ma huñbege* yañga jam?+

 2 Bikiñe bi nkoñ ’isi bi ntelep,

yak bangomin bakeñi ba nkodba kiki mut wada,*+

inyu kolba Yéhôva ni nhook+ wé.*

 3 Ba nkal le: “Di pat minsañ ba ngwélél inyu kañ bés,

di hohla, di lep ki minkôô nwap!”

 4 Nu a yii i yééne ane nyoo i ngii a ga nol hiol;

Yéhôva a ga ndegle bo.

 5 Ha ngéda i nyen a ga pôdôs bo, a bak ñunbak;

ikété hiun hié hikeñi, a ga lôôha kônha bo woñi,

 6 a kalak le: “Memede me mal téé kiñe+ yem

i hikôa hiem hipubhaga le Siôn.”+

 7 M’a añal i yom Yéhôva a mpot;

a bi kal me le: “U yé man+ wem;

i len ini, me nyila isoñ.+

 8 Bat le me hala, ki m’a ti we biloñ le bi ba ngababum yoñ,

m’a ti ki we nkoñ ’isi wonsôna.+

 9 U ga bôk bo ni ntoñgo kei,*+

u bol ki bo bipes bipes kiki ba mbol hibôi hi biték.”+

10 Nano ni a bikiñe, undnana le ni gwé pék;

a bakéés ba hisi, neebana bikodlene.*

11 Ni kon Yéhôva woñi i ngéda ni ngwélél nye,

ni sehlaga i bisu gwé ni maséé.

12 Tina man+ lipém,* tiga le Nyambe a unbene bé,

a tjé+ ki bé,

inyule hiun hié hi mpala kala,

maséé ni i bôt bobasôna ba nsolop i nyeni.

 3 Ndi we a Yéhôva, wen u yé ben i i nkéña me;+

u yé lipém+ jem, ni Nu a mpa ño+ wem.

 4 M’a lôndôl yaga Yéhôva,

a’ timbhene me mu hikôa hié hipubhaga.+ (Selah)

 5 M’a nañal, me kee ’ilo;

me tôde ngi woñi wo ki wo,

inyule Yéhôva a ngi nidik+ me.

 6 Me nkon bé môm ma dikôô ma bôt woñi,

bôt ba ba nkéña me inyu kolba+ me.

Inyule u ga bép baoo bem bobasôna i mañg;

u ga bôk masoñ ma bibéba bi bôt.+

 3 Yina le i bôt ba tiñi ni nye, Yéhôva a ga diihe bo bañga lidiihege;*

Yéhôva a ga emble me i ngéda m’a sébél nye.

 5 Tina bisesema bi telepsép,

ni bôdôl ki Yéhôva ñem.+

 8 M’a nañal, me kee ’ilo ni nsañ,+

inyule we, a Yéhôva, wetama nyen u mboñ le me yén ibabé woñi.+

5 Éé a Yéhôva,+ sédne bipôdôl gwem ôô;

emble miñumnde nwem.

 2 Sédne me ôô i ngéda me nlôndôl we,

éé a Kiñe yem ni Nyambe wem, inyule wen me nsoohe.

 3 Éé a Yéhôva, u ga nok kiñ yem kegla;+

m’a kal we nduña+ yem kegla, me bemek yaga ndimbhe yoñ.

 4 Inyule u yé Nyambe nu a ngwés bé mam mabe,+

béba mut y’a yén bé i weeni.+

U ñoo ba bobasôna ba mboñ mam mabe;+

 6 u ga tjé ba bobasôna ba mpot bitembee.+

 7 M’a jôp i ndap+ yoñ inyule loñge yoñ ñem*+ i mbuma ñañ;

m’a ôôp, me nunuk nyoo i témpel yoñ ipubhaga* inyu bégés we.+

 8 Éé a Yéhôva, éga me mu njel yoñ telepsép inyule baoo bem ba nkéña me;

hôla me le me kil mu njel yoñ ibabé le me baage.+

 9 Yom to yada ba mpot, mut a nla bé bôdôl yo ñem;

miñem nwap mi yé ndik nyonok ni mam mabe,

libit jap li bak kiki soñ i néhi,

ba nlôbhe bape ni dilémb+ tjap.*

10 Ndi Nyambe a ga pémhene bo mbagi nôgôs;

hodo, bipék gwap bibe gwon bi ga kwés+ bo.

A Nyambe wem, luhul bo i bisu gwoñ inyule ba mpéé boñ béba;

ñ, inyule ba nkolba we.

11 Ndi ba bobasôna ba nsolbene i weeni ba ga séé;+

ba ga leñ diléla ngéda yosôna.

U ga sôñ bo,

yak ba ba ngwés jôl joñ ba ga kônôl we maséé.

12 Inyule we, a Yéhôva, u ga sayap ba ba téé sép;

ni konangoo yoñ, u ga sôñ bo kiki soso ben+ i nsôñ mut.

6 Éé a Yéhôva u kônd bañ me i ngéda u yé ñunbak,

u kodol bañ to me i ngéda u nkala ni hiun.+

 3 Ñ, me* gwé nduña ikeñi,+

éé a Yéhôva, me mbat ni we le: i jam lini li ga nom letee ni ngéda mbe?+

 4 Éé a Yéhôva, témb, u sôñ ki me;*+

tohol me inyu loñge yoñ ñem.*+

 5 Inyule bawoga ba nsima bé* we;

njee a ga bégés we nyoo ikété Soñ?*+

 6 Manjelel+ mem* ma nwéés me;

u wonsôna, me nyôôs boñ* yem ni gwiiha;*

ngandak maéya i mboñ le nañi yem i leñel.+

 7 Maéya ma nwéés jis jem;+

li ntehna ha bé loñge* inyule bôt ba ntééñga me.

 8 Kena haa ni me, a bé bobasôna ba ni mboñ mam mabe,

inyule Yéhôva a ga nok maéya+ mem.

 9 Yéhôva a ga nok minyemhe+ nwem;

Yéhôva a ga neebe masoohe mem.

10 Baoo bem bobasôna ba ga wo nyuu, ba hel ki;

ba ga témb ni mbus, ba kon ki hison+ kunda yada.

 2 Ibale hala bé, ki ba ga pat me* kiki mbondo njéé,+

ba kena ki me ibabé le mut a sôñ me.

 3 Éé a Yéhôva Nyambe wem, ibale me mboñ béba,

ibale me mboñ jam libe,

 4 ibale mut a bi bôñôl me loñge,+ ndi me timbhe nye béba,

tole ibale me bi yoñ gwom bi ñoo wem gwobisôna ngi njom,*

 5 wee ñoo wem a noñ me, a gwel ki me;*

a bes me ’isi, a tidbe ki me,

a boñ yak le lipém jem li tjiba.* (Selah)

 6 Éé a Yéhôva, telep ikété hiun hioñ;

nyodi, u kolba ki kundul i baoo+ bem;

tôde inyu yem, ti oda le ba pémés mbagi sép.+

 7 Nwas le biloñ bi kéña we;

ndi u ga jôs gwo, u bak nyoo i ngii.

Éé a Yéhôva, kéés me kingéda telepsép yem,

kéés ki me inoñnaga ni libak jem li maliga.+

Ndi tat bôt ba téé sép,+

inyule wen u yé Nyambe+ nu a téé sép, nu a nwan miñem+ ni mahoñol ma kétékété.*+

11 Nyambe a yé Nkéés nu a téé sép,+

Nyambe a mpémhene ki bibéba bi bôt mbagi* hiki kel.

12 Ibale mut a ntam bé bibéba gwé,+ Nyambe a nhôl pansoñ+ yé;

a nimbil ki mpihlôñgô wé, a hek le a nleñ wo.+

13 A nkôôba bijôl gwé bi gwét bi ngui;

a nkôôba yak makoñ mé ma hié.+

14 Nuna-ki i mut a yé jém li béba;

a nembee ndutu, a gwalak bitembee.+

15 A ntém bee, a boñ le i ba yaga ikétékété,

ndi nyemede ki nyen a nkwo mukété bee a ntém.+

16 I ndutu a nlona i ga témb i ngii ño+ wé womede;

maboñok mé mabe ma ga timbil nye.

17 M’a bégés Yéhôva inyu telepsép+ yé;

m’a tubul ki jôl li Yéhôva+ Nungingii+ tjémbi di bibégés.*

8 Éé a Yéhôva, Nwet wés, jôl joñ li yé mpémba kiyaga ni nkoñ ’isi wonsôna;

u bi bédés lipém i ngingii!*+

 2 U bi boñ le bibégés bi pémél i manyo ma boñge ni ma minkéñéé mi bon,+

inyu unda babala boñ ngui yoñ,

inyu yip nyo u ñoo ni nyo u mpun matjél.

 3 I ngéda me mbéñge ngii, minson mi dinoo tjoñ,

sôñ, ni tjôdôt u bi hek,+

 4 me mbadba le: “Mut binam a yé kii le ndi u hoñol nye,

to man mut le u tôñ nye?”+

 5 U bi suhus nye ndék isi biañgel,*

u ha nye ntut lipém ni u bibégés.

 6 U bi ti nye kunde i bémbe minson mi moo+ moñ;

u suhus mam momasôna isi makôô mé:

 7 bibémba gwobisôna bi mintômba ni balôm ba nyaga,

yak ni binuga bi bikai,+

 8 dinuni di ngii ni tjobi di tuye,

yak ni yom yosôna i nhiumul mu batuye.

9 A Yéhôva, m’a bégés we ni ñem wem wonsôna;

m’a añal minson nwoñ mi hélha+ nwominsôna.

 2 M’a kon maséé, me hagak inyu yoñ;

m’a tubul jôl joñ tjémbi di bibégés,* a we Nungingii.+

 3 I ngéda baoo bem ba ga ke me ngwéé,+

ba ga kwo, ba wo ki i bisu gwoñ.

 4 Inyule u nsôñ me inyu boñ le me kôhna telepsép;

u yii ki mu yééne yoñ ane, u kééhak ni telepsép.+

 5 U bi kônd biloñ,+ u tjé ki bibéba bi bôt,

u sas môl map i boga ni boga.

 6 Baoo ba bi tjiba i mba ni mba;

u nup bitison gwap,

mut to wada a ga bigda ha bé bo.+

 7 Ndi Yéhôva a ñane i boga ni boga;+

a mal téé yééne yé ane inyu pémés mbagi sép.+

 8 A’ kéés nkoñ ’isi wonsôna ni telepsép;+

a’ pémhene biloñ+ mbagi sép.

 9 Yéhôva a ga ba bañga lisolbene* inyu bôt, bôt bape ba ntét,+

a ga ba bañga lisolbene i ngéda bikuu.+

10 Ba ba nyi jôl joñ ba ga bôdôl we ñem;+

kekikel a Yéhôva, u ga tjôô bé ba ba nyéñ we.+

11 Tublana Yéhôva nu a yiine i Siôn tjémbi di bibégés;

ni añle bôt+ mam ma mbuma ñañ a bi boñ.

12 Inyule Nu a mpun matjél ma bôt ba nok ndutu, a mbigda bo,+

a ga hôya bé nlondok+ wap.

13 Éé a Yéhôva, kon me ngoo; béñge lelaa baoo bem ba ntééñga me,

a we nu u nsôñ me i moo ma nyemb,*+

14 le ndi me añal minson nwoñ mi mi kôli ni bibégés mu makôga ma ngond Siôn,+

me séé ki inyu minson nwoñ mi tohi.+

15 Biloñ bi bi kwo ikété bee bomede ba bi tém;

makôô map ma bi gwiya* mu pése bomede ba bi sôô.+

17 Bibéba bi bôt bi ga ke gwomede i Soñ,*

nyoo nyen biloñ gwobisôna bi bi nhôya Nyambe bi ga ke.

18 Ndi Nyambe a ga hôya bé+ hiyeyeba;

to botñem i bôt ba suhulnyuu i ga mal bé kekikel.+

20 Kônha bo woñi éé a Yéhôva,+

le i bôt ba bobasôna ba yi le ba yé ndik bôt ba binam. (Selah)

 2 Ni ngôk, béba mut i noñ mut a gwé bé nhôla,+

ndi nyemede a ga gwiya* mu tjandi a nuñge.+

 3 Inyule béba mut i ngôgôp inyu ngôñ yé ibe,+

a béghak ki mut nu a nhép nkus,

נ [Nun]

a yanak Yéhôva.

 4 Inyu ngôk wé, béba mut i nyéñ bé Nyambe;

a nhoñol ndik le: “Nyambe a ta bé.”+

 5 I mam momasôna a mboñ ma nke loñge,+

ndi a nla bé nok+ bikééhene gwoñ;

a nyan* ba bobasôna ba nkolba nye.

 6 A nkal mu ñem wé le: “M’a piñgla bé* kekikel;

mu tjai tjodisôna,

bikuu+ bi ga kwél bé me to kel.”

 7 Nyo wé u yé nyonok ni ndiihe, bitembee, ni minhanak;+

a mpot ndik mam mabe, a solok+ bôt bape.

 8 A nsolop bebee ni mambai inyu puhe bôt bape;

a nôlôl mut nginsohi+ nyoo i lisolbene jé.

10 A nyagat i mut a ngwel, a bes ki nye ’isi;

i bôt ba gwé bé nhôla, ba nkwo i moo mé.*

I weeni nyen i mut a gwé bé nhôla a nlo;+

u yé nu a nhôla man nyuu.*+

15 Bôk woo u béba mut ni u mut mbe,+

kayéle i ngéda u ga yéñ béba yé,

u ga léba ha bé yo.

18 Bon ba nyuu ni bôt, bôt bape ba ntét,+ u ga pémhene bo mbagi sép,

kayéle mut binam to wada hana ’isi a kônha ha bañ bo woñi.+

 2 Béñge kiki bibéba bi bôt bi nimbil mpihlôñgô;

ba mbii likoñ jap mu nkôô,

le ndi ikété jiibe, ba leñ jo bôt ba gwé miñem mi téé sép.

 3 I ngéda bôt ba noñ bé telepsép, ba yanak mambén,*

kii mut a téé sép a nla boñ?”

 5 Yéhôva a nwan mut a téé sép, a wanak béba mut;+

a* ñoo nu ni nu a ngwés bisañ.*+

 6 A ga émbél bibéba bi bôt tjañdi;*

a nôs ki hié ni solfa+ i ngii yap, mbebi i i nlék yon y’a ba ngaba yap.

12 Éé a Yéhôva, tohol me inyule mut maliga a ta ha bé;

ipôla bôt ba binam, i bôt ba nla bôdôl ñem ba ta ha bé.

 2 Ba mpot bitembee bo ni bo;

ba ngwélél* bibép gwap inyu lôbhe bôt bape, ba podok ni ñem malôga.*+

 3 Yéhôva a ga kit bibép gwobisôna bi bi nlôbhe bôt,

a kit ki hilémb hi hi ngôgôp,+

 4 i bôt ba nkal le: “Ni dilémb tjés nyen d’a yémbél.

D’a gwélél dilémb tjés kiki di ngwés;

njee a ga gwel bés?”*+

 5 Yéhôva a nkal le: “Kiki bape ba ntét bôt ba nok ndutu,

kiki diyeyeba+ di ntjelel,

m’a telep inyu sôñ bo.

 6 Bibañga bi Yéhôva bi yé bipubi;+

bi yé kiki silba i i mpubhana ngélé isaambok ikété juu li hié hikeñi,* li li yé ni biték.

 7 U ga tat bo, a Yéhôva;+

u ga sôñ bo i moo ma hiai hini i boga ni boga.

 8 Bibéba bi bôt bi nke to hee homa ba ngwés,

inyule bôt ba binam ba nhôñôs maboñok ma nyega.+

 2 Me* ga nihbe nduña,

me nogok njôghe i ñem hiki kel letee ni ngéda mbe?

Témb ti me ngui,* le ndi me ke bañ ’ilo nyemb,

 4 inyu boñ le ñoo wem a kal bañ le: “Me nyémbél nye!”

 5 Ndi me, loñge yoñ ñem*+ yon me mbôdôl ñem;

ñem wem u ga séé inyu minson nwoñ mi tohi.+

Ba mboñ mam mabe, ba boñok ki mam ma nsuñgaha ñem;

to wada wap a mboñ bé loñge.+

 2 Ndi Yéhôva a yé nyoo i ngii, a béñgege bon ba bôt ba binam,

inyu tehe too wada wap a gwé pék, inyu tehe ki too wada wap a nyéñ Yéhôva.+

 3 Bobasôna ba ntjôô njel i téé sép;+

bobasôna ba mboñ mam mabe.

To wada wap a mboñ bé loñge,

to wada yaga.

 5 Ndi ba ga kon woñi+ kiyaga,

inyule Yéhôva a yé lôñni hiai hi bôt ba téé sép.

 6 A bé baboñbéba, ni nyéñ kwés pék i hiyeyeba,

ndi Yéhôva a yé lisolbene+ jé.

I ngéda Yéhôva a ga témbna litén jé li li yé i minkôm,

i mbéda le Yakôb a séé, litén li Israel li hak.

 2 Nu a yé ngi nsohi,*+

a boñok mam ma téé sép,+

a podok ki maliga ikété ñem+ wé.

 3 A ñôbôs bé mut jôl ni hilémb+ hié,

a mboñ bé to mut wé libôk+ béba,

a ñôm bé ki to mawanda+ mé nsohi.*

 4 A ntjél bana maada ni nu a yé yoma mut,+

ndi ba ba nkon Yéhôva woñi, a nti bo lipém.

 5 A mpôôs bé moni nwé inyu kôs ngim nseñ,+

a neebe bé bitek inyu kolba mut nginsohi.+

 3 I bapubhaga ba yé hana ’isi,

hala wee i bôt ba kôli ni lipém, ba nlôôha kônha me maséé.”+

Kekikel, m’a yoñ bé ngaba i ngéda ba ga kôp matjél ma bisesema gwap,

to bibép gwem bi ga sima bé môl ma banyambe+ bap.

I mut a yé i bisu gwoñ* a nkon maséé+ ngandak,

nu a yé i woo woñ walôm a yé maséé* i boga ni boga.

17 Éé a Yéhôva, emble me i ngéda me mbat le ba kéés me ni telepsép;

sédne me ôô i ngéda me nlôndôl we;

emble me ngéda me nsoohe we ngi mandon.+

 2 Pémhene me mbagi sép,+

mis moñ ma tehe yaga le me téé sép.

 3 U bi wan ñem wem, u béñge yaga me juu;+

u bi pubus+ me;

u tehe le me nhoñol bé jam libe jo ki jo,

to nyo wem u mpot bé mam mabe.

 4 Mu minson mi bôt,

me nkeñgle manjel ma mboñbéba,+ kiki u bi pot.

 5 Hôla me i tééda mabal mem mu manjel moñ,

inyu boñ le makôô mem ma sendi bañ.+

 7 Unda loñge yoñ ñem* i nya i mbuma ñañ,+

a we nu u ntohol ba ba nyéñ solbene i woo woñ walôm,

le ba pei i moo ma bôt ba nkolba we.

 8 Tééda me kiki nso woñ u jis;*+

sôô me isi yiye i bipapai gwoñ.+

 9 Sôñ me i moo ma bibéba bi bôt ba ba njôs me,+

sôñ me i moo ma bôt ba binam ba ba nkéña me.

10 Ba nyila bôt ba minledek mi miñem;*

ba mpot ni ngôk;

11 nano ni, ba nkéña bés;+

ba nyéñ ndik pôla le ba kwés* bés ’isi.

12 Béba mut i yé kiki mbondo njéé i i yé bebee i pat nuga,

kiki man mbondo njéé nu a sôli inyu hes nuga.

13 Éé a Yéhôva, telep, jôs nye,+ kwés nye ’isi;

tohol me* ni pansoñ yoñ i moo ma béba mut.

14 Éé a Yéhôva, gwélél woo woñ inyu sôñ me

i moo ma bôt ba nkoñ ’isi unu,* ba ba niñ+ ndik inyu nano,

ba u nti+ ngandak gwom bilam,

bo ki bon ba nyigle ngandak yap bon bôlôm ngababum.

15 Ndi me, m’a tehe su woñ inyule me téé sép;

i ngéda m’a tôde, m’a kon maséé i telep i bisu gwoñ.*+

Nyambe wem a yé liaa+ jem, i nyeni nyen me nsolbene,

a yé ben yem, toñ* yem i tohi,* ni bañga yem lisolbene.*+

 3 Me nlôndôl Yéhôva, nyen a kôli ni bibégés,

m’a tohlana ki i moo ma baoo+ bem.

 4 Minkôô mi nyemb mi bi kéña me;+

bihundul bi bijôñ bi bôt bi kônha me woñi.+

 5 Minkôô mi Soñ* mi bi kéña me;

tjandi di nyemb di telep me i bisu.+

 6 Mu mandutu mem, me bi lôndôl Yéhôva,

me bi waa bé sébél Nyambe le a hôla me.

a bi nok kiñ+ yem nyoo i témpel yé,

yak nlondok wem u pam i maôô mé.+

 7 Ha nyen hisi hi bi bôdôl nyeñg, hi sehlaga;+

yak dikuu di dikôa di bi nyiñgha,

di ndeñgek inyule a bi unup.+

 8 Hiida hi bi bédél mu mben yé môl,

hié hi hi nlighana hi pémlak i nyo+ wé,

yak makalak ma ma nloñ ma pémlak ikété yé.

 9 I ngéda a bi sôs, a boñ le ngii i hôdôp,+

yak jiibe likeñi li bé isi makôô+ mé.

11 A boñ le jiibe li hô+ nye,

li hô* nye kiki pele,

a boñ nlélém ni hinda ond lôñni ond mbibi.+

12 Mu mapubi ma bé bai i bisu gwé

nyen matan-ga ni makalak ma ma nloñ ma bé lôl, ma tagbege ond.

13 Ha nyen Yéhôva a bi bôdôl bam nyoo i ngii+ kiki mbambat;

Nyambe Nungingii a boñ le kiñ yé i nôga,+

ni matan-ga, yak ni makalak ma hié ma lôlak i ngii.

14 A leñ makoñ ma mpihlôñgô, a sand baoo+ bem;

a leñ ki nwegnwek wé, a yumus+ bo.

15 Si tuye i* kahal nene;+

yak dikuu di ’isi di kahal nene, inyule we, a Yéhôva, u bi bam,

ni le nhébék u mben yoñ môl+ u bééna ngui.

16 A bé nyoo i ngii, ndi a sambal woo wé;

a gwel me, a pémés me ikété ndip malép.+

17 A bi sôñ me i moo ma ñoo wem nu a yé mpémba,+

a sôñ ki me i moo ma bôt ba bé oo me, ba ban-ga ngui iloo me.+

18 Ba bi kolba me i kel bikuu,+

ndi Yéhôva a bé nhôla wem.

19 A bi pémés me, a kena me i homa jam jo ki jo li nkônha bé me woñi;*

a sôñ me inyule me bi lémél nye.+

20 Yéhôva a mbom me inyu telepsép+ yem;

a mbom me inyule me yé nginsohi.*+

21 Inyule me bi téñbe i nôgôl Yéhôva,

me bi tjôô bé to Nyambe wem ni ñem mbe.

22 Me ntééda matéak mé momasôna;

m’a yan bé to matiñ mé.

23 M’a téñbe i ba ngi nsohi i bisu gwé,+

m’a yoñ ki yihe le me boñ bañ jam libe.+

24 Yéhôva a bom me inyu telepsép+ yem,

a bom ki me inyule moo mem ma mpôp i mis mé.+

25 U ntéñbe ni nu a ntéñbe+ ni we;

u yé ngi nsohi ni nu a yé ngi nsohi;+

26 U yé mpubi ni ba ba yé bapubi,+

ndi ni mut mandon, u ñunda le u gwé pék.+

27 Inyule u ntohol bôt ba suhulnyuu,*+

ndi u nsuhus bôt ba ngôk.*+

28 Inyule wen u nkuye lambe yem, a Yéhôva,

Nyambe wem nu a nyilha jiibe jem mapubi.+

29 Ni mahôla moñ, me nla jôs ntôñ u mintonba;+

ni ngui i Nyambe, me nla pind lipénd.+

30 Maboñok ma bañga Nyambe ma yé peles;+

bañga i Yéhôva i yé pubi.*+

32 Bañga Nyambe nyen a nlédés+ me,

a ga sañal+ ki njel yem.

33 A nyilha makôô mem kiki makôô ma ñin ngôlôñ;

a ntéé ki me i bahoma ba nyôgi.+

34 A niiga me* i jo gwét;

moo mem ma nla nimbil mpihlôñgô u mamuna.

35 U nti me ben yoñ le i sôñ+ me,*

woo woñ walôm u nit me,

yak suhulnyuu yoñ i nyilha me bañga mut.*+

36 U néhne mabal mem njel;

makôô* mem ma ga sendi bé.+

37 M’a noñ baoo bem, me koba ki bo;

m’a témb bé me ngi tjé bo.

38 M’a kok bo, kayéle ba ga telep ha bé;+

ba ga kwo isi makôô mem.

39 U ga ti me ngui i jo gwét;

u ga kwés bakolba bem isi yem.+

40 U ga boñ le baoo bem ba kee me ngwéé;

m’a tjé* i bôt ba ñoo+ me.

41 Ba nlond inyu kôhna mahôla, ndi mut nu a ntohol bo a ta bé;

ba nlôndôl yak Yéhôva, ndi a ntimbhe bé bo.

42 M’a kok bo kiki nluñ ték le mbebi i nkena;

m’a leñ bo i mbégdé kiki ndobo minloñ.

U ga téé me le me ba ñane biloñ;+

yak litén li me nyi bé, li ga gwélél me.+

44 I yom ba nok ba mpôdôl inyu yem, i ga tinde bo i nôgôl me;

bakén ba bôt ba ga lo inyu lôbhe me.+

45 Bakén ba bôt b’a nimis makénd;*

b’a pémél mu masolbene map ma ngui, ba sehlaga.

47 Bañga Nyambe a mpun me;+

a nsuhus matén isi yem.

Éé a Nwet, u mbédés me i ngii bôt ba nyumbla me;+

u ntohol ki me i moo ma mut bisañ.

49 Inyu hala nyen, a Yéhôva,+ m’a bégés we ikété biloñ,

m’a tubul jôl joñ tjémbi di bibégés.*+

50 A mboñ mam makeñi inyu tohol kiñe+ yé;*

a ntéñbe i gwés nhook+ wé,

a ntéñbe i gwés David, ni mbôda* yé i boga ni boga.+

19 Ngii i ñañal lipém li Nyambe;+

libôbôl li ngii* li nlegel nson u moo+ mé.

 2 Hiki kel, hop wap u mpuhul kiki malép,

yak hiki u, bi nyelel yi yé.

 3 Bi mpot bé, bi mpahal bé bibuk;

to kiñ yap i nôga bé.

 4 Ndi mbimba yap i* bi ke ni nkoñ ’isi wonsôna,

yak ñañ+ wap u bi pam letee ni i lisuk li ’isi.

Nyambe a bi tééne hiañgaa ndap libadô nyoo i ngii;

 5 hiañgaa hi yé kiki mbiimuda nu a mpémél i tuñ yé sombo;

hi yé kiki mpémba mut u u yé maséé i ke ngwéé mu njel yé.

 6 Hi mpémél i lisuk li ngii jada,

hi nkiiña ikepam lii lisuk lipe;+

lék yé i mpam homa nyensôna.

 8 Mabéhna ma Yéhôva ma téé sép, ma nkônha ñem maséé;+

mbén Yéhôva i yé pubi, i nyibil* mis.+

10 Ma nkona ngôñ iloo gôl,

iloo yaga ngandak bañga gôl,*+

ma nek ki ngandak iloo wéi,+ iloo matôi ma babi wéi.

11 Ma bi gwéélana inyu béhe+ ngwélél woñ;

bom+ ikeñi i mbem nu a ntééda mo.

13 Sôñ ngwélél woñ le a boñ bañ mam ni ngôk;+

u nwas bañ le ma ane me.+

Ha nyen m’a ba mut a yôni,+

me ba ki nginsohi inyu bibéba bikeñi.*

14 Neebe le bibañga bi nyo wem ni mahoñol ma ñem wem

bi lémél we,+ éé a Yéhôva, Liaa+ jem ni Nkobol+ wem!

 2 A ômle we mahôla ma nlôl i homa mpubhaga,+

a lédés ki we ni ngui i nlôl i Siôn.+

 3 A bigda makébla moñ momasôna;

a kon ki maséé ni* bisesema gwoñ bi ntul i hié. (Selah)

 4 A ti we i mam ma nkon we* ngôñ,+

a yônôs ki mam momasôna u nsômbôl boñ.*

 5 D’a leñ diléla inyu minson nwoñ mi tohi;+

d’a pa biyimbne inyu ti jôl li Nyambe+ wés lipém.

A ntimbhene nye nyoo i ngii yé ipubi

ni minson nwé mi tohi* mi mi nlôl ni mpémba wé woo walôm.+

 7 Bahogi ba mbôdôl bikak bi gwét ñem, bape ba bôdlak bihosi ñem;+

ndi bés di mbiine bot yés ñem i* jôl li Yéhôva Nyambe+ wés.

 8 I bôt ba, ba bi kwo, ba beha ’isi,

ndi bés di bi telep siñ siñ.+

21 A Yéhôva! Kiñe i nkon maséé+ inyu ngui yoñ;

i nhak kiyaga inyu minson nwoñ mi tohi!+

 2 U bi ti nye mam ma nkon nye* ngôñ,+

u nim bé to nye i yom a* bi bat we. (Selah)

 3 Inyule u nlo i boma nye ni ngandak bisai;

u nkéhi ki ntut u bañga gôl* i ngii ño+ wé.

 4 A bi bat we niñ, u ti nye yo,+

ntandaa niñ* yaga, ñ, niñ boga.

 6 U nsayap nye i boga ni boga;+

a yé maséé i ngéda a ntehe le u yé lôñni nye.*+

 7 Inyule kiñe i mbôdôl Yéhôva ñem;+

inyu loñgeñem* i Nungingii, a’ piñgla bé*+ kekikel.

 8 Woo woñ u ga gwel babala boñ bobasôna;

woo woñ walôm u ga léba i bôt ba ñoo we.

10 U ga tjé bon bap* hana ’isi,

u tjé yak mbôda yap le i ba ha bañ ipôla bon ba bôt.

11 Inyule ba bi yéñ boñ we béba;+

i minsoñgi mimbe ba bi ôt, ba bi la bé yônôs nwo.+

12 Ñ, u ga timbis bo ni mbus,+

i ngéda u ga hek le u nleñ bo* makoñ ma mpihlôñgô woñ.*

 2 A Nyambe wem, me nlôndôl we njamuha, me nsébél we ibabé waa, ndi u ntimbhe bé me;+

to ni juu, me mom bé me nwee.

 3 Ndi u yé mpubi,+

bibégés bi Israel bi nkéña we.*

 4 Basañ bés ba bi bôdôl we ñem;+

ba bi bôdôl we ñem, u sôñ bo+ ibabé waa.

 5 Ba bi lôndôl we, u sôñ bo;

kiki ba bi bôdôl we ñem, ba bi wo bé nyuu.+

 6 Ndi me, me yé nsoñ, me ta bé me mut,

bôt+ ba bi ndegle* me, ba yan ki me.

 7 I bôt bobasôna ba ntehe me, ba nol me hiol;+

ba ndegle me,+ ba peghege miño, ba kalak le:

 9 Wen u bi pémés me i libum,+

wen u bi tééda me i ngéda me bé me bédi i méé ma mama yem.

10 Ba bi ti* me i moo moñ le u tééda me ibôdôl nu me bi gwéé;

u yé Nyambe wem ibôdôl yaga i libum li mama yem.

11 U ba bañ haa ni me, inyule bikuu bi yé bebee;+

me gwé bé to mut numpe nu a nhôla me.+

12 Ngandak bon ba balôm ba nyaga ba yé me i bipes gwobisôna;+

mimpémba mi balôm ba nyaga ba Basan mi nkéña me.+

13 Ba nahlene me manyo map,+

kiki mbondo njéé i i nkônd, i padak nuga i nje.+

14 Ba nsop me kiki malép;

bihés gwem gwobisôna bi noñgla.

Ñem wem u nyila kiki babi wéi;+

u nyimbi ikétékété yem.+

15 Ngui yem i num kiki pes hibee hi biték;+

hilémb hiem hi ñadbe me i bikikii;+

u nsuhus me ikété bee le me wo.+

16 Inyule baoo bem ba nkéña me kiki ngwo;+

ba nkôôge me bebee kiki ntôñ u baboñbéba,+

kiki mbondo njéé, ba nkogoo me i moo ni i makôô.+

18 Ba nkabna mambot mem,

ba nleñ ki mbam inyu mambot+ mem.

20 Sôñ me le pansoñ i nol bañ me,

tohol ki me* i moo ma ngwo.+

21 Tohol me i nyo u mbondo njéé+ ni i bitoñ bi nyet;

timbhe me, u tohol ki me.

22 M’a añle lôk kéé jôl joñ;+

m’a bégés we ikété likoda.+

24 Inyule a bi yan bé, to pidip ndutu i mut nu ba ntét,+

a bi sôô bé nye su wé.+

25 M’a bégés we ikété likoda likeñi;+

m’a yônôs makak mem i bisu bi ba ba nkon we woñi.

26 Bôt ba suhulnyuu ba ga je, ba nuu;+

ba ba nyéñ Yéhôva ba ga bégés nye.+

28 Inyule ane i yé i Yéhôva;+

a ñénél biloñ.

29 Bañga bôt* yosôna i nkoñ ’isi i ga je, i ôôp ki ’isi;

ba bobasôna ba ntémb i nluñ ték b’a ôm maboñ i bisu gwé;

mut to wada ikété yap a ga la bé sôñ niñ* yé.

30 Mbôda* yap i ga gwélél nye;

i hiai hi nlo hi ga nok ba mpot inyu Yéhôva.

 2 A mboñ le me nañal i homa bikai bi yé ngandak;

a ñéga me i bahoma ba noi ba ba yé bebee ni malép.*+

 4 To i ngéda me nkil mu nsôsôgô u ngangañ jiibe,+

me nkon bé jam libe jo ki jo woñi,+

inyule u yé lôñni me;+

kék yoñ ni ntoñgo woñ bi nhôgbaha* me.

 5 U nkôôbana me téblé i homa baoo bem ba yé;+

u nhoo* ño wem môô;+

libôndô jem li nyon le bañ.+

 6 Hodo, loñge yoñ ni gwéha yoñ* bi ga noñ me dilo tjodisôna di niñ yem,+

m’a yén i ndap Yéhôva dilo tjem tjodisôna.+

24 Hisi ni gwom gwobisôna bi yé mukété bi yé bi Yéhôva,+

yak nkoñ ’isi ni i bôt ba yiine mu.

 2 Inyule a bi ôñôl hio i ngii batuye,+

a téé ki hio i ngii malép.

 4 I mut nu a gwé moo ma nginsohi ni ñem u mpôp,+

i mut nu a nkum bé soñ i bitembee i jôl jem,*

to kum soñ ni mandon.+

 5 Nyen a ga kôhna bisai bi Yéhôva,+

yak Nyambe wé nu tohi a ga tehe nye kiki mut a téé sép.+

 6 Hala nyen hiai hi bôt ba nyéñ nye hi yé,

ba ba ntoñ su woñ, a Nyambe nu Yakôb. (Selah)

 7 Pana miño minan, a bé manwemel;+

nahbana,* a bé minlômbi mi makôga,

inyu boñ le mpémba Kiñe u jôp!+

Yéhôva nu, nyen a gwé ngui ni lipémba,+

Yéhôva nu, nyen a yé mpémba njogwét.+

 9 Pana miño minan, a bé manwemel;+

ni nahap, a bé minlômbi mi makôga,

inyu boñ le mpémba Kiñe u jôp!

 2 A Nyambe wem, me mbôdôl we ñem;+

u nwas bañ le me wo nyuu.+

 3 Ibabé pééna, mut to wada mukété bôt ba mbôdôl we ñem a ga kon bé hison,+

ndi wonyuu yon i mbem ba ba nliibana bape ngi njom.+

 4 A Yéhôva+ yis me manjel moñ,

niiga me dinjela+ tjoñ.

 5 Boñ le me kil mu njel i maliga moñ, niiga ki me,+

inyule u yé Nyambe wem nu tohi.

 6 A Yéhôva, bigda konangoo yoñ ni loñge yoñ ñem*+

bi u ñéba ngéda yosôna.*+

 7 Éé a Yéhôva,+ u bigda bañ bibéba me bi boñ me mañge wanda, to maboñok mem mabe,

hoñol me inyu loñge yoñ ñem,*+

inyule u yé loñge.

 9 A’ éga bôt ba suhulnyuu le ba boñ mam ma téé sép,*+

a’ niiga ki bôt ba ñem nsôhga njel yé.+

10 Manjel ma Yéhôva ma yé gwéha,* ma bak ki maliga

inyu ba ba ntééda malômbla+ mé ni mabéhna+ mé.

11 Inyu jôl joñ, éé a Yéhôva,+

nwéhél hihôha hiem, to hala kiki hi yé hikeñi.

13 I mut nu a ga tehe* mam malam,+

yak mbôda* yé i ga kôdôl ’isi.+

14 Yéhôva a yé liwanda li ñem nyuu li ba ba nkon nye woñi,+

a nyis ki bo malômbla+ mé.

15 Mis mem ma mbéñge Yéhôva+ ngéda yosôna,

inyule a’ héya makôô mem mu hiandi.*+

16 Hielba, u nun me, u kônôl ki me ngoo,

inyule me yé metama, me gwé bé to nhôla.

17 Mandutu ma ñem wem ma mbôl;+

héya me njiiha yem.

18 Béñge bikuu gwem ni mandutu+ mem,

nwéhél ki bibéba+ gwem gwobisôna.

19 Béñge kiki baoo bem ba mbôl,

ni kiki ba nlôôha oo me.

21 Maliga ni telepsép bi tééda me,+

inyule me mbôdôl we ñem.+

26 Éé a Yéhôva, pémhene me mbagi sép inyule me ntééda* libak jem li ngi nsohi;+

a Yéhôva, me mbôdôl ki we ñem ibabé le me piñgla.+

 2 A Yéhôva, wan yaga me, le u yi njee me yé toi;*

pubus mahoñol mem ma kétékété,* u pubus ki ñem+ wem.

 3 Inyule loñge yoñ ñem* i yé i bisu gwem ngéda yosôna,

me nkil ki mu maliga+ moñ.

 4 Me nkiha* bé ni bôt ba malôga,+

me nkeñgle ki ba ba nsôô i yom ba yé toi.*

 5 Me ñoo lôñ i baboñbéba,+

me ntjél ki kiha* ni bibéba bi bôt.+

 6 M’a jôwa moo mem inyu unda le me yé nginsohi,

me kiiña ki juu joñ li bisesema, a Yéhôva,

 7 inyu boñ le kiñ yem i nôga+ i ngéda me nti mayéga,

ni inyu añal minson nwoñ mi hélha nwominsôna.

 8 A Yéhôva, me ngwés ndap i het u nyééne,+

i homa lipém joñ li nyééne.+

 9 U tjé bañ me* lôñni baboñbéba,+

u héya bañ niñ yem lôñ yada ni bôt ba bisañ,*

10 ba moo map ma mboñ mam mabe,*

yak woo wap walôm u bak nyonok ni bitek.

12 Kôô wem u tééne i homa a tégi;+

m’a bégés Yéhôva+ ikété likoda likeñi.*

 2 I ngéda baboñbéba ba bi jôs me inyu je minsôn+ nwem,

bakolba bem ni baoo bem bon ba bi baage, ba kwo.

 3 Ibale ntôñ gwét u nkéña me,

m’a* kon bé woñi.+

To ibale ba nleñ me gwét,

yak ha ngéda i, m’a bôdôl Nyambe ñem.

 4 Me bi bat Yéhôva jam jada,

i jam li jon m’a yéñ,

le me yén dilo tjodisôna di niñ yem+ i ndap Yéhôva,

inyu memle bilama bi Yéhôva

ni i ti mayéga i ngéda me mbéñge témpel+ yé.*

 5 Inyule a ga tééda me i lisolbene jé i ngéda bikuu,+

a ga sôô me ikété ndap yé libadô, homa a sôli;*+

a ga bédés me i ngii liaa.+

 6 Nano ni, me* yé toi i ngii baoo bem ba ba nkéña me;

m’a ti bisesema i ndap yé libadô, me leñek diléla;

m’a tubul Yéhôva tjémbi di bibégés.*

 7 Éé a Yéhôva, emble me i ngéda me nlond;+

kônôl me ngoo, u timbhe ki me.+

U yé nhôla wem;+

u tjôô bañ me, u yék bañ to me, a Nyambe wem nu tohi!

10 To ibale pua yem ni mama yem ba ntjôô me,+

Yéhôva nyemede a’ leege me.+

11 A Yéhôva,+ niiga me njel yoñ,

éga me mu loñge njel inyu sôñ me i moo ma baoo bem.

12 U ti bañ me i moo ma babala+ bem,

inyule bôt ba ba mbok mbôgi bitembee ba ntelbene me,+

ba hanak ki le ba ga boñ me béba.

13 Ibale me hémle bé le m’a tehe loñge i Yéhôva munu nkoñ ’isi,

ki me yé hee?*+

14 Bôdôl Yéhôva ñem;+

bana ñem ngui, u lédés+ ki.

28 Éé a Yéhôva, a we nu u yé Liaa+ jem, me nwaa bé nlôndôl we;

u kwél bañ me ndok.

Ibale u ntjél timbhe me,

ki m’a yila kiki bawoga.*+

 2 Emble minyemhe nwem i ngéda me nlôndôl we le u hôla me,

i ngéda me mpa moo mem, me nunuk nyoo i homa woñ nu a nlôôha mpubhaga.*+

 3 U sas bañ me ni baboñbéba, lôñni ba ba mboñ mam mabe,+

ba ba ngwélél bibuk bilam* i ngéda ba mpot ni bôt bap ba libôk, ki le ba nhoñol mam mabe mu miñem+ nwap.

 4 Kogse bo inyu minson+ nwap,

saa bo inoñnaga ni maboñok map mabe.

Timbhe bo inyu minson mi moo map,

saa bo inoñnaga ni maboñok+ map.

 5 Inyule ba nyoñ bé ngéda ni minson mi Yéhôva,+

to ni liboñok li moo mé.+

 7 Yéhôva a yé ngui+ ni ben+ yem;

me mbôdôl nye ñem ni ñem wem wonsôna,+

a bi hôla me kayéle ñem wem u yé maséé.

 8 Yéhôva a yé ngui i litén jé;

a yé lisolbene li ngui, a ntohol nhook+ wé i nya i mbuma ñañ.

29 Tina Yéhôva lipém li li kôli ni nye, a bé bon ba mimpémba,

tina Yéhôva lipém li li kôli ni nye inyu lipémba jé ni ngui+ yé.

 4 Kiñ i Yéhôva i gwé ngui;+

kiñ i Yéhôva i yôni ni lipém.

 5 Kiñ i Yéhôva i mbôk bie bi sidar;

ñ, Yéhôva a nyugut bie bi sidar bi Libañ.+

 6 Nyambe a mboñ le dikôa Libañ* di pind kiki man nyaga,

yak hikôa Siriôn+ kiki nyet.

 7 Kiñ i Yéhôva i mpémés mandômbôô ma hié;+

 8 kiñ i Yéhôva i nyiñgis ñoñ;+

Yéhôva a mpôgôs ñoñ u Kades.+

 9 Kiñ i Yéhôva i mboñ le miñin mi ngôlôñ mi sehla, mi gwal ki,

i mboñ yak le mapan ma yégle hôlô.+

10 Yéhôva a yii i yééne yé ane, i ngii hundul;*+

Yéhôva a yii i yééne yé ane, a’ ba Kiñe i boga ni boga.+

30 A Yéhôva, m’a bégés we inyule u bi pémés* me i bee;

u bi nwas bé le baoo bem ba séé inyu ndutu yem.+

 4 A bé bagwélél ba Yéhôva,+ tublana nye tjémbi,*

tina nye mayéga inyu jôl jé lipubi;*+

 5 inyule a ñunbene mut inyu ndék ngéda ndigi,+

ndi a ñunda nye loñge yé ñem niñ yé yosôna.+

 8 Éé a Yéhôva, wen me bé sébél;+

éé a Yéhôva, we ki nyen me bé yemhe.

11 U bi boñ le me sak iloole me ee;

u héya nsugut wem, u eñg me ni maséé,

12 kayéle me* tubul we tjémbi di bibégés, le ndi me mom bañ nwee.

Yila hikôa hiem i het me nsolbene,

ni lipénd jem li ngui inyu tohol me.+

 3 Inyule u yé liaa jem ni lisolbene+ jem;

inyu jôl joñ,+ u ga éga me, u unda ki me njel.+

 4 U ga héya me mu pése ba bi sôô inyu amb me,+

inyule u yé lisolbene jem li ngui.+

 6 Me ñoo i bôt ba mbégés bisat bi bi yé yañga, bi bi gwé bé to nseñ;

ndi me, me mbôdôl Yéhôva ñem.

 7 M’a lôôha séé inyu loñge yoñ ñem,*

inyule u ntehe toi njiiha+ yem;

u nyi ki njôghe ikeñi me gwé.

 8 U bi ti bé me i moo ma ñoo wem,

ndi u ntéé me i homa jam jo ki jo li nkônha bé me woñi.*

10 Niñ yem i yôni ni njôghe,+

yak nwii nwem mi yôni ni miñumnde.+

Ngui yem i nsôs inyu hihôha hiem;

bihés gwem bi nkoñg.+

11 Baoo bem bobasôna ba nyan me,+

téntén bôt bem ba libôk.

I bôt ba nyi me ba nséhba i ngéda ba ntehe me;

i ngéda ba ntehe me i mbégdé, ba nke me ngwéé.+

12 Ba bi sas me mu miñem nwap,* ba hôya me wengoñle me bi wo;

me yé kiki hibôi hi hi mbôô.

13 Me bi nok ngandak bôt i nsok me;

me nkon woñi ngandak inyule ba nkéña me bipes gwobisôna.+

I ngéda ba nkodba kiki mut wada,

ba ñôt minsoñgi mimbe inyu nol me.*+

Bibéba bi bôt bi wo nyuu;+

bi kee ki i Soñ,*+ bi mom nwee.

18 Bibép bi bitembee bi kwoo mbuk,+

bibép bi bi mpot mut a téé sép béba, bi podok lôñni ngôk, ni diyana.

U bi tééda yo inyu ba ba nkon we woñi,+

u bi unda yo i bisu bi bôt bobasôna, inyu ba ba nsolbene i weeni.+

20 U ga sôô bo i homa woñ lisolbene,+

haa ni bipék bibe bi bôt ba binam;

u ga sôô bo mu pele yoñ,

haa ni ba ba njôs bo.*+

Yéhôva a ntééda ba ba tiñi ni nye,+

ndi a mbep kogse ba bobasôna ba ngôgôp.+

24 Ni bana ñem ngui, ni lédés ki,+

a bé bobasôna ba ni mbem Yéhôva.+

 2 Maséé ni nu Yéhôva a ñôm bé nsohi,+

nu a gwé bé mahoñol ma mandon.

 5 Sôk i nsôk, me bi pahlene we béba yem;+

me sôô bé hihôha hiem.

 6 Inyu hala nyen hiki mut nu a ntéñbe ni we a’ soohe we+

ntel wonsôna mut a nla ki kôôge we bebee.+

 7 U yé lisolbene jem;

u ga tééda me i ngéda bikuu.+

 9 U ba bañ kiki hosi tole nyabén hosi* bi bi gwé bé yi,+

bi u nlama ha bikei ni minkôô mu manyo map inyu énél gwo,

le ndi bi kôôge we bebee.”

10 Ngandak mandutu i ga kwél bibéba bi bôt;

ndi Yéhôva a ga lôôha gwés nu a mbôdôl nye ñem.*+

11 A bé ba ni téé sép, kona maséé, ni hagak ki inyu mam Yéhôva a bi boñ;

ñ, a bé ba ni gwé miñem mi maliga, leña diléla.

 2 Tina Yéhôva mayéga ni hiluñ;

tublana nye tjémbi di bibégés* ni hiluñ hi hi gwé jôm li manganda.

 3 Tublana nye hiémbi hi mondo;+

ni kôdôk loñge, ni leñek diléla.

 4 Inyule bañga i Yéhôva i yé maliga,+

yak i mam momasôna a mboñ, di nla bôdôl mo ñem.

 6 Ngii yosôna i bi héga ni bañga i Yéhôva,+

i gwom gwobisôna bi yé mukété* bi héga ni nhébék* u nyo wé.

 7 A nkot malép ma tuye homa wada kiki jegi;+

a nha mangudga makeñi ikété mandugi.

 9 Inyule a bi pot, mam momasôna ma héga;+

a bi ti oda, ma telep siñ.+

10 Yéhôva a bi boñ le minsoñgi mimbe+ mi* biloñ mi kwoo,

a ôbôs bipék* matén ma bé hek.+

11 Ndi makidik ma* Yéhôva m’a nom i boga ni boga;+

yak mahoñol ma ñem wé m’a héñha bé tjai ndi tjai.

12 Loñ i i mbégés Yéhôva kiki Nyambe wap i yé maséé,+

litén a mpohol le li ba ngababum yé.+

13 Nyoo ngii nyen Yéhôva a mbéñgne hisi;

a ntehe bon ba bôt+ bobasôna.

14 Nyoo homa wé liyééne

nyen a mbéñgne bôt bobasôna ba nyééne hana ’isi.

15 Nyen a ñungus miñem mi bôt bobasôna;

a nwan minson+ nwap nwominsôna.

16 Ntôñ gwét nkeñi+ bé won u ntohol kiñe,

to ngandak ngui bé yon i ntohol mpémba mut.+

17 U bôdôl bañ hosi ñem inyu yémbél gwét, i ga wéha we nyuu;+

ngui yé ikeñi i nla bé sôñ mut.

18 Nuna-ki! Yéhôva a* ntat ba ba nkon nye woñi,+

a tadak ba ba mbem loñge yé ñem,*

19 inyu sôñ bo* le ba wo bañ,

ni inyu tééda bo i niñ i ngéda njal.+

21 Miñem nwés mi nkon maséé inyu mam a bi boñ,

inyule di mbôdôl jôl jé lipubi ñem.+

22 A Yéhôva, loñge yoñ ñem* i ba ni bés,+

hala kiki di nwaa bé bem we.+

34 M’a bégés Yéhôva ngéda yosôna;

bibégés gwé bi ga ba mu bibép gwem hiki ngéda.

 2 M’a kadba inyu Yéhôva;+

bôt ba suhulnyuu ba ga nok hala, ba kon ki maséé.

 3 Béghana Yéhôva lôñni me;+

di ti jôl jé lipém ntôñ.

 5 Masu ma bôt ba ba bi nun nye, ma bi bai;

kekikel, ba ga wo bé nyuu.

 7 Añgel i Yéhôva i nkéña ba ba nkon nye woñi,+

i nsôñ ki bo.+

 8 Noodana, ni tehe le Yéhôva a yé loñge;+

i mut nu a nsolbene i nyeni a yé maséé.

 9 A bé bapubhaga bobasôna, kona Yéhôva woñi,

inyule i bôt bobasôna ba nkon nye woñi ba nhañ bé to yom.+

10 Njal i bi gwel yak mimpémba mi bon ba mbondo njéé,*

ndi loñge yom to yada i ga héñél bé ba ba nyéñ Yéhôva.+

11 A bon bem, lona, emblana me;

m’a niiga bé kii i yé i kon Yéhôva woñi.+

12 Njee mut ipôla nan a gwé ngôñ i bana niñ nlam,

a gwéhék ki niñ loñge inyu ngandak dilo?+

13 Jon, tat hilémb hioñ le hi pot bañ mam mabe,+

bibép gwoñ bi pot bañ ni mandon.+

14 Kôm béba mbus, ndi boñ loñge,+

yéñ nsañ, u noñ ki wo.+

15 Mis ma Yéhôva ma yé i ngii bôt ba téé sép,+

yak maôô mé ma ñemble nlondok+ wap.

16 Ndi su u Yéhôva u nkolba bôt ba mboñ mam mabe,

ba ga wo, mut to wada a ga hoñol ha bé bo hana ’isi.+

17 Bôt ba téé sép ba bi lond, yak Yéhôva a emble+ bo;

a sôñ bo mu bikuu+ gwap gwobisôna.

18 Yéhôva a yé bebee ni ba ba nok njôghe i ñem;+

a ntohol ki ba ba nimis makénd.*+

19 Mut a téé sép a gwé ngandak manoodana,*+

ndi mu manoodana ma momasôna, Yéhôva a nsôñ nye.+

20 Nyambe a ntééda bihés gwé gwobisôna;

to yada i mbugi bé.+

21 Kuu i ga nol béba mut;

ba ba ñoo mut a téé sép ba ga kôhna mbagi nôgôs inyu béba yap.

22 Yéhôva a nkobol* bagwélél bé;

nu ni nu a nsolbene i nyeni a ga kôhna bé mbagi nôgôs.+

 2 Yoñ man woñ ben* ni ben yoñ ikeñi;+

telep ki, u sôñ+ me.

 5 Ba yila kiki bikôgôô* le mbebi i nkena;

añgel i Yéhôva i luhul+ bo.

 6 Jiibe li kôp mu njel yap, njel yap i sendi ki

i ngéda añgel i Yéhôva i noñ bo.

 7 To hala kiki me nyumbla bé bo, ba nsôô pése inyu gwel me;

ba ntimil ki me* bee.

 8 Tjiba i puhe bo,

yak pése ba bi sôô i gwel bo;

ba kwoo mu, ba tjiba+ ki.

 9 Ndi me m’a kon maséé inyu mam Yéhôva a bi boñ;

m’a hak inyule a bi tohol me.

Wen u ntohol ba ba gwé bé nhôla i moo ma bôt ba nloo bo ngui;+

ñ, u ntohol ba ba gwé bé nhôla ni diyeyeba i moo ma bôt ba nkadal gwom gwap.”+

11 Bôt ba mbôgi ba ba gwé mahoñol mabe ba nlo me i bisu,+

ba ômôk me minsohi inyu mam me nyi bé.

12 Me mbôñôl bo loñge ndi ba ntimbhe me béba,+

hala a ntééñga me ngandak;

13 ki le i ngéda ba bé kon, me bé me haba nsugut;

me bé sôga je* inyule me bé nok ndutu.

I ngéda me bé soohe, ndi me kôhna bé ndimbhe,*

14 me bé ke wengoñle me ñee liwanda jem tole mankéé;

me hôdbak inyu ngandak njôghe kiki mut nu a ñee nyañ.

15 Ndi i ngéda me bi baage, ba bi kon maséé, ba kodba;

bobasôna ba amb me inyu pendee me;

ba ñôbôs me jôl ibabé waa.*

16 I bôt ba nti bé Nyambe lipém ba nol me hiol,*

ba njél me masoñ.+

Sôñ me* i ngéda ba njôs+ me;

tohol me* i moo ma bon ba mbondo njéé.*+

18 Ha nyen m’a ti we mayéga ikété likoda likeñi;+

m’a bégés we ikété limut li bôt.

19 U nwas bañ le i bôt ba ñoo me ngi njom ba kon maséé ni ndutu yem;

u neebe bañ le ba ba ñoo me yañga+ ba nigna ni mis lôñni mahoñol mabe.+

20 Inyule ba mpot bé bibañga bi nsañ,

ndi i bôt ba niñ ni nsañ ikété loñ,+ ba nhégél bo bipék bibe.

21 Ba nahal manyo map inyu soman me,

ba kalak le: “Hiino! Hiino! Mis més ma mal tehe i mam ma.”

23 Tôde, telep ki, u sôñ me;

éé a Yéhôva Nyambe wem, sôñ me munu nkaa wem.

24 Éé a Yéhôva Nyambe wem, kéés me inoñnaga ni telepsép+ yoñ,

baoo bem ba kon bañ maséé inyu ndutu yem.

26 Bobasôna ba kon hison, ba wo ki nyuu,

ba ba nkon maséé ni ndutu yem.

27 Ndi ba ba nkon maséé le me téé sép ba leñ diléla;

ba kal i ngéda yosôna le:

28 Ha nyen hilémb hiem hi ga añal* telepsép yoñ,+

hi ga bégés ki we kel yosôna.+

 2 I mis mé, a ntehe le a yé nseñ ngandak,

kayéle a ntehe bé liboñok jé libe, a ñoo bé to jo.+

 3 Bibañga bi nyo wé bi yé bibe, bi yôni ki ni mandon;

a gwé ha bé pék i mbéda inyu boñ loñge.

A nkil mu njel i ta bé ilam;

a ntjôô bé béba.

 5 A Yéhôva, loñge yoñ ñem* i mpam letee ni i ngii,+

libak joñ li maliga li mpam letee ni i ond.

 6 Telepsép yoñ i yé kiki dikôa dikeñi;*+

bikééhene gwoñ bi yé kiki ngandak malép i i yé ndip.+

 8 Ba nje, ba nuu mam ma nlôôha malam* ma ndap yoñ,+

u nyus ki bo mu lép u maséé+ moñ.

 9 Lingen li niñ+ li yéne i weeni;

mu mapubi moñ nyen di ntehe mapubi.+

10 Ba ba nyéñ we,+ téñbe i unda bo loñge yoñ ñem;*

yak ba ba gwé miñem mi maliga,+ téñbe i unda bo telepsép yoñ.

12 Béñge i homa baboñbéba ba nkwél;

ba mbes bo ’isi, ba nla ha bé telep.+

37 Liyot li gwel bañ we* inyule u ntehe bibéba bi bôt,

u tam bañ to i mam baboñbéba+ ba mboñ.

 2 Ba ga pala wo kiki bikai,+

ba ga yuyi kiki bikai bi bi yé yômi.

 3 Bôdôl Yéhôva ñem, u boñ ki loñge;+

yén mu ’isi,* u ba ki maliga.+

 4 Yéhôva a bane we lingoñoo,*

ha nyen a ga ti we i mam ma nkon we* ngôñ.

 5 Nwas le Yéhôva a éga we;*+

bôdôl nye ñem, ha nyen a’ hôla we.+

 6 A ga boñ le telepsép yoñ i bai kiki mapubi ma maye ma kel,

yak libak joñ li maliga li bai kiki hiañgaa hi kosi.

 7 Mom nwee i bisu bi Yéhôva,+

u waa bañ to bem* nye.

Liyot li gwel bañ we

i ngéda u ntehe mut a mboñ mam mabe+ a gwé ngôñ i boñ.

 8 Nwas hiun, u tjôô ki kundul;+

liyot li gwel bañ we, tiga le hala a tinde we i boñ béba.*

 9 Inyule baboñ mam mabe ba ga tjiba,+

ndi ba ba mbôdôl Yéhôva ñem ba ga kôdôl hisi.+

10 Ndék ngéda ndigi, bibéba bi bôt bi ga ba ha bé;+

ñ, u ga béñge i homa ba bé,

ndi u ga tehe ha bé bo.+

11 Ndi bôt ba suhulnyuu ba ga kôdôl hisi,+

ba nok ki lingoñoo inyu ngandak nsañ.+

12 Béba mut i ñuune mut a téé sép jimb;+

i njél nye masoñ.

13 Ndi Yéhôva a ga nol béba mut hiol,

inyule a nyi le ndék ngéda wee a ntjiba.+

14 Bibéba bi bôt bi nsodol paminsoñ yap, bi nimbil* ki mimpihlôñgô nwap,

inyu tjé bôt, bôt bape ba ntét, ni diyeyeba,

inyu nol ba ba téé sép.

15 Ndi miñem nwap nwomede nwon paminsoñ yap i ga tôp;+

mimpihlôñgô nwap mi ga bugi.

16 I ndék yom mut a téé sép a gwé

i yé nseñ iloo lingwañ li ngandak bibéba bi bôt.+

17 Inyule ngui i bibéba bi bôt i ga tjiba,*

ndi Yéhôva a ga lédés bôt ba téé sép.

18 Yéhôva a nyi i mam bôt ba ngi nsohi ba mboma,*

yak ngababum yap i ga nom i boga ni boga.+

19 Ba ga wo bé nyuu i ngéda bikuu;

ba ga bana ngandak bijek i ngéda njal.

20 Ndi bibéba bi bôt bi ga tjiba;+

kiki bikai bilam bi nwo, hala nyen baoo ba Yéhôva ba ga wo;

ba ga nyoi kiki hiida.

21 Béba mut i mpoo, ndi i ntimbis bé,

ki le mut a téé sép a nkap,* a ban-ga ñem ngôô.+

22 I bôt Nyambe a nsayap ba ga kôdôl hisi,

ndi i bôt a ntiihe ba ga tjiba.+

23 I ngéda maboñok ma mut+ ma* nlémél Yéhôva,

a ñéga* mabal mé.+

24 To ibale a mbaage, a ga kwo bé ’isi,+

inyule Yéhôva a gwé nye i woo.*+

25 Me bé mañge, nano me ñun,

ndi me maa bé tehe Nyambe a ntjôô mut a téé sép,+

to tehe bon bé ba nyagal bijek.*+

26 Mut a téé sép a yé maséé i pôôs bôt bape+ to imbe ngéda,

yak bon bé b’a kôhna bisai.

27 Kôm béba mbus, u boñ ki loñge,+

ha nyen u ga niñ i mba ni mba.

28 Inyule Yéhôva a ngwés telepsép,

a ga tjôô bé ba ba tiñi ni nye.+

A ga tééda+ bo ngéda yosôna;

ndi mbôda i bibéba bi bôt i ga tjiba.+

29 Bôt ba téé sép ba ga kôdôl hisi,+

ba niñ ki mu i boga ni boga.+

30 Nyo u mut a téé sép u mpémés bibañga bi pék,*

yak hilémb hié hi mpot mam ma téé sép.+

31 Mbén Nyambe i yé mu ñem+ wé;

a ga piñgla bé.*+

32 Béba mut i nhes mut a téé sép,

a yéñék nol nye.

33 Ndi Yéhôva a ga tjôô bé mut a téé sép+ i moo ma béba mut,

to pémhene nye mbagi nôgôs i ngéda a ga kéés nye.+

34 Bôdôl Yéhôva ñem, u kil ki mu njel yé,

ha nyen a ga ti we nsima* le u kôdôl hisi.

35 Me bi tehe béba mut, ni béba yé ñem

a yôgi kiki e yômi ikété hisi hilam.+

36 Ndi kunda yada, a bi tagbe, a bé ha bé ha;+

me bi yéñ nye letee, ndi me bi tehe bé nye.+

37 Yimbe mut nu a yé ngi nsohi,

u waa bañ béñge mut nu a téé sép,+

inyule nsañ won u mbem i nya mut i.+

38 Ndi babôkmbén bobasôna ba ga tjiba;+

bibéba bi bôt bi ga ba ha bé.

39 Tohi i bôt ba téé sép i nlôl yak Yéhôva;+

a yé lisolbene jap li ngui i ngéda bikuu.+

a ga sôñ bo i moo ma bibéba bi bôt, a tohol ki bo

inyule ba nsolbene i nyeni.+

38 Éé a Yéhôva u kônd bañ me ikété hiun hioñ,

u kodol bañ to me ikété kundul+ yoñ.

 2 Inyule makoñ moñ ma njôp me i nyuu,

yak woo woñ u nyidil me.+

 4 Inyule mahôha mem ma yé i ngii ño+ wem;

kiki mbegee i i nyét, me nla bé begee mo.

 5 Inyu bijôñ gwem,

mambabaa mem ma numb béba, ma mbol ki.

 6 Nduña i yé me nnayak, hala a nwéés me kiyaga;

me nhiôm kel yosôna ni nduña i ñem.

 7 Me nok lék ikété yem;*

nyuu yem yosôna i nkon.+

 8 Njôghe yem i nai, i nyugut mensôna;

nduña i ñem wem i mboñ le me bégél.*

 9 Éé a Yéhôva, u nyi mam momasôna ma nkon me ngôñ,

u nok yak miñumnde nwem nwominsôna.

10 Ñem wem u mbép ni ngui, ngui yem i mal,

mapubi ma mis mem ma nlém.+

11 Mawanda mem ni basolôñ bem ba nkeñgle me inyu mambabaa mem,

yak mawanda mem ma ñem nyuu ma nke me haa.

12 Ba ba nyéñ niñ yem ba ñémbél me tjandi;

ba ba nyéñ boñ me béba ba nkal le ba ga tjé+ me;

kel yosôna, ba nhoñol ndigi mandon.

13 Ndi kiki mut nu a yé ndok, me noga bé;+

nlélém kiki mut nu a yé mbuk, me nyibil bé nyo.+

14 Me nyila kiki mut nu a noga bé,

nu nyo wé u gwé bé jam i kal inyu sôñ nyemede.

15 Inyule wen me mbem,+ a Yéhôva,

u ga timbhe me, a Yéhôva Nyambe+ wem!

16 Inyule me bi kal le: “Ndutu yem i kônha bañ bo maséé,

ba bédél bañ me inyule kôô wem u nsendi.”

17 Inyule me bé bebee ni kwo,

me nogok njôghe+ hiki ngéda.

18 Me bi pahal liboñok jem libe;+

béba+ yem i bé tééñga me.

19 Ndi babala bem ba gwé ngui,* ba bak mimpémba,*

ba ba ñoo me ngi njom ba mbôl.

20 Me mbôñôl bo loñge ndi bo ba ntimbhe me béba;

ba bé kolba me inyule me bé waa bé boñ loñge.

22 Lo pala hôla me,

éé a Yéhôva, ntohol+ wem.

39 Me bi kal le: “M’a yoñ yihe ni maboñok mem,

le me boñ bañ béba ni hilémb+ hiem.

M’a kañ nyo wem ni nkôô,+

ntel wonsôna béba mut i yé i bisu gwem.”

 2 Me bi kwo mbuk, me mom ki nwee;+

me bé pot bé to jam, to jam lilam yaga,

ndi me nogok njôghe ngandak.*

 4 “Éé a Yéhôva, hôla me i yi lelaa lisuk li niñ yem li ga ba,

ni i yi nsoñgi u dilo+ tjem,

inyu boñ le me yi le niñ yem i yé kidik.*

 5 Ibabé pééna, u bi boñ le dilo tjem di ba ndik ndék;*+

yak dilo tjem di niñ di yé yañga i bisu gwoñ.+

 9 Me bi kwo mbuk;

me bé la bé yibil nyo,+

inyule wen u bi boñ i jam li.+

11 U nôgôs mut le ndi u kodol nye inyu hihôha+ hié;

kiki masek, u nkoñ i gwom a ndiihe.

12 Éé a Yéhôva, emble masoohe+ mem,

sédne me ôô i ngéda me nlôndôl we.

Inyu yoñ, me yé ndigi nkén mut,+

mut a nke liké nu a ntagbe,* kiki yak basôgôlsôgôl+ bem bobasôna ba bé.

13 U nun bañ me ni mis mabe le ndi me témb me bana makénd

ilole me ntjiba, ilole me mba ha bé.”

40 Me bi waa bé bôdôl Yéhôva ñem,

a sédne me ôô,* a emble ki nlondok+ wem.

 2 A bi bédés me i bee i hundul,

a héya me i ndobo.

A téé makôô mem i ngii liaa;

a boñ le me* piñgla bañ.

 3 A bi ha hiémbi hi mondo i nyo+ wem,

hiémbi hi bibégés inyu Nyambe wés.

Ngandak bôt i ga béñge i jam li, i tinak Yéhôva lipém,

i ga bôdôl ki nye ñem.

 4 I mut a mbôdôl Yéhôva ñem a yé maséé,

nu a noñ bé bôt ba ndok ni ba ba nhémle bitembee.*

 5 A Yéhôva Nyambe wem,

kinje ngandak mam u bi boñ,

minson nwoñ mi hélha ni mahoñol moñ inyu yés!+

Mut to wada a nla bé ba kiki we,+

ibale me noodege añal minson nwoñ ni pot nwo,

ki mi nlôôha ngandak kayéle mi nla bé añlana!+

 6 U bééna bé ngôñ*+ ni sesema to ni likébla,

ndi u bi yibil maôô mem le me emble+ we.

 8 A Nyambe wem, me yé maséé i boñ sômbôl yoñ,+

yak mbén yoñ i yé toi ikété ñem wem.+

Nun-ki! Me nyip bé nyo,*+

a Yéhôva, wemede u nyi yaga hala.

Mahôha mem ma nyamb mayoo kayéle me nla ha bé tehe njel+ yem,

ma mbôl iloo tjôñ di ño wem,

kayéle me nimis makénd mem.

14 Ba bobasôna ba nyéñ nol me*

ba wo nyuu, ba kon ki hison,

ba bobasôna ba nséé i ngéda bikuu bi nkwél me,

ba témb ni mbus, ba kon ki hison.

16 Ndi ba bobasôna ba nyéñ we,+ a Nyambe,

ba hak, ba kônôl ki we maséé.+

17 Ndi me gwé bé nhôla, me nyep ki;

éé a Yéhôva, soho yoñ ngéda ni me.

Wen u yé nhôla+ wem ni ntohol wem;

a Nyambe wem, u tiñha bañ.+

41 I mut a nhôla hiyeyeba+ a yé maséé;

Yéhôva a ga sôñ nye i kel bikuu.

Ba ga kal le a yé maséé hana ’isi;+

kekikel, u ga ti bé nye i moo ba baoo+ bé le ba boñ nye to kii ba ngwés.

 3 Yéhôva a ga nit nye i nañi yé kon;+

i ngéda a nkon, u ga tééda nye loñge.*

A nyéñ ndik jam libe a nla añle bôt bape;*

i mbus, a nke, a tôô jo homa nyensôna.

 7 Ba bobasôna ba ñoo me ba nsoogana bo ni bo;

ba ñuune me jimb, ba kalak le:

 8 “Jam libe li nkwél nye;

nano le a nkwo ’isi, a ga telep ha bé.”+

 9 Yak liwanda jem li ñem nyuu, li me bôdlak ñem,+

nu me ni nye di bé je ntôñ,* a mpa tindi yé inyu kolba me.*+

10 Ndi we, éé a Yéhôva, kônôl me ngoo, u téé ki me,

inyu boñ le me timbhe bo inoñnaga ni maboñok map.

12 Ndi me, u nit me, inyule me yé ngi nsohi;+

u ga téé me i bisu gwoñ i boga ni boga.+

13 Yéhôva, Nyambe nu Israel, a kôhna bibégés

i boga ni boga.*+

42 Kiki ñin ngôlôñ u nlôôha bana ngôñ ni malép,

hala nyen me nlôôha bana ngôñ ni we a Nyambe.

 3 Gwiiha gwon bi yé bijek gwem juu ni njamuha;

kel yosôna, i bôt ba ndegle me ba nkal me le: “Nyambe woñ a yé hee?”+

 4 Me mbigda mam ma ntagbe, me ñañle we mam momasôna,

inyule me bé ke ni limut li bôt;

me bé bôk jo i bisu* inyu ke i ndap Nyambe,

di leñek diléla, di tinak Nyambe mayéga,

bés limut li bôt li li bé tégbaha ngand.+

M’a bem Nyambe,+

inyule m’a kônde bégés nye kiki Ntohol wem Nunkeñi.+

Inyu hala nyen me mbigda we,+

ibôdôl i loñ Yordan letee ni i dikôa di Hermôn,

ni ibôdôl i hikôa hi Misar.*

 7 Ndip malép i nsébél ndip malép ipe

i ngéda mapôô moñ ma nyôgbe.

 8 Njamuha, Yéhôva a ga unda me loñge yé ñem;*

yak juu, m’a tublene nye hiémbi: masoohe inyu Nyambe nu niñ yem.+

10 Baoo bem ba nol me hiol ni ñem mbe;*

ba ndegle me kel yosôna, ba kalak le: “Nyambe woñ a yé hee?”+

M’a bem Nyambe,+

inyule m’a kônde bégés nye kiki Ntohol wem Nunkeñi ni Nyambe wem.+

43 Kéés me, a Nyambe,+

pémhene me mbagi sép mu hop me gwé+ ni litén li li ndogbene we.

 3 Om mapubi moñ ni maliga moñ,+

le ma éga me;+

le ma kena me letee ni i hikôa hioñ hipubhaga ni i lap yoñ ikeñi.+

 4 Ha nyen m’a lo i juu joñ li bisesema, a Nyambe,+

i weeni a Nyambe, we nu u yé maséé mem ma mbuma ñañ.

M’a bem Nyambe,+

inyule m’a kônde bégés nye kiki Ntohol wem Nunkeñi ni Nyambe wem.+

44 A Nyambe, di bi nok ni maôô més,

basôgôlsôgôl bés ba bi añle bés+

i mam u bi boñ i dilo tjap,

behee yaga.

 2 U bi luhul biloñ+ ni woo woñ,

le ndi basôgôlsôgôl bés ba yééne mu.+

 3 Pansoñ yap bé yon i bi boñ le ba yoñ loñ,+

woo wap bé to won u bi boñ le ba yémbél.+

Ndi woo woñ walôm won u bi boñ hala, ni nam+ yoñ, lôñni konangoo yoñ,*

inyule u bi gwés bo.+

 4 U yé Kiñe yem, a Nyambe;+

ti oda le* Yakôb a yémbél* i nya i mbuma ñañ.

 5 Ni ngui yoñ nyen di ga boñ le baoo+ bés ba témb ni mbus;

ni jôl joñ nyen di ga tidbe ba ba ntelbene bés.+

 6 Inyule me mbôdôl bé mpihlôñgô wem ñem,

to pansoñ yem i nla bé tohol me.+

 7 Wen u bi tohol bés i moo ma bakolba+ bés,

we ki nyen u bi wéha baoo bés nyuu.

 8 A Nyambe, di ga bégés we kel yosôna,

di ga ti ki jôl joñ lipém i boga ni boga. (Selah)

 9 Ndi nano, u ntjôô bés, u wéha ki bés nyuu,

u nke ha bé ni mintôñ nwés mi gwét.

10 U mboñ le di kee bakolba bés ngwéé;+

ba ba ñoo bés ba nyoñ to bimbe gwom ba ngwés.

11 U bi ti bés i moo ma baoo bés le ba je bés kiki mintômba;

u nwas le di tjama ikété biloñ.+

12 U nuñul bôt boñ bebee le yañga;+

u nkôhna bé nseñ wo ki wo mu nyuñga i.*

13 U nwéha bés nyuu i bisu bi bôt bés ba libôk,

u yilha bés yom minjôha ni yom diyana inyu ba ba nkéña bés.

14 U nyilha bés yom mandegle* ikété biloñ,+

yom i i mboñ le bôt ba peghe miño.

15 Me nkon hison kel yosôna,

me nwo nyuu kiyaga*

16 i ngéda me nok mandegle map ni bisol gwap,

inyule ñoo wés a mpun nyemede.

17 I mam mana momasôna ma bi pémél bés, to hala di bi hôya bé we,

di bôk bé to malômbla+ moñ.

18 Ñem wés u bi yoñ bé njel ipe;

to mabal més ma bi nyodi bé mu njel yoñ.

19 Ndi u bi nyagat bés i homa dibaa di njéé di nyééne;

u hô ki bés ni ngangañ jiibe.

20 Ibale di hôya jôl li Nyambe wés,

tole di sambal moo més inyu soohe nkén nyambe,

21 baa ki Nyambe a nyi bé hala?

22 Inyu yoñ nyen ba nôlôl bés kel yosôna;

ba mbéñge bés kiki mintômba le mi nlama nôla.+

25 Inyule ba bi leñ bés i lipum li biték;

di* niñi ’isi,+ ngui yés i mal.

 3 A mpémba mut,+ téñ pansoñ+ yoñ i bôbôk,

haba lipémba joñ ni bikeñi+ gwoñ.

 4 Ikété lipém joñ, ke yémbél*+ baoo boñ;

kee ni hosi yoñ inyu sôñ maliga, suhulnyuu ni telepsép,+

woo woñ walôm u ga boñ* mam ma mbuma ñañ.

 5 Makoñ moñ ma nhoo, ma nkwés ki matén i bisu gwoñ;+

ma ntôp miñem mi baoo ba kiñe.+

 6 Nyambe a nti we ane* i boga ni boga;+

ntoñgo woñ ane u yé ntoñgo u telepsép.*+

 8 Mambot moñ momasôna ma numb mire, ni alôé lôñni kasia;*

ba nlémés ndap kiñe ni mañ mi njok, nyoo nyen bikôkôda bi manganda bi nôga, bi kônhaga we maséé.

10 Emble me a ngond yem, béñge, u sédne ki me ôô;

hôya litén joñ, ni ndap isoñ.

11 Ha nyen kiñe i ga gwés we inyu bilama gwoñ,

inyule a yé nwet woñ,

jon ôôp i bisu gwé.

12 Ngond Tir i ga lona likébla;

i bôt ba nlôôha ba mingwañ ba ga yéñ lémél we.*

13 Ngond kiñe i yé mu ndap kiñe,* i gwé ngandak lipém;

ba nlémés* mambot mé ni gôl.

15 B’a kena bo, ba bak maséé, ba hagak;

b’a jôp i ndap kiñe.

46 Nyambe a yé lisolbene jés ni ngui+ yés,

di nla hoo kôhna mahôla mé i ngéda bikuu.+

 2 Inyu hala nyen d’a kon bé woñi, to ibale hisi hi nhéñha,

to ibale dikôa di nkuuba, di kwo ikétékété tuye,+

 3 to ibale malép ma tuye ma nkônd, ma ômôk,+

to ibale dikôa di nyeñg inyule malép ma tuye ma nkumb. (Selah)

 4 Lom wada a yé, nu diléléba tjé di nkônha tison Nyambe maséé,+

lap ikeñi ni homa mpubhaga nu Nungingii.

 6 Biloñ bi bi nyiñgha, biane bi tjiba;

Nyambe a pot makeñi, hisi hi nyimbi.+

 7 Yéhôva nu mintôñ mi gwét a yé ni bés;+

Nyambe nu Yakôb a yé bañga yés lisolbene.* (Selah)

 8 Lona, ni béñge minson mi Yéhôva,

ni béñge lelaa a mboñ mam ma hélha hana ’isi.

A mbôk mpihlôñgô, a nyugut ki likoñ;

a ntjé bikak bi gwét* ni hié.

Biloñ bi ga ti me lipém;+

hisi hi ga ti me lipém.”+

11 Yéhôva nu mintôñ mi gwét a yé ni bés;+

Nyambe nu Yakôb a yé bañga yés lisolbene.+ (Selah)

 2 Inyule Yéhôva Nungingii a nkônha woñi;+

a yé Kiñe ikeñi i hisi hiosôna.+

 3 A nsuhus matén isi yés;

a mbii ki biloñ isi makôô+ més.

 4 A mpohlene bés ngababum,+

yon i yé lipém li Yakôb, nu Nyambe a ngwés.+ (Selah)

 5 Nyambe a bi bet i homa wé, litén li leñek diléla;

Yéhôva a bi bet i homa wé, litén li hemek hioñ.*

 7 Inyule Nyambe a yé Kiñe i hisi hiosôna;+

tôba tjémbi di bibégés, ni unda ki le ni gwé pék.

 9 Baane ba matén ba bi kodba

ni litén li Nyambe nu Abraham.

48 Yéhôva a yé nkeñi, a kôli yaga le ba bégés nye

ikété tison i Nyambe wés, mu hikôa hié hipubhaga.

 2 Hikôa Siôn hi yéne i pes ñombok,

hi yé hilam nyoo i homa hi nyôgne, hi nkônha ki hisi hiosôna maséé,+

hi yé tison i Kiñe ikeñi.+

 3 Ikété minkum nwé mi mandap,

Nyambe a ñunda* bôt le a yé bañga lisolbene.*+

 4 Inyule nuna-ki, bikiñe bi nkodba;*

bo bana ba nke ntôñ.

 6 Nyoo nyen ba bi bôdôl sehla,

ba nogok njôghe kiki muda a nkôôga.

 8 I mam di bi nok, mon bésbomede di ntehe nano

ikété tison i Yéhôva nu mintôñ mi gwét, mu tison i Nyambe wés.

 9 A Nyambe, ikété témpel yoñ,

di nhoñol loñge yoñ ñem.*+

10 A Nyambe, kiki jôl joñ, bibégés gwoñ

bi mpam letee ni i masuk ma ’isi.+

11 Hikôa Siôn+ hi kon maséé,

bitison* bi Yuda bi hak inyule u mpémés mbagi i téé sép.+

12 Kena mu mapañ ma tison Siôn, kiiñana ki yo;

soñglana minkum nwé mi mandap.+

Wana ki minkum nwé mi mandap,

inyu boñ le ni yik añle tjai tjodisôna i jam li.

A bé bobasôna ba ni nyééne hana ’isi,* sédna maôô,

 2 yak gwañga bi bôt ni bañga bôt,*

yak mingwañ mi bôt ni diyeyeba.

 3 Nyo wem u ga pot bibañga bi pék,

mahoñol ma ñem wem+ ma ga ba nyonok ni yi.

 4 M’a sédi ôô inyu emble ngén;

m’a toñol bipôdôl bi bi nlet i nok,* me kôdôk hiluñ.

 5 Inyuki m’a kon woñi i ngéda bikuu,+

i ngéda béba* i bôt ba nsômbôl kwés me ’isi i nkéña me?

 6 Ba mbôdôl lingwañ+ jap ñem,

ba ngôgbak inyu ngandak yap nkus,+

 7 to wada wap a ta bé le a kobol manyañ wap,

to ti Nyambe binoñ inyu yé,+

 8 (binoñ* ba nlama ti inyu biniñ* gwap bi nhee diye ngandak,

kayéle ba ga la bé saa gwo);

 9 ba nla bé kobol manyañ wap, le ndi a niñ i boga ni boga, a tehe bé to soñ.*+

10 Hiki mut a ntehe le yak bôt ba pék ba nwo;

jôñ mut ni mut nu a gwé bé pék ba ntjiba ntôñ,+

ba ga yigle bôt bape lingwañ jap.+

11 Ba gwé ngôñ le mandap map ma nom i mba ni mba,

yak bilap gwap bi nom mu tjai tjap tjodisôna.

12 Ndi to ibale mut binam a nkôhna lipém, a ga niñ bé;+

nye ni binuga bi bi nwo ba nloona bé.+

13 Hala nyen lisuk li bijôñ bi bôt+ li yé,

yak i bôt ba noñ bo, ba ba ngwés ba ñemble biyôglô bi mam ba mpot. (Selah)

Nyemb i ga éga bo kiki ntééda mintômba;

kegla, bôt ba téé sép ba ga énél bo.+

Ba ga séha, ba ga léba ha bé bo to homa;+

yale bé yon i ga ba ndap+ yap, ndi Soñ.*+

15 Ndi Nyambe a ga kobol me i moo ma* Soñ,*+

inyule a ga sôñ me. (Selah)

16 U kon bañ woñi inyule mut a nyila ngwañ,

inyule nkus u ndap yé u nkônde keñep,

17 inyule i ngéda a nwo, a ga kena bé to yom;+

a ga sôhna bé to nkus wé i soñ.+

20 I mut a nok bé i jam lini, to ba nti nye lipém,+

nye ni binuga bi bi nwo ba nloona bé.

50 Yéhôva,+ Nyambe nu banyambe,* a mal pot;

a nsébél hisi hiosôna,

ibôdôl i homa hiañgaa hi mpémél letee ni i homa hi nañle.*

hié hi hi nlighana hi yé i bisu gwé,+

mbuk mbebi nu a nhôñ ni ngui a nkéña nye.+

 4 A nsébél ngii ni hisi,+

inyu kéés litén jé.+ A nkal le:

 5 “Koda bagwélél bem le ba loo me ipañ,

ba ba nlômbla ni me ni njel sesema.”+

 6 Ngii i ñañal le Nyambe a téé sép,

inyule Nyambe nyemede nyen a yé Nkéés.+ (Selah)

 7 “A bôt bem, emblana me, m’a pôdôs bé;

a Israel, m’a ôm we nsohi,+

me yé Nyambe, Nyambe woñ yaga.+

 8 Me nkônd bé we inyu bisesema gwoñ,

to inyu bisesema gwoñ bi ntul i hié, bi bi yé i bisu gwem ngéda yosôna.+

 9 Me gwé bé ngôñ i yoñ nlôm nyaga mu ndap yoñ,

to balôm ba kembee* mu bibémba gwoñ.+

10 Inyule binuga bi bikai gwobisôna bi yé gwem,+

yak bilém bi bi yé mu dikôa tjodisôna.*

11 Me nyi dinuni di dikôa tjodisôna;+

yak binuga bi bikai bi bi gwé bé nsoñgi bi yé gwem.

12 Ibale njal i bak i gwé me, ki me nkal bé we hala,

inyule nkoñ ’isi wonsôna u yé wem, ni gwom gwobisôna bi yé mu.+

13 Baa m’a je minsôn mi balôm ba nyaga,

ni nyo matjél ma balôm ba kembee?+

14 Ti Nyambe mayéga, le mon ma ba sesema yoñ,+

u yônôs ki makak u bi kégél Nungingii;+

15 Sébél me i ngéda bikuu.+

“Njee a nti we kunde i sima matiñ+ mem,

to pot malômbla+ mem?

17 Inyule u ñoo maéba,*

u nwaa bé to kôm bibañga gwem mbus.*+

18 I ngéda u ntehe mut wip, a nkônha we maséé,*+

u nwaa bé to kiha ni bôt ba ndéñg.

19 U ngwélél nyo woñ inyu tjam mam mabe,

yak malôga ma édi mu hilémb+ hioñ.

20 U nyén, u kahal pot manyuñ béba;+

u nyelel bibomb bi* manyuñ nu munlôm.

21 I ngéda u bé boñ i mam ma, me bé mom nwee,

jon u bi hoñol le me bé kiki we.

Ndi nano, m’a kônd we,

m’a bambal ki i mam me ñunbene we.+

22 Soho wana i jam lini, a bé ba ni nhôya Nyambe,+

tiga le me pat bé, ni bana bé to mut nu a nsôñ bé.

23 I mut a nti me mayéga le mon ma ba sesema yé, nyen a nti me lipém,+

yak nu a ntéñbe i boñ mam ma téé,

m’a boñ le a tehe tohi Nyambe.”+

 2 Nugus yaga me inyu héya liboñok jem libe,+

u pubus ki me ni béba+ yem.

 3 Inyule me nyi toi maboñok mem mabe,

yak béba yem i yé i bisu gwem*+ hiki ngéda.

 4 Wetama nyen me bi boñ béba,+ ha mut numpe bé;

me bi boñ jam libe i mis moñ.+

Jon, u téé sép i ngéda u mpot,

u yé maliga i ngéda u nkéés.+

 5 Nun-ki! Me bi gwééne ikété béba,

me yé mboñbéba+ ibôdôl i ngéda mama yem a bi yoñ jém jem.

 6 Nun-ki! U nkon maséé ni maliga ma ma yé mut ikété ñem;+

niiga ñem wem* bañga yi.

 7 Gwélél hisôp* inyu pubus+ béba yem;

nugus me, inyu boñ le me pôp iloo libu li lisuni.*+

 8 Boñ le me nok diléla ni liyôgbe li maséé,

le ndi bihés u bi nyugut bi kon maséé.+

 9 U béñge bañ bibéba gwem,*+

sas ki maboñok mem mabe momasôna.+

10 Soho a Nyambe, boñ le me bana ñem u mpôp,+

héñha ki mahoñol mem le me téñbe ni we.+

11 U luhul bañ me i bisu gwoñ,

u héya bañ to me mbuu woñ mpubi.

12 Tiimba ti me maséé me bé nôgda i ngéda u bi tohol+ me;

tôdôl ngôñ yem i nôgôl we.*

13 M’a niiga babôkmbén manjel+ moñ,

inyu boñ le baboñbéba ba témb i weeni.

14 Éé a Nyambe, Nyambe nu tohi+ yem, u nwas bañ le me kôhna kogse inyu matjél+ me bi kôp,

inyu boñ le hilémb hiem hi añal telepsép yoñ+ ni maséé.

15 A Yéhôva, yibil bibép gwem,

inyu boñ le nyo wem u añal bibégés+ gwoñ.

16 Inyule u gwé bé ngôñ ni bisesema, ki me bak le me ti we gwo;+

u nkon bé maséé ni bisesema bi ntul i hié.+

17 Sesema i i nlémél Nyambe i yé ñem u nsiida;

a Nyambe, u ga tjél*+ bé ñem u nyodop ni ñem u nsôghe.

18 Inyu konangoo yoñ, bôñôl Siôn loñge;

u oñ ki mapénd ma Yérusalem.

19 Ha nyen u ga kon maséé ni bisesema bi bôt ba téé sép,

bisesema bi ntul i hié, ni makébla ba nti ngim;

ha nyen ba ga sem balôm ba nyaga mu ngii juu joñ li bisesema.+

 2 Hilémb hioñ hi nhoo kiki lam,+

hi ñôô jimb, hi podok ni malôga.+

 3 U ngwés béba iloo loñge,

u ngwés u mpot bitembee iloo mam ma téé sép. (Selah)

 4 U ngwés bibuk bi bi mbaabana,

a we nu u gwé hilémb hi mandon!

 5 Inyu hala nyen Nyambe a ga tjé we ngélé yada inyu yosôna;+

a ga héya we ni ngui* mu ndap yoñ libadô;+

a ga nup we, u ba ha bé munu nkoñ ’isi.*+ (Selah)

 6 Bôt ba téé sép ba ga tehe hala, ba kon ki woñi ngandak,+

ba ga nol ki we hiol,+ ba kalak le:

 7 “I mut nunu nyen a bi tjél le Nyambe a ba lisolbene jé,*+

ndi a bôdôl ngandak yé lingwañ ñem,+

a nigbene* mu bipék gwé bibe.”*

 8 Ndi me, m’a ba kiki e ôlivé ikeñi i ndap Nyambe;

loñgeñem*+ i Nyambe yon m’a bôdôl ñem i boga ni boga.

I bisu bi bagwélél boñ,

m’a bôdôl we*+ ñem inyule u yé loñge.

Ba mboñ mam mabe, yak maboñok map ma nsuñgaha ñem;

to wada wap a mboñ bé loñge.+

 2 Ndi Nyambe a yé nyoo i ngii, a béñgege bon ba bôt ba binam,+

inyu tehe too wada wap a gwé pék, inyu tehe ki too wada wap a nyéñ Yéhôva.+

 3 Bobasôna ba ntjôô njel i téé sép;

bobasôna ba mboñ mam mabe.

To wada wap a mboñ bé loñge,

to wada yaga.+

 5 Ndi ba ga kon woñi kiyaga,

ba ga sehla ngandak i nya ba maa bé sehla,*

inyule Nyambe a ga sand bihés bi bôt ba njôs we.*

I ngéda Yéhôva a ga témbna litén jé li li yé i minkôm,

i mbéda le Yakôb a séé, litén li Israel li hak.

54 Éé a Nyambe, tohol me inyu jôl+ joñ,

sôñ me*+ ni ngui yoñ.

 2 Éé a Nyambe, emble masoohe+ mem;

sédne ki bibañga bi nyo wem ôô.

 3 Inyule bakén ba bôt ba mbédél me,

yak bôt ba miñem mimbe ba nyéñ niñ*+ yem.

 4 Nun-ki! Nyambe a yé nhôla+ wem;

Yéhôva a yé ni ba ba nit me.*

 5 A ga boñ le béba i baoo+ bem i timbil bo;

inyu maliga moñ, mélés bo.*+

 7 Inyule u ntohol me mu mandutu+ mem momasôna;

m’a béñge baoo+ bem i ngéda ba ga kwo.

55 Éé a Nyambe, emble masoohe mem,+

u yan bañ minyemhe nwem i ngéda me mbat le u kon me ngoo.*+

Nduña yem i ntééñga+ me,

me nsiida ki

 3 inyu mam ñoo wem a mpot

ni inyu ndééñga i béba mut,

inyule ba nhô me ni mandutu,

ba ñoo me, ba unbenege+ me.

 4 Ñem u nsôghe+ me ngandak,

me nlôôha ki kon nyemb woñi.+

 5 Me nkon woñi, me sehlaga,

nyuu i nkôp me disuhuu.

 7 Nuna-ki, ki me nke haa,+

me yééne i ñoñ.+ (Selah)

 8 Ki me mpala ke i homa lisolbene,

haa ni mbuk mbebi, ni hiôa mbebi.”

 9 Éé a Yéhôva, lona yubda ipôla yap, u kwés ki minsoñgi nwap,*+

inyule me bi tehe bisañ* ni mindañ mu tison.

10 Juu ni njamuha, ba nkiiña mu ngii mapénd ma tison;

béba i yé mu tison, yak i bôt ba nyééne mu ba yé bibéba bi bôt.+

11 Bikuu bi nkwél tison;

hiki ngéda, ba ntééñga bôt, ba lôgôk bo i mbamba.+

12 Inyule ñoo bé nyen a nsol me;+

ibale hala, ki me nhônba.

Mbala bé nyen a ntelbene me;

ibale hala, ki me nsolop nye.

13 Ndi wen u mboñ me hala, we mut* kiki me,+

liwanda jem li me nyi loñge.+

14 Me ni we di bé bañga mawanda;

di kihga ni limut li bôt i ndap Nyambe.

Ba sôs ki i Soñ* yômi;

inyule mam mabe ma yéne mu mandap map ni mu miñem nwap.

16 Ndi me m’a lôndôl Nyambe,

Yéhôva a ga tohol me.+

17 Kegla ni kôkôa, yak i kosi, me nok njôghe, me siidaga,*+

ndi a ñemble me.*+

18 A’ sôñ* me i moo ma bôt ba njôs me, a ti ki me nsañ,

inyule mamut ma bôt ma nkolba me.+

19 Nyambe a ga emble, a timbhe ki bo,+

nu a ñane ibôdôl kôba ni kwañ.+ (Selah)

I bôt ba nkon bé Nyambe woñi

ba ga tjél héñha.+

20 A* bi jôs i bôt ba bé nsañ ni nye;+

a bôk malômbla+ mé.

21 Kiki ba nhoo mil bota,+ hala nyen bibuk gwé bi ne i emble,

ndi mu ñem wé, a ngwés gwét.

Bipôdôl gwé bi nkuli mbeñel mbeñel iloo môô,

ndi bi yé kiki paminsoñ i i nhoo.+

22 Bééga Yéhôva mbegee+ yoñ,

a’ nit+ we.

 2 Kel yosôna, baoo bem ba nyéñ le ba gwel me;

ngandak i njôs me ni ngôk.

 4 Me mbôdôl Nyambe ñem, me mbégés nye inyu bañga yé;

ñ, me mbôdôl Nyambe ñem, me nkon bé woñi.

 5 Kel yosôna, ba ntééñga me;

ba nhoñol ndik i boñ me béba.+

 6 Ba nsolop inyu jôs me;

ba nhes hiki homa me mbiine mabal mem,+

ba bemek le ba nol me.*+

10 Me mbôdôl Nyambe ñem, me mbégés nye inyu bañga yé;

ñ, me mbôdôl Yéhôva ñem, me mbégés nye inyu bañga yé.

12 A Nyambe wem, me nlama yônôs makak me bi kégél we;+

m’a ti we makébla inyu ti we mayéga.+

13 Inyule u bi sôñ me* i moo ma nyemb,+

u boñ ki le makôô mem ma baage bañ,+

le ndi me kil i bisu bi Nyambe, mu mapubi ma mbéyéi i bôt ba yii i niñ.+

57 Kônôl me ngoo, a Nyambe, kônôl me ngoo,

inyule me nsolbene i weeni;+

ñ, me nsolbene isi yiye i bipapai gwoñ letee mandutu ma tagbe.+

 2 Me nlôndôl Nyambe Nungingii,

bañga Nyambe, nu a nsôñ me mu mandutu mem.

 4 Njéé bôt*+ i nkéña me,

me yé nyégsaga i nañal ipôla bôt ba ba gwé ngôñ i je me,

masoñ map ma yé kiki makoñ, ma bak ki kiki makoñ ma mpihlôñgô,

yak hilémb hiap hi yé kiki pansoñ i i nhoo.+

 6 Ba bi amb pése inyu gwel makôô+ mem;

mandutu ma nyuu me.+

Baoo bem ba bi tém bee mu njel yem,

ndi bomede bon ba bi kwo mu.+ (Selah)

 7 Ñem wem u tiñi ni we, a Nyambe,+

ñem wem u tiñi ni we.

10 Inyule loñge yoñ ñem* i yé ikeñi, i mpam letee ni ingii,+

yak libak joñ li maliga li mpam letee ni i ond i ngii.

 2 Ngo miñem minan mi ntinde ndik bé i boñ mam ma téé bé sép,+

ni ngwélél ki moo manan inyu jo bisañ mu loñ+ yosôna.

 3 Bibéba bi bôt bi mboñ mam mabe* ibôdôl i ligwéak,*

ba yé ndok, ba podok bitembee ibôdôl i ngéda ba bi gwéé.

 4 Mbôñ yap i yé kiki mbôñ i nyoo;+

ba yé ndok kiki nsiñ nyoo u u nyip maôô.

 5 I nyoo ini i ga nok bé kiñ i bôt ba makañ,*

to ba ngwélél limbe likeñge inyu lôbhe yo.

 8 Ba yila kiki lilôi li li nyimbi i ngéda li nke,

ba yila kiki man nsok jém, nu a’ tehe bé hiañgaa.

 9 Ni nkoda tjé di biloo, ndi ilole dibee dinan di nôgda hié hi nlôl mu tjé,

Nyambe a ga boñ le mbuk mbebi a kena hikaha hi hi yé yômi, a kena yak hikaha hi hi nloñ.+

10 I mut a téé sép a ga kon maséé inyule a ntehe mapuna ma nkwél bibéba bi bôt;+

a ga jôwa makôô mé ikété matjél ma bibéba bi bôt.+

59 A Nyambe, sôñ me i moo ma baoo bem;+

tat me le me kwo bañ i moo ma bôt ba ntelbene me.+

 2 Sôñ me i moo ma bôt ba mboñ mam mabe,

tohol me i moo ma bôt ba bisañ.*

 3 Nun-ki! Ba ñémbél me*+ hiandi;

mimpémba mi bôt mi njôs me

ndi ba mboñ bé hala inyule me ndogop, tole me mboñ béba,+ éé a Yéhôva.

 6 Hiki kôkôa, ba ntiimba lo, ba yéñék le ba gwel me,+

ba bôhôk* kiki ngwo,+ ba kiiñaga mu tison.+

 7 Nun-ki i mam ma mpémél bo i manyo;*

bibép gwap bi yé kiki paminsoñ,+

inyule ba nkal le: “Njee a ñemble?”+

 8 Ndi we, a Yéhôva, u ga nol bo hiol;+

u ga ndegle biloñ gwobisôna.+

 9 A ngui yem, we nyen m’a béñge,+

inyule we, a Nyambe, u yé bañga yem lisolbene.*+

10 Nyambe nu a ngwés* me a ga hôla+ me;

a ga boñ le me béñge baoo bem i ngéda ba ga kwo.+

Gwélél ngui yoñ inyu ndéñgés bo;

éé a Yéhôva, ben+ yés, bes bo ’isi.

12 Inyu béba i manyo map, ni bibañga bi bibép gwap,

ba gwéla mu ngôk+ wap,

inyule ba ntiihe bôt, ba podok bitembee. (Selah)

13 Ikété hiun hioñ, tjé bo;+

ñ, tjé bo inyu boñ le ba ba ha bañ;

boñ le ba yi le Nyambe nyen a ñane i Yakôb, a ñane ki letee ni i masuk ma ’isi.+ (Selah)

16 Ndi me m’a tubul ngui yoñ hiémbi;+

kegla, m’a añal loñge yoñ ñem* ni maséé.

Inyule u yé bañga yem lisolbene,+

ni homa me nla kil ngwéé i ngéda bikuu.+

17 A ngui yem, m’a tubul we tjémbi di bibégés,*+

inyule a Nyambe, u yé bañga yem lisolbene,+ Nyambe nu a ñunda me loñgeñem.*

 4 I bôt ba nkon we woñi, ti* bo ngim yimbne

le ba so, ba keñgle ki makoñ ma mpihlôñgô. (Selah)

 5 Sôñ bés ni woo woñ walôm, timbhe+ ki masoohe més,

inyu boñ le bagwélél boñ, ba u ngwés ba tohlana.

“M’a kon maséé, m’a ti litén jem Sikem kiki ngababum,+

m’a kébha ki bo hisi mu nsôsôgô* u Sukôt.+

 7 Giléad a yé wem, yak Manasé+ a yé wem,

Éfraim a yé kôñgô* i ño wem;

Yuda a bak ntoñgo wem ane.+

 8 Môab a yé pan yem i jogop;+

m’a leñ Édôm tamb+ yem.

11 Hôla bés ikété njiiha yés,

inyule tohi i nlôl yak bôt ba binam i yé yañga.+

12 Nyambe a ga ti bés ngui,+

nye ki nyen a ga tidbe bakolba+ bés.

61 A Nyambe, emble nlondok wem,

sédi ôô le u emble masoohe+ mem.

 2 M’a lôndôl we i ngéda ñem u nsiida me,*+

me bak i lisuk li ’isi.

 3 Inyule u yé lisolbene jem,

nkum ndap nkeñi u u nsôñ me i moo ma baoo+ bem.

 4 M’a yén i ndap yoñ libadô i boga ni boga;+

m’a solbene isi bipapai+ gwoñ. (Selah)

 5 Inyule a Nyambe, u bi nok makak mem,

u ti me bum u ntéédana ba ba nti jôl joñ lipém.*+

 6 U ga ébés niñ i kiñe,+

a ga niñ ki tjai ndi tjai.

 7 A ga yén i yééne yé ane* i bisu bi Nyambe i boga ni boga,+

gwéha yoñ ni libak joñ li maliga bi sôñ nye, le ndi bi tééda nye.+

 8 Ha nyen m’a tubul jôl joñ tjémbi di bibégés* i boga ni boga,+

m’a yônôs ki makak mem hiki kel.+

62 Hodo, me mbem Nyambe ikété nwee,

tohi yem i nlôl i nyeni.+

 2 Ñ, a yé liaa jem ni tohi yem, a yé bañga yem lisolbene;*+

kekikel m’a piñgla bé, le me beha ’isi.+

 4 Ba nôgla inyu héya nye tel yé ikeñi* le ba kwés nye,

bitembee gwon bi nlémél bo.

 5 Ñ, me mbem Nyambe ikété nwee,+

inyule botñem yem i nlôl i nyeni.+

 6 Ñ, a yé liaa jem ni tohi yem, a yé bañga yem lisolbene;

m’a piñgla bé kekikel.+

 9 Bon ba bôt ba yé ndik nhébék,

bon ba bôt ba binam ba yé ndik bitembee.+

10 Ni bot bañ ñem le ni malôga nyen ni ga ba gwañ,

ni téñ bañ to miñem minan i wip inyu bana nkus.

12 A Yéhôva, we ki nyen u ñunda loñge ñem,*+

inyule u ntimbhe hiki mut inoñnaga ni maboñok+ mé.

Me* ntomb inyule me gwé yaga ngôñ ni we

mu nnumuk ’isi, hisi hinumnga, i het malép ma ta bé.+

 2 Jon me bi béñge we i homa mpubhaga;

me tehe ngui yoñ ni lipém+ joñ.

 3 Inyule loñge yoñ ñem* i nloo niñ,+

m’a* ti we lipém.+

 4 Inyu hala nyen, m’a bégés we niñ yem yosôna;

m’a soohe* i jôl joñ.

 5 Me* nuu inyule u nti me gwom bi nlôôha bilam,*

jon m’a* bégés we, me* tôbôk tjémbi di maséé.+

 6 Me mbigda we i ngii nañi yem;

me hoñlak we u wonsôna.*+

 7 Inyule u yé nhôla+ wem,

me nleñ ki diléla, me bak isi yiye i bipapai+ gwoñ.

 8 Me* tiñi ni we,

woo woñ walôm u nsôñ me.+

 9 Ndi ba ba nyéñ nol me,*

b’a sôs yaga ikété soñ.

10 B’a nôla ni pansoñ;