YÉRÉMIA

1 Bibañga bi Yérémia* bini, man Hilkia nu a bé prisi i Anatôt,+ i nkoñ u Benyamin. 2 Lipôdôl li Yéhôva li bi lôl Yérémia i dilo di Yôsia,+ man Amôn,+ kiñe Yuda, i nwii mi nyônôs 13 mi ane yé. 3 Li bi lôl ki Yérémia i dilo di Yéhôyakim,+ man Yôsia, kiñe Yuda, letee ni i nwii mi nyônôs 11, i lisuk li ane i Sédékia,+ man Yôsia, kiñe Yuda, letee Yérusalem a ke minkôm i sôñ i nyônôs itan.+

4 Yéhôva a pôdôs me, a kal le:

Me bi téé we mpôdôl inyu biloñ.”

 6 Ndi, me kal le: “Wee, a Nwet Bayemlikok le Yéhôva!

Me ngi yii mañge,*+ me nyi bé hop.”+

 7 Ha nyen Yéhôva a bi kal le:

“U kal bañ le: ‘Me ngi yii mañge.’

9 I mbus, Yéhôva a sambal woo, a tihba nyo wem.+ Yéhôva a kal ki me le: “Me nha bibañga gwem i nyo+ woñ. 10 Emble ki, me yé i ti we kunde i len ini, le u énél biloñ ni biane; me nti ki we kunde i nup ni i leñ ’isi, i tjé ni i bôk, i oñ ni i bel.”+

11 Yéhôva a bi témb a pôdôs me, a kal le: “Kii u yé i tehe, a Yérémia?” Me timbhe nye le: “Me yé i tehe ntjep u end i nkana.”*

12 Yéhôva a kal me le: “U ntehe loñge, inyule me yé toi péé inyu yônôs lipôdôl jem.”

13 Yéhôva a bat me inyu ngélé i nyônôs iba le: “Kii u yé i tehe?” Me timbhe le: “Me yé i tehe hibee* hi mpél,* hi sédi, nyo wé u nunuk pes ñombok.” 14 Ha nyen Yéhôva a bi kal me le:

2 Lipôdôl li Yéhôva li bi lôl me le: 2 “Ke añle bôt ba Yérusalem le: ‘Haana nyen Yéhôva a mpot:

 3 Israel a bé mpubhaga inyu Yéhôva,+ matam ma bisu ma libumbul jé.”’

‘I bôt bobasôna ba bé noode je nye, ba bééna nsohi.

Bikuu bi bé kwél ki bo,’ hala nyen Yéhôva+ a mpot.”

 5 Haana nyen Yéhôva a nkal:

 8 Biprisi bi bi top bé bat le: ‘Yéhôva+ a yé hee?’

10 ‘Yaba tuye, ni pam i biôn bi Kitim,+ ni béñge.

11 Baa ni ma nok le ngim loñ i ntjôô banyambe bé inyu ke i bégés gwom bi bi ta bé banyambe?

Ndi litén jem li nhéñha lipém jem ni gwom bi bi gwé bé mahee.+

14 ‘Baa Israel a yé ngwélél tole nkol u u bi gwéé i ndap nwet wé?

Ndi inyuki ba bi kadal nkus wé?

I nyilha loñ yé yom bilim.

Bitison gwé bi bi lék, mut nye ki nye a ta ha bé mu.

16 Bôt ba Nof*+ ni ba Tapanés+ ba njél i ngii ño woñ.

23 Lelaa u yé le u kal le: ‘Me bi nyogba bé mahindi.

Me bi gwélél bé Baal?’

Béñge njel u yé u nkil i nsôsôgô.

Wan mam u mboñ.

Njee a nla gwel wo i ngéda u nsômbôl le ba bééba wo?

Ba bobasôna ba nyéñ wo, ba ga tumbba bé.

I ngéda mabéébana,* ba ga léba wo.

Ndi u bi kal me le: ‘Nwas me nwee!+

Ndi me, ba bi kôm me mbus, ba nun ha bé me.+

I ngéda bikuu bi ga kwél bo, ba ga kal le:

‘Lo sôñ+ bés!’

28 Nano ni banyambe boñ u bi bañ ba yé hee?+

29 ‘Inyuki ni ñôm me minsohi?

Inyuki bébobasôna ni ndogbene me?’+ Hala nyen Yéhôva a mpot.

30 Me bi bép bon banan, hala a bi hôla bé bo to jam.+

Ba neebe bé bikodlene gwo ki gwo.+

31 A bôt ba hiai hini, emblana lipôdôl li Yéhôva.

Ndi litén jem li bi hôya me hala a yé ntandaa ngéda.+

33 Kinje makeñge u gwé, a muda, inyu noñ bôlôm!

U bi nigil mandon inyu boñ mam mabe.+

Matjél map ma yé ni mambot moñ momasôna.+

35 Ndi u nkal le: ‘Me yé nginsohi.

Ibabé pééna, me mpei hiun hié.’

36 Baa u nhek bé pék? Baa u ntehe bé le u ndeñg ngandak i niñ yoñ?

3 Ngim bôt i mbat le: “Ibale mut a nluhul nwaa, ndi i muda nu a ke a yila nwaa mut numpe, baa nlôm a nla témb a bii nye?”

Baa loñ yosôna i bi yila bé nyega?+

“U bi ke i ndéñg ni ngandak mimbok.+

Nano, u nsômbôl le me témb me yoñ we i meeni?” Hala nyen Yéhôva a mpot.

 2 “Pa mis, u béñge dikôa di di gwé bé bikai.

Baa homa a ngi yii nyoo le ba bi lalna bé we?

 4 Ndi nano, u nsébél me:

‘A Ta, u yé liwanda jem ibôdôl nu me yé mañge wanda.+

6 I dilo di Kiñe Yôsia,+ Yéhôva a bi kal me le: “‘Baa u ntehe jam i muda ndéñg nunu le Israel a bi boñ? A bi ke i libambe+ i ngii hiki hikôa hi nyôgi, ni isi hiki e yômi. 7 Ndi to hala, i ngéda a bi mal boñ i mam mana momasôna, me bi kal nye le a témb i meeni,+ ndi a bi tjél; Yuda a bé béñge mandon ma manyañ nu muda.+ 8 Kiki me ntehe hala, me ti i muda ndéñg nunu le Israel kaat maboha,+ me luhul ki nye inyu ndéñg+ yé. Ndi manyañ, i muda mandon nunu le Yuda, a bi kon bé woñi; yak nye a ke i libambe.+ 9 A ntehe bé le libambe jé li yé béba jam, a nhindis loñ yosôna, a kenek i ndéñg ni ngok, ni bie.+ 10 To hala kiki i mam mana momasôna ma bi pémél manyañ, i muda mandon nunu le Yuda a bi témb bé i meeni ni ñem wé wonsôna, ndik ni bihéñba,’ hala nyen Yéhôva a mpot.”

11 Ha nyen Yéhôva a bi kal me le: “Me ntehe le i muda ndéñg nunu le Israel a téé sép iloo muda mandon le Yuda.+ 12 Jon ke añal i bibañga bini i pes ñombok:+

“‘“Témb i meeni, a muda ndéñg nunu le Israel,” hala nyen Yéhôva+ a mpot.’ ‘“Me ga unbene ha bé ki we,*+ inyule me yé maliga,” hala nyen Yéhôva a mpot.’ ‘“Me ga téédana bé we hiun i boga ni boga. 13 Neebe ndik bibéba gwoñ, inyule u bi ndogbene Yéhôva Nyambe woñ. U bi kônde lal* ni bakén ba bôt* isi hiki e yômi, ndi u bi nôgôl bé me,” hala nyen Yéhôva a mpot.’”

14 “Témba i meeni, a bon ba ndok,” hala nyen Yéhôva a mpot. “Inyule men me yé bé bañga nwet;* me ga yoñ bé, mut wada a lôlak i tison yada, bôt iba i lihaa jada, me kena bé i Siôn.+ 15 Me ga ti bé batééda bémba ba ba mboñ sômbôl yem,+ ba ga ti ki bé bijek lôñni yi ni pék. 16 Ha ngéda i, ni ga gwal ngandak, ni bôl ki,” hala nyen Yéhôva+ a mpot. “Mut nye ki nye a ga pot ha bé le: ‘Nkuu Malômbla u Yéhôva!’ Mut a ga hoñol ha bé wo, mut a ga bigda ha bé wo, to ee wo, ba ga bañ ha bé to umpe. 17 Ha ngéda i, bôt ba ga sébél Yérusalem le yééne ane i Yéhôva;+ biloñ gwobisôna bi ga kodba i Yérusalem+ inyu bégés jôl li Yéhôva, bi ga nai ha bé le bi mboñ ndik i mam miñem nwap mimbe mi ntinde bo i boñ.”

18 “Ha ngéda i, bôt ba Yuda ba ga kiha lôñni bôt ba Israel;+ ba ga lôl i loñ i ñombok, ba bak lôñ yada, inyu ke i loñ me bi ti basôgôlsôgôl banan le i ba ngababum+ yap. 19 Me bé kalba le: ‘Me bi yoñ we kiki bon bem bôlôm,* me ti we loñ i i yé ilam, ngababum i i nloo biloñ gwobisôna* bilama!’+ Me bé kalba ki le u ga sébél me le: ‘Tata!’ Ni le u ga kôm bé me mbus. 20 ‘Ndi ni maliga, kiki muda nu a ntonbana nlôm,* a tjôô nye, hala nyen yak we, a litén li Israel, u bi tonbana me,+ u tjôô me,’ hala nyen Yéhôva a mpot.”

22 “Témba i meeni, a bon ba ndok.

Me ga mélés i ndok i yé bé mu miñem.”+

23 Ni maliga, bahoma ba nyôgi, ni liyôgbe i ngii dikôa, bi yé ndik bitembee.+

Ni maliga, Yéhôva Nyambe wés nyen a yé ntohol nu Israel.+

 2 Ibale u mpot le:

3 Inyule Yéhôva a nkal bôt ba Yuda ni ba Yérusalem le:

 5 Añlana i jam lini i Yuda, leglana jo i Yérusalem.

Londa, hema ki hioñ ni loñ yosôna.+

 6 Téa yimbne* i i ñunda njel Siôn.

 7 Ntjé-biloñ a yé i njel.+

A mpam kiki mbondo njéé i mpémél i lisolbene+ jé.

A nyodi i homa wé inyu yilha loñ yoñ yom bilim.

Bitison gwoñ bi ga tjiba, mut to wada a ga yééne ha bé mu.+

10 Ha nyen me bi kal le: “Wééi, a Nwet Bayemlikok le Yéhôva! U bi lôk toi litén+ lini, yak ni Yérusalem, inyule u bi kal le: ‘N’a bana nsañ’+ ndi ki le pansoñ i yé bés i joo.”*

11 Ha ngéda i, ba ga kal litén lini, ni bôt ba Yérusalem le:

12 Men me ga ti oda le mbuk mbebi a hôñ mu bahoma ba.

Nano, me ga pémhene bé mbagi kogse.

Bihosi gwé bi nhoo kiki minyôgôl.+

Ngoo ni bés inyule di ntjiba!

14 Jôwa ñem woñ a Yérusalem, u héya mam mabe mu inyu boñ le u kôhna tohi.+

Kekii u ga waa hégda mam mabe?

18 “Manjel moñ ni maboñok moñ ma ga timbil we.+

19 Kinje ndutu,* kinje ndutu!

Me nok njôghe ngandak i ñem.*

Ñem wem u mbép ni ngui ikété yem.

21 Letee ni ngéda mbe m’a tehe yimbne?*

Letee ni ngéda mbe m’a nok ba nhem hioñ?+

Ba yé ditégéé di bon, ba gwé bé yi.

23 Me bi tehe loñ, ndi nun-ki! I bé hôlô, mut a bé ha bé mu.+

Me bi béñge ngii, i bé ti ha bé mapubi mé.+

30 Nano kiki u ntjiba, w’a boñ lelaa?

A nsambal moo,+ a kalak le:

“Ngoo ni me, inyule bôt ba manola ba nwéés me!”

5 Hiôma mu manjel ma Yérusalem.

Béñgnana homa nyensôna, ni tibil ki wan.

Ibale ni nléba i nya mut i, ki m’a nwéhél tison.

 2 To ba nkal le: “Me nkum soñ ni niñ i Yéhôva!”

Bitembee ndik gwon ba mpot.+

 3 A Yéhôva, baa mis moñ ma nyéñ bé bôt ba ba yé maliga?+

U bi bép bo, ndi hala a bi kal bé bo to yom.*

U bi tjé bo, ndi ba bi tjél le u kodol bo.+

 4 Ndi me bi kalba le: “Ibabé pééna, ba mboñ hala inyule ba nyi bé jam.

Hiki mut nu a nlôl mu, binuga bi ga pat nye.

 7 Lelaa me nla nwéhél we i ngéda u mboñ i mam mana?

 9 “Baa me nlama bé kéés bo inyu mam mana?” Hala nyen Yéhôva a mpot.

“Baa me nlama bé pun memede inyu mam i loñ ini i mboñ me?”+

12 “Ba bi tañba Yéhôva, ba nkal le:

‘A ga boñ bé to yom.*+

Yak bo ba ga tjiba!”

14 Inyu hala nyen Yéhôva, Nyambe nu mintôñ mi gwét a nkal le:

15 “A litén li Israel,+ me yé i lona loñ i i nlôl haa i bééni,” hala nyen Yéhôva a mpot.

“Loñ i i yé ibôdôl kôba.

17 Ba ga je libumbul joñ ni bret gwoñ.+

Ba ga je bon boñ bôlôm ni bon boñ bôda.

Ba ga je mintômba nwoñ ni nyaga yoñ.

Ba je minkôô nwoñ mi wai ni bie gwoñ bi faigé.

Lôñni pansoñ, ba ga tjé bitison gwoñ bi mapénd, bi u mbôdlene ñem.”

18 Yéhôva a nkal le: “Ndi to ha ngéda i, m’a tjé bé bé bobasôna.+ 19 Ibale ba mbat we le: ‘Inyuki Yéhôva Nyambe wés a mboñ bés i mam mana momasôna?’ w’a timbhe bo le: ‘Nlélém kiki ni bi tjôô me, ni kahal gwélél nkén nyambe munu loñ nan, hala nyen ni ga sélél bakén ba bôt i loñ i i ta bé loñ nan.’”+

21 “Emblana i jam lini, a bijôñ bi bôt, bi bi gwé bé yi:*+

22 Yéhôva a mpot le: ‘Baa ni nkon bé me woñi?

Baa ni kôli bé sehla i bisu gwem?

24 Ndi ba mpot bé ikété miñem nwap le:

26 Inyule bibéba bi bôt bi yé ikété litén jem.

Ba nhes, wengoñle nnol dinuni nu a nyiibe.

Ba ñamb hiandi hi hi nola.

Bôt ba binam bon tjandi tjap di ngwel.

Hala nyen ba bi yila bôt ba ngui ni mingwañ mi bôt.

29 “Baa me nlama bé kéés bo inyu mam mana?” Hala nyen Yéhôva a mpot.

“Baa me nlama bé pun memede inyu mam i loñ ini i mboñ me?

30 Jam li bilim ni jam li li nsuñgaha ñem li mbôña i loñ:

Ndi i ngéda lisuk li nlo, n’a boñ lelaa?”

6 A bon ba Benyamin, kena solbana haa ni Yérusalem.

Hema hioñ+ i Tékôa!+

Kuinana hié i Bét-Hakérem inyu boñ le hi ba kiki yimbne!

Inyule bikuu bi nlôl i ñombok, ndutu ikeñi le!+

 2 Ngond Siôn i mpôna nlam muda nu a gwé niñ i mbomboo.+

 3 Batééda mintômba ba ga lo ni bibémba gwap.

Ba ga kéña nye ni mandap map ma mabadô.+

Hiki wada wap a ga jés mintômba nwé.+

 4 “Kôôbana i jôs nye gwét!

Telbana, di leñ nye gwét i kosi!”

 6 Inyule Yéhôva nu mintôñ mi gwét a nkal le:

“Kida bie, baña bijôl bi gwét inyu jôs Yérusalem.+

 9 Yéhôva nu mintôñ mi gwét a nkal le:

“I bon ba Israel bobasôna ba nyégle, ba ga kot bo kiki ba nkot matam ma nsôk ma nkôô wai.

Témb tégbaha woo woñ kiki mut nu a nkot matam ma nkôô wai.”

10 “Njee me ga pôdôs? Njee me ga béhe?

Njee a ga emble?

Ba nloñ maôô map,* ba noga ha bé.+

Inyule me nsambal woo wem inyu kogse bôt ba nyééne munu loñ,” hala nyen Yéhôva a mpot.

14 Ba noode mélés kon* u litén jem, ibabé i boñ biliya;* ba nkal ndik le:

‘Nsañ u yé! Nsañ u yé!’

Ndi ki le nsañ u ta bé.+

15 Baa i mam mabe ba bi boñ ma nkônha bo hison?

Ba nkon bé hison to ndék!

Ba nyi bé to kii ba nsébél le wonyuu!+

Inyu hala nyen ba ga kwo kiki i bôt ba bi bôk ba kwo.

Ba ga tjiba i ngéda me ga lona kogse,” hala nyen Yéhôva a mpot.

16 Yéhôva a nkal le:

“Telbana i mankanda ma minloñ, ni béñge.

Ha nyen ni ga bana hogbe.”

Ndi ba bi kal le: “D’a kil bé mu.”+

17 “Me bi téé bôt ba faa,+ ba ba bi kal le:

‘Emblana kiki ba nhem hioñ!’”+

Ndi ni bi kal le: “Di ga emble bé.”+

18 “Jon, a biloñ emblana!

19 Emble, a hisi!

21 Inyu hala nyen Yéhôva a nkal le:

22 Yéhôva a nkal le:

23 Ba gwé mimpihlôñgô ni makoñ.

Ba gwé béba ñem, ba ga kon bé mut ngoo.

Ba ga téé mintôñ nwap mi gwét kiki mut wada inyu jôs we, a ngond Siôn.”

24 Di bi nok ngan yap.

U nlama yoñ ngéda i wan maboñok map.

29 Mut a mboñ biliya bi ngui inyu pubus bo, kayéle yak pébél yé i hié i lék.

Ndi lipidô ndik jon li mpémél mu hié.

7 I bibañga bini gwon Yéhôva a bi kal Yérémia: 2 “Telep i nwemel u témpel Yéhôva, u legel i nwin unu le: ‘Emblana lipôdôl li Yéhôva, a bé bôt ba Yuda bobasôna, bé ba ni njubul munu manwemel mana inyu ôôp i bisu bi Yéhôva. 3 Haana nyen Yéhôva nu mintôñ mi gwét, Nyambe nu Israel a nkal: “Héñhana bilem binan ni maboñok manan, ndi m’a nwas le ni yén hana homa nunu.+ 4 Ni bôdôl bañ bipôdôl bi bitembee ñem, ni kal bañ to le: ‘Témpel Yéhôva* i yé nga hana, témpel Yéhôva i yé nga hana, témpel Yéhôva i yé nga hana?’+ 5 Héñhana toi bilem binan ni maboñok manan; tiblana bagal nkaa ipôla mut ni maasañ;+ 6 ni tééñga bañ bakén ba bôt, to bon ba nyuu,* to biyik bi bôda;+ ni kôp bañ matjél ma bôt ba yé nginsohi hana, ni nôgôl bañ to banyambe bape inyu yiñil bébomede ndutu;+ 7 ha nyen me ga nwas le ni yén hana homa nunu, i loñ me bi ti basôgôlsôgôl banan i boga ni boga.”’”*

8 “Ndi ni mbôdôl bipôdôl bi bitembee ñem,+ bi ga lona bé bé to yom. 9 Ni mbéna nip,+ ni nolok, ni kenek i ndéñg, ni kumuk soñ bitembee,+ ni tinak Baal+ bisesema,* ni nôglak banyambe ni nyi bé; 10 ni nhoñol le ni nla boñ i mam ma nyega mana momasôna; i mbus, ni loo ni telep i bisu gwem munu ndap ini i bééga jôl jem, ni kalak le: ‘Di ga kôhna tohi?’ 11 Baa i ndap ini i bééga jôl jem i nyila hôk i mintonba i mis manan?+ Ñ, hala nyen me yé i tehe,” hala nyen Yéhôva a mpot.

12 “‘Kena i homa wem nyoo i Silô,+ i homa a bé a bééga jôl+ jem i ngéda bisu; ni tehe i jam me bi boñ nyoo inyule bôt ba litén jem Israel+ ba bé boñ mam mabe. 13 Ndi ni bi waa bé boñ i mam mana momasôna,’ hala nyen Yéhôva a mpot, ‘to hala kiki me bi pôdôs bé, me podok, me tiimbaga,* ni bi nôgôl bé.+ Me bi sébél bé, me waa, ndi ni bi timbhe bé.+ 14 Inyu hala nyen, i jam me bi boñ i Silô,+ jon me ga boñ i ndap ini i bééga jôl jem,+ i ni mbôdôl ñem;+ jo ki jon me ga boñ i homa nunu me bi ti bé ni basôgôlsôgôl banan. 15 Me ga luhul bé i bisu gwem, kiki me bi luhul lôkisoñ nan yosôna, mbôda Éfraim yosôna.’+

16 “Ndi we, u soohe bañ inyu litén lini. U lôndôl bañ me, u soohe bañ, u yemhe bañ to me inyu yap,+ inyule me ga emble bé we.+ 17 Baa u ta bé i tehe mam ba mboñ i bitison bi Yuda ni i minloñ mi Yérusalem? 18 Bon bôlôm ba ntjap tjéé, basañ ba koda hié, bôda ba bôô flawa, ba lamb bikoga le ba ga sémél Kiñemuda nu ngii,*+ ba nti ki banyambe bape makébla ma wai, inyu unbaha me.+ 19 ‘Ndi baa men ba mboñ béba?’* Hala nyen Yéhôva a mbat. ‘To! Ba mboñ bomede béba, ba ga kon hison!’+ 20 Inyu hala nyen Nwet Bayemlikok le Yéhôva a nkal le: ‘Nuna-ki! Me ga kôp hiun hiem ni liyot jem munu homa nunu,+ me ga kôp hio mut ni nuga, bie bi bi num matam ni bijek bi bi ño ’isi; hiun hiem hi ga kala, hi ga lém bé.’+

21 “Yéhôva nu mintôñ mi gwét, Nyambe nu Israel, a nkal le: ‘Kôndnana bisesema binan bi ntul i hié mu bisesema binan bipe, bébomede ni je ki minsôn mi binuga.+ 22 Inyule i kel me bi nyodna basôgôlsôgôl banan i loñ Égiptô, me bi pôdôs bé bo, to ti bo oda i i mbéñge bisesema bi ntul i hié ni bisesema bipe.+ 23 Ndi i oda ini yon me bi ti bo: “Nôglana kiñ yem, ndi m’a yila Nyambe nan, yak bé n’a yila litén jem.+ Ni nlama nôñôl i manjel momasôna me ga unda bé, inyu boñ le mam ma kee loñge inyu nan.”’+ 24 Ndi ba bi emble bé, ba bi sédi bé to ôô;+ njel i bipék* gwap bibe yon ba bi noñ, ba bi nai le ba mboñ ndik mam miñem nwap mimbe mi bé kal bo,+ ba bi bana bé maboñok malam, ndik maboñok mabe, 25 ibôdôl i kel basôgôlsôgôl banan ba bi nyodi i Égiptô letee ni len.+ Jon me bi ômle bé bagwélél bem bobasôna le bapôdôl, me bé om bo hiki kel, me omok, me tiimbaga.*+ 26 Ndi to hala, ba bi tjél emble me, ba bi sédi bé maôô.+ Ba bi nai ni ndok,* ba boñ yak mam mabe iloo basôgôlsôgôl bap!

27 “W’a añle bo bipôdôl bini gwobisôna,+ ndi ba ga nôgôl bé we; w’a sébél bo ndi ba ga timbhe bé we. 28 W’a kal ki bo le: ‘I loñ ini i bi nôgôl bé Yéhôva Nyambe wap, i bi tjél ki le a kodol bo. Maliga ma ta ha bé, mut nye ki nye a nsima ha bé to mo.’*+

29 “Kit mimbôñgô nwoñ mi tjôñ,* u lep nwo; ke tôp hiémbi hi maéya nyoo i dikôa di di gwé bé bikai, inyule Yéhôva a ntjél bôt ba hiai hini ba ba bi unbaha nye, a ga tjôô ki bo. 30 Yéhôva a nkal le: ‘Litén li Yuda li mboñ mam ma yé mabe i mis mem. Ba bi téé bisat gwap bi nyega ikété ndap i bééga jôl jem inyu hindis yo.+ 31 Ba bi oñ bahoma ba nyôgi i Tôfet, nu a yé mu nsôsôgô u man Hinom;*+ inyu ligis bon bap bôlôm ni bon bap bôda,+ me bi ti bé bo oda le ba boñ i jam li, li bi lo bé to me i mahoñol.’*+

32 “Haana nyen Yéhôva a mpot: ‘Nuna-ki! Ngéda y’a lo le ba ga sébél ha bé i homa nunu le Tôfet, to nsôsôgô u Man Hinom,* ndi nsôsôgô u Manola. Ba ga jô bôt i Tôfet letee homa a nene ha bé.+ 33 Dinuni di ngii ni binuga bi bikai bi ga je mim mi bôt ba litén lini, mut a ga ba bé ha inyu luhul bo.+ 34 M’a mélés maséé ni diléla, kiñ i munlôm nu a mbii muda ni i muda nu a nke libii+ i bitison bi Yuda ni i minloñ mi Yérusalem, inyule me ga sas loñ yosôna.’”+

8 Yéhôva a nkal le: “Ha ngéda i, bôt ba ga hulul bihés bi bikiñe bi Yuda, bihés bi baane bé, bihés bi biprisi, bihés bi bapôdôl ni bihés bi bôt ba Yérusalem. 2 Ba ga bamb gwo le hiañgaa hi béyéi gwo, ni sôñ ni ntôñ gwét u ngii wonsôna inyule ba bi gwés, ba gwélél, ba noñ, ba yéñ, ba ôôp ki i bisu bi gwom bi.+ Mut a ga kot bé bihés bi, bi ga juba bé to. Bi ga yila kiki binan hana ’isi.”+

3 Yéhôva nu mintôñ mi gwét a nkal le: “I bahoma bobasôna me ga sand i bôt ba ga yégle munu lihaa libe lini, ba ga pohol nyemb iloole ba pohol niñ.”

4 “U nlama kal bo le: ‘Haana nyen Yéhôva a mpot:

“Ibale bôt ba nkwo, baa ba ntiimba bé telep?

Ibale mut a nhielba, baa numpe a ga boñ bé nlélém?

 5 Inyuki litén lini, bôt ba Yérusalem, ba ntéñbe bé i gwélél me?

 6 Me bi sédi ôô, me emble, ndi me bi nok bé bo ba mpot jam li yé maliga.

Mut to wada a ntam bé béba yé, to bat le: ‘Kii me mboñ?’+

Hiki mut a mboñ ndik i jam a ntehe bape ba mboñ, wengoñle hosi i i nke i gwét.

Ndi litén jem li nyi bé i ngéda, me Yéhôva,+ me nlo i kéés bo.”’

 8 ‘Lelaa ni nkal le: “Di gwé pék, di gwé ki mbén* Yéhôva”?

Ndi ki le saô i malôga+ i bôt ba matila, i ntila ndigi bitembee.

 9 Bôt ba pék ba nwo nyuu.+

Ba mbôdôl sehla, ba ngwiya.*

11 Ibabé i boñ biliya,* ba noode mélés kon* u ngond litén jem; ba nkal ndik le:

“Nsañ u yé! Nsañ u yé!”

Ndi ki le nsañ u ta bé.+

12 Baa i mam mabe ba bi boñ ma nkônha bo hison?

Ba nkon bé hison to ndék!

Ba nyi bé to kii ba nsébél le wonyuu!+

Inyu hala nyen ba ga kwo kiki i bôt ba bi bôk ba kwo.

Ba ga tjiba i ngéda me ga lona kogse,’+ hala nyen Yéhôva a mpot.

13 Yéhôva a nkal le: ‘I ngéda me ga kot bo, me ga tjé bo.

matam ma ga yégle bé i nkôô wai, to e faigé i ga bana ha bé matam, yak tjai di ga wo, di kudi.

Ba ga nimis i mam momasôna me bi ti bo.’”

14 “Inyuki di yii hana?

Di kenek, di jôp i bitison bi gwé mapénd, di wélak nyoo.+

16 Ibôdôl i Dan, di bi nok liyôgbe li bihosi.

“Baa Yéhôva a ta bé i Siôn?

Baa kiñe yé i ta bé nyoo?”

Me yé nhelek.

22 Baa môô* ma ta bé i Giléad?+

Baa mut nu a mélés makon* a ta bé nyoo?+

Inyuki ngond litén jem i mbôôp bé?+

 2 Wee! Ibale me ban-ga to ndap bakén i ñoñ!

Ba bi niiga dilémb tjap i pot bitembee.+

Ba ntumbba i boñ mam mabe.

 6 Ba niñil i homa bitembee bi yéne.

Malôga map ma nkéñ bo njel i yi me,” hala nyen Yéhôva a mpot.

 7 Inyu hala nyen Yéhôva nu mintôñ mi gwét a nkal le:

 8 Hilémb hiap hi yé kiki likoñ li li nola, hi pémhak bitembee.

 9 “Baa me nlama bé kéés bo inyu mam mana?” Hala nyen Yéhôva a mpot.

“Baa me nlama bé pun memede inyu mam i loñ ini i mboñ me?+

Ba nok ha bé to liyôgbe li bilém.

Yak dinuni di ngii ni binuga bi bikai bi nke ngwéé; bi ta ha bé.+

12 Njee a gwé pék inyu tibil nok i jam lini?

Ibale Yéhôva a bi pôdôs nye, a añlege bés jo.

Inyuki loñ i ntjiba?

13 Yéhôva a timbhe le: “Inyule ba bi bôk mbén* me bi ti bo, ba bi noñ bé yo, ba bi nôgôl bé to me. 14 Ndi ba bi nai ndik i boñ mam miñem nwap+ mi bé tinde bo i boñ, ba béghak bisat bi Baal kiki basañ bap ba bi niiga bo.+ 15 Jon Yéhôva nu mintôñ mi gwét, Nyambe nu Israel, a nkal le: ‘Me ga boñ le litén lini li je yom i nlol, me nyus ki bo malép ma ma gwé mbôñ.+ 16 Me ga sand bo le ba kee i biloñ le bomede, to basañ bap ba bi yi bé;+ me ga boñ le pansoñ i noñ bo letee me tjé bo.’+

17 Yéhôva nu mintôñ mi gwét a nkal le:

‘Boña mam ni pék.

19 Inyule maéya ma nôga i Siôn:+

“Kinje tjiba ini di nkôhna!

Kinje hison hikeñi hini!

Inyule di bi nyodi i loñ, ba tjé ki mandap més.”+

20 A bôda, emblana lipôdôl li Yéhôva.

Lega maôô i emble bibañga bi nyo wé.

22 Kal le: ‘Haana nyen Yéhôva a mpot:

23 Yéhôva a nkal le:

24 “Ndi i mut a ngwés kadba, a kadba inyu jam lini le:

25 Yéhôva a nkal le: “Nuna-ki! Ngéda y’a lo le m’a kéés i bôt bobasôna ba yé nkweebaga, ndi ni maliga ba ta bé nkweebaga;+ 26 hala wee Égiptô,+ Yuda,+ Édôm,+ Lôk Amôn,+ Môab,+ yak ni bôt bobasôna ba nkit tjôñ i mapañ ma ño, ba yéénege i ñoñ;+ inyule biloñ gwobisôna bi yé ngi kweeba, yak miñem mi bôt ba litén li Israel nwominsôna mi ta bé nkweebaga.”+

10 Emblana kiki Yéhôva a mpémés mbagi kogse, a ndap Israel. 2 Haana nyen Yéhôva a nkal:

 3 Inyule maboñok ma bôt ba matén ma yé ndigi malôga.

 6 A Yéhôva,+ mut nye ki nye a ta bé kiki we.

U yé nunkeñi, yak jôl joñ li yé likeñi, li gwé ki lipémba.

 8 Bobasôna ba yé bijôñ bi bôt,+ bi bi nhek bé to pék.

Ba neebe le e i niiga bo, kinje biyômôk!+

Mambot map ma yé nkôôñak ni bôñgô i i yé mangoñ* lôñni bôñgô i mahuu ma ntômba i i yé wedewede.*

I bisat bi gwobisôna, bôt ba nyi bôlô bon ba mbañ gwo.

10 Ndi Yéhôva a yé bañga Nyambe.

A yé Nyambe nu a niñ,+ ni Kiñe i boga.+

11 * Haana nyen u nlama kal bo:

14 Bôt bobasôna ba mboñ bijôñ bi mam, ba gwé bé yi yo ki yo.

15 I bisat bi, bi yé ndigi yañga, bôt ba kôli nol gwo hiol.+

I hilo hiap hi bikééhene, bi ga tjiba.

Jôl jé le Yéhôva nu mintôñ mi gwét.+

18 Inyule haana nyen Yéhôva a nkal:

19 Ngoo ni me, inyule me nkon!*+

Mbabaa yem i mal bé.

Me nkal ki le: “Ibabé pééna, kon wem u, me nlama hônba wo.

20 Ndap yem libadô i nkwo, yak minkôô mi ndap yem mi nkidi.+

Bon bem ba nyék me, ba ta ha bé.+

Mut nye ki nye a ta ha bé inyu oñ lap yem, to inyu téé ndap yem libadô.

22 Emble! Ngim ñañ i yé njel! I yé i lo!

23 A Yéhôva, me nyi loñge le mut binam nyemede a nla bé yi imbe njel a kil.

Me nyi ki le mut binam a nla bé éga nyemede.+

11 I bibañga bini gwon Yéhôva a bi kal Yérémia: 2 “A bôt ba litén, emblana bibañga bi malômbla mana!

“Kal* gwo bôt ba Yuda ni bôt ba nyééne i Yérusalem, 3 añle bo le: ‘Haana nyen Yéhôva, Nyambe nu Israel a mpot: “Tiihe tiihe ni mut nu a nôgôl bé bibañga bi malômbla mana+ 4 me bi ti basôgôlsôgôl banan i ngéda me bi héya bo i loñ Égiptô,+ i juu li li nyimbi kei,*+ me kal bo le: ‘Nôglana me, ni boñ ki i mam momasôna me nkal bé, ha nyen n’a yila litén jem, yak me me yila Nyambe nan,+ 5 inyu boñ le me yônôs likak me bi ti basôgôlsôgôl banan inyu ti bo loñ i i nkuli milik ni wéi,+ kiki i yé i len ini.’”’”

Ha nyen me bi timbhe le: “Amen* a Yéhôva.”

6 I mbus, Yéhôva a témb a kal me le: “Añal bibañga bini gwobisôna i bitison bi Yuda ni i minloñ mi Yérusalem: ‘Emblana bibañga bi malômbla mana, ni nôgôl ki gwo. 7 Inyule me bi yoñ ngéda i béhe basôgôlsôgôl banan ibôdôl i kel me bi nyodna bo i loñ Égiptô letee ni len, me bé béhe bo, béhe ni béhe* le: “Nôglana me.”+ 8 Ndi ba bi emble bé me, ba bi sédi bé to maôô; hiki wada wap a bi nai ndik le a mboñ mam mabe ñem wé u ntinde nye i boñ.+ Jon me bi boñ le i mam momasôna me bi pot munu malômbla mana ba bi tjél nôgôl, ma kwél bo.’”

9 I mbus, Yéhôva a kal me le: “Bôt ba Yuda ni bôt ba nyééne i Yérusalem ba njubul me i jimb. 10 Ba bi nigle bibéba basôgôlsôgôl bap ba bi boñ i ngéda kôba, ba ba bi tjél nôgôl bibañga gwem.+ Yak bo ba kahal bégés banyambe bape, ba gwéélak ki bo.+ Bôt ba litén li Israel ni bôt ba litén li Yuda ba bi bôk malômbla mem me bi boñ ni basôgôlsôgôl bap.+ 11 Inyu hala nyen Yéhôva a nkal le: ‘Me ga lona bo bikuu,+ ba ga pei bé gwo. I ngéda ba ga lôndôl me le me hôla bo, me ga emble bé bo.+ 12 Ha nyen bôt ba nyééne i bitison bi Yuda ni i Yérusalem ba ga ke i bat banyambe ba ba nsémél bisesema* mahôla,+ ndi to banyambe ba, ba ga la bé sôñ bo i ngéda bikuu bi ga lo. 13 Inyule banyambe boñ ba mbôl kiki bitison gwoñ, a Yuda; kiki nsoñgi u minloñ mi Yérusalem u yé, hala nyen u ñôñôl yom i nwéhna nyuu* ngandak muu ma bisesema. Ñ, muu inyu sémél Baal bisesema.’+

14 “Ndi we,* u soohe bañ inyu litén lini. U lôndôl bañ me inyu yap, u soohene bañ to bo,+ inyule me ga emble bé i ngéda ba mba ba nlôndôl me inyule bikuu bi yé i kwél bo.

Baa ba nla kéñ bikuu njel le bi kwél bañ we* inyule ba nti nuga ipubhaga?*

Ha ngéda i, baa ba ga kon maséé?

17 “Yéhôva nu mintôñ mi gwét, Nu a bi bel we,+ a nkal le bikuu bi ga kwél we, a litén li Yuda, inyu mam mabe we ni litén li Israel ni bi boñ; inyule ni bi unbaha me i ngéda ni bi sémél Baal bisesema.”+

19 Me bé kiki man ntômba nu ba nke i nol, ndi a yén nwee.

Me bé yi bé le ba njubul me i jimb,+ ba kalak le:

21 Haana nyen Yéhôva a mpot inyu bôt ba Anatôt+ ba ba nyéñ nol we, ba kalak le: “U pot ha bañ i jôl li Yéhôva,+ tiga le di nol we;” 22 jon Yéhôva nu mintôñ mi gwét a nkal le: “M’a kéés bo. Pansoñ i ga nol boñge ba wanda,+ njal i nol bon bap bôlôm ni bon bap bôda.+ 23 Mut to wada ikété yap a ga pei bé, inyule me ga boñ le bikuu bi kwél bôt ba Anatôt+ i nwii me ga kéés bo.”

 2 U bi bel bo, ba o minkañ.

Ba nañ, ba num matam.

Ba nsima jôl joñ i bibép gwap, ndi miñem* nwap mi yé haa ni we.+

 4 Letee ni ngéda mbe loñ i ga nok ndutu?

Letee ni ngéda mbe bikai bi lipan bi ga wo?+

Inyule ba nkal le: “A nla bé tehe i jam li ga pémél bés.”

Ba nlond makeñi le jam libe li pémél we.

 7 “Me ntjôô ndap yem;+ me nyék ngababum yem.+

Me nti nugwéha wem i moo ma baoo bé.+

 8 Ngababum yem i nyilna me kiki mbondo njéé i bikai.

I bi kônd me.

Jon me bi bôdôl oo yo.

Ba nyilha loñge yem wom ñoñ.

11 Wom wem u mput.

Nsañ u ta bé inyu mut nye ki nye.*

13 Ba bi bel blé, ba bumbul biloo.+

Ba bi tumbba yañga.

14 Haana nyen Yéhôva a mpot inyu bôt bem ba libôk ba ba gwé béba ñem, ba ba nke i kadal loñ me bi ti litén jem Israel:+ “M’a nup bo mu loñ yap,+ me nup ki litén li Yuda li li yé ipôla yap. 15 I ngéda me mal nup bo, m’a kônôl bo ngoo, me témbna hiki mut i ngababum yé ni i loñ yé.”

16 “Ibale ba nigil bilem bi litén jem, ba nigil ki i kal le: ‘Me nkum soñ ni niñ i Yéhôva!’ Kiki ba bi niiga bôt ba litén jem i kum soñ i jôl li Baal, ha nyen me ga nwas le ba yén lôñni litén jem. 17 Ibale ba ntjél nôgôl, me ga nup i loñ i. Me ga nup yo, me tjé ki yo,” hala nyen Yéhôva+ a mpot.

13 Yéhôva a bi kal me le: “Ke somb ngôli i libadô li loñge bôñgô,* téñ yo i bôbôk, ndi u yube bañ yo ikété malép.” 2 Ha nyen me bi ke, me somb ngôli kiki Yéhôva a bi kal me, me téñ yo i bôbôk. 3 Yéhôva a pôdôs me inyu ngélé i nyônôs iba, a kal me le: 4 “Yoñ i ngôli u bi somb, i i yé we i bôbôk, u kee i lom Ufraté, u sôô yo nyoo i mbôak liaa.” 5 Jon me bi ke, me sôô yo nyoo i lom Ufraté kiki Yéhôva a bi kal me.

6 I mbus ngandak dilo, Yéhôva a kal me le: “Telep, témb i lom Ufraté, u yoñ i ngôli me bi kal we le u sôô nyoo.” 7 Me bi ke i lom Ufraté, me tém i homa me bi sôône yo, me yoñ yo; me tehe le ngôli i ñôbi; i bééna ha bé nseñ wo ki wo.

8 I mbus, Yéhôva a kal me le: 9 “Haana nyen Yéhôva a mpot : ‘Hala nyen me ga mélés ngôk u Yuda, yak ni ngandak ngôk u Yérusalem.+ 10 I bibéba bi bôt bini bi ntjél nôgôl bañga yem,+ bi nai ndik le bi mboñ jam miñem nwap mi nkal bo,+ bi mbégés banyambe bape, bi ngwélél ki bo, bi ôôbak i bisu gwap; bi ga yila kiki i ngôli ini i i gwé ha bé nseñ wo ki wo.’ 11 ‘Kiki mut a ntéñba ngôli i bôbôk, hala nyen me bi téñba litén li Israel jolisôna ni litén li Yuda jolisôna, inyu boñ le ba yila litén jem,+ yom ilam, ba boñ le jôl jem li kee ngan,+ ba boñ ki le bôt ba bégés me. Ndi ba bi nôgôl bé me.’+ Hala nyen Yéhôva a mpot.

12 “U nlama ki legel bo i nwin unu: ‘Yéhôva Nyambe nu Israel a nkal le: “Hiki hibôi hikeñi hi nlama yon ni wai.”’ Ndi ba ga timbhe we le: ‘Baa di nek le hiki hibôi hikeñi hi nlama yon ni wai?’ 13 I mbus, kal bo le: ‘Yéhôva a nkal le: “Me ga boñ le i bôt bobasôna ba nyééne munu loñ ini ba hiôô wai,+ bikiñe bi bi nyén i yééne ane i David, biprisi ni bapôdôl, yak ni bôt ba Yérusalem bobasôna. 14 Me ga leñ wada, a kwél numpe, ba bugi; me ga boñ basañ ni bon bap bôlôm nlélém,” hala nyen Yéhôva+ a mpot. “Me ga kônôl bé bo ngoo, me ga bana bé ngôô, me ga tôñ bé to bo; yom yo ki yo i ga kéñ bé me njel i tjé bo.”’+

15 Emblana, sédna ki maôô.

Ni ngôgôp bañ, inyule Yéhôva nyen a mpot.

19 Bitison bi nwelmbok bi yé nkwéhék,* mut nu a nyibil gwo a ta bé.

Bôt ba Yuda bobasôna ba nke i minkôm, bobasôna le fet.+

20 Pa mis, béñge bôt ba nlôl i ñombok.+

Bémba ba bi ti we i yé hee, biloñge gwoñ bi mintômba?+

Baa nkôôga u ga gwel bé we kiki muda nu a nsômbôl gwal?+

22 U ga badba mu ñem woñ le: ‘Inyuki i mam mana ma mpémél me?’+

23 Baa man Kus* a nla héñha koo yé, tole njéé i nla héñha maton mé?+

24 Jon me ga sand bé kiki mbebi ñoñ i nsand minumuk mi bikai.+

Ngoo ni we, a Yérusalem!

W’a ba nyega letee ni ngéda mbe?”+

14 I bibañga bini gwon Yéhôva a bi kal Yérémia inyu mangéda ma sép:+

 2 Yuda a yé i maéya,+ manwemel mé ma ñôbi.

 3 Baane ba ñep bagwélél* bap i ap malép.

Bagwélél ba nke i bibee bi malép, ndi ba nkoba bé malép.

Ba ntémbna biébél gwap nso.

 6 Magas ma bikai ma téé i ngii dikôa di di gwé bé bikai.

U tjôô bañ bés.

10 Haana nyen Yéhôva a mpot inyu litén lini: “Ba ngwés ba mbet,+ ba nsôs; makôô map ma ntelep bé homa wada.+ Jon Yéhôva a ta bé maséé ni bo.+ A ga bigda mam map mabe, a kogse ki bo inyu bibéba gwap.”+

11 I mbus, Yéhôva a kal me le: “U soohe bañ le me bôñôl litén lini loñge jam.+ 12 I ngéda ba nsôga je, me ñemble bé minyemhe nwap;+ i ngéda ba nsem bisesema bi ntul i hié ni makébla ma bijek, me nkon bé maséé;+ inyule me ga tjé bo ni pansoñ, ni njal, ni himala.”*+

13 Ha nyen me bi kal le: “Wee, a Nwet Bayemlikok le Yéhôva! Bapôdôl ba nkal bo le: ‘Pansoñ, to njal bi ga lo bé i bééni, ndi me ga lona bañga nsañ hana homa nunu.’”+

14 I mbus, Yéhôva a kal me le: “Bapôdôl ba mpot bitembee i jôl jem.+ Me ñep bé bo, me nti bé bo oda, me nkal bé bo to jam.+ Ndi ba nkal ndik bé biyiinda bi bitembee, bipôdôl bi malôga,* ni mam ba mbot mu miñem nwap.+ 15 Inyu bapôdôl ba ba mpot i jôl jem ndi ki le me ñom bé bo, ba kalak le pansoñ, to njal bi ga lo bé munu loñ ini; haana nyen Yéhôva a mpot inyu yap: ‘Pansoñ ni njal gwon bi ga tjé i bapôdôl ba.+ 16 Yak i bôt ba ñemble bipôdôl gwap, pansoñ ni njal bi ga nol bo, ba leñ mim nwap i minloñ mi Yérusalem,+ bo ni baa bap, bon bap bôlôm ni bon bap bôda; inyule me ga lona bo i kogse ba kôli kôhna.’+

17 U nlama kal bo bibañga bini:

Inyule mpôdôl ni prisi ba nke i loñ le ba nyi bé.’”+

19 Baa u ntjél Yuda, tjél yosôna, baa u nkahal oo Siôn?+

Inyuki u nkogse bés kayéle matibla ma ta ha bé inyu yés?+

Bigda malômbla u bi boñ ni bés, u bôk bañ mo.+

22 Ikété bisat bi ngi nseñ bi biloñ, imbe i nla nôs nop?

Baa ngii yomede i nla yoñ makidik le nop a no?

Baa wetama bé nyen u nla boñ hala, a Yéhôva Nyambe wés?+

15 Ha nyen Yéhôva a bi kal me le: “To ibale Môsi bo Samuel bon ba bak ba téé me i bisu,+ me ga kônôl bé litén lini ngoo. Luhul bo, ba nyodi me i mbom. Ba kenek. 2 Ibale ba nkal we le: ‘Di kenek hee?’ U nlama timbhe bo le: ‘Yéhôva a nkal le:

“Nu himala hi nlama nol, himala hi nolok nye!

Nu pansoñ i nlama nol, pansoñ i nolok nye!+

Nu njal i nlama nol, njal i nolok nye!

Nu a nlama ke i minkôm, a kenek i minkôm!”’+

3 “‘M’a ômle bo bikuu bina,’*+ hala nyen Yéhôva a mpot, ‘pansoñ inyu nol bo, ngwo inyu ôt mim ’isi, dinuni di ngii ni binuga bi bikai inyu je ni tjé.+ 4 Me ga yilha bo yom bilim ikété biane bi nkoñ ’isi gwobisôna+ inyu jam Manasé, man Hézékia, kiñe Yuda, a bi boñ i Yérusalem.+

 5 Njee a ga kônôl we ngoo, a Yérusalem?

Njee a ga ee we?

Njee a ga telep i bat too u yé mbôô?’

 6 ‘U bi tjôô me,’ hala nyen Yéhôva a mpot.+

‘U bi kôm me mbus.*+

Jon me ga sambal woo wem, me bép we, me tjé ki we.+

Me nwaa kon we ngoo.*

 7 Me ga pep bo i manwemel ma loñ kiki ba mpep blé.*

Me ga nol bon+ bap.

 8 Biyik gwap bi bôda bi ga bôl i bisu gwem iloo lisege li tuye.

M’a lona ntjé-bôt inyu jôs bo i ñem kosi, inyu jôs banyañ ni boñge ba wanda.

M’a lona manyiñgha ni woñi kunda yada i boni.

Pun me inyule bôt ba ntééñga me.+

U tiñha bañ i unup, tiga le ba nol me.*

Inyu jôl joñ nyen me yé i kôhna i hison hini.+

17 Me nyén bé i nlélém homa lôñni bôt ba ngwés ba nke i mangand inyu kon maséé.+

Me nyén metama inyule woo woñ u yé i ngii yem.

U bi yônôs me ni hiun hioñ.*+

18 Inyuki njôghe yem i mal bé, to mbabaa yem i mbôôp bé?

I nok bé matibla.

19 Jon Yéhôva a nkal le:

20 “Me ga yilha we kiki lipénd li ngui li li yé ni mamuna inyu bôt ba litén lini.+

16 Yéhôva a bi témb a kal me le: 2 “U nlama bé bii nwaa, u nlama bé bana bon bôlôm to bon bôda hana homa nunu. 3 Inyule haana nyen Yéhôva a nkal inyu bon bôlôm ni bon bôda ba ba ngwéé hana, inyu banyañ bap ba ba ngwal bo, ni inyu basañ bap ba ba bi boñ le ba gwéé munu loñ ini: 4 ‘Makon ma ga nol bo,+ ndi mut to wada a ga ee bé bo, to jô bo; ba ga yila kiki binan hana ’isi.+ Yak pansoñ ni njal bi ga nol bo,+ mim nwap mi ga yila bijek bi dinuni di ngii ni binuga bi bikai.’

 5 Yéhôva a nkal le:

 6 Bañga bôt ni diyeyeba ba ga wo munu loñ ini.

9 “Haana nyen Yéhôva nu mintôñ mi gwét, Nyambe nu Israel, a nkal: ‘Me ga mélés maséé ni diléla hana homa nunu, ni kiñ i munlôm nu a mbii muda, yak ni kiñ i muda nu a nke libii;+ m’a boñ hala, ni bak ni ngi yii i niñ, ni tehge.’

10 “I ngéda w’a añle litén lini bibañga bini gwobisôna, ba ga bat we le: ‘Inyuki Yéhôva a nkal le bikuu bikeñi bini gwobisôna bi ga kwél bés? Imbe béba tole limbe jam libe di mboñ Yéhôva Nyambe wés?’+ 11 U nlama timbhe bo le: ‘“Inyule basôgôlsôgôl banan ba bi tjôô me,”+ hala nyen Yéhôva a mpot, “ba bi nôgôl banyambe bape, ba bi bégés bo, ba ôôp ki i bisu gwap.+ Ndi me, ba bi tjôô me, ba bi nôgôl bé mbén yem.+ 12 Ndi bé ni mboñ béba iloo basôgôlsôgôl banan,+ hiki wada nan a nai ndigi i boñ jam ñem wé mbe u ntinde nye i boñ, iloole a nôgôl me.+ 13 Jon me ga héya bé munu loñ ini, me leñ bé i loñ ni nyi bé,+ to bé to basôgôlsôgôl banan, n’a bégés banyambe bape juu ni njamuha,+ inyule m’a kônôl bé bé ngoo.”’

14 “‘Ndi dilo di ga lo,’ hala nyen Yéhôva a mpot, ‘ba ga kal ha bé le: “Me nkum soñ ni niñ i Yéhôva nu a bi héya litén li Israel i loñ Égiptô!”+ 15 Ndi ba ga kal le: “Me nkum soñ ni niñ i Yéhôva nu a bi héya litén li Israel i loñ ñombok ni i biloñ gwobisôna a bi sand bo!” Me ga témbna bo i loñ yap, i me bi ti basôgôlsôgôl bap.’+

17 Inyule mis mem ma ntehe mam momasôna ba mboñ.*

20 Baa mut binam a nla bañ banyambe inyu yé nyemede?

To ibale a mboñ hala, banyambe toi bé ba!+

17 “Béba i Yuda i yé ntilga ni saô kei.*

Hi ga loñ i boga ni boga.”

 5 Yéhôva a nkal le:

 6 A ga yila kiki e i i yé yotama i ñoñ.

 9 Ñem u yé malôga* iloo mam momasôna, u yé ñôbak.*+

Baa mut a nla yi wo?

14 A Yéhôva, ibale u ntibil me, ha nyen me ga mbôôp.

15 Ngim bôt i nkal me le:

“Inyuki lipôdôl li Yéhôva li yé ngi yon?+

Li yonok ni!”

17 U kônha bañ me woñi.

U yé lisolbene jem i kel ndutu.

19 Yéhôva a bi kal me le: “Ke telep i nwemel u bôt ba litén, i het bikiñe bi Yuda bi njubul, bi pémlak; telep ki i manwemel ma Yérusalem momasôna.+ 20 U nlama kal bo le: ‘Emblana lipôdôl li Yéhôva, a bikiñe bi Yuda, a bôt ba Yuda bobasôna, yak ni bôt bobasôna ba nyééne i Yérusalem; a bé ba ni njubul munu manwemel mana. 21 Haana nyen Yéhôva a mpot: “Yoña yihe, ni begee bañ mbegee yo ki yo i kel sabat, to jôbna yo i manwemel ma Yérusalem.+ 22 Ni nlama bé pémés mambegee i mandap manan i kel sabat; ni nlama bé to sal bôlô yo ki yo.+ Kel sabat i nlama ba kel ipubhaga inyu nan, kiki me bi kal basôgôlsôgôl+ banan. 23 Ndi ba bi emble bé, ba bi sédi bé to maôô, ba bi nai ni ndok,* ba bi neebe bé to le me kodol bo.”’+

24 “‘“Ndi, ibale ni ntibil nôgôl me,” hala nyen Yéhôva a mpot, “ni jôbna bé mambegee i manwemel ma tison ini i kel sabat. Ibale kel sabat i yé kel ipubhaga inyu nan, ni sal bé bôlô yo ki yo i kel i,+ 25 bikiñe ni baane ba ba nyén i yééne ane i David+ ba ga jubul munu manwemel ma tison ini, ba bak i ngii bikak bi gwét ni i ngii bihosi. Ba ga jôp lôñni baane ba litén, bôt ba Yuda ni bôt ba nyééne i Yérusalem;+ ha nyen i tison ini i ga yon ni bôt i boga ni boga. 26 Bôt ba ga lôl i bitison bi Yuda, i mambai ma yé ipañ Yérusalem, i nkoñ u Benyamin,+ i mbok i yé isi dikôa,+ i mbok dikôa, i Négeb;* ba ga lona bisesema bi ntul i hié,+ bisesema bipe,+ makébla ma bijek,+ binunumba, ni bisesema inyu ti mayéga; ba ga lona gwo i ndap Yéhôva.+

27 “‘“Ndi ibale ni nôgôl bé me, ni yoñ bé to kel sabat kiki hilo hipubhaga; ibale ni mbegee mambegee, ni jôbna mo i manwemel ma Yérusalem i kel sabat, me ga ha manwemel ma Yérusalem hié,+ hi ga ligis minkum nwé mi mandap, hi ga lém bé.”’”+

18 Yéhôva a bi kal Yérémia i bibañga bini: 2 “Telep, sôs yak mma dibee,+ nyoo nyen me ga kal we bibañga gwem.”

3 Me bi sôs yak mma dibee, me koba nye a yé i mma dibee.* 4 Ndi hibee a bé mma ni ték lima hi bi ôbi i moo mé. Ha nyen mma dibee a bi témb a gwélél nlélém ték lima, a mma hibee hipe, kiki i bé lémél nye.*

5 I mbus, Yéhôva a kal ki me le: 6 “‘A bôt ba litén li Israel, baa me nla bé boñ bé i jam mma dibee nunu a mboñ?’ Hala nyen Yéhôva a mpot. ‘A bôt ba litén li Israel,+ ni yé i moo mem kiki ték lima i yé i moo ma mma dibee. 7 Ibale me nkal le me nup, me bôk, me tjé ngim loñ tole ngim ane,+ 8 ndi i loñ i, i tjôô maboñok mabe me bi béhe yo le i nwas, yak me, me ga héñha mahoñol,* me ga lona ha bé bikuu me sômblak le bi kwél yo.+ 9 Ibale me nkal le me ñoñ tole me ntéé ngim loñ tole ngim ane, 10 ndi i loñ i, i boñ mam mabe i mis mem, i nôgôl bé to me; me ga héñha mahoñol,* me ga bôñôl ha bé yo i mam malam me sômblak bôñôl yo.’

11 “Nano soho, kal bôt ba Yuda ni bôt ba ba nyééne i Yérusalem le: ‘Haana nyen Yéhôva a mpot: “Me yé i kôôbana bé bikuu, me yé ki i hek pék i kogse bé. Soho, ni boñ ha bañ mam mabe, héñhana bilem binan ni maboñok manan.”’”+

12 Ndi ba bi kal le: “U wo bañ ndutu!+ Inyule di ga boñ kiki di ngwés, hiki wada wés a ga boñ ndik mam ñem wé mbe u nkal nye.”+

13 Inyu hala nyen Yéhôva a nkal le:

“Soho, ni bat biloñ bipe.

Njee a ma nok i nya jam i?

Ngond ngi yi munlôm i Israel i mboñ jam li bilim.+

14 Baa libu li lisuni* li dikôa di Libañ li ga sôyi mu maaa mé?

Baa diléléba di di nsune, di lôlak haa, di ga sa?

15 Ndi litén jem li nhôya me.+

I bôt bobasôna ba ga tagbe ha bebee, ba ga hel, nyuu i kôp bo disuhuu, ba pôgôs ki miño.+

17 Kiki mbebi i nlôl i pes likôl, me ga sand bo i bisu bi baoo bap.

Iloole me nun bo, me ga kôm bo mbus i kel ndutu.”+

18 Ndi ba bi kal le: “Loga, di jubul Yérémia i jimb,+ inyule biprisi gwon bi nlama kal bés mbén,* bôt ba pék bon ba nlama ti bés maéba, bapôdôl bon ba nlama añle bés lipôdôl li Nyambe. Loga, di ôm nye nsohi,* di emble bañ to i yom a nkal.”

20 Baa i yé loñge le mut a timbhe béba inyu loñge?

Ba ntém bee inyu nol me.+

Boñ le baa bap ba nimis bon, ba yila ki biyik bi bôda.+

Boñ le ba baage i bisu gwoñ+

i ngéda w’a kogse bo ikété hiun hioñ.+

19 Haana nyen Yéhôva a mpot: “Kee yak mma dibee,+ u somb hibôi hi biték. Yoñ ki ngim mimañ mi litén ni ngim mimañ mi biprisi, 2 u kee i nsôsôgô u Man Hinom,+ i lijubul li Nwemel u mimbôak mi dibee. I ngéda u mpam nyoo, pot bibañga me ga kal we. 3 U ga kal bo le: ‘Emblana lipôdôl li Yéhôva, a bikiñe bi Yuda ni bôt ba nyééne i Yérusalem. Yéhôva nu mintôñ mi gwét, Nyambe nu Israel, a nkal le:

“‘“M’a lona bikuu hana homa nunu kayéle hiki mut a ga nok i jam li, maôô ma ga loñ nye. 4 Inyule ba bi tjôô me,+ ba ôbôs i homa nunu.+ Ba bi sémél banyambe bape bisesema hana, banyambe le to bo, to basôgôlsôgôl bap, to bikiñe bi Yuda ba bi yi bé; ba bi yônôs ki matjél ma bôt ba yé nginsohi+ hana homa nunu. 5 Ba bi oñ bahoma ba nyôgi ba Baal, inyu sem bon bap kiki sesema i ntul i hié inyu Baal;+ jam le me bi ti bé bo oda i boñ, me bi pot bé jo, li bi lo bé to me i mahoñol.”’*+

6 “‘“Inyu hala nyen nuna-ki! Ngéda y’a lo,’ hala nyen Yéhôva a mpot, ‘le ba ga sébél ha bé i homa nunu le Tôfet, to nsôsôgô u Man Hinom,* ndi nsôsôgô u Manola.+ 7 Me ga yumus bipék bi Yuda ni bi Yérusalem hana homa nunu; m’a boñ le baoo bap ba nol bo ni pansoñ, me ga sem ki bo i moo ma bôt ba nyéñ nol bo.* M’a boñ le dinuni di ngii ni binuga bi bikai bi je mim nwap.+ 8 M’a yilha i tison ini yom bilim, yom diyana.* Hiki mut a ga tagbene nyoo, ndi a tehe yo, a ga hel, nyuu i kôp nye disuhuu, a hem ki hiôa inyu bikuu gwobisôna bi nkwél yo.+ 9 M’a boñ le ba je minsôn mi bon bap bôlôm ni mi bon bap bôda; hiki wada wap a ga je minsôn mi mut wé libôk, inyule tison yap i mba nkéñék, ba ga lehel ki ñem i ngéda baoo bap lôñni bôt ba nyéñ nol bo* ba ga hék bo.”’+

10 “I mbus hala, bol hibôi i bisu bi bôt ba mba lôñni we, 11 ndi u kal bo le: ‘Haana nyen Yéhôva nu mintôñ mi gwét a mpot: “Hala nyen me ga bol i litén lini ni i tison ini, kiki mut a mbol hibee hi biték kayéle ba nla ha bé at hio; ba ga jô mim i Tôfet letee homa a nene ha bé inyu jô bôt.”’+

12 “Yéhôva a nkal le: ‘Hala nyen me ga boñ i homa nunu ni bôt bé, inyu boñ le me yilha i tison ini kiki Tôfet. 13 Mandap ma Yérusalem ni mandap ma bikiñe bi Yuda ma ga yila nyega kiki i homa nunu le Tôfet;+ ñ, i mandap momasôna ba bé bet i ngii minyôl ndi ba tinak ntôñ u gwét u ngii wonsôna+ bisesema, ba tinak ki banyambe bape makébla ma wai.’”+

14 I ngéda Yérémia a bi nyodi i Tôfet, i het Yéhôva a bi om nye i legel nwin, a bi ke a telep i kotoo i témpel Yéhôva, a kal litén jolisôna le: 15 “Haana nyen Yéhôva nu mintôñ mi gwét, Nyambe nu Israel, a nkal: ‘Me yé i lona bikuu gwobisôna me bi kal le me nlona munu tison ini ni mambai mé momasôna, inyule ba bi nai* le ba nôgôl bé lipôdôl jem.’”+

20 Prisi le Pasur, man Imer, nu a bé ñéga nson nu bisu i témpel Yéhôva, a bé emble i mam Yérémia a bi pot. 2 Ha nyen Pasur a bi bép Yérémia, a ha nye dikéñ+ di di bé i nwemel u Benyamin i pes mabeda, u u bé bebee ni témpel Yéhôva. 3 Ndi i kel i bé noñ ha, Pasur a héya Yérémia dikéñ. Ha nyen Yérémia a bi kal nye le:

“Yéhôva a nsébél bé we le Pasur, ndi a nsébél we le Woñi homa nyensôna.+ 4 Inyule haana nyen Yéhôva a mpot: ‘I jam me ga boñ we, li ga kônha we ni mawanda moñ momasôna woñi. Baoo bap ba ga nol bo ni pansoñ, u tehge;+ me ga sem bôt ba Yuda bobasôna i moo ma kiñe Babilôn, a ga kena bo i minkôm i Babilôn, a nol bo ni pansoñ nyoo.+ 5 Lingwañ li tison ini jolisôna, nkus wé wonsôna, tik yé gwom yosôna, ni gwom gwobisôna bi yé i masôô ma nkus ma bikiñe bi Yuda; m’a ti gwobisôna baoo bap.+ Ba ga kadal gwo, ba begee gwo, ba kena gwo i Babilôn.+ 6 Inyu yoñ a Pasur, we ni bôt bobasôna ba nyééne i ndap yoñ, n’a ke i minkôm. W’a ke i Babilôn, u wél nyoo, we ni mawanda moñ momasôna n’a juba ki nyoo, inyule bitembee gwon u bi añle bo.’”+

 7 U nhélés me a Yéhôva, me yé nhelek.

U ñunda le u gwé ngui iloo me, u nyémbél ki me.+

 8 Inyule hiki ngéda me mpot, me nlama lond, me leglak le:

“Bisañ ni tjiba!”

Inyu lipôdôl li Yéhôva, bôt ba nsol me, ba ndeglege me kel yosôna.+

“Ôma nye nsohi; loga di ôm nye nsohi!”

I bôt bobasôna ba bé kal me le nsañ u ba ni we, ba bé bem nyemb yem:+

11 Ndi Yéhôva a bé ni me kiki njogwét nunkeñi.+

Inyu hala nyen i bôt ba ntééñga me, ba ga baage, ba ga yémbél bé.+

Wonyuu yap i mba ikeñi, inyule ba ga yônôs bé sômbôl yap.

Wonyuu yap i ga nom i boga ni boga, i ga hôiba bé.+

13 Tublana Yéhôva tjémbi! Béghana Yéhôva!

Inyule a nsôñ diyeyeba i moo ma bibéba bi bôt.

14 Tiihe tiihe ni kel me bi gwéé!

I kel mama yem a bi gwal me i ba bañ nsaibak!+

15 Tiihe tiihe ni mut a bi lona tata nwin nlam, a kal nye le:

“U nkôhna man munlôm!”

Hala a kônha nye maséé ngandak.

16 I mut nu a yila kiki bitison le Yéhôva a bi tjé ibabé le a tam.

A nok bôt ba mbégél kegla, ni nlondok u gwét i kosi.

21 Bibañga bini gwon Yéhôva a bi kal Yérémia i ngéda Kiñe Sédékia+ a bi om Pasur+ man Malkiya bo Sôfônia+ man Maaséya, prisi, le ba kal Yérémia le: 2 “Soho pôdôs Yéhôva inyu yés, inyule Nébukadnézar* kiñe Babilôn a yé i jôs bés.+ Bebek Yéhôva a ga boñ bihélha bi mam inyu sôñ bés, inyu boñ le Nébukadnézar a nyodi i loñ yés.”+

3 Yérémia a timbhe bo le: “Kala Sédékia le: 4 ‘Haana nyen Yéhôva Nyambe nu Israel a mpot: “I bijôl bi gwét bi yé i moo manan, bi ni yé i gwélél inyu jôs kiñe Babilôn+ ni bôt ba Kaldéa ba ba nkéña lipénd linan, me ga boñ le bé bon bi boñ béba. Me ga kot gwo i ñemkété u tison ini. 5 Memede me ga jôs bé+ ni lipémba jem ni ngui yem, ikété hiun, liyot, ni njôô ikeñi.+ 6 Me ga bép bôt ba nyééne munu tison ini, bôt ba binam ni binuga. Me ga boñ le himala hikeñi* hi nol bo.”’+

7 “‘“I mbus i mam ma,” hala nyen Yéhôva a mpot: “Kiñe Sédékia nu Yuda ni bagwélél bé, yak ni bôt ba tison ini, hala wee i bôt ba ga pei himala, pansoñ, ni njal; me ga ti bo i moo ma Kiñe Nébukadnézar* nu Babilôn, i moo ma baoo bap, ni i moo ma bôt ba ba nyéñ nol bo.*+ A ga nol bo ni pansoñ. Me ga kônôl bé bo ngoo, me ga bana bé ngôô inyu yap, to tôñ bo me ga tôñ bé bo.”’+

8 “Kal yak i bôt ba litén lini le: ‘Haana nyen Yéhôva a nkal: “Me mbii i bisu binan niñ tole nyemb. 9 Pansoñ, himala ni njal bi ga nol i bôt ba ga yégle munu tison ini. Ndi i mut a mpam, a ke i boma bôt ba Kaldéa ba ba nkéña bé, a ga niñ, bibom gwé bi yé le a ga pei.”’+

10 “‘“Me mal kit le me nlona bikuu munu tison ini, he jam lilam bé,”+ hala nyen Yéhôva a mpot. “M’a sem yo i moo ma kiñe Babilôn,+ a ga ligis yo.”+

11 “‘A bôt ba lihaa li kiñe Yuda, emblana lipôdôl li Yéhôva. 12 A lihaa li David, haana nyen Yéhôva a mpot:

‘Inyu bé ba ni nkal le: “Njee a nla lo i jôs bés?

Njee a ga jôp munu mayééne més?”

22 Haana nyen Yéhôva a nkal: “Kee i ndap* i kiñe Yuda, u legel nye i nwin unu. 2 U nlama kal nye le: ‘Emble bibañga bi Yéhôva, a kiñe Yuda, we nu u yii i yééne ane i David, we ni bagwélél boñ ni litén joñ, ni bôt bobasôna ba njubul munu manwemel mana. 3 Haana nyen Yéhôva a mpot: “Pémhana mbagi sép, boña ki mam ma téé sép. I mut ba nkadal gwom, ni sôñ nye i moo ma mut ngadla. Ni tééñga bañ nkén mut, ni boñ bañ man nyuu* to yik muda béba.+ Ni kôp bañ to matjél ma mut nu a yé nginsohi hana homa nunu.+ 4 Ibale ni nôgôl i bibañga bini, ha nyen bikiñe bi bi yii i yééne ane i David+ bi ga jubul munu manwemel ma ndap ini, bi bak bi bédi i ngii bikak bi gwét ni bihosi, bo ni bagwélél bap ni litén jap.”’+

5 “‘Ndi ibale ni nôgôl bé i bibañga bini, me nkum soñ ni niñ yem,’ hala nyen Yéhôva a mpot: ‘Le i ndap ini i ga tjiba.’+

6 “Inyule haana nyen Yéhôva a mpot inyu ndap i kiñe Yuda:

8 “‘Ngandak biloñ i ga tagbe bebee ni tison ini, i badnaga le: “Inyuki Yéhôva a bi boñ i tison ikeñi ini hala?”+ 9 Bôt ba ga timbhe le: “Inyule ba bi tjôô malômbla ma Yéhôva Nyambe wap, ba kahal ôôp i bisu bi banyambe bape, ba béghak bo.”’+

11 “Haana nyen Yéhôva a mpot inyu Salum*+ man Yôsia, kiñe Yuda, nu a bi yoñ tel isañ le Yôsia,+ nu a bi nyodi hana homa nunu: ‘A ga témb ha bé hana. 12 Inyule a ga wél nyoo i homa ba bi kena nye minkôm, a ga tehe ha bé i loñ ini.’+

15 Baa u nhoñol le u ga kônde ane inyule u ngwélél mabam ma sidar iloo bana bape?

‘Baa hala bé nyen i mut a nkal le a nyi me a nlama boñ?’ Hala nyen Yéhôva a mpot.

18 “Inyu hala nyen Yéhôva a nkal inyu Yéhôyakim,+ man Yôsia, kiñe Yuda le:

‘Ba ga ee bé nye le:

“Éé a mankéé nu munlôm! Éé a mankéé nu muda!”

Ba ga ee bé to nye le:

“Éé a nwet! Éé a kiñe!”

21 Me bi pôdôs we i ngéda u bé ikété nsañ.

Ndi u bi kal le: ‘M’a nôgôl bé we.’+

Hala nyen u ga wo nyuu, u kon ki hison inyu bikuu gwobisôna bi ga kwél we.

24 “Yéhôva a nkal le: ‘Me nkum soñ ni niñ yem le, to ibale Kônia,*+ man Yéhôyakim,+ nyen a bak hilonde hi sitamp i woo wem walôm, ki me nsodol nye. 25 Me ga sem we i moo ma bôt ba nyéñ nol we,* i moo ma bôt u nkon woñi, i moo ma Kiñe Nébukadnézar* nu Babilôn, ni i moo ma bôt ba Kaldéa.+ 26 Me ga leñ we ni nyuñ nu a bi gwal we i loñ ipe, i loñ ni bi gwééne bé, nyoo nyen ni ga wél. 27 Ba ga témb ha bé munu loñ i nkon bo ngôñ.+

29 A hisi,* a hisi, a hisi! Emble bañga i Yéhôva.

30 Haana nyen Yéhôva a nkal:

23 “Ngoo ni batééda mintômba ba ba ntjé mintômba mi bémba yem, ba sandak nwo!” Hala nyen Yéhôva+ a mpot.

2 Jon haana nyen Yéhôva Nyambe nu Israel a mpot inyu batééda mintômba ba litén jem: “Ni bi sand mintômba nwem; ni luhul nwo, ni yoñ bé to ngéda ni nwo.”+

“Jon m’a yoñ ngéda i kogse bé inyu maboñok manan mabe,” hala nyen Yéhôva a mpot.

3 “I mbus, m’a kot mintômba nwem mi mi nyégle, me héya nwo ikété biloñ gwobisôna me bi sand nwo,+ me témbna nwo i hisi hiap,+ mi ga gwal ngandak, mi bôl ki.+ 4 Me ga pohol batééda mintômba ba ba ga tééda toi mintômba nwem.+ Mi ga kon ha bé woñi, mi ga sehla ha bé, to wada u ga hañ bé,” hala nyen Yéhôva a mpot.

5 “Nuna-ki! Dilo di ga lo,” hala nyen Yéhôva a mpot, “le me ga pémhene David nkôdôlbum*+ nu a téé sép. Kiñe i ga ane,+ i ga boñ mam ni pék, i ga lona ki mbagi sép ni telepsép i loñ.+ 6 I dilo tjé, Yuda a ga kôhna tohi,+ Israel a ga yén ikété nsañ.+ Ba ga sébél nye ni jôl lini le: Yéhôva a yé Telepsép yés.”+

7 “Ndi dilo di ga lo,” hala nyen Yéhôva a mpot, “ba ga kal ha bé le: ‘Me nkum soñ ni niñ i Yéhôva nu a bi héya litén li Israel i loñ Égiptô!’+ 8 Ndi ba ga kal le: ‘Me nkum soñ ni niñ i Yéhôva nu a bi héya mbôda Israel i loñ ñombok ni i biloñ gwobisôna a bi sand bo, a témbna bo i loñ yap,’ ba ga yééne ki mu loñ yap.”+

9 Inyu bapôdôl:

ñem u mbôô me matjél.

Bihés gwem gwobisôna bi nyeñg.

Ba gwé bilem bibe, ba ntét ki i bôt ba yé isi énél yap.

11 “Mpôdôl ni prisi ba yé nyega.*+

Me ntehe bibéba gwap bi mam letee ni ikété ndap yem,”+ hala nyen Yéhôva a mpot.

13 “Me ntehe mam ma nsuñgaha ñem yak bapôdôl ba Samaria.+

14 Me ntehe mam ma nyega yak bapôdôl ba Yérusalem.

15 Inyu hala nyen Yéhôva nu mintôñ mi gwét a mpot inyu bapôdôl le:

Inyule bapôdôl ba Yérusalem ba ntjañgbene maliga, ba ntjam ki i jam li ni loñ yosôna.”

16 Haana nyen Yéhôva nu mintôñ mi gwét a mpot:

“Ni emble bañ mam bapôdôl ba nkal bé.+

Ba yé i lugha bé.*

17 I bôt ba nyan me, ba nkal bo, ba tiimbaga le:

‘Yéhôva a nkal le: “N’a bana nsañ.”’+

I bôt ba nai le ba mboñ ndigi i mam miñem nwap mi ntinde bo i boñ, ba nkal bo le:

‘Bikuu bi ga kwél bé bés.’+

Njee yap a bi sédi ôô inyu emble bañga yé?

I dilo di nsôk, n’a tibil nok i jam li.

21 Me bi om bé me bapôdôl bana, ndi ba bi pala ke.

Me bi pôdôs bé bo, ndi ba bi añal.+

23 Yéhôva a nkal le: “Baa me yé ndik Nyambe i ngéda me yé bebee ni bé, baa me nla bé ba Nyambe i ngéda me yé haa?”

24 “Baa mut a nla solop ngim homa, me tehe bé nye?”+ Hala nyen Yéhôva a mpot.

“Baa me ntehe bé mam momasôna i ngii ni hisi?”+ Hala nyen Yéhôva a mpot.

25 “Me nok kiki bapôdôl ba mpot bitembee i jôl jem, ba kalak le: ‘Me bi emel bieem! Me bi emel bieem!’+ 26 Letee ni ngéda mbe bapôdôl ba ga kônde pot bitembee? Bipôdôl gwap bi yé ndik mam le ba mbot ikété miñem nwap.+ 27 Ni bieem gwap ba ñañlana bo ni bo, ba gwé ngôñ i boñ le litén jem li hôya jôl jem, kiki basañ bap ba bi hôya jôl jem inyule ba bé bégés Baal.+ 28 Mpôdôl nu a ñemel eem, a añal eem yé; ndi nu a gwé lipôdôl jem, a añal jo ni maliga.”

“Baa ba nla hégha bikôgôô ni jis li blé?” Hala nyen Yéhôva a mpot.

29 Yéhôva a nkal le: “Baa lipôdôl jem li ta bé kiki hié,+ kiki hama i i mbol liaa?”+

30 “Jon m’a kogse bapôdôl ba ba nkôde bipôdôl gwem inyu boñ le ba añle bôt i yom ba ngwés.”+ Hala nyen Yéhôva a mpot.

31 Yéhôva a nkal le: “M’a kogse bapôdôl ba ba ngwélél hilémb hiap inyu kal le: ‘A mpot le!’”+

32 Yéhôva a nkal le: “M’a kogse bapôdôl ba ba ñemel bieem bi bitembee, ba añlak gwo, ba yumhak litén jem ni bitembee gwap, ni bikadba gwap.”+

“Ndi me bi ep bé bo, me bi ti bé to bo oda le ba pot. Jon ba gwééne bé bôt ba litén jem nseñ wo ki wo,”+ hala nyen Yéhôva a mpot.

33 “Ibale litén lini, mpôdôl, tole prisi ba mbat we le: ‘Mbegee* i Yéhôva i yé le kii?’ U nlama timbhe bo le: ‘“Bé bon ni yé mbegee! M’a leñ ki bé haa ni me,”+ hala nyen Yéhôva a mpot.’ 34 Ndi ibale mpôdôl, tole prisi, tole mut litén a nkal le: ‘Mbegee* i Yéhôva ini!’ M’a kogse i mut nu ni lihaa jé. 35 Haana nyen hiki wada nan a nlama kal mut wé libôk tole manyañ: ‘Yéhôva a ntimbhe lelaa? Kii Yéhôva a nkal?’ 36 Ndi ni sima ha bañ mbegee* i Yéhôva, inyule bipôdôl binan gwon bi yé mbegee;* ni nhéñha bibañga bi Nyambe nu a niñ, Yéhôva nu mintôñ mi gwét, Nyambe wés.

37 “Haana nyen u nlama bat mpôdôl: ‘Lelaa Yéhôva a ntimbhe we? Kii Yéhôva a nkal? 38 Ndi ibale u nkônde pot le: “Mbegee* i Yéhôva!” Haana nyen Yéhôva a nkal: “Kiki u nkônde pot le: ‘Bibañga bini bi yé mbegee* i Yéhôva,’ ndi ki le me bi kal we le: ‘U nlama ha bé pot le: “Mbegee* i Yéhôva!”’ 39 Yi ni le me ga begee we, me leñ we haa ni me, we lôñni i tison me bi ti we ni basôgôlsôgôl boñ. 40 Me ga wéha we nyuu i boga ni boga, me kônha ki we hison i mba ni mba, kayéle mut a ga hôya bé i jam li.”’”+

24 I mbus ngéda, Yéhôva a unda me bisel biba bi matam ma faigé, bi bi bé bi tégi i bisu bi témpel Yéhôva. Ha ngéda i, Nébukadnézar,* kiñe Babilôn, a bé a ma kena Yékônia*+ man Yéhôyakim,+ kiñe Yuda i minkôm, nye ni baane ba Yuda, ni bôt ba nyi bôlô, lôñni baôô bikei;* a bi héya bo i Yérusalem, a kena bo i Babilôn.+ 2 Sel yada i bééna matam ma faigé malam, ma bé kiki matam ma faigé ma mbôk hôlôl; ndi sel ipe i bééna matam ma faigé ma bé mabe ngandak, kayéle mut nye ki nye a bé bé le a je mo.

3 I mbus, Yéhôva a bat me le: “A Yérémia, kii u yé i tehe?” Me timbhe nye le: “Matam ma faigé; matam ma faigé malam, ma yé malam ngandak; ndi matam ma faigé mabe, ma yé mabe ngandak, ma yé mabe kayéle mut a nla bé je mo.”+

4 Ha nyen bañga i Yéhôva i bi lôl me, i kalak le: 5 “Haana nyen Yéhôva, Nyambe nu Israel, a mpot: ‘Kiki matam ma faigé ma ma yé malam, hala nyen me nun bôt ba Yuda ba ba bi ke i minkôm ni mis malam, bon me bi héya hana i homa nunu, me om bo i loñ i bôt ba Kaldéa. 6 Me ga yoñ ngéda ni bo inyu loñge yap, me ga témbna bo munu loñ ini.+ Me ga boñ le mam ma kee loñge inyu yap, me ga tjé bé bo; me ga bel bo, me ga nup bé bo.+ 7 Me ga ti bo ñem le ba bana ngôñ i yi me, i yi le me yé Yéhôva.+ Ba ga yila litén jem, m’a ba Nyambe wap,+ inyule ba ga témb i meeni ni ñem wap wonsôna.+

8 “‘Haana nyen Yéhôva a mpot inyu matam ma faigé ma ma yé mabe ngandak kayéle mut a nla bé je mo:+ “Hala nyen me ntehe Kiñe Sédékia+ nu Yuda, baane bé, i ndék bôt i Yérusalem i ga yégle munu loñ ini, ni bôt ba nyééne i loñ Égiptô.+ 9 Me ga boñ le biane bi nkoñ ’isi+ gwobisôna bi kon woñi i ngéda bi ga tehe i ndutu i ga kwél bo. Bôt ba ga yan bo, ba ga yila kéne ngén, ba ga ndegle bo, ba tiihege+ ki bo i bahoma bobasôna me ga sand bo.+ 10 M’a om pansoñ,+ ni njal, ni dimala*+ nyoo i boni, letee ba tjiba mu loñ me bi ti bo lôñni basôgôlsôgôl bap.”’”

25 Nyambe a bi pôdôs Yérémia inyu litén li Yuda jolisôna i nwii mi nyônôs mina mi ane i Yéhôyakim+ man Yôsia, kiñe Yuda; hala wee i nwii u bisu u ane i Nébukadnézar,* kiñe Babilôn. 2 I bibañga bini gwon Yérémia a bi pot inyu* litén li Yuda jolisôna ni bôt bobasôna ba ba nyééne i Yérusalem:

3 “Ibôdôl i nwii mi nyônôs 13 mi ane i Yôsia+ man Amôn, kiñe Yuda, letee ni i len ini, hala a mboñ 23 nwii le Yéhôva a mpôdôs me. Yak me, me mpôdôs bé, me tiimbaga,* ndi ni ñemble bé.+ 4 Yéhôva a bi ômle bé bagwélél bé bobasôna le bapôdôl, a omok bo, a tiimbaga,* ndi ni bi emble bé, ni bi sédi bé to maôô le ni nok.+ 5 Ba bé kal le: ‘Soho, hiki wada nan a kôm béba mbus, a waa boñ mam mabe;+ inyu boñ le ni nom munu loñ Yéhôva a bi ti bé lôñni basôgôlsôgôl banan ibôdôl kôba. 6 Ni noñ bañ banyambe bape, ni bégés bañ bo, ni ôôp bañ i bisu gwap, ni unbaha bañ to me ni bisat binan; tiga le me boñ le bikuu bi kwél bé.’

7 “‘Ndi ni bi emble bé me,’ hala nyen Yéhôva a mpot. ‘Ni bi unbaha me ni bisat ni bi bañ, jon bikuu bi bi kwél bé.’+

8 “Jon Yéhôva nu mintôñ mi gwét a nkal le: ‘“Kiki ni ntjél nôgôl bibañga gwem, 9 me yé i sébél matén ma ñombok+ momasôna,” hala nyen Yéhôva a mpot, “me yé i sébél Nébukadnézar,* kiñe Babilôn, ngwélél wem;+ m’a lona bo inyu jôs i loñ+ ini ni bôt ba nyééne mu, ni biloñ gwobisôna bi nkéña yo.+ M’a tjé gwo, me yilha gwo yom bilim, ni yom mandegle,* bi ga tjiba i boga ni boga. 10 M’a mélés maséé ni diléla i boni,+ kiñ i munlôm nu a mbii muda ni i muda nu a nke libii,+ liyôgbe li ngok kôgôl ni mapubi ma lambe. 11 I loñ ini yosôna i ga tjiba, i yila yom bilim. Yak i biloñ bini bi ga gwélél kiñe Babilôn 70 ma nwii.”’+

12 “‘I mbus 70 ma nwii,+ m’a kéés kiñe Babilôn ni i loñ ini inyu hihôha hiap,’+ hala nyen Yéhôva a mpot, ‘me ga yilha loñ i bôt ba Kaldéa hôlô i boga ni boga.+ 13 M’a yônôs i mam momasôna me bi pot le me ga boñ inyu kogse i loñ ini, ni mam momasôna Yérémia a bi pot inyu biloñ gwobisôna, hala wee i mam momasôna ma yé ntilga munu kaat ini. 14 Inyule ngandak biloñ ni bikiñe bikeñi+ bi ga yilha bo+ minkol ndi m’a kogse bo i nya i kôli inyu maboñok map ni minson mi moo map.’”+

15 Inyule Yéhôva Nyambe nu Israel a nkal me le: “Yoñ libôndô lini li gwé wai i hiun hiem i woo wem, u nyus yo biloñ gwobisôna i het me ga om we. 16 Bi ga nyo, bi kahal ndiñg, bi boñok kiki bôt ba njék; inyule me yé i om pansoñ i boni.”+

17 Ha nyen me bi yoñ libôndô i woo u Yéhôva, me nyus biloñ gwobisôna i het Yéhôva a bi om me:+ 18 me bi bôdôl ni Yérusalem ni bitison bi Yuda,+ bikiñe gwé ni baane bé, inyu tjé bo, inyu yilha bo yom bilim, yom bôt ba nhimil hiôa, ni yom i i yé ntiihege,+ kiki hala a yé i bôña i len ini. 19 I mbus, me nyus Faraô, kiñe Égiptô ni bagwélél bé, baane ba loñ yé, ni bôt ba loñ yé bobasôna,+ 20 yak ni bakén ba bôt ba niñ i loñ yap; me bi nyus ki bikiñe bi loñ Us; bikiñe gwobisôna bi loñ Filistia,+ Askélôn,+ Gasa, Ékrôn, ni bôt ba Asdôd ba ba bi yégle; 21 Édôm,+ Môab,+ bon ba Lôk Amôn;+ 22 bikiñe gwobisôna bi Tir, bikiñe gwobisôna bi Sidôn,+ ni bikiñe bi ôn i i yé i tuye; 23 Dédan,+ Téma, Buz, ni bôt bobasôna ba nhomb tjôñ i mapañ ma ño;+ 24 bikiñe gwobisôna bi bôt ba Arabia,+ ni bikiñe gwobisôna bi matén ma ma nyééne i ñoñ; 25 bikiñe gwobisôna bi Zimri, bikiñe gwobisôna bi Élam,+ bikiñe gwobisôna bi bôt ba Média;+ 26 bikiñe gwobisôna bi ñombok, bi bi yé haa ni bi bi yé bebee, yada ni yada; ni biane bipe bi nkoñ ’isi gwobisôna; kiñe Sésak*+ yon i ga sôk nyo.

27 “U nlama kal bo le: ‘Haana nyen Yéhôva nu mintôñ mi gwét, Nyambe nu Israel a nkal: “Nyona, ni hiôô, ni lo bilôô, ni kwoo kayéle ni nla ha bé telep,+ inyule me yé i om pansoñ i bééni.”’ 28 Ndi ibale ba ntjél yoñ libôndô i woo woñ inyu nyo, kal bo le: ‘Haana nyen Yéhôva nu mintôñ mi gwét a nkal: “Nyona yo! 29 Ibale me mbôk ndugi me lona bikuu i tison i i bééga jôl jem,+ baa bé ni nhoñol le ni ga pei kogse?”’+

“‘Ni nla bé pei kogse, inyule me yé i lona pansoñ i nol bôt bobasôna ba nyééne i nkoñ ’isi,’ hala nyen Yéhôva nu mintôñ mi gwét a mpot.

30 “U nlama añle bo i bibañga bini gwobisôna, u kal ki bo le:

A ga kônd ni ngui inyu kogse liyééne jé hana ’isi.

A ga pémhene bôt ba binam bobasôna* mbagi.+

A ga nol bibéba bi bôt ni pansoñ,’ hala nyen Yéhôva a mpot.

32 Yéhôva nu mintôñ mi gwét a nkal le:

33 “‘I bôt Yéhôva a ga nol i kel i, ba ga ba ibôdôl i likas li ’isi jada letee ni i likas li hisi lipe. Ba ga ee bé bo, ba ga kot bé mim nwap, ba ga jô bé to nwo. Mi ga yila kiki binan hana ’isi.’

34 Béglana, a batééda mintômba, londa!

26 I bibôdle bi ane i Yéhôyakim+ man Yôsia, kiñe Yuda, i bibañga bini gwon Yéhôva a bi kal Yérémia: 2 “Yéhôva a nkal le: ‘Telep i kotoo i témpel Yéhôva, u pôdôs* bôt ba bitison bi Yuda bobasôna ba ba nlo i témpel Yéhôva inyu bégés nye.* Añle bo mam momasôna me nkal we; u héya bañ to buk yada. 3 Bebek ba ga emble, ba kôm ki béba yap mbus; yak me, me héñha mahoñol,* me kogse ha bé bo inyu maboñok map mabe.+ 4 Kal bo le: “Haana nyen Yéhôva a mpot: ‘Emblana me, nôglana mbén* me bi ti bé, 5 emblana ki bibañga bi bagwélél bem le bapôdôl, ba me bi ômle bé, me tiimbaga,* ndi ni bi emble bé bo;+ 6 jon me nyilha i ndap ini kiki Silô,+ biloñ bi nkoñ ’isi gwobisôna bi kahal tehe i tison ini kiki yom le ba ntiihe.’”’”+

7 Biprisi, bapôdôl ni bôt ba litén bobasôna ba bi nok Yérémia a mpot i mam mana i témpel Yéhôva.+ 8 I ngéda Yérémia a bi mal pot i mam momasôna Yéhôva a bi kal nye le a añle bôt ba litén bobasôna, biprisi, bapôdôl ni bôt ba litén bobasôna ba gwel nye, ba kal nye le: “U kôli ni nyemb. 9 Inyuki u mpot i jôl li Yéhôva, u kalak le: ‘I ndap ini i ga yila kiki Silô, ni le i tison ini i ga tjiba, i yégle hôlô?’” Ha nyen bôt bobasôna ba bi lo, ba kéña Yérémia i témpel Yéhôva.

10 I ngéda baane ba Yuda ba bi nok i mam mana, ba nyodi i ndap* kiñe, ba lo i témpel Yéhôva, ba yén i lijubul li nwemel mondo u témpel Yéhôva.+ 11 Biprisi ni bapôdôl ba kal baane ni bôt ba litén bobasôna le: “I mut nunu a kôli ni nyemb,+ inyule a mpot i tison ini béba, bébomede ni nok hala ni maôô manan.”+

12 I mbus, Yérémia a kal baane bobasôna ni bôt ba litén bobasôna le: “Yéhôva nyen a ñom me le me pot i mam momasôna ni ntip nok inyu ndap ini ni inyu tison ini.+ 13 Jon nano, héñhana bilem binan ni maboñok manan, nôglana Yéhôva Nyambe nan; yak Yéhôva a ga héñha mahoñol,* a ga kogse ha bé bé kiki a bi pot.+ 14 Inyu yem, me yé i moo manan. Boña me i jam ni ntehe loñge, ni li li téé sép i mis manan. 15 Ndi yina le, ibale ni nol me, wee ni mbegee pil matjél ma mut nu a yé nginsohi, wee ni mbééga yak wo i tison ini ni bôt ba nyééne mu. Inyule, me nkal bé maliga le Yéhôva nyen a ñom me i kal bé i mam momasôna ni ntip nok.”

16 Ha nyen baane ni bôt ba litén bobasôna ba bi kal biprisi ni bapôdôl le: “I mut nunu a kôli bé ni nyemb, inyule a mpôdôs toi bés i jôl li Yéhôva Nyambe wés.”

17 Yak ngim mimañ mi litén mi telep, mi bôdôl kal i bôt bobasôna ba bi kodba ha le: 18 “Mika,+ mut Môréset a bé mpôdôl i dilo di Hézékia,+ kiñe Yuda. A bi kal bôt ba Yuda bobasôna le: ‘Haana nyen Yéhôva nu mintôñ mi gwét a mpot:

19 “Baa Hézékia, kiñe Yuda, ni bôt ba Yuda bobasôna ba bi nol nye? Baa kiñe i bi kon bé Yéhôva woñi? Baa i bi soohe bé Yéhôva le a kônôl bo ngoo,* kayéle Yéhôva a héñha mahoñol,* a kogse ha bé bo kiki a bi pot?+ I jam di nsômbôl boñ, li ga lona bés bikuu bikeñi.

20 “Mut numpe le Uriya man Sémaya a bi pot i jôl li Yéhôva, a bé lôl i Kiriat-Yéarim.+ Yak nye a bi pot nlélém jam kiki Yérémia inyu tison ini ni inyu loñ ini. 21 I ngéda Kiñe Yéhôyakim+ ni mimpémba nwé mi bôt nwominsôna ni baane bobasôna ba bi nok bibañga gwé, kiñe i kahal yéñ njel i nol nye.+ Kiki Uriya a nok hala, a kon woñi, a ke ngwéé i Égiptô. 22 Ndi Kiñe Yéhôyakim a bi om Elnatan+ man Akbor lôñni bôt bape i Égiptô. 23 Ba gwel Uriya i Égiptô, ba lona nye yak Kiñe Yéhôyakim, a nol nye ni pansoñ,+ a leñ mim wé i wom soñ u gwañga bi bôt.”

24 Ndi Ahikam+ man Safan+ a bi sôñ Yérémia, le ba ti bañ nye i moo ma bôt ba litén le ba nol+ nye.

27 I bibôdle bi ane i Yéhôyakim man Yôsia, kiñe Yuda, i bibañga bini gwon Yéhôva a bi kal Yérémia: 2 “Haana nyen Yéhôva a bi kal me: ‘Boñ minkôô, u boñ ki bikék bi kop nson, u kéhi gwo i joo joñ. 3 I mbus, ômle gwo kiñe Édôm,+ kiñe Môab,+ kiñe Lôk Amôn,+ kiñe Tir+ ni kiñe Sidôn;+ om gwo ni balegelnwin ba ba nlo i Yérusalem inyu tehe Sédékia, kiñe Yuda. 4 Kal bo le ba legel bikiñe gwap i nwin unu:

“‘“Haana nyen Yéhôva nu mintôñ mi gwét, Nyambe nu Israel, a mpot; kala bikiñe binan le: 5 ‘Men me bi hek hisi, bôt ba binam ni binuga bi bi yé hana ’isi lôñni ngui yem; ni woo wem u lipémba, me nti hio tonjee me ngwés+ ti.* 6 Nano, me mal ti ngwélél wem Nébukadnézar,+ kiñe Babilôn, i biloñ bini gwobisôna; me nti yak nye binuga bi bikai le bi gwélél nye. 7 Biloñ gwobisôna bi ga gwélél nye, ni man wé, ni nlal wé letee ngéda i kola le bôt bape ba ane loñ yé.+ Ha nyen ngandak biloñ ni bikiñe bikeñi bi ga yilha nye nkol wap.’+

8 “‘“‘I loñ tole i ane i ga tjél gwélél Nébukadnézar, kiñe Babilôn, i tjél ki lek joo inyu begee kop nson i kiñe Babilôn; m’a kogse i loñ i ni pansoñ,+ ni njal, ni himala,’* hala nyen Yéhôva a mpot, ‘letee me gwélél Nébukadnézar inyu sas gwo.’

9 “‘“‘Jon ni emble bañ bapôdôl banan, to bôt banan ba ba mbo ngambi, to bôt banan ba ba ñemel bieem, to bôt banan ba makañ, to bôt banan ba ba nke liemb, ba ba nkal le: “N’a gwélél bé kiñe Babilôn.” 10 Inyule bitembee gwon ba ñañle bé; ni emble bañ bo tiga le ni ke haa ni loñ nan, me sand bé, ni tjiba ki.

11 “‘“‘Ndi i loñ i ga lek joo inyu begee kop nson i kiñe Babilôn, i gwélél ki nye, me ga boñ le i yégle* mu hisi hié,’ hala nyen Yéhôva a mpot, ‘i sal hio, i yééne ki mu.’”’”

12 Me bi kal Sédékia,+ kiñe Yuda nlélém jam le: “Ibale ni nlek joo inyu begee kop nson i kiñe Babilôn, ni neebe i gwélél ki nye ni bôt bé, n’a niñ.+ 13 U nwas bañ le pansoñ,+ ni njal,+ ni himala+ bi nol we ni bôt boñ. Inyule kiki Yéhôva a bi pot, i mam ma mon ma ga pémél i loñ i ga tjél gwélél kiñe Babilôn. 14 Ni emble bañ bipôdôl bi bapôdôl ba ba nkal bé le: ‘N’a gwélél bé kiñe Babilôn,’+ inyule bitembee gwon ba ñañle bé.+

15 “‘Inyule me bi om bé bo,’ hala nyen Yéhôva a mpot, ‘ndi bitembee gwon ba mpot i jôl jem. Ndi ibale ni ñemble bo, m’a sand bé, ni tjiba ki, bé ni bapôdôl banan ba ba nkal bé mam.’”+

16 Me bi kal yak biprisi ni bôt ba litén bobasôna le: “Yéhôva a nkal le: ‘Ni emble bañ bipôdôl bi bapôdôl ba ba nkal le: “Ndék ngéda bisélél bi ndap Yéhôva bi bi yé i Babilôn bi ga témb!”+ Inyule bitembee gwon ba nkal bé.+ 17 Ni emble bañ bo. Gwéélana kiñe Babilôn ndi n’a niñ.+ Inyuki i tison ini i nlama tjiba? 18 Ndi ibale ba yé toi bapôdôl, ibale bañga i Yéhôva yon ba mpot, wee ba soohe ni Yéhôva nu mintôñ mi gwét le i bisélél bi bi yégle i ndap Yéhôva, i ndap* kiñe Yuda ni i Yérusalem, bi ke bañ i Babilôn.’

19 “Inyule haana nyen Yéhôva nu mintôñ mi gwét a mpot inyu mél,+ soso pan ba bé sébél le Tuye,*+ bikak,+ ni bisélél bi bi ngi yii munu tison ini, 20 bi Nébukadnézar, kiñe Babilôn, a bi kena bé i ngéda a bi lo i Yérusalem, a gwel Yékônia man Yéhôyakim, kiñe Yuda, a kena nye i minkôm i Babilôn, nye ni mintôô mi bôt nwominsôna mi Yuda ni mi Yérusalem.+ 21 Ñ, haana nyen Yéhôva nu mintôñ mi gwét, Nyambe nu Israel, a mpot inyu bisélél bi bi yégle i ndap Yéhôva, i ndap* kiñe Yuda ni i Yérusalem: 22 ‘“Bi ga ke i Babilôn,+ bi yén nyoo letee ni i kel me ga yoñ ngéda ni gwo,”* hala nyen Yéhôva a mpot. “I mbus, me ga témbna gwo, me timbis gwo hana homa nunu.”’”+

28 I nlélém nwii, i bibôdle bi ane i Sédékia,+ kiñe Yuda, hala wee i sôñ i nyônôs itan i nwii mi nyônôs mina mi ane yé; mpôdôl Hanania man Azur, mut Gibéôn,+ a bi pôdôs me i témpel Yéhôva i bisu bi biprisi ni bôt ba litén bobasôna, a kal le: 2 “Haana nyen Yéhôva nu mintôñ mi gwét, Nyambe nu Israel, a mpot: ‘Me ga bôk kop nson i kiñe Babilôn.+ 3 Ilole nwii ima mi ntagbe,* m’a témbna bisélél bi témpel Yéhôva gwobisôna hana homa nunu, i bisélél Nébukadnézar, kiñe Babilôn, a bi yoñ hana homa nunu, a kena i Babilôn.’”+ 4 “‘M’a témbna ki Yékônia+ man Yéhôyakim,+ kiñe Yuda, hana homa nunu, nye lôñni bôt ba Yuda bobasôna ba ba bi ke minkôm i Babilôn,’+ hala nyen Yéhôva a mpot, ‘inyule m’a bôk kop nson i kiñe Babilôn.’”

5 Ha nyen mpôdôl Yérémia a bi timbhe mpôdôl Hanania i bisu bi biprisi ni bôt ba litén bobasôna ba ba bé ba téé i témpel Yéhôva. 6 Mpôdôl Yérémia a kal le: “Amen!* Yéhôva a boñ hala! Yéhôva a yônôs mam momasôna u mpot, a témbna bisélél bi témpel Yéhôva hana homa nunu, yak ni bôt bobasôna ba bi ke i minkôm. 7 Ndi soho emble i nwin unu me nsômbôl legel bé, we ni bôt ba litén bobasôna. 8 I ngéda kôba, bapôdôl ba ba bi bôk me ni we i bisu ba bi legel manwin ma gwét, ma bikuu ni ma dimala* inyu ngandak biloñ ni biane bikeñi. 9 Ibale mpôdôl a mpot le nsañ u ga ba, ndi bibañga gwé bi yon, hala nyen bôt ba ga yi le Yéhôva toi nyen a ñom i mpôdôl nu.”

10 Ha nyen Hanania a bi héya kop nson i joo li mpôdôl Yérémia, a bôk+ yo. 11 I mbus, Hanania a kal bôt ba litén bobasôna le: “Haana nyen Yéhôva a mpot: ‘Hala nyen me ga héya kop nson i Nébukadnézar, kiñe Babilôn, i joo li biloñ gwobisôna ilole nwii ima mi ntagbe, me bôk yo.’”+ I mbus, mpôdôl Yérémia a ke.

12 I ngéda mpôdôl Hanania a bi bôk kop nson i bé i joo li mpôdôl Yérémia, Yéhôva a ômle Yérémia i nwin unu: 13 “Ke kal Hanania le: ‘Haana nyen Yéhôva a mpot: “U mbôk kop nson i i yé ni bikék,+ ndi w’a bañ kop nson ipe i i yé ni bikei,* inyu héñha i bisu.” 14 Inyule haana nyen Yéhôva nu mintôñ mi gwét, Nyambe nu Israel, a mpot: “Me ga ha kop nson i bikei* i joo li biloñ bini gwobisôna, le bi gwélél Nébukadnézar, kiñe Babilôn; ñ, bi ga ba nyégsaga i gwélél nye.+ Me ga ti yak nye binuga bi bikai.”’”+

15 I mbus, mpôdôl Yérémia a kal mpôdôl Hanania+ le: “Soho emble a Hanania! Yéhôva a ñom bé we, u ntinde bôt ba litén lini i hémle bitembee.+ 16 Inyu hala nyen Yéhôva a nkal le: ‘Emble ki! Me ga sas we hana ’isi. I nwii unu, u ga wo, inyule u ntinde bôt i ndogbene Yéhôva.’”+

17 Mpôdôl Hanania a bi wo mu nwii u, i sôñ i nyônôs isaambok.

29 I bibañga bini gwon bi yé ikété kaat mpôdôl Yérémia, nu a yé i Yérusalem; i kaat a bi ômle mimañ mi litén mi mi bi ke i minkôm, yak ni biprisi, bapôdôl ni bôt ba litén bobasôna Nébukadnézar a bi gwel i Yérusalem, a kena i minkôm i Babilôn. 2 A bi om yo i ngéda Yékônia+ a bé a ma nyodi i Yérusalem, ni nyañ kiñe,*+ ni bôt ba ngomin ba ndap kiñe, ni baane ba Yuda ni ba Yérusalem,+ ni bôt ba nyi bôlô lôñni baôô bikei.* 3 Élasa man Safan,+ ni Gémaria man Hilkia bon ba bi kena i kaat i. Sédékia,+ kiñe Yuda, a bi om i bôt ba bo iba i Babilôn yak Nébukadnézar, kiñe Babilôn. Kaat i bé kal le:

4 “Haana nyen Yéhôva nu mintôñ mi gwét, Nyambe nu Israel, a nkal bôt ba litén bobasôna, ba me bi boñ le ba nyodi i Yérusalem inyu ke i minkôm i Babilôn: 5 ‘Oña mandap ni yén ki mu, sala nwom, ni je ki matam map. 6 Biina bôda, ni gwal ki bon bôlôm ni bon bôda; yôñlana bon banan bôda, ni ti ki bingond binan i mabii, le yak bo ba bana bon bôlôm ni bon bôda. Ni bôl, ndi nsoñgi nan u sôs bañ. 7 Yéña le tison i het me bi om bé i minkôm i ba ikété nsañ, soohana Yéhôva inyu tison i, inyule ibale tison i i yé ikété nsañ, yak bé n’a ba ikété nsañ.+ 8 Inyule Yéhôva nu mintôñ mi gwét, Nyambe nu Israel, a nkal le: “Ni nwas bañ le bapôdôl banan ni bôt banan ba ngambi ba teembene bé,+ ni emble bañ to bieem gwap ba ñemel. 9 Inyule ‘bitembee gwon ba yé i añle bé i jôl jem, me ñom bé me bo,’+ hala nyen Yéhôva a mpot.”’”

10 “Inyule haana nyen Yéhôva a mpot: ‘I ngéda 70 ma nwii ma ga kola, me ga yoñ ngéda ni bé,+ me yônôs mbônga wem, me témbna bé hana homa nunu.’+

11 “Yéhôva a mpot le: ‘Inyule me nyi mahoñol me gwééne bé, me nsômbôl lona bé nsañ, he kogse bé,+ inyu boñ le dilo di nlo di ba loñge inyu nan, ni bana ki botñem.+ 12 N’a sébél me, n’a soohe ki me, yak me m’a emble.’+

13 “‘N’a yéñ me, ni léba ki me,+ inyule n’a yéñ me ni ñem nan wonsôna.+ 14 Me ga nwas le ni léba me,’+ hala nyen Yéhôva a mpot. ‘Me ga témbna bôt banan ba ba yé i minkôm, me kot bé nyoo i biloñ gwobisôna ni i bahoma me bi sand bé,+ me témbna ki bé,’ hala nyen Yéhôva a mpot. ‘Me ga témbna bé i homa me bi hééna bé ilole ni bé ke i minkôm.’+

15 “Ndi ni bi kal le: ‘Yéhôva a nti bés bapôdôl i Babilôn.’

16 “Inyule haana nyen Yéhôva a mpot inyu kiñe i i yii i yééne ane i David+ ni inyu bôt bobasôna ba nyééne i Yérusalem, lôkisoñ nan i i bi ke bé i minkôm lôñni bé: 17 ‘Yéhôva nu mintôñ mi gwét a nkal le: “Me yé i ômle bo pansoñ, njal ni himala;*+ me ga yilha bo kiki matam ma faigé ma ma mbol,* ma ma yé mabe kayéle mut nye ki nye a nla bé je mo.”’+

18 “‘Me ga noñ bo ni pansoñ,+ njal ni himala; me ga boñ le biane bi nkoñ ’isi+ gwobisôna bi kon woñi i ngéda bi ga tehe i ndutu i ga pémél bo. Nyoo i biloñ gwobisôna i het me ga sand bo,+ bôt ba ga sima bo i ngéda ba ntiihe, bôt ba ga hel i ngéda ba ga tehe bo, ba ndeglege bo, ba yanak bo;+ 19 inyule ba bi emble bé bibañga me bi legel bo ni njel bagwélél bem le bapôdôl,’ hala nyen Yéhôva a mpot, ‘me omok, me tiimbaga.’*+

“‘Ndi ni bi nôgôl bé,’+ hala nyen Yéhôva a mpot.

20 “Inyu hala nyen, emblana bibañga bi Yéhôva, a bé bobasôna ba ni yé i minkôm, a bé ba me bi nyodna i Yérusalem, me kena i Babilôn. 21 Haana nyen Yéhôva nu mintôñ mi gwét, Nyambe nu Israel, a mpot inyu Ahab man Kôlaya, ni inyu Sédékia man Maaséya, ba ba mpot bitembee i jôl jem:+ ‘Me ga sem bo i moo ma Nébukadnézar,* kiñe Babilôn; a ga nol bo i bisu binan. 22 I jam li ga pémél bo li ga yila ndiihe i manyo ma bôt ba Yuda bobasôna ba ba yé i minkôm i Babilôn: “Yéhôva a nyilha we kiki Sédékia ni kiki Ahab, bôt kiñe Babilôn i bi bôm i juu!” 23 Inyule ba mboñ mam ma nwéhna nyuu i Israel,+ ba bi ke i ndéñg ni baa ba bôt bap ba libôk, ba pot ki bitembee i jôl jem ndi ki le me bi om bé me bo.+

“‘“Me nyi i jam ba bi boñ, me yé ki mbôgi,”+ hala nyen Yéhôva a mpot.’”

24 “Kal Sémaya,+ mut Néhélam, le: 25 ‘Yéhôva nu mintôñ mi gwét, Nyambe nu Israel, a nkal le: “U bi ômle i bôt bobasôna ba yé i Yérusalem bikaat i jôl joñ, u ômle yak prisi le Sôfônia+ man Maaséya, yak ni biprisi gwobisôna bikaat. Bikaat bi bé kal le: 26 ‘Yéhôva a ntéé we prisi le u yoñ tel i prisi Yéhôyada, inyu boñ le u yila mbéñge nson u témpel Yéhôva. Ibale mut njék a mbôdôl boñ kiki mpôdôl, wen u kôli ha nye dikéñ ni minsañ mi bikei i joo.+ 27 Inyuki u nkogse bé Yérémia, mut Anatôt,+ nu a mboñ kiki mpôdôl i bisu binan?+ 28 Inyule a bi ômle yak bés nwin i Babilôn le: “Ni ga nom nyoo ntandaa ngéda! Oña mandap, ni yééne ki mu. Sala nwom, ni je ki matam.”’”’”*+

29 I ngéda prisi le Sôfônia+ a bi añ i kaat ini i bisu bi mpôdôl Yérémia, 30 Yéhôva a pôdôs Yérémia, a kal nye le: 31 “Ômle bôt ba litén bobasôna ba ba yé minkôm nwin le: ‘Haana nyen Yéhôva a mpot inyu Sémaya, mut Néhélam: “Hala kiki Sémaya a ñañle bé mam, ndi ki le me ñom bé me nye, a ngwés ki boñ le ni hémle bitembee,+ 32 jon Yéhôva a nkal le: ‘Me yé i yoñ ngéda ni Sémaya, mut Néhélam, yak ni mbôda yé. Mut wé lihaa to wada a ga pei bé munu litén lini, a ga tehe bé to i loñge me ga bôñôl litén jem,’ hala nyen Yéhôva a mpot, ‘inyule a ntinde bôt i ndogbene Yéhôva.’”’”

30 Yéhôva a bi pôdôs Yérémia, a kal nye le: 2 “Haana nyen Yéhôva, Nyambe nu Israel, a mpot: ‘Tila bibañga gwobisôna me nkal we ikété kaat. 3 “Inyule dilo di ga lo,” hala nyen Yéhôva a mpot, “le me ga kot bôt ba litén jem ba ba bi ke i minkôm, Israel ni Yuda,”+ hala nyen Yéhôva a nkal, “me ga témbna bo i loñ me bi ti basôgôlsôgôl bap, ba témb ba bôdôl yééne mu.”’”+

4 I bibañga bini gwon Yéhôva a bi kal inyu Israel ni Yuda.

 5 Haana nyen Yéhôva a mpot:

 6 Soho, ni bat too munlôm a nla gwal.

Inyuki masu ma njum bôt bobasôna?

 7 Wééi! I hilo hi, hi yé ndutu.*+

Ndi a ga tohlana mu.”

8 Yéhôva nu mintôñ mi gwét a nkal le: “I hilo hi, me ga bôk kop nson i yé we i joo, me kit ki minkôô nwé; bakén ba bôt ba ga yilha ha bé bo* minkol nwap. 9 Ba ga bégés Yéhôva Nyambe wap, ba gwélél ki David, kiñe me ga téé inyu yap.”+

11 “Inyule me yé lôñni we inyu tohol we,” hala nyen Yéhôva a mpot.

12 Inyule haana nyen Yéhôva a nkal:

“Kon woñ u gwé bé matibla.+

Mbabaa yoñ i mal bé.

Bee bi ta bé inyu yoñ.

14 Mimbok nwoñ nwominsôna mi bi hôya we.+

Mi nyéñ ha bé we.

15 Inyuki kon woñ u mboñ le u lond?

Njôghe yoñ i mal bé!

‘Siôn, muda nu mut nye ki nye a nyéñ ha bé.’”+

18 Haana nyen Yéhôva a nkal:

19 Ba ga tôp tjémbi inyu ti mayéga, ba nolok ki hiol.+

M’a kogse i bôt bobasôna ba ntééñga nye.+

M’a boñ le a tiige me bebee, yak nye a ga lo me bebee.”

“Ibale hala bé, njee a nla ban ñem i* tiige me bebee?” Hala nyen Yéhôva a mpot.

22 “N’a ba litén jem,+ yak me m’a ba Nyambe nan.”+

I dilo di nsôk, n’a nok i jam li.+

31 “Ha ngéda i, m’a yila Nyambe nu mahaa ma Israel momasôna, yak mo m’a yila litén jem.”+ Hala nyen Yéhôva a mpot.

 2 Haana nyen Yéhôva a mpot:

 3 Yéhôva a bi pémél me, me bak haa, a kal me le:

“Me bi gwés we lôñni gwéha i i nom i boga ni boga.

Inyu hala nyen me bi ôt we ipañ yem ni loñgeñem.*+

 4 M’a tiimba oñ we; ñ, w’a tiimba ôña.+

 6 Inyule kel yada, bôt ba faa i dikôa di Éfraim ba ga lond le:

‘Telbana, di bedek i Siôn yak Yéhôva Nyambe wés.’”+

 7 Inyule haana nyen Yéhôva a nkal:

“Leña diléla inyu Yakôb.

Bédhana kiñ ni maséé inyule ni yé loñ i bisu ikété biloñ.+

Añlana i jam li; béghana Nyambe, ni kalak le:

‘A Yéhôva, tohol litén joñ; ñ, bôt ba Israel ba ba nyégle.’+

 8 Me ga nyodna bo i loñ i ñombok, me témbna bo.+

Me ga yôñôl bo nyoo i makas ma ’isi, me kot bo.+

I ngéda ba ga témb hana, ba ga ba likoda likeñi.+

 9 Ba mba ba nlo, ba eek.+

Ba ga yemhe me i ngéda me mba me ñéga bo.

Inyule me yé Isañ Israel, Éfraim a yé man wem nu bisu.”+

“Nu a bi sand Israel a ga kot nye.

A ntat nye kiki ntééda mintômba a ntat bémba yé.+

Me ga boñ le maéya map ma yila maséé.+

Me ga hôgbaha bo, me kônha ki bo maséé inyu boñ le ba hôya njiiha yap.+

15 “Haana nyen Yéhôva a nkal:

‘Kiñ i nôga i Rama,+ minlondok ni maéya:

Rahel nyen a ñee bon bé.+

16 Haana nyen Yéhôva a nkal:

‘Ba ga nyodi i loñ i baoo bap.’+

17 ‘Botñem i ga ba inyu dilo di nlo,’+ hala nyen Yéhôva a mpot.

‘Bon boñ ba ga témb i hisi hiap.’”+

18 “Me bi nok Éfraim a ñee, a kalak le:

20 “Baa Éfraim a tane bé me man nu a gwé mahee, man nu me ngwés ngandak?+

Inyule to a ñunbaha me ngandak, me nhôya bé nye.

Inyu hala nyen me nsiida* i ngéda me nhoñol nye.+

Ni maliga, me ga kônôl nye ngoo,” hala nyen Yéhôva+ a mpot.

U hôya bañ nloñ nkeñi, njel u nlama kil.+

Témb, a ngond ngi yi munlôm i Israel, témb i bitison gwoñ.

22 Letee ni ngéda mbe liyoñ makidik li ga nai we, a hingonda hi ndok?

Inyule Yéhôva a nhek jam li mondo hana ’isi:

muda a ga yéñ munlôm ni nwai.”

23 Haana nyen Yéhôva nu mintôñ mi gwét, Nyambe nu Israel, a nkal: “I ngéda me ga kot bôt bap ba ba yé i minkôm, me témbna ki bo i loñ Yuda ni i bitison gwap, ba ga tiimba pot bibañga bini le: ‘Yéhôva a sayap we, a liyééne li telepsép,+ a hikôa hipubhaga.’+ 24 Bobasôna ba ga yén i Yuda ni i bitison gwé gwobisôna, basalnwom lôñni batééda mintômba.+ 25 Inyule m’a nuus nu a yé nwaak, me lédés ki nu a ntomb.”+

26 Ha nyen me bi tôde, me yibil mis. Me bi ke ’ilo loñge.

27 Yéhôva a nkal le: “Nuna-ki! Dilo di ga lo le m’a bulus bôt ba litén li Israel ni ba litén li Yuda. Me ga bulus ki bilém gwap.”+

28 “Nlélém kiki me bi yoñ ngéda i nup bo, i leñ bo ’isi, i bôk bo, i tjé bo ni i boñ bo béba;+ hala nyen me ga yoñ ki ngéda i oñ ni i bel bo,”+ hala nyen Yéhôva a mpot. 29 “I dilo di, ba ga kal ha bé le: ‘Basañ ba bi je bisua bi matam ma nkôô wai, ndi masoñ ma bon bap mon ma bana manyii.’+ 30 Ndi hiki mut a ga wo inyu béba yé. I mut a ga je bisua bi matam ma nkôô wai, nyen masoñ mé ma ga bana manyii.”

31 Yéhôva a nkal le: “Nuna-ki! Dilo di nlo le m’a boñ malômbla ma yondo ni ndap Israel lôñni ndap Yuda.+ 32 Ma ga ba bé kiki malômbla me bi boñ ni basôgôlsôgôl bap i kel me bi gwel bo woo inyu nyodna bo i loñ Égiptô;+ ‘ba bi bôk malômbla mem,+ to hala kiki me bé bañga yap nwet,’* hala nyen Yéhôva a mpot.”

33 Yéhôva a nkal le: “Inyule mana mon ma yé malômbla m’a boñ ni ndap Israel i mbus dilo di. M’a ha mambén mem ikété yap,+ m’a tila ki mo ikété miñem nwap.+ M’a yila Nyambe wap, yak bo b’a yila litén jem.”+

34 “Ndi mut to wada ikété yap a’ niiga ha bé mut wé libôk, to maasañ, to kal nye le: ‘Yi Yéhôva!’+ Inyule bobasôna ba ga yi me, ibôdôl nuntitigi ikepam nunkeñi ikété yap,”+ hala nyen Yéhôva a mpot. “Inyule me ga nwéhél bo maboñok map mabe, me ga bidga ha bé bibéba gwap.”+

37 Haana nyen Yéhôva a nkal: “‘Baa mut a nla hek bikeñi bi ngii? Baa mut a nla wan dikuu di ’isi? To! Hala nyen to me, me ta bé le me tjôô mbôda Israel yosôna inyu mam momasôna ba bi boñ,’ hala nyen Yéhôva a mpot.”+

38 Yéhôva a nkal le: “Dilo di ga lo le ba ga oñ tison+ inyu Yéhôva, ibôdôl i nkum ndap u Hananel+ letee ni i nwemel u Likas.+ 39 Ba ga hek ni méta+ letee ni i hikôa Gareb; i mbus, ba kodna méta inyu ke i Gôa. 40 Nsôsôgô* wonsôna u mim ni u libu,* nwom nwominsôna letee ni i nsôsôgô u Kidrôn,+ ikepam i likas li nwemel u Hosi,+ i pes likôl; i homa nu nyensôna a ga ba mpubhaga inyu Yéhôva.+ Ba ga nup ha bé nye, to tjé nye.”

32 Yéhôva a bi pôdôs Yérémia i nwii mi nyônôs 10 mi ane i Sédékia, kiñe Yuda; hala wee i nwii mi nyônôs 18 mi ane i Nébukadnézar.*+ 2 Ha ngéda i, mintôñ mi gwét mi kiñe Babilôn mi bi kéña Yérusalem; Yérémia a bak i mok i kotoo Batat,+ i i yé i ndap* kiñe Yuda. 3 Inyule Sédékia, kiñe Yuda, a bi ha nye i mok,+ a kal nye le: “Inyuki u mpot i nya jam ini? U nkal le: ‘Haana nyen Yéhôva a mpot: “M’a ti kiñe Babilôn i tison ini, a ga yémbél yo,+ 4 yak Sédékia, kiñe Yuda, a ga pei bé bôt ba Kaldéa; inyule me ga sem nye i moo ma kiñe Babilôn. A ga pôdôs nye mbom ni mbom, ba tehna ki.”’+ 5 ‘A ga kena Sédékia i Babilôn, Sédékia a ga yén nyoo letee me yoñ ngéda ni nye,’ hala nyen Yéhôva a mpot. ‘To hala kiki ni yé i jôs bôt ba Kaldéa, ni ga yémbél bé bo.’”+

6 Ha ngéda i, Yérémia a bi kal le: “Yéhôva a mpôdôs me, a kal le: 7 ‘Emble-ki! Hanamel, man Salum, manyañ isoñ a ga lo i weeni, a kal we le: “Somb wom wem u u yé i Anatôt,+ inyule wen u yé nkôdôlbum nu bisu, wen u gwé kunde i somb wo.”’”+

8 Hanamel, man manyañ tata, a bi lo i meeni i kotoo Batat, kiki Yéhôva a bi pot, a kal me le: “Soho, somb wom wem u u yé i Anatôt, i nkoñ u Benyamin, inyule wen u yé nkôdôlbum, we ki nyen u gwé kunde i somb wo. Soho, somb wo.” Ha nyen me bi yi toi le sômbôl i Yéhôva i.

9 Hala nyen me bi somb wom u Hanamel man manyañ tata, wom u u yé i Anatôt. Me hek moni+ me bé lama ti nye, sékel* isaambok ni jôm li batjañtjañ ba silba. 10 I mbus, me tila bikaat bi hisi,+ me ôm sitamp mu, me sébél bôt ba mbôgi,+ me hek moni i kilô, me ti nye. 11 Ha nyen me bi yoñ bikaat bi hisi, hala wee i kaat me bi ôm sitamp kiki mbén i nkal, lôñni ini kaat ipe i bééna bé sitamp, 12 me ti gwo Baruk,+ man Néria,+ man Maséya; i bisu bi Hanamel man manyañ tata, i bisu bi bôt ba mbôgi ba ba bi sane bikaat bi hisi, ni i bisu bi bon ba Lôk Yuda bobasôna ba ba bé ba yii i kotoo Batat.+

13 Nano, me ti Baruk oda i bisu gwap le: 14 “Haana nyen Yéhôva nu mintôñ mi gwét, Nyambe nu Israel, a mpot: ‘Yoñ bikaat bi hisi bini, ini i gwé sitamp ni ini i gwé bé sitamp, ha gwo ikété hibee hi biték, inyu boñ le bi nom ntandaa ngéda.’ 15 Inyule haana nyen Yéhôva nu mintôñ mi gwét, Nyambe nu Israel, a mpot: ‘Bôt ba ga témb ba somb mandap, nwom mi bijek ni nwom mi minkôô mi wai munu loñ ini.’”+

16 Kiki me nti Baruk man Néria bikaat bi hisi, me soohe Yéhôva le: 17 “Éé, a Nwet Bayemlikok le Yéhôva! Ngii ni hisi, u bi hek gwo ni ngui+ yoñ ikeñi lôñni lipémba li woo woñ. Jam jo ki jo li ta bé hélha inyu yoñ, 18 u ñunda dikôô di bôt loñgeñem,* ndi u nwas le bikuu bi bibéba bi basañ bi yik kwél bon,*+ wen u yé bañga Nyambe, Nyambe Nunkeñi ni Nu Lipémba, nu a gwé jôl le Yéhôva nu mintôñ mi gwét. 19 Sômbôl yoñ i yé hélha,* u mboñ mam ni lipémba,+ mis moñ ma ntehe maboñok ma bôt ba binam bobasôna,+ kayéle u ntimbhe hiki mut inoñnaga ni maboñok mé yak ni minson nwé.+ 20 U bi boñ bihélha bi mam ni manyaga i loñ Égiptô ma ma nyiba letee ni len, hala a bi boñ le bon ba Israel ni bôt ba binam ba yi we,+ kiki i yé i len ini. 21 U bi nyodna litén joñ Israel i loñ Égiptô lôñni bihélha bi mam, ni manyaga, ni woo woñ u ngui, ni woo woñ u lipémba, yak ni mam ma ma nkônhana woñi.+

22 “I mbus ngéda, u bi ti bo i loñ ini u bi bôn basôgôlsôgôl+ bap, loñ i i nkuli milik ni wéi.+ 23 Ba bi jôp mu loñ i, ba bôdôl yééne mu, ndi ba bi nôgôl bé we, ba bi noñ bé to mbén yoñ. Ba bi boñ bé i mam u bi kal bo le ba boñ, inyu hala nyen u bi boñ le bikuu bini gwobisôna bi kwél bo.+ 24 Nun-ki! Bôt bana ba nlo, ba téé ni bijôl gwap bi gwét inyu kadal tison;+ jon pansoñ,+ njal ni himala*+ bi ga boñ le tison i kwoo i moo ma bôt ba Kaldéa ba ba nlo i jôs yo. Mam momasôna u bi pot, ma mal yon kiki u yé i tehe. 25 Ndi to hala, a Nwet Bayemlikok le Yéhôva, u bi kal me le: ‘Yoñ moni, u somb hisi, u sébél bôt ba mbôgi,’ to hala kiki tison i ga kwo i moo ma bôt ba Kaldéa.”

26 Ha nyen Yéhôva a bi timbhe Yérémia le: 27 “Men me yé Yéhôva, Nyambe nu bôt ba binam bobasôna.* Baa jam li nla lôôha ba hélha inyu yem? 28 Jon Yéhôva a nkal le: ‘Me yé i sem i tison ini i moo ma bôt ba Kaldéa ni ma Nébukadnézar,* kiñe Babilôn; a ga yémbél yo.+ 29 Bôt ba Kaldéa ba ba yé i jôs i tison ini, ba ga jôp mu, ba ha yo hié, ba ligis ki yo,+ yak ni mandap i het bôt ba bé bet i ngii minyôl inyu sémél Baal bisesema, ba tinak banyambe bape makébla ma wai inyu unbaha me.’+

30 “‘Inyule bon ba Israel ba mboñ ndik mam mabe mo ni mo i bisu gwem, ibôdôl bo boñge;+ litén li Israel li ñunbaha me ni minson mi moo map,’ hala nyen Yéhôva a mpot. 31 ‘Inyu tison ini, ibôdôl nu ba bi oñ yo letee ni i len ini, i ñunbaha ndik me, i bédhak me liyot,+ jon i nlama nyodi me i mbom,+ 32 inyu mam mabe momasôna bon ba Israel ni bon ba Yuda ba bi boñ inyu unbaha me; bo ni bikiñe+ gwap, ni baane+ bap, ni biprisi gwap, ni bapôdôl+ bap, yak ni bôt ba Yuda ni bôt ba nyééne i Yérusalem. 33 Ba bé kôm me mbus, ba bé nun bé me;+ to hala kiki me bi noode niiga bo, me podok, me tiimbaga,* ndi to wada wap a bi emble bé me, a bi neebe bé to le me kodol nye.+ 34 Ba bi bii bisat gwap bi bi nsuñgaha ñem ikété ndap i i bééga jôl jem, ba yilha yo nyega.+ 35 Ba bi oñ yak bahoma ba nyôgi inyu Baal, i nsôsôgô u Man Hinom,*+ inyu ligis bon bap bôlôm ni bon bap bôda inyu Môlek;+ jam le me bi ti bé bo oda le ba boñ,+ hala a bi lo bé to me i mahoñol* le me boñ i nya jam i. Hala nyen ba bi tinde Yuda i kwo ikété béba.’

36 “Bé ni yé i kal le pansoñ, njal ni himala gwon bi ga boñ le i tison ini i kee i moo ma kiñe Babilôn. Ndi haana nyen Yéhôva Nyambe nu Israel a nkal: 37 ‘Me ga yoñ bo nyoo biloñ gwobisôna i het me bi sand bo ikété hiun hiem, liyot jem ni njôô ikeñi,+ me kot bo, me témbna bo hana homa nunu, ba yén ki mu ikété nsañ.+ 38 Ba ga yila litén jem, yak me, me yila Nyambe wap.+ 39 Me ga ti bo ñem wada,+ me boñ ki le ba nôñôl njel yada, kayéle ba kon me woñi ngéda yosôna inyu loñge yap ni inyu loñge i bon bap, ba ba ga gwéé i mbus yap.+ 40 Me ga boñ malômbla+ ma ma nom i boga ni boga lôñni bo, le m’a waa bé boñ bo loñge;+ m’a ha ikété miñem nwap le ba kon me woñi, inyu boñ le ba kôm bañ me mbus.+ 41 M’a kon maséé i bôñôl bo loñge,+ m’a bel yaga bo munu loñ ini+ ni ñem wem wonsôna ni ngui yem yosôna.’”*

42 “Inyule haana nyen Yéhôva a mpot: ‘Kiki me bi boñ le bikuu bikeñi bi kwél bôt ba litén lini, hala ki nyen me ga lona bo i mam malam momasôna me yé i bôn bo.+ 43 Bôt ba ga témb ba somb nwom munu loñ ini,+ to hala kiki ni yé i kal le: “I homa nunu a yé hôlô, a gwé bé mut, to nuga bikai, ba bi sem nye i moo ma bôt ba Kaldéa.”’

44 “‘Bôt ba ga pémés moni, ba somb nwom, ba tila bikaat bi hisi, ba ôm sitamp mu, ba sébél bôt ba mbôgi; hala a ga bôña i nkoñ u Benyamin,+ i minkoñ mi yé ipañ Yérusalem, i bitison bi Yuda,+ i bitison bi yé i mbok dikôa, i bitison bi yé isi dikôa,+ ni bitison bi yé i nwelmbok; inyule me ga témbna i bôt ba bi ke i minkôm,’+ hala nyen Yéhôva a mpot.”

33 Yéhôva a bi témb a pôdôs Yérémia inyu ngélé i nyônôs iba, i ngéda a bé a ngi yii i mok i kotoo Batat,+ a kal nye le: 2 “Yéhôva nu a bi hek ’isi, Yéhôva nu a bi boñ hio, a ôm ki hio siñ siñ; jôl jé le Yéhôva, a mpot le: 3 ‘Sébél me, m’a timbhe we, me ga añle we bañga mam ni mam ma ma nlet i nok, le u nyi bé.’”+

4 “Inyule haana nyen Yéhôva, Nyambe nu Israel a mpot inyu mandap ma tison ini ni mandap ma bikiñe bi Yuda, ma bôt ba yé i bôk inyu kolba bijôl bi gwét ni pansoñ+ i baoo, 5 ni inyu bôt ba ba nlo i jôs bôt ba Kaldéa le ba yônôs bahoma bana ni mim mi bôt me bi nol ikété hiun hiem ni liyot jem; béba i bôt bana yon i bi tinde me i kôm i tison ini mbus: 6 ‘Me ga tibil yo, me mbuubaha ki yo;+ ñ, me ga mbuubaha bo, me boñ ki le ba ba ikété ngandak nsañ ni maliga.+ 7 M’a témbna bôt ba Yuda ni bôt ba Israel ba ba yé i minkôm,+ me témb me oñ bo kiki me bi boñ i bibôdle.+ 8 M’a sas i kogse yosôna ba bééga inyu bibéba gwobisôna ba bi boñ i ngéda ba bé ndogbene me,+ m’a nwéhél bo bibéba gwap ni mam mabe ba bi boñ me.+ 9 I tison ini i ga yila jam li maséé inyu yem, biloñ bi nkoñ ’isi gwobisôna bi ga bégés me, bi ti ki me lipém i ngéda bi ga nok i mam malam momasôna me mbôñôl i bôt ba bé i minkôm.+ Bi ga kon woñi, bi sehla+ ki i ngéda bi ga tehe mam malam momasôna ni nsañ me ga ti i tison ini.’”+

10 “Haana nyen Yéhôva a nkal: ‘Ni ga kal le i homa nunu a yé hôlô, a gwé bé mut, to bilém; ni le bitison bi Yuda ni minloñ mi Yérusalem mi yé hôlô, mi gwé bé mut, to mut nu a nyééne mu, to bilém; ndi ba ga témb ba nok 11 diléla ni bôt ba nkon maséé+ hana homa nunu, yak kiñ i munlôm nu a mbii muda ni i muda nu a nke libii, kiñ i bôt ba nkal le: “Tina Yéhôva nu mintôñ mi gwét mayéga, inyule Yéhôva a yé loñge;+ loñge yé ñem* i nom mba ni mba!”’+

“‘Bôt ba ga lona makébla i témpel Yéhôva inyu ti nye mayéga,+ inyule a ga boñ le i bôt ba bé i minkôm ba témb i loñ kiki i ngéda bisu,’ hala nyen Yéhôva a mpot.”

12 “Haana nyen Yéhôva nu mintôñ mi gwét a mpot: ‘I loñ ini i yé hôlô, i i gwé bé mut, to bilém, yak bitison gwé gwobisôna bi yé hôlô; ndi batééda mintômba ba ga témb ba léba bijek ni bahoma inyu nôyôs bilém gwap mu.’+

13 “‘Ikété bitison bi mbok dikôa, ikété bitison bi mbok i yé isi dikôa, ikété bitison bi nwelmbok, i nkoñ u Benyamin, i minkoñ mi yé ipañ Yérusalem+ ni i bitison bi Yuda,+ batééda mintômba ba ga témb ba bôdôl soñgol bibémba gwap,’ hala nyen Yéhôva a mpot.”

14 “Yéhôva a nkal le: ‘Dilo di ga lo le me ga yônôs i mam malam me bi bôn litén li Israel ni litén li Yuda.+ 15 I dilo di, ni mu mangéda ma, me ga pémhene David nkôdôlbum*+ nu a téé sép, a ga boñ le mbagi sép ni telepsép bi ba ikété loñ.+ 16 I dilo di, Yuda a ga kôhna tohi,+ yak Yérusalem a ga yén ikété nsañ.+ Ba ga sébél nye le: Yéhôva a yé telepsép yés.’”+

17 “Haana nyen Yéhôva a mpot: ‘Mut nu a nlôl i mbôda David a ga hañ bé inyu yén i yééne ane i Israel,+ 18 to biprisi le Lôk Lévi bi ga hañ bé mut nu a ntelep i bisu gwem inyu ti me bisesema bi ntul i hié, i ligis makébla ma bijek ni bisesema bipe.’”

19 Yéhôva a bi témb a pôdôs Yérémia, a kal nye le: 20 “Haana nyen Yéhôva a mpot: ‘Baa ni nla bôk malômbla me bi boñ ni u, tole malômbla me bi boñ ni njamuha, le kel i ye bañ, to u u sude bañ i ntéak ngéda?+ To! 21 Hala nyen jam jo ki jo li nla bé bôk malômbla me bi boñ ni ngwélél wem David,+ kayéle li nkéñ njel le a bana bañ man inyu yén i yééne ane;+ jam jo ki jo li nla bé to bôk malômbla me bi boñ ni biprisi le Lôk Lévi, bagwélél bem.+ 22 Kiki mut a ta bé le a soñgol tjôdôt di ngii, to lisege li tuye, hala nyen me ga bulus mbôda* i ngwélél wem David, me bulus ki Lôk Lévi i i ngwélél me.’”

23 Yéhôva a bi témb a pôdôs Yérémia, a kal nye le: 24 “Baa u nok bé jam i bôt bana ba yé i pot? Bo: ‘Yéhôva a ga tjôô mahaa mo ima a bi pohol.’ Ba nti bé bôt ba litén jem lipém, ba ntehe ha bé bo kiki ngim loñ.

25 “Haana nyen Yéhôva a nkal: ‘Kiki malômbla me bi boñ ni u lôñni njamuha+ ma ga set bé, to mambén* ma ngii ni ma hisi,+ 26 hala nyen m’a tjôô bé mbôda Yakôb, to mbôda ngwélél wem David; jam jo ki jo li ga kéñ bé me njel i pohol baane ikété mbôda* yé* inyu boñ le ba ane mbôda* Abraham, Isak ni Yakôb. Inyule me ga témbna bôt bap ba ba bi ke i minkôm,+ me ga kônôl ki bo ngoo.’”+

34 I ngéda Nébukadnézar,* kiñe Babilôn, ni ntôñ wé gwét wonsôna, ni biane bi nkoñ ’isi gwobisôna bi bi yé isi énél yé, yak ni matén momasôna ba bi lo i jôs Yérusalem ni bitison gwobisôna bi bé nye ipañ,+ Yéhôva a bi témb a pôdôs Yérémia, a kal nye le:

2 “Haana nyen Yéhôva Nyambe nu Israel a nkal: ‘Ke kal Sédékia,+ kiñe Yuda le: “Yéhôva a nkal le: ‘Me yé i ti i tison ini i moo ma kiñe Babilôn, a ga ligis yo.+ 3 W’a pei bé i moo mé, bôt ba ga gwel we, ba kena we i nyeni.+ W’a tehe kiñe Babilôn ni mis moñ, a pôdôs we mbom ni mbom, w’a ke ki i Babilôn.’+ 4 Emble lipôdôl li Yéhôva, a Sédékia, kiñe Yuda: ‘Haana nyen Yéhôva a mpot inyu yoñ: “Pansoñ y’a nol bé we. 5 W’a wo ikété nsañ,+ ba ligis ki binjinjiñ i majôna moñ kiki ba bi boñ inyu basôgôsôgôl boñ, hala wee i bikiñe bi bi ane i bisu gwoñ; bôt ba ga ee we, ba kalak le: ‘Éé a nwet!’ ‘I nwin u won me nlegel,’ hala nyen Yéhôva a mpot.”’”’”

6 Mpôdôl Yérémia a bi kal Sédékia, kiñe Yuda, bibañga bini gwobisôna i Yérusalem. 7 Ha ngéda i, mintôñ mi gwét mi kiñe Babilôn mi bé jôs Yérusalem ni bitison bi Yuda gwobisôna bi bi yégle,+ hala wee Lakis+ ni Azéka.+ Inyule ikété bitison bi Yuda bi bi bééna mapénd ma ngui, gwotama gwon bi bi yégle.

8 Yéhôva a bi témb a pôdôs Yérémia i ngéda Kiñe Sédékia a bé a ma boñ malômbla ni bôt ba Yérusalem bobasôna le ba ga ti minkol nwap kunde.+ 9 Hiki mut a bé lama ti nkol wé u u yé man Lôk Héber kunde, nkol wé u munlôm tole u muda, kayéle mut nye ki nye a yilha ha bañ maasañ nu a yé man Lôk Yuda nkol. 10 Baane bobasôna ni bôt ba litén bobasôna ba bi nôgôl. Ba bi nôgla le hiki mut a nlama ti nkol wé u munlôm tole u muda kunde, mut a ga yilha ha bé bo minkol. Ba bi nôgôl, ba nwas minkol nwap le mi kenek. 11 Ndi i mbus ngéda, ba bi témb ba yoñ minkol nwap mi bôlôm ni mi bôda, mi ba bi ti kunde, ba nyégsa ki nwo i yila minkol. 12 Ha nyen Yéhôva a bi pôdôs Yérémia. Yéhôva a kal nye le:

13 “Haana nyen Yéhôva Nyambe nu Israel a mpot: ‘Me bi boñ malômbla ni basôgôlsôgôl+ banan i ngéda me bi héya bo i loñ Égiptô, i het ba bé minkol,+ me kal bo le: 14 “I nwii mi nyônôs minsaambok, hiki mut ikété nan a nlama ti maasañ nu a yé man Lôk Héber kunde; ibale ba bi nuñle nye maasañ, a gwélél ki nye nwii minsamal; u nlama ti nye kunde.”+ Ndi basôgôlsôgôl banan ba bi emble bé me, ba bi nôgôl bé to me. 15 Ndi munu dilo dini,* bé ni bi héñha mahoñol, ni boñ jam li téé sép i mis mem, inyule ni bi ti lôkisoñ nan kunde, ni boñ ki malômbla i bisu gwem mu ndap i bééga jôl jem. 16 I mbus ngéda, ni bi héñha ki mahoñol, ni hindis jôl jem+ inyule ni bi témb ni yoñ minkol minan mi bôlôm ni mi bôda, mi ni bi bôk ni ti kunde le mi kenek i het mi ngwés, ni bi témb ni nyégsa nwo i yila minkol minan.’

17 “Inyu hala nyen Yéhôva a nkal le: ‘Ni bi nôgôl bé me, to wada ikété nan a bi ti bé maasañ to mut wé loñ kunde.+ Jon m’a ti kunde,’ hala nyen Yéhôva a mpot, ‘m’a ti kunde le pansoñ, himala* ni njal+ bi nol bé, m’a boñ le biane bi nkoñ ’isi+ gwobisôna bi kon woñi i ngéda bi ga nok i jam li ga pémél bé. 18 I jam lini jon li ga pémél i bôt ba bi bôk malômbla mem, ba ba bi noñ bé matiñ ma malômbla ba bi boñ i bisu gwem, i ngéda ba bi kit man nyaga bipes biba, ba tagbe ki ipôla bipes bi;+ 19 hala wee baane ba Yuda, baane ba Yérusalem, bôt ba ngomin ba ndap kiñe, biprisi ni bôt ba loñ bobasôna ba ba bi tagbe ipôla bipes bi man nyaga: 20 m’a sem bo i moo ma baoo bap ni i moo ma bôt ba ba nyéñ nol bo,* mim nwap mi ga yila bijek inyu dinuni di ngii ni binuga bi bikai.+ 21 M’a sem Sédékia, kiñe Yuda, ni baane bé i moo ma baoo bap, i moo ma bôt ba ba nyéñ nol bo* ni isi énél i mintôñ mi gwét mi kiñe Babilôn+ nu a yé i nyodi i bééni.’+

22 “Yéhôva a nkal le: ‘M’a ti oda, me témb me lona bo hana i tison ini, ba ga jôs yo gwét, ba yémbél yo, ba ligis yo;+ m’a yilha bitison bi Yuda hôlô, mut nye ki nye a ga yééne ha bé mu.’”+

35 Yéhôva a bi pôdôs ki Yérémia i dilo di Yéhôyakim,+ man Yôsia, kiñe Yuda, a kal nye le: 2 “Ke tehe Lôk Rékab,+ pôdôs bo, u kena ki bo i témpel Yéhôva, u jôbna bo i kumba yada ikété bikumba;* i mbus, u ti bo wai le ba nyo.”

3 Ha nyen me bi ke me yoñ Yaazania, man Yérémia, man Habasina, yak ni lôkisañ, bon bé bobasôna; ni bon ba Lôk Rékab bobasôna, 4 me kena bo i témpel Yéhôva. Me jôbna bo i kumba i bon ba Hanan, man Igdalia, mut bañga Nyambe. I kumba ini i bé ipañ kumba i baane ba litén, i i bé i ngii kumba i Maaséya, man Salum, nu a bé ntat nwemel. 5 I mbus, me bii bikop ni mabôndô ma wai i bisu bi Lôk Rékab, me kal bo le: “Nyona wai.”

6 Ndi ba kal me le: “Di nyo bé wai, inyule sôgôlsôgôl wés le Yônadab,*+ man Rékab, a bi ti bés i oda ini le: ‘Kekikel ni nyok bañ wai, to bé, to bon banan. 7 Ni oñ bañ to mandap, ni belek bañ mbôô, to bebela yo ki yo, ni salak bañ wom u minkôô mi wai, ni nlama bé to bana i nya wom i. Ndi ni nlama yééne i mandap ma mabadô, inyu boñ le ni niñ ntandaa ngéda mu loñ ni nyééne kiki bakén ba bôt.’ 8 Jon di ngi nôglak mambén momasôna Yônadab, man sôgôlsôgôl wés Rékab, a bi ti bés; d’a nyo bé wai kekikel, to bés, to baa bés, to bon bés bôlôm, to bingond gwés. 9 Di ga oñ bé to mandap le di yééne mu, di gwé bé to nwom mi minkôô mi wai, to nwom mi bijek, to mbôô yo ki yo. 10 Di ga yééne ndik i mandap ma mabadô inyu nôgôl mambén momasôna sôgôlsôgôl wés Yônadab a bi ti bés. 11 I ngéda Nébukadnézar,* kiñe Babilôn, a bi leñ loñ gwét,+ di kalna le: ‘Loga, di kenek i Yérusalem inyu pei ntôñ gwét u bôt ba Kaldéa ni u bôt ba Siria.’ Inyu hala nyen di nyééne nano i Yérusalem.”

12 Ha nyen Yéhôva a bi pôdôs ki Yérémia, a kal nye le: 13 “Haana nyen Yéhôva nu mintôñ mi gwét, Nyambe nu Israel a nkal: ‘Ke kal bôt ba litén li Yuda ni bôt ba nyééne i Yérusalem le: “Baa me bi kal bé bé le ni nôgôl bibañga gwem, me podok me tiimbaga?”+ Hala nyen Yéhôva a mpot. 14 “Yônadab, man Rékab, a bi ti mbôda yé oda le ba nyok bañ wai, ba bi nôgôl bibañga gwé, ba nyo bé wai letee ni i len ini; ba nôgôl mbén i sôgôlsôgôl+ wap. Ndi me, me bi pôdôs bé ngandak ngélé,* ndi ni nôgôl bé me.+ 15 Me bi ômle bé bagwélél bem bobasôna le bapôdôl, me omok, me tiimbaga,*+ inyu kal bé le: ‘Soho, hiki wada nan a kôm béba mbus,+ a boñ ki mam ma téé sép! Ni bégés bañ banyambe bape, ni gwélél bañ to bo; inyu boñ le ni yééne mu loñ me bi ti bé lôñni basôgôlsôgôl banan.’+ Ndi ni bi emble bé, ni bi nôgôl bé to me. 16 Mbôda Yônadab, man Rékab, i bi nôgôl oda sôgôlsôgôl wap a bi ti bo,+ ndi i litén lini li nôgôl bé me.”’”

17 “Inyu hala nyen Yéhôva Nyambe nu mintôñ mi gwét, Nyambe nu Israel a nkal le: ‘Me yé i boñ le bikuu bi kwél Yuda ni bôt bobasôna ba nyééne i Yérusalem, i bikuu gwobisôna me bi yis bo le me ga lona;+ inyule me bi pôdôs bo, ndi ba bi emble bé me, me bi sébél bo, ndi ba bi neebe bé me.’”+

18 Yérémia a kal Lôk Rékab le: “Haana nyen Yéhôva nu mintôñ mi gwét, Nyambe nu Israel, a mpot: ‘Kiki ni bi nôgôl oda i Yônadab, sôgôlsôgôl nan, ni ngi nôglak ki mambén mé momasôna, ni boñok mam momasôna kiki a bi kal bé, 19 jon Yéhôva nu mintôñ mi gwét, Nyambe nu Israel a nkal le: “Mut nu mbôda Yônadab, man Rékab, a ga hañ bé i bisu gwem inyu gwélél me.”’”

36 I nwii mi nyônôs mina mi ane i Yéhôyakim+ man Yôsia, kiñe Yuda, Yéhôva a bi pôdôs Yérémia, a kal nye le: 2 “Yoñ nhôôk kaat, u tila bibañga gwobisôna me bi kal we inyu Israel, Yuda+ ni inyu biloñ+ gwobisôna; ibôdôl i kel bisu me bi pôdôs we i dilo di Yôsia, letee ni len.+ 3 Bebek le i ngéda bôt ba Yuda ba ga nok bikuu gwobisôna me nsômbôl lona bo, ba ga nwas bilem gwap bibe, kayéle me nwéhél bo maboñok map mabe ni bibéba gwap.”+

4 Ha nyen Yérémia a bi sébél Baruk,+ man Néria, Yérémia a añle nye bibañga gwobisôna Yéhôva a bi pot, Baruk a tila gwo i nhôôk kaat.+ 5 I mbus, Yérémia a kal Baruk le: “Me gwé bé kunde i jôp i témpel Yéhôva. 6 Jon we kenek, yoñ nhôôk kaat u bi tila, añ bibañga bi Yéhôva me bi añle we, añ gwo makeñi. Éñél gwo bôt ba litén i témpel Yéhôva, i kel sôga je; éñél gwo bôt ba litén li Yuda bobasôna ba ba nyodi i bitison gwap, ba lo hana. 7 Bebek le Yéhôva a ga nok minyemhe nwap, ni le hiki wada wap a ga nwas bilem gwé bibe; inyule i bôt ba litén lini ba ñunbaha Yéhôva ngandak, ba nôgha ki nye liyot.”

8 Baruk, man Néria, a bi boñ i mam momasôna mpôdôl Yérémia a bi kal nye; a bi ke i témpel Yéhôva,+ a añ bibañga bi Yéhôva bi bi bé mu nhôôk kaat.

9 I nwii mi nyônôs mintan mi ane i Yéhôyakim+ man Yôsia, kiñe Yuda, i sôñ i nyônôs bôô, i bôt bobasôna ba nyééne i Yérusalem ni bôt bobasôna ba bitison bi Yuda ba ba bi lo i Yérusalem, ba legel le ba nlama sôga je* i bisu bi Yéhôva.+ 10 Ha nyen Baruk a bi añ bibañga bi Yérémia bi bi bé ntilga i nhôôk kaat. A bi añ gwo makeñi i témpel Yéhôva, i tuñ* i Gémaria+ man Safan,+ mut matila,* i kotoo i mabeda, i lijubul li nwemel u mondo u témpel Yéhôva.+ Bôt ba litén bobasôna ba bi nok i ngéda a bé añ.

11 Kiki Mikaya, man Gémaria, man Safan, a nok bibañga bi Yéhôva gwobisôna bi bi bé ntilga mu nhôôk kaat, 12 a sôs i ndap* kiñe, a jôp i tuñ i mut matila. Baane* bobasôna ba bé ba yii ha: Élisama+ mut matila, Délaya man Sémaya, Elnatan+ man Akbor,+ Gémaria man Safan, Sédékia man Hanania, ni bana baane bape bobasôna. 13 Mikaya a kal bo mam momasôna a bi nok Baruk a ñañ mu nhôôk kaat i bisu bi bôt ba litén.

14 I mbus, baane bobasôna ba om Yéhudi, man Nétania, man Sélémia, man Kusi, yak Baruk le a kal nye le: “Lona nhôôk kaat u ñañ i bisu bi litén.” Baruk man Néria a yoñ nhôôk kaat, a ke i boma bo. 15 Ba kal nye le: “Soho yén hana, éñél bés kaat ni kiñ ikeñi.” Baruk a éñél bo yo.

16 Kiki ba nok bibañga gwobisôna bi bé mu kaat, ba kon woñi, ba kahal nun-na, ba kal Baruk le: “Di nlama añle kiñe bibañga bini gwobisôna.” 17 Ba bat Baruk le: “Soho kal bés, u mboñ lelaa ndi u tila bibañga bini. Baa Yérémia a podok, ndi u tilga?” 18 Baruk a timbhe bo le: “Nyen a bi añle me bibañga bini gwobisôna, a bé pot, ndi me tilga gwo i nhôôk kaat unu ni tinti.” 19 Baane ba kal Baruk le: “Kena solbana we ni Yérémia, mut to wada a yi bañ hee ni yé.”+

20 I mbus, ba yék nhôôk kaat i tuñ i mut matila le Élisama, ba ke yak kiñe, ba telep i kotoo, ba kal kiñe i mam momasôna ba bi nok.

21 Ha nyen kiñe i bi om Yéhudi+ le a lona nhôôk kaat, a ke a yoñ wo i tuñ i mut matila le Élisama. Yéhudi a bôdôl añ wo i bisu bi kiñe ni baane bobasôna ba ba bé ba téé ipañ kiñe. 22 Hala a bé i sôñ i nyônôs bôô,* kiñe i bé i yii i ndap mbéñ, juu li makalak li loñok i bisu gwé. 23 Hiki ngéda Yéhudi a bé añ bipes baa tole bina, kiñe i nkit i homa kaat nu lôñni ngwende nu mut matila, i leñ nye i hié hi bé loñ i juu li makalak; i bi kit nhôôk kaat hala ndék ni ndék letee i ligis wonsôna i juu li makalak. 24 To kiñe, to bagwélél bé ba ba bi nok bibañga bini ba bi kon bé woñi, ba bi pat bé to mambot map. 25 To hala kiki Elnatan,+ Délaya+ ni Gémaria+ ba bi soohe kiñe le i ligis bañ nhôôk kaat, i bi emble bé bo. 26 Kiñe i bi ti ki oda le Yéraméel man kiñe, Séraya man Azriel, ni Sélémia man Abdéel ba gwel mut matila le Baruk bo mpôdôl Yérémia, ndi Yéhôva a bi sôô bo.+

27 I ngéda kiñe i bi ligis nhôôk kaat u u bééna bibañga Yérémia a bé pot,+ Baruk a tilga; Yéhôva a bi témb a pôdôs Yérémia, a kal nye le: 28 “Yoñ nhôôk kaat umpe, u tila minlélém mi bibañga mi bé mu nhôôk kaat u bisu, u Yéhôyakim kiñe Yuda a bi ligis.+ 29 Inyu Yéhôyakim, kiñe Yuda, u nlama pot le: ‘Haana nyen Yéhôva a nkal: “U bi ligis nhôôk kaat, u bat ki le: ‘Inyuki u ntila mu le: “Kiñe Babilôn i ga lo, i tjé i loñ ini, loñ i yégle hôlô, ngi mut binam to nuga?”’+ 30 Jon, haana nyen Yéhôva a mpot inyu Yéhôyakim, kiñe Yuda: ‘A ga bana bé mut nu a ga yén i yééne ane i David,+ bôt ba ga nwas mim wé i hiañgaa njamuha ni i lihep li juu.+ 31 Me ga kéés nye, mbôda* yé, ni bagwélél bé inyu bibéba gwap; me ga lona ki bo bikuu gwobisôna me bi yis bo le bi ga kwél bo,+ bo ni bôt ba nyééne i Yérusalem, yak ni bôt ba Yuda, inyule ba bi nôgôl bé me.’”’”+

32 I mbus, Yérémia a yoñ nhôôk kaat umpe, a ti wo mut matila le Baruk,+ man Néria. Yérémia a kal nye mam momasôna ma bé ntilga mu nhôôk kaat Yéhôyakim, kiñe Yuda, a bi ligis,+ Baruk a tila mo. A kônde ki ngandak bibañga ipe.

37 Kiñe Sédékia+ man Yôsia a bi yoñ tel i Kônia*+ man Yéhôyakim, inyule Nébukadnézar,* kiñe Babilôn, a bi téé nye kiñe loñ Yuda.+ 2 Ndi to nye, to bagwélél bé, to bôt ba loñ ba bi emble bé bibañga bi Yéhôva, bi a bi kal mpôdôl Yérémia.

3 Ndi to hala, Kiñe Sédékia a bi om Yéhukal+ man Sélémia, ni Sôfônia+ man prisi le Maaséya le ba kal mpôdôl Yérémia le: “Soho, soohe Yéhôva Nyambe wés inyu yés.” 4 Yérémia a bé a ngi bedek, a sôhôk mu loñ, inyule ba bé ngi ha nye i mok.+ 5 Ha ngéda i, ntôñ gwét u Faraô u bi nyodi i Égiptô.+ Kiki bôt ba Kaldéa ba ba bé kéña Yérusalem ba nok hala, ba nyodi i Yérusalem.+ 6 Ha nyen Yéhôva a bi pôdôs mpôdôl Yérémia, a kal nye le: 7 “Haana nyen Yéhôva Nyambe nu Israel a mpot: ‘Kiñe Yuda i i ñom bé i meeni i bat me mam, ke kala nye le: “Ntôñ gwét u Faraô u u yé i lo i hôla bé, u ga témb i loñ yé, i Égiptô.+ 8 Bôt ba Kaldéa ba ga tiimba lo, ba jôs i tison ini, ba yémbél yo, ba ligis ki yo.”+ 9 Haana nyen Yéhôva a nkal: “Miñem minan mi lôk bañ bé, ni kalak le: ‘Bôt ba Kaldéa ba ga lo ha bé,’ yina le ba ga tiimba lo. 10 To ibale ni nyémbél ntôñ gwét u bôt ba Kaldéa wonsôna u u nlo i jôs bé, ndik mimbaabak mi bôt nwon mi yégle, i mimbaabak mi bôt mini mi ga telep, mi nyodi i mandap map ma mabadô, mi ligis i tison ini.”’”+

11 I ngéda ntôñ gwét u bôt ba Kaldéa u bi nyodi i Yérusalem inyule u bi nok le ntôñ gwét u Faraô u yé i njel,+ 12 Yérémia a bi yéñ nyodi i Yérusalem inyu ke i nkoñ u Benyamin+ le a kôhna ngaba hisi i lôk yé. 13 Ndi kiki a bi bol i nwemel u Benyamin, ñane bôt ba faa le Iria, man Sélémia, man Hanania, a gwel mpôdôl Yérémia, a kal nye le: “U yé i so inyu ke i pes i bôt ba Kaldéa!” 14 Ha nyen Yérémia a bi kal nye le: “Hala a ta bé maliga! Me ta bé i so inyu ke i pes i bôt ba Kaldéa.” Ndi Iria a bi emble bé Yérémia, a kena nye yak baane. 15 Baane ba bi unbene Yérémia+ ngandak, ba bép nye, ba ha nye i mok*+ i ndap i mut matila le Yéhônatan; i ndap i yon ba bi yilha ndap mok. 16 Ba bi kwés Yérémia inyu ngandak dilo ikété ndap mok,* i ndap i, i bééna bituñ bi ba bi tém isi ndi ba oñ.

17 Kel yada, Kiñe Sédékia a bi om le ba lona Yérémia, a kahal bat nye mambadga bisôsôli i ndap*+ yé. A bi bat nye le: “Baa Yéhôva a mpot bé jam inyu yem?” Yérémia a timbhe le: “A mpot jam inyu yoñ!” A kônde kal nye le: “Kiñe Babilôn+ i ga gwel we!”

18 Yérémia a kal ki Kiñe Sédékia le: “Imbe béba jam me mboñ we, ni bagwélél boñ, ni bôt ba litén lini, inyu boñ le ni ha me i mok? 19 Nano, hee bapôdôl banan ba yé. Ba ba bé kal le: ‘Kiñe Babilôn i ga lo bé i jôs bé, to ini loñ?’+ 20 Nano, soho emble a nwet wem le kiñe. Soho ndigi, emble i jam me mbat we. U timbis bañ me i ndap mut matila le Yéhônatan,+ tiga le me wo nyoo.”+ 21 Ha nyen Kiñe i bi ti oda le ba tééda Yérémia i kotoo i Batat.+ Hiki kel, ba bé ti nye bret i i bé lôl i nloñ u babômkoga,+ letee bret gwobisôna bi mal i tison.+ Yérémia a bi yén nyoo i kotoo Batat.

38 Nano, Séfatia man Matan, Gédalia man Pasur, Yukal+ man Sélémia, ni Pasur+ man Malkiya ba bi nok bibañga Yérémia a bé kal bôt ba litén bobasôna: 2 “Haana nyen Yéhôva a mpot: ‘I mut a ga yégle munu tison ini, pansoñ, njal ni himala*+ bi ga nol nye. Ndi i mut a nke* yak bôt ba Kaldéa, a ga niñ, bibom gwé bi yé le a ga pei, a ga wo bé.’+ 3 Haana nyen Yéhôva a nkal: ‘Ni maliga, i tison ini i ga kwo i moo ma ntôñ gwét u kiñe Babilôn, u ga yémbél ki yo.’”+

4 Ha nyen baane ba litén ba bi kal kiñe le: “Soho, i mut nunu a nlama nôla,+ inyule a ntômbôs moo ma bisônda bi bi ngi yii munu tison ini, a ntômbôs ki moo ma bôt ba litén bobasôna ni bipôdôl gwé. I mut nunu a nyéñ bé nsañ inyu bôt ba litén lini, ndi bikuu gwoñ a nyiñil bo.” 5 Kiñe Sédékia a timbhe bo le: “Boña nye kiki ni ngwés, inyule kiñe i nla bé sôña bé i boñ jam jo ki jo.”

6 Ha nyen ba bi gwel Yérémia, ba ha nye i bee i Malkiya man kiñe; i bee ini i bé i kotoo Batat.+ Ba bi suhus nye mu bee ni minkôô. Ndi malép ma bé bé mu bee, ndik liboo; Yérémia a bôdôl sôôbe ikété liboo.

7 Ébed-Mélek+ man Étiôpia, nwak wada u u bé sal i ndap kiñe,* a bi nok le ba nha Yérémia i bee. Ha ngéda i, kiñe i bé i yii i nwemel u Benyamin,+ 8 Ébed-Mélek a bi ke i ndap* kiñe, a kal kiñe le: 9 “A nwet wem, a kiñe, i jam i bôt bana ba mboñ mpôdôl Yérémia li yé libe! Ba nleñ nye i bee, njal i ga nol nye mu inyule bret bi ta ha bé i tison.”+

10 Ha nyen kiñe i bi ti Ébed-Mélek man Étiôpia oda le: “Yoñ 30 ma bôt ikété bôt ba yé hana, u pémés mpôdôl Yérémia i bee ilole a nwo.” 11 Ébed-Mélek a kena i bôt ba, ba jôp i ndap* kiñe, i homa a yé isi tuñ ba nsôône nkus,+ ba yoñ bipéda bi mambot nyoo, lôñni bipéda bi mabadô, ba gwélél minkôô inyu suhus gwo nyoo ikété bee, i homa Yérémia a bé. 12 I mbus, Ébed-Mélek man Étiôpia a kal Yérémia le: “Soho, lép bipéda bi mambot ni bipéda bi mabadô munu minkôô, ha nwo i si nyambégdé.” Yérémia a boñ hala, 13 ba ôt minkôô, ba pémés Yérémia i bee. Yérémia a yén ha i kotoo Batat.+

14 Kiñe Sédékia a om le ba lona nye Yérémia i lijubul li nyônôs aa li témpel Yéhôva, kiñe i kal Yérémia le: “Me gwé jam i bat we. U sôô bañ me yom yo ki yo.” 15 Yérémia a kal Sédékia le: “Me nyi le, ibale me nkal we i jam li, w’a nol me. To maéba mon me nti we, w’a nôgôl bé me.” 16 Kiñe Sédékia a kum soñ bisôsôli bona Yérémia ndigi, a kal le: “Me nkum soñ ni niñ i Yéhôva nu a bi ti bés niñ, le m’a nol bé we, m’a sem bé to we i moo ma bôt ba nyéñ nol we.”*

17 Ha nyen Yérémia a bi kal Sédékia le: “Haana nyen Yéhôva, Nyambe nu mintôñ mi gwét, Nyambe nu Israel a nkal: ‘Ibale u nke* yak baane ba Babilôn, w’a wo bé, i tison ini i ga lék bé, we ni bôt boñ ba lihaa ni ga pei.+ 18 Ndi ibale u nke* bé yak baane ba Babilôn, i tison ini i ga kwo i moo ma bôt ba Kaldéa, ba ga ligis yo,+ to we w’a pei bé i moo+ map.’”

19 Kiñe Sédékia a kal Yérémia le: “I bon ba Lôk Yuda ba bi ke i pes i bôt ba Kaldéa, me nkon bo woñi. Inyule ibale me nkwo i moo map, ba yé le ba kép me mbai.” 20 Ndi Yérémia a kal nye le: “W’a kwo bé i moo map. Soho, nôgôl bibañga bi Yéhôva bi me yé i kal we, mam ma ga ke loñge inyu yoñ, w’a kônde niñ. 21 Ndi ibale u ntjél ke* yak bôt ba Kaldéa, i jam lini jon Yéhôva a nyeelene me: 22 emble! I bôda bobasôna ba ngi yii i ndap* kiñe Yuda, ba yé i kena bo yak baane ba Babilôn;+ i bôda bana ba yé i kal le:

‘I bôt u bi bôdôl ñem ba bi lôk we, ba yémbél ki we.+

Ba boñ le kôô woñ u sôôbe ikété liboo.

Nano, ba ntémb ni mbus, ba tjôô we.’

23 Ba yé i kena baa boñ bobasôna ni bon boñ yak bôt ba Kaldéa, w’a pei bé i moo map, kiñe Babilôn+ y’a gwel we, inyu yoñ nyen ba ga lighene i tison ini.”+

24 Ha nyen Sédékia a bi kal Yérémia le: “U añlege bañ mut nye ki nye i mam mana, tiga le ba nol we. 25 Ibale baane ba litén ba nok le me ni we di nkwel, ndi ba lo, ba kal we le: ‘Soho, añle bés i jam u nkal kiñe. U sôô bañ bés jam jo ki jo, di ga nol bé we.+ Kii kiñe a bi kal we?’ 26 U nlama timbhe bo le: ‘Me badak kiñe le a timbis bañ me i ndap Yéhônatan, tiga le me wo nyoo.’”+

27 I mbus ngéda, baane ba litén bobasôna ba ke yak Yérémia inyu bat nye mambadga. A timbhe bo kiki kiñe a bi kal nye. Jon ba bi bat ha bé nye to jam, inyule mut to wada a bi nok bé nkwel wé bo kiñe. 28 Yérémia a bi yén i kotoo Batat+ letee ni i kel ba bi yémbél Yérusalem gwét; a bé a ngii yii nyoo i ngéda ba bi yémbél Yérusalem gwét.+

39 I nwii mi nyônôs 9 mi ane i Sédékia kiñe Yuda, i sôñ i nyônôs 10 nyen Nébukadnézar,* kiñe Babilôn a bi lo i Yérusalem ni ntôñ wé gwét wonsôna, ba kéña tison.+

2 I nwii mi nyônôs 11 mi ane i Sédékia, i sôñ i nyônôs ina, i hilo hi nyônôs bôô mu sôñ i, ba bôk homa mu lipénd li tison.+ 3 Baane ba Babilôn ba jôp i tison, ba yén i nwemel u Ñemkété.+ Môl map mana: Nergal-Saréser nu a yé samgar, Nébô-Sarsékim nu a yé rabsaris,* Nergal-Saréser nu a yé rabmag,* yak ni bana baane bape bobasôna ba Babilôn.

4 I ngéda Sédékia, kiñe Yuda, ni bisônda gwobisôna ba bi tehe hala, ba so,+ ba nyodi i tison juu ni juu, ba lôô i njel wom mbônji u kiñe, ba tagbene i nwemel u yé ipôla mapénd mo ima, ba yoñ njel i nke i Araba.+ 5 Ndi ntôñ u bôt ba Kaldéa u noñ bo, ba ada Sédékia i ñoñ, i tegep mbok Yérikô.+ Ba gwel nye, ba kena nye yak Nébukadnézar,* kiñe Babilôn, le a pémés mbagi inyu yé nyoo i Ribla,+ i loñ Hamat.+ 6 Kiñe Babilôn i nol bon bôlôm ba Sédékia i bisu gwé ha i Ribla; kiñe Babilôn i nol ki mintôô mi bôt mi Yuda+ nwominsôna. 7 I mbus, a kwés Sédékia ndim, a kañ nye minsañ mi mamuna i makôô, a kena nye i Babilôn.+

8 Bôt ba Kaldéa ba ligis ndap* kiñe ni mandap ma bôt ba litén,+ ba bôk ki mapénd ma Yérusalem.+ 9 Nébusaradan,+ ñane batat kiñe, a yoñ i bôt bobasôna ba bi yégle mu tison, i bôt ba bi so inyu lo i pes yé, lôñni bôt bobasôna ba ba bi yégle, a kena bo i minkôm i Babilôn.

10 Ndi Nébusaradan, ñane batat kiñe, a bi yék ndék diyeyeba di bôt i loñ Yuda, i bôt ba bééna bé to yom. A ti bo nwom mi minkôô mi wai le ba sal, yak ni nwom mi bijek.*+

11 Nébukadnézar,* kiñe Babilôn, a ti Nébusaradan ñane batat kiñe oda inyu Yérémia le: 12 “Yoñ nye, tééda nye loñge; u boñ bañ nye béba, ti ki nye hiki yom a ga bat we.”+

13 Ha nyen Nébusaradan ñane batat kiñe, Nébusasban nu a yé rabsaris,* Nergal-Saréser nu a yé rabmag,* ni mintôô mi bôt nwominsôna mi kiñe Babilôn ba bi om 14 bôt le ba pémés Yérémia i kotoo Batat,+ ba kal Gédalia,+ man Ahikam,+ man Safan,+ le a tééda nye; Gédalia a kena nye i mbai yé. Hala nyen Yérémia a bi yégle ni bôt ba loñ.

15 I ngéda Yérémia a bé a ngi yii i mok i kotoo Batat,+ Yéhôva a bi kal nye le: 16 “Ke kal Ébed-Mélek,+ man Étiôpia, le: ‘Haana nyen Yéhôva nu mintôñ mi gwét, Nyambe nu Israel, a nkal: “Me ga yônôs bibañga me bi pot inyu tison ini; me ga lona bikuu, he loñge bé. W’a tehe kiki i jam li, li ga bôña yokel.”’

17 “‘Ndi m’a sôñ we yokel,’ hala nyen Yéhôva a mpot, ‘u ga kwo bé i moo ma bôt u nkon woñi.’

18 “‘Inyule ibabé pééna, m’a tohol we, pansoñ y’a nol bé we. Bibom gwoñ bi yé le u ga pei,+ inyule u mbôdôl me ñem,’+ hala nyen Yéhôva a mpot.”

40 Yéhôva a bi pôdôs Yérémia i ngéda Nébusaradan,+ ñane batat kiñe, a bi nwas nye le a nyodi i Rama.+ Nébusaradan a bi bôk a kena Yérémia nyoo i tison i, a kañ nye minsañ i moo; Yérémia a bé ni bôt ba Yérusalem lôñni bôt ba Yuda ba ba bé ke i minkôm i Babilôn. 2 Ñane batat kiñe a bi sébél Yérémia, a kal nye le: “Yéhôva Nyambe woñ a bi bôk a legel le bikuu bini bi ga kwél i homa nunu. 3 Yéhôva a bi lona ki bikuu bi kiki a bi pot, inyule ni bi boñ béba i mis ma Yéhôva, ni bi nôgôl bé nye. Inyu hala nyen i mam mana ma mpémél bé.+ 4 I len ini, me nhéya we minsañ i moo. Ibale u ngwés ke lôñni me i Babilôn, di kenek, m’a tééda we loñge. Ndi ibale u ngwés bé ke lôñni me i Babilôn, yéglege! Nun-ki! Loñ yosôna i yé i bisu gwoñ. U nla ke to hee u ngwés.”+

5 Kiki Yérémia a bé yi bé i jam a boñ, Nébusaradan a kal nye le: “Témb yak Gédalia,+ man Ahikam,+ man Safan,+ nu kiñe Babilôn i bi téé ñane bitison bi Yuda, yén lôñni nye ipôla bôt ba litén; tole kenek to hee u ngwés.”

Ñane batat kiñe a ti nye bijek, a ti ki nye likébla, a nwas nye le a kenek. 6 Yérémia a bi ke yak Gédalia man Ahikam i Mizpa,+ a yén lôñni nye ipôla bôt ba litén ba ba bi yégle mu loñ.

7 I mbus ngéda, baane ba mintôñ mi gwét bobasôna lôñni bôt bap ba gwét, ba ba bé mu loñ, ba nok le kiñe Babilôn i ntéé Gédalia man Ahikam ñane loñ, yak diyeyeba di bôt ba loñ, di ba bi kena bé i minkôm i Babilôn,+ bôlôm, bôda ni boñge, a bii i diyeyeba di isi énél i Gédalia. 8 I baane bana ba lo i tehe Gédalia i Mizpa.+ Môl map mana: Ismael+ man Nétania; Yôhanan+ ni Yônatan, bon ba Karéa; Séraya man Tanhumet, bon ba Éfai mut Nétôfa; ni Yaazania+ man mut Maaka; ba bi lo ni bôt bap ba gwét. 9 Gédalia, man Ahikam, man Safan, a boñ malômbla ni baane bana, yak ni bôt bap ba gwét, a kal bo le: “Ni kon bañ woñi i gwélél bôt ba Kaldéa. Yéna mu loñ, ni gwélél kiñe Babilôn, inyu boñ le mam ma kee loñge inyu nan.”+ 10 I pes yem, m’a yén hana i Mizpa inyu pot i jôl linan i bisu bi bôt ba Kaldéa ba ba nlo i béhni. Ndi bé, ni nlama tjo wai ni môô, ni bumbul ki matam ma ngéda sép, ni téédaga mo i dibee dinan, yéna mu bitison ni bi yoñ.”+

11 Bon ba Lôk Yuda bobasôna ba ba bé i Môab, i Amôn ni i Édôm; yak ni ba ba bé i biloñ bipe, ba nok le kiñe Babilôn i nyék ndék bôt i Yuda, i ntéé ki Gédalia, man Ahikam, man Safan, le nyen a ane bo. 12 Ha nyen bon ba Lôk Yuda bobasôna ba bi bôdôl nyodi i bahoma bobasôna i het ba bé ntjamak, ba témb yak Gédalia i Mizpa, i loñ Yuda. Ba tjo wai, ba bumbul ki matam ma ngéda sép ngandak kiyaga.

13 Yôhanan, man Karéa, ni baane ba mintôñ mi gwét bobasôna ba ba bé mu loñ ba bi lo i tehe Gédalia i Mizpa. 14 Ba kal nye le: “Baa u nyi bé le Baalis, kiñe Lôk Amôn,+ a ñom Ismael man Nétania le a nol we?”+ Ndi Gédalia a bi hémle bé bo.

15 I mbus, Yôhanan, man Karéa, a kal Gédalia bisôsôli i Mizpa le: “Ti me kunde le me kee, me nol Ismael, man Nétania, mut to wada a ga yi bé. Inyuki di nlama nwas le a nol we, kayéle bôt ba Yuda bobasôna ba ba kôdi hana ipañ yoñ ba tjama? Inyuki ndék bôt i Yudai i nyégle i nlama wo?” 16 Ndi Gédalia+ man Ahikam, a kal Yôhanan man Karéa le: “U boñ bañ i jam li, inyule i jam u yé i pot inyu Ismael li yé bitembee.”

41 I sôñ i nyônôs isaambok, Ismael,+ man Nétania, man Élisama, a bé mu lihaa li kiñe,* a bak ki ikété mintôô mi bôt mi kiñe, a bi lo ni jôm li bôt yak Gédalia man Ahikam i Mizpa.+ Kiki ba bé je ntôñ i Mizpa, 2 ha nyen Ismael man Nétania, ni jôm li bôt li bé lôñni nye ba nol Gédalia man Ahikam, man Safan ni pansoñ. Hala nyen, ba bi nol i mut nu kiñe Babilôn a bi téé le a ane loñ. 3 Ismael a nol ki bôt ba Lôk Yuda ba ba bé ni Gédalia i Mizpa, yak bisônda bi Kaldéa bi bi bé ha, a nol bo.

4 I hilo hi bé noñ nyemb Gédalia, ilole mut nye ki nye a nyi i jam li, 5 i bôt ba bé lôl i Sikem,+ i Silô+ ni i Samaria+ ba bé 80. Mayéé map ma bé nhombok, ba ma pat mambot map, ba ma kek manyuu map,+ ba bak ki ba gwé makébla ma bijek ni binunumba+ i moo inyu kena gwo i ndap Yéhôva. 6 Ismael, man Nétania, a bi nyodi i Mizpa inyu boma bo, a kenek, a eek. I ngéda a bi boma bo, a kal bo le: “Di kengana yak Gédalia, man Ahikam.” 7 Ndi i ngéda ba bi bol i tison, Ismael man Nétania lôñni bôt bé, ba nol bo, ba leñ bo i bee.

8 Ndi jôm li bôt ikété yap li kal Ismael le: “U nol bañ bés, inyule di gwé blé, kôn,* môô ni wéi le di nsôô i bikai.” Ha nyen Ismael a bi nol ha bé bo lôñni lôkisañ yap. 9 Ismael a bi leñ mim mi bôt bobasôna a bi nol ikété bee ikeñi, i bee Kiñe Asa a bi tém i ngéda Baasa kiñe Israel+ a bé han nye. I bee i yon Ismael, man Nétania, a bi yônôs ni mim.

10 Ismael a bi gwel bôt bobasôna ba bi yégle i Mizpa,+ yak bingond bi kiñe ni bôt bobasôna ba bi yégle i Mizpa; i bôt Nébusaradan, ñane batat kiñe, a bi yék isi ane i Gédalia,+ man Ahikam. Ismael man Nétania a bi gwel i bôt ba, a kena bo i Lôk Amôn.+

11 I ngéda Yôhanan,+ man Karéa, lôñni baane ba mintôñ mi gwét ba ba bé ni nye ba bi nok i mam mabe momasôna Ismael, man Nétania, a bi boñ, 12 ba yoñ bôt ba gwét bobasôna, ba ke i jôs Ismael man Nétania, ba koba nye i homa a gwé ngandak malép,* i Gibéôn.

13 I bôt bobasôna Ismael a bi gwel ba bi kon maséé i ngéda ba bi tehe Yôhanan, man Karéa, ni baane ba mintôñ mi gwét bobasôna ba bé ni nye. 14 Ha nyen i bôt bobasôna Ismael a bi gwel i Mizpa+ ba bi hielba, ba ke yak Yôhanan, man Karéa. 15 Ndi Ismael man Nétania, ni bôt juem ba ba bé ni nye, ba kon Yôhanan woñi, ba ke ngwéé i Lôk Amôn.

16 Yôhanan man Karéa ni baane ba mintôñ mi gwét bobasôna ba ba bé ni nye, ba yoñ bôt ba ba bi yégle i Mizpa, hala wee i bôt ba bi sôñ i moo ma Ismael man Nétania, nu a bi nol Gédalia+ man Ahikam. Ba nyodna bo i Gibéôn; bôlôm, bôt ba gwét, bôda, boñge ni bôt ba ngomin ba ndap kiñe. 17 Ba ke ba yén i ndap bakén i Kimham, bebee ni Bétléhém,+ ba bééna ngôñ i ke i Égiptô+ 18 inyule ba bé kon bôt ba Kaldéa woñi. Ba bé kon bo woñi inyule Ismael man Nétania a bi nol Gédalia man Ahikam, nu kiñe Babilôn i bi téé le a ane loñ.+

42 I mbus, baane ba mintôñ mi gwét bobasôna, ni Yôhanan+ man Karéa, Yésania man Hôsaya lôñni litén jolisôna, ibôdôl nuntitigi ikepam nunkeñi, ba kôôge bebee 2 ni mpôdôl Yérémia, ba kal nye le: “Soho, emble minyemhe nwés, soohe ki Yéhôva Nyambe wés inyu yés, ni inyu bôt bobasôna ba ba bi yégle, inyule wemede u ntehe le di bé ngandak ndi nano di nyégle ndék.+ 3 Bat Yéhôva Nyambe woñ le a kal bés i jam di nlama boñ, jo ki jon di ga boñ.”

4 Mpôdôl Yérémia a timbhe bo le: “Me nok, m’a soohe Yéhôva Nyambe nan kiki ni mbat; hiki jam Yéhôva Nyambe nan a ntimbhe, me ga kal bé. Me ga sôô bé bé jam jo ki jo.”

5 Ba timbhe Yérémia le: “Yéhôva a ba maliga, a ba ki bañga yés mbôgi le d’a kôhna kogse ibale di mboñ bé i mam momasôna Yéhôva Nyambe woñ a ga kal we le u kal bés. 6 Too ndimbhe i nlémél bés, too i nlémél bé bés, di ga nôgôl Yéhôva Nyambe wés, nu di ñom we i nyeni; le ndi mam ma kee bés loñge inyule di nôgôl Yéhôva Nyambe wés.”

7 I mbus jôm li dilo Yéhôva a pôdôs Yérémia. 8 Ha nyen Yérémia a bi sébél Yôhanan, man Karéa, ni baane ba mintôñ mi gwét bobasôna ba ba bé lôñni nye, yak ni bôt ba litén bobasôna ibôdôl nuntitigi ikepam nunkeñi.+ 9 A kal bo le: “Haana nyen Yéhôva Nyambe nu Israel, nu ni bi ep me i nyeni, a nkal: 10 ‘Ibale ni nyoñ makidik le ni nyén munu loñ ini, me ga lédés bé, ndi me ga tjé bé bé; me ga bel bé, ndi me ga nup bé bé; inyule me ga tam bikuu me bi boñ le bi kwél bé.+ 11 Ni sehla bañ inyu kiñe Babilôn i ni kon woñi.’+

“‘Ni kon bañ nye woñi,’ hala nyen Yéhôva a mpot, ‘inyule me yé lôñni bé inyu sôñ bé ni inyu péyés bé i moo mé. 12 Me ga kônôl bé ngoo,+ yak nye a ga kônôl bé ngoo, a boñ ki bé le ni témb i loñ nan.

13 “‘Ndi ibale ni nkal le: “Di ga yén bé munu loñ ini!” Ni ndogbene ki Yéhôva Nyambe nan 14 ni kalak le: “Di ga ke ndigi i loñ Égiptô,+ i het di ntehe bé gwét, to nok kiki ba nhem sép, homa di nhañ bé bret; nyoo nyen di ga yééne,” 15 jon emblana bañga i Yéhôva, a bôt ba Yuda ba ba bi yégle. Haana nyen, Yéhôva nu mintôñ mi ngwét, Nyambe nu Israel a mpot: “Ibale ni mal yoñ makidik le ni nke i Égiptô ni i yééne nyoo,* 16 yina ni le i pansoñ ni nkon woñi i ga kop bé nyoo i loñ Égiptô, yak i njal ni nkon woñi i ga noñ bé i Égiptô, nyoo ki nyen ni ga wél.+ 17 I bôlôm bobasôna ba nkit le ba nke i Égiptô inyu yééne nyoo, pansoñ, njal ni himala* gwon bi ga nol bo. To wada ikété yap a ga niñ bé, a ga pei bé to bikuu bi me ga boñ le bi kwél bo.”’

18 “Inyule haana nyen Yéhôva nu mintôñ mi gwét, Nyambe nu Israel a nkal: ‘Kiki hiun hiem ni njôô yem bi bi kwél bôt ba Yérusalem,+ hala nyen hiun hiem hi ga kwél bé ibale ni nke i Égiptô; ni ga yila yom ndiihe, yom i nyega, yom ba ñok ni yom i nwéhna nyuu,+ kekikel n’a tehe ha bé i homa nunu.’

19 “Yéhôva a mbéhe bé, a bôt ba ba bi yégle i Yuda. Ni ke bañ i Égiptô. Ni tibil nok hala, ibôdôl i len ini, me mal yis bé le 20 ni ga wél inyu dihôha dinan. Inyule ni bi ep me yak Yéhôva Nyambe nan, ni kal le: ‘Soohene bés Yéhôva Nyambe wés, u kal ki bés mam momasôna Yéhôva Nyambe wés a nkal; di ga boñ mo.’+ 21 I len ini, me mal kal bé, ndi ni ga nôgôl bé Yéhôva Nyambe nan, ni ga boñ bé to jam jo ki jo a ñep me le me kal bé.+ 22 Jon yina le pansoñ, njal ni himala gwon bi ga nol bé nyoo i het ni gwé ngôñ i ke i yééne.”+

43 I ngéda Yérémia a bi mal kal bôt ba litén bobasôna mam momasôna Yéhôva Nyambe wap a bi kal, yak ni hiki hisii jam Yéhôva Nyambe wap a bi ep nye le a kal bo, 2 Azaria man Hôsaya, Yôhanan+ man Karéa, ni bôt ba lipamal bobasôna, ba kal Yérémia le: “U ntembee! Yéhôva a ñep bé we i kal bés le: ‘Ni ke bañ i yééne i Égiptô.’ 3 Ndi Baruk,+ man Néria, nyen a yé i tinde we i kal bés hala, inyule a ngwés le di kwoo i moo ma bôt ba Kaldéa, inyu boñ le ba nol bés tole ba kena bés i minkôm i Babilôn.”+

4 Yôhanan, man Karéa, ni baane bobasôna ba mintôñ mi gwét ni bôt ba litén bobasôna ba tjél nôgôl Yéhôva nu a bi kal le ba yén i loñ Yuda. 5 Ndi Yôhanan, man Karéa, ni baane bobasôna ba mintôñ mi gwét, ba kena i bôt bobasôna ba bi pei i Yuda, ba bobasôna ba bi lôl i biloñ gwobisôna i het ba bé ntjamak+ inyu lo i yééne i loñ Yuda. 6 Ba kena bôlôm, bôda, boñge ni bingond bi kiñe, ni bôt bobasôna* Nébusaradan,+ ñane batat kiñe, a bi yék i moo ma Gédalia,+ man Ahikam,+ man Safan,+ yak ni mpôdôl Yérémia bo Baruk man Néria. 7 Ba jôp i loñ Égiptô, inyule ba bi nôgôl bé Yéhôva, ba ke letee ni i Tapanés.+

8 Yéhôva a bi pôdôs Yérémia i Tapanés, a kal nye le: 9 “Begee jôga li ngok ikeñi i moo, u kena yo i libebe li brik li li yé i lijubul li ndap Faraô i Tapanés, u sôô yo ikété simet, boñ i jam li i bisu bi bon ba Lôk Yuda. 10 I mbus, kal bo le: ‘Haana nyen Yéhôva nu mintôñ mi gwét, Nyambe nu Israel, a nkal: “M’a om ngwélél+ wem Nébukadnézar,* kiñe Babilôn; a ga téé yééne yé ane munu ngii ngok ini me nsôô, a ga sambal ki ndap yé libadô i lipém letee ni i ngii ngok ini.+ 11 A ga lo, a tjé loñ Égiptô.+ I mut himala hi nlama nol, himala hi nolok nye; i mut a nlama ke minkôm, a kenek minkôm; i mut pansoñ i nlama nol, pansoñ i nolok nye.+ 12 M’a ha hié+ i mandap* ma banyambe ba Égiptô, Nébukadnézar a ga ligis mo, a kena banyambe i minkôm. Kiki hala a yé jam li ntomb le ntééda mintômba a haba mbot yé, hala nyen Nébukadnézar a ga yémbél loñ Égiptô yosôna, a nyodi ki hana ni nsañ.* 13 A ga nyugut mél ma Bét-Sémes* nu a yé i loñ Égiptô, a ga ligis ki mandap* ma banyambe ba Égiptô.”’”

44 I nwin unu won Nyambe a bi éble Yérémia le a legel bon ba Yuda bobasôna ba ba yé i Égiptô,+ ba ba nyééne i Migdol,+ i Tapanés,+ i Nof*+ ni i nkoñ u Patros:+ 2 “Haana nyen Yéhôva nu mintôñ mi gwét, Nyambe nu Israel, a nkal: ‘Ni bi tehe bikuu gwobisôna me bi lona i Yérusalem+ ni i bitison gwobisôna bi Yuda; i len ini, bi yé ntjék, mut nye ki nye a ta ha bé mu.+ 3 Inyule ni bi hindha me ñem ni bibéba bi mam ni bi boñ, ni bi sémél banyambe bape bisesema,+ ni bégés ki banyambe le ni bi yi bé, to bé to basôgôlsôgôl banan.+ 4 Me bi waa bé ômle bé bagwélél bem bobasôna le bapôdôl, me omok bo, me tiimbaga,* me kalak le: “Soho, ni boñ bañ i jam libe lini me ñoo.”+ 5 Ndi ni bi nok bé, to emble, ni bi kôm bé bibéba binan mbus le ni waa sémél banyambe bape bisesema.+ 6 Jon njôô ni hiun hiem bi bi bet, me ligis bitison bi Yuda ni minloñ mi Yérusalem, bi yila hôlô kiki bi yé i len ini.’+

7 “Nano, haana nyen Yéhôva, Nyambe nu mintôñ mi gwét, Nyambe nu Israel, a nkal: ‘Inyuki ni yé i boñ le bikuu bikeñi bini bi kwél bé, kayéle bôlôm bobasôna, bôda bobasôna, boñge bobasôna ni minkéñéé mi bon nwominsôna ba ga wo, mut to wada a ga yégle bé i Yuda? 8 Inyuki ni ñunbaha me ni minson mi moo manan, ni nsémél banyambe bape bisesema nyoo i loñ Égiptô i het ni nke i yééne? N’a tjiba, biloñ gwobisôna bi nkoñ ’isi bi ga sima jôl linan ikété bisol gwap ni ndiihe yap.+ 9 Baa ni bi hôya maboñok mabe ma basôgôlsôgôl banan, ni maboñok mabe ma bikiñe bi Yuda,+ ni maboñok mabe ma baa+ bap, yak ni maboñok mabe manan bébomede, ni maboñok mabe ma baa+ banan, ma ma bi bôña i loñ Yuda ni i minloñ mi Yérusalem? 10 Letee ni len, ni nsuhul bé nyuu,* ni nkon bé woñi,+ ni noñ bé mambén mem, to matéak mem me bi ti bé, me ti ki basôgôlsôgôl banan.’+

11 “Inyu hala nyen Yéhôva nu mintôñ mi gwét, Nyambe nu Israel, a nkal le: ‘Me mal yoñ makidik le, m’a boñ le bikuu bi kwél bé inyu tjé loñ Yuda yosôna. 12 I bôt ba Yuda ba nyégle, ba ba nai le ba nke i yén i loñ Égiptô, m’a nol bobasôna nyoo i loñ Égiptô.+ Pansoñ ni njal gwon bi ga nol bo; ibôdôl nuntitigi ikepam nunkeñi, pansoñ ni njal gwon bi ga nol bo. Ba ga yila yom ndiihe, yom i nyega, yom ba ñok ni yom i nwéhna nyuu.+ 13 M’a kogse i bôt ba nyééne i loñ Égiptô kiki me bi kogse bôt ba Yérusalem ni pansoñ, njal ni himala.*+ 14 I bôt ba Yuda ba nyégle, ba ba nke i yééne i loñ Égiptô, ba ga pei bé, ba ga nom bé le ndi ba témb i loñ Yuda. Ba ga bana ngôñ le ba témb i yééne nyoo, ndi ba ga témb bé, handugi ndék bôt.’”

15 I bôlôm bobasôna ba bé yi le baa bap ba bi sémél banyambe bape bisesema, ni i bôda bobasôna ba bé ba téé ha, bobasôna ba bé ntôñ nkeñi, yak ni bôt bobasôna ba bi ke i yééne i loñ Égiptô,+ i Patros,+ ba timbhe Yérémia le: 16 “D’a nôgôl bé bibañga u yé i kal bés i jôl li Yéhôva. 17 Ndi di ga boñ ndik i mam di mpot munu manyo més, d’a sémél Kiñemuda nu ngii* bisesema, di ti ki nye makébla ma wai,+ kiki bés ni basôgôlsôgôl bés, ni bikiñe gwés, ni baane bés di bé boñ i bitison bi Yuda ni i minloñ mi Yérusalem. Ha ngéda i, di bé di je, di nuu, di bééna niñ i mbomboo, bikuu bi bé kwél bé bés. 18 I ngéda di bi waa sémél Kiñemuda nu ngii* bisesema, di waa ki ti nye makébla ma wai nyen mam momasôna ma bi bôdôl héñél bés, yak pansoñ ni njal bi bôdôl nol bés.”

19 Bôda ba kônde le: “I ngéda di bé sémél Kiñemuda nu ngii bisesema,* di tinak ki nye makébla ma wai, baa balôm bés bé bon ba ti bés kunde le di lamb bikoga i pôna yé, di ti ki nye makébla ma wai?”

20 Ha nyen Yérémia a bi kal bôt ba litén bobasôna, bôlôm ni baa bap, ni bôt bobasôna ba bé pôdôs nye le: 21 “Yéhôva a nhôya bé i bisesema ni bi sem i bitison bi Yuda ni i minloñ mi Yérusalem,+ bé ni basôgôlsôgôl banan, bikiñe binan, baane banan, ni bôt ba loñ; bi ngi tééñgaga nye i ñem! 22 Sôk i nsôk, Yéhôva a bi la ha bé hônba maboñok manan mabe ni gwom bi nyega ni bi boñ; jon loñ nan i bi yila hôlô, homa nu a nkônha woñi, homa le mut a nsima i ngéda a nsômbôl tiihe, mut nye ki nye a nyééne bé to mu, kiki i yé i len ini.+ 23 Ibale ni yé i kôhna mandutu i len ini, hala a yé inyule ni bi ti bisesema bi, ni boñ ki mam mabe i mis ma Yéhôva, ni bi nôgôl bé Yéhôva, ni noñ bé mambén mé, to matéak mé, to mabéhna mé.”+

24 Yérémia a bi kônde ki kal bôt ba litén bobasôna ni bôda bobasôna le: “Emblana lipôdôl li Yéhôva, a bôt ba Yuda bobasôna ba ni yé i loñ Égiptô. 25 Haana nyen Yéhôva nu mintôñ mi gwét, Nyambe nu Israel a nkal: ‘I jam bé ni baa banan ni bi pot mu manyo manan, jon ni mboñ; inyule ni bi kal le: “Di mal yoñ makidik le di ga yônôs makak més, di sémél Kiñemuda nu ngii* bisesema, di ti ki nye makébla ma wai.”+ Yak bé, a bôda n’a yônôs makak manan, me nyi le n’a yônôs mimbônga minan.’

26 “Jon emblana lipôdôl li Yéhôva, a bôt ba Yuda bobasôna ba ni nyééne i loñ Égiptô: ‘Haana nyen Yéhôva a mpot: “Me nkum soñ ni jôl jem likeñi le, man Lôk Yuda+ nye ki nye nu a nyééne to numbe homa mu loñ Égiptô, a ga sima ha bé jôl jem inyu kum soñ, a kalak le: ‘Me nkum soñ ni niñ i Yéhôva+ Nwet Bayemlikok!’ 27 Nano, me yé i hes bo inyu om bikuu le bi kwél bo, he loñge bé;+ pansoñ ni njal bi ga nol bôlôm ba Yuda bobasôna ba yé i loñ Égiptô, letee mut to wada a ba ha bé i niñ.+ 28 Ndik ndék bôt yon i ga pei pansoñ, i nyodi i loñ Égiptô inyu témb i loñ Yuda.+ Ha nyen i bôt ba Yuda bobasôna ba ba bi yégle, ba ba bi lo i yééne i loñ Égiptô, ba ga yi bibañga bi njee bi ga yon, too gwap, too gwem!”’”

29 “Haana nyen Yéhôva a mpot: ‘Yimbne ini me nti bé inyu unda bé le me ga kogse bé hana homa nunu, ni le bibañga gwem bi bi nkal le m’a lona bikuu i bééni bi ga set bé. 30 Haana nyen Yéhôva a nkal: “Me nsem Faraô le Hôfra, kiñe Égiptô, i moo ma baoo bé ni i moo ma bôt ba nyéñ nol nye,* kiki me bi sem Sédékia, kiñe Yuda, i moo ma Nébukadnézar* kiñe Babilôn, nu a bé oo nye, a yéñek ki le a nol nye.”’”*+

45 I jam lini jon Yérémia a bi pot inyu Baruk,+ man Néria, i ngéda Yérémia+ a bé kal nye bibañga a nlama tila ikété kaat, hala a bé i nwii mi nyônôs mina mi ane i Yéhôyakim+ man Yôsia, kiñe Yuda:

2 “Haana nyen Yéhôva Nyambe nu Israel a mpot inyu yoñ, a Baruk: 3 ‘U bi kal le: “Ngoo ni me inyule Yéhôva a mboñ le me kônde nok njôghe! Me nwaa siida, to ndék hogbe me gwé bé.”’

4 “Jon u nlama kal nye le: ‘Haana nyen Yéhôva a mpot: “Nun-ki! I yom me ñoñ, me mbôk yo, i yom me mbel, me nup yo, hala wee loñ yosôna.+ 5 Ndi u yé i yéñ* gwom bikeñi inyu yoñ. U yéñ ha bañ ki i gwom bi.”’

“‘Inyule ndék ngéda wee me nlona bikuu inyu bôt bobasôna,’*+ hala nyen Yéhôva a mpot, ‘to hee homa u ga ke, ndik niñ yoñ yon me ga sôñ.’”*+

46 Haana nyen Yéhôva a bi kal mpôdôl Yérémia inyu biloñ:+ 2 inyu Égiptô,+ i nwin unu u mbéñge ntôñ gwét u Faraô Nékô,+ kiñe Égiptô, nu a bé yééne bebee ni lom Ufraté, nyen Nébukadnézar,* kiñe Babilôn a bi yémbél gwét i Karkémis, i nwii mi nyônôs mina mi ane i Yéhôyakim+ man Yôsia, kiñe Yuda:

 4 Kôôbana bihosi, ni luk gwo.

Telbana i jo gwét, ni haba bikôñgô binan.

Hôla makoñ, ni haba bikôti bi bikei.

 5 ‘Me ntehe bo ba nkon woñi. Kii i ntagbe?

Ba yé i so gwét, bisônda gwap bi yé i wo.

Woñi u nkiha bo ngwéé, bisônda gwap bi nun bé to mbus.

Woñi u nai,’ hala nyen Yéhôva a mpot.

 6 ‘Yak i bôt ba nhoo ngwéé ba nla bé so, to bisônda gwap bi nla bé ke ngwéé.

Me ga tjé tison, yak ni bôt ba nyééne mukété.’

 9 Bihosi bi bedek!

Bikak bi kenek ngwéé u njék!

10 “I hilo hi, hi yé hilo hi Nwet Bayemlikok, Yéhôva nu mintôñ mi gwét, hilo hi mapuna inyu kogse baoo bé. Pansoñ i ga je, i nuu, i nyo matjél kayéle nyus yé i mal, inyule Nwet Bayemlikok, Yéhôva nu mintôñ mi gwét, a gwé sesema* i loñ i i yé i pes ñombok, bebee ni lom Ufraté.+

13 Haana nyen Yéhôva a bi kal mpôdôl Yérémia inyu malo ma Nébukadnézar,* kiñe Babilôn, nu a ga yémbél loñ Égiptô:+

14 “Añlana i jam li i Égiptô, leglana jo i Migdol.+

Leglana jo i Nof* ni i Tapanés.+

15 Inyuki bôt banan ba ngui ba ta ha bé?

16 Ngandak yap i mbômda, i kwok.

Ba kalnaga le:

17 Ba bi legel nyoo le:

18 ‘Me nkum soñ ni niñ yem,’ hala nyen Kiñe, nu jôl jé le Yéhôva nu mintôñ mi gwét, a mpot:

23 Ba ga bôk lipan jé,’ hala nyen Yéhôva a mpot, ‘to ibale li mpôna lipan le mut a nla bé jôp.

Inyule ba yé ngandak iloo bitandi, mut a nla bé soñgol bo.

24 Ngond Égiptô i ga wo nyuu.

I ga kwo i moo ma litén li li nlôl i pes ñombok.’+

25 “Yéhôva nu mintôñ mi gwét, Nyambe nu Israel a nkal le: ‘Nano, me ga yoñ ngéda ni Amôn,+ nyambe nu Nô,*+ ni Égiptô, ni banyambe bé,+ yak ni bikiñe gwé; ñ, m’a yoñ ngéda ni Faraô lôñni bôt bobasôna ba mbôdôl nye ñem.’+

26 “‘M’a sem bo i moo ma bôt ba nyéñ nol bo,* i moo ma Nébukadnézar,* kiñe Babilôn,+ lôñni bagwélél bé. Ndi i mbus ngéda, bôt ba ntémb ba yééne mu kiki i ngéda bisu,’ hala nyen Yéhôva+ a mpot.

28 Jon, u kon bañ woñi, a ngwélél wem Yakôb,’ hala nyen Yéhôva a mpot, ‘inyule me yé lôñni we.

47 I bibañga bini gwon Yéhôva a bi kal mpôdôl Yérémia inyu bôt ba Filistia,+ ilole Faraô a nyémbél Gasa gwét. 2 Haana nyen Yéhôva a mpot:

“Nuna-ki! Malép ma yé i lôl i pes ñombok.

Ma ga yila lép u u nhoo, ma hôl ki.

 5 Gasa a ga bana liseha.*

Yak Askélôn, ba nyip nye nyo.+

 6 A pansoñ i Yéhôva!+

Ngéda mbe w’a mom nwee?

Témb i sogoo yoñ.

Noi, u mom nwee.

48 Haana nyen Yéhôva nu mintôñ mi gwét, Nyambe nu Israel a nkal inyu Môab:+

“Ngoo ni Nébô+ inyule a mal tjiba!

Yak tison Kiriataim+ i nwo nyuu, i nyôña ki.

Bañga lisolbene* i nwo nyuu, i ntjiba+ ki.

 2 Bôt ba mbégés ha bé Môab.

I Hesbôn+ nyen bôt ba ñôô jimb inyu tjiba yé:

‘Loga, di mélés i loñ ini.’

 4 Môab a nkuuba.

Bon bé ba mbégél.

 5 I mabeda ma Luhit, bôt ba yé i bet i njel, ba eek.

I makuli ma Hôrônaim, bôt ba nok minlondok mi njiiha inyule bikuu bi nkwo.+

 6 Kena ngwéé inyu pei nyemb!

Yilnana kiki e junipa* ikété ñoñ.

10 Tiihe tiihe ni mut a ngeñee inyu gwel nson u Yéhôva!

Tiihe tiihe ni nu a ntjél gwélél pansoñ yé inyu kôp matjél.

12 “‘Inyu hala nyen dilo di ga lo,’ hala nyen Yéhôva a nkal, ‘me ga om bôt le ba bes bo ’isi. Ba ga bes bo ’isi kiki wai le mut a nsop, mañgak map ma yégle hôlô, ba bol dimbôga tjap bipes bipes. 13 Kémôs a ga wéha bôt ba Môab nyuu, kiki Bétel a bi wéha litén li Israel nyuu, ndi ki le li bé bôdôl nye ñem.+

14 Lelaa ni nla kal le: “Di yé bajogwét bakeñi, di yé nkôôbaga inyu gwét?”’+

Kala bo le: ‘Ngoo le ntoñgo u ngui u mbugi; ñ, ntoñgo u bilama!’

19 A mut nu a nyééne i Arôer,+ telep ipañ njel, u béñge.

Bat i munlôm a yé i ke ngwéé, ni i muda a yé i so le: ‘Kii i mbôña?’

20 Môab a nwo nyuu, woñi u nol nye.

Eena, béglana ki.

Leglana i Arnôn+ le Môab a mal tjiba.

21 “Kogse i mal bol i tegep mbok,+ yak i Hôlôn, i Yahaz+ ni i Méfaat;+ 22 i Dibôn,+ Nébô+ ni Bét-Biblataim; 23 i Kiriataim,+ Bét-Gamul ni Bét-Méôn;+ 24 i Kériôt+ ni Bôzra; i bitison gwobisôna bi loñ Môab, bi bi yé haa ni bi bi yé bebee.

26 ‘Nyuha nye maok le a hiôô,+ inyule a kadbaga le a nyémbél Yéhôva.+

27 Baa we bé nyen u bé nol Israel hiol?+

U bé yan nye, u ôbhak nye jôl inyuki?

Baa u bi tehe le a yé mut wip?

A ga boñ bé i jam a mpot.

Mintjep nwoñ mi mi num matam, mi mal yap tuye.

Mi mpam nyoo i tuye, i Yazer.

Me mélés wai i waa wai.

Mut nye ki nye a ga tjo ha bé wai, a leñek diléla.

Bôt ba ga lond, ndi minlondok mi mba bé minlondok mi maséé.’”+

34 “‘Minlondok mi Hesbôn+ mi mpam i Éléalé.+

Yak malép ma Nimrim ma ga sa.+

Inyule lingwañ a bi kôhna li ga tjiba.

39 ‘Béñgnana kiki a nkon woñi! Béglana!

Béñgnana kiki Môab a nso ni wonyuu yosôna!

40 “Inyule haana nyen Yéhôva a mpot:

‘Inyule nwii kogse u Môab u nkola,’ hala nyen Yéhôva a mpot.

45 ‘I bôt ba nso, ba ga telep isi yiye i Hesbôn, ba bak ntombok.

46 ‘Ngoo ni we, a Môab!

Litén li Kémôs+ li ntjiba.

47 Ndi i dilo di nsôk, me ga kot bôt ba Môab ba ba bi ke i minkôm,’ hala nyen Yéhôva a mpot.

‘Hana nyen mbagi kogse i Môab+ i mélél.’”

49 Inyu Lôk Amôn,+ haana nyen Yéhôva a mpot:

“Baa Israel a gwé bé bon bôlôm?

Baa a gwé bé nkôdôlbum?

Inyuki Malkam+ a nyoñ Gad?+

Inyuki bôt bé ba nyééne i bitison bi Israel?”

‘Israel a ga kadal nkoñ u bôt ba bi kadal nye nkoñ,’+ hala nyen Yéhôva a mpot.

 3 ‘A Hesbôn, bégél inyule Ai a ntjiba!

A minkoñ mi* Raba, londa.

Habnana minsugut.

 6 “‘Ndi i mbus ngéda, me ga kot bon ba Lôk Amôn ba ba bi ke i minkôm,’ hala nyen Yéhôva a mpot.”

7 Inyu Édôm, haana nyen Yéhôva nu mintôñ mi gwét a mpot:

“Baa pék i ta ha bé i Téman?+

Baa maéba malam ma bôt ba gwé yi ma mal?

Baa pék yap i mal?

 8 Sona, kena ngwéé!

Ke solbana ikété bihôk bi bi yé ikété ’isi, a bôt ba nyééne i Dédan!+

10 Ndi me, m’a yoñ gwom bi Ésau gwobisôna.

12 Inyule haana nyen Yéhôva a mpot: “Nun-ki! I bôt ba bi kôhna bé kogse le ba nyo libôndô li hiun, ibale ba yé nyégsaga i nyo jo, baa wen w’a pei kogse? To, w’a pei bé kogse, w’a nyo yaga jo.”+

13 “Inyule me nkum soñ ni memede,” hala nyen Yéhôva a mpot, “le Bôzra a ga yila yom bilim,+ yom i hison, homa nu a yé ntjék, yom i ndiihe; yak bitison gwé bi ga tjiba i boga ni boga.”+

17 “Édôm a ga yila yom bilim.+ Hiki mut a ga tagbene nyoo, a ga hel, nyuu i kôp nye disuhuu, a hem ki hiôa inyu bikuu gwobisôna bi ga kwél nye. 18 A ga ba kiki i ngéda Sôdôm ni Gômôra ni bitison bi bé ha bebee bi bi tjiba;+ mut nye ki nye a ga yééne ha bé nyoo, mut nye ki nye a ga ba ha bé to nyoo,”+ hala nyen Yéhôva a mpot.

19 “Emblana! Mut a ga lo i tjé bahoma ba njéhne bilém, kiki mbondo njéé+ i mpémél i put lipan nu a yé i mbaa Yordan. Kunda yada, me ga boñ le ba so loñ yap. Me téé mut me mpohol le a ane yo. Inyule njee a yé kiki me, njee a nla suu me sañ? Numbe ntééda mintômba a nla kolba me?+ 20 Inyu hala nyen a bôt, emblana makidik* Yéhôva a nyoñ inyu kogse Édôm, ni mahoñol a gwééne bôt ba nyééne i Téman:+

ibabé pééna, bon ba mintômba ba bémba ba ga ke haa.

Inyu maboñok map mabe, a ga yilha mayééne map hôlô.+

21 Mbimba i tjiba yap i mboñ le hisi hi nyeñg.

Ñ, minlondok mi yé!

Mbimba i mpam letee ni i tuye Nkôibaga.+

23 Inyu Damaskô:+

Ba nkon woñi.

Tuye a mpuñgla, a nla bé mom nwee.

24 Damaskô a nimis makénd.

A nhielba inyu ke ngwéé, ndi a nyôm.

28 Inyu Kédar+ ni biane bi Hazôr, bi Nébukadnézar* kiñe Babilôn a bi yémbél gwét, haana nyen Yéhôva a nkal:

30 “Kena ngwéé, kena haa!

A bôt ba nyééne i Hazôr, ke solbana i bihôk bi maaa,” hala nyen Yéhôva a mpot.

“I gwé bé makôga to bihimbil; i yé mbaglak ni biloñ bipe.

34 I bibañga bini gwon Yéhôva a bi kal mpôdôl Yérémia inyu Élam,+ i bibôdle bi ane i Sédékia,+ kiñe Yuda: 35 “Haana nyen, Yéhôva nu mintôñ mi gwét a mpot: ‘M’a bôk mpihlôñgô u Élam,+ u u nti nye ngui.* 36 Me ga yoñ mbebi yo ina i i nlôl i makas ma ngii mo ma-na, me lona yo i Élam, me ga boñ le i mbebi i yosôna i sand bôt bé. Bôt ba Élam ba ga tjama ni biloñ gwobisôna kayéle loñ to yada i ga yégle bé.’”

37 “Me ga boñ le bôt ba Élam ba sehla i bisu bi baoo bap, ni i bisu bi bôt ba nyéñ nol bo;* me ga boñ le bikuu ni hiun hiem hikeñi bi kwél bo,” hala nyen Yéhôva a mpot. “Me ga boñ le pansoñ i noñ bo letee me sas bobasôna.”

38 “Me ga téé yééne yem ane i Élam,+ me tjé ki kiñe yé ni baane bé,” hala nyen Yéhôva a mpot.

39 “Ndi i dilo di nsôk, me ga kot bôt ba Élam ba ba bi ke i minkôm,” hala nyen Yéhôva a mpot.

50 I bibañga bini gwon Yéhôva a bi kal mpôdôl Yérémia inyu Babilôn,+ inyu loñ i bôt ba Kaldéa:

 2 “Añlana i jam li ikété biloñ, leglana jo.

Tééna yimbne,* leglana ki hala.

Ni sôô bañ jam jo ki jo!

Kala le: ‘Babilôn a ngwéla.+

Bel a nwo nyuu.+

Mérôdak a nkon woñi.

Biôñgba bi Babilôn bi nwo nyuu.

Bisat gwé bi nyega* bi nkon woñi.’

 3 Inyule loñ yada i yé lôl i pes ñombok+ inyu jôs nye gwét.

4 Haana nyen Yéhôva a mpot: “Mu dilo di, ni ha ngéda i, bôt ba litén li Israel ni bôt ba litén li Yuda ba ga ba lôñ yada.+ B’a ba ba nke,+ ba eek, bobasôna ba ga yéñ Yéhôva Nyambe wap.+ 5 Ba ga bat njel i nke i Siôn. Masu map ma nunuk nyoo,+ ba kalak le: ‘Loga, di témb di adba ni Yéhôva, di boñ malômbla ma ma nom i boga ni boga lôñni nye, ma ma ga mal bé.’+ 6 Litén jem li nyila kiki bémba i mintômba i i nimil.+ Batééda mintômba bap bon ba bi yumus i bémba i.+ Ba nkena yo i dikôa, ba bednaga, ba sôhnaga yo i dikôa dikeñi ni i dikôa dititigi. I nsôk i hôya linôyôi jé. 7 I bôt bobasôna ba bi boma yo, ba bi je yo,+ baoo bap ba bi kal le: ‘Bés bé bon di gwé njom, ngo bomede bon ba bi kôm Yéhôva mbus, ndi ki le Yéhôva nyen a yé liyééne li telepsép, nye ki nyen basôgôlsôgôl bap ba bé bôdôl ñem.’”

10 Loñ Kaldéa i ga yila nkus le bôt ba nkabna.+

I bôt bobasôna ba ga kabna nkus wé, ba ga nuu,”+ hala nyen Yéhôva a mpot.

12 Nyuñ nan a nkon hison.+

I muda a bi gwal bé a nwo nyuu.

Hiki mut nu a ga lôô bebee ni Babilôn, a ga hel, nyuu i kôp nye disuhuu.

A ga hem ki hiôa inyu bikuu gwobisôna bi nkwél nye.+

15 Leña nlondok u gwét bipes gwobisôna inyu jôs nye.

Ba nyémbél nye.*

Ni kogse nye inyu mam a bi boñok bé.

Boña nye kiki a bi boñ.+

17 “Bon ba Israel ba yé kiki mintômba le mut a nsand.+ Mbondo njéé i bi sand bo.+ Kiñe Asiria nyen a bi bôk a je bo;+ i mbus, Nébukadnézar,* kiñe Babilôn, a bugul bihés+ gwap. 18 Jon haana nyen Yéhôva nu mintôñ mi gwét, Nyambe nu Israel a mpot: ‘M’a kogse kiñe Babilôn ni loñ yé nlélém kiki me bi kogse kiñe Asiria.+ 19 M’a témbna Israel i homa a bé jél bikai,+ a ga kehel bikai i Karmel ni i Basan,+ a ga je, a nuu i dikôa di Éfraim+ ni di Giléad.’”+

21 “Ke leñ loñ Marataim ni bôt ba nyééne i Pékod+ gwét.

Tjé bo, u sas bobasôna le fet,” hala nyen Yéhôva a mpot.

“Boñ mam momasôna me bi ti we oda le u boñ.

23 Béñgnana kiki hama i i bé tjé nkoñ ’isi wonsôna i mbugi, i nyugda!+

Béñgnana kiki Babilôn a nyila yom bilim ikété biloñ!+

26 Nyodna na i bahoma ba yé haa,+ loga i jôs nye gwét.

Yiblana mandugi mé.+

Ni kot nkus wé kiki ba nkot blé nwind nwind.

Tjéna nye hies.+

Mut to wada a pei bañ.

Ni kéña nye, mut to wada a pei bañ.

Tina nye i kogse a kôli kôhna inyu maboñok mé.+

Boña nye nlélém kiki a bi boñ.+

33 Haana nyen Yéhôva nu mintôñ mi gwét a nkal:

Ba ntop bé nwas bo le ba kenek.+

34 Ndi Nkobol wap a gwé ngui.+

Jôl jé le Yéhôva nu mintôñ mi gwét.+

36 Pansoñ i ga bép bapôdôl ba bitembee,* ba kahal boñ kiki bijôñ bi bôt.

Pansoñ i ga bép bôt bé ba gwét, ba bôdôl kon woñi.+

Pansoñ i ga bép nkus wap, bôt ba kadal wo.+

38 Ngoo ni malép mé, inyule ma ga sa.+

40 “A ga ba kiki i ngéda Nyambe a bi tjé Sôdôm ni Gômôra,+ ni i bitison bi bé ha bebee,+ mut nye ki nye a ga yééne ha bé nyoo, mut nye ki nye a ga ba ha bé to nyoo,”+ hala nyen Yéhôva a mpot.

42 Ba nyi gwélél mpihlôñgô ni makoñ.+

Ba gwé béba ñem, ba ga kon bé mut ngoo.+

Ba ga téé mintôñ nwap mi gwét kiki mut wada inyu jôs we, a ngond Babilôn.+

44 “Emblana! Mut a ga lo i tjé bahoma ba njéhne bilém, kiki mbondo njéé i mpémél i put lipan nu a yé i mbaa Yordan. Kunda yada, me ga boñ le ba so loñ yap. Me téé mut me mpohol le a ane yo.+ Inyule njee a yé kiki me, njee a nla suu me sañ? Numbe ntééda mintômba a nla kolba me?+ 45 Inyu hala nyen a bôt, emblana makidik Yéhôva a nyoñ* inyu kogse Babilôn,+ ni mahoñol a gwééne bôt ba loñ Kaldéa.

Ibabé pééna, bon ba mintômba ba bémba ba ga ke haa.

Inyu maboñok map mabe, a ga yilha mayééne map hôlô.+

51 Haana nyen Yéhôva a mpot:

 3 Baleñ mimpihlôñgô ba nimbil* bañ mimpihlôñgô nwap.

Nu ni nu a hééba kôti kei a telep bañ.

Ni kônôl bañ boñge bôlôm ngoo.+

Tjéna ntôñ wé gwét wonsôna.

 5 Inyule Yéhôva nu mintôñ mi gwét, Nyambe wap, a nyék bé Israel bo Yuda. Ba ta bé kiki biyik bi bôda.+

I mis ma Numpubi nu Israel, loñ Kaldéa i yé nyonok ni mam mabe.

Ni wo bañ inyu bibéba gwé.

Inyule ngéda mapuna ma Yéhôva ini.

A yé i timbhe nye inyu maboñok mé mabe.+

 8 Ndi kunda yada, Babilôn a bi kwo, a bugi.+

Eegana nye!+

Yéña môô inyu hôyôs njôghe yé; bebek le a ga mbôôp.”

 9 “Di bi noode mélés kon u Babilôn, ndi a nla bé mbôôp.

Nwaha nye, di kenek hiki mut i loñ+ yé.

10 Yéhôva a mal bagal nkaa wés ni telepsép.+

Loga, di añal minson mi Yéhôva Nyambe wés i Siôn.”+

11 “Hôla makoñ;+ beegana biben bi bi yé ngiiña.*

Mapuna ma Yéhôva ma, mapuna inyu témpel yé.

Ni bugus bisônda bipe le bi solop bebee ni bôt ba Babilôn.

14 Yéhôva nu mintôñ mi gwét a nkum soñ ni nyemede le:

17 I bôt bobasôna ba mboñ bijôñ bi mam, ba gwé bé yi yo ki yo.

18 I bisat bi, bi yé ndigi yañga,+ bôt ba kôli nol gwo hiol.

I hilo hiap hi bikééhene, bi ga tjiba.

Jôl jé le Yéhôva nu mintôñ mi gwét.”+

Wen m’a gwélél inyu tjé biane.

21 Wen m’a gwélél inyu nyugut hosi ni mut a nluk yo.

Wen m’a gwélél inyu nyugut kak gwét ni mut a nluk yo.

22 Wen m’a gwélél inyu nyugut munlôm ni muda.

Wen m’a gwélél inyu nyugut mañ mut ni mañge.

Wen m’a gwélél inyu nyugut mañge munlôm ni mañge muda.

23 Wen m’a gwélél inyu nyugut ntééda mintômba ni bémba yé.

Wen m’a gwélél inyu nyugut nsalnwom ni binuga a ngwélél inyu sal nwom.

Wen m’a gwélél inyu nyugut bangomin ba bipes bi mbok, ni bakot nkus bakeñi.

27 “Tééna yimbne* i loñ.+

Hema hioñ ikété biloñ.

Pohlana* matén ma ma nke i jôs Babilôn gwét.

Séblana biane bi Ararat,+ bi Mini, ni bi Askénas+ le bi leñ nye gwét.

Yéña sônda i i nlama pohol bôt ba nke i jôs nye.

Bulhana bihosi kiki bitandi.

30 Bisônda bi Babilôn bi nke gwét ngwéé.

Bi yii i masolbene map ma ngui.

Ngui i mal bo.+

Bi nyila kiki bôda.+

Mandap mé ma nlék.

Bihimbil bi makôga mé bi mbugi.+

33 Inyule haana nyen Yéhôva nu mintôñ mi gwét, Nyambe nu Israel, a mpot:

“Babilôn a nyila kiki homa ba ntidil blé.

Ngéda i nkola le ba tjo nye.

Ndék ngéda, wee ba mbumbul nye.”

A bi yilha me kiki ébél i i yé hôlô.

Ni malép, a bi luhul me i homa me bééne.*

35 I muda a nyééne i Siôn a’ mpot le: ‘I mbéda le Babilôn a kôhna nsaa inyu bisañ a bi jôs me!’+

Yérusalem a’ pot le: ‘I bôt ba nyééne i Kaldéa ba nlama kôhna nsaa inyule ba bi kôp matjél mem!’

36 Inyu hala nyen Yéhôva a mpot le:

M’a sés tuye nu Babilôn, me sés ki bibee gwé bi malép.+

38 Bobasôna ba ga kônd kiki mbondo njéé.*

Ba ga nyai kiki bon ba mbondo njéé.”

Béñgnana kiki Babilôn a nyila yom bilim ikété biloñ!

42 Tuye a nhôl, a hô Babilôn.

Ni ngandak yé mangudga, a mil nye.

43 Bitison gwé bi nyila yom bilim, ñoñ, ni loñ i i yé nnumuk.

Mut nye ki nye a ga yééne bé mu loñ i, mut nye ki nye a nlôô bé to mu.+

45 Nyodna na i nyeni, a litén jem!+

Sona inyu pei nyemb;+ inyu boñ le hiun hi Yéhôva hi kwél bañ bé!+

46 Nwin u ga tjama ni loñ yosôna, ni kon bañ wo woñi, ni tomb bañ to.

50 A bé ba ni mpei pansoñ, ken-gana, ni telep bañ!+

51 “Di bi kon hison, inyule bôt ba bi sol bés.

Kiñ yap i ga nôga.

A ga ti hiki mut i kogse i kôli ni nye.+

kayéle ba ga tôde ha bé,”+ hala nyen Kiñe, i i gwé jôl le Yéhôva nu mintôñ mi gwét i mpot.

58 Haana nyen Yéhôva nu mintôñ mi gwét a mpot:

59 I bibañga bini gwon mpôdôl Yérémia a bi kal Séraya man Néria,+ man Maséya, i ngéda Séraya a bi ke i Babilôn lôñni Sédékia, kiñe Yuda, i nwii mi nyônôs mina mi ane yé; Séraya nyen a bé ñane bokindak. 60 I bikuu gwobisôna bi bé lama kwél Babilôn, Yérémia a bi tila gwo ikété ngim kaat; ñ, bibañga bini gwobisôna bi bi pôda inyu Babilôn. 61 Yérémia a bi kal ki Séraya le: “I ngéda u ga pam i Babilôn, u tehe i tison i ni mis moñ, u nlama añ bibañga bini gwobisôna makeñi. 62 I mbus, w’a kal le: ‘A Yéhôva, wen u bi legel le i homa nunu a ga tjiba, le mut nye ki nye a ga yééne ha bé mu, mut binam to nuga bikai, ni le i tison ini i ga yégle hôlô i boga ni boga.’+ 63 I ngéda u ga mal añ i kaat ini, kañ yo ngok, u leñ yo i ñemkété u lom Ufraté. 64 I mbus, kal le: ‘Haana nyen Babilôn a ga yin, a ga pam ha bé,+ inyule me yé i lona bikuu i nyeni; bôt bé ba ga tumbba yañga.’”+

Bibañga bi Yérémia bi nsôk hana.

52 Sédékia+ a bééna 21 nwii i ngéda a bi yila kiñe, a ane 11 nwii i Yérusalem. Jôl li nyañ li bé le Hamutal;+ a bé ngond Yérémia, nu a bé lôl i Libna. 2 Sédékia a bé boñ mam mabe i mis ma Yéhôva, kiki Yéhôyakim a bi boñ.+ 3 I mam mana ma bi bôña i Yérusalem ni i Yuda, inyule Yéhôva a bé ñunbak. Jon a bi héya bo i bisu gwé.+ Sédékia a bi bédél kiñe Babilôn.+ 4 I nwii mi nyônôs 9 mi ane i Sédékia, i hilo hi nyônôs 10 hi sôñ i nyônôs 10 nyen Nébukadnézar,* kiñe Babilôn, a bi leñ Yérusalem gwét. Nye ni ntôñ wé gwét ba yén bebee ni tison Yérusalem, ba kéña yo, ba oñ ki lipénd li biték mu mapañ ma tison momasôna.+ 5 Ba bi kéña tison letee ni i nwii mi nyônôs 11 mi ane i Kiñe Sédékia.

6 I hilo hi nyônôs bôô hi sôñ i nyônôs ina,+ njal i bé nnayak mu tison, to bôt ba loñ+ ba bééna ha bé bijek. 7 Sôk i nsôk, bôt ba Kaldéa ba bôk homa wada mu lipénd li tison. Kiki ba nkahal tjama ni tison yosôna, bisônda bi tison gwobisôna bi so, bi nyodi tison juu ni juu, bi lôô i njel wom mbônji u kiñe, bi tagbene i nwemel u yé ipôla mapénd mo ima, bi yoñ njel i nke i Araba.+ 8 Ndi ntôñ gwét u bôt ba Kaldéa u noñ Kiñe Sédékia,+ u gwel nye i ñoñ u u nkéña Yérikô, bôt bé ba gwét bobasôna ba ke ngwéé, ba yék nye. 9 Hala nyen ba bi gwel Kiñe Sédékia, ba kena nye yak kiñe Babilôn i Ribla, i nkoñ u Hamat, a pémhene nye mbagi nôgôs. 10 Kiñe Babilôn i nol bon ba Sédékia i bisu gwé, i nol yak baane ba loñ Yuda bobasôna ha i Ribla. 11 I mbus, kiñe Babilôn i tôp Sédékia mis,+ i kañ nye ni minsañ mi mamuna, i kena nye i Babilôn, i ha nye i mok letee ni kel nyemb yé.

12 I hilo hi nyônôs 10 hi sôñ i nyônôs itan, hala a yé i nwii mi nyônôs 19 mi ane i kiñe Babilôn le Nébukadnézar,* nyen Nébusaradan nu a bé ñane batat kiñe, ni ngwélél kiñe Babilôn, a bi lo i Yérusalem.+ 13 A ligis ndap Yéhôva,+ ni ndap* kiñe, ni mandap ma Yérusalem momasôna; a ligis yak mandap makeñi momasôna. 14 Yak ntôñ gwét u bôt ba Kaldéa wonsôna u u bé lôñni ñane batat kiñe u bôk mapénd ma ma bé kéña Yérusalem.+

15 Nébusaradan, ñane batat kiñe, a yoñ ngim diyeyeba di bôt, ni bôt bobasôna ba bi yégle mu tison, a kena bo i minkôm. A bi kena yak i bôt ba bi so inyu ke i pes i kiñe Babilôn, lôñni bôt ba gwé likeñge i gwel minson.+ 16 Ndi Nébusaradan, ñane batat kiñe, a bi yék ndék diyeyeba di bôt mu loñ, le ba sal nwom mi minkôô mi wai, a nyégsa ki bo i sal bibôlô bi wom bipe.+

17 Bôt ba Kaldéa ba nyagat ki mél ma mamuna+ ma ndap Yéhôva, ni bikak bi mamuna,+ ni soso pan i mamuna ba bé sébél le Tuye,+ i i bé mu ndap Yéhôva; ba kena mamuna momasôna i Babilôn.+ 18 Ba yoñ ki minlôñga, bisoble, bilimil bi hié, biséya,+ mabôndô,+ ni bisélél bi mamuna gwobisôna ba bé gwélél inyu nson u témpel. 19 Ñane batat kiñe a yoñ ki bibômbôô bi bipan,+ bibeglene bi hié, biséya, minlôñga, bitééne bi bilambe,+ mabôndô; a yoñ yak biséya bi bi bé ni bañga gôl, lôñni biséya bi bi bé ni bañga silba.+ 20 I gwom Kiñe Salômô a bi boñ inyu ndap Yéhôva, hala wee mél mo ima, soso pan ba bé sébél le Tuye, ni 12 nyaga i mamuna+ i i bé isi Tuye, lôñni bikak, mut a bé bé le a hek mamuna ma gwom bini gwobisôna i kilô.

21 Inyu mél, hiki jél li bééna ntel u 18 dikéñéé di moo,* i bé béda nkôô u 12 dikéñéé di moo inyu hek bikeñi bi hiki jél;+ mbibi i jél i bé kiki mbibi i dinoo* dina le mut a ñat, hiki jél li bé hôlô ikété yé. 22 I dikôtô di bé i ngii mél di bé ni mamuna, di ban-ga ntel u dikéñéé di moo ditan.+ Minkébék mi minsañ mi bikei, ni matam ma grénad ma ma bé nkañak mu mapañ ma hiki hikôtô, gwobisôna bi bé ni mamuna. Mél mo ima ma bé nlélém, yak matam map ma grénad. 23 Matam ma grénad ma ma bé nene mu mapañ ma dikôtô ma bé 96; ndi matam ma grénad momasôna mu minkébék mi minsañ mi bikei+ ma bé 100.

24 Ñane batat kiñe a yoñ ki prisi keñi le Séraya,+ a yoñ yak prisi i nyônôs iba le Sôfônia,+ ni batat nwemel+ bo baa, a kena bo. 25 Mukété tison, a yoñ ki mut ngomin nu ndap kiñe nu a bé ane bôt ba gwét, a yoñ yak batipék basaambok ba kiñe lôñni mut matila nu ñane bôt ba gwét, (i mut matila nu nyen a bé yoñ bôt i ntôñ gwét) lôñni 60 ma bôlôm ba litén ba ba bé ba ngi yii mu tison. 26 Nébusaradan, ñane batat kiñe, a gwel bo, a kena bo yak kiñe Babilôn i Ribla. 27 Kiñe Babilôn i nol bo i Ribla,+ mu nkoñ u Hamat. Hala nyen ba bi héya bôt ba Yuda mu loñ yap, ba kena bo i minkôm.+

28 I bôt bana bon Nébukadnézar* a bi kena i minkôm: i nwii mi nyônôs minsaambok mi ane yé, a bi kena 3 023 bon ba Lôk Yuda.+

29 I nwii mi nyônôs 18 mi ane i Nébukadnézar,*+ 832 bôt yon i bi ke minkôm, ba lôlak i Yérusalem.

30 I nwii mi nyônôs 23 mi ane i Nébukadnézar,* Nébusaradan ñane batat kiñe a bi kena 745 bon ba Lôk Yuda i minkôm.+

I bôt bobasôna ba bi kena i minkôm ba bé 4 600.

31 I mbus ngéda, i nwii mi nyônôs 37 mi maké ma minkôm ma kiñe Yuda le Yéhôyakin,+ i hilo hi nyônôs 25 hi sôñ i nyônôs 12 nyen kiñe Babilôn le Évil-Mérôdak a bi pémés kiñe Yuda le Yéhôyakin i ndap mok;+ i nwii u nyen Évil-Mérôdak a bi yila kiñe. 32 A pôdôs Yéhôyakin loñge, a ti ki nye lipém iloo bikiñe bipe bi bi bé i minkôm ni nye i Babilôn. 33 Yéhôyakin a bi héya mambot mé ma mok. A bé je i téblé kiñe mu nwii mi nsôk mi niñ yé. 34 Niñ yé yosôna, kiñe Babilôn i bé ti nye yé ngaba bijek hiki kel letee ni i nyemb yé.