Ba wemede

Kii Filipô a bi boñ

VIDÉÔ: Filipô a ntééne nwak Étiôpia likalô

1. Béñge VIDÉÔ, tole añ Minson mi baôma 8:30, 31. I mbus timbhe mambadga mana:

1. Lelaa Filipô a bi bôdôl nkwel?

2. Inyuki i ba nyemede i bi hôla nye i bôdôl nkwel ni i kabna biniigana bi mondo ni i mut nu?

Kii ndémbél i Filipô i niiga bés?

2. Ibale di nwas le nkwel u kee ni womede, hala a ga boñ le i mut a ñemble bés a bôdôl bés ñem, a ba ki maséé i kwel ni bés.

Kôna Filipô

3. Béñge mam ma nkéña bôt. U nla pam i yi ngandak mam inyu mut ibale u mbéñge minyiñgha nwé, ni su wé. Baa i mut nu a gwé ngôñ i kwel ni we? U nla jubus nkwel u Bibel ni ini mbadga le: “Baa u yik le . . . ?” U nyégsa bañ mut i kwel ibale a gwé bé ngôñ.

4. Bana wongut. U hoñol bañ le u nlama ndik bôdôl nkwel ni mam ma Bibel. Bem loñge ngéda, nwas le nkwel u kee ni womede. Ngim mangéda, i ga béda le u bem i ngéda u ga tiimba lo i yuuga nye inyu jubus nkwel u Bibel.

5. U ba bañ ndéñ ndéñ. Nkwel u nla hoo héñha. Jon ba bebee i kwel ni i mut i ño nkwel u nlémél, to ibale u yé mahéñha ni i yom u ban-ga i mahoñol.