KENA NKWEL NI BISU
YIGIL 7
Ndéñbe
Litiñ: “Ibabé waa, ba bi kônde niiga ni añal ñañ nlam.”—Minson mi baôma 5:42.
Kii Paul a bi boñ
1. Béñge VIDÉÔ, tole añ Minson mi baôma 19:8-10. I mbus, timbhe mambadga mana:
Iloole a tomb i ngéda ngim bôt i bé tééñga nye, lelaa Paul a bi ke ni bisu i hôla i bet ba bééna ngôñ i emble ñañ nlam?
Ngélé yañen Paul a bi tiimba yuuga i bet ba bi diihe ñañ nlam, a bi boñ ki hala nwii nwañen?
Kii ndémbél i Paul i niiga bés?
2. Di nlama ti ngéda yés, di boñ ki biliya bi ngui inyu boñ mapeple ni bôdôl gwigil bi Bibel.
Kôna Paul
3. Boñ le ntjega woñ u kiha ni u mut u nyuuga. Badba le: ‘Imbe ngéda i ga ba loñge le me yuuga nye? Imbe ngéda ni hee homa i nla ba loñge le di kwel?’ Ba bebee i yuuga nye to ibale i ngéda a nti we i nkiha bé ni ntjega woñ.
4. Bat nye imbe ngéda u nla tiimba lo. I mamélél ma hiki nkwel, bat nye imbe ngéda u nla témb i yuuga nye. Boñ biliya i ba ha i hilo ni i homa ni bi kit.
5. U lehel bañ ñem. U hoo bañ kit le kiki mut a mbéna bé ba i ndap tole a pégi hiki ngéda u nyuuga nye, wee a ndiihe bé ñañ nlam. (1 Korintô 13:4, 7) U waa bañ yéñ nye, ndi u lôôs bañ ngéda yoñ yosôna mu.—1 Korintô 9:26.