Ngéda mandutu ma nai we

Kiki hihéga, Salli,a nu a yé i loñ i Amérika, a bi nimis bebee le nkus wé wonsôna ngéda mbuk mbebi ikeñi i bi hôñ i nkoñ wap, a ntoñol le: “Me bé yi bé le me bé le me hônba ntén jam u. Ngandak dilo mbus i kuu i, me bi nôgda wengoñle ndutu i nloo me.”

Ndutu ipe i yé ngéda u nimis mut u ngwés. Janis, nu a yé i loñ i Ôstrélia a nkal le: “Ngéda me bi nimis bon bem ba bôlôm bo iba, me bi yôm, i pôôna me wengoñle niñ yem i gwé ha bé nseñ wo ki wo. Jon me bi soohe Djob, me bat nye le: ‘A Djob, soho, me nwaa niñ, nwas me le me wo!’”

Yak Daniel, a nhoñol i yom a bi nôgda ngéda nwaa wé a bi ke ndéñg. A ntoñol le: “Ngéda nwaa wem a bi pahlene me le a bi ke ndéñg, me bi nôgda wengoñle ba mpat me ñem. Njôghe i, i bé ke ndigi ni bisu i nyo me, nyo ni nyo​—hala a bi nom ngandak sôñ.”

Nkum Ntat nunu a ga éba we le niñ yoñ i ngi gwé mahee to ibale

• Mbuge jam i nkwél we

• Mut u ngwés a nwo

• Sobiina woñ a nke ndéñg

• U gwé béba kon

• Mandutu ma nai we

Di bôk ndugi di tehe kii u nla boñ ngéda mbuge jam i nkwél we.