YIGIL 10

I yi gwélél kiñ

Bingéngén 8:4, 7

I SEM KWEP: Inyu tibil pémés biniigana ni tihba miñem mi bôt, gwélél kiñ i kôli, yi héñha kiñ, hoo tole buuha hop inoñnaga ni nkwel woñ.

Gwélél kiñ i kôli. Bédés kiñ yoñ inyu yigye matode ma mahee ni inyu ti baemble makénd. Boñ nlélém jam ngéda u nsoñgol minlôñ mi Bibel mi mi mpôdôl mbagi nôgôs. Suhus kiñ yoñ inyu tôdôl ngôñ yap i emble, tole inyu nôgha bo woñi, tole nduña i i nlôl mu biniigana u nti.

U béna bañ bédés kiñ kayéle hala a kahal tééñga baemble. U boñ bañ le bôt ba lôôha bok we mis inyule u nai ni binjénjé.
Yi héñha kiñ. Ibale hala a mbôña i hilémb hioñ, kéñbaha kiñ yoñ inyu unda makénd, inyu toñol pôk i ngim jam, tole inyu ti nsoñgi u méta. Siibaha kiñ yoñ inyu tibil yigye libak li ngoo tole li nduña.
Hoo tole buuha hop inoñnaga ni nkwel woñ. Hoo hop inyu tôdôl mahoñol ma bôt. Ndi buuha hop inyu yigye balôm ba mam.

Inyu keñgle le u yumus bañ baemble, u héñha bañ likulak joñ li hop tolaa tolaa. U lôôha bañ to hoo hop kayéle u pahal ha bé bibuk loñge.