YIGIL 4

I yi jubus Bitilna

Matéô 22:41-45

I SEM NKWEP: Kôôba mahoñol ma baemble ilole u nsoñgol nlôñ u Bibel.

Yéñ yi inyuki u ñañ ngim nlôñ u Bibel. Jubus hiki nlôñ u Bibel nya i i nhôla bôt ba ñemble we i tibil nok nlôm litode li nlôñ u Bibel u nyéñ toñol.

Yi umbe ñañ u nkéña nlôñ u Bibel u. Yoñ yihe le u hôs bañ ngéda u nti jôl li nwet a mpot mu nlôñ u, tole jôl li nwet a ntila kaat Bibel i.
Boñ le Bibel yon i ba buk i nsôk. I ngéda u nkwel ni bôt ba nhémle Nyambe, ôt mahoñol map le ba tehe le Bibel i yé Bañga i Nyambe, hala nyen w’a unda le Bibel i yé lipigil li bisu li pék.
Ti bôt ngôñ i añ nlôñ u Bibel. Bat mbadga, unda lelaa nlôñ u Bibel u ga timbhe yo; sima ngim ndutu, unda lelaa nlôñ u Bibel u nla hôla i yémbél yo; tole sima ngim litiñ li Bibel, unda ki lelaa ñañ u Bibel u ga hôla baemble i tibil nok litiñ li.

Hoñol mam baemble ba nyi ibôdôl behee mu ñañ, tole mu nlôñ u Bibel u. Nlôñ u Bibel baemble ba nyi loñge loñge, jubus wo nya i i nti bo ngôñ i kônde emble wo, hôla ki bo i añ wo ni liteghe li mondo.