PSALMEN
BUKKU NA PARJOLO
(Psalmen 1-41)
1 Marlas ni roha ma halak na so mangihutton poda ni halak na jahat
Na so mardalan di dalan ni akka pardosa+
2 Alai patik ni Jahowa do na dihalomohon rohana,+
Dijaha jala dirimangi ibana do* patik i arian nang borngin.+
3 Dos ma ibana songon hau na disuan di labbung ni sunge,
Na marparbue di tikkina,
Na so olo malos bulungna,
Jala sai marhasil do sude na niulana.+
4 Alai dang songon i halak na jahat,
Dos do halak na jahat songon lapung ni eme* na dihabangkon alogo.
5 Na lao dihukum do halak na jahat,+
Jala dang na lao jongjong akka pardosa di tonga-tonga ni halak na tigor marroha.+
6 Ai diparrohahon Jahowa do ulaon* ni halak na tigor marroha,+
Alai na lao marujung do ulaon ni halak na jahat.+
2 Boasa gaor akka bangso,
Boasa akka na so marguna na dipikkiri akka halak?+
3 Didok nasida do, “Beta ma taponggolhon ratte na dipakke nasida lao mangikkat hita
Jala tabolokkon ma akka tali ni nasida!”
4 Diparekkeli Debata na martahta di surgo i ma nasida.
Jala dipaila Jahowa ma nasida.
5 Di tikki i, makkatai ma Ibana tu nasida mardongan muruk,
Jala gabe mabiar ma nasida ala muruk situtu Ibana.
6 Didok Ibana do, “Nungnga hupillit be rajakku+
Hupillit do ibana di Sion,+ dolokku na badia i.”
7 Paboaokku ma na nidok ni Jahowa,
Didok Ibana do tu au, “Anakku do ho;+
Mulai sadari on Bapakmu ma Au.+
8 Paboa ma pangidoanmu, hulehon pe akka bangso gabe parbagiananmu
Jala gabe appunam ma saluhut tano on.+
9 Ropukonmu ma nasida mamakke tukkot bosi,*+
Jala puttaronmu ma nasida songon na mamuttarhon hudon tano.”+
10 Ale hamu akka raja, marbisuk ma hamu.
Ale hamu akka hakim na di tano on, jalo ma pissang-pissang.
11 Somba hamu ma Jahowa jala habiari ma Ibana,
Marlas ni roha ma hamu lao pasangappon Ibana.
12 Pasangap* ma anak i,+ asa unang muruk Debata
Asa unang dipalao Ibana hamu sian dalan ni halak na tigor marroha,+
Ai hatop do marsigorgor rimasna.
Marlas ni roha ma sude halak na marlinggom tu Ibana.
Ende ni si Daud tikki lari ibana sian anakna si Absalom.+
3 Ale Jahowa, boasa ma gabe lam godang musukku?+
Boasa ma godang na mangalo au?+
2 Godang do na mandok songon on taringot au,
“Dang na lao paluaon ni Debata ibana.”+ (Sela)*
3 Alai Ho do na gabe perisai na mangalinggomi au,+ ale Jahowa,
4 Jou-jou ma au tu Jahowa,
Jala alusanna ma au sian dolokna na badia i.+ (Sela)
5 Hupapeak ma dagingku jala modom ma au,
Tikki dungo au, sonang do huhilala,
Ai torus do au diurupi Jahowa.+
6 Dang mabiar au tu marpulu ribu halak
Na marbaris makkalilingi au lao mangalo au.+
7 Hehe ma Ho ale Jahowa! Palua ma au+ ale Debatakku!
Toparonmu ma osang-osang ni sude musukku.
Jala maropang ma bahenonmu ngingi ni akka parjahat.+
8 Sian Jahowa do ro haluaon.+
Dipasu-pasu Ho do akka naposom. (Sela)
Tu pamimpin ni akka parende: Na diendehon mardongan akka alat musik na martali. Ende ni si Daud.
4 Ale Debatakku na sai mangulahon na sittong,+ alusi ma au tikki jou-jou au tu Ho.
Patudu ma tu au dalan asa malua au* sian hasusaakku.
Asi ma roham tu au jala tangihon ma tangiakku.
2 Ale akka anak ni jolma, sadia leleng nai au marlea bahenonmuna?
Sadia leleng nai lomo rohamuna tu akka na so marguna jala luluanmuna akka na so sittong? (Sela)
3 Ingot ma on, dipasangap Jahowa do akka naposona na setia.*
Tangihonon ni Jahowa do au tikki jou-jou tu Ibana.
4 Molo muruk hamu, unang ma sappe mardosa.+
Pikkiri* ma i di roham tikki di podomanmu ho, jala toktong ma ho hohom. (Sela)
6 Godang do halak na mandok, “Ise ma na lao mangalehon akka na denggan tu hita?”
Ale Jahowa, asi ma roham tu hami.+
7 Dibahen Ho do las situtu rohakku
Lobi sian las ni roha ni halak na dapotan godang gandum dohot anggur tikki panen.
8 Hupapeak ma dagingku jala sonang ma au modom,+
Ai holan Ho do ale Jahowa na mambahen dame ngolukku.+
Tu pamimpin ni akka parende: Tu Nehilot.* Ende ni si Daud.
5 Ale Jahowa, tangihon ma hatakku.+
Parrohahon ma arsak ni rohakku.
2 Ale Rajakku, ale Debatakku, tangihon ma au tikki jou-jou mangido asa diurupi,
Ai tu Ho do au martangiang.
3 Tangihononmu do soarakku tikki manogot,+ ale Jahowa.
Hupaboa do arsak ni rohakku tu Ho+ tikki manogot jala hupaima-ima do alusmu.
4 Ai dang Debata na marlomo ni roha tu hajahaton Ho.+
Dang diloas Ho halak na jahat tinggal di ingananmi.+
5 Dang boi siginjang roha jongjong di jolom.
Magigi do Jahowa tu halak na kejam* dohot tu halak na mangoto-otoi.+
7 Alai anggo au, na lao ro do au tu jabum,+ ai balga do holong ni roha* na pinatudum.+
Marsinggang ma au di jolo ni jorom* na badia i lao patuduhon biar ni rohakku tu Ho.+
8 Ale Jahowa, togu-togu ma au di dalanmu na sittong i,
Urupi ma au asa unang tartuktuk di dalanmi, ai nungnga ro musukku makkalilingi au.+
9 Dang boi dihaporseai hata ni nasida.
Holan akka na jahat do di bagasan rohana.
Dos do pamangan ni nasida songon kuburan na bukka.
Holan na mamanggar-manggar do dipakke nasida dila ni nasida.+
10 Alai patuduon ni Debata ma na sala do nasida.
Na lao tartuktuk do nasida alani sakkap ni rohana.+
Sai dipalao ma nasida alani godang ni hajahaton ni nasida,
Ai nungnga dialo nasida Ho.
11 Alai marlas ni roha ma sude halak na marlinggom tu Ho.+
Toktong ma nasida marsurak alani las ni rohana.
Abbatanmu do akka halak na naeng mambahen na jahat tu nasida,
Jala marlas ni roha ma akka halak na makkaholongi goarmu.
12 Ai pasu-pasuonmu do halak na tigor marroha, ale Jahowa.
Lomo do roham tu nasida.
Dos do Ho songon perisai na balga na mangalinggomi nasida.+
Tu pamimpin ni akka parende: Na diendehon mardongan akka alat musik na martali na dibahen tu nada rendah.* Ende ni si Daud.
6 Ale Jahowa, unang ma pissang au tikki muruk Ho,
Jala unang ma pasingot au tikki tarrimas Ho.+
2 Ale Jahowa, asi ma roham tu au, ai nungnga lam gale au.
Ale Jahowa, patogu ma au,+ ai marsak do rohakku.*
6 Nungnga lam gale au alani arsak ni rohakku.+
Tangis do au saborngin manipat sappe maraek podomanku.
Sappe maraek do podomanku alani ilukku.+
7 Marsak situtu do au alani sude sitaonokku.+
Gabe rambonon do matakku alani sude halak na manusai au.
8 Lao ma hamu, hamu sude sibahen na jahat,
Ai tangihonon ni Jahowa do andung-andungku.+
9 Tangihonon ni Jahowa do au molo hupangido asi ni rohana.+
Jala olo do Jahowa manjalo tangiakku.
10 Na lao marlea jala marsak do sude musukku.
Pittor hatop do nasida lao ala nungnga maila.+
Ende andung-andung ni si Daud. Diendehon ibana do i tu Jahowa alani hata ni si Kus halak Benjamin i.
7 Ale Jahowa Debatakku, tu Ho do au marlinggom.+
Palua ma au sian sude halak na mambahen na jahat tu au.+
2 Asa unang diroro nasida au songon panoro ni singa,+
Jala asa unang disarat nasida au ala dang adong na paluahon.
3 Ale Jahowa Debatakku, molo adong huulahon na sala,
Molo adong huulahon na so tigor,
4 Molo jahat au tu halak na burju tu au,+
Molo huroro musukku hape so adong alana,*
5 Lok ma dilele jala ditakkup musukku au.
Lok ma didege-dege au sappe mate
Jala lok ma mago hasangapokki. (Sela)
6 Hehe ma Ho ale Jahowa, patudu ma na muruk Ho.
Jongjong ma Ho mangalo akka musukku na muruk tu au,+
Ro ma Ho mangurupi au, jala bahen ma asa saut akka na tigor.+
7 Lok ma ro akka bangso makkalilingi Ho,
Dung i ro ma Ho sian tahtami lao mangalo nasida.
8 Jahowa do na mangadili akka bangso.+
Tikki diadili Ho au ale Jahowa, ingot ma setia do au tu Ho
Jala huulahon do lomo ni roham.+
9 Paso ma hajahaton ni akka parjahat.
Dipareso Ho do roha ni halak+ jala diboto Ho do pakkilalaan* ni nasida.+
10 Debata do na gabe perisai di au,+ Sipalua ni halak na tigor marroha.+
11 Hakim na tigor do Debata+
Dipaboa Debata do hukuman tu akka parjahat ganup ari.
12 Molo dang muba sasahalak,+ patajomon ni Debata ma podangna+
Paradeonna ma panahna lao manembakkon i.+
13 Nungnga diparade Ibana akka sinjatana na boi pamatehon.
Nungnga diparade Ibana akka anak panahna na marapi.+
14 Ida ma, adong do halak na marsakkap mambahen na jahat,
Sai naeng dibahen do halak susa jala dihatahon ibana do gabus.+
15 Digali ibana do lubang na bagas,
Alai ibana sandiri do na madabu tu lubang i.+
16 Mulak tu ibana do hajahaton na binahenna i,+
Jala mulak tu ibana do pambahenanna na kejam i.
Tu pamimpin ni akka parende: Mangihutton Gitit.* Ende ni si Daud.
8 Ale Jahowa Tuannami, massai sangap do goarmu di saluhut tano on.
2 Alani akka musum,
Dipatuduhon Ho do gogom marhite pamangan ni akka dakdanak dohot akka poso-poso+
Asa sip musum na kejam i.
3 Molo huida langit na binahenmi,*
Songon i nang bulan dohot akka bintang na tinoppami,+
4 Tung aha ma huroha jolma i, umbahen na diingot Ho ibana?
Jala tung aha ma anak ni jolma i, umbahen na diparrohahon Ho ibana?+
5 Holan saotik do dibahen Ho ibana uttoru sian akka suru-suruan,
Dilehon Ho do hamuliaon dohot hasangapon tu ibana.
6 Dibahen Ho do ibana marhuaso tu akka na tinoppam.+
Sude do dibahen Ho tunduk tu toru ni patna:
7 Tunduk do sude biru-biru dohot lombu
Songon i nang akka binatang buas,+
8 Akka pidong na martonga-tonga langit dohot dekke na di laut,
Songon i nang sude na di bagasan laut.
9 Ale Jahowa Tuannami, massai sangap do goarmu di saluhut tano on!
Tu pamimpin ni akka parende: Mangihutton Mut-laben.* Ende ni si Daud.
א [Alef]
9 Ale Jahowa, pujiokku ma Ho sian nasa rohakku.
Paboaokku ma taringot sude ulaonmu na palongang roha.+
2 Las do rohakku jala tung las situtu do rohakku alani Ho.
ב [Bet]
3 Tikki lari akka musukku,+
Na lao tartuktuk ma nasida jala mago sian jolom.
4 Ai marpihak do Ho tu au tikki diadili au.
Hundul do Ho di tahtam jala dibahen Ho do na tigor tikki mangadili.+
ג [Gimel]
5 Disonggak Ho do akka bangso+ jala dipamate Ho do parjahat,
Disesa Ho do goar ni nasida saleleng ni lelengna.
6 Nungnga hancur be musum saleleng ni lelengna.
Diruppakkon Ho do akka kota ni nasida,
Jala dang na lao ingoton be nasida saleleng ni lelengna.+
ה [He]
8 Ibana ma na gabe hakim ni pangisi ni tano on, jala bahenonna do na tigor,+
Bahenonna do na tigor tikki mangadili akka bangso.+
ו [Waw]
9 Jahowa do inganan parlinggoman na aman tu manang ise pe na susa dibahen halak.+
Ibana do inganan parlinggoman na aman tikki masa hasusaan.+
10 Manang ise na mamboto goarmu, marpos ni roha do tu Ho,+
Ai dang tadikkononmu akka halak na mangalului Ho ale Jahowa.+
ז [Zayin]
11 Marende ma hamu mamuji Jahowa, hamu akka na tinggal di Sion,
Paboa ma taringot ulaonna di tonga-tonga ni akka bangso.+
12 Ingotonna do akka halak na susa jala dibalos Ibana do akka na mambunu nasida,+
Ai dang lupa Ibana tu angguk-angguk ni halak na susa i.+
ח [Het]
13 Ale Jahowa, asi ma roham tu au,
Ida ma sitaonokkon, na binahen ni akka halak na marsogo ni roha tu au,
Ai Ho do na paluahon au sian gerbang ni hamatean.+
14 Dung i paboaokku ma akka pambahenanmi di akka gerbang ni kota* Sion,+ ai tama do Ho pujion alani pambahenanmi,
Jala marlas ni roha ma au ala dipalua Ho do au.+
ט [Tet]
15 Madabu do akka bangso tu lubang na dihali nasida sandiri.
Jala tarjorat do pat ni nasida alani jorat na binahen ni nasida sandiri.+
16 Dipatudu Jahowa do dirina marhite panguhumanna.+
Nungnga tarjorat be parjahat alani pambahenanna sandiri.+
Higayon.* (Sela)
י [Yod]
17 Ikkon masuk do tu Kuburan* akka parjahat,
Songon i nang sude bangso na makkalupahon Debata.
18 Alai dang lupahonon ni Debata halak na pogos.+
Bahenonna do saut na dipaima-ima ni halak na lambok roha.+
כ [Kaf]
19 Hehe ma Ho ale Jahowa! Unang ma loas monang jolma.
Adili ma akka bangso di jolom.+
20 Ale Jahowa, bahen ma nasida mabiar,+
Asa diboto akka bangso, jolma na gale do nasida. (Sela)
ל [Lamed]
10 Ale Jahowa, boasa ma mandao Ho?
Boasa ma martabuni Ho tikki susa hami?+
2 Alani ginjang ni roha ni parjahat, dibahen do susa halak na dangol,+
Alai na lao tarjorat do ibana alani sakkapna sandiri.+
3 Ginjang do roha ni halak na jahat, ala boi ibana mangulahon sakkapna na jahat,+
Jala lomo do rohana sonang ngolu ni halak na mangoto-otoi lao mangalului uttung.*
נ [Nun]
Dang dipasangap ibana Jahowa.
4 Dang olo halak na jahat mangalului Debata, ai ginjang do rohana.
Sai songon on do didok rohana, “Dang adong Debata.”+
5 Sai marhasil do akka na niulana,+
Alani i dang olo ibana mangattusi akka patikmi,+
Jala direhei ibana do akka musuna.
6 Didok rohana do, “Dang na lao tarhutur au.
Dang na lao masa jea+ tu au saleleng ni lelengna.”
פ [Pe]
7 Gok do bura, gabus, dohot ancaman di pamanganna.+
Dipandok dilana do hata na posi jala na mambahen haccit roha ni halak.+
8 Martabuni do ibana di pinggir ni akka huta,
Kaluar do ibana sian partabunianna lao pamatehon halak na so marsala.+
ע [Ayin]
Sai diintip ibana do akka halak na naeng pamateonna.+
9 Monggop-onggop do ibana di inganan partabunianna songon singa na monggop-onggop di asarna.+
Dipaima ibana do halak na dangol asa boi takkuponna.
Jala dipakke ibana do jaringna lao manakkup halak na dangol i.+
10 Diroro ibana do halak na dangol i, dung i ditoppasson tu tano,
Dipakke ibana do tanganna na gogo i lao manakkup akka halak na gale.
11 Didok ibana do di bagasan rohana, “Dang ingoton ni Debata akka na hubahen i.+
Ai dipadao Ibana do bohina,
Jala dang hea diparrohahon i.”+
ק [Qof]
12 Hehe ma Ho ale Jahowa.+ Patudu ma huasom ale Debata.+
Unang ma lupa Ho tu akka halak na dangol.+
13 Boasa ma dang dihabiari halak na jahat Debata?
Didok rohana do, “Dang diparrohahon Debata i.”
ר [Res]
14 Alai sasittongna, diida Ho do hasusaan dohot sitaonon ni akka halak,
Diboto Ho do i jala na lao patuduonmu do huasom.+
ש [Sin]
15 Ponggol ma tangan ni halak na jahat dohot na kejam,+
Asa unang juppangmu be hajahatonna i tikki naeng dilului Ho i.
16 Jahowa do na gabe Raja saleleng ni lelengna.+
Dipalao do akka bangso sian tano on.+
ת [Taw]
17 Alai tangihononmu do pangidoan ni halak na lambok roha, ale Jahowa.+
Patoguonmu do roha ni nasida+ jala sai diparrohahon Ho do nasida.+
18 Bahenonmu do na tigor tu akka halak na so marama dohot tu akka halak na susa,+
Asa unang adong be jolma di tano on na mambahen nasida mabiar.+
Tu pamimpin ni akka parende. Ende ni si Daud.
11 Tu Jahowa do au marlinggom.+
Attong boasa ma dohononmuna tu au,
“Habang ma ho tu dolok an songon akka pidong!
2 Ida ma, nungnga ditiop akka parjahat panahna,
Jala nungnga ditarik nasida i lao manembakkon anak panahna,
Lao manembakkon i sian inganan na golap tu halak na tigor marroha.
3 Molo dang adong na mangulahon na tigor jala dang adong na mangargai patik,*
Adong be na boi bahenon ni halak na tigor marroha?”
4 Maringanan do Jahowa di jorona na badia i,+
Di surgo do tahta ni Jahowa.+
Diida do akka anak ni jolma jala diparrohahon do nasida.+
5 Takkas do diida Jahowa halak na tigor marroha dohot halak na jahat,+
Sogo do rohana tu manang ise pe na makkaholongi ulaon ni halak na kejam.+
6 Na lao bahenonna do tarjorat* akka parjahat,
Paroonna ma api, belerang,+ dohot alogo na mohop lao manghukum nasida.
7 Ai sai diulahon Jahowa do na sittong+ jala dihaholongi Ibana do halak na tigor marroha.+
Lomo do rohana mangida halak na sittong.+
Tu pamimpin ni akka parende: Dibahen tu nada rendah.* Ende ni si Daud.
12 Ale Jahowa, palua ma au, ai dang adong be halak na setia.
Dang adong be halak na boi dihaporseai di tonga-tonga ni jolma.
2 Masigabusan do akka halak.
Holan na mamanggar-manggar jala mangoto-otoi do dipakke nasida dila ni nasida.+
3 Ponggolon ni Jahowa do dila ni sude halak na sai mamanggar-manggar
Dohot dila ni siginjang roha na marhata manggang,+
4 Didok nasida do, “Sai marhasil do hami dibahen dilanami.
Lomo-lomonami do mamakke pamangannami.
Ise ma na boi mangatur hami?”+
5 Didok Jahowa do, “Ro nama Au,
Ai nungnga disiksa be akka halak na dangol,+
Jala morong-orong do akka halak na pogos,
Alani i, paluaokku ma nasida sian akka halak na leas rohana tu nasida.”
8 Holan lomo-lomona do diulahon halak na jahat,
Ai lomo do roha ni akka anak ni jolma tu na jahat.+
Tu pamimpin ni akka parende. Ende ni si Daud.
13 Ale Jahowa, sadia leleng nai do lupahononmu au? Saleleng ni lelengna nama?
Sadia leleng nai do padaoonmu bohim sian au?+
2 Sadia leleng nai do au sai marsak?
Sadia leleng nai do lungun rohakku ganup ari?
Sadia leleng nai do monang musukku mangalo au?+
3 Tatap ma au jala alusi ma au ale Jahowa Debatakku,
Bahen ma au margogo muse asa unang mate au.
4 Asa unang dokkonon ni musukku, “Nungnga hutaluhon ibana!”
Unang ma pasombu gabe marlas ni roha akka musukku ala madabu au.+
6 Marende ma au mamuji Jahowa, ai dilehon Ibana do godang pasu-pasu tu au.*+
Tu pamimpin ni akka parende. Ende ni si Daud.
14 Didok halak na oto do di bagasan rohana,
“Dang adong Jahowa.”+
Diulahon nasida do nasa ulaon na jahat.
Dang adong nanggo sahalak pe sian nasida na mangulahon na denggan.+
2 Alai ditatap Jahowa do akka anak ni jolma sian surgo,
Lao mangida atik na adong do na marbisuk jala na mangalului Jahowa.+
3 Nungnga manimbil be nasida sude sian dalan na sittong,+
Sude do nasida mangulahon na jahat,
Dang adong na mangulahon na denggan,
Nanggo sahalak pe dang adong.
4 Boasa ma dang diboto akka parjahat agia aha?
Diboddut nasida do bangsokku songon na mamboddut roti.
Jala dang olo nasida ditogu-togu Jahowa.
6 Hamu akka halak na jahat, marsitutu do hamu mambahen sundat sakkap ni halak na pogos,
Alai tu Jahowa do nasida marlinggom.+
7 Sai ro ma sipalua ni Israel sian Sion!+
Molo dung diboan Jahowa mulak muse bangsona na ditawan i,
Sai marlas ni roha ma si Jakkob jala marlas ni roha ma Israel.
Ende ni si Daud.
15 Ale Jahowa, ise do na boi gabe tamu di kemahmu?
Ise do na boi tinggal di dolokmu na badia i?+
2 Halak na toktong mangoloi*+ Debata,
Na mangulahon na sittong,+
Jala na sai makkatahon na sittong di bagasan rohana.+
3 Dang olo ibana mandok hata na so tutu,+
Dang olo ibana mambahen na jahat tu donganna,+
Jala dang dipaila ibana donganna.+
4 Dang olo ibana mardongan tu halak na so hasea,+
Alai dipasangap ibana do halak na makkabiari Jahowa.
Dipasaut ibana do janjina* nang pe rugi ibana.+
5 Dang olo ibana pabungahon hepengna,+
Jala dang olo ibana manjalo suap lao mangalo halak na so marsala.+
Manang ise na mangulahon i sude, togu ma ibana saleleng ni lelengna.+
Miktam* sian si Daud.
16 Ale Debata, sai jaga ma au, ai tu Ho do au marlinggom.+
2 Hudok do tu Jahowa, “Ale Jahowa, sian Ho do ro sude akka na denggan di ngolukku.
4 Lam godang do hasusaan ni akka halak na marsitutu manomba debata na asing.+
Dang hea dohot au mangusehon mudar lao gabe pelean siinumon tu debata na asing i,
Jala dang olo au manjou goar ni nasida.+
5 Sian Jahowa do makkuk panginumakku+ jala sian Ibana do sude na adong di au.*+
Ho do na manjaga parbagiananku.
6 Nungnga diparade* Ho akka inganan na denggan di au.
Las do rohakku manjalo parbagiananku.+
7 Pujiokku ma Jahowa na mamodai au.+
Tikki borngin pe, diajar-ajari rohakku* do au.+
8 Sai toktong do di jolokku Jahowa.+
Dang ganggu rohakku,* ai jongjong do Ibana di sabola kananku.+
9 Las do rohakku, massai las situtu do rohakku.*
Jala dame do ngolukku.
10 Ai dang pasombuonmu au di Kuburan.*+
Dang pasombuonmu naposom na setia tinggal di bagasan* tanoman.*+
11 Dipatudu Ho do tu au dalan tu hangoluan.+
Marlas ni roha situtu do au ala lomo do roham mangida au.+
Jala sonang do rohakku saleleng ni lelengna ala di sabola kananmu do au.
Tangiang ni si Daud.
17 Ale Jahowa, tangihon ma elek-elekkon, bahen ma na tigor tu au.
Tangihon ma angguk-anggukku na mangido asa diurupi Ho au.
Tangihon ma tangiakkon na hupasahat sian ias ni rohakku.+
2 Anggiat ma dibahen Ho na tigor tu au.+
Anggiat ma diida Ho akka na sittong na huulahon.
3 Nungnga dipareso Ho rohakku, dipareso Ho do au tikki borngin.+
Dipaias Ho do rohakku,+
Dang adong dapotmu sakkap na jahat di au,
Jala dang hea hudok akka na jahat.
4 Dang huihutton na asing na mangihutton dalan ni akka pangarampok,
Ai hutangihon do hatam.+
5 Sai paloas ma au toktong mardalan di akka dalanmu
Asa unang tartuktuk pattu.+
6 Jou-jou do au tu Ho, ai pasti alusanmu do au+ ale Debata.
Patinggil ma pinggolmu tu* au. Tangihon ma au.+
7 Bahen ma akka halongangan* lao patuduhon holong ni roham,*+
Ho do Sipalua ni akka halak na marlinggom tu tanganmu na gogo i*
Na marlinggom sian akka halak na mangalo Ho.
9 Jaga ma au sian akka parjahat na mangaroro au,
Sian akka musukku na makkalilingi au lao pamatehon au.+
10 Dang adong asi ni roha ni nasida
Ginjang do roha ni nasida tikki makkatai.
11 Dikalilingi nasida do hami,+
Dipaima-ima nasida do sadihari nasida boi manaluhon hami.
12 Dos do parjahat i songon singa na naeng mangaribak siboddutonna,
Dos songon singa na monggop-onggop lao manakkup siboddutonna.
13 Hehe ma Ho ale Jahowa, alo+ jala taluhon ma ibana.
Pakke ma podangmu lao paluahon au sian parjahat i.
14 Palua ma au mamakke tanganmu ale Jahowa,
Palua ma au sian akka halak na di portibi on na holan mamikkiri ngolu sisaonari,+
Sian akka halak na mandapot akka na denggan na pinaradem+
Jala na mangalehon parbagianan tu akka gelleng ni nasida na godang i.
15 Alai molo au, hubahen do las roham ai huulahon do na sittong
Tikki dungo au, las do rohakku, ai huboto do na didongani Ho au.+
Tu pamimpin ni akka parende. Ende sian si Daud naposo ni Jahowa. Dibahen ibana do ende on tu Jahowa tikki dipalua Jahowa ibana sian sude musuna dohot sian si Saul. Songon on do didok ibana:+
18 Holong do rohakku tu ho ale Jahowa, ai Ho do na mambahen au margogo.+
2 Jahowa do dolok batu di au, Ibana do benteng di au, jala Ibana do Sipalua di au.+
Debatakku do dolok batukku,+ tusi do au marlinggom,
Ibana do na gabe perisai di au, Sipalua na gogo,* inganan parlinggomakku na aman.+
3 Jou-jou do au tu Jahowa, na tama pujion,
Jala dipalua do au sian akka musukku.+
4 Nungnga dililit tali ni hamatean be au.+
Mabiar do au alani godang ni halak na so hasea na dos songon sunge na banjir.+
6 Jou-jou do au tu Jahowa di hasusaakki,
Sai jou-jou do au tu Debatakku mangido asa diurupi.
Ditangihon Ibana do soarakku sian bagas jorona,+
Jala dibege Ibana do soarakku na jou-jou lao mangido asa diurupi.+
7 Hutur-hutur ma tano on jala goyang.+
Hutur-hutur ma fondasi ni akka dolok
Jala goyang ma i tusan tuson ala nungnga muruk Ibana.+
8 Kaluar do timus sian lubang ni igungna,
Jala marsigorgor do api kaluar sian babana.+
Kaluar do gara ni api na marsigorgor sian jolona.
9 Tikki turun Ibana, gabe lekkuk do langit dibahen Ibana,+
Jala adong do ombun na holom di toru ni patna.+
10 Tikki habang, hundul do Ibana di ginjang ni kerubim.*+
Hundul do Ibana di ginjang ni habong ni suru-suruan jala hatop do Ibana ro.+
11 Ditabunihon Ibana do dirina di na holom.+
Di toru ni ombun na hapal jala na holom,
Jala i do na gabe kemah di sakalilingna,+
12 Sian sillam na di jolona
Kaluar do udan es dohot gara ni api na marsigorgor na mangalewati akka ombun.
13 Dung i tarbege ma soara ni Jahowa na songon ronggur sian langit.+
Dibahen Natumimbul i ma tarbege soarana,+
Jala turun ma udan es dohot gara ni api na marsigorgor.
14 Ditembakkon Ibana ma akka anak panah, gabe marserak ma akka musuna.+
Dibahen Ibana ma sillamna tu nasida asa gaor nasida.+
15 Tarida ma dasar ni akka sunge.+
Tarida ma fondasi ni tano on alani songgak-songgakmu, ale Jahowa,
Ai diombus Ho do hosam sian lubang ni igungmu.+
16 Disurdukkon Ibana ma tanganna sian inganan na timbo.
Ditiop Ibana ma au, jala ditarik ma au kaluar sian aek na bagas.+
17 Dipalua Ibana do au sian akka musukku na gogo,+
Sian akka halak na marsogo ni roha tu au, na umgogo sian au.+
18 Tikki susa au, ro do nasida mangalo au,+
Alai diurupi Jahowa do au.
20 Dilehon Jahowa do upa tu au, ala huulahon na sittong.+
21 Toktong do huihutton akka dalan ni Jahowa,
Jala dang huulahon na jahat, ai dang hutadikkon Debatakku.
22 Sai huingot do sude parettana.
Huulahon do akka patikna.
23 Sai patuduokku do di jolona na so marsala au,+
Jala sai jagaokku do dirikku asa unang mangulahon na sala.+
24 Sai anggiat ma dilehon Jahowa upa tu au, ala huulahon do na sittong,+
Ai dang adong na sala huulahon di jolona.+
25 Setia do Ho tu halak na setia.+
Adil do Ho tu halak na so marsala.+
26 Burju do Ho tu halak na tulus,+
Alai marbisuk do Ho tu halak na akkal.+
28 Ai Ho do ale Jahowa panondang di au.
Dibahen Debatakku do gabe tiur akka na holom na makkaliangi au.+
29 Diurupi Ho do au mangalo akka pangarampok.+
Boi do hutibbung tembok ala dilehon Debata tu au gogo.+
Songon perisai do Ibana tu sude halak na marlinggom tu Ibana.+
31 Holan sasada Jahowa do Debata,+
Holan sasada Debatanta do dolok batu.+
33 Dibahen Ibana do pattu hatop marlojong songon rusa,
Dibahen Ibana do au jongjong di inganan na timbo.+
34 Dilatik Ibana do tanganku marporang.
Gabe boi ma hupakke panah na sian tombaga.
35 Dilehon Ho do tu au perisaimu lao paluahon au,+
Dipakke Ho do tanganmu na gogo i* lao mangurupi au,
Jala serep ni rohami do na mambahen au sangap.+
36 Dipabidang Ho do dalan sidalanakku.
Jala dang na lao tarsulandit pattu.+
37 Leleokku do akka musukku jala taluhonokku ma nasida,
Dang mulak au saleleng so hupamate nasida sude.
38 Ropukokku ma nasida, asa unang boi be nasida hehe.+
Marpeakan do nasida di toru ni pattu.
39 Lehononmu do gogo tu au lao marporang.
Bahenonmu do peak akka musukku di jolokku.+
41 Jou-jou ma nasida mangido asa diurupi, alai dang adong na paluahon nasida.
Nang pe jou-jou nasida tu Jahowa, alai dang dialusi Ibana nasida.
42 Dudaokku ma nasida asa gabe songon orbuk na dihabangkon alogo.
Sappattonokku ma nasida songon gambo na disappatton tu dalan.
43 Paluaonmu do au sian akka halak na sai mangalului hasalaakku.+
Bahenonmu do au gabe pamimpin ni akka bangso.+
Akka halak na so hutanda pe gabe mangoloi do tu au.+
44 Holan dibege nasida pe taringot au, nungnga dioloi nasida au.
Ro do halak na asing hitir-hitir marsinggang tu jolokku.+
45 Mago ma habaranion ni akka halak na asing.
Hitir-hitir ma nasida kaluar sian inganan partabunian ni nasida.
46 Debata na mangolu do Jahowa! Pinuji ma Dolok Batukku!+
Sai dipasangap ma Debata na paluahon au.+
47 Dibalos Debata na sittong do akka musukku.+
Dibahen Ibana do akka bangso mangoloi au.
48 Dipalua Ho do au sian akka musukku na muruk.
Diangkat Ho do au timbo asa dao sian akka halak na mangalo au.+
Dipalua Ho do au sian halak na jahat.
49 Alani i, hupasangap ma Ho di tonga-tonga ni akka bangso, ale Jahowa,+
50 Dibahen Ibana do akka ulaon* na massai balga lao paluahon raja na pinillitna.+
Tu pamimpin ni akka parende. Ende ni si Daud.
2 Godang do na dipaboa ganup ari,
Jala dipatudu do parbinotoan ganup borngin.
3 Dang pola makkatai manang makkuling i,
Dang adong tarbege soarana.
4 Alai sahat do barita* ni nasida tu liat portibi on,
Jala sahat do hata ni nasida tu ujung ni portibi on.+
Dipajongjong Debata do kemah inganan ni mataniari di langit.
5 Dos do i songon pangoli na kaluar sian kamarna.
Jala dos do i songon bawa na gogo, na marlas ni roha marlojong di dalanna.
6 Kaluar do i sian ujung ni langit na sada,
Jala torus do i mardalan tu ujung ni langit na sada nai.+
Dang adong na boi martabuni sian i alani mohopna.
7 Sun denggan do patik ni Jahowa,+ boi do i paulak gogo.+
Boi do dihaporseai sipaingot+ ni Jahowa,
Boi do i mambahen halak na so marpengalaman gabe marbisuk.+
8 Sittong do aturan na sian Jahowa, boi mambahen las roha.+
Ias do paretta ni Jahowa, boi mambahen halak gabe marbisuk.*+
9 Parohon laba do makkabiari Jahowa,+ martahan do i saleleng ni lelengna.
Sittong do keputusan ni Jahowa tikki mangadili jala tigor do i sude.+
10 Ummarga do i sude sian mas,
Ummarga sian mas murni,+
Jala ummanis do i sian madu,+ ummanis sian madu asli.
11 Boi do i mangajari naposom asa unang mangulahon na sala.+
Molo diulahon nasida i, dapotna ma upa na balga.+
12 Tung ise ma na mamboto hasalaan na binahenna sandiri?+
Paias ma au sian dosa na so husengaja.
14 Ale Jahowa, Dolok Batukku,+ dohot na manobus au+
Sai anggiat ma akka hatakku dohot na hurimangi mambahen las roham.+
Tu pamimpin ni akka parende. Ende ni si Daud.
20 Sai anggiat ma dialusi Jahowa tangiangmu tikki masa hasusaan tu ho.
Sai anggiat ma dilinggomi Debata ni si Jakkob ho tikki dijou ho goarna.+
2 Sai anggiat ma diurupi Ibana ho sian ingananna na badia i+
Jala dilehon akka na porlu di ho sian Sion.+
3 Sai anggiat ma diingot Ibana sude peleanmu.
Sai anggiat ma las rohana manjalo pelean situtungon na nilehonmu. (Sela)
4 Sai anggiat ma dipasaut Ibana lomo ni roham+
Jala dibahen Ibana marhasil sude sakkapmu.
5 Marsurak ma hami marlas ni roha ala dipalua Ho do hami.+
Tabahen ma tanda na patuduhon naung monang hita alani goar ni Debatanta.+
Sai anggiat ma dipasaut Jahowa sude pangidoanmu.
6 Saonari huboto ma dipalua Jahowa do halak na pinillitna.+
Dialusi Ibana do tangiangna sian surgo ingananna na badia i,
7 Adong do halak na mangasahon kareta porangna jala na asing mangasahon akka hodana,+
Alai molo hita, Debatanta na margoar Jahowa i do jouotta.+
8 Tartuktuk jala madabu do nasida.
Alai molo hita, hehe jala togu do hita jongjong.+
9 Ale Jahowa, palua ma raja i!+
Alusan ni Debata* do hami tikki mangido asa diurupi.+
Tu pamimpin ni akka parende. Ende ni si Daud.
21 Ale Jahowa, marlas ni roha do raja+ ala dipatuduhon Ho do gogom tu ibana.
Marlas ni roha situtu do ibana ala dipalua Ho ibana.+
2 Dipasaut Ho do lomo ni rohana,+
Jala dang dijua Ho pangidoanna. (Sela)
3 Dijuppangi Ho do ibana lao mangalehon godang pasu-pasu.
Dibahen Ho do mahkota na sian mas murni tu uluna.+
4 Dipangido ibana do tu Ho ganjang ni umur, jala dilehon Ho do i,+
Dibahen Ho do ganjang umurna, mangolu saleleng ni lelengna.
5 Sangap situtu do ibana ala dipalua Ho.+
Dilehon Ho do hasangapon dohot hamuliaon tu ibana.
6 Dipillit Ho do ibana lao manjalo pasu-pasu saleleng ni lelengna.+
Dibahen Ho do ibana marlas ni roha ala didongani Ho* do ibana.+
Gabe hot ma ibana saleleng ni lelengna.+
8 Takkuponmu do sude musum.
Takkupon ni tanganmu na gogo i do akka na marsogo ni roha tu Ho.
9 Molo dung ro ari rimasmu, sappattononmu ma nasida tu api na marnala-nala asa mate nasida.
Bodduton ni Jahowa ma nasida alani murukna, jala pasudaon ni api ma nasida.+
10 Bahenonmu ma suda pinoppar ni nasida sian tano on,
Dohot akka anak ni nasida sian tonga-tonga ni jolma.
13 Hehe ma Ho ale Jahowa, patudu ma na gogo do Ho.
Marende ma hami mamuji* Ho, ai na gogo do Ho.
Tu pamimpin ni akka parende. Mangihutton ende, “Rusa boru-boru di parbissar ni mataniari.”* Ende ni si Daud.
22 Debatakku, Debatakku, boasa tadikkononmu au?+
Boasa dang ro Ho paluahon au,
Boasa dang ditangihon Ho angguk-anggukku?+
2 Ale Debatakku, sai hujou do Ho arian nang borngin.
Alai dang dialusi Ho au.+
3 Nang pe songon i, badia do Ho,+
Sude do halak Israel mamuji Ho.
5 Tu Ho do nasida mangalu-alu, dung i dipalua Ho ma nasida.
Porsea do nasida tu Ho, jala dang gabe maila nasida.+
6 Alai direhei jala dileai akka halak do au,+
Dietong nasida do au songon cacing, dang jolma.
7 Sude do na mangida au mangarehei au.+
Dilesengi nasida do au jala mangupir+ do nasida tu au mandok,
8 “Lok ma Debata na paluahon ibana, ai marhaposan tu Jahowa do ibana!
Lok ma Debata na paluahon ibana, ai hasian ni Debata do attong ibana!”+
9 Ho do na mangurupi au kaluar sian bortian* ni omakku,+
Ho do na mambahen au aman di abingan ni omakku.
10 Sian mulai tubu au, Ho do na mamparrohahon au.
Tikki di bagasan bortian ni omakku dope au, nungnga gabe Debatakku Ho.
12 Godang do musukku na makkalilingi au.+
Dos songon lombu jantan na gogo na sian luat Basan do nasida.+
13 Dipatalak nasida do babana di jolokku,+
Dos songon singa na marauang jala na mangaribak siboddutonna.+
14 Nungnga suda be gogokku, dos songon aek na diusehon.
Nungnga malua be sude holi-holikku.
15 Dang margogo be au, dos songon hudon tano na maputtar.+
Lokkot do dilakku di langit-langit ni pamanganku.+
Dipamasuk Ho do au tu lubang asa mate au.+
16 Ai nungnga dikalilingi akka musukku au, dos do nasida songon biang.+
Marpungu do akka parjahat mangaroro au,+
Songon singa do nasida na makkarat tangan dohot pattu.+
17 Tarida do sude holi-holikku.+
Dibereng jala dipanotnoti akka musukku do au.
19 Alai unang ma mandao Ho ale Jahowa.+
Hatop ma Ho ro mangurupi au,+ ai Ho do na mambahen au margogo.
20 Palua ma au sian podang,
Palua ma ngolukku na arga on sian akka biang na mangaroro au.+
21 Palua ma au sian baba ni singa+ dohot sian tanduk ni lombu jantan liar.
Alusi ma au jala palua ma au.
23 Hamu akka na makkabiari Jahowa, puji hamu ma Ibana!
Hamu sude pinoppar ni si Jakkob, pasangap hamu ma Ibana!+
Hamu sude pinoppar ni Israel, habiari ma Ibana.
24 Ai molo masa hasusaan tu halak na dangol,+ dang leas rohana manang magigi Ibana tu nasida.*
Dang ditabunihon ibana bohina sian halak na dangol i.+
Ditangihon Ibana do tikki jou-jou halak na dangol i mangido asa diurupi.+
25 Pujiokku do Ho di tonga-tonga ni punguan na balga i.+
Pasautokku ma sumpakku di jolo ni akka halak na makkabiari Ho.
26 Mangan jala butong ma halak na lambok roha.+
Luluan ni akka halak ma Jahowa jala pujion ni nasida ma Ibana.+
Sai anggiat ma hamu mangolu saleleng ni lelengna.
27 Ingoton ni sude halak na di tano on ma Jahowa jala mulak ma nasida tu Ibana.
Marsomba ma saluhut bangso tu jolona.+
28 Ai Jahowa do Raja.+
Ibana do na mamaretta akka bangso.
29 Mangan jala marsomba ma sude halak na mora* di tano on.
Marsinggang ma di jolona sude halak na masuk tu kuburan.*
Dang adong sian nasida na boi manambai umurna.
30 Disomba pinoppar ni nasida ma Ibana.
Begeon ni sundut* na naeng ro ma taringot Jahowa.
31 Paboaon ni nasida ma akka ulaonna na sittong.
Paboaon ni nasida ma taringot pambahenanna tu akka halak na so tubu dope.
Ende ni si Daud.
23 Jahowa do Siparmahan di au.+
Dang hurangan manang aha au.+
2 Diboan Ibana do au maradi tu inganan parmahanan na lomak.
Ditogu-togu Ibana do au maradi tu inganan na godang aekna.*+
Ditogu-togu Ibana do au tu dalan na sittong lao pasangappon goarna.+
4 Nang pe mardalan au di rura na massai golap,+
Dang mabiar au,+
Ai didongani Ho do au.+
Tukkotmi do na manjaga au.
5 Diida akka musukku do diparade Ho godang sipanganon di au.+
6 Hilalaonku ma haburjuon dohot holong ni roha* na pinatudum saleleng ni ngolukku.+
Jala di jabu ni Jahowa ma au tinggal saleleng ni ngolukku.+
Ende ni si Daud.
24 Jahowa do nappuna tano on dohot sude na di bagasanna.+
Nappuna tano on dohot akka pangisina.
2 Dipajongjong Ibana do i di ginjang ni akka laut+
Jala dibahen Ibana do i hot di atas ni akka sunge.
3 Ise do na boi nakkok tu dolok ni Jahowa,+
Jala ise do na boi jongjong di ingananna na badia?
4 Halak na so marsala jala na ias rohana,+
Na so olo marsumpa di bagasan goarna* lao margabus,
Jala na so olo marsumpa lao mangoto-otoi.+
5 Jaloonna ma pasu-pasu sian Jahowa+
Jala didok Debata na paluahon ibana ma naung diulahon ibana na sittong.*+
6 Halak* sisongon i ma na mangalului Debata,
Akka halak na marsitutu mangulahon lomo ni roham,* ale Debata ni si Jakkob. (Sela)
7 Ale akka gerbang,+ timbo ma ho tarangkat.
Ale akka pintu naung adong sian najolo, tarbukka* ma ho,
Asa boi masuk Raja na sangap i!+
8 Ise do Raja na sangap on?
9 Ale akka gerbang,+ timbo ma ho tarangkat.
Ale akka pintu naung adong sian najolo, tarbukka ma ho,
Asa boi masuk Raja na sangap i!
10 Ise do Raja na sangap on?
Jahowa Pamimpin ni Akka Tentara* i do Raja na sangap i.+ (Sela)
Sian si Daud.
א [Alef]
25 Ale Jahowa, tu Ho do au martangiang.*
ב [Bet]
Unang ma loas au diparekkeli akka musukku.+
ג [Gimel]
3 Dang na lao dipaila akka halak na marpos ni roha tu Ho,+
Alai akka halak na berhianat, na lao dipaila do.+
ד [Dalet]
ה [He]
5 Loas ma au mardalan di dalanmu na sittong i jala ajari ma au,+
Ai Ho do Debata na paluahon au.
ו [Waw]
Toktong do au marpos ni roha tu Ho.
ז [Zayin]
ח [Het]
7 Unang ma ingot dosa dohot hasalaan na hubahen tikki poso dope au.
ט [Tet]
8 Na burju jala na tigor do Jahowa.+
Alani i ma diajari Ibana akka pardosa taringot dalan hangoluan.+
י [Yod]
9 Ditogu-togu Ibana do halak na lambok roha lao mangulahon na sittong,+
Jala diajarhon Ibana do taringot akka dalanna tu halak na lambok roha.+
כ [Kaf]
10 Dipatuduhon Jahowa do holong ni rohana* tu akka halak na mangihutton parjanjianna+
Jala dang ditadikkon Ibana akka halak na mangulahon hatana.+
ל [Lamed]
11 Pasangap ma goarmi ale Jahowa,+
Sesa ma dosakku na balga i.
מ [Mem]
12 Manang ise na makkabiari Jahowa,+
Ajarhonon ni Debata ma tu ibana taringot dalan na ikkon sipillitonna.+
נ [Nun]
ס [Samekh]
14 Holan halak na makkabiari Jahowa do na boi marale-ale tu Ibana,+
Jala paboaonna ma parjanjianna tu nasida.+
ע [Ayin]
פ [Pe]
16 Tatap ma au jala asi ma roham tu au,
Ai lungun-lungunan do au jala dang adong na mangurupi.
צ [Tsade]
17 Ai nungnga lam godang arsak ni rohakku,+
Palua ma au sian hasusaakkon.
ר [Resh]
19 Ida ma, godang hian do musukku,
Jala sogo hian do roha ni nasida tu au.
ש [Syin]
20 Jaga ma au jala palua ma au,+
Unang ma pasombu au dipaila, ai tu Ho do au marlinggom.
ת [Taw]
22 Ale Debata, sai palua* ma Israel sian sude hasusaanna.
Sian si Daud.
6 Husussi ma tanganku patuduhon na so marsala au,
Jala hukalilingi ma langgatanmu ale Jahowa,
7 Dung i, gogo ma soarakku mandok mauliate tu Ho,+
Jala paboaokku ma akka ulaonmu na palongang roha.
9 Unang ma palao au rap dohot pardosa,+
Unang ma pamate au rap dohot halak na kejam,*
10 Diulahon nasida do ulaon ni halak na so umboto ila,
Jala lomo do rohana manjalo suap.*
11 Alai molo au, toktong do au setia tu Ho.
Alani i, palua* ma au jala asi ma roham tu au.
12 Jongjong do au di inganan na aman.*+
Pujiokku ma Ho di tonga-tonga ni bangsom na bolon i ale Jahowa.+
Sian si Daud.
27 Jahowa do silehon hatiuron+ dohot haluaon di au,
Ise ma na ikkon huhabiari?+
Jahowa do benteng parlinggoman di au.+
Aha ma na ikkon huhabiari?
2 Tikki ro musukku na jahat i mangaroro au lao pamatehon au,+
Nasida do na gabe tartuktuk jala madabu.
3 Nang pe ro akka tentara makkalilingi au,
Dang mabiar au.+
Nang pe ro akka musukku naeng marporang mangalo au,
Toktong do pos rohakku tu Ibana.
4 Adong sada na hupangido sian Jahowa,
On do pangidoan ni rohakku,
Anggiat ma boi au tinggal di jabu ni Jahowa saleleng ni ngolukku,+
Asa boi huida haburjuon* ni Jahowa
5 Ai tikki masa jea, tabunihononna do au di inganan parlinggomanna.+
Tabunihononna do au di inganan na buni di bagasan kemahna,+
Jala bahenonna do au di inganan na timbo di dolok batu.+
6 Saonari nungnga monang be au manaluhon akka musukku,
Lehonokku ma pelean di kemahna i huhut marsurak alani las ni rohakku.
Endehonokku ma puji-pujian tu Jahowa.
8 Huingot do parettamon di bagasan rohakku,
“Marsitutu ma ho mangulahon lomo ni rohakku.”*
Ale Jahowa, marsitutu do au mangulahon lomo ni roham.+
9 Unang ma padao bohim sian au.+
Unang ma muruk Ho, unang ma palao naposomon.
Unang ma tadikkon au, unang ma pasombu au, ale Debata sipalua au.
Ho do na mangurupi au.+
11 Ale Jahowa, ajar-ajari ma au mardalan di dalanmi.+
Togu-togu ma au mardalan di dalanmu na tigor i, asa dijaga Ho au sian akka musukku.
12 Unang ma pasahat au tu akka musukku,+
Ai nungnga ro akka saksi na mandok na so tutu lao mangalo au+
Jala kasar do hata ni nasida tu au.
13 Porsea do au na boi idaokku haburjuon ni Jahowa saleleng ni ngolukku,+
Ai molo dang porsea au, pasti dang boi au martahan.*
Pos ma roham tu Jahowa.
Sian si Daud.
28 Ale Jahowa, Ho do dolok batu+ di au, tu Ho do au sai jou-jou.
Tangihon ma au.
Molo sai sip Ho tu au,
Tudos ma au songon halak na masuk tu bagasan tanoman.+
2 Tangihon ma au tikki mangelek-elek au mangido asa diurupi,
Tikki huangkat tanganku doppak Inganan na Massai Badia na di jabumi.*+
3 Unang ma hukum au rap dohot parjahat, na mangulahon na jahat tu na asing,+
Na lambok-lambok hatana tu donganna, alai jahat do di bagasan rohana.+
4 Balos ma pambahenan ni nasida,+
Songon hajahaton na dibahen nasida.
Baloshon ma na diulahon nasida,
Songon pambahenan ni nasida.+
Gabe hancur ma nasida bahenonna jala dang urupanna nasida.
6 Sai dipuji ma Jahowa,
Ai ditangihon Ibana do elek-elekku na mangido asa diurupi.
Nungnga diurupi Ibana au jala las do rohakku.
Alani i marende ma au mamuji Ibana.
8 Jahowa do na mangalehon gogo tu akka naposona,
Dos do Ibana songon benteng parlinggoman,
Ibana do na paluahon halak na pinillitna.+
9 Palua ma naposom, jala pasu-pasu ma bangsom.+
Ho ma na gabe parmahan ni nasida jala bahen ma nasida di abinganmu saleleng ni lelengna.+
Ende ni si Daud.
29 Puji ma Jahowa, ale hamu akka anak ni na gogo,
Puji hamu ma Jahowa alani hasangapon dohot huasona.+
2 Puji ma Jahowa alani goarna na sangap i.
Marsomba ma hamu tu Jahowa mamakke baju na badia.*
3 Tarbege do soara ni Jahowa di ginjang ni ombun,
Dos songon ronggur+ do soara ni Debata na sangap i.
Di ginjang ni ombun na hapal do Jahowa.+
4 Gogo do soara ni Jahowa.+
Marmulia do soara ni Jahowa.
5 Maruppak do hau ares alani soara ni Jahowa,
Maruppak do akka hau ares na di Libanon+ dibahen Jahowa.
6 Dibahen Ibana do mangakkat Libanon* songon anak ni lombu,
7 Gabe marsigorgor do api alani soara ni Jahowa.+
8 Hutur-hutur do gurun+ alani soara ni Jahowa,
Hutur-hutur do gurun na di Kades+ dibahen Jahowa.
9 Alani soara ni Jahowa, gabe hitir-hitir ma rusa na naeng maranak, laos tubu ma anakna.
Gabe marurus ma bulung ni akka hau na di harangan.+
Jala sude ma na di bagas jorona mandok, “Pasangap ma Debata!”
10 Hundul do Jahowa di tahtana na di ginjang ni aek godang.*+
Jahowa do na gabe Raja saleleng ni lelengna.+
11 Dilehon Jahowa do gogo tu akka naposona,+
Dilehon Jahowa do hadameon tu akka naposona.+
Ende ni si Daud. Na diendehon lao mamestahon jabuna.*
30 Pujiokku do Ho ale Jahowa, ai nungnga dipalua Ho au,
Dang dipasombu Ho diparekkeli musukku au.+
2 Ale Jahowa Debatakku, jou-jou do au mangido asa diurupi, dung i dipamalum Ho do au.+
3 Ale Jahowa, nungnga diangkat Ho au sian Kuburan.*+
Dijaga Ho do au asa toktong mangolu.
Dang diloas Ho au masuk tu bagasan tanoman.+
4 Hamu akka naposona na setia, marende ma hamu mamuji Jahowa,+
Puji hamu ma goarna na badia i.+
5 Ai molo muruk Ibana tu sasahalak, holan satokkin do i,+
Alai molo dipatudu Ibana haburjuonna tu sasahalak, martahan do i saleleng ni lelengna.+
Tung pe tarilu-ilu di bornginna, alai ro do las ni roha di manogotna.+
6 Tikki dame rohakku, hudok do,
“Togu do au saleleng ni lelengna.”
7 Ale Jahowa, tikki las roham tu au, dibahen Ho do au togu songon dolok,+
Alai tikki dipadao Ho bohim sian au, gabe mabiar do au.+
8 Ale Jahowa, tu Ho do au sai jou-jou,+
Jala tu Jahowa do au mangelek-elek mangido asi ni roha.
9 Aha ma gunana molo tung pe mate au,* molo dung masuk au tu bagasan tanoman?+
Tung boi ma orbuk mamuji Ho+ manang paboahon akka pambahenanmu na sittong i?+
10 Ale Jahowa, tangihon ma au jala asi ma roham tu au.+
Ale Jahowa, urupi ma au.+
11 Nungnga dipauba Ho arsak ni rohakku gabe tortor las ni roha,
Nungnga digatti Ho abit goni na hupakke, jala dibahen Ho do au marlas ni roha songon na mamakke baju pesta.
12 Dung i marende ma au mamuji Ho, jala dang sai sip be au.
Ale Jahowa Debatakku, pujiokku ma Ho saleleng ni lelengna.
Tu pamimpin ni akka parende. Ende ni si Daud.
31 Ale Jahowa, tu Ho do au marlinggom,+
Unang ma loas au dipaila,+
Palua ma au, ai tigor do Ho.+
2 Patinggil ma pinggolmu tu* au,
Hatop ma Ho ro paluahon au.+
Gabe dolok parlinggoman ma Ho di au,
Gabe benteng na togu ma Ho di au asa malua au.+
3 Ai Ho do dolok batu jala parlinggoman di au,+
5 Tu tanganmu ma hupasahat ngolukkon.+
Nungnga ditobus Ho au ale Jahowa, Debata na makkatahon na sittong.*+
6 Sogo do rohakku tu akka halak na manomba patung na so marguna,
Alai molo au, tu Jahowa do au marhaposan.
7 Las situtu do rohakku ala dipatudu Ho holong ni roham,*
Ai nungnga diida ho hasusaakku,+
Takkas do diboto Ho arsak ni rohakku.
8 Dang dipasahat Ho au tu akka musukku,
Alai dibahen Ho do au jongjong di inganan na aman.*
9 Asi ma roham tu au ale Jahowa, ai di bagasan hasusaan do au.
Nungnga rambonon be matakku,+ jala nungnga loja be dagingku+ alani sude hasusaakku.
Moru do gogokku ala huulahon na sala,
Jala hitir-hitir do holi-holikku.+
11 Sude do musukku mangarehei au,+
Tarlumobi ma akka donganku.
Mabiar do akka sisolhottu mangida au,
Tikki diida nasida au di tonga dalan, lari do nasida sian au.+
12 Dang diingot nasida be au, dilupahon nasida do au songon halak naung mate.
Nungnga dos be au songon gucci na maputtar.
13 Godang do hubege barita na so tutu taringot au.
Gabe mabiar do au ala sude mangancam au.+
Tikki marsada nasida naeng mangalo au,
Marsakkap do nasida lao pamatehon au.+
14 Alai pos do rohakku tu Ho, ale Jahowa.+
Sai hudok do, “Ho do Debatakku.”+
15 Di tanganmu do ngolukku.
Palua ma au sian tangan ni akka musukku dohot sian akka halak na mambahen au susa.+
16 Patudu ma na lomo roham mangida naposomon.+
Patudu ma holong ni roham* jala palua ma au.
17 Ale Jahowa, tikki jou-jou au tu Ho, unang ma loas au maila.+
18 Sai anggiat ma ditutup baba ni pargabus,+
Baba ni halak na ginjang rohana tikki makkatai jala na mangaleai halak na tigor marroha.
19 Tung na burju situtu do Ho,+
Diparade Ho do godang pasu-pasu tu akka halak na makkabiari Ho, akka na marlinggom tu Ho,+
Jala dipatudu Ho do i di jolo ni sude jolma.+
20 Ditabunihon Ho ma nasida di inganan na buni na di jolomi,+
Asa malua nasida sian akka halak na naeng mangalo nasida.
Ditabunihon Ho ma nasida di inganan parlinggomanmu,
21 Sai dipuji ma Jahowa,
Ai tikki dikalilingi au di bagasan sada kota,+ dibahen Ibana do halongangan* lao patuduhon holong ni rohana.*+
22 Alani biarhu, hudok do,
“Buaton ni nasida nama au sian jolom.”+
Alai ditangihon Ho do au, tikki mangelek-elek au mangido asa diurupi.+
23 Hamu sude akka naposona na setia, haholongi ma Jahowa+
Ai dijaga Jahowa do halak na setia,+
Alai dibahen Ibana do hukuman na borat tu halak na ginjang marroha.+
24 Hamu sude na marhaposan tu Jahowa,+
Barani ma hamu jala patogu ma rohamuna.+
Sian si Daud. Maskil.*
32 Marlas ni roha ma halak na disalpuhon hasalaanna, na disesa* dosana.+
3 Tikki hutabunihon dosakku, gabe gale do au ala torus morong-orong.+
4 Didondoni tanganmu+ na borat i* do au arian nang borngin,
Suda do gogokku songon aek na koring tikki musim panas. (Sela)
Hudok ma, “Huakkui ma salakku tu Jahowa.”+
Dung i disalpuhon Ho ma dosakku dohot hasalaakku.+ (Sela)
Jala dang na lao masa tu nasida godang hasusaan na dos songon banjir.
Bahenonmu do au jongjong di tonga-tonga ni akka halak na marlas ni roha ala dipalua Ho au.+ (Sela)
8 Didok Ho do, “Bahenokku ma ho marbisuk jala paboaokku ma tu ho dalan na ikkon sidalananmu.+
Lehonokku ma poda tu ho jala parrohahonokku do ho.+
9 Unang ma gabe dos ho songon hoda manang halode* na oto,+
Na ikkon aturon mamakke kokkang manang tali
Dukkon i pe asa dioloi ho.”
10 Godang do hasusaan ni halak na jahat,
Alai manang ise na marpos ni roha tu Jahowa, patuduhononna do holong ni rohana* tu nasida lao manjaga nasida.+
11 Hamu akka halak na mangulahon na sittong, marlas ni roha situtu ma hamu alani Jahowa.
Hamu sude halak na tigor marroha, marsurak ma hamu alani las ni rohamuna.
33 Hamu akka halak na tigor marroha, marsurak jala marlas ni roha ma hamu alani akka na binahen ni Jahowa.+
Tama do Ibana pujion ni halak na tigor marroha.
2 Mandok mauliate ma hamu tu Jahowa huhut mamakke harpa na gelleng.
Endehon hamu ma puji-pujian tu Ibana huhut mamakke harpa na balga.
3 Endehon ma ende na baru tu Ibana,+
Denggan ma pakke hamu harpa huhut marsurak alani las ni rohamuna.
4 Sittong do hata ni Jahowa,+
Jala pos do roha tu Ibana alani sude na binahenna.
5 Holong do rohana tu na sittong dohot tu na tigor.+
Dipatuduhon Jahowa do holong ni rohana* di saluhut tano on.+
7 Dibahen Ibana do aek ni laut gabe songon bendungan,+
Disippan Ibana do aek na margalumbang di akka inganan panimpanan.
8 Sai dihabiari saluhut tano on ma Jahowa.+
Sai dipasangap pangisi ni tano on ma Ibana.
10 Sursar do dibahen Jahowa rencana ni akka bangso,+
Jala sundat do dibahen Ibana lomo ni roha ni nasida.+
11 Alai hot do lomo ni roha ni Jahowa saleleng ni lelengna.+
Martahan do sakkap ni rohana saleleng ni lelengna.
13 Manatap do Jahowa sian surgo,
Diida Ibana do sude jolma.+
14 Sian ingananna i,
Ditatap Ibana do pangisi ni tano on.
15 Ibana do na mambahen roha ni nasida sude,
Dipareso Ibana do sude na niula ni nasida.+
16 Dang adong raja na monang holan alani godang ni tentarana.+
Dang monang tentara na jago holan alani gogona.+
Nang pe gogo i, dang boi i paluahon ho.
18 Diparrohahon Jahowa do halak na makkabiari Ibana,+
Halak na maima-ima holong ni roha* na pinatuduna,
19 Lao paluahon nasida sian hamatean
Jala manjaga nasida asa toktong mangolu saleleng masa haraparon.+
20 Maima-ima do hami tu Jahowa.
Ibana do na mangurupi hami jala na gabe perisai di hami.+
21 Marlas ni roha do hami alani Ibana,
Ai pos do rohanami tu goarna na badia i.+
22 Ale Jahowa, sai anggiat ma holong ni roha* na pinatudum na mandongani hami,+
Ai toktong do hami maima-ima tu Ho.+
Ende ni si Daud. Tikki i, dibahen ibana do dirina songon na rittik+ di jolo ni si Abimelek. Dung i dipalao ma ibana.
א [Alef]
34 Toktong do pujiokku Jahowa.
Dang marna so au mamuji Ibana.
ב [Bet]
2 Pujiokku ma Jahowa,+
Begeon ni halak na lambok roha ma i jala marlas ni roha ma nasida.
ג [Gimel]
3 Rap ma hamu dohot au pasangappon Jahowa.+
Rap ma hita pasangappon goarna.
ד [Dalet]
4 Martangiang ma au tu Jahowa, dung i dialusi Ibana ma au.+
Dipalua Ibana do au sian sude na mambahen au mabiar.+
ה [He]
5 Marlas ni roha do manang ise na marhaposan tu Ibana,
Dang na lao dipaila nasida.
ז [Zayin]
6 Jou-jou do halak na dangol on, dung i ditangihon Jahowa ma ibana.
Dipalua do ibana sian sude hasusaanna.+
ח [Het]
7 Markemah do suru-suruan ni Jahowa di sakaliling ni akka halak na makkabiari Ibana,+
Jala dipalua Ibana do nasida.+
ט [Tet]
י [Yod]
9 Hamu sude naposona na badia, habiari ma Jahowa,
Ai dang hurangan manang aha halak na makkabiari Ibana.+
כ [Kaf]
10 Haru singa na gogo pe boi do male,
Alai dang hurangan manang aha akka halak na mangalului Jahowa.+
ל [Lamed]
11 Ro ma hamu akka anakku, tangihon ma au,
Asa huajari hamu songon dia makkabiari Jahowa.+
מ [Mem]
12 Molo naeng sonang ngolumuna,
Molo naeng ganjang umurmuna jala las rohamuna,+
נ [Nun]
ס [Samekh]
14 Pasiding ma akka ulaon na jahat jala ulahon ma na denggan.+
Mardame ma hamu jala marsitutu ma hamu asa toktong mardame.+
ע [Ayin]
15 Diparrohahon Jahowa do halak na mangulahon na sittong,+
Jala ditangihon do angguk-angguk ni nasida na mangido asa diurupi.+
פ [Pe]
16 Sogo do roha ni Jahowa tu akka halak na mangulahon na jahat,
Na lao mate ma nasida, jala dang adong be halak di tano on na mangingot nasida.+
צ [Tsade]
17 Jou-jou do halak na tigor marroha, jala ditangihon Jahowa do nasida.+
Paluaonna do nasida sian sude hasusaan ni nasida.+
ק [Qof]
ר [Res]
ש [Sin]
ת [Taw]
21 Mate do halak na jahat alani jea.
Marsala do manang ise na marsogo ni roha tu halak na tigor marroha.
22 Jagaon ni* Jahowa do ngolu ni akka naposona.
Manang ise na marlinggom tu Ibana dang na lao didok marsala.+
Sian si Daud.
3 Tiop ma tombakmu* dohot kampakmu lao mangalo akka halak na mangalele au.+
Dokkon ma tu au, “Au do paluahon ho.”+
4 Sai dipaila jala marlea ma akka halak na naeng pamatehon au,+
Sai dipaila jala lari ma akka halak na marsakkap mambahen au marjea.
5 Sai anggiat ma gabe songon lapung ni eme* na dihabangkon alogo nasida,
Sai anggiat ma dipalao suru-suruan ni Jahowa nasida.+
6 Tikki dilele suru-suruan ni Jahowa nasida,
Sai anggiat ma gabe golap jala landit dalan ni nasida.
7 Ai dibahen nasida do jaring lao manjorat au, hape so adong salakku,
Digali nasida do lubang asa madabu au tusi, hape so adong salakku.
8 Sai anggiat ma toppu masa jea tu nasida,
Sai anggiat ma tarjorat nasida alani jorat ni nasida sandiri,
Sai anggiat ma madabu nasida tusi, dung i laos mate.+
9 Alai marlas ni roha ma au alani Jahowa,
Marlas ni roha ma au ala dipalua Ibana do au.
10 Dohonokku ma sian nasa rohakku,
“Ale Jahowa, ise ma na songon Ho?
Dipalua Ho do halak na gale sian halak na gogo,+
Dipalua Ho do halak na dangol dohot halak na pogos sian halak na mangarampok nasida.”+
11 Ro ma akka saksi na jahat mangalo au,+
Didok nasida ma au mangulahon akka hajahaton na so hea huulahon.
12 Dibahen nasida do na jahat tu au balos ni akka na denggan na hubahen,+
Gabe mandele ma au.
13 Hape tikki marsahit nasida, marabit goni do au.
Marpuasa do au lao patutoru dirikku.
Tikki dang dialusi tangiakku,
14 Mardalan do au tusan tuson alani lungun ni rohakku, songon na matean ale-ale manang haha anggi.
Marsinggang do au alani arsak ni rohakku, songon na matean ina.
15 Alai tikki tartuktuk au, marlas ni roha do nasida jala marpungu,
Sahata do nasida asa sipsip ro mangalo au,
Jala torus do nasida mandok hata na so tutu taringot au.
17 Ale Jahowa, sadia leleng nai paida-idaonmu au songon on?+
Palua ma au sian akka halak na naeng mangaroro au,+
Palua ma ngolukku na arga on sian akka singa.+
18 Dung i, mandok mauliate ma au tu Ho di tonga-tonga ni punguan na bolon on,+
Pujiokku ma Ho di tonga-tonga ni godang halak.
19 Unang ma loas diparekkeli musukku au, ai sogo do roha ni nasida tu au hape so adong salakku.
Unang ma pasombu au direhei akka halak na marsogo ni roha tu au,+ hape so adong salakku.+
20 Ai dang lomo roha ni nasida mardame tu manang ise pe,
Gariada marsakkap do nasida mambahen na jahat tu halak na dame ngoluna.+
21 Dipatalak nasida do baba ni nasida lao mangalo au,
Didok nasida do, “Anggo ho, habis nama ho! Ai nungnga huboto hami be.”
22 Ale Jahowa, takkas do i diida Ho, unang ma sai sip Ho.+
Ale Jahowa, unang ma mandao Ho sian au.+
23 Ale Jahowa Debatakku, ro ma Ho mangurupi au,
Bahen ma na tigor tu au.
24 Ale Jahowa Debatakku, na tigor do Ho, alani i bahen ma na tigor tu au.+
Unang ma pasombu au diparekkeli nasida.
25 Unang ma loas nasida mandok, “Nungnga saut be sakkapnami.”
Unang ma loas nasida mandok, “Nungnga hancur be ibana hubahen hami.”+
26 Anggiat ma dipaila akka halak na mamarekkeli au tikki susa,
Anggiat ma gabe marlea nasida,
Anggiat ma maila jala marlea akka halak na sai mandok dumenggan nasida sian au.
27 Sai anggiat ma marlas ni roha akka halak na lomo rohana mangida au mangulahon na sittong,
Sai anggiat ma toktong didok nasida,
“Sai dipasangap ma Jahowa, ai lomo do rohana dame ngolu ni naposona.”+
Tu pamimpin ni akka parende. Sian si Daud naposo ni Jahowa.
36 Makkatai do dosa di bagasan roha ni halak na jahat,
Dang dihabiari ibana Debata.+
2 Sai dipuji-puji ibana do dirina di bagasan rohana,
Gabe dang diboto ibana naung sala ibana jala dang sogo be rohana tu hasalaanna i.+
3 Holan na mangoto-otoi do ibana jala haccit do roha mambege hatana,
Dang diattusi ibana songon dia mangulahon na denggan.
4 Tikki di podoman pe, sai marsakkap do ibana mambahen na jahat,
Di dalan na so sittong do ibana mardalan,
Jala dang olo ibana pasidikkon akka na jahat.
5 Ale Jahowa, sahat tu langit do holong ni roha* na pinatudum,+
Setia do Ho, godang do na diulahon Ho lao mangurupi naposom,
Pola do i sahat tu ombun.
6 Ale Jahowa, diparrohahon* Ho do jolma dohot akka binatang.+
Sittong do sude ulaonmu, dos do i songon akka dolok na timbo.*+
Jala keputusan na binahenmu tikki mangadili, dos do i songon aek na bagas jala na bidang.+
7 Ale Debata, massai arga do holong ni roha* na pinatudum,+
Marlinggom do akka anak ni jolma+ di toru ni habongmu.
8 Sappe butong do nasida mangallang godang sipanganon di jabum.+
Jala godang do dilehon Ho akka na denggan tu nasida,
Dos do nasida songon na minum sian sunge.+
10 Toktong ma patudu holong ni roham* tu akka halak na mananda Ho,+
Jala patudu ma akka dalanmu na sittong i tu akka halak na tigor marroha.+
11 Unang ma pasombu au didege-dege akka siginjang roha,
Jala unang ma pasombu au dipalao akka parjahat.
12 Nungnga madabu be akka halak na jahat,
Nungnga madabu nasida jala dang boi be hehe.+
Sian si Daud.
א [Alef]
37 Unang ma jut roham alani halak na jahat,
Jala unang ma late roham tu akka parjahat.+
2 Hatop do nasida malos songon rumput,+
Jala hatop do nasida koring songon rumput na lomak.
ב [Bet]
3 Marpos ni roha ma tu Jahowa jala ulahon ma na denggan.+
Setia ma ho jala marsitutu ma ho asa dame ngolum di tano* on.+
4 Lului ma las ni roham sian Jahowa,
Dung i, lehononna ma na pinangido ni roham.
ג [Gimel]
6 Bahenonna ma akka ulaonmu na sittong i marsinondang songon mataniari bissar,
Jala bahenonna ma akka ulaonmu na tigor i dos songon mataniari tikki arian.
ד [Dalet]
7 Hohom ma ho di jolo ni Jahowa,+
Jala sabar ma ho paimahon Ibana.
Molo adong halak na marhasil mangulahon sakkapna,
Unang ma gabe jut roham.+
ה [He]
8 Unang ma muruk ho jala unang tarrimas,+
Unang ma jut roham, jala unang ma gabe diulahon ho na jahat.*
9 Ai na lao hancur do halak na jahat,+
Alai molo halak na marhaposan tu Jahowa, lehononna do tano on gabe parbagianan ni nasida.+
ו [Waw]
11 Alai molo halak na lambok roha, dilehon do tano on gabe parbagianan ni nasida,+
Marlas ni roha situtu ma nasida, ai dame do ngolu ni nasida.+
ז [Zayin]
12 Dibahen parjahat do rencana na jahat lao mangalo halak na tigor marroha,+
Jala diharat nasida do ngingina ala muruk situtu nasida tu halak na tigor marroha i.
13 Alai diparekkeli Jahowa ma parjahat i,
Ai diboto Ibana do na lao mate nama nasida.+
ח [Het]
14 Dibuat parjahat i ma podangna jala ditiop ma panahna,
Lao pamatehon halak na dangol dohot halak na pogos,
Lao mambunu akka halak na tigor marroha.
15 Alai gabe jantung ni nasida sandiri do na hona tikkam dibahen podangna i.+
Jala marponggolan ma akka panahna i.
ט [Tet]
16 Nang pe otik arta ni halak na tigor marroha,
Alai dumenggan do i sian arta ni parjahat na massai godang.+
17 Ai na lao diponggolhon do tangan ni halak na jahat,
Alai urupan ni Jahowa do halak na tigor marroha.
י [Yod]
18 Diboto Jahowa do aha na masa tu* halak na so marsala,
Jala hot do parbagianan ni nasida saleleng ni lelengna.+
19 Molo masa sitaonon tu nasida, dang na lao pailaonna nasida.
Jala molo masa pe haraparon, sai godang do sipanganon ni nasida.
כ [Kaf]
20 Alai na lao hancur do akka parjahat,+
Habis ma musu ni Jahowa songon parhabis ni panjappalan na lomak,
Jala mago ma nasida songon timus.
ל [Lamed]
21 Molo maminjam halak na jahat, dang olo ibana paulakkon,
Alai molo halak na tigor marroha, las do rohana marbagi tu* na asing jala parasi roha do nasida.+
22 Dilehon do tano on gabe parbagianan ni akka halak na dipasu-pasu Debata,
Alai na lao suda do sude halak na diburai Ibana.+
מ [Mem]
24 Molo tung pe madabu ibana, dang sappe tukkap ibana,+
Ai toguon ni Jahowa do tanganna asa hehe muse ibana.+
נ [Nun]
25 Hea do au poso jala nungnga matua au saonari,
Alai dang hea dope huida halak na tigor marroha ditinggalhon,+
Jala dang hea gellengna mangido-ido sipanganon.+
26 Sai rade do ibana papinjappon na adong di ibana,+
Gabe dipasu-pasu Debata ma akka gellengna.
ס [Samekh]
27 Pasiding ma akka ulaon na jahat jala ulahon ma na denggan,+
Asa boi ho mangolu saleleng ni lelengna.
28 Ai dihaholongi Jahowa do akka ulaon na tigor,
Jala dang tinggalhononna akka naposona na setia.+
ע [Ayin]
29 Lehononna do tano on gabe parbagianan ni halak na tigor marroha,+
Jala mangolu ma nasida disi saleleng ni lelengna.+
פ [Pe]
30 Dihatahon pamangan ni halak na tigor marroha do akka hata na denggan.
Jala dihatahon dilana do akka na sittong.+
צ [Tsade]
32 Sai dibereng-bereng parjahat do halak na tigor marroha,
Jala dilului do dalan lao pamatehon ibana.
33 Alai dang pasahaton ni Jahowa ibana tu tangan ni parjahat i.+
Dohonon ni Debata do dang marsala ibana tikki diboan ibana tu pengadilan.+
ק [Qof]
34 Marpos ni roha ma ho tu Jahowa jala ihutton ma dalanna,
Asa sangap ho bahenonna jala lehononna tano on gabe parbagiananmu.
Jala idaonmu+ ma dipamate akka parjahat i.+
ר [Res]
35 Hea do huida marhasil halak na jahat jala na kejam,
Dos ma nasida songon hau na balga na tubu di tano na subur.+
ש [Syin]
37 Parrohahon ma halak na so marsala,*
Jala ida ma halak na tigor marroha,+
Ai dame do ngolu ni nasida di ari na naeng ro.+
38 Alai na lao suda do akka pardosa,
Jala pamateonna do akka parjahat.+
ת [Taw]
39 Jahowa do sipalua ni akka halak na tigor marroha,+
Ibana do benteng parlinggoman di nasida tikki masa hasusaan.+
40 Urupan ni Jahowa ma nasida jala paluaonna,+
Paluaonna do nasida sian akka parjahat,
Ai marlinggom do nasida tu Ibana.+
Ende sian si Daud na gabe sipaingot.
38 Ale Jahowa, unang ma pissang au tikki muruk Ho,
Jala unang ma pasingot au tikki tarrimas Ho.+
2 Ai nungnga pattik panahmi tu au,
Jala nungnga diodotton tanganmi au.+
3 Gabe haccit do sude dagingku alani murukmi,
Jala dang dame be rohakku* alani dosakki.+
4 Gabe lonong do au dibahen dosakki,+
Songon boban na borat do i, na so tolap boanokku.
5 Alani otokku,
Pola do marnanah jala bau busuk akka lukkakki.
6 Gabe mandele jala marsak situtu ma au,
Sai lungun do rohakku ganup ari.
8 Mandele do au jala malala do rohakku,
Morong-orong do au alani haccitna.
9 Ale Jahowa, takkas do diboto Ho pangidoan ni rohakku,
Jala dang buni sian Ho sude orong-orongku.
10 Mallobok-lobok do taroktokku, suda do gogokku,
Jala nungnga rambonon be matakku.+
11 Dipasiding akka donganku dohot ale-alekku do au alani hasusaakki,
Jala mandao do akka sisolhottu sian au.
12 Dibahen akka halak na naeng pamatehon au do jorat lao manakkup au,
Dibahen nasida do rencana lao mambahen au hancur,+
Jala ganup ari do dilului nasida dalan lao mangoto-otoi au.
13 Alai songon halak na nengel ma au, na so olo patangi-tangi i,+
Songon halak na bisu ma au na so olo makkatai.+
14 Gabe songon halak na nengel ma au,
Na so boi mandok manang aha lao mambela diri.
16 Hudok do, “Unang ma pasombu nasida mamarekkeli au,
Jala unang ma loas nasida mangasangi au ala tarsulandit pattu.”
17 Ai nungnga naeng madabu au,
Jala torus do haccit huhilala.+
19 Alai massai gogo do akka musukku,*
Jala lam godang do halak na marsogo ni roha tu au hape so adong salakku.
20 Dibahen nasida do na jahat balos ni akka na denggan na hubahen,
Jala sai diabbati nasida do au mangulahon na denggan.
21 Ale Jahowa, unang ma tinggalhon au.
Ale Debata, unang ma mandao Ho sian au.+
22 Ale Jahowa sipalua au,
Hatop ma Ho ro mangurupi au.+
Tu pamimpin ni akka parende. Jedutun.*+ Ende ni si Daud.
39 Hudok do, “Jagaokku do lakkakku
Asa unang mardosa au alani dilakku.+
Saleleng di jolokku akka parjahat
Jagaokku do babakku jala tutupokku do i.”+
2 Sai sip do au jala dang olo makkatai.+
Haru makkatahon na denggan pe dang olo au.
Alai maniak do ate-atekku.
3 Mohop do rohakku.
Lam hupikkiri, lam marsigorgor do i di bagasan rohakku.
Dung i hudok ma,
4 “Ale Jahowa, urupi ma au mangingot jeppek ni ngolukku,*
Nungnga ditottuhon ari-arikku,+
Jala parsatokkinan do ngolukku.
Ai holan sangombus hosa do ngolu ni sude jolma, nang pe gogo ibana.+ (Sela)
6 Dos songon bayangan do ngolu ni sude jolma.
Dang marguna sude na niulana.
Dipapungu ibana do hamoraon, alai dang diboto manang na tu ise i.+
7 Attong aha be na hupaima-ima ale Jahowa?
Holan tu Ho nama au marhaposan.
8 Palua ma au sian sude hasalaakku,+
Unang ma loas halak na oto mangarehei au.
10 Padao ma sitaonon na binahenmon sian au.
Ai nungnga naeng mate au ala dipastap Ho au.
11 Dihukum Ho do halak na marsala lao mamissang ibana,+
Dibahen Ho do habis artana songon abit na niallang ni ngitngit.
Holan sangombus hosa do ngolu ni sude jolma.+ (Sela)
12 Tangihon ma tangiakku ale Jahowa,
Tangihon ma angguk-anggukku na mangido asa diurupi.+
Unang ma sai sip Ho mangida ilu-ilukku.
13 Unang ma sai panotnoti au jala sai muruk Ho tu au,
Asa boi muse las rohakku andorang so mate au jala dang adong be au.”
Tu pamimpin ni akka parende. Ende ni si Daud.
40 Sabar do au paimahon Jahowa,
Dipatinggil Ibana do pinggolna tu* au, jala ditangihon Ibana do angguk-anggukku na mangido asa diurupi.+
2 Ditarik Ibana do au sian liang na marisi aek na doras,
Ditarik do au sian gambo.
Jala dibahen Ibana do au jongjong di dolok batu,
Hot do au jongjong dibahen Ibana.
3 Diajari Ibana ma au mangendehon ende na baru,+
Ende lao mamuji Debatanta.
Torop ma halak na mangida i jala longang ma roha ni nasida,
Dung i gabe pos ma roha ni nasida tu Jahowa.
4 Marlas ni roha ma halak na marpos ni roha tu Jahowa,
Jala na so marhaposan tu akka pangalo manang akka pargabus.
5 Ale Jahowa Debatakku,
Tung godang do na binahenmu,
Tung godang do sakkapmu tu hami dohot ulaonmu na mambahen longang roha.+
Dang adong na boi tarpatudos tu Ho.+
Molo naeng huhatahon jala hupaboa sudena i,
Tung so habilangan do i!+
6 Dang lomo roham tu silehon-lehon dohot tu pelean,+
Jala dang dipangido Ho pelean situtungon dohot pelean hasesaan ni dosa.+
Alai diurupi Ho do au manangihon jala mangattusi akka parettam.+
7 Dung i hudok ma, “Nungnga ro be au.
Disurat do taringot au di bagasan gulungan.+
9 Hupaboa do barita na uli taringot hatigoranmu* di tonga-tonga ni punguan na bolon i,+
Ida ma! Dang hututup babakku,+
Takkas do diboto Ho i ale Jahowa.
10 Dang hutabunihon hatigoranmu di bagasan rohakku.
Hupaboa do na setia Ho jala sian Ho do ro haluaon.
Dang hutabunihon holong ni roha* na pinatudum dohot hasittonganmu sian punguan na bolon i.”+
11 Ale Jahowa, toktong ma patuduhon asi ni roham tu au.
Sai anggiat ma holong ni roha* na pinatudum dohot hasittonganmi toktong manjaga au.+
12 Dang taretong au be jea na ro tu au alani godangna.+
Massai godang do hasalaakku, sappe dang huboto be manang tudia au lao.+
Unggodang do i sian obukku,
Jala nungnga mandele au.
13 Ale Jahowa, asi ma roham tu au, palua ma au.+
Ale Jahowa, hatop ma Ho ro mangurupi au.+
14 Sai anggiat ma sude halak na naeng pamatehon au,
Gabe maila jala marlea,
Sai anggiat ma akka halak na las rohana mangida au marjea,
Gabe lari ala nungnga maila.
15 Sai anggiat ma akka halak na mangaleai au,
Gabe tarsonggot jala maila.
Sai anggiat ma akka halak na paima-imahon haluaon na sian Ho toktong mandok,
“Sai dipasangap ma Jahowa.”+
17 Sai anggiat ma diparrohahon Jahowa au,
Ai na dangol jala na pogos do au.
Tu pamimpin ni akka parende. Ende ni si Daud.
41 Marlas ni roha ma manang ise na mangurupi halak na so margogo,+
Paluaon ni Jahowa do ibana molo ro jea.
2 Jagaon ni Jahowa do ibana asa toktong mangolu,
Dohonon ma ibana halak na marlas ni roha di tano on.+
Jala dang pasahaton ni Debata ibana tu akka musuna.+
3 Tikki peak ibana di podoman ala marsahit, dipargogoi Jahowa do ibana.
Jagaonna do ibana saleleng marsahit.+
4 Ai hudok do, “Ale Jahowa, asi ma roham tu au.+
Pamalum ma au,+ ai nungnga mardosa au tu Ho.”+
5 Alai didok akka musukku do na jahat taringot au, didok nasida do,
“Andigan do ibana mate asa unang dipaingot-ingot be goarna?”
6 Molo adong sian nasida na ro mangida au, holan akka na jahat do dihatahon ibana di bagasan rohana.
Dilului ibana do akka barita na roa taringot au,
Dung i lao ma ibana jala dipaboa-boa ma i tu na asing.
7 Sude akka na marsogo ni roha tu au masihusipan do pahata-hata au,
Marsakkap do nasida mambahen na jahat tu au, didok nasida do,
8 “Massai posi do sahitna i.
Nga peak be ibana saonari, dang na lao malum be i.”+
10 Ale Jahowa, asi ma roham tu au jala pamalum ma au,
Asa boi hubalos nasida.
11 Molo dang boi ditaluhon akka musukku au,+
Botookku ma na lomo do roham mangida au.
13 Sai dipuji ma Jahowa Debata ni Israel,
Dipuji ma Ibana sahat tu saleleng ni lelengna.+
Amen, Amen!
BUKKU NA PADUAHON
(Psalmen 42-72)
Tu pamimpin ni akka parende. Maskil* ni pinoppar ni si Kora.+
42 Songon rusa na masihol naeng manginum aek sian sunge,
Songon i ma au masihol tu Ho ale Debatakku.
2 Masihol do au tu Ho ale Debata na mangolu, dos songon halak na mauas.+
Andigan do au boi ro tu jolom ale Debata?+
3 Ilukki nama na gabe sipanganokku arian nang borngin.
Ganup ari do halak mangarehei au jala mandok, “Didia do Debatami?”+
4 Malala do rohakku molo huingot sudena on,
Ai mardalan do au najolo rap dohot godang halak.
Somal do au mardalan sian jolo ni nasida naeng lao tu jabu ni Debata,
Rap do au dohot godang halak naeng mangulahon perayaan,+
Marende do hami marlas ni roha lao mandok mauliate.
5 Boasa ma marsak au?+
Boasa ma massai susa rohakku?
6 Ale Debatakku, marsak do rohakku.+
Alani i ma huingot Ho,+
Tikki di luat Jordan au, tikki di pussu ni Dolok Hermon,
Jala tikki di Dolok Misar* au.
7 Alani aekmu na doras i,
Gabe marsialus-alusan do akka galumbang.
Jala dos songon galumbangmi do sitaonokkon, na mambahen au lonong.+
8 Patuduon ni Jahowa ma holong ni rohana* tu au tikki arian.
Marende ma au taringot Ibana tikki borngin, jala martangiang ma au tu Debata na mangalehon hangoluan tu au.+
9 Dohonokku ma tu Debata, dolok batukki,
“Boasa ma dilupahon Ho au?+
Boasa ma pola lungun rohakku alani sitaonon na dibahen musukku?”+
10 Kejam do akka musukku* jala sai direhei nasida do au,
Ganup ari do nasida mangarehei au jala mandok, “Didia do Debatami?”+
11 Boasa ma marsak au?
Boasa ma massai susa rohakku?
Palua ma au sian akka pangoto-otoi dohot sian halak na mangulahon na so sittong.
2 Ai Ho do Debatakku, benteng parlinggomakku.+
Boasa ma usironmu au?
Boasa ma pola lungun rohakku alani sitaonon na dibahen musukku?+
3 Patudu ma sinondang dohot hasittonganmi.+
Anggiat ma i na manogu-nogu au,+
Anggiat ma i manogu-nogu au tu dolokmu na badia i dohot tu tabernakelmu na sangap i.+
4 Ro ma au tu langgatanmi ale Debata,+
Ho do Debata na mambahen au marlas ni roha situtu.
Jala pujiokku ma Ho mamakke harpa+ ale Debata, Debatakku.
5 Boasa ma marsak au?
Boasa ma massai susa rohakku?
Tu pamimpin ni akka parende. Sian pinoppar ni si Kora.+ Maskil.*
44 Ale Debata, nungnga hubege hami,
Jala nungnga dipaboa akka ompunami tu hami,+
Taringot akka pambahenanmu di ngolu ni nasida,
Pambahenanmu di ari naung salpu.
Diropukkon Ho do akka bangso jala dipalao Ho do nasida.+
3 Dang alani podang umbahen na boi ditaluhon ompunami luat i,+
Jala dang alani tangan ni nasida umbahen na monang nasida.+
Alai alani tanganmu na gogo i* do, alani huasom,+ dohot alani asi ni roham,*
Ai lomo do roham mangida nasida.+
4 Ho do Rajakku ale Debata,+
Bahen ma asa monang si Jakkob.
5 Marhite huasom, palaoonnami do akka musunami.+
Hupangasahon hami do goarmu lao mandege-dege akka halak na mangalo hami.+
6 Ai dang panah na huasakkon,
Jala dang boi podang paluahon au.+
7 Ho do na paluahon hami sian akka musunami,+
Dipaila Ho do akka halak na marsogo ni roha tu hami.
8 Ale Debata, toktong do pujionnami Ho,
Jala pujionnami do goarmu saleleng ni lelengna. (Sela)
9 Alai saonari nungnga diusir Ho be hami jala dipaila Ho,
Dang didongani Ho be akka tentaranami.
10 Dibahen Ho do hami lari sian akka musunami.+
Habis do artanami dipambuati halak na marsogo ni roha tu hami.
11 Dipasombu Ho do hami dipamate musunami songon biru-biru.
Dibahen Ho do hami marserak di tonga-tonga ni akka bangso.+
13 Dibahen Ho do akka halak na tinggal di labbungnami mangarehei hami,
Dibahen Ho do akka halak na tinggal di sakalilingnami mangarehei hami jala mangalesengi hami.
14 Dibahen Ho do hami gabe sihataan* di tonga-tonga ni akka bangso,+
Mangupir do akka halak lao mangarehei hami.
15 Sai torus do au dileai,
Jala gabe maila ma au,
16 Hubege do musunami mangaleai jala mangarehei hami,
Jala naeng ro do nasida mangalo hami.
17 Nang pe masa on sude tu hami, dang hulupahon hami Ho,
Jala dang hualo hami parjanjian na binahenmu tu hami.+
18 Dang mandao hami sian Ho.
Jala dang hutinggalhon hami akka dalanmu.
19 Alai diropukkon Ho do hami di asar ni anjing hutan.
Dibahen Ho do hami di inganan na massai golap.
20 Molo dihalupahon hami goar ni Debatanami,
Jala hupaherbang hami tangannami lao martangiang tu debata na asing,
21 Pasti do diboto Debata i.
Ai diboto Ibana do na buni di roha ni jolma.+
22 Alani Ho, naeng dibunu do hami ganup tikki.
Ai dibahen do hami songon biru-biru na lao diseat.+
23 Ale Jahowa, dungo ma Ho. Boasa sai modom Ho?+
Dungo ma Ho! Unang ma tinggalhon hami saleleng ni lelengna.+
24 Boasa dipadao* Ho bohim sian hami?
Boasa dilupahon Ho hasusaannami dohot sitaononnami?
25 Nungnga didabuhon be hami tu orbuk.
Peak do hami di tano.+
26 Ro ma Ho mangurupi hami!+
Patudu ma holong ni roham* tu hami jala palua* ma hami.+
Tu pamimpin ni akka parende. Mangihutton ende “Bunga Lili”. Sian pinoppar ni si Kora.+ Maskil.* Ende taringot holong ni roha.
45 Las situtu do rohakku alani barita na denggan.
Taringot sahalak raja do endekkon.*+
Anggiat ma dilakkon gabe songon pulpen*+ ni panalin* na malo.+
2 Ho do na ungganteng sian sude anak ni jolma.
Akka hata na denggan do na kaluar sian pamanganmu.+
Alani i ma dipasu-pasu Debata ho saleleng ni lelengna.+
3 Ale tentara na gogo,+ ikkat ma podangmi+ tu gottingmi,
Ikkat ma i di bagasan hasangapon dohot hamuliaon.+
4 Borhat ma ho di bagasan hasangapon, taluhon ma akka musum.+
Nakkok ma ho tu hodam jala marporang ma ho lao mangurupi halak na serep marroha,
Dung i bahenon ni tanganmu na gogo i* ma saut akka ulaon na palongang roha.
5 Pattik do panahmu na piccur i tu jantung ni akka musu ni raja i,+
Pola do marpeakan akka bangso di jolom.+
7 Holong do roham tu na sittong+ jala dihagigihon roham do hajahaton.+
Alani i do dipillit* Debata ho,+ dipillit Debatami,
Jala dilehon do tu ho unggodang las ni roha+ sian akka donganmu.
8 Angur do pakkeanmu alani miak mir,* gaharu,* dohot hau lawang.*
Las do roham ala tarbege soara ni akka alat musik sian istana na dibahen sian gading.
9 Di tonga-tonga ni akka borua na sangap do akka boru ni raja.
Jongjong do ratu di siamunmu mamakke mas na sian Opir.+
10 Ale borukku tangihon ma au, parrohahon ma jala patinggil ma pinggolmu.
Lupahon ma bangsom dohot jabu ni bapakmu.
11 Lomo do roha ni raja i mangida ho ala uli ho,
Marsinggang ma ho tu ibana,
Ai ibana do tuanmu.
13 Tung na sangap situtu do boru ni raja i di bagasan istana,
Sian bonang mas do pakkeanna.
14 Diboan do ibana tu jolo ni raja i, jala dipakke ibana do abit na massai bagak.*
Jala dohot do muse diboan tu jolo ni raja i akka anak boru na mandongani ibana.
15 Diboan do nasida masuk tu istana ni raja,
Jala marlas ni roha situtu do nasida.
16 Akka anakmu ma na manggattihon akka ompumu.
Bahenonmu ma nasida gabe pamimpin di saluhut tano on.+
17 Bahenokku ma tarbarita goarmu saleleng ni lelengna,+
Alani i ma pujion ni akka halak ho saleleng ni lelengna.
Tu pamimpin ni akka parende. Ende ni pinoppar ni si Kora+ na dibahen tu nada tinggi.*
46 Debata do parlinggomatta jala na mangalehon gogo tu hita,+
Rade do Ibana mangurupi hita tikki masa hasusaan.+
2 Alani i ma dang pola mabiar hita nang pe hutur-hutur tano on,
Nang pe masursur akka dolok sappe masuk tu bagasan laut,+
3 Nang pe balga galumbang ni aek jala margumo,+
Nang pe gabe hutur-hutur dolok batu alani i. (Sela)
4 Adong do akka anak ni sunge na sian sada sunge na balga, na mamboan las ni roha tu kota ni Debata,+
Badia do tabernakel na sangap i appuna ni Natumimbul i.
5 Di kota i do Debata,+ dang boi diruppakkon kota i.
Ai ro do Debata tusi tikki manogot lao mangurupi kota i.+
6 Gaor ma akka bangso, maruppak ma akka harajaon,
Dipagogo Ibana ma soarana, gabe malala ma tano on.+
7 Ai didongani Jahowa Pamimpin ni Akka Tentara* do hita,+
Debata ni si Jakkob do inganan parlinggomatta na aman.* (Sela)
8 Ro ma hamu jala ida ma akka na binahen ni Jahowa,
Longang do roha mangida akka na binahenna di tano on.
9 Dipaujung Ibana do akka porang di saluhut tano on.+
Diponggolhon Ibana do panah, diropukkon Ibana do akka tombak,*
Jala ditutung Ibana do akka kareta porang.*
10 Didok Ibana do, “Menyerah ma hamu jala boto hamu ma Au do Debata.
11 Didongani Jahowa Pamimpin ni Akka Tentara do hita.+
Debata ni si Jakkob do inganan parlinggomatta na aman.+ (Sela)
Tu pamimpin ni akka parende. Ende ni pinoppar ni si Kora.+
47 Martopak ma hamu ale saluhut bangso.
Puji hamu ma Debata jala marsurak ma hamu di bagasan las ni roha.
2 Ai sangap do Jahowa Debata Natumimbul i.+
Raja na sangap do Ibana, na mamaretta di saluhut tano on.+
3 Dibahen Ibana do tunduk akka bangso tu hita.
Dibahen Ibana do hita boi manaluhon akka bangso.+
4 Ibana do na manottuhon parbagianatta,+
I do na sai mambahen las roha ni si Jakkob, halak na dihaholongi Ibana.+ (Sela)
5 Tikki nakkok Debata tu tahtana, tarbege do soara ni na marsurak alani las ni roha.
Tikki nakkok Jahowa, tarbege do soara ni tarompet.*
6 Endehon ma puji-pujian tu Debata, endehon ma i.
Endehon ma puji-pujian tu Rajatta, endehon ma i.
7 Ai Debata do Raja di saluhut tano on.+
Endehon ma puji-pujian jala patudu ma bisuk.
8 Nungnga gabe Raja be Debata, Ibana do na mamaretta akka bangso.+
Hundul do Debata di tahtana na badia i.
9 Nungnga dipapungu be pamimpin ni akka bangso,
Dipapungu rap dohot bangso ni Debata ni si Abraham.
Appuna ni Debata do akka pamaretta* na di tano on.
Massai sangap situtu do Ibana.+
Ende ni pinoppar ni si Kora.+
48 Sangap do Jahowa jala tama do Ibana pujion,
Dipuji do Ibana di kota ni Debatanta, di dolokna na badia i.
2 Di bagian parujung ni utara do Dolok Sion,
Massai uli do i jala timbo, parohon las ni roha do i tu saluhut tano on.+
Jala i do kota ni Raja Nasangap i.+
4 Ida ma, nungnga marpungu be akka raja.*
Jala rap ro do nasida sude.
5 Alai tikki diida nasida kota i, gabe longang ma nasida.
Gabe mabiar ma nasida jala lari alani biarna.
6 Hitir-hitir do nasida alani biarna,
Haccit do dihilala nasida songon borua na naeng partus.
7 Diparo Ho do alogo na gogo na sian timur lao mambahen hancur akka kapal na sian Tarsis.
8 Nungnga hea dibege hami taringot pambahenan ni Debata, jala nungnga diida hami i saonari,
Diida hami do i di kota ni Jahowa, Pamimpin ni Akka Tentara i, di kota ni Debatanami.
Jala bahenon ni Debata do toktong togu kota i saleleng ni lelengna.+ (Sela)
9 Sai hurimangi hami do holong ni roha* na pinatudumi ale Debata,+
Hurimangi hami do i di bagas joromi.
10 Ale Debata, tarbarita do goarmu sahat tu ujung ni tano on,
Jala dipuji do Ho di saluhut tano on.+
Dipakke Ho do huasom lao mangulahon akka na sittong.+
11 Marlas ni roha do Dolok Sion,+
Marlas ni roha do akka kota* na di Juda alani keputusan na binahenmu tikki mangadili.+
13 Parrohahon ma akka benteng na di kota i,+
Pareso ma akka menarana,
Asa boi paboaonmuna i tu akka pinopparmuna di ari na naeng ro.
14 Ai Debata na mambahen on sude, Ibana do Debatanta+ saleleng ni lelengna.
Togu-toguonna do hita sahat tu saleleng ni lelengna.*+
Tu pamimpin ni akka parende. Ende ni pinoppar ni si Kora.+
49 Hamu sude akka bangso, tangihon hamu ma on.
Hamu sude halak na di portibi* on, parrohahon hamu ma on,
2 Hamu akka na dangol dohot na sangap,
Na mora dohot na pogos.
3 Hatahonokku ma taringot bisuk,
Jala hurimangi do di bagasan rohakku+ akka na mambahen tamba parbinotoakku.
4 Tangihonokku ma uppasa,
Jala paboaokku ma tudos-tudos huhut marharpa.
5 Tikki masa hasusaan, dang mabiar au,+
Jala dang mabiar au tikki ro akka parjahat makkalilingi au lao manaluhon au.
6 Manang ise na marpos ni roha tu arta ni nasida+
Jala na manganggarhon hamoraon ni nasida,+
7 Dang adong nanggo sahalak pe sian nasida na boi manobus donganna,
Manang na boi mangalehon tobusan tu Debata lao manobus donganna,+
8 (Ai maargahu do tobus ni ngolu ni nasida,
Dang targarar ni nasida i.)
9 Asa unang pola masuk ibana tu bagasan tanoman alai mangolu saleleng ni lelengna.+
10 Sude do halak mamboto, haru halak na marbisuk pe mate do,
Songon i nang halak na oto dohot halak na so marroha.+
Jala tu halak na asing do ditinggalhon nasida hamoraonna.+
11 Anggo roha ni nasida, hot ma nian jabu ni nasida saleleng ni lelengna.
Toktong ma nian adong kemah ni nasida.
Jala dipakke do goar ni nasida lao mambahen goar ni huta ni nasida.
12 Nang pe sangap sasahalak, dang na lao toktong ibana adong.+
Dos do ibana songon binatang na ikkon mate.+
13 On ma na lao masa tu halak na oto+
Dohot tu halak na mangihutton nasida, na lomo rohana manangihon akka hata ni nasida na so marguna. (Sela)
14 Nungnga ditottuhon nasida ikkon masuk tu Kuburan* songon biru-biru na diboan tu pamotongan.
Hamatean nama na gabe parmahan ni nasida
Halak na tigor marroha ma na mangarajai nasida+ tikki manogot.
15 Alai paluaon ni Debata do au sian huaso* ni Kuburan,*+
Ai buatonna do au sian i lao jagaonna. (Sela)
16 Unang pola mabiar ho molo lam mamora sasahalak,
Manang molo lam balga jabuna.
17 Ai molo mate ibana dang boanonna i,+
Dang dohot hasangaponna turun rap dohot ibana.+
18 Tikki mangolu ibana dipuji-puji ibana do dirina,+
(Ai dipuji-puji halak do ho molo mamora ho.)+
19 Alai ujungna mate do ibana songon akka ompuna,
Jala dang idaon ni nasida be na tiur.
20 Nang pe sangap sasahalak,+ alai molo so diattusi on,
Dos do ibana songon binatang na ikkon mate.
Ende ni si Asap.+
50 Nungnga makkatai Jahowa,+ Debata na untimbo sian debata na asing.
Dijou Ibana do tano on,
Sian timur sahat tu barat.*
2 Marsinondang do Debata sian Sion, kota na massai uli.+
3 Na lao ro nama Debatanta jala dang hohom Ibana.+
4 Tikki diadili Ibana akka naposona,+
Dijou Ibana do pangisi ni langit dohot tano on lao gabe saksi,+ didok Ibana do,
5 “Papungu hamu ma akka naposokku na setia di jolokku,
Na mambahen parjanjian dohot Au marhite pelean.”+
7 “Ale naposokku, tangihon hamu ma, adong naeng hupaboa tu hamu,
Ale Israel, patuduhonokku ma na marsala hamu,+
Au do Debata, Debatamuna.+
8 Dang alani peleanmuna umbahen na hupissang hamu,
Jala dang alani sude pelean situtungon na sai dilehon hamu tu Au.+
10 Ai punakku do sude binatang na di tombak,+
Dohot akka binatang na di akka dolok.
11 Hutanda do sude pidong na di akka dolok,+
Jala punakku do sude binatang na di tombak.
12 Molo male Au, dang porlu paboaokku tu hamu,
Ai Au do nappunasa tano on dohot nasa isina.+
13 Dang porlu allangokku jagal ni lombu jantan,
Jala dang porlu inumokku mudar ni hambing.+
14 Mandok mauliate ma hamu tu Debata jala i ma na gabe peleanmuna,+
Garar hamu ma janjimuna* tu Natumimbul i.+
15 Jou-jou ma hamu tu Au tikki susa hamu,+
Asa hupalua hamu, dung i pasangaponmuna ma Au.”+
16 Alai molo tu halak na jahat, dokkonon ni Debata ma,
19 Dipaboa-boa ho do hata na so denggan,
Jala holan na mangoto-otoi do dipakke ho dilam.+
21 Tikki dibahen ho songon i, sai sip do Au,
Gabe dirippu ho ma na sarupa Au songon ho.
Alai saonari pissangokku ma ho,
Jala alookku ma ho.+
22 Hamu akka na makkalupahon Debata,+ parrohahon hamu ma on,
Asa unang huribak-ribak hamu jala dang adong na paluahon.
23 Manang ise na mangalehon pelean hamauliateon, i do na pasangappon Au,+
Jala manang ise na mangihutton dalan na sittong,
Paluaokku ma ibana.”+
Tu pamimpin ni akka parende. Ende ni si Daud na diendehon dung ro Panurirang* Natan manjuppangi ibana ala mangalakkup ibana tu si Bat-seba.+
51 Ale Debata, patudu ma holong ni roham* jala asi ma roham tu au.+
Sesa ma hasalaakku, ai balga do asi ni roham.+
3 Ai huboto do hasalaakku,
Jala sai huingot do dosakku.+
Alani i, dipatuduhon Ho ma na sittong do Ho tikki makkatai,
Jala tigor do Ho mangadili.+
6 Lomo do roham mangida halak na ias roha,+
Alani i, ajari ma asa marbisuk rohakku.
8 Bahen ma au marlas ni roha situtu,
Asa marlas ni roha muse holi-holikku naung maropuk dibahen Ho.+
11 Unang ma palao au sian jolom,
Jala unang ma buat tondi parbadiam sian au.
12 Bahen ma asa marlas ni roha au muse songon na huhilala tikki dipalua Ho au,+
Jala bahen ma asa rade rohakku mangoloi Ho.
13 Ajarhonokku do akka dalanmu tu akka pardosa,+
Asa mulak nasida muse tu Ho.
14 Ale Debata na paluahon au,+ sesa ma dosakku ala nungnga hupamate sahalak jolma,+
Asa boi au marlas ni roha paboahon hatigoranmi.+
15 Ale Jahowa, bukka ma pamanganku,
Asa boi hupuji Ho.+
16 Dang pelean na dihalomohon roham.
Ai molo i do na dihalomohon roham, nungnga hulehon i.+
Jala dang pelean situtungon na mambahen las roham.+
17 Alai roha na manolsoli do pelean na mambahen las roha ni Debata.
Jala dang dipalao Ho ale Debata,* halak na marsak dohot na manolsoli.+
18 Bahen ma na denggan tu Sion,
Pajongjong ma tembok ni Jerusalem.
19 Dung i las ma roham manjalo pelean na dilehon akka halak na mangulahon na sittong,
Dohot akka pelean situtungon.
Jala dipelehon ma akka lombu jantan di langgatanmu.+
Tu pamimpin ni akka parende. Maskil.* Sian si Daud. Dibahen ibana do on tikki dipaboa si Doeg halak Edom i tu si Saul, naung ro si Daud tu jabu ni si Ahimelek.+
52 Hamu halak na kejam, boasa ma dianggar-anggarhon hamu hajahatonmuna?+
Na so diboto hamu do na toktong dipatuduhon Debata holong ni rohana?*+
3 Unlomo do roham mangulahon na jahat sian na denggan,
Unlomo do roham margabus sian makkatahon na sittong. (Sela)
4 Sai lomo do roham margabus,
Jala lomo do roham mandok hata na mambahen haccit roha ni na asing.
5 Alani i sappattonon ni Debata ma ho jala pasombuonna ma ho saleleng ni lelengna,+
Saratonna ma ho asa kaluar sian kemahmu,+
Jala na lao salpu ma ho sian inganan ni halak na mangolu.+ (Sela)
6 Idaon ni halak na tigor marroha ma i jala gabe longang ma nasida,+
Dung i parekkelan ni nasida ma ho.+
7 “Ida ma, on ma halak na so marlinggom tu Debata,+
Alai tu hamoraonna do ibana marhaposan,+
Jala dianggarhon ibana do sakkapna na jahat i.”
8 Alai molo au, dos do au songon hau jetun na balga na di jabu ni Debata,
Marhaposan do au tu holong ni roha* na pinatudu ni Debata saleleng ni lelengna.+
9 Pujiokku ma Ho saleleng ni lelengna alani akka pambahenanmi,+
Di jolo ni akka naposom na setia,
Patuduokku do na pos rohakku tu goarmu,+ ai denggan do i.
Tu pamimpin ni akka parende. Na dibahen tu Mahalat.* Maskil.* Sian si Daud.
53 Didok halak na oto do di bagasan rohana,
“Dang adong Jahowa.”+
Diulahon nasida do nasa ulaon na jahat.
Dang adong nanggo sahalak pe sian nasida na mangulahon na denggan.+
2 Alai ditatap Debata do akka anak ni jolma sian surgo,+
Lao mangida atik na adong do na marbisuk jala na mangalului Jahowa.+
3 Nungnga manimbil be nasida sude sian dalan na sittong,
Sude do nasida mangulahon na jahat,
Dang adong na mangulahon na denggan,
Nanggo sahalak pe dang adong.+
4 Boasa ma dang diboto akka parjahat agia aha?
Diboddut nasida do bangsokku songon na mamboddut roti.
Jala dang olo nasida ditogu-togu Jahowa.+
5 Alai gabe mabiar situtu ma nasida,
Hape so hea dope songon i biar ni nasida,*
Ai bahenon ni Debata ma marserak holi-holi ni akka halak na* mangalo naposona,
Gabe maila ma nasida ala nungnga dipalao Jahowa nasida.
6 Sai ro ma sipalua ni Israel sian Sion!+
Molo dung diboan Jahowa mulak muse bangsona na ditawan i,
Sai marlas ni roha ma si Jakkob jala marlas ni roha ma Israel.
Tu pamimpin ni akka parende. Na diendehon mardongan akka alat musik na martali. Maskil.* Sian si Daud. Dibahen do on dung didok halak na sian Sip tu si Saul, “Di hutanami do martabuni si Daud.”+
2 Ale Debata, tangihon ma tangiakkon,+
Jala bege ma akka hatakkon.
3 Ai nungnga ro halak na so hutanda mangalo au.
Naeng dipamate halak na kejam do au.+
Dang parduli nasida tu Debata.+ (Sela)
4 Debata do na mangurupi au,+
Didongani Jahowa do akka halak na mangurupi au.
5 Balosonna do akka musukku+ alani hajahaton ni nasida,
6 Pujiokku ma goarmi ale Jahowa, ai denggan do i.+
Jala lehonokku do pelean tu Ho+ sian ias ni rohakku.
Tu pamimpin ni akka parende. Na diendehon mardongan alat musik na martali. Maskil.* Sian si Daud.
2 Tangihon ma au jala alusi ma au.+
Marsak situtu do au jala mandele.+
3 Ai hubege do akka hata ni musukku
Jala susa do au dibahen halak na jahat.
Torus do au disusai nasida,
Jala muruk do nasida tu au ala jut hian rohana tu au.+
5 Sappe hitir-hitir do au alani biarhu,
Jala torus do au mabiar.
6 Sai hudok do, “Autsugari ma marhabong au dos songon darapati,
Nungnga habang au dao mangalului inganan na aman.
7 Lao ma au tu inganan na dao,+
Jala tinggal ma au di gurun.+ (Sela)
8 Pittor hatop ma au lao tu inganan na aman
Dao sian alogo na gogo, dao sian haba-haba.”
9 Ale Jahowa, bahen ma gaor nasida jala sundati ma sakkap ni nasida,+
Ai huida do nungnga gaor di kota jala gok hajahaton.
10 Arian nang borngin mardalan do nasida markaliling di ginjang ni tembok ni kota i
Masa do hajahaton dohot hasusaan di kota i.+
11 Hona jea do akka halak na tinggal disi,
Sai adong do halak na mambahen na jahat tu donganna dohot na mangoto-otoi di lapangan ni kota.+
12 Molo musukku na mangarehe-rehei au,+
Boi do au sabar manaon i.
Molo musukku na ro mangalo au,
Boi do au martabuni sian ibana.
13 Alai ho do na mambahen songon i tu au+
Ale-alekku na apala takkas hutanda, jala na sangap songon au.+
14 Kompak do hita najolo,
Jala sai rap do hita lao tu jabu ni Debata rap dohot na asing.
15 Sai anggiat ma masa jea tu nasida,+
Sai anggiat ma masuk nasida tu Kuburan.*
Ai akka na jahat do na sai diulahon nasida dohot na adong di roha ni nasida.
16 Alai molo au, jou-jou do au tu Debata
Dung i paluaon ni Jahowa ma au.+
17 Susa do au jala morong-orong* tikki manogot, tikki arian, nang tikki borngin pe+
Jala dibege Ibana do soarakku.+
18 Lehononna do hadameon tu au, jala paluaonna* do au sian akka halak na mangalo au.
Ai godang do halak na ro mangalo au.+
19 Nungnga hundul Debata di tahtana sian najolo,+
Tangihonon ni Debata do au, jala aloonna do nasida.+ (Sela)
Alai dang olo nasida muba,
Dang dihabiari nasida Debata.+
Ullandit do hatana sian miak
Jala tajom do i songon podang.+
Dang pasombuonna madabu* halak na tigor marroha.+
23 Alai pamasukonmu do halak na jahat tu bagasan tanoman, ale Debata.+
Hatop do mate pambunu dohot pangoto-otoi.+
Alai molo au, pos do rohakku tu Ho.
Tu pamimpin ni akka parende. Na dibahen mangihutton ende “Darapati na Sai Sip di Inganan na Dao”. Sian si Daud. Miktam.* Dibahen do on tikki ditakkup halak Palistim si Daud di Gat.+
56 Ale Debata, asi ma roham tu au, ai nungnga ro akka halak mangalo* au.
Ganup ari do au dialo jala disusai nasida.
2 Ganup ari do musukku mangaroro au.
Godang do siginjang roha na ro mangalo au.
3 Tikki mabiar au,+ pos do rohakku tu Ho.+
4 Tu Debata do au marpos ni roha, jala hupuji do Ibana alani akka hatana.
Pos do rohakku tu Debata, dang mabiar au.
Aha ma na boi bahenon ni jolma tu au?+
5 Dibahen nasida do au susa ganup ari.
Sai dilului nasida do dalan lao mambahen au marjea.+
6 Mongop-onggop do nasida lao mangalo au.
Sai dipanotnoti nasida do manang na tudia au lao,+
Asa boi dipamate nasida au.+
7 Hukum ma nasida alani hajahaton ni nasida.
Ale Debata, taluhon ma akka bangso, patudu ma na muruk situtu Ho.+
8 Disurat Ho do sude arsak ni rohakku.+
Disippan Ho do ilu-ilukku tu inganan ni aekmu.*+
Tarsurat do i sude di bukkumi.+
9 Tikki jou-jou au tu Ho mangido asa diurupi, gabe lari do akka musukku alani biarna.+
Pos do rohakku na didongani Debata do au.+
10 Tu Debata do au marpos ni roha, hupuji do Ibana alani akka hatana.
Tu Jahowa do au marpos ni roha, hupuji do Ibana alani akka hatana.
11 Pos do rohakku tu Debata, dang mabiar au.+
Aha ma na boi bahenon ni jolma tu au?+
13 Ai nungnga dipalua Ho au sian hamatean+
Jala dijaga Ho do pattu asa unang tartuktuk au,+
Asa boi au toktong mangolu jala mardalan di jolom.+
Tu pamimpin ni akka parende. Na dibahen mangihutton ende “Unang ma Bahen Au Hancur”. Sian si Daud. Miktam.* Dibahen do on tikki martabuni si Daud di gua ala dilele si Saul ibana.+
57 Asi ma roham ale Debata, asi ma roham,
Ai tu Ho do au marlinggom,+
Jala di toru ni habongmu do au marlinggom sahat tu na salpu hasusaan on.+
2 Jou-jou do au tu Debata Natumimbul i,
Tu Debata na sittong na pasaehon sitaonokku.
3 Urupan ni Debata do au sian surgo jala paluaonna do au.+
Dang paloasonna akka halak mangaroro au. (Sela)
Ai setia do Debata jala dipatudu Ibana do holong ni rohana* tu au.+
4 Dikalilingi akka singa do au,+
Peak do au di tonga-tonga ni akka halak na naeng mamboddut au,
Songon tombak* dohot panah do ngingi ni nasida,
Jala songon podang na tajom do dila ni nasida.+
5 Ale Debata, sai dipasangap ma Ho sahat tu langit,
Jala sai anggiat ma dipasangap Ho di saluhut tano on.+
Digali nasida do lubang asa madabu au tusi,
Alai gabe nasida do na madabu tusi.+ (Sela)
7 Pos do rohakku tu Ho ale Debata,+
Pos do rohakku.
Marende ma au mamuji Ho huhut mamakke alat musik.
8 Dungo ma ho ale rohakku,
Dungo ma ho ale akka alat musik na martali, dungo ma ho ale harpa.
Dung i hudungoi ma mataniari asa bissar.+
9 Ale Jahowa, pujiokku ma Ho di tonga-tonga ni akka halak,+
10 Ai balga do holong ni roha* na pinatudum, pola sahat tu langit.+
Jala setia do Ho, pola do i sahat tu langit.
11 Ale Debata, sai dipasangap ma Ho sahat tu langit
Jala sai anggiat ma dipasangap Ho di saluhut tano on.+
Tu pamimpin ni akka parende. Na dibahen mangihutton ende “Unang ma Bahen Au Hancur”. Sian si Daud. Miktam.*
58 Molo sai sip ho, boi do paboaonmu taringot na sittong?+
Boi do tigor ho tikki mangadili, ale akka anak ni jolma?+
3 Sian mulai tubu,* nungnga lilu* halak na jahat.
Sian mulai tubu, nungnga manimbil jala margabus nasida.
4 Dos songon bisa ni ulok do hata ni nasida.+
Nengel do nasida dos songon ulok kobra na so boi mambege.
5 Dang dibege ulok i soara ni pawang ni ulok,
Nang pe malo pawang i manjaha mantra.
6 Ale Debata, ropangi ma ngingi ni nasida!
Ale Jahowa, ponggolhon ma osang-osang ni akka singa on!
7 Sai anggiat ma mago nasida dos songon aek na mahiang.
Sai anggiat ma dipanah Ibana nasida, jala peak ala hona panah.
8 Sai anggiat ma nasida gabe dos songon keong na lam koring tikki mardalan
Dos songon poso-poso na mate andorang so tubu, na so hea mangida mataniari.
9 Dipakke ho do ratting-ratting lao gabe soban, alai andorang so mohop dope hudonmu,
Paroon ni Debata ma alogo na gogo+ lao makkabangkon akka ratting-rattingmi, na tata nang na koring.
10 Tikki dibalos Debata pambahenan ni halak na jahat, marlas ni roha ma halak na tigor marroha mangida i.+
Jala degeon ni nasida ma mudar ni halak na jahat i.+
11 Dung i dokkonon ni akka halak ma, “Dapotan upa do halak na tigor marroha.+
Ai adong do Debata na gabe hakim di tano on.”+
Tu pamimpin ni akka parende. Na dibahen mangihutton ende “Unang ma Bahen Au Hancur”. Sian si Daud. Miktam.* Dibahen do on tikki disuru si Saul halak tu jabu ni si Daud lao pamatehon ibana.+
2 Palua ma au sian akka parjahat,
Jala jaga ma au sian akka halak na kejam.
3 Ale Jahowa, monggop-onggop do nasida lao mangalo au.+
Ro do akka halak na gogo lao mangaroro au.
Hape so na mangalo manang mardosa au.+
4 Nang pe dang adong salakku, hatop do nasida ro naeng mangalo au.
Alani i ro ma Ho tikki jou-jou au tu Ho, urupi ma au jala ida ma na binahen ni nasida.
5 Ai Ho do Debata ni halak Israel, ale Debata Jahowa Pamimpin ni Akka Tentara.*+
Hehe ma Ho lao mamareso sude bangso,
Unang ma asi roham tu akka penghianat.+ (Sela)
6 Sai ro do nasida muse ganup borngin,+
Marauang do nasida dos songon biang+ jala mardalan tusan tuson makkalilingi kota.+
7 Bege ma hata ni nasida na jahat i,
Dos songon podang do baba ni nasida,+
Ai didok nasida do, “Dang adong na mambege hatatta on.”+
9 Ale Debatakku, Ho do na mangalehon gogo tu au, sai hupaima-ima do Ho.+
10 Urupan ni Debata do au, ai dipatudu Ibana do holong ni rohana* tu au.+
Bahenon ni Debata do asa huida talu akka musukku.+
11 Unang ma pamate nasida, asa unang dilupahon bangsokki pambahenanmi.
Marhite huasom, bahen ma nasida mappar-appar,
Ale Jahowa perisainami, bahen ma nasida hancur.+
12 Sai anggiat ma tarjorat nasida alani ginjang ni roha ni nasida.+
Ai nungnga mardosa nasida alani hata ni nasida,
Mamburai do nasida jala mangoto-otoi.
13 Pamate ma nasida tikki muruk Ho,+
Pamate ma nasida asa unang adong be nasida.
Dung i botoon ni nasida ma Debata do na mamaretta di tonga-tonga ni si Jakkob dohot di saluhut tano on.+ (Sela)
14 Lok ma ro nasida muse ganup borngin,
Lok ma marauang nasida dos songon biang jala mardalan tusan tuson makkalilingi kota.+
15 Lok ma mappar-appar nasida mangalului sipanganon,+
Unang ma loas nasida butong jala unang ma loas dapot ni nasida inganan marborngin.
16 Alai molo au, endehonokku ma taringot gogom,+
Marlas ni roha ma au tikki manogot lao paboahon holong ni roha* na pinatudum.
17 Ale Debatakku, Ho do na mangalehon gogo tu au, endehonokku ma puji-pujian tu Ho.+
Ai Debata do inganan parlinggomakku na aman, dipatudu Debata do holong ni rohana* tu au.+
Tu pamimpin ni akka parende. Na dibahen mangihutton ende “Bunga Lili do na Gabe Saksi”. Miktam.* Sian si Daud. Na dipakke lao mangajari. Dibahen do on tikki marporang si Daud mangalo pangisi ni huta Aram-naharaim dohot huta Aram-Zoba. Dung i mulak ma si Joab pamatehon 12.000 halak Edom di Rura Sira.+
60 Ale Debata, nungnga dipalao Ho hami, nungnga dibahen Ho hancur partahanannami.+
Muruk do Ho tu hami, alai saonari jalo ma hami muse.
2 Dibahen Ho do hutur-hutur tano on, jala dibola Ho do tano on.
Alai padomu ma i muse, ai nungnga naeng masursur i.
3 Dibahen Ho do susa bangsom.
Jala dilehon Ho do hami minum anggur sappe tenggen hami.+
4 Patudu ma* tanda tu akka halak na makkabiari Ho,
Asa lari nasida jala dang hona panah. (Sela)
5 Asa malua halak na dihaholongi Ho.
Palua ma hami marhite tanganmu na gogo i jala alusi ma hami.+
6 Didok Debata na badia i do,*
“Marlas ni roha ma Au, lehonokku ma huta Sikem gabe parbagianan ni bangsokku,+
Jala ukkuronku ma Rura Sukot lao lehonokku tu manang ise lomo ni rohakku.+
7 Appunakku do Gilead, songon i nang Manasse,+
Epraim do na gabe takkulukku.*
Jala Juda do na gabe tukkot harajaokku.+
8 Alai Moab do na gabe baskom parbasuakku,+
Husappatton do soloppu tu Edom,+
Jala marsurak do Au marlas ni roha ala talu Palistim.”+
9 Ise ma na mamboan au tu kota na dikalilingi i?*
Ise ma na manogu-nogu au tu Edom?+
10 Ho do i ale Debata, alai saonari nungnga dipalao Ho hami,
Dang didongani Ho be akka tentaranami, ale Debata.+
11 Urupi ma hami tikki susa,
Ai dang adong gunana molo jolma na paluahon hami.+
Tu pamimpin ni akka parende. Na diendehon mardongan akka alat musik na martali. Sian si Daud.
61 Ale Debata, bege ma au na jou-jou mangido asa diurupi.
Tangihon ma tangiakku.+
Togu-togu ma au tu dolok batu na untimbo sian au.+
3 Ai Ho do inganan parlinggomakku.
Benteng na togu na mangalinggomi au sian akka musu.+
4 Dung i gabe tamu ma au di kemahmu saleleng ni lelengna,+
Jala marlinggom ma au di toru ni habongmu.+ (Sela)
5 Ai dibege Ho do sumpakku ale Debata,
Dilehon Ho do tu au parbagianan ni akka halak na pasangappon goarmu.+
7 Hundul do ibana di tahtana* di jolo ni Debata saleleng ni lelengna.+
Unang ma tinggalhon ibana, jala patudu ma holong ni roham* tu ibana asa i na manjaga ibana.+
Tu pamimpin ni akka parende. Jedutun.* Ende ni si Daud.
62 Sabar do au paimahon Debata,
Ibana do sipalua di au.+
2 Ibana do dolok batukku, sipalua di au, jala inganan parlinggomakku na aman.*+
Dang na lao hitir-hitir au jala madabu.+
3 Sadia leleng nai hamu mangaroro sasahalak lao pamatehon ibana?+
Parohon jea do hamu sude dos songon tembok na miring, tembok na naeng maruppak.*
4 Ai sahata do hamu lao paturunhon ibana sian jabatanna na timbo.
Lomo do rohamuna margabus,
Dihatahon hamu do pasu-pasu, alai mamburai do hamu di bagasan rohamuna.+ (Sela)
6 Ibana do dolok batukku, sipalua di au, jala inganan parlinggomakku na aman.
Dang na lao hitir-hitir au jala madabu.+
7 Debata do na paluahon au jala na mangalehon hasangapon di au.
Debata do dolok batukku, inganan parlinggomakku.+
8 Ale bangsokku, sai toktong ma hamu marpos ni roha tu Ibana.
Paboa hamu ma sude na di bagasan rohamuna tu Ibana.+
Ai Debata do inganan parlinggomatta.+ (Sela)
9 Holan sangombus hosa do ngolu ni sude jolma,
Marisuang do marlinggom tu nasida.+
Molo ditimbang pe nasida, unneang do nasida sian sangombus hosa.+
10 Unang ma dirippu ho na boi ho marhasil molo susa halak dibahen ho,
Jala unang ma dirippu ho boi ho marhasil molo dirampok ho halak.
Molo martamba artam, unang ma gabe i na dianggarhon ho.+
11 Nungnga hea didok Debata on, gariada dua hali ma hubege didok Ibana songon on:
Debata do silehon gogo.+
12 Ale Jahowa, Ho do mual ni holong ni roha,*+
Dibalos Ho do ganup halak hombar tu na niulana.+
Ende ni si Daud na dibahen tikki di Gurun Juda ibana.+
63 Ale Debata, Ho do Debatakku, sai hulului do Ho.+
Sai hupaima-ima do Ho,
Hupaima do Ho di luat na koring jala na harsang, di inganan na so adong aekna.+
2 Huida do Ho di inganan na badia,
Huida do hasangaponmu dohot huasom.+
4 Pujiokku ma Ho saleleng ni ngolukku,
Angkatokku ma tanganku tikki martangiang lao manjou goarmu.
5 Las do rohakku ala dilehon Ho tu au bagian na dumenggan,
Dung i marende ma au jala pujiokku ma Ho marhite pamanganku.+
9 Alai molo akka halak na naeng pamatehon au,
Na lao masuk ma nasida tu lubang ni hamatean.
10 Na lao dipamate ma nasida mamakke podang,
Jala allangon ni anjing hutan* ma nasida.
11 Alai marlas ni roha ma raja i alani sude na lao bahenon ni Debata tu ibana.
Marlas ni roha ma manang ise na marsumpa di bagasan goarna,
Ai na lao tutuponna do baba ni akka pargabus.
Tu pamimpin ni akka parende. Ende ni si Daud.
64 Ale Debata, tangihon ma soarakku tikki mangelek-elek au tu Ho,+
Jaga ma ngolukku sian akka musu na mambahen au mabiar.
2 Jaga ma au sian akka halak na marsakkap mambahen na jahat tu au,+
Sian halak na jahat na massai godang.
3 Dipatajom nasida do dila ni nasida songon podang,
Jala dipandok nasida do hata na kejam na dos songon anak panah.
4 Dipanah nasida do halak na so marsala sian inganan na buni,
Toppu do nasida mamanah, dang adong biar ni rohana.
5 Marsitutu do nasida mangulahon sakkap ni nasida na jahat i,*
Dihatai nasida do songon dia manabunihon jorat ni nasida.
Didok nasida do, “Dang adong na mangida i.”+
6 Dilului nasida do cara na baru lao mambahen na jahat,
Sip-sip do nasida mambahen rencana na jahat, jala licik do nasida.+
Tung maol do attusan na di bagasan roha dohot pikkiran ni ganup jolma.
7 Alai toppu ma dipanah Debata nasida,+
Gabe lukka ma nasida ala hona panah.
8 Gabe hancur ma nasida alani sakkap ni nasida i,+
Mangupir ma akka halak na mangida i.
9 Mabiar ma sude jolma alani i,
Paboaon ni nasida ma akka na binahen ni Debata,
Dung i attusan ni nasida ma akka pambahenanna.+
10 Marlas ni roha ma akka halak na tigor marroha alani pambahenan ni Jahowa, jala marlinggom ma nasida tu Ibana.+
Marlas ni roha ma sude halak na tigor marroha.
Tu pamimpin ni akka parende. Ende ni si Daud.
2 Ale Sitangihon tangiang, tu Ho do ro sude jolma.+
Marlas ni roha ma hami alani akka na denggan na di jabum,+
5 Ale Debata sipalua hami,
Alusanmu do hami marhite pambahenanmu na palongang roha+ jala na sittong.
Tu Ho do marhaposan sude halak na di tano on,+
Dohot akka halak na di bariba ni laut an.
6 Marhite huasom, dipahot Ho do akka dolok.
Tung na gogo situtu do Ho.+
7 Dipaso Ho* do laut na margalumbang,+
Dipaso Ho do galumbang na massai balga dohot akka bangso na gaor.+
8 Gabe longang ma akka pangisi ni huta na dao mangida akka pambahenanmi,+
Dibahen Ho do akka halak mulai sian timur sahat tu barat* marsurak alani las ni roha.
9 Diparrohahon Ho do tano on,
Dibahen Ho do i massai denggan jala subur.+
Dibahen Ho do gok aek di akka sunge,
Diparade Ho do sipanganon ni akka jolma,+
Songon i do dibahen Ho tikki mambahen tano on.
10 Dibahen Ho do maraek tano na dibajak jala dipadosdos Ho do i.
Diparo Ho do udan asa unang pir tano i.
Dipasu-pasu Ho do tano i asa tubu suan-suanan disi.+
11 Godang do akka na denggan na binahenmu sataon on, dos songon mahkota.
Tudia pe Ho lao, gabe godang do akka na denggan disi.+
13 Gok do akka binatang di inganan panjappalan,
Jala gok do sipanganon di akka rura.+
Marsurak do nasida marlas ni roha, marende do nasida.+
Tu pamimpin ni akka parende. Sada ende.
66 Hamu saluhut tano on, marsurak ma hamu marlas ni roha jala puji hamu ma Debata.+
2 Marende ma hamu mamuji goarna na sangap i,
Pasangap hamu ma Ibana jala puji hamu ma Ibana.+
3 Dok ma tu Debata, “Palongang roha do sude na binahenmu.+
Ai balga situtu do huasom,
Hitir-hitir do ro akka musum tu jolom.+
4 Marsomba do saluhut tano on tu jolom,+
Marende do nasida mamuji Ho,
Marende do nasida mamuji goarmu.”+ (Sela)
5 Ro ma hamu jala ida ma akka na binahen ni Debata,
Longang do roha mangida akka na binahenna tu jolma.+
Marlas ni roha do hami alani sude na binahenna tu hami.+
7 Marhite gogona, mamaretta do Ibana saleleng ni lelengna.+
Sai diparrohahon Ibana do akka bangso.+
Unang ma loas sijogal rukkung pasangappon dirina.+ (Sela)
8 Hamu akka bangso, puji ma Debatanami.+
Marsurak ma hamu mamuji Ibana.
10 Ai nungnga dipareso Ho hami, ale Debata.+
Dipaias Ho do hami dos songon perak na ditutung asa ias.
11 Dibahen Ho do hami tarjorat,
Jala dibahen Ho do boban na borat tu hami.
12 Diloas Ho do akka halak mandegei hami.*
Nungnga hubolus hami api dohot aek.
Dung i diboan Ho ma hami tu inganan na aman.
13 Boanokku ma pelean situtungon tu jabum,+
Jala gararokku ma sumpakku tu Ho,+
14 Gararokku ma janjikku,+
Dohot akka na hudok tikki susa au.
15 Lehonokku ma binatang na mokmok lao gabe pelean situtungon tu Ho.
Pelehonokku ma biru-biru jantan asa nakkok timusna,
Jala pelehonokku ma lombu jantan dohot hambing jantan. (Sela)
16 Hamu sude na makkabiari Debata, ro ma hamu jala tangihon ma,
Asa hupaboa tu hamu akka na binahenna tu au.+
17 Jou-jou do pamanganku tu Ibana,
Jala dipasangap dilakku do Ibana.
18 Molo adong na jahat di bagasan rohakku,
Dang olo Jahowa manangihon au.+
20 Sai dipuji ma Debata, na so hea manjua lao manangihon tangiakku,
Na so hea manjua lao patuduhon holong ni rohana* tu au.
Tu pamimpin ni akka parende: Na diendehon mardongan akka alat musik na martali. Sada Ende.
67 Patuduon ni Debata ma na asi rohana tu hita, jala pasu-pasuonna ma hita.
Patuduonna ma na las rohana mangida hita+ (Sela)
3 Ale Debata, sai anggiat ma dipuji akka bangso Ho,
Sai anggiat ma sude halak mamuji Ho.
4 Sai anggiat ma marsurak akka bangso ala marlas ni roha,+
Ai tigor do Ho tikki mangadili akka bangso.+
Togu-toguonmu do akka bangso na di tano on. (Sela)
5 Ale Debata, sai anggiat ma dipuji akka bangso Ho,
Sai anggiat ma sude halak mamuji Ho.
Tu pamimpin ni akka parende. Ende ni si Daud.
68 Sai anggiat ma ro Debata mangalo akka musuna asa marserak nasida,
Jala sai anggiat ma lari sian jolona akka halak na marsogo ni roha tu Ibana.+
2 Sai anggiat ma dipalao Ho nasida dos songon timus na mago diullusson alogo.
Sai anggiat ma suda akka parjahat sian jolo ni Debata,+
Dos songon lilin na malala alani api.
3 Alai sai anggiat ma marlas ni roha halak na tigor marroha,+
Sai anggiat ma marlas ni roha nasida di jolo ni Debata.
Sai anggiat ma gok las ni roha ni nasida.
4 Marende ma tu Debata, marende ma mamuji goarna.+
Marende ma tu Debata na lewat sian akka gurun.*
Jahowa* do goarna!+ Marlas ni roha ma di jolona!
5 Di ingananna na badia do Debata maringanan.+
Ibana do na gabe ama di akka na so marama jala Ibana do na manjaga* akka ina na mabalu.+
6 Lehonon ni Debata ma jabu tu akka halak na so adong pangalu-aluanna.+
Paluaonna ma akka halak na dipenjara jala bahenonna ma nasida mamora.+
Alai bahenonna ma sijogal rukkung* tinggal di luat na harsang.+
8 Hutur-hutur ma tano on,+
Use ma udan sian langit alani Debata.
Hutur-hutur ma Dolok Sinai on alani Debata, Debata ni Israel.+
9 Ale Debata, diparo Ho do udan na doras,
Dipatogu Ho do muse bangsom naung loja i.
10 Maringanan do nasida di kemahmu,+
Ale Debata, alani burjum diparade Ho do akka na porlu tu na pogos.
11 Dilehon Jahowa do paretta* tu bangsona.
Akka borua na paboahon barita na uli* dos songon tentara na godang.+
12 Lari do akka raja dohot akka tentarana,+ lari do nasida!
Dohot do akka borua na tinggal di jabu mandapot barang na sian parporangan.+
13 Nang pe modom di labbung ni api unggun* akka bawa,
Alai dapotna do darapati na habongna dos songon perak,
Na ujung ni habongna dos songon mas murni.
16 Hamu akka dolok na timbo,
Boasa ma late roham tu dolok na pinillit ni Debata lao gabe ingananna?+
Disi do Jahowa tinggal saleleng ni lelengna.+
17 Marribu-ribu do kareta porang ni Debata, tung so habilangan do i.+
Ro do Jahowa sian Dolok Sinai tu inganan na badia.+
18 Ale Debata Jahowa,* nakkok do Ho tu inganan na timbo+
Boanonmu do akka tawanan,
Boanonmu do akka jolma na gabe silehon-lehon,+
Gariada diboan Ho do akka sijogal rukkung,+ asa tinggal Ho di tonga-tonga ni nasida sude.
19 Sai puji ma Jahowa, na mamboan bobanta ganup ari,+
Ibana do Debata na sittong na paluahon hita. (Sela)
20 Debata na sittong, i do Debata na paluahon hita,+
Jahowa Tuan Natumimbul i do na paluahon hita sian hamatean.+
21 Diropukkon Debata do ulu ni akka musuna,
Ulu ni akka halak na torus mangulahon dosa.+
22 Didok Jahowa do, “Boanokku do nasida mulak sian Basan.+
Boanokku do nasida mulak sian laut na bagas.
23 Asa boi ho mardalan di ginjang ni mudar ni akka musum,+
Jala asa boi dilaton ni akka biangmu mudar ni nasida.”
24 Ale Debata, diida akka halak do marsurak bangsom,
Marsurak do nasida tikki masuk Debatakku jala Rajakku tu inganan na badia.+
25 Mardalan do akka parende di jolo, mardalan do akka parmusik na mamakke alat musik na martali sian pudi ni nasida.+
Jala mamakke rebana* do akka anak boru di holang-kolang ni nasida.+
26 Puji hamu ma Debata, di tonga-tonga ni punguan na bolon i,
Puji hamu ma Jahowa, hamu na ro sian Mata Mual ni Israel.+
27 Ditaluhon Benjamin+ siappudan i ma nasida disi,
Marsurak ma akka pamimpin ni Juda rap dohot torop halak,
Dohot do muse akka pamimpin ni Zebulon, akka pamimpin ni Naptali.
28 Nungnga diparettahon Debatam asa dilehon gogo tu ho.
Ale Debata, patudu ma gogom songon naung binahenmu tu hami.+
29 Boanon ni akka raja ma silehon-lehon tu Ho,+
Boanon ni nasida ma i tu bagas jorom na di Jerusalem.+
30 Songgak ma akka binatang buas na di ramba-ramba,
Songgak ma akka lombu jantan+ na marpungu dohot akka anakna,
Asa marsomba akka bangso, jala boanon* ni nasida ma perak,
Alai bahen ma marserak akka bangso na jotjot marporang.
31 Diboan ma sian Mesir akka barang na sian perunggu,*+
Hatop ma ro halak Kus mamboan silehon-lehon tu Debata.
32 Hamu akka raja na di tano on, marende ma hamu tu Debata,+
Marende ma hamu lao mamuji* Jahowa, (Sela)
33 Mamuji Ibana na hundul di kareta porangna, di langit na untimbo naung adong sian najolo.+
Bege hamu ma soarana na massai gogo, na dos songon ronggur.
34 Puji ma Debata, ai na gogo do Ibana.+
Dipatudu Ibana do gogona sian langit,*
Marhuaso do Ibana tu saluhut Israel.
35 Longang do roha tikki ro Debata sian ingananna na badia.+
Ibana do Debata ni Israel,
Na mangalehon gogo dohot huaso tu bangsona.+
Sai dipuji ma Debata.
Tu pamimpin ni akka parende: Na dibahen mangihutton ende “Bunga Lili”. Sian si Daud.
69 Ale Debata, palua ma au, bagas hian do aek on, nga naeng lonong au.+
2 Nungnga lonong au tu bagasan gambo, dang adong tano sidegeon.+
Nungnga lonong au tu aek na bagas,
Jala diauppon aek na doras do au.+
3 Nungnga loja au ala sai jou-jou,+
Sappe mahiang nama aru-arukku,
Jala nungnga loja matakku paima-imahon Debatakku.+
4 Godang do akka halak na marsogo ni roha tu au, hape so adong salakku+
Unggodang do nasida sian obukku
Lam godang do akka musukku na licik,*
Naeng dipamate nasida do au,
Dipaksa do au paulakkon akka na so hea hutakko.
5 Ale Debata, takkas do diboto Ho na oto do au,
Dang buni dosakku sian Ho.
6 Ale Jahowa Tuan Natumimbul, Pamimpin ni Akka Tentara,*
Unang ma loas alani au gabe maila akka halak na maima-ima tu Ho.
Ale Debata ni Israel,
Unang ma loas alani au gabe marlea akka halak na mangalului Ho.
8 Gabe hira na so ditanda haha anggikku ma au,
Gabe hira halak na asing ma au di akka anak ni omakku.+
9 Holong ni rohakku tu jabumi dos songon api na marsigorgor,+
Nungnga hutaon rehe-rehe ni halak na mangarehei Ho.+
10 Tikki marpuasa au lao patutoru dirikku,*
Gabe dileai do au.
11 Tikki hupakke abit goni,
Gabe direhe-rehei* nasida do au.
12 Dipahata-hata akka halak na hundul di gerbang ni kota do au,
Tikki marende akka parmabuk, au do na dileseng-lesengi.
13 Sai anggiat ma sahat tu Ho tangiakku,
Ale Jahowa, sai anggiat ma olo Ho manangihon i.+
14 Tarik ma au sian gambo,
Asa unang lonong au.
Palua ma au sian akka halak na marsogo ni roha tu au,
Jala tarik ma au sian aek na bagas.+
15 Unang ma pasombu au maup dibahen aek na doras,+
Unang pasombu au lonong tu aek na bagas,
Jala unang ma pasombu au madabu tu lubang.+
16 Ale Jahowa, alusi ma au, ai denggan do holong ni roha* na pinatudum.+
Hatop ma alusi au, ai nungnga mandele au.+
18 Ro ma Ho manjonok tu au, palua ma au.
Tobus ma au sian akka musukku.
19 Diida Ho do au direhei, dileai, jala dipaila,+
Diida Ho do sude musukku.
20 Haccit do rohakku ala dileai au, jala dang tarubatan be i.
Tarpaima do au adong na marasi ni roha tu au, hape dang adong.+
Tarpaima do au adong na mangapuli au, hape dang adong.+
22 Sai gabe jorat ma pesta* ni nasida i tu nasida,
Sai anggiat ma tarjorat nasida alani hamoraon ni nasida.+
23 Bahen ma golap mata ni nasida asa unang boi nasida marnida.
Sai anggiat ma gale-gale gotting ni nasida.
24 Usehon ma murukmi tu nasida,
Jala lok ma suda nasida alani rimasmu na marsigorgor.+
25 Lok ma tarulang perkemahan ni nasida,
Sai unang ma adong na mangingani kemah ni nasida.+
26 Ai dilele nasida do halak na niattukmu,
Jala dipahata-hata nasida do sitaonon ni halak na lukka dibahen Ho.
27 Sai unang ma dohot nasida makkilala akka pambahenanmu na sittong i,
Lok ma dihukum nasida alani dosa ni nasida.
28 Lok ma disesa goar ni nasida sian bukku hangoluan,+
Jala sai unang ma disurat goar ni nasida rap dohot goar ni halak na tigor marroha.+
29 Alai susa do au jala haccit do huhilala,+
Ale Debata, sai anggiat ma huasom na paluahon au jala na manjaga au.
30 Dung i marende ma au mamuji goar ni Debata,
Jala mandok mauliate ma au tu Ibana lao pasangappon Ibana.
31 Ai dumenggan do i di Jahowa sian lombu jantan,
Dumenggan do i sian lombu jantan na poso jala na mokmok.+
32 Idaon ni halak na lambok roha ma i jala marlas ni roha ma nasida,
Hamu akka halak na mangalului Debata, sai anggiat ma dipatogu rohamuna.
33 Ai tangihonon ni Jahowa do angguk-angguk ni halak na pogos,+
Jala dang leas rohana tu bangsona na ditawan.+
34 Sai pujion ni langit dohot tano on ma Ibana,+
Sai pujion ni laut dohot nasa isina ma Ibana.
35 Ai paluaon ni Debata ma Sion,+
Jala pajongjongonna ma muse akka kota na di Juda,
Asa tinggal nasida disi jala gabe appuna ni nasida ma luat i.
36 Pinoppar ni akka naposona ma nappuna i,+
Jala maringanan ma disi akka halak na makkaholongi goarna.+
Tu pamimpin ni akka parende. Sipaingot na sian si Daud.
70 Ale Debata palua ma au,
Ale Jahowa, hatop ma Ho ro mangurupi au.+
2 Sai anggiat ma halak na naeng pamatehon au,
Gabe maila jala marlea,
Sai anggiat ma akka halak na las rohana mangida au marjea,
Gabe lari ala nungnga maila.
3 Sai anggiat ma akka halak na mangaleai au,
Gabe lari jala maila.
4 Alai sai anggiat ma akka halak na mangalului Ho,
Gabe marlas ni roha situtu alani Ho.+
Sai anggiat ma akka halak na paima-imahon haluaon na sian Ho toktong mandok,
“Sai dipasangap ma Debata!”
71 Ale Jahowa, tu Ho do au marlinggom.
Unang ma loas au dipaila.+
2 Urupi ma au jala palua ma au, ai na tigor do pambahenanmu.
Patinggil ma pinggolmu tu* au jala urupi ma au.+
3 Sai Ho ma na gabe dolok batu di au,
Asa boi au toktong ro tusi.
Suru ma asa dipalua au,
Ai Ho do dolok batu dohot benteng di au.+
4 Ale Debatakku, palua ma au sian tangan ni akka parjahat+
Sian halak na manusai jala na so tigor tikki mangadili.
5 Ale Jahowa Tuan Natumimbul, tu Ho do au marhaposan.
Pos do rohakku tu Ho mulai sian tikki poso dope au.+
6 Mulai sian na tubu au, Ho do na mangurupi au.
Sai pujiokku do Ho toktong.
7 Nang pe longang roha ni godang halak mangida au,
Alai Ho do inganan parlinggomakku na togu.
8 Ganup ari do pamanganku mamuji Ho,+
Hupaboa do taringot hasangaponmu.
10 Dipahata-hata akka musukku do au,
Jala sahata do nasida lao pamatehon au.+
11 Didok nasida do, “Nungnga ditinggalhon Debata ibana.
Beta talele jala tatakkup ma ibana, ai dang adong be na paluahon ibana.”+
12 Ale Debata, unang ma mandao Ho sian au.
Ale Debatakku, hatop ma Ho ro mangurupi au.+
13 Sai anggiat ma halak na mangalo au,
Gabe dipaila jala suda.+
Sai anggiat ma halak na naeng mambahen au marjea,
Gabe dipaila jala dibahen marlea.+
14 Alai molo au, sai toktong do hupaima Ho,
Pujiokku do Ho jala lam jotjot do Ho hupuji.
15 Hatahonon ni pamanganku ma taringot ulaonmu na sittong i.+
Ganup ari do paboaokku taringot pambahenanmu lao paluahon au,
Nang pe dang habilangan au i jala dang taretong au.+
16 Ale Jahowa Tuan Natumimbul, paboaokku ma taringot ulaonmu na balga i,
Paboaokku ma taringot ulaonmu na sittong i,
Holan taringot ulaonmu na sittong i do paboaokku.
17 Ale Debata, nungnga diajari Ho au mulai sian tikki poso dope au,+
Jala sahat tu saonari torus do hubaritahon akka ulaonmu na palongang roha.+
18 Ale Debata, unang ma tinggalhon au nang pe nungnga matua jala ubanon au,+
Asa boi hupaboa taringot huasom tu pinoppar na naeng ro,
Jala hupaboa taringot ulaonmu na palongang roha tu sude halak na so tubu dope.+
19 Ale Debata, nungnga diulahon Ho akka ulaon na balga.+
Diulahon Ho do godang ulaon na sittong, pola do sahat i tu langit.
Ale Debata, ise ma na songon Ho?+
20 Nang pe dibahen Ho au makkilala godang sitaonon dohot jea,+
Pangolu ma au muse,
21 Sai tambai ma hasangapokku,
Jaga ma au jala apuli ma au.
22 Dung i pujiokku ma Ho mamakke akka alat musik na martali,
Ai setia do Ho ale Debatakku.+
Marende ma au mamuji* Ho huhut marharpa,
Ale Debata Nabadia ni Israel.
23 Tikki marende au mamuji Ho, hupagogo do soarakku ala marlas ni roha.+
24 Hatahonon ni pamanganku* do taringot pambahenanmu na sittong i ganup ari,+
Ai na lao dipaila jala marlea+ do akka halak na naeng pamatehon au.
Taringot tu si Salomo.
72 Ale Debata, bahen ma asa diihutton raja i hatigoranmu tikki mangadili,
2 Sai anggiat ma dibahen ibana na sittong lao mambela bangsom,
Jala sai anggiat ma dibahen ibana na tigor tu akka na pogos.+
3 Sai anggiat ma dihilala bangsom hadameon alani akka dolok,
Jala sai anggiat ma diparo dolok-dolok akka na sittong tu nasida.
4 Sai anggiat ma dibela ibana* akka na dangol na adong di tonga-tonga ni bangso i.
Sai anggiat ma dipalua ibana akka na pogos,
Jala sai anggiat ma dibahen ibana hancur akka panipu.+
5 Pasangapon ni nasida ma Ho saleleng adong dope mataniari,
Saleleng adong dope bulan,
Sahat tu saleleng ni lelengna.+
6 Dos ma ibana songon udan na use tu akka rumput.
Dos songon udan na mambahen maraek tano on.+
7 Saleleng mamaretta ibana, gabe lam denggan ma ngolu ni* halak na tigor marroha,+
Dos ma nasida songon suan-suanan na lomak.
Jala gok ma hadameon+ sahat tu na so adong be bulan.
8 Na lao mamaretta ma ibana mulai sian laut na di timur sahat tu laut na di barat.
Jala na lao mamaretta ma ibana mulai sian Sunge Euprat sahat tu ujung ni tano on.+
9 Marsinggang ma tu ibana akka halak na tinggal di gurun.
Jala taluhonon ni raja i ma akka musuna.+
10 Lehonon ni akka raja na sian Tarsis dohot na sian akka pulo ma pajak* tu ibana.+
Boanon ni akka raja na sian Syeba dohot na sian Seba ma silehon-lehon tu ibana.+
11 Marsinggang ma sude raja tu ibana,
Jala sude ma bangso mangoloi ibana.
12 Ai paluaonna do akka halak na pogos na jou-jou mangido asa diurupi,
Jala paluaonna do akka na dangol dohot na so adong pangalu-aluanna.
13 Asi do rohana tu halak na dangol dohot tu halak na pogos,
Jala dijaga ibana do ngolu ni halak na pogos.
14 Paluaonna do nasida sian akka halak na manusai nasida dohot sian halak na kejam,
Ai arga do ngolu* ni nasida di ibana.
15 Sai anggiat ma ganjang umur ni raja i jala dilehon tu ibana mas na sian Syeba.+
Sai anggiat ma ditangiakkon akka halak ibana,
Jala toktong ma ibana dipasu-pasu.
16 Godang ma tubu sipanganon di ladang,+
Haru di pussu ni dolok pe godang do tubu suan-suanan.
Ramos do parbuena songon na di Tombak Libanon.+
Jala lam godang ma akka halak na di kota dos songon suan-suanan na di tano on.+
17 Sai anggiat ma martahan goarna saleleng ni lelengna,+
Sai anggiat ma lam tarbarita goarna saleleng adong dope mataniari.
Sai anggiat ma dapotan pasu-pasu akka halak alani ibana.+
Jala sai anggiat ma saluhut bangso mandok ibana marlas ni roha.
18 Sai dipuji ma Debata Jahowa, Debata ni Israel,+
Holan Ibana do na mambahen akka ulaon na palongang roha.+
19 Sai anggiat ma dipuji goarna na sangap i saleleng ni lelengna,+
Sai anggiat ma digohi hasangaponna tano on,+
Amen, Amen.
20 On ma tangiang ni si Daud anak ni si Isai.+
BUKKU NA PATOLUHON
(Psalmen 73-89)
Ende ni si Asap.+
73 Burju do Debata tu halak Israel, tu halak na ias marroha.+
2 Alai molo au, nungnga naeng lilu au,
Nungnga naeng tarsulandit pattu.+
3 Ai cemburu do au tu akka siginjang roha
Tikki huida dame ngolu ni akka parjahat.+
6 Alani i dibahen nasida do ginjang ni roha gabe kalung ni nasida,+
Jala dibahen nasida do ulaon na kejam gabe abit ni nasida.
7 Alani mokmokna sappe sipit nama mata ni nasida,
Dapot nasida do lobi sian na diharappon nasida.
8 Holan na mangarehei do nasida jala dipandok do akka na jahat,+
Dibahen nasida do na kejam tu halak alani ginjang ni roha ni nasida.+
9 Timbo do nasida makkatai, dirippu nasida do naung langit nasida.
Lomo-lomo ni dilana do mandok hatana di tano on.
10 Gabe dohot ma naposo ni Debata mangoloi nasida,
Jala diinum naposo ni Debata ma aek ni nasida na godang i.
11 Didok nasida do, “Dang diboto Debata i.+
Dang diboto Natumimbul i sude na masa on.”
12 Songon i ma na masa tu parjahat, sonang do torus ngoluna.+
Jala tamba do torus artana.+
13 Dang adong gunana hujaga rohakku asa toktong ias,
Jala dang adong gunana hupaias tanganku asa unang marsala.+
15 Alai molo hupaboa i sude,
Na menghianati bangsokku ma au disi.
16 Sai hupikkir-pikkiri ma i asa dapot rohakku,
Alai gabe marsak do au.
17 Ujungna masuk ma au tu inganan ni Debata na badia i,
Gabe huboto ma aha na lao masa tu nasida di ari na naeng ro.
18 Sasittongna dibahen Ho do nasida di inganan na landit.+
Asa madabu nasida jala hancur.+
19 Toppu do nasida hancur.+
Toppu jala ngeri do ujung ni nasida.
20 Ale Jahowa, tikki dungo Ho dang diingot Ho be nasida,
Dos do nasida songon nipi na so diingot be molo dung dungo.
22 Massai oto do au jala dang huattusi manang aha,
Songon binatang na oto do au di jolom.
23 Alai saonari toktong do au rap dohot Ho,
Ditiop Ho do tangan kananku.+
25 Sian sude na adong di surgo, holan Ho do na boi mangurupi au.
Dang adong be na huhalomohon di tano on, asing ni Ho.+
26 Nang pe gabe gale rohakku dohot dagingku,
Alai dipatogu Debata do rohakku,
Ibana do na gabe parbagiananku saleleng ni lelengna.+
27 Alai na lao hancur do sude halak na mandao sian Ho,
Jala na lao dipasuda Ho do* manang ise na so setia tu Ho.+
28 Alai molo au, marlaba do huhilala pajonokkon diri tu Debata.+
Hubahen do Jahowa Tuan Natumimbul i gabe inganan parlinggomakku,
Lao paboahon sude pambahenanna.+
74 Ale Debata, boasa ma ditinggalhon Ho hami saleleng ni lelengna?+
Boasa ma tarrimas Ho tu biru-biru na diparmahani Ho?+
Ingot ma Dolok Sion ingananmi.+
3 Lao ma Ho mangida inganan naung leleng maruppak i.+
Nungnga diruppakkon musu be sude na adong di inganan na badia i.+
4 Marsurak do musum di bagas jorom.*+
Dibahen nasida do disi tanda na patuduhon naung monang nasida.
5 Dos ma nasida songon halak na manaba hau mamakke kampak di harangan.
6 Disegai nasida do sude ukiran na di bagas joromi+ mamakke kampak dohot linggis.
7 Ditutung nasida do ingananmu na badia i.+
Gabe ramun* do dibahen nasida tabernakel na pasangappon goarmi,
Diruppakkon nasida do i sappe tu tano.
8 Didok nasida dohot pinoppar ni nasida do di bagasan roha ni nasida,
“Ikkon ditutung do sude inganan lao manomba Debata na adong di luat on.”
9 Dang adong tanda na boi idaonnami,
Dang adong be akka panurirang,*
Jala dang adong sian hami na mamboto sappe andigan hami songon on.
10 Ale Debata, sadia leleng nai do akka musum sai mangarehei Ho?+
Torus nama leas roha ni musum tu goarmi?+
11 Boasa ma sai mangaloppit tangan Ho?
Angkat ma tanganmu na gogo i+ lao pamatehon nasida.
12 Alai tahe, Debata do Rajakku sian najolo,
Ibana do Sipalua na umgogo di tano on.+
13 Gabe margalumbang do laut alani gogom.+
Diropukkon Ho do ulu ni akka binatang raksasa na di laut.
14 Diropukkon Ho do ulu ni Lepiatan.*
Jala dibahen Ho do i allangon ni akka halak na tinggal di gurun.
15 Ho do na mambahen mata mual dohot akka sunge,+
Jala Ho do na mambahen koring akka sunge na godang aekna.+
16 Ho do nappuna arian dohot borngin.
Ho do na mambahen na tiur dohot mataniari.+
17 Ho do na mambahen sude batas na adong di tano on.+
Ho do na mambahen musim panas dohot musim dingin.+
18 Ale Jahowa, ingot ma songon dia akka musum sai mangarehei Ho,
Leas do roha ni bangso na oto i tu goarmu.+
19 Unang ma pasahat anduhurmi tu binatang buas.
Jala unang ma lupahon bangsom na susa i.
20 Ingot ma parjanjian na dibahen Ho tu hami.
Ai nungnga tung gok akka halak na kejam di inganan na golap di tano on.
22 Ale Debata, ro ma Ho jala bahen ma na tigor.
Ingot ma songon dia bangso na oto on mangarehei Ho ganup ari.+
23 Unang ma lupa Ho tu na nidok ni akka musum.
Lam gogo do marsurak akka halak na mangalo Ho.
Tu pamimpin ni akka parende. Na dibahen mangihutton ende “Unang ma Bahen Au Hancur”. Sian si Asap.+
75 Mandok mauliate ma hami tu Ho, ale Debata, mandok mauliate ma hami tu Ho.
Jala dipaboa akka halak do taringot ulaonmu na palongang roha.
2 Didok Ho do, “Bahenokku do na tigor tikki mangadili,
Di tikki naung hutottuhon.
3 Tikki hutur-hutur tano on dohot sude pangisina,
Hubahen do togu akka tiang ni tano on.” (Sela)
4 Hudok do tu siginjang roha, “Unang ma ginjang roham,”
Jala hudok do tu akka parjahat, “Unang ma anggar jago ho ala gogo ho.*
5 Unang ma anggar jago ho ala gogo ho,*
Jala unang ma teal ho makkatai.
6 Ai dang sian timur, sian barat,
Manang sian selatan ro hasangapon.
7 Debata sandiri do na gabe Hakim.+
Boi do dipatutoru Ibana halak, jala boi do dipatimbo Ibana na asing.+
8 Ai nungnga ditiop Jahowa makkuk panginuman,+
Makkuk na marisi anggur na margumo jala na marcampur.
9 Alai molo au, paboaokku ma taringot ulaon ni Debata saleleng ni lelengna.
Marende ma au mamuji* Debata ni si Jakkob.
10 Ai didok Ibana do, “Bahenokku ma dang margogo be* halak na jahat.
Alai lam margogo ma bahenokku* halak na tigor marroha.”
Tu pamimpin ni akka parende. Na diendehon mardongan alat musik na martali. Ende ni si Asap.+
3 Diponggolhon Ibana do disi akka anak panah na marapi,
Perisai, podang, dohot sinjata porang.+ (Sela)
4 Ale Debata marsinondang do Ho,
Ussangap do Ho sian akka dolok inganan ni binatang buas.
5 Nungnga dirampok be akka halak na barani.+
Nungnga mate be nasida,
Jala dang margogo be sude tentara ni nasida.+
6 Ale Debata ni si Jakkob,
Ala disonggak Ho akka halak na markareta porang dohot hodana, gabe mate ma nasida.+
7 Holan Ho do sihabiaran.+
Ise ma na tolap jongjong tikki muruk Ho?+
8 Dipaboa Ho do keputusanmu sian surgo.+
Gabe mabiar ma tano on jala hohom+
9 Tikki ro Debata lao mangadili,
Lao paluahon sude halak na lambok roha di tano on.+ (Sela)
10 Molo muruk jolma, gabe dipuji do Ho.+
Jala manang aha pe na parpudi sahali dibahen jolma lao papuasson rimasna, parohon sangap do i tu Ho.
11 Marsumpa ma hamu tu Jahowa Debatamuna jala garar ma i,+
Lok ma sude halak na di sakalilingna makkabiari Ibana jala mamboan silehon-lehon tu Ibana.+
12 Gabe marlea do bahenonna akka pamimpin na ginjang roha,
Jala bahenonna do mabiar akka raja na di tano on.
Tu pamimpin ni akka parende. Jedutun.* Ende ni si Asap.+
77 Hupagogo ma soarakku lao jou-jou tu Debata,
Jou-jou ma au tu Debata jala tangihononna ma au.+
2 Tikki susa au, hulului do Jahowa.+
Tikki borngin, dang marnaloja au mangangkat tanganku lao martangiang tu Ibana.
Alai dang tarapul dope rohakku.
4 Dang diloas Ho pippit matakku,
Marsak do au jala dang boi be makkatai.
5 Gabe huingot ma akka ari naung salpu,+
Akka taon naung leleng salpu.
6 Tikki borngin, huingot ma endekku,*+
Hupahusor-husor ma di bagasan rohakku,+
Jala hurimangi ma i sude.
7 Saleleng ni lelengna nama Jahowa maninggalhon hami?+
Na so asi be rohana tu hami?+
8 Na so olo be Ibana patuduhon holong ni rohana* tu hami?
Tung pasombuonna do dang adong be na mangida saut janjina i?
9 Naung lupa do Debata patuduhon asi ni rohana tu hami?+
Naung muruk hian do Ibana sappe dang asi be rohana tu hami? (Sela)
10 Sai hudok do, “On ma na mambahen au susa:+
Dang olo be Natumimbul i mangurupi hami.”
11 Alai huingot ma akka ulaon ni Jahowa,*
Huingot ma akka ulaonna na palongang roha di tikki naung salpu.
12 Hurimangi ma sude pambahenanmu,
Jala hupahusor-husor ma di rohakku akka ulaonmu.+
13 Ale Debata, badia do akka dalanmu.
Dang adong debata na songon Ho, ale Debata.+
14 Ho do Debata na sittong, na mambahen akka ulaon na palongang roha.+
Dipatudu Ho do huasom tu akka bangso.+
15 Marhite huasom,* dipalua Ho do bangsom.+
Dipalua* Ho do akka anak ni si Jakkob dohot anak ni si Josep. (Sela)
16 Ale Debata, diida aek do Ho.
Diida aek do Ho, jala gabe margalumbang ma i.+
Dohot do aek na bagas gabe margalumbang.
17 Use ma aek sian ombun.
Tarbege ma soara ni ronggur sian langit na makkolom,
Jala diparo Ho ma sillam tusan tuson dos songon anak panah na ditembakkon.+
18 Songon soara ni kareta porang do soara ni ronggurmu.+
Gabe tiur do tano on alani sillammu,+
Jala gabe hutur-hutur ma tano on.+
20 Ditogu-togu Ho do bangsom dos songon punguan ni biru-biru,+
Ditogu-togu Ho do nasida marhite tangan ni si Musa dohot si Aron.+
78 Ale bangsokku, tangihon ma parettakku.
Denggan ma tangihon hamu hatakku.
2 Asa hupaboa sada uppasa.
Asa hupaboa tudos-tudos naung adong sian najolo.+
3 Akka naung hea tabege jala taboto,
Na dipaboa akka omputta tu hita.+
4 Dang hutabunihon hami i sian akka anak ni nasida,
Paboaonnami do i tu akka halak na so tubu dope+
Paboaonnami ma taringot ulaon ni Jahowa na patut pujion dohot taringot huasona,+
Paboaonnami ma taringot akka ulaonna na palongang roha.+
5 Dibahen Ibana do sipaingot tu si Jakkob
Dilehon Ibana do patik tu halak Israel,
Disuru Ibana do akka ompunami
Paboahon i sude tu akka gelleng ni nasida,+
6 Asa dohot pinoppar na naeng ro mamboto i sude,
Jala dohot akka halak na so tubu dope mamboto i.+
Dung i paboaon ni nasida ma i muse tu akka gelleng ni nasida.+
7 Gabe pos ma roha ni nasida tu Debata.
Dang lupahonon ni nasida be akka pambahenan ni Debata,+
Alai toktong ma nasida mangoloi akka parettana.+
8 Asa unang diihutton nasida akka ompu ni nasida,
Akka halak sijogal rukkung jala na sai mangalo,+
Jala na so setia tu Debata.
9 Adong do panah ni halak Epraim,
Alai lari do nasida di ari parporangan.
11 Dilupahon nasida do akka na binahenna,+
Akka pambahenanna na palongang roha na pinatuduna tu nasida.+
12 Hape nungnga dibahen Ibana akka ulaon na palongang roha di jolo ni akka ompu ni nasida,+
Di tano Mesir, di luat Zoan.+
13 Dibola Ibana do laut i asa boi nasida mardalan,
Jala dibahen Ibana ma jongjong aek i dos songon dinding.+
14 Dibahen Ibana do ombun tikki arian lao manogu-nogu nasida
Jala dibahen Ibana do api tikki borngin asa tiur dalan ni nasida.+
15 Dibola Ibana ma dolok batu di gurun,
Dilehon Ibana ma tu nasida godang aek dos songon aek ni laut,+ asa boi nasida minum sappe puas.
16 Dipakaluar Ibana ma aek sian dolok batu
Jala mardalan ma aek i dos songon aek ni sunge.+
17 Alai sai mardosa do nasida tu Ibana
Dialo nasida do Natumimbul i di gurun.+
18 Dialo nasida do Debata di bagasan roha ni nasida,+
Dipangido nasida do sipanganon na dihalomohon nasida.
19 Dung i dialo nasida ma Debata,
Didok nasida ma, “Boi haroa paradeon ni Debata sipanganon di gurun on?”+
20 Hape nungnga dibola Ibana dolok batu
Asa kaluar aek na doras sian i.+
Alai didok nasida do muse, “Boi haroa lehononna roti tu hita,
Boi haroa paradeonna jagal tu bangso on?”+
21 Tikki dibege Jahowa i gabe muruk ma Ibana tu nasida,+
Diparo Ibana ma api+ lao manutung si Jakkob,
Jala tarrimas ma Ibana tu Israel.+
22 Ai dang porsea nasida tu Debata,+
Dang pos roha ni nasida na boi paluaonna nasida.
23 Gabe dilehon Ibana ma paretta tu langit na makkolom,
Jala dibukka Ibana ma akka pintu ni langit.
24 Dung i turun ma manna lao allangon ni nasida,
Dilehon Ibana do tu nasida sipanganon sian langit.+
26 Marhite huasona diparo Ibana do alogo na sian timur
Jala dibahen Ibana do mangullus alogo na sian selatan.+
27 Diparo Ibana do godang jagal tu nasida dos songon orbuk,
Diparo Ibana do pidong na godangna dos songon pasir di topi ni laut.
28 Dibahen Ibana do mardabuan i sude tu tonga-tonga ni perkemahan ni nasida,*
Di sakaliling ni kemah ni nasida.*
29 Mangan do nasida sappe butong,
Dilehon Debata do sude na dihalomohon nasida.+
30 Alai andorang so puas dope nasida,
Tikki di baba ni nasida dope siallangon i,
31 Gabe muruk ma Debata tu nasida.+
Dipamate Debata ma akka halak na gogo na adong di tonga-tonga ni nasida,+
Jala dipamate ma akka doli-doli ni halak Israel.
32 Nang pe songon i, sai mardosa dope nasida.+
Dang porsea nasida tu akka pambahenanna na palongang roha.+
33 Gabe dipaujung Ibana ma ari-ari ni nasida na dos songon sangombus hosa,+
Jala toppu ma diparo Ibana jea lao paujukkon ngolu ni nasida.
34 Alai molo dung dipamate Debata piga-piga sian nasida, dilului ma Debata.+
Dilului ma Debata jala mulak ma nasida tu Ibana.
35 Diingot nasida ma Debata do Dolok Batu ni nasida+
Jala Debata Natumimbul i do na manobus nasida.+
36 Alai digabusi nasida do Debata
Dipakke nasida do dila ni nasida lao margabus tu Ibana.
37 Dang hot roha ni nasida tu Debata,+
Dang setia nasida tu parjanjian na binahen ni nasida tu Ibana.+
38 Alai parasi roha do Ibana,+
Disesa Ibana do hasalaan ni nasida jala dang dibahen Ibana nasida hancur.+
Jotjot do ditahan Ibana murukna+
Jala dang dipapuas Ibana rimasna.
41 Mulak-ulak do nasida manguji Debata,+
Gabe haccit do roha ni Debata Nabadia ni Israel i dibahen nasida.
42 Dang diingot nasida balga ni huasona,
Tikki dipalua* Ibana nasida sian akka musu.+
43 Dibahen Ibana do akka ulaon na balga di Mesir+
Jala dibahen Ibana do akka halongangan* di luat Zoan.
44 Dibahen Ibana do aek ni Sunge Nil gabe mudar,+
Gabe dang boi be halak Mesir manginum aek sian sunge i.
45 Diparo Ibana do godang lanok lao mambahen nasida susa,+
Jala diparo Ibana do akka katak lao manegai tano ni nasida.+
46 Diparo Ibana do akka sihapor* na mokkus lao mangallangi hasil panen ni nasida,
Jala manegai parbue ni suan-suanan ni nasida.+
47 Diparo Ibana do udan es+ lao manegai hau anggur ni nasida,
Jala diparo Ibana do udan batu lao manegai hau ara ni nasida.
48 Gabe marmatean ma binatang ni nasida na di luar alani udan es i,+
Jala diparo Ibana ma sillam lao pamatehon akka binatang na dipiaro nasida.
49 Gabe muruk ma Ibana tu nasida,
Dibahen Ibana ma nasida susa alani murukna dohot rimasna,
Jala disuru Ibana ma akka suru-suruan parohon jea tu nasida,
50 Dang maralang-alang murukna tu nasida.
Dang dipalua Ibana nasida sian hamatean,
Jala diparo Ibana do sahit lao pamatehon nasida.
51 Ujungna, dipamate Ibana ma sude anak siakkangan ni halak Mesir,+
Dipamate Ibana ma akka anak na parjolo tubu* di kemah ni halak Ham.
52 Dung i diboan Debata ma bangsona kaluar dos songon punguan ni biru-biru,+
Jala ditogu-togu ma nasida di gurun dos songon punguan ni akka binatang.
53 Saleleng ditogu-togu Debata nasida, aman do dihilala nasida,
Dang adong sihabiaran ni nasida,+
Jala diauppon do musu ni nasida tu laut.+
54 Diboan Ibana ma nasida tu luat na badia i,+
Tu inganan na mardolok-dolok naung ditaluhon Ibana marhite tanganna na gogo i.+
55 Diusir Ibana do akka bangso sian jolo ni nasida,+
Dibagi Ibana do parbagianan ni nasida,+
Jala dibahen Ibana do akka marga ni Israel tinggal di jabu ni nasida be.+
56 Alai sai diuji nasida do Debata Natumimbul i, jala dialo nasida do Ibana,+
Dang olo nasida mamparrohahon akka sipaingotna.+
57 Ditinggalhon jala dihianati nasida do Ibana dos songon na binahen ni ompu ni nasida,+
Dang tarharappon be nasida dos songon tali ni panah na kendor.+
59 Diida Debata do i jala muruk ma Ibana,+
Gabe ditinggalhon Debata ma halak Israel.
61 Diloas Ibana do diboan akka musu poti parpadanan i,
Dipasombu Ibana do dibuat tanda ni hasangaponna dohot huasona i.+
62 Diloas Ibana do dipamate bangsona i mamakke podang,+
Gabe muruk do Ibana tu bangso na pinillitna i.
63 Ditutung ma akka doli-doli,
Jala dang adong be na marende tikki muli anak boru.*
65 Ujungna dungo ma Jahowa songon halak na dungo sian na modom,+
Songon bawa na gogo+ na dungo dung minum anggur.
66 Ditaluhon Ibana ma akka musuna,+
Jala dibahen Ibana ma nasida maila saleleng ni lelengna.
67 Ditinggalhon Ibana do kemah ni si Josep,
Jala dang dipillit Ibana marga Epraim.
69 Dibahen Ibana do hot ingananna na badia i dos songon langit,+
Dos songon tano on na hot saleleng ni lelengna.+
70 Dipillit Ibana do si Daud+ naposona,
Jala diboan do ibana sian kandang ni biru-biruna,+
71 Diboan do ibana sian kandang ni inang ni biru-biru na manusui,
Jala dibahen do ibana gabe parmahan ni si Jakkob bangsona,+
Parmahan ni saluhut Israel bangso na pinillitna i.+
Ende ni si Asap.+
79 Ale Debata, nungnga ro akka bangso tu luatmi,+
Dibahen nasida do gabe ramun* bagas jorom na badia i,+
Jala diruppakkon nasida do kota Jerusalem.+
2 Dibahen nasida do bakke ni akka naposom allangon ni akka pidong na di langit,
Jala dilehon nasida do daging ni akka naposom na setia allangon ni binatang buas na di tano on.+
3 Diusehon do mudar ni nasida di saluhut Jerusalem dos songon aek,
Jala dang adong nanggo sahalak pe na mangolu lao makkubur bakke ni nasida.+
4 Gabe direhe-rehei tetangganami ma hami,+
Sude ma halak di sakalilingnami mangalesengi jala mamarekkeli hami.
5 Ale Jahowa, sadia leleng nai do Ho tarrimas? Saleleng ni lelengna nama?+
Sadia leleng nai nama marsigorgor murukmu?+
6 Tu akka bangso na so mananda Ho ma usehon murukmi,
Dohot tu akka harajaon na so manjou goarmu.+
7 Ai nungnga dipamate nasida pinoppar ni si Jakkob,
Jala nungnga gabe tano na harsang hutana.+
8 Unang ma hukum hami alani dosa ni akka ompunami.+
Hatop ma patudu asi ni roham tu hami,+
Ai nungnga mandele hami.
9 Urupi ma hami ale Debata na paluahon hami,+
Urupi ma hami alani goarmu na sangap i,
10 Asa unang didok akka bangso i, “Didia do Debata ni nasida i?”+
Di jolonami, patudu ma tu akka bangso i na dibalos Ho do pambahenan ni nasida,
Ai nungnga diusehon nasida mudar ni bangso on.+
11 Sai tangihon ma orong-orong ni akka halak na tarhurung.+
Pakke ma huasom na balga i* lao paluahon akka halak na naeng dipamate.+
12 Ale Jahowa, baloshon ma pambahenan ni akka tetangganami pitu hali loppit,+
Ai nungnga direhei nasida Ho.+
13 Dung i mandok mauliate ma hami tu Ho saleleng ni lelengna,
Mandok mauliate ma bangsom dohot punguan ni biru-biru na diparmahani Ho,+
Jala pujionnami ma Ho saleleng ni lelengna.+
Tu pamimpin ni akka parende. Mangihutton ende “Bunga Lili”. Sada sipaingot. Ende ni si Asap.+
80 Ale Parmahan ni Israel, tangihon ma,
Ho do na manogu-nogu si Josep dos songon punguan ni biru-biru.+
2 Patudu ma gogom+ di jolo ni marga Epraim, Benjamin, dohot Manasse,
Ro ma Ho jala palua ma hami.+
3 Ale Debata, jalo ma hami muse,+
Sai anggiat ma lomo roham tu hami asa boi hami malua.+
4 Ale Debata Jahowa Pamimpin ni Akka Tentara,* sadia leleng nai do jut roham tu bangsom+
Sadia leleng nai do dang olo Ho manangihon tangiang ni nasida?
5 Dibahen Ho do ilu ni nasida gabe siallangon ni nasida,
Jala dibahen Ho do nasida manginum ilu ni nasida na godang i.
6 Dipasombu Ho do marsigulut akka tetangganami lao mambuat tanonami,
Lomo-lomo ni akka musunami do mangarehei hami.+
7 Ale Debata Pamimpin ni Akka Tentara, jalo ma hami muse,
Sai anggiat ma lomo roham tu hami asa boi hami malua.+
8 Nungnga diboan Ho sada hau anggur+ sian Mesir,
Diusir Ho do akka bangso na asing jala disuan Ho do hau i disi.+
9 Dipaias Ho do tano panuananna,
Gabe marurat ma i jala mardakkai di sude luat i.+
10 Gabe dilinggomi bayanganna ma akka dolok,
Jala ditutup dakkana ma akka hau ares ni Debata.
11 Sahat do akka dakkana tu laut,
Jala sahat do akka rattingna tu Sunge Euprat.+
12 Boasa ma diruppakkon Ho tembok na makkaliangi ladang anggur i?+
Gabe sude do akka halak na lewat sian i mamutik parbuena.+
13 Disegai babi hutan do hau anggur i,
Jala diallangi binatang buas do parbuena.+
14 Ale Debata Pamimpin ni Akka Tentara, mulak ma Ho muse tu hami.
Manatap ma Ho sian surgo jala ida ma tu toru!
Parrohahon ma hau anggur on,+
15 Parrohahon ma batang ni hau na disuan mamakke tanganmu na gogo i,+
Jala tatap ma dakka ni hau* na dibahenmi togu lao pasangappon Ho.+
16 Nungnga ditaba jala ditutung i.+
Nungnga hancur be nasida ala disonggak Ho.
17 Sai urupi ma halak na di sabola kananmi,
Sai urupi ma anak ni jolma naung dibahenmi togu lao pasangappon Ho,+
18 Asa unang mandao hami sian Ho.
Jaga ma hami asa toktong mangolu asa boi hujou hami goarmi.
19 Ale Debata Jahowa Pamimpin ni Akka Tentara, jalo ma hami muse,
Sai anggiat ma lomo roham tu hami asa boi hami malua.+
Tu pamimpin ni akka parende: Mangihutton Gitit.* Sian si Asap.+
81 Marlas ni roha ma marsurak di jolo ni Debata na mangalehon gogo tu hita.+
Marlas ni roha ma marsurak jala puji ma Debata ni si Jakkob.
2 Marmusik ma hamu jala pakke hamu ma rebana,*
Bahen hamu ma musik na tabo begeon mamakke harpa dohot akka alat musik na martali.
4 Ai i do paretta tu halak Israel,
Aturan na binahen ni Debata ni si Jakkob.+
Adong do soara* na so hutanda mandok,
7 Tikki susa ho, dijou ho do Au jala hupalua do ho.+
Huuji do ho di Mual Meriba.*+ (Sela)
8 Ale bangsokku, tangihon ma Au asa hupodai Ho.
Ale Israel, sai olo ma nian ho manangihon Au.+
9 Unang ma adong debata na asing di tonga-tongam,
Jala unang ma marsomba ho tu debata na asing.+
10 Au do Jahowa Debatam,
Na mamboan ho kaluar sian Mesir.+
Bukka ma pamanganmu asa hulehon ho mangan sappe butong.+
11 Alai dang olo bangsokku manangihon soarakku,
Dang olo Israel mangoloi Au.+
12 Gabe hupasombu ma jogal ate-ate ni nasida,
Jala diulahon nasida ma na sittong di roha ni nasida.+
14 Hatop ma Au ro manaluhon musu ni nasida,
Jala taluhonokku ma musu ni nasida mamakke tanganku.+
15 Ro ma tu jolo ni Jahowa manang ise na marsogo ni roha tu Ibana,
Hitir-hitir ma nasida alani biarna jala dihukum ma nasida saleleng ni lelengna.
16 Alai lehonokku ma gandum na dumenggan*+ lao allangonmu,*
Jala allangonmu ma madu na sian dolok batu sappe butong.”+
Ende ni si Asap.+
82 Jongjong do Debata di inganan parpunguanna,+
Tikki mangadili Ibana di tonga-tonga ni akka debata* didok Ibana do,+
2 “Sadia leleng nai do bahenonmuna na so tigor tikki mangadili+
Jala dibela hamu halak na jahat?+ (Sela)
3 Bela* ma halak na dangol dohot halak na so marama.+
Bahen ma na tigor tu halak na so adong pangalu-aluanna dohot tu halak na pogos.+
4 Palua ma halak na dangol dohot halak na pogos,
Palua ma nasida sian tangan ni halak na jahat.”
5 Dang diboto akka hakim i agia aha, dang diattusi nasida agia aha.+
Di na holom do nasida mardalan,
Dang adong be na mangulahon na tigor jala dang adong be na mangargai Patik.*+
7 Alai ikkon mate do hamu songon halak na asing,+
Jala ikkon marujung do ngolumuna songon pamimpin na asing!’”+
8 Ale Debata, ro ma Ho jala adili ma tano on,+
Ai appunam do saluhut bangso.
Ende ni si Asap.+
83 Ale Debata, unang ma sai sip Ho.+
Ale Pargogo na So Hatudosan, unang ma sai hohom Ho jala jongjong mamereng-mereng.
2 Ida ma! Gaor do akka musum.+
Ginjang do roha ni akka halak na marsogo ni roha tu Ho.
3 Licik do nasida, marsakkap do nasida mangalo bangsom.
Sahata do nasida mangalo akka halak na dihaholongi* Ho.
4 Didok nasida do, “Beta, tapamate ma saluhut bangso i,+
Asa unang adong be na mangingot goar ni Israel.”
5 Marsada do nasida lao mambahen rencana,
Marsada* do nasida lao mangalo Ho,+
6 Marsada do halak Edom, pinoppar ni si Ismael, halak Moab,+ halak Agri,+
7 Halak Gebal, halak Ammon,+ dohot halak Amalek,
8 Jala dohot do halak Asiria+ marsada rap dohot nasida,
Diurupi nasida do akka pinoppar ni si Lot.+ (Sela)
9 Bahen ma tu nasida songon na binahenmu tu halak Midian,+
Songon na binahenmu tu si Sisera dohot tu si Jabin di Sunge* Kison.+
10 Dipamate do nasida di En-dor,+
Jala gabe pupuk do nasida tu tano.
11 Bahen ma akka pamimpin ni nasida gabe songon si Oreb dohot si Seb,+
Jala bahen ma akka pejabat ni nasida gabe songon si Sebah dohot si Salmunna.+
12 Ai didok nasida do, “Tabuat ma luat inganan ni Debata.”
13 Ale Debata, bahen ma nasida gabe songon ramba na marsuga na dihabangkon,+
Bahen ma nasida dos songon durame na diulusson alogo.
14 Dos songon api na manutung harangan,
Dos songon api na marsigorgor na manutung akka dolok,+
15 Sai paro ma alogo na gogo lao mangalele nasida,+
Sai paro ma halisuksung lao mambahen nasida mabiar.+
16 Bahen ma nasida marlea,
Asa dijou nasida goarmu, ale Jahowa.
17 Sai anggiat ma dipaila nasida jala mabiar saleleng ni lelengna,
Sai anggiat ma nasida marlea jala hancur.
18 Asa diboto nasida Ho do na margoar Jahowa,+
Holan Ho do Natumimbul di saluhut tano on.+
Tu pamimpin ni akka parende: Mangihutton Gitit.* Ende ni pinoppar ni si Kora.+
2 Masihol do au tu alaman ni jabu ni Jahowa,+
Massai sihol do rohakku,
Marsurak do au sian nasa rohakku dohot sian nasa gogokku di jolo ni Debata na mangolu i alani las ni rohakku.
3 Ale Rajakku jala Debatakku,
Haru pidong pe adong do asarna disi.
Burung walet pe disi do marasar rap dohot anakna
Di jonok ni langgatanmu na sangap i, ale Jahowa Pamimpin ni Akka Tentara.
4 Marlas ni roha ma halak na tinggal di jabumi!+
Toktong do dipuji nasida Ho.+ (Sela)
5 Marlas ni roha ma halak na dapotan gogo sian Ho,+
Halak na lomo rohana lao tu jabum.
6 Tikki lewat nasida sian Rura Baka,*
Didok nasida do i inganan ni mata mual,
Jala dapotan pasu-pasu do rura i sian musim udan na parjolo.*
7 Lam leleng nasida mardalan, lam gogo do nasida,+
Sude do nasida manatap tu Debata na di Sion.
8 Ale Debata Jahowa Pamimpin ni Akka Tentara, tangihon ma tangiakku,
Tangihon ma, ale Debata ni si Jakkob. (Sela)
10 Ai dumenggan do sadari di alaman ni jabum sian apala saribu ari di inganan na asing!+
Tumagon do au jongjong di pintu ni jabu ni Debatakku,
Sian apala tinggal di kemah ni parjahat.
11 Ai dos songon mataniari+ dohot perisai do Debata Jahowa,+
Dipatudu Ibana do haburjuon dohot hasangapon.
Dang holit Jahowa mangalehon na denggan tu halak na setia tu Ibana.+
12 Ale Jahowa Pamimpin ni Akka Tentara,
Marlas ni roha ma akka halak na marpos ni roha tu Ho.+
Tu pamimpin ni akka parende. Ende ni pinoppar ni si Kora.+
85 Ale Jahowa, asi do roham tu pangisi ni luatmi,+
Diboan Ho do mulak pinoppar ni si Jakkob na ditawan i.+
2 Dilupahon Ho do hasalaan ni bangsom,
Disesa Ho do sude dosa ni nasida.+ (Sela)
3 Ditahan Ho do rimasmu,
Jala dang muruk be Ho.+
5 Tarrimas nama Ho tu hami saleleng ni lelengna?+
Muruk nama Ho tu hami saleleng ni lelengna?
6 Patogu ma hami muse
Asa boi bangsom marlas ni roha alani Ho.+
8 Begeokku do hata ni Jahowa Debata na sittong i,
Ai paboaonna do taringot hadameon tu bangsona,+ akka naposona na setia,
Alai unang ma loas nasida mangasahon diri ni nasida sandiri songon najolo i.+
9 Rade do Debata paluahon akka halak na makkabiari Ibana,+
Asa toktong tinggal hasangaponna i di hutatta.
10 Pajuppang ma holong ni roha* dohot roha na setia,
11 Martunas ma roha na setia di tano on,
Jala marsinondang ma hatigoran sian langit.+
13 Mardalan ma hatigoran di jolona,+
Jala diparade hatigoran i ma dalan tu Ibana.
Tangiang ni si Daud.
86 Ale Jahowa, patinggil ma pinggolmu jala alusi ma au,
Ai na dangol do au jala na pogos.+
2 Jaga ma ngolukku, ai setia do au.+
Palua ma naposomon na marpos ni roha tu Ho,
Ai Ho do Debatakku.+
4 Bahen ma marlas ni roha naposomon,
Ai tu Ho do hupasahat ngolukku, ale Jahowa.
5 Ale Jahowa, na burju do Ho+ jala rade manalpuhon hasalaan.+
Sai dipatudu Ho do holong ni roham* tu sude halak na jou-jou tu Ho.+
9 Ro ma sude bangso na binahenmi, ale Jahowa,
Ro ma nasida jala marsomba tu jolom,+
Pasangapon ni nasida ma goarmi.+
11 Ajari ma au taringot dalanmi, ale Jahowa.+
Asa mardalan au di dalanmu na sittong i.+
Urupi ma au pasangappon goarmi sian nasa rohakku.*+
12 Ale Jahowa Debatakku, pujiokku ma Ho sian nasa rohakku,+
Jala pasangapokku ma goarmu saleleng ni lelengna.
13 Ai balga do holong ni roha* na pinatudum tu au,
14 Ale Debata, ro do akka siginjang roha mangalo au,+
Ro do akka halak na kejam naeng pamatehon au,
Dang parduli nasida tu Ho.+
15 Alai Debata na burju jala parasi roha do Ho, ale Jahowa,
Setia do Ho, lambat do Ho tarrimas jala gok do holong ni roha* na pinatudum.+
16 Tatap ma au jala asi ma roham tu au.+
17 Patudu ma haburjuonmi tu au,
Asa sude halak na marsogo ni roha tu au mangida i jala gabe maila.
Ai Ho do na mangurupi au jala na mangapuli au, ale Jahowa.
Ende ni pinoppar ni si Kora.+
87 Di dolok na badia do fondasi ni kota ni Debata.+
2 Umholong do roha ni Jahowa tu gerbang ni Sion+
Sian tu sude kemah ni si Jakkob.
3 Ale kota ni Debata na sittong, godang do akka na palongang roha diceritahon halak taringot ho.+ (Sela)
4 Dohonokku ma Rahab*+ dohot Babel bangso na mananda Au,
Dohot do Palistim, Tirus, dohot Kus mananda Au.
Songon on ma didok taringot nasida, “Disi do nasida tubu.”
5 Jala songon on ma didok taringot Sion,
“Disi do tubu sude halak.”
Jala togu do i bahenon ni Natumimbul i.
6 Tikki dibahen daftar ni akka bangso didok Jahowa ma,
“Disi do nasida tubu.” (Sela)
7 Dohonon ni akka parende+ dohot panortor+ ma,
“Sian Ho do sude na adong di au.”+
Tu pamimpin ni akka parende. Na dibahen tu Mahalat,* na diendehon marsialus-alusan. Ende ni pinoppar ni si Kora.+ Maskil* ni si Heman+ pinoppar ni si Esrahi.
88 Ale Jahowa, Debata na paluahon au,+
Jou-jou do au tu Ho tikki arian,
Jala ro do au tu jolom tikki borngin.+
3 Ai massai godang do hasusaakku,+
Jala nungnga naeng masuk au tu Kuburan.*+
4 Nungnga dos au songon halak naung masuk tu tanoman,+
Jala dang margogo be au,+
5 Dipasombu Ho do au tinggal rap dohot na mate,
Dos songon halak na dipamate na peak di kuburan,
Na so diingot Ho,
Jala na so diparrohahon Ho be.
6 Dibahen Ho do au tu lubang na massai bagas,
Tu inganan na golap, tu lombang na massai bagas.
7 Didondoni rimasmi do au,+
Jala mogap do au dibahen galumbangmu na balga i. (Sela)
8 Dibahen Ho do au gabe ditinggalhon akka donganku,+
Dibahen Ho do nasida magigi tu au.
Nungnga tarhurung au jala dang boi be malua.
9 Rambonon do matakku alani sitaonokku.+
Ale Jahowa, jou-jou do au tu Ho ganup ari,+
Huangkat do tanganku lao martangiang.
10 Bahenonmu dope haroa ulaonmu na palongang roha tu halak naung mate?
Boi dope haroa halak naung mate hehe lao mamuji Ho?+ (Sela)
11 Boi dope haroa dipaboa taringot holong ni rohami* di kuburan?
Boi dope haroa dipaboa taringot pambahenanmu na sittong i di inganan hamagoan?*
12 Boi dope huroha diboto akka ulaonmu na balga i di inganan na holom?
Boi dope huroha diboto hatigoranmi di luat ni halak naung dilupahon?+
13 Hape molo au, jou-jou dope au tu Ho mangido asa diurupi ale Jahowa,+
Ganup manogot martangiang do au tu Ho.+
14 Boasa ma ditadikkon Ho au ale Jahowa?+
Boasa ma dipadao Ho bohim sian au?+
15 Sian mulai gelleng au,
Nungnga marsitaonon au jala nungnga naeng mate.+
Dipasombu Ho do huhilala godang sitaonon jala nungnga tung gale au.
16 Tarrimas do Ho tu au,+
Jala nungnga hancur au, ai dibahen Ho do au mabiar.
17 Ganup ari ro do i makkaliangi au dos songon aek,
Marroan ma i sian sude inganan.
18 Dibahen Ho do au ditinggalhon donganku dohot ale-alekku,+
Inganan na holom i nama na gabe ale-alekku.
Maskil.* Sian si Etan+ pinoppar ni si Esrahi.
89 Sai endehonokku do taringot holong ni roha* na pinatudu ni Jahowa saleleng ni lelengna.
Marhite pamanganku paboaokku do taringot pambahenanmu na sittong saleleng ni lelengna.
2 Ai hudok do, “Martahan do holong ni roha* na pinatudumi saleleng ni lelengna,+
Jala hot do akka pambahenanmu na sittong i di langit.”
3 Didok Ho do, “Nungnga hubahen parjanjian tu halak na hupillit i,+
Nungnga marsumpa au tu si Daud naposokki.+
4 ‘Bahenokku do hot pinopparmu*+ saleleng ni lelengna,
Jala bahenokku do hot tahtam saleleng ni lelengna.’”+ (Sela)
5 Dipuji langit do akka ulaonmu na balga, ale Jahowa.
Jala pujion ni akka na badia i ma pambahenanmu na sittong i.
6 Ai dang adong na songon Ho di langit, ale Jahowa.+
Dang adong akka anak ni Debata+ na songon Jahowa.
7 Sangap do Debata di tonga-tonga ni akka na badia i,+
Jala sude do na di sakalilingna makkabiari Ibana.+
8 Ale Debata Jahowa Pamimpin ni Akka Tentara,* na gogo do Ho.
Jala toktong do Ho setia.+
10 Dihancurhon Ho do Rahab*+ jala dipamate Ho.+
Marhite tanganmu na gogo i, dibahen Ho do marserak akka musum.+
14 Hasittongan dohot hatigoran do fondasi ni tahtam,+
Jala jongjong do di jolom holong ni roha* dohot roha na setia.+
15 Marlas ni roha ma halak na marsurak alani las ni roha.+
Ale Jahowa, asi do roham* tu nasida jala torus do nasida mardalan rap dohot Ho.
16 Marlas ni roha do nasida ganup ari alani goarmu,
Jala dipasangap do nasida alani akka ulaonmu na sittong i.
18 Ai sian Jahowa do perisainami,
Jala sian Debata Nabadia ni Israel i do rajanami.+
19 Najolo marhite parnidaan didok Ho do tu akka naposom na setia,
“Hulehon do huaso tu halak na gogo i,+
Jala hupasangap do halak na hupillit sian tonga-tonga ni bangso i.+
21 Huurupi do ibana marhite tanganku,+
Jala hupatogu do ibana marhite tanganku.
22 Dang adong be musu na manjalo pajak* sian ibana,
Jala dang adong be halak na jahat na manusai ibana.+
23 Hancurhonokku ma akka musuna na di jolona,+
Jala taluhonokku ma akka halak na marsogo ni roha tu ibana.+
24 Toktong do hupatudu holong ni rohakku* tu ibana jala setia do Au tu ibana,+
Lam margogo ma ibana alani goarhu.
25 Bahenokku do tanganna mangarajai laut,
Jala bahenokku do tangan kananna mangarajai akka sunge.+
26 Dung i dohononna ma tu Au, ‘Ho do Bapakku,
Debatakku, dohot Dolok Batu na paluahon au.’+
28 Toktong do patuduokku holong ni rohakku* tu ibana saleleng ni lelengna,+
Jala hot do parjanjiakku tu ibana saleleng ni lelengna.+
29 Bahenokku do hot pinopparna saleleng ni lelengna
Jala bahenokku do hot tahtana songon langit.+
30 Molo dilupahon akka anakna patikku
Jala dang diihutton nasida akka aturanku,
31 Molo dialo nasida hukum na hubahen
Jala dang dioloi nasida parettakku,
32 Hukumokku ma nasida mamakke tukkot ala mangalo nasida,+
Jala lissingokku ma nasida ala marsala nasida.
35 Molo nungnga marsumpa Au, ikkon i do na saut sahat tu saleleng ni lelengna, ai badia do Au,
Na so jadi gabusakku si Daud.+
36 Hot do pinopparna sahat tu saleleng ni lelengna,+
Jala hot do tahtana di jolokku songon mataniari.+
37 Hot do tahtana i saleleng ni lelengna dos songon bulan,
Dos songon saksi na setia di langit.” (Sela)
38 Alai saonari nungnga ditinggalhon Ho ibana jala dibolokkon Ho,+
Muruk situtu do Ho tu halak na pinillitmi.
39 Dang diingot Ho be janji na binahenmu tu naposomi,
Dibahen Ho do ramun* mahkotana, ai disappatton Ho do i tu tano.
40 Diruppakkon Ho do sude tembok* na binahenna,
Jala dihancurhon Ho do bentengna.
41 Sude do halak na lewat mambuat artana,
Jala direhei akka tetanggana do ibana.+
43 Dibahen Ho do dang marguna podangna,
Jala dibahen Ho do talu ibana di parporangan.
44 Dibahen Ho dang sangap be ibana,
Jala disappatton Ho do tahtana tu tano.
45 Dibahen Ho do ibana hatop matua,
Jala dibahen Ho do ibana marlea. (Sela)
46 Sadia leleng nai do Ho martabuni ale Jahowa? Saleleng ni lelengna nama?+
Sadia leleng nai do sai marsigorgor murukmi songon api?
47 Ingot ma parsatokkinan do ngolukkon!+
Na so adong do gunana ditoppa Ho jolma?
48 Adong haroa jolma na mangolu saleleng ni lelengna jala dang boi mate?+
Boi haroa tarpalua jolma dirina sian huaso ni Kuburan?* (Sela)
49 Didia do holong ni roha* na hea pinatudumi ale Jahowa,
Holong ni roha na hea dijanjihon Ho tu si Daud ala setia Ho?+
50 Ale Jahowa, ingot ma songon dia naposomon direhei,
Songon dia au manaon sude rehe-rehe ni jolma.
51 Ingot ma songon dia akka musum mangaleai halak na pinillitmi, ale Jahowa
Ingot ma songon dia nasida mangaleai sude na binahenna.
52 Anggiat ma dipuji Jahowa saleleng ni lelengna. Amen, Amen.+
BUKKU NA PAOPATTON
(Psalmen 90-106)
Tangiang ni si Musa, naposo ni Debata na sittong i.+
90 Ale Jahowa, Ho do inganan parlinggomannami*+ saleleng ni lelengna.
4 Ai saribu taon di hami, dos do i songon nattoari di Ho,+
Songon sahali giliran jaga di tikki borngin.*
5 Diripasson Ho do nasida,+ salpu do nasida songon nipi,
Di manogotna i, songon duhut-duhut na martunas do nasida.+
6 Manogotna i, lam balga jala kabbang ma bungana,
Alai dung borngin, malos ma i jala koring.+
7 Suda do hami alani rimasmu,+
Jala mabiar do hami alani murukmu.
8 Dipeakkon Ho do akka salanami di jolom,*+
Jala tarida do sude rahasianami alani sinondang ni bohimi.+
10 Leleng ni ngolunami 70 taon do,
Manang 80 taon+ ma molo massai gogo.
Alai gok do arsak dohot hasusaan disi.
Hatop do i salpu, jala salpu ma nang hami.+
11 Ise ma na boi mamboto balga ni rimasmi?
Massai balga do murukmu dos songon balga ni biar na patut jaloonmu.+
12 Ajari ma hami mambilangi akka ari-arinami,+
Asa marbisuk rohanami.
13 Mulak ma Ho tu hami, ale Jahowa!+ Sadia leleng nai paimaonnami?+
Asi ma roham tu akka naposomon.+
14 Ganup manogot, sai patudu ma holong ni rohami*+
Asa marsurak hami marlas ni roha jala marsonang-sonang+ saleleng ngolunami.
15 Bahen ma hami marlas ni roha, dos songon leleng ni ari-arinami manaon hasusaan na dibahen Ho,+
Dos songon godang ni akka taon tikki marsitaonon hami.+
16 Sai anggiat ma diida akka naposomi na binahenmu,
Jala sai anggiat ma diida akka anak ni nasida hamuliaonmu.+
17 Sai anggiat ma las roha ni Jahowa Debatanami tu hami,
Jala sai anggiat ma dibahen Ho marhasil ulaon ni tangannami.
I ma tutu, bahen ma marhasil ulaon ni tangannami.+
91 Manang ise na tinggal di inganan rahasia ni Natumimbul i,+
Marborngin ma ibana di toru ni parlinggoman ni Pargogo na So Hatudosan i.+
2 Dohonokku ma tu Jahowa, “Ho do parlinggoman dohot benteng na togu di au,+
Debatakku na huhaporseai.”+
3 Ai linggomanna do ho sian jorat ni panakkup pidong,
Dohot sian sahit na masa di godang inganan na mambahen mate.
Setia do Debata+ tu ho jala i ma na manjaga ho dos songon perisai na balga+ manang tembok partahanan.
5 Dang mabiar ho tu ancaman di tikki borngin,+
Manang tu panah na ditembakkon di tikki arian,+
6 Manang tu sahit na menular na mangintip ho di na golap,
Manang tu hamatean na masa di tonga ari.
7 Tung saribu halak pe madabu di labbungmu,
Jala sappulu ribu halak di sabola kananmu,
Dang na lao masa manang aha tu ho.+
8 Dipanotnoti ho ma i,
Jala idaonmu ma halak na jahat dihukum.*
9 Ai didok ho do, “Jahowa do parlinggomakku,”
Nungnga dibahen ho Natumimbul i gabe ingananmu marlinggom.*+
10 Dang na lao masa haporsuhon tu ho,+
Jala dang adong sahit na lao jonok tu kemahmu.
13 Mardalan ma ho di atas ni singa na marauang dohot ulok kobra,
Jala dege-degeonmu ma singa na ganas dohot ulok na balga.+
14 Didok Debata do, “Ala dihaholongi ibana Au,* paluaokku ma ibana.+
Jagaokku do ibana, ala ditanda* ibana do goarhu.+
15 Jouonna ma Au, jala alusakku ma ibana.+
Donganakku ma ibana di tikki susa.+
Paluaokku ma ibana jala sangap ma ibana bahenokku.
Ende di tikki ari Sabat.
92 Denggan do mandok mauliate tu Jahowa,+
Jala marende mamuji goarmu, ale Natumimbul.
2 Denggan do paboahon holong ni roha*+ na pinatudumi ganup manogot,
Jala paboahon ulaonmu na sittong ganup borngin,
3 Paboaokku ma i mardongan harpa na balga dohot hasapi,
Jala mardongan soara ni harpa na tabo begeon.+
4 Ai dibahen Ho do au marlas ni roha alani akka pambahenanmu, ale Jahowa.
Alani akka ulaon ni tanganmu marsurak do au marlas ni roha.
5 Tung balga situtu do akka ulaonmu, ale Jahowa!+
Tung bagas situtu do akka pikkiranmu!+
6 Dang boi botoon ni halak na so marbisuk i,
Jala dang boi attusan ni halak na oto i.+
7 Nang pe tubu akka parjahat songon ramba-ramba,
Jala lam lomak i,
Na lao dipamate do nasida saleleng ni lelengna.+
8 Alai anggo Ho ale Jahowa, na lao dipasangap do Ho saleleng ni lelengna.
9 Ida ma na lao talu do akka musumi, ale Jahowa,
Na ikkon suda do akka musumi,
Jala na lao marserak do sude halak na jahat.+
10 Alai dibahen Ho do au lam margogo songon* lombu jantan liar.
Didaisson Ho do miak na baru tu kulittu asa lam bagak.+
11 Huida do talu akka musukku,+
Jala hubege do mardabuan akka parjahat na mangalo au.
12 Alai molo halak na tigor marroha, gabe songon hau palem na lam timbo ma i,
Songon hau ares na di Libanon na lam balga.+
13 Dos do nasida songon hau na disuan di jabu ni Jahowa,
Jala lam balga do nasida di alaman ni jabu ni Debatanta.+
14 Nang pe nungnga matua* nasida toktong do marparbue,+
Toktong do togu* jala lomak bulungna,+
15 Paboa ma na tigor do Jahowa.
Ibana do Dolok Batu di au,+ dang adong na so tigor di Ibana.
93 Nungnga gabe Raja be Jahowa!+
Dipakke Ibana do hasangapon gabe abitna,
Jala dipakke Jahowa do gogona gabe pakkeanna,
Dipakke Ibana do i gabe ikat pinggangna.
Togu do tano on,
Jala dang hutur-hutur.
3 Marhasak do akka sunge, ale Jahowa,
Marhasak do akka sunge i jala doras do aekna.
Torus do i marhasak jala tarbege do soara ni aekna na doras i.
4 Alai umgogo do Ho sian soara ni sunge na doras i,
Jala umgogo do Ho sian galumbang ni laut.+
Ale Jahowa, sangap do Ho di surgo.+
5 Boi do dihaporseai akka sipaingotmi.+
Ale Jahowa, massai uli jala badia do jabumi+ saleleng ni lelengna.
94 Ale Debata Jahowa, na mambalos pambahenan ni parjahat,+
Marsinondang ma Ho ale Debata na mambalos pambahenan ni parjahat.
2 Ro ma Ho ale Hakim ni tano on.+
Baloshon ma pambahenan ni akka siginjang roha.+
3 Sadia leleng nai do sai marlas ni roha akka parjahat i?+
Sadia leleng nai do ale Jahowa?
4 Teal do nasida jala lomo-lomona do makkatai.
Parhata manggang do sude parjahat i.
5 Dihancurhon nasida do naposomi, ale Jahowa.+
Jala disiksa nasida do bangsomi.
6 Dibunu nasida do ina na mabalu dohot akka panoppang,
Dipamate nasida do akka na so marama.
8 Hamu na so marbisuk, andigan do botoonmuna on?
Hamu halak na oto, andigan do attusanmuna on?+
9 Tung so marbinege ma Ibana na mambahen pinggol?
Tung so marnida ma Ibana na mambahen mata?+
10 Haru bangso na asing pe dipissang Ibana do, tung so boi ma Ibana mamissang hamu?+
Ibana do na mangalehon parbinotoan tu akka halak.+
11 Diboto Jahowa do pikkiran ni jolma,
Dang marguna sude na dipikkiri nasida.+
12 Marlas ni roha ma halak na dipissang Ho, ale Jahowa,*+
Halak naung diajari Ho taringot patikmu.+
13 Dilehon Ho do hadameon tu ibana saleleng masa jea,
Sahat tu na digali lubang tu akka parjahat.+
15 Ai bahenonna ma tigor muse hukum i,
Jala sude ma halak na tigor marroha mangihutton i.
16 Tung ise ma donganku lao mangalo akka parjahat?
Tung ise ma na mambela au lao mangalo akka halak na jahat i?
17 Autsura dang diurupi Jahowa au,
Nungnga tibu au mate.+
18 Tikki hudok, “Nungnga tarsulandit pattu.”
Toktong do au dipatogu holong ni rohami,* ale Jahowa.+
20 Dang mungkin olo Ho mardongan tu pamaretta* na jahat,
21 Kejam do nasida tu halak na tigor marroha,+
Jala dihukum nasida do halak na so marsala sappe mate.+
22 Alai Jahowa do na gabe inganan parlinggoman na aman di au,
Debatakku do na gabe dolok batu parlinggoman di au.+
23 Baloshononna ma pambahenan ni akka parjahat.+
Jala bahenonna ma nasida suda* marhite hajahaton ni nasida.
Ai pamateon ni Jahowa Debatanta i do nasida.+
95 Beta marlas ni roha ma hita marsurak di jolo ni Jahowa!
Beta marlas ni roha ma hita marsurak lao mamuji Dolok Batu na paluahon hita.+
2 Beta ro ma hita tu jolona lao mandok mauliate.+
Beta marende ma hita jala marsurak mamuji Ibana.
3 Ai Jahowa do Debata na sangap,
Raja na sangap na untimbo sian sude debata na asing.+
4 Ibana do na mangatur akka inganan na bagas na adong di tano on,
Jala appunana do pussu ni akka dolok.+
6 Beta marsomba ma hita tu Ibana.
Beta marsinggang ma hita di jolo ni Jahowa Sitoppa hita.+
7 Ai Ibana do Debatanta,
Jala hita do bangso na diparmahani Ibana,
Sadari on molo dibege hamu hatana,+
8 Unang ma pajogal hamu ate-atemuna songon tikki di Meriba* i,+
Songon tikki di Massa* na di gurun i hamu.+
9 Tikki i, diuji akka ompumuna do Au,+
Dialo nasida do Au, nang pe nungnga diida nasida akka na huulahon.+
10 Magigi do Au tu nasida saleleng 40 taon, alani i ma hudok,
“Sai dialo nasida do hatakku di bagasan roha ni nasida,
Jala dang ditanda nasida akka dalanku.”
11 Gabe tarrimas jala marsumpa ma Au,
“Dang boi nasida masuk tu ari paradianakki.”+
96 Endehon ma ende na baru tu Jahowa.+
Puji hamu ma Jahowa, ale saluhut tano on!+
2 Marende ma tu Jahowa jala puji ma goarna.
Paboa ma barita na uli taringot haluaon na sian Ibana ganup ari.+
4 Ai na sangap do Jahowa jala patut do pujion.
Ibana do sihabiaran, dang akka debata na asing.
7 Puji ma Jahowa ale akka bangso,
Puji hamu ma Jahowa alani hasangapon dohot huasona.+
8 Puji ma Jahowa alani goarna na sangap i.+
Boan ma silehon-lehon jala ro ma tu alaman ni jabuna.
9 Marsomba ma hamu tu Jahowa mamakke baju na badia.*
Hamu akka na di tano on, habiari hamu ma Ibana!
10 Paboa ma tu akka bangso, “Nungnga gabe Raja be Jahowa!”+
Dibahen Ibana do hot tano on jala dang tarhutur.
Tigor do dibahen Ibana tikki mangadili akka bangso.+
11 Marlas ni roha ma langit, jala marlas ni roha ma tano on.
Sai dipuji laut dohot nasa isina ma Ibana.+
12 Marlas ni roha ma akka ladang dohot sude na disi.+
Marlas ni roha ma sude hau na di harangan.+
13 Marlas ni roha ma di jolo ni Jahowa, ai nungnga ro Ibana,
Ro do Ibana manguhumi tano on.
Bahenonna do na tigor tikki manguhumi pangisi ni tano on.+
Jala bahenonna do na sittong tikki mangadili akka halak.+
97 Nungnga gabe Raja be Jahowa,+
Marlas ni roha ma tano on.+
Marlas ni roha ma akka pulo.+
2 Adong do ombun na massai holom di sakalilingna.+
Hasittongan dohot hatigoran do fondasi ni tahtana.+
4 Gabe tiur do portibi on alani sillamna,
Jala gabe hutur-hutur do tano on mangida i.+
5 Gabe malala do akka dolok songon lilin di jolo ni Jahowa,+
Di jolo ni Tuan ni saluhut tano on.
6 Dipaboa langit do taringot pambahenanna na sittong i,
Jala sude do jolma mangida hasangaponna.+
7 Sai anggiat ma gabe maila sude halak na manomba patung,+
Sude halak na mangasahon debata na so marguna.+
Hamu sude akka debata, somba hamu ma Ibana.+
8 Marlas ni roha do Sion mambege i.+
Dohot do akka kota* na di Juda marlas ni roha
Alani keputusan na binahenmu, ale Jahowa.+
9 Ai Ho do Natumimbul di saluhut tano on, ale Jahowa.
Dao do Ho untimbo sian sude debata na so sittong.+
10 Hamu na makkaholongi Jahowa, magigi ma hamu tu na jahat.+
Dijaga Ibana do ngolu ni akka naposona na setia,+
Dipalua Ibana do nasida sian tangan ni akka parjahat.+
11 Sai marsinondang do na tiur tu akka halak na tigor marroha,+
Jala marlas ni roha do akka halak na ias marroha.
12 Hamu akka halak na tigor marroha, marlas ni roha ma hamu alani Jahowa.
Jala mandok mauliate ma hamu alani goarna na badia i.
Sada Ende.
Ai diparo Ibana do haluaon marhite tangan kananna, tanganna na badia i.+
2 Dipaboa Jahowa do na sian Ibana ro haluaon.+
Dipatudu Ibana do hatigoranna di jolo ni akka bangso.+
3 Diingot Ibana do janjina na ikkon toktong Ibana setia jala patuduhon holong ni rohana* tu pinoppar ni Israel.+
Sude do pangisi ni tano on mangida haluaon na sian Debatanta.+
4 Ale saluhut tano on, marlas ni roha ma hamu marsurak mamuji Jahowa.
Marlas ni roha ma hamu, marsurak ma hamu, jala endehon ma ende puji-pujian.*+
5 Endehon hamu ma ende puji-pujian* tu Jahowa mardongan harpa.
Pakke hamu ma harpa jala marende ma hamu.
6 Pakke hamu ma tarompet dohot tarompet na sian tanduk.+
Marsurak ma hamu marlas ni roha di jolo ni Jahowa Raja i.
7 Sai dipuji laut dohot nasa isina ma Ibana.
Lok ma marsurak marlas ni roha tano on dohot pangisina.
8 Lok ma martopak akka sunge,
Lok ma marsurak marlas ni roha akka dolok.+
9 Marlas ni roha ma i di jolo ni Jahowa, ai nungnga ro Ibana mangadili tano on,
Bahenonna do na tigor tikki mangadili pangisi ni tano on.+
Jala adil do Ibana tikki mangadili akka halak.+
99 Nungnga gabe Raja be Jahowa.+ Lok ma mabiar akka bangso.
Martahta do Ibana di ginjang* ni akka kerubim.*+ Lok ma hutur-hutur tano on.
2 Sangap do Jahowa di Sion,
Jala Ibana do na mamaretta sude bangso.+
3 Lok ma dipuji nasida goarmu na sangap i,+
Ai badia do goarmu jala marmulia.
4 Raja na gogo do Ibana jala dihaholongi Ibana do na tigor.+
Nungnga ditottuhon Ho dia na sittong,
Dibahen Ho do na tigor dohot na sittong+ tu si Jakkob.
Jou-jou do nasida tu Jahowa,
Jala dialusi Ibana do nasida.+
7 Makkatai do Ibana tu nasida sian ombun.*+
Diulahon nasida ma sipaingot dohot parettana.+
8 Ale Jahowa Debatanami, dialusi Ho do tangiang ni nasida.+
9 Pasangap ma Jahowa Debatanta.+
Jala marsomba ma di jolo ni dolokna na badia.+
Ai badia do Jahowa Debatanta i.+
Ende lao mandok mauliate.
100 Hamu sude pangisi ni tano on, marsurak ma hamu marlas ni roha jala puji hamu ma Jahowa.+
2 Marlas ni roha ma hamu manomba Jahowa.+
Ro ma hamu tu jolona jala marsurak ma hamu marlas ni roha.
3 Boto hamu ma Jahowa do Debata.+
Ibana do na manoppa hita, jala Ibana do nappuna hita.*+
Bangsona do hita jala biru-biru na diparmahani Ibana.+
4 Ro ma hamu tu gerbang ni bagas joro lao mandok mauliate tu Ibana.+
Ro ma hamu tu alaman ni bagas joro mamuji Ibana.+
Mandok mauliate ma hamu tu Ibana, puji hamu ma goarna.+
5 Ai na burju do Jahowa,+
Toktong do dipatudu Ibana holong ni rohana* sahat tu saleleng ni lelengna,
Jala toktong do Ibana setia.+
Ende ni si Daud.
101 Ale Jahowa, marende ma au mamuji* Ho.
Endehonokku ma taringot ulaonmu na sittong dohot taringot holong ni roha* na pinatudum.
2 Andigan do Ho ro mangurupi au?
Manat do au marpangalaho jala dang huulahon be na sala.*
Tikki di bagasan jabukku pe au, huoloi do Ho sian nasa rohakku.+
3 Dang bahenokku akka na so marguna di jolo ni matakku.
Sogo do rohakku tu pangalaho ni halak na maninggalhon dalan na sittong.+
Dang olo au mangattoi nasida.
4 Hupadao do dirikku sian halak na licik.
Jala dang olo au* mangulahon na jahat.
5 Husuru do sip* halak na sipsip pahata-hata donganna,+
Jala dang pasombuonku siginjang roha mambahen lomo-lomona.
6 Las do rohakku tu halak na setia di tano on,
Nasida do na boi rap tinggal dohot au.
Jala halak na so marsala do na lao gabe parkarejokku.
7 Dang boi pangoto-otoi tinggal di jabukku,
Jala dang boi pargabus jongjong di jolokku.
8 Ganup manogot, husuru do sip* sude parjahat na di tano on,
Jala hupamate do sude halak na mangulahon na jahat na adong di kota ni Jahowa.+
Tangiang ni halak na susa, tikki mandele* ibana jala tikki dipasahat ibana arsak ni rohana tu Jahowa.+
102 Ale Jahowa, tangihon ma tangiakku,+
Sai anggiat ma dibege Ho angguk-anggukku na mangido asa diurupi.+
2 Unang ma padao bohim tikki susa au.+
3 Ai nungnga salpu be ari-arikku dos songon timus,
Nungnga mosok be holi-holikku dos songon na tartutung.+
4 Nungnga dos be rohakku songon rumput na melos jala na koring,+
Ai dang huingot be mangan.
5 Gabe morong-orong ma au alani borat ni sitaonokku,+
Nungnga habis be sibukku, holan holi-holikku nama na tinggal.+
6 Dos ma au songon burung pelikan di gurun.
Dos ma au songon burung hantu di akka tembok na maruppak.
8 Direhe-rehei akka musukku do au ganup ari.+
Dipakke nasida do goarhu lao mamburai.
9 Orbuk nama na gabe siallangokku,+
Jala marcampur ilu nama siinumokku.+
10 Ala muruk jala tarrimas Ho tu au,
Diangkat Ho ma au jala disappatton Ho.
12 Alai toktong do Ho adong saleleng ni lelengna, ale Jahowa.+
13 Ro do Ho mangurupi jala asi do roham tu Sion,+
Ai nungnga dapot be tikkina patuduonmu asi ni roham tu ibana,+
Nungnga dapot be tikkina.+
14 Ai holong do roha ni naposom tu tembokna na maruppak i,+
Haru tu orbukna pe asi do roha ni nasida.+
15 Sude ma bangso makkabiari goar ni Jahowa,
Jala sude ma raja na di tano on mamboto na sangap do Ho.+
18 Disuratton do on tu akka halak na so tubu dope,+
19 Manatap do Debata sian ingananna na timbo di ingananna na badia i,+
Manatap do Jahowa sian surgo tu tano on,
20 Lao manangihon angguk-angguk ni halak na tarhurung,+
Jala paluahon akka halak na naeng dipamate,+
21 Asa dibaritahon goar ni Jahowa di Sion+
Jala dipuji ma Ibana di Jerusalem,
22 Tikki marpungu akka bangso dohot akka harajaon
Lao manomba Jahowa.+
23 Dibahen Ibana do suda gogokku, hape so matua dope au.
Jala dibahen Ibana do jeppek ari-arikku.
24 Hudok do, “Ale Debatakku,
Mangolu do Ho sahat tu saleleng ni lelengna,+
Unang ma buat hosakku, ai dang matua dope au.
25 Nungnga sian najolo dibahen Ho fondasi ni tano on,
Jala dibahen Ho do langit marhite tanganmu sandiri.+
26 Na lao salpu do langit dohot tano on, alai anggo Ho na lao toktong do adong.
Na lao buruk do langit dohot tano on songon pakkean,
Na lao salpu do i sude jala gattionmu, songon na manggatti pakkean.
27 Alai, dang na lao muba anggo Ho jala dang na lao hea marujung ngolum.+
28 Na lao sonang do ngolu ni akka anak ni naposom,
Jala toktong do dame ngolu ni pinoppar ni nasida di jolom.”+
Sian si Daud.
103 Sai toktong ma hupuji Jahowa
Sai toktong ma hupuji goarna na badia i sian nasa rohakku.
2 Sai toktong ma hupuji Jahowa
Sai unang ma lupa au tu sude pambahenanna.+
3 Disesa Ibana do sude dosakku+
Jala dipamalum Ibana do sude sahittu.+
4 Dipalua Ibana do ngolukku sian tanoman,+
Jala dipatudu Ibana do tu au holong ni rohana* dohot asi ni rohana.+
5 Dilehon Ibana do tu au akka na denggan+ asa sonang ngolukku,
Asa toktong au poso jala margogo songon lali.+
9 Dang hea dipaingot-ingot Ibana hasalaatta+
Jala dang muruk Ibana tu hita sahat tu saleleng ni lelengna.+
10 Dang hea dibalos Ibana hita hombar tu akka dosatta,+
Jala dang hea dihukum Ibana hita hombar tu akka hasalaatta.+
11 Songon langit na untimbo sian tano on,
Songon i ma balga ni holong ni roha* na dipatudu Ibana tu akka halak na makkabiari Ibana.+
13 Songon sahalak ama na marasi ni roha tu anakna,
Songon i ma Jahowa patuduhon asi ni rohana tu akka halak na makkabiari Ibana.+
16 Alai molo mangullus alogo, dang disi be i,
Hira na so hea ma tubu bunga i disi.*
17 Alai toktong do dipatudu Jahowa holong ni rohana* sahat tu saleleng ni lelengna
Tu akka halak na makkabiari Ibana.+
Jala toktong do bahenonna na sittong tu pinoppar ni nasida,+
18 Bahenonna do na sittong tu akka halak na mangoloi parjanjian na binahenna,+
Dohot tu akka halak na marsitutu mangulahon parettana.
20 Puji ma Jahowa, hamu ale akka suru-suruan,+ hamu akka na gogo i,
Hamu akka na pasahatton hatana,+ na toktong mangoloi hatana.
22 Puji ma Jahowa, hamu ale akka toppaanna,
Na adong di saluhut harajaonna.
Sai anggiat ma hupuji Jahowa sian nasa rohakku.
104 Sai toktong ma hupuji Jahowa.+
Ale Jahowa Debatakku, massai sangap do Ho.+
Dibahen Ho do hasangaponmu dohot hamuliaonmu gabe pakkeanmu.+
3 Dibahen Ibana do tiang ni akka kamarna di aek na di langit,*+
Dibahen Ibana do akka ombun gabe kareta porangna,+
Jala mardalan do i di ginjang ni habong ni alogo.+
4 Dibahen Ibana do akka suru-suruanna massai gogo,*
Jala dibahen Ibana do parhobasna songon api na marsigorgor.+
5 Dibahen Ibana do tano on di ginjang ni fondasina,+
6 Dibahen Ho do najolo aek na bagas manutupi tano on dos songon pakkean.+
Jala ditutupi aek do akka dolok.
7 Tikki disonggak Ho aek i lari ma i,+
Gabe marlarian ma aek i ala mabiar mambege soara ni ronggurmu.
8 Nakkok ma akka dolok+ jala turun ma akka rura,
Lao be ma i tu inganan na diparade Ho.
9 Dibahen Ho do batas na so boi dilewati aek i,+
Asa unang boi be aek i manutupi tano on.
10 Dibahen Ibana do mata mual mardalan di akka rura,
Mardalan do i di holang-kolang ni akka dolok.
11 Gabe adong ma aek inumon ni sude binatang liar na di ladang.
Minum do halode liar sian i sappe puas.
12 Marasar do akka pidong di ginjang ni akka hau na jonok tu aek i.
Jala marende do pidong i di dakka ni hau i.
13 Disirami Ibana do akka dolok sian kamarna parginjang.+
Las do roha ni tano on alani akka ulaonmu.+
14 Dibahen Ibana do martubuan akka rumput lao allangon ni lombu
Jala martubuan ma suan-suanan na boi dipakke jolma,+
Gabe adong ma sipanganon sian tano on.
15 Adong ma anggur na mambahen las roha ni jolma,+
Miak na mambahen bagak bohi ni nasida,
Jala adong ma roti na mambahen las roha ni jolma.+
16 Gabe las ma roha ni akka hau na binahen ni Jahowa alani aek i,
Akka hau ares Libanon na disuan Ibana,
17 Disi ma marasar akka pidong,
Jala di hau juniper ma marasar burung bangau.+
18 Marasar do hambing tombak+ di akka dolok na timbo,
19 Dibahen Ibana do bulan lao paboahon tikki,
Jala diboto mataniari do sadihari ikkon bonom.+
20 Dibahen Ho ma na holom, gabe ro ma borngin.+
Markaluaran ma sude binatang buas na di tombak.
22 Dung bissar mataniari,
Mulak ma nasida jala modom di asarna.
23 Lao ma jolma karejo,
Jala torus ma nasida karejo sahat tu botari.
24 Tung godang situtu do na binahenmu, ale Jahowa!+
Dibahen Ho do sudena i alani bisukmu.+
Gok do na binahenmu di tano on.
25 Adong do muse laut na bidang jala na bagas,
Gok do disi akka na mangolu, na balga nang na gelleng.+
27 Sude do nasida paima-imahon Ho
Lao manjalo sipanganon di tikkina.+
28 Manang aha na dilehon Ho tu nasida, papunguon ni nasida do i.+
Tikki dibukka Ho tanganmu lao mangalehon akka na denggan,+ gabe las ma roha ni nasida.
29 Molo dipadao Ho bohim, gabe susa ma nasida.
Molo dibuat Ho hosa ni nasida, mate ma nasida jala mulak tu tano.+
30 Molo diusehon Ho tondi parbadiam, gabe adong ma nasida,+
Jala dipaimbaru Ho do tano on.
31 Martahan do hasangapon ni Jahowa saleleng ni lelengna.
Jala marlas ni roha do Jahowa alani akka ulaonna.+
32 Tikki ditatap Ibana tano on, gabe hutur-hutur ma i.
Tikki dijama Ibana akka dolok, gabe martimus ma i.+
34 Sai dihalomohon Ibana ma nian akka na hupikkiri.*
Marlas ni roha do au alani Jahowa.
35 Na lao salpu do akka pardosa sian tano on,
Jala dang adong be akka parjahat.+
Sai toktong ma hupuji Jahowa. Puji ma Jahowa!*
3 Marlas ni roha ma hamu mamuji goarna na badia i.+
Marlas ni roha ma halak na mangalului Jahowa.+
4 Lului ma Jahowa+ jala pangido ma gogo sian Ibana.
Sai lului ma Ibana.*
5 Ingot ma akka ulaonna na palongang roha,
Akka tanda halongangan* dohot akka hukum na dipaboa Ibana,+
6 Ale pinoppar ni si Abraham naposona,+
Ale akka anak ni si Jakkob, halak na pinillitna.+
7 Ibana do Jahowa Debatanta.+
Ibana do hakim di saluhut tano on.+
8 Diingot Ibana do parjanjian na binahenna saleleng ni lelengna,+
Janji na dibahen Ibana* tu saribu sundut.*+
9 Parjanjian na dibahen Ibana tu si Abraham,+
Dohot sumpana tu si Isak,+
10 Dibahen Ibana do sumpa i gabe jaminan tu si Jakkob
Jala gabe parjanjian tu halak Israel saleleng ni lelengna,
11 Didok Ibana do, “Lehonokku do tu hamu tano Kanaan+
Lehonokku do i gabe parbagiananmuna.”+
12 Dibahen Ibana do janji i tikki otik dope nasida,+
Massai otik dope nasida, jala manoppang dope nasida disi.+
13 Marpinda-pinda do nasida sian sada inganan tu inganan na asing,
Sian sada harajaon tu harajaon na asing.+
14 Dang diloas Ibana manang ise mambahen nasida susa,+
Alani nasida, dipissang Ibana do akka raja,+
15 Didok Ibana do, “Unang ma hahua hamu akka halak na hupillit,*
17 Disuru Ibana do sahalak manjoloani nasida
Na digadis gabe hatoban, i ma si Josep.+
18 Diikkat nasida do patna mamakke ratte.+
Jala dibahen do ratte tu rukkungna.
19 Gabe ias do ibana dibahen hata ni Jahowa,
Sahat tu na saut na nidok ni Debata.+
20 Disuru raja ma asa dipalua ibana,+
Dipalua pamimpin ni bangso i ma ibana sian hurungan.
21 Dibahen raja i ma ibana gabe kepala ni istanana.
Ibana ma na mangaradoti sude artana.+
22 Ibana do na mamaretta sude pejabat,
Jala diajari Ibana do akka pamimpin asa marbisuk.+
23 Dung i ro ma Israel tu Mesir,+
Jala gabe panoppang ma si Jakkob di luat ni halak Ham.
24 Dibahen Debata ma marpinoppari bangsona,+
Dibahen Ibana ma umgogo nasida sian akka musuna.+
25 Dipasombu Ibana ma gabe sogo roha ni akka musu tu bangsona,
Marsakkap ma nasida lao mangalo akka naposona.+
27 Dibahen nasida ma tanda halongangan di jolo ni halak Mesir.
Dibahen nasida ma tanda halongangan di luat ni halak Ham.+
29 Dibahen Ibana ma aek ni nasida gabe mudar
Gabe marmatean ma akka dekke.+
30 Gok ma akka katak di luat i,+
Masuk ma i sahat tu kamar ni raja.
31 Disuru Ibana ma ro akka lanok
Dohot akka agas tu sude luat ni nasida.+
32 Diparo Ibana ma udan es
Jala diparo Ibana ma sillam tu luat ni nasida.+
33 Gabe maruppak ma dibahen Ibana hau anggur dohot hau ara ni nasida
Marruppakan ma akka hau di luat ni nasida.
35 Diallangi sihapor i ma sude suan-suanan di luat i,
Jala diallangi do sude hasil ni tano i.
36 Dung i, dipamate Ibana ma sude anak siakkangan di luat i,+
Dipamate Ibana ma akka anak na parjolo tubu.*
37 Diboan Ibana ma kaluar bangsona i jala diboan nasida do perak dohot mas.+
Dang adong nanggo sahalak pe sian marga i na tartuktuk.
38 Tikki lao nasida marlas ni roha ma halak Mesir,
Ai gabe mabiar do halak Mesir tu halak Israel.+
39 Diparo Ibana ma ombun lao mangalinggomi nasida,+
Jala diparo Ibana ma api tikki borngin asa tiur dalan ni nasida.+
40 Tikki dipangido nasida jagal, diparo Ibana do burung puyuh.+
Dibahen Ibana do nasida butong mangallang roti na turun sian langit.+
42 Ai diingot Ibana do janjina na badia i na binahenna tu si Abraham naposona i.+
43 Diboan Ibana ma kaluar bangsona i, jala marlas ni roha ma nasida.+
Marsurak ma halak na pinillitna i alani las ni roha.
44 Dilehon Ibana ma tu nasida tano ni akka bangso,+
Gabe appuna ni nasida ma hasil na niula ni bangso na asing,+
45 Asa diulahon nasida parettana,+
Jala dioloi akka patikna.
Puji ma Jahowa!*
106 Puji ma Jahowa!*
Mandok mauliate ma tu Jahowa, ai na burju do Ibana.+
Toktong do dipatudu Ibana holong ni rohana* sahat tu saleleng ni lelengna.+
2 Ise ma na boi paboahon sude ulaon ni Jahowa na balga i,
Manang na boi paboahon sude ulaonna na patut pujion i?+
3 Marlas ni roha ma halak na mangulahon na tigor,
Halak na sai mangulahon na sittong.+
4 Ale Jahowa, tikki dipatuduhon Ho haburjuonmu tu bangsom, ingot ma au.+
Jaga ma au jala palua ma au,
5 Asa boi huhilala haburjuon na pinatudum tu halak na pinillitmu,+
Asa boi au marlas ni roha rap dohot bangsom,
Jala marlas ni roha au mamuji Ho rap dohot naposom.
6 Nungnga mardosa hami songon akka ompunami,+
Nungnga marsala hami, jala nungnga diulahon hami na jahat.+
7 Dang diparrohahon* akka ompunami akka ulaonmu na palongang roha di Mesir.
9 Disonggak Ibana ma Laut Merah, gabe koring ma i.
Ditogu-togu Ibana ma nasida mardalan di dasar ni laut i songon na mardalan di gurun.+
10 Dipalua Ibana do nasida sian tangan ni alo ni nasida,+
Jala ditobus Ibana do nasida sian akka musu ni nasida.+
11 Diauppon aek i ma akka musu ni nasida,
Dang adong nanggo sahalak pe na mangolu.+
13 Alai pittor dilupahon nasida do akka na binahenna.+
Dang dipaima nasida tudu-tuduna.
14 Godang do pangidoan ni nasida di gurun i na patuduhon holan na makkaholongi dirina do nasida.+
Diuji nasida do Debata di gurun i.+
15 Dilehon Debata do pangidoan ni nasida i,
Alai diparo Ibana ma sahit na mambahen nasida mate.+
17 Gabe tarbola ma tano i mamboddut si Datan
Jala ditutupi tano i ma si Abiram rap dohot na mangihutton ibana.+
18 Ro ma api tu punguan i,
Jala tartutung ma sude halak na jahat i.+
19 Dibahen nasida do patung anak ni lombu di Horeb
Jala disomba nasida ma patung logam i.+
20 Digatti nasida do hasangapokku
Tu patung lombu jantan na mangallang rumput.+
21 Dilupahon nasida do Debata+ na paluahon nasida,
Na mambahen akka ulaon na balga di Mesir,+
22 Na mambahen akka ulaon na palongang roha di luat ni halak Ham,+
Na mambahen akka ulaon na palongang roha di Laut Merah.+
23 Nungnga naeng diparettahon Ibana asa dipamate nasida,
Alai dielek-elek si Musa halak na pinillitna i ma Ibana*
Asa unang mate nasida ala tarrimas Ibana.+
25 Sai marungut-ungut do nasida di perkemahan ni nasida.+
Dang ditangihon nasida na nidok ni Jahowa.+
26 Gabe marsumpa ma Ibana*
Lao bahenonna do nasida mate di gurun.+
27 Bahenonna ma marserak pinoppar ni nasida di tonga-tonga ni akka bangso,
Jala na lao mate ma nasida di luat na asing.+
28 Dung i dohot ma nasida manomba Baal Peor,+
Jala diallang nasida do pelean na dipelehon tu halak na mate.*
30 Alai dung jongjong si Pinehas jala bertindak,
Gabe so ma jea i.+
32 Dibahen nasida ma muse Ibana muruk di Mual Meriba,*
Gabe susa ma si Musa alani pangalaho ni nasida.+
37 Dipelehon nasida do akka anak ni nasida,
Dohot akka boru ni nasida tu suru-suruan na jahat.+
38 Sai diusehon nasida do mudar ni halak na so marsala+
Mudar ni akka anak dohot boru ni nasida,
Dipelehon nasida do i tu akka patung na adong di Kanaan.+
Jala gabe ramun* ma luat i alani mudar na diusehon i.
39 Gabe ramun ma nasida alani pangalaho ni nasida.
Jala dang setia be nasida tu Debata* alani pambahenan ni nasida.+
40 Gabe tarrimas ma Jahowa tu bangsona,
Jala gabe magigi ma Ibana tu naposona.
41 Mulak-ulak do nasida dipasahat Ibana tu bangso na asing,+
Gabe akka musu ma na mangarajai nasida.+
42 Gabe susa ma nasida dibahen musu ni nasida,
Jala gabe dirajai musu ma nasida.
43 Nungnga jotjot dipalua Ibana nasida,+
Alai sai mangalo jala dang mangoloi nasida,+
Gabe marlea ma nasida alani hasalaan ni nasida i.+
44 Nang pe songon i, diida Ibana do hasusaan ni nasida.+
Jala ditangihon Ibana do angguk-angguk ni nasida na mangido asa diurupi.+
45 Ai diingot Ibana do parjanjian na binahenna tu nasida,
46 Dibahen Ibana do sude halak na mambahen nasida gabe tawanan+
Gabe marasi ni roha tu nasida.
47 Ale Jahowa Debatanami, palua ma hami.+
Papungu ma hami sian akka bangso,+
Asa hupuji hami goarmu na badia i
Jala hupasangap hami Ho.+
48 Sai dipuji ma Jahowa Debata ni Israel
Sahat tu saleleng ni lelengna.+
Sai sude ma bangso mandok, “Amen!”*
Puji ma Jahowa!*
BUKKU NA PALIMAHON
(Psalmen 107-150)
107 Mandok mauliate ma tu Jahowa, ai na burju do Ibana.+
Toktong do dipatudu Ibana holong ni rohana* sahat tu saleleng ni lelengna.+
2 Songon i ma nian dohonon ni halak na dipalua* Jahowa,
Akka halak na dipalua Ibana sian tangan ni musu,+
3 Na dipapungu Ibana sian akka luat,+
Sian timur dohot sian barat,*
Sian utara dohot sian selatan.+
4 Lilu do nasida di gurun, di luat na so adong pangisina.
Dang diboto nasida dalan tu kota na boi gabe inganan ni nasida.
5 Male do nasida jala mauas.
Pingsan ma nasida ala palojahu.
8 Sai mandok mauliate ma akka halak tu Jahowa+ alani holong* na pinatuduna,
Dohot alani ulaonna na palongang roha na dibahen Ibana tu jolma.+
9 Ai dilehon Ibana do minum akka na mauas,
Jala dipabutong Ibana do akka na male marhite akka na denggan.+
10 Adong do halak na maringanan di inganan na massai holom,
Susa do nasida di penjara jala tarratte.
11 Ai dialo nasida do hata ni Debata,
Jala dang olo nasida manangihon poda ni Natumimbul i.+
12 Gabe dipasombu Ibana do nasida susa asa serep roha ni nasida,+
Tartuktuk ma nasida jala dang adong na mangurupi.
13 Jou-jou ma nasida tu Jahowa tikki susa.
Dipalua Ibana ma nasida sian hasusaan ni nasida.
14 Dipakaluar Ibana ma nasida sian inganan na massai holom i,
Jala diponggolhon Ibana ma ratte ni nasida.+
15 Sai mandok mauliate ma akka halak tu Jahowa alani holong* na pinatuduna,+
Dohot alani ulaonna na palongang roha na dibahen Ibana tu jolma.
16 Ai diropukkon Ibana do akka pintu na sian tombaga
Jala diponggolhon Ibana do akka palang na sian bosi.+
18 Dang lakku be nasida mangan,
Jala naeng mate ma nasida.
19 Dung i jou-jou ma nasida tu Jahowa tikki susa.
Dipalua Ibana ma nasida sian hasusaan ni nasida.
20 Diparettahon Ibana ma asa dipamalum nasida+
Jala dipakaluar ma nasida sian bagasan tanoman.
21 Sai mandok mauliate ma akka halak tu Jahowa alani holong* na pinatuduna,
Dohot alani ulaonna na palongang roha na dibahen Ibana tu jolma.
22 Lok ma dipelehon nasida pelean hamauliateon+
Jala dipaboa akka ulaonna huhut marsurak ala marlas ni roha.
23 Adong do akka halak na marlayar di laut,
Na martiga-tiga di laut na bidang,+
24 Nungnga diida nasida akka ulaon ni Jahowa
Akka ulaonna na palongang roha di laut i.+
25 Diida nasida do ro badai alani parettana,+
Gabe balga ma galumbang ni laut i.
26 Tarangkat ma nasida tu ginjang dibahen galumbang i,
Jala ditoppasson ma muse tu tonga ni laut i.
Gabe mago ma habaranion ni nasida alani jea i.
27 Mirdong jala mabbal-abbal ma nasida songon halak na mabuk,
Nang pe malo nasida mamboan kapal, dang marguna i.+
28 Dung i jou-jou ma nasida tu Jahowa tikki susa.+
Dipalua Ibana ma nasida sian hasusaan ni nasida.
29 Dipaso Ibana ma badai i,
Gabe tenang ma laut i.+
30 Dung tenang sude, marlas ni roha ma nasida
Jala ditogu-togu Debata ma nasida tu pelabuhan na lao dituju nasida.
31 Sai mandok mauliate ma akka halak tu Jahowa alani holong* na pinatuduna,
Dohot alani ulaonna na palongang roha na dibahen Ibana tu jolma.+
32 Sai dipasangap nasida ma Ibana di tonga-tonga ni akka halak na marpungu,+
Sai dipuji nasida ma Ibana di tonga-tonga ni akka pamimpin na marpungu.
33 Dibahen Ibana do akka sunge gabe gurun
Jala dibahen Ibana do mata mual gabe tano na koring,+
34 Dibahen Ibana do tano na subur gabe harsang,+
Alani hajahaton ni akka halak na tinggal disi.
35 Dibahen Ibana do gurun gabe kolam,
Jala dibahen Ibana do tano na koring gabe mata mual.+
36 Dibahen Ibana ma halak na male maringanan disi,+
Asa boi nasida mambahen sada kota inganan ni nasida tinggal.+
37 Diula nasida ma ladang dohot porlak anggur+
Gabe godang ma hasil panen ni nasida sian i.+
38 Dipasu-pasu Debata ma nasida jala marpinoppari,
Dang dipasombu Ibana moru lombu ni nasida.+
39 Alai alani hasusaan, jea, dohot sitaonon
Gabe lam otik ma nasida muse jala gabe marlea.
40 Marlea do dibahen Ibana akka na sangap
Jala dibahen Ibana do lilu nasida di gurun.+
41 Alai dijaga Ibana do halak na pogos sian akka halak na mambahen nasida susa,+
Jala dibahen Ibana do lam godang pinoppar ni nasida dos songon punguan ni biru-biru.
42 Idaon ni halak na tigor marroha ma i, gabe marlas ni roha ma nasida.+
Alai anggo halak na jahat dang boi be mandok manang aha.+
43 Manang ise na marbisuk diparrohahon ma on,+
Jala manat ma dipikkiri akka ulaon ni Jahowa na patuduhon holongna.*+
Ende ni si Daud.
108 Pos do rohakku tu Ho ale Debata,
Marende ma au mamuji Ho sian nasa rohakku huhut mamakke alat musik.+
2 Dungo ma ho ale akka alat musik na martali, dungo ma ho ale harpa.+
Dung i hudungoi ma mataniari asa bissar.
3 Ale Jahowa, pujiokku ma Ho di tonga-tonga ni akka halak,
Marende ma au mamuji* Ho di tonga-tonga ni akka bangso.
4 Ai balga do holong ni roha* na pinatudum, pola sahat tu langit.+
Jala setia do Ho, pola do i sahat tu langit.
5 Ale Debata, sai dipasangap ma Ho sahat tu langit,
Jala sai anggiat ma dipasangap Ho di saluhut tano on.+
6 Asa malua halak na dihaholongi Ho.
Palua ma hami marhite tanganmu na gogo i jala alusi ma au.+
7 Didok Debata na badia i do,*
“Marlas ni roha ma Au, lehonokku ma huta Sikem+ gabe parbagianan ni bangsokku,
Jala ukkuronku ma Rura Sukot lao lehonokku tu manang ise lomo ni rohakku.+
8 Appunakku do Gilead,+ songon i nang Manasse,
Epraim do na gabe takkulukku.*+
Jala Juda do na gabe tukkot harajaokku.+
9 Alai Moab do na gabe baskom parbasuakku,+
Husappatton do soloppu tu Edom,+
Jala marsurak do Au marlas ni roha ala talu Palistim.”+
10 Ise ma na mamboan au tu kota na marbenteng i?
Ise ma na manogu-nogu au tu Edom?+
11 Ho do i ale Debata, alai saonari nungnga dipalao Ho hami,
Dang didongani Ho be akka tentaranami, ale Debata.+
Tu pamimpin ni akka parende. Ende ni si Daud.
109 Ale Debata na hupuji,+ unang ma sai sip Ho.
2 Ai didok halak na jahat dohot pangoto-otoi do hatana lao mangalo au.
Didok nasida do hata na so tutu taringot au.+
3 Dihaliangi nasida do au jala didok nasida do hata na mambahen haccit rohakku,
Diroro nasida do au, hape so adong salakku.+
4 Nang pe holong rohakku tu nasida, dialo nasida do au.+
Alai toktong do au martangiang.
5 Dibahen nasida do na jahat tu au balos ni haburjuokku+
Jala sogo do roha ni nasida tu au nang pe holong rohakku tu nasida.+
6 Sai diadili halak na jahat ma nasida,
Sai jongjong ma di sabola kananna halak na mandok nasida marsala.
Lok ma na asing na gabe pengawas.+
9 Sai anggiat ma dang marama be anakna,
Jala gabe mabalu istrina.
10 Sai anggiat ma mappar-appar akka anakna jala gabe pangido-ido,
Lao ma nasida mangalului sipanganon jala tinggal di jabu naung maruppak.
11 Sai anggiat ma dibuat parutanganna sude artana,
Jala dibuat halak na asing ma sude na adong di ibana.
12 Sai anggiat ma dang adong halak na marasi ni roha* tu ibana,
Jala dang adong na patuduhon haburjuon tu anakna na so marama i.
13 Sai anggiat ma marmatean pinopparna,+
Asa unang diingot generasi na naeng ro be goar ni nasida.
14 Sai anggiat ma diingot Jahowa hasalaan ni akka ompuna,+
Jala sai anggiat ma dang disesa dosa ni omakna.
15 Sai anggiat ma diingot Jahowa pangalaho ni nasida.
Jala sai anggiat ma dang diingot be goar ni nasida di tano on.+
16 Ai dang hea diingot ibana patuduhon asi ni roha,*+
Dilele jala dipamate+ ibana do akka halak na susa,+ na pogos, dohot na mandele.
17 Lomo do rohana mamburai, gabe i ma na masa tu ibana.
Dang lomo rohana dapotan pasu-pasu na asing, gabe dang hea dapotna pasu-pasu.
18 Dibahen ibana do bura gabe pakkeanna.
Masuk do i tu dagingna dos songon aek,
Jala masuk tu holi-holina dos songon miak.
19 Sai anggiat ma gabe dos songon pakkeanna bura na nidokna i,+
Jala dos songon ikat pinggang na sai mangalilit gottingna.
20 Songon i ma bahenon ni Jahowa tu halak na mangalo au,+
Tu halak na mandok na jahat taringot au.
21 Alai urupi ma au, ale Jahowa Tuan Natumimbul
Asa dipasangap goarmu.+
Palua ma au, ai balga do holong ni roha* na pinatudumi.+
23 Nungnga naeng mate au dos songon bayangan na naeng mago,
Dos do au songon sihapor* na dipaspasson sian abit.
24 Gabe gale ma dugul-dugulhu ala marpuasa.
Gabe marniang ma au jala naeng mate.
25 Gabe sirehe-rehean ni halak ma au.+
Tikki diida nasida au, mangupir ma nasida.+
26 Ale Jahowa Debatakku, urupi ma au.
Palua ma au alani holong* na pinatudum.
27 Asa diboto nasida ale Jahowa,
Sian Ho do ro haluaon.
28 Molo diburai nasida au, pasu-pasu ma au.
Tikki ro nasida mangalo au, paila ma nasida.
Sai anggiat ma marlas ni roha akka naposom.
29 Sai anggiat ma halak na mangalo au gabe dipaila,
Jala sai anggiat ma i gabe jubah na dipakke nasida.+
30 Alai marsurak ma au mamuji Jahowa,
Jala pujiokku ma Ibana di tonga-tonga ni godang halak.+
31 Ai na lao jongjong do Debata di sabola kanan* ni halak na pogos,
Lao paluahon ibana sian halak na mandok ibana marsala.
Ende ni si Daud.
110 Didok Jahowa do tu Tuanku,
2 Sian Sion pabidangon ni Jahowa do huaso ni* harajaonmu jala dokkononna ma,
“Lao ma ho mangarajai tu tonga-tonga ni akka musum.”+
3 Tikki ditogihon ho tentaram marporang rade do rakyatmu mangurupi.
Akka na poso do tentaram na dos songon nambur tikki manogot,
Badia jala massai uli do nasida.
4 Nungnga marsumpa Jahowa jala dang solsolanna sumpana i,
“Ho do malim na saleleng ni lelengna+ na songon si Melkisedek.”+
5 Jahowa do di sabola kananmu,+
Pamateonna ma akka raja di ari rimasna.+
Jala pamateonna ma akka pamimpin ni luat na bidang.*
7 Minum ma ibana* sian sunge na di pinggir ni dalan.
Dung i, monang ma ibana.
א [Alef]
Pujiokku ma Jahowa sian nasa rohakku+
ב [Bet]
Pujiokku ma Ibana di tonga-tonga ni halak na tigor marroha dohot di tonga-tonga ni punguan i.
ג [Gimel]
2 Palongang roha do akka ulaon ni Jahowa.+
ד [Dalet]
Dapotan las ni roha do halak na mamparrohahon i.+
ה [He]
3 Tarida do hasangapon dohot hamuliaonna sian akka ulaonna.
ו [Waw]
ז [Zayin]
4 Dibahen Ibana do asa diingot akka ulaonna na palongang roha i.+
ח [Khet]
Burju do Jahowa jala parasi roha.+
ט [Tet]
5 Dilehon Ibana do sipanganon tu akka halak na makkabiari Ibana.+
י [Yod]
Diingot Ibana do parjanjian na binahenna saleleng ni lelengna.+
כ [Kaf]
6 Dipatudu Ibana do huasona tu naposona
ל [Lamed]
מ [Mem]
ס [Samekh]
פ [Pe]
9 Ditobus Ibana do bangsona.+
צ [Tsade]
Dibahen Ibana do martahan parjanjianna saleleng ni lelengna.
ק [Qof]
Badia jala palongang roha do goarna.+
ר [Res]
10 Biar tu Jahowa do parmulaan ni bisuk.+
ש [Sin]
Marbisuk do sude halak na mangoloi parettana.+
ת [Taw]
Sai dipuji ma Ibana saleleng ni lelengna.
א [Alef]
ג [Gimel]
ה [He]
3 Adong do arta dohot hamoraon di jabuna,
ו [Waw]
Jala hot do ulaonna na sittong saleleng ni lelengna.
ז [Zayin]
4 Dos do ibana songon sinondang di inganan na golap tu halak na tigor marroha.+
ח [Het]
Burju do ibana, parasi roha,+ jala adil.
ט [Tet]
5 Denggan do ngolu ni halak na olo* mangalehon pinjaman.+
י [Yod]
Jala sai adil do ibana di akka ulaonna.
כ [Kaf]
6 Dang na lao hona jea ibana.+
ל [Lamed]
Na lao diingot do halak na tigor marroha saleleng ni lelengna.+
מ [Mem]
7 Dang mabiar ibana mambege barita na so denggan.+
נ [Nun]
Setia do ibana jala pos do rohana tu Jahowa.+
ס [Samek]
פ [Pe]
9 Las do rohana mangalehon na adong di ibana dohot mangurupi halak na pogos.+
צ [Tsade]
Na lao martahan do akka ulaonna na sittong* i saleleng ni lelengna.+
ק [Qoph]
Lam gogo ma ibana* jala dipasangap.
ר [Res]
10 Idaon ni halak na jahat ma i jala gabe muruk ma nasida.
ש [Syin]
Gabe muruk situtu ma nasida jala gabe hancur.
ת [Taw]
Dang na lao marhasil rencana ni halak na jahat.+
113 Puji ma Jahowa!*
Hamu akka naposona, puji ma Jahowa,
Puji ma goar ni Jahowa.
2 Sai dipuji ma goar ni Jahowa
Sian saonari sahat tu saleleng ni lelengna.+
6 Dipaunduk Ibana do dirina lao mangida langit dohot tano on.+
7 Dipalua Ibana do akka halak na dangol sian sitaonon ni nasida.*
Jala diangkat Ibana do halak na pogos sian hasusaan ni nasida.*+
8 Dibahen do nasida hundul rap dohot halak na sangap,
Rap dohot akka halak na sangap na adong di tonga-tonga ni bangsona.
9 Dibahen Ibana do marlas ni roha borua na mandul
Marlas ni roha dohot akka anakna di jabuna.+
Puji ma Jahowa!*
114 Tikki kaluar halak Israel sian Mesir,+
Tikki kaluar pinoppar ni si Jakkob sian luat ni bangso na marbahasa na asing,
2 Gabe ingananna na badia ma Juda,
Jala gabe bangsona ma Israel.+
4 Mangakkat ma akka dolok dos songon hambing jantan,+
Mangakkat ma dolok-dolok dos songon anak ni biru-biru.
5 Ale laut, boasa ma lari ho?+
Ale Sunge Jordan, boasa ma marbalik ho?+
6 Ale akka dolok, boasa ma mangakkat ho songon hambing jantan?
Ale dolok-dolok, boasa ma mangakkat ho songon anak ni biru-biru?
7 Ale tano, humutur ma ho alani Tuan,
Alani Debata ni si Jakkob,+
8 Dibahen Ibana do dolok batu gabe kolam,
Jala dibahen Ibana do batu na pir gabe mata mual.+
2 Boasa ma didok akka bangso,
“Didia do Debata ni nasida?”+
3 Di surgo do Debatanami,
Diulahon Ibana do manang aha pe lomo ni rohana.
4 Alai anggo patung na disomba nasida, sian perak dohot sian mas do i,
Jala jolma do na mambahen i.+
5 Adong do babana, alai dang boi makkatai.+
Adong do matana, alai dang boi mangida.
6 Adong do pinggolna, alai dang boi mambege.
Adong do igungna, alai dang boi manganggo.
7 Adong do tanganna, alai dang boi maniop.
Adong do patna, alai dang boi mardalan.+
Jala dang tarbege soara sian aru-aruna.+
10 Ale pinoppar ni si Aron,+ porsea ma hamu tu Jahowa.
Ibana do na mangurupi hamu jala na gabe perisai di hamu.
11 Hamu akka halak na makkabiari Jahowa, porsea ma hamu tu Jahowa.+
Ibana do na mangurupi hamu jala na gabe perisai di hamu.+
12 Sai diingot Jahowa do hami jala pasu-pasuonna.
Pasu-pasuonna do pinoppar ni Israel.+
Pasu-pasuonna do pinoppar ni si Aron.
13 Pasu-pasuonna do akka halak na makkabiari Jahowa,
Na sangap dohot na so sangap.
14 Bahenon ni Jahowa ma ho marpinoppari,
Ho dohot akka anakmu.+
18 Alai anggo hami, pujionnami do Jahowa*
Sian saonari sahat tu saleleng ni lelengna.
Puji ma Jahowa!*
116 Holong do rohakku tu Jahowa
Ai ditangihon Ibana do soarakku tikki mangelek-elek au asa diurupi.+
Susa do au jala lungun do rohakku.+
4 Alai hupangido ma tu Jahowa,*+
“Ale Jahowa, palua ma au!”
6 Dijaga Jahowa do halak na so marpengalaman.+
Tikki mandele au, dipalua Ibana do au.
7 Dame ma muse huhilala,
Ai burju do Jahowa tu au.
8 Dipalua Ho do au sian hamatean,
Diapus Ho do ilukku, jala dijaga Ho do pattu asa unang tartuktuk.+
9 Sombaokku do Jahowa saleleng ni ngolukku.*
10 Nang pe susa au,
Toktong do au makkatai, ai porsea do au tu Debata.+
11 Tikki marsak au hudok do,
“Pargabus do sude jolma.”+
12 Aha ma sibahenokku tu Jahowa
Lao mambalos sude akka na denggan na binahenna tu au?
13 Minum ma au sian makkuk panginuman lao mandok mauliate ala dipalua Ibana au,*
Jala jou-jou ma au tu goar ni Jahowa.
14 Gararokku ma sumpakku tu Jahowa
Di jolo ni sude naposona.+
16 Mangelek ma au tu Ho, ale Jahowa,
Ai naposom do au.
Naposom do au, tubu ni hatobanmu.*
Nungnga dipalua Ho ratte na mangikkat au.+
17 Lehonokku ma tu Ho pelean hamauliateon,+
Jala pujiokku ma goar ni Jahowa.
18 Gararokku ma sumpakku tu Jahowa+
Di jolo ni sude naposona,+
19 Di alaman ni jabu ni Jahowa,+
Na di tonga-tongam, ale Jerusalem.
118 Mandok mauliate ma tu Jahowa, ai na burju do Ibana.+
Toktong do dipatudu Ibana holong ni rohana* sahat tu saleleng ni lelengna.
2 Lok ma didok halak Israel,
“Toktong do dipatudu Ibana holong ni rohana* sahat tu saleleng ni lelengna.”
3 Lok ma didok pinoppar ni si Aron,
“Toktong do dipatudu Ibana holong ni rohana* sahat tu saleleng ni lelengna.”
4 Lok ma didok akka halak na makkabiari Jahowa,
“Toktong do dipatudu Ibana holong ni rohana* sahat tu saleleng ni lelengna.”
5 Tikki susa au jou-jou do au tu Jahowa.*
Dialusi Jahowa* ma au jala diboan ma au tu inganan na aman.*+
6 Jahowa do di labbungku, dang mabiar au.+
Aha ma na boi bahenon ni jolma tu au?+
7 Jahowa do di labbungku jala Ibana do na mangurupi au.*+
Idaokku ma talu akka halak na marsogo ni roha tu au.+
8 Dumenggan do marlinggom tu Jahowa
Sian marhaposan tu jolma.+
9 Dumenggan do marlinggom tu Jahowa
Sian marhaposan tu akka pamimpin.+
11 Dikalilingi nasida do au, dang boi be au malua.
Alai di bagasan goar ni Jahowa,
Hutaluhon do nasida.
12 Songon loba* do parro ni nasida makkalilingi au,
Alai hatop do nasida mate dos songon api na manutung ramba-ramba.
Di bagasan goar ni Jahowa,
Hutaluhon do nasida.+
13 Gogo do au dionjar* asa madabu,
Alai diurupi Jahowa do au.
15 Tarbege do soara ni na marlas ni roha dohot soara ni na monang,
Tarbege do i sian kemah ni halak na tigor marroha.
Dipakke Jahowa do tanganna na gogo i* lao patuduhon huasona.+
16 Timbo do tarangkat tangan ni Jahowa na gogo i tikki monang.
Dipatudu tangan ni Jahowa na gogo i do huasona.+
19 Bukka hamu jo gerbang na diparade tu halak na tigor marroha,+
Asa masuk au tusi jala hupuji Jahowa.*
20 On ma gerbang ni Jahowa.
Masuk ma halak na tigor marroha sian i.+
21 Pujiokku ma Ho, ai alusanmu do au+
Jala Ho do na paluahon au.
24 On ma ari na dibahen Jahowa,
Marlas ni roha situtu ma hita di ari i.
25 Ale Jahowa, mangido ma hami tu Ho, palua ma hami!
Ale Jahowa, bahen ma hami monang!
26 Dipasu-pasu ma ibana na ro di bagasan goar ni Jahowa.+
Martangiang do hami di jabu ni Jahowa asa dipasu-pasu hamu.
27 Jahowa do Debata,
Ibana do na mangalehon sinondang tu hita.+
Bahen hamu ma ratting ni hau lao gabe hiasan di pesta i,+
Bahen ma i sahat tu akka tanduk na di langgatan.+
28 Ho do Debatakku, pujiokku do Ho.
Ale Debatakku, pasangappokku do Ho.+
29 Mandok mauliate ma tu Jahowa,+ ai na burju do Ibana.
Toktong do dipatudu Ibana holong ni rohana* sahat tu saleleng ni lelengna.+
א [Alef]
119 Marlas ni roha ma halak na so marsala* di akka lakkana,
Na mardalan mangihutton patik ni Jahowa.+
2 Marlas ni roha ma akka halak na mamparrohahon sipaingotna,+
Na mangalului Ibana sian nasa roha ni nasida.+
3 Dang adong diulahon nasida na jahat,
Di dalan ni Debata do nasida mardalan.+
4 Nungnga diparettahon Ho
Asa marsitutu nasida mangulahon parettam.+
5 Lomo do rohakku asa toktong togu+
Asa boi huulahon akka aturanmu!
6 Asa unang gabe maila au+
Tikki hupikkiri sude parettam.
7 Tikki huparsiajari taringot patikmu* na tigor i,
Pujiokku do Ho sian nasa rohakku.
8 Ulahonokku do akka aturanmu.
Sai unang ma tinggalhon au.
ב [Bet]
9 Songon dia do bahenon ni na poso manjaga ngoluna asa toktong ias?
Ikkon toktong do ulahononna hatami.+
10 Sian nasa rohakku do au mangalului Ho.
Unang ma loas au manimbil sian akka parettam.+
12 Sai dipuji ma Ho, ale Jahowa.
Ajarhon ma tu au akka aturanmu.
13 Pakkeonku do babakku paboahon
Sude paretta na pinaboam.
16 Lomo do rohakku tu patikmu.
Jala dang lupahonokku hatam.+
ג [Gimel]
17 Burju ma Ho tu naposomon
Asa boi au mangolu jala huulahon hatam.+
18 Bukka ma matakku asa boi takkas huida
Akka na palongang roha na adong di patikmu.
19 Hira panoppang do au huhilala di luat on.+
Unang ma padao parettam sian au.
20 Masihol situtu do au
Tu akka parettam ganup tikki.
21 Disonggak Ho do siginjang roha
Na hona bura ala manimbil sian parettam.+
22 Unang ma loas au direhei jala dileai,
Ai huparrohahon do sipaingotmu.
23 Nang pe rap hundul akka pamimpin pahata-hata au,
Sai dipikkir-pikkiri* naposomon do akka aturanmu.
ד [Dalet]
25 Peak do au di orbuk.+
Jaga ma au asa toktong mangolu songon na nidokmi.+
26 Hupaboa do akka dalanku tu Ho, jala dialusi Ho do au.
Ajarhon ma tu au akka aturanmu.+
27 Ajari ma au asa boi huattusi lapatan* ni parettam,
28 Dang boi au modom ala lungun rohakku.
Patogu ma au songon na nidokmi.
29 Padao ma au sian dalan ni pangoto-otoi,+
Ajarhon ma patikmu tu au na patuduhon na lomo do roham tu au.
30 Marsitutu do au asa toktong setia.+
Huboto do na sittong akka parettam.
31 Sai huihutton do akka sipaingotmu.+
Ale Jahowa, unang ma loas au dipaila.+
ה [He]
34 Lehon ma tu au parbinotoan,
Asa boi huulahon patikmi
Jala ulahonokku do i sian nasa rohakku.
36 Bahen ma asa holong rohakku tu akka sipaingotmu,
Dang holong tu dirikku sandiri.+
37 Padao ma matakku asa unang huida akka na so marguna.+
Jaga ma au asa toktong mangolu di akka dalanmu.
39 Unang ma loas au dipaila asa unang mabiar au,
Ai denggan do akka parettam.+
40 Massai lomo do rohakku mangulahon parettam.
Jaga ma au asa toktong mangolu, ai na tigor* do Ho.
ו [Waw]
41 Sai anggiat ma huhilala holong ni roha* na pinatudum ale Jahowa,+
42 Asa boi hualusi halak na mangarehei au,
Ai porsea do au tu hatam.
43 Unang ma buat akka na sittong sian pamanganku,
Ai parettam do na hupaima-ima.
44 Toktong do ulahonokku patikmu,
Saleleng ni lelengna.+
46 Paboaokku ma akka sipaingotmu di jolo ni akka raja,
Jala dang maila au.+
47 Lomo do rohakku tu akka parettam,
Ido, huhaholongi do i.+
48 Huangkat do tangakku lao martangiang ala holong rohakku tu akka parettam,+
ז [Zayin]
49 Ingot ma janjim tu naposom,
I do na mambahen adong na hupaima-ima.*
50 I do na mangapuli au tikki susa,+
Ai hatam do na mambahen au toktong mangolu.
51 Sai direhe-rehei siginjang roha do au,
Alai dang manimbil au sian patikmu.+
53 Muruk situtu do au alani parjahat,
Na so mangoloi patikmu.+
54 Akka aturanmu do na gabe endekku,
Manang didia pe au maringanan.
55 Di tikki borngin huingot do goarmu, ale Jahowa,+
Asa boi huulahon patikmu.
56 Nungnga somal on huulahon
Ai huulahon do akka parettam.
ח [Het]
59 Nungnga hupareso akka dalanku,
Asa boi huihutton muse akka sipaingotmu.+
60 Toktong do huulahon parettam,+
Hatop do i huulahon jala dang hupaleleng-leleng.
61 Dililit tali ni akka parjahat do au,
Alai dang hulupahon patikmi.+
62 Di tonga borngin hehe do au lao mandok mauliate tu Ho+
Ai tigor do parettam.
ט [Tet]
65 Burju do Ho tu au
Songon naung nidokmi, ale Jahowa.
66 Ajari ma au asa manat marpikkir jala asa adong parbinotoakku,+
Ai pos do rohakku tu parettam.
68 Burju do Ho+ jala denggan do akka ulaonmu.
Ajarhon ma tu au akka aturanmu.+
69 Margabus do siginjang roha lao pahata-hata au,
Alai huulahon do parettam sian nasa rohakku.
70 Dos songon batu na pir do roha ni nasida na so makkilala manang aha,*+
Alai lomo do rohakku tu patikmi.+
71 Denggan do molo susa au,+
Asa huparsiajari akka aturanmu.
י [Yod]
73 Tanganmu do na manoppa jala na mambahen au.
Lehon ma di au parbinotoan,
Asa boi huparsiajari akka parettam.+
74 Idaon ni akka halak na makkabiari Ho ma au jala gabe marlas ni roha ma nasida,
Ai hatam do na hupaima-ima.+
78 Sai anggiat ma gabe dipaila akka siginjang roha,
Ai jahat do nasida tu au hape dang adong salakku.*
Alai sai hupikkir-pikkiri* do parettam.+
79 Sai anggiat ma akka halak na makkabiari Ho mulak muse tu au,
Akka halak na mamboto akka sipaingotmu.
כ [Kaf]
81 Hupaima-ima do haluaon na sian Ho,+
Ai hatam do na hupaima-ima.
84 Sadia leleng nai do paimaokku,
Asa hukumonmu akka halak na manusai au?+
85 Digali siginjang roha do lubang lao manjorat au,
Dang olo nasida mangulahon patikmu.
86 Boi do dihaporseai sude parettam.
Urupi ma au, ai dibahen akka halak do na jahat tu au hape dang adong salakku.+
87 Nungnga naeng dipamate nasida au,
Alai dang hutadikkon akka parettam.
88 Patudu ma holong ni roham* tu au,
Jaga ma au asa toktong mangolu, asa boi huulahon akka sipaingot na nidokmu.
ל [Lamed]
89 Ale Jahowa,
Hot do hatam di surgo saleleng ni lelengna.+
90 Setia do Ho sian tikki tu tikki,+
Dibahen Ho do hot tano on, asa toktong i adong.+
91 Alani parettam toktong do nasida* adong sahat tu saonari,
Ai naposom do nasida sude.
92 Molo dang lomo rohakku tu patikmu,
Pasti nungnga hancur au alani hasusaakku.+
93 Dang hea hulupahon akka parettam,
I do na mambahen au toktong mangolu.+
95 Naeng dipamate parjahat do au,
Alai huparrohahon do akka sipaingotmu.
96 Nungnga huida godang akka na denggan,
Alai dumenggan do akka parettam sian i sude.
מ [Mem]
97 Massai holong do rohakku tu patikmi!+
Huparsiajari do i ganup ari.+
98 Gabe umbisuk do au sian akka musukku alani parettam,+
I do na manogu-nogu au saleleng ni lelengna.
99 Gabe unggodang do parbinotoakku sian sude gurukku,+
Ai huparsiajari do akka sipaingotmu.
100 Gabe umbisuk do au sian akka na matua,
Ai huulahon do parettam.
101 Dang olo au mardalan di dalan ni akka parjahat,+
Asa boi huulahon na nidokmi.
102 Dang olo au manimbil sian parettam,
Ai nungnga diajar-ajari Ho au.
104 Gabe marbisuk do au alani parettam.+
Alani i do sogo rohakku tu sude dalan na so sittong.+
נ [Nun]
106 Nungnga marsumpa au lao mangulahon parettam na tigor i,
Jala pasautokku do i.
107 Ale Jahowa, borat do sitaonokku.+
Jaga ma au asa toktong mangolu songon na nidokmi.+
108 Ale Jahowa, sai anggiat ma lomo roham tu puji-pujian na hupasahat.+
Jala ajarhon ma tu au akka parettam.+
109 Sai adong do masa jea tu au,
Nang pe songon i dang hulupahon patikmi.+
110 Nungnga dibahen parjahat jorat lao manakkup au,
Alai dang hea au manimbil sian parettam.+
111 Dang tadikkonokku akka sipaingotmu,
Ai i do na mambahen las rohakku.+
112 Marsitutu do au mangihutton akka aturanmu
Huihutton do i ganup tikki sahat tu ujungna.
ס [Samekh]
115 Hamu akka parjahat, mandao ma hamu sian au+
Asa boi huulahon paretta ni Debatakku.
Pos do rohakku tu Ho, unang ma loas au maila.+
118 Dang lomo roham tu sude halak na manimbil sian aturanmu,+
Ai pargabus do nasida jala pangoto-otoi.
119 Dibolokkon Ho do sude parjahat sian tano on dos songon sampah.*+
Alani i ma holong rohakku tu sipaingotmu.
120 Hitir-hitir do au ala mabiar tu Ho,
Longang do rohakku mamboto keputusanmu.
ע [Ayin]
121 Nungnga huulahon na sittong dohot na adil,
Unang ma pasahat au tu akka halak na naeng mambahen na jahat tu au.
122 Marjanji ma ho lao mangurupi naposomon.
Asa unang dibahen siginjang roha na jahat tu au.
125 Naposom do au, lehon ma bisuk tu au,+
Asa huboto akka sipaingotmu.
126 Nungnga dapot be tikkina hukumon ni Jahowa nasida,+
Ai dilanggar nasida do patikmu.
127 I do na mambahen holong rohakku tu parettam,
Lobi sian mas, lobi sian mas murni.+
פ [Pe]
129 Palongang roha do akka sipaingotmu.
Alani i do umbahen huulahon i sude.
130 Molo diajarhon do hatam tu akka halak, dapot ni nasida ma parbinotoan,+
Na mambahen halak na so marpengalaman gabe marbisuk.+
131 Mauas do au tu akka parettam,
Jala masihol situtu do au tusi.+
132 Parrohahon ma au jala asi ma roham tu au,+
Songon naung binahenmu tu akka halak na makkaholongi goarmu.+
134 Palua* ma au sian akka halak na mambahen au susa,
Asa boi huulahon parettami.
136 Maraburan do ilu sian matakku,
Ala dang diulahon akka halak patikmu.+
צ [Tsade]
138 Tigor do akka sipaingotmu,
Jala boi do i dihaporseai.
139 Dos songon api na marsigorgor do holong ni rohakku tu Ho,+
Ai dilupahon akka musukku do hatam.
141 Dang sangap au jala lea do au.+
Alai dang hulupahon akka parettam.
143 Nang pe marsak au jala marsitaonon,
Sai holong do rohakku tu parettam.
144 Tigor do sipaingotmu saleleng ni lelengna.
Lehon ma di au parbinotoan,+ asa toktong au mangolu.
ק [Qof]
145 Jou-jou do au sian nasa rohakku. Alusi ma au, ale Jahowa.
Ulahonokku do akka aturanmu.
146 Jou-jou do au tu Ho, palua ma au!
Ihuttonokku do akka sipaingotmu.
147 Andorang so tiur dope ari, dungo do au lao jou-jou mangido asa diurupi.+
Ai hatam do na hupaima-ima.
149 Patudu ma holong ni roham,*+ tangihon ma soarakku.
Ale Jahowa, jaga ma au asa toktong mangolu, ai adil do Ho.
150 Nungnga ro akka halak na mangulahon akka ulaon na so umboto ila,
Mandao do nasida sian patikmu.
152 Nungnga huparsiajari sipaingotmu sian najolo,
Hot do i dibahen Ho saleleng ni lelengna.+
ר [Res]
153 Ida ma sitaonokkon jala palua ma au,+
Ai dang hulupahon patikmi.
155 Dang malua anggo parjahat i,
Ai dang marsitutu nasida lao mangihutton akka aturanmu.+
156 Balga do holong ni roham, ale Jahowa.+
Jaga ma au asa toktong mangolu, ai adil do Ho.
157 Godang do musukku dohot akka halak na manusai au,+
Alai dang manimbil au sian sipaingotmu.
158 Magigi do au tu penghianat,
Ai dang ditangihon nasida hatam.+
159 Massai holong do rohakku tu parettam.
Alani holong ni roha* na pinatudum, jaga ma au ale Jahowa asa toktong mangolu.+
ש [Sin] manang [Syin]
161 Dibahen akka pamimpin do na jahat tu au+ hape dang adong salakku.
Alai toktong do longang rohakku tu hatam.+
162 Las do rohakku tu hatam.+
Dos songon halak na dapotan godang arta.
164 Pitu hali di bagasan sadari au mamuji Ho,
Ai sittong do keputusanmu.
165 Dame situtu do dihilala akka halak na makkaholongi patikmu.+
Dang adong na boi mambahen nasida tartuktuk.
166 Ale Jahowa, hupaima-ima do asa paluaonmu au,
Jala huulahon do parettam.
167 Huihutton do sipaingotmu,
Jala huhaholongi do i.+
168 Huulahon do akka parettam dohot sipaingotmu,
Ai diboto Ho do sude na huulahon.+
ת [Taw]
169 Ale Jahowa, sai anggiat ma ditangihon Ho angguk-anggukku na mangido asa diurupi.+
Songon na nidokmi, urupi ma au asa mangattusi.+
170 Sai anggiat ma sahat elek-elekku tu jolom,
Palua ma au songon janjimi.*
171 Sai toktong do Ho pujiokku,+
Ai nungnga diajarhon Ho tu au akka aturanmu.
172 Endehonokku do taringot hatam,+
Ai sittong do sude parettam.
174 Ale Jahowa, sai hupaima-ima do haluaon na sian Ho.
Jala lomo do rohakku tu patikmu.+
175 Sai anggiat ma toktong au mangolu asa boi hupuji Ho,+
Sai anggiat ma keputusanmu na mangurupi au.
176 Nungnga lilu au dos songon biru-biru na mago.+ Lului ma naposomon,
Ai dang hea hulupahon parettam.+
Ende ni Halak na Nakkok tu Kota.*
2 Ale Jahowa, palua ma au sian bibir ni pargabus,
Dohot sian dila ni panipu.
4 Hukumonna ma ho mamakke anak panah+ na tajom appuna ni tentara
Dohot mamakke gara ni api+ na sian ramba na marsigorgor.
5 Marjea ma au ala nungnga gabe panoppang di Mesek!+
Ala maringanan di tonga-tonga ni kemah ni halak Kedar.+
6 Nungnga palelengku au maringanan
Dohot halak na marsogo ni roha tu hadameon.+
7 Lomo do rohakku mardame, alai tikki hudok asa mardame,
Marporang do pangidoan ni nasida.
Ende ni Halak na Nakkok tu Kota.*
121 Sai hutatap ma akka dolok.+
Sian dia do ro na lao mangurupi au?
2 Sian Jahowa do ro na mangurupi au,+
Sian Sitoppa langit dohot tano on.
3 Dang tagamon pasombuonna tarsilandit* patmu.+
Dang tagamon mondok-ondok mata ni na manjaga ho.
4 Ida ma! Tung na so hea do Ibana mondok-ondok manang na tarpodom,
Ibana do na manjaga halak Israel i.+
5 Jahowa do na manjaga ho.
Jahowa do parlinggomanmu,+ di sabola kananmi.+
7 Ramotan ni Jahowa do ho sian sude jea,+
Jala jagaonna do hosam.+
8 Jagaon ni Jahowa do ho di sude ulaonmu,*
Sian saonari sahat tu saleleng ni lelengna.
Ende ni Halak na Nakkok tu Kota* sian si Daud.
122 Massai las do rohakku tikki didok nasida tu au,
“Beta ma hita lao tu jabu ni Jahowa.”+
2 Jala saonari, nungnga jongjong be hami
Di akka gerbangmu, ale Jerusalem.+
3 Dipajongjong do Jerusalem gabe sada kota
Mardomu do akka tembokna asa marsada sude.+
4 Tusi do marroan akka marga,
Akka marga appuna ni Jahowa,
Songon naung diparettahon hian tu Israel,
Lao mamuji goar ni Jahowa.+
6 Pangido ma asa adong dame di Jerusalem,+
Ale Jerusalem, aman ma akka halak na makkaholongi ho.*
7 Sai anggiat ma toktong adong dame di kotam.*
Jala sai anggiat ma toktong sonang akka na tinggal di menaram.
8 Alani holongku tu akka haha anggikku dohot tu akka donganku, hudok do,
“Sai anggiat ma adong dame di ho.”
9 Alani holongku tu jabu ni Jahowa Debatanta i,+
Hutangiakkon do asa dilehon na denggan tu ho.
Ende ni Halak na Nakkok tu Kota.*
123 Sai tu Ho do matakku,+
Ale na martahta di banua ginjang.
2 Songon pamereng ni akka hatoban tu tangan ni tuan ni nasida,
Songon pamereng ni hatoban borua tu tangan ni tuanna borua,
Songon i ma matatta mangida Jahowa Debatanta i,+
Sahat tu na dipatudu Ibana asi ni rohana tu hita.+
3 Asi ma roham tu hami, ale Jahowa, asi ma roham tu hami,
Ai nungnga torus hami dileai.+
4 Nungnga tung leleng hami dipalea-lea* halak na pajago-jagohon
Jala dileai siginjang roha.
Ende ni Halak na Nakkok tu Kota.* Sian si Daud.
124 “Molo dang Jahowa hian na mandongani hita,”+
Dokkon hamu ma songon on ale Israel,
2 “Molo dang Jahowa hian na mandongani hita,”+
Tikki ro halak mangalo hita,+
3 Tikki marsigorgor muruk ni nasida tu hita,+
Boddutonna ma hita tikki mangolu dope.+
4 Nungnga maup hian hita bahenon ni aek,
Aupon ni aek na doras ma hita.+
5 Jala nungnga mabaor hian hita bahenon ni aek na massai doras.
6 Sai tapuji ma Jahowa,
Ai dijaga Ibana do hita sian akka musutta, na songon binatang buas i.
7 Songon pidong na malua do hita,
Malua sian jorat ni sitakkup pidong.+
Sega do jorat i,
Gabe malua ma hita.+
8 Sian Ibana na margoar Jahowa do na mangurupi hita,+
Sitoppa langit dohot tano on.
Ende ni Halak na Nakkok tu Kota.*
125 Halak na porsea tu Jahowa,+
Dos do i songon Dolok Sion na so boi dihutur,
Jala na hot sahat tu saleleng ni lelengna.+
2 Dos songon akka dolok na di sakaliling ni Jerusalem,+
Songon i ma Jahowa di sakaliling ni akka naposona+
Sian saonari sahat tu saleleng ni lelengna.
3 Dang saleleng ni lelengna hajahaton* i mangarajai di luat naung dilehon tu halak na tigor marroha,+
5 Alai anggo halak na manirpang tu dalan na sala,
Pamateon ni Jahowa do nasida rap dohot akka parjahat na asing.+
Sai anggiat ma adong dame di Israel.
Ende ni Halak na Nakkok tu Kota.*
126 Tikki diboan Jahowa mulak akka halak Sion na ditakkup musu,+
Songon na marnipi do tahilala.
2 Di tikki i, holan na mekkel-ekkel ma hita
Jala dilatta pe marsurak marlas ni roha.+
Tikki i, didok akka bangso ma tu bangso na asing,
“Nungnga dibahen Jahowa akka ulaon na balga tu nasida.”+
3 Nungnga dibahen Jahowa akka ulaon na balga tu hita,+
Gabe massai las situtu ma rohatta.
4 Ale Jahowa, boan ma mulak dongan sabangsonami naung diboan musu,
Paulak ma nasida dos songon udan na manggohi akka sunge na di Negeb.*
5 Akka halak na manabur boni huhut tarilu-ilu
Mambuat hasilna di bagasan las ni roha.
6 Halak na tarilu-ilu
Huhut mamboan boni na lao disabur,
Na lao marlas ni roha do ibana mulak+
Mamboan hasil panenna.+
Ende ni Halak na Nakkok tu Kota.* Sian si Salomo.
127 Molo dang Jahowa na pajongjokkon jabu,
Marisuang ma halojaon ni halak na pajongjokkon i.+
Molo dang Jahowa na manjaga kota,+
Sia-sia ma halojaon ni akka panjaga na toktong sai jaga.
2 Dang adong gunana, nang pe tibu hamu dungo manogot,
Karejo sahat tu borngin,
Marhoi-hoi mangalului sipanganon,
Ai diparrohahon Ibana do halak na dihaholongi Ibana, jala dibahen Ibana do nasida renges modom.+
5 Marlas ni roha ma bawa na godang anak panahna.+
Dang na lao dipaila akka musu nasida,
Ai na lao dibela akka anakna do ibana di pintu gerbang ni kota.
Ende ni Halak na Nakkok tu Kota.*
2 Allangonmu ma hasil na niula ni tanganmu sandiri.
Marlas ni roha ma ho jala dang hurangan manang aha.+
3 Songon anggur na marparbue ma istrim di jabum.+
Songon tunas ni hau jetun ma akka anakkonmu di sakaliling ni mejam.
4 Songon i ma dibahen tu bawa na makkabiari Jahowa,
Dipasu-pasu do ibana.+
5 Pasu-pasuon ni Jahowa do ho sian Sion.
Sai anggiat ma diida ho akka na denggan di Jerusalem saleleng ni ngolum.+
6 Jala idaonmu ma akka anak ni pahoppum.
Sai anggiat ma adong dame di Israel.
Ende ni Halak na Nakkok tu Kota.*
129 “Mulai sian na poso dope au, torus do dialo nasida au,”+
Dokkon hamu ma songon on ale Israel,
2 “Mulai sian na poso dope au, torus do dialo nasida au,+
Alai dang tartaluhon ni nasida au.+
3 Dibahen akka halak do tanggurukku songon tano na dibajak,+
Ganjang do dibahen nasida gadu-gaduna.”
5 Sude na marsogo ni roha tu Sion
Lao dipaila ma nasida laos gabe mundur.+
6 Songon duhut-duhut ma nasida na tubu di atas ni atap,
Na koring andorang so dicabut,
7 Na paotikku lao golomon ni panabi,
Manang paotikku lao abingon ni panarui.
8 Dang dohonon ni halak na mamolus be,
“Sai dipasu-pasu Jahowa ma hamu,
Pangidoonnami ma asa dipasu-pasu hamu di bagasan goar ni Jahowa.”
Ende ni Halak na Nakkok tu Kota.*
130 Tikki massai dangol huhilala, jou-jou do au tu Ho ale Jahowa.+
2 Ale Jahowa, tangihon ma soarakkon.
Sai anggiat ma tinggil pinggolmu manangihon pangidoakku asa diurupi Ho au.
3 Molo holan akka salanami do na diparrohahon* Ho ale Jahowa,*
Ise ma na boi malua sian hukuman ale Jahowa?+
5 Porsea do au tu janjim na lao urupanmu au, ale Jahowa,
Hupaima-ima do saut sude janjimi.
6 Sai hupaima-ima do Jahowa,+
Lobi sian panjaga na paima-imahon tiur ari,+
Tutu, lobi sian panjaga na paima-imahon ari manogot.
7 Sai anggiat ma torus dipaima-ima Israel Jahowa,
Ai saleleng ni lelengna do dipatudu Jahowa holong ni rohana,*+
Jala balga do huasona lao manobus.
8 Na lao ditobus Ibana do Israel sian sude dosa ni nasida.
Ende ni Halak na Nakkok tu Kota.* Sian si Daud.
131 Ale Jahowa, dang adong na huhaginjangkon,
Jala dang adong na huanggarhon,+
Dang hulului akka ulaon na balga,+
Manang na so sanggup huulahon.
2 Alai hupasonang jala hupadame do rohakku+
Dos songon dakdanak di abingan ni omakna,
Sonang do huhilala, dos songon dakdanak na baru sae manusu.
3 Sai anggiat ma torus dipaima-ima Israel Jahowa+
Sian saonari sahat tu saleleng ni lelengna.
Ende ni Halak na Nakkok tu Kota.*
132 Ale Jahowa, ingot ma si Daud
Dohot sude sitaononna.+
2 Ale Jahowa, Debata na Massai Gogo, Debata ni si Jakkob,
Ingot ma naung marsumpa jala naung marjanji si Daud tu Ho.+ Didok ibana do,
3 “Dang na lao masuk au tu kemahku, tu jabukku.+
Tung na so olo au peak di podomanku,
4 Tung so olo au tarpodom,
Manang tutup matakki,
5 Sahat tu na dapottu inganan ni poti parpadanan ni Jahowa,
Inganan na denggan* lao di Debata na Massai Gogo i, Debata ni si Jakkob.”+
8 Hehe ma Ho ale Jahowa, ro ma Ho tu ingananmu tinggal,+
Ro ma Ho rap dohot poti parpadanan na patuduhon gogomi.+
9 Sai anggiat ma dibahen malimmu akka na sittong* i dos songon abit na dipakke nasida,
Jala sai anggiat ma marsurak marlas ni roha akka naposom na setia i.
11 Nungnga marsumpa Jahowa tu si Daud,
Dang na lao paubaonna hatana i:
“Sahalak sian pinopparmi,
Bahenokku di tahtami.+
12 Molo toktong dioloi akka anakmu parjanjiakku,
Dohot sipasingot na huajarhon tu nasida,+
Akka anak ni nasida pe,
Na lao hundul ma di tahtam saleleng ni lelengna.”+
13 Ai nungnga dipillit Jahowa kota Sion,+
Lomo do rohana mambahen i gabe ingananna tinggal,+ didok do,
14 “On do inganakku saleleng ni lelengna,
Dison ma Au maringanan,+ ai on do lomo ni rohakku.
15 Pasu-pasuokku ma kota i, bahenokku ma godang sipanganon disi,
Bahenokku ma butong mangallang roti akka halak na pogos na disi.+
17 Disi ma bahenokku lam tamba gogo* ni si Daud,
Ai nungnga huparade sada lampu tu halak na hupillit.*+
18 Pailaokku ma akka musuna,
Lam bidang jala sonang ma harajaonna.”+
Ende ni Halak na Nakkok tu Kota.* Sian si Daud.
133 Ida ma! Tung denggan jala massai uli do
Molo rap tinggal akka na marhaha maranggi jala marsada ni roha!+
2 Dos songon miak na denggan do i na diusehon tu ulu,+
Na manetek sahat tu janggut,
Tu janggut ni si Aron,+
Na manetek sahat tu kerah ni bajuna.
Tusi do dijanjihon Jahowa pasu-pasuna,
I ma hangoluan na saleleng ni lelengna i.
Ende ni Halak na Nakkok tu Kota.*
3 Sai anggiat ma Jahowa Sitoppa langit dohot tano on,
Mamasu-masu ho sian Sion.
135 Puji ma Jahowa!*
Puji ma goar ni Jahowa.
Hamu akka naposo ni Jahowa, pasahat ma puji-pujian tu Ibana,+
2 Hamu akka na marhobas di jabu ni Jahowa,
Di alaman ni jabu ni Debatanta.+
3 Puji ma Jahowa,* ai na burju do Jahowa.+
Marende ma hamu mamuji goarna, ai palashon roha do i.
4 Nungnga dipillit Jahowa* be si Jakkob gabe naposona,
Nungnga dipillit Ibana bangso Israel gabe appunana na massai arga.+
6 Dibahen Jahowa do manang aha pe lomo ni rohana+
Di langit, di tano on, dohot di sude laut na bagas.
7 Dibahen Ibana do tarangkat akka ombun* sian ujung ni tano on.
Diparo Ibana do sillam tikki ro* udan,
Jala diparo Ibana do alogo sian akka inganan panimpananna.+
8 Dipamate Ibana do sude anak siakkangan na adong di Mesir,
Anak siakkangan ni jolma nang binatang.+
9 Dibahen Ibana do tanda halongangan* di tonga-tongam, ale Mesir,+
Di jolo ni si Firaun dohot sude pejabatna.+
10 Ditaluhon Ibana do godang bangso+
Jala dipamate Ibana do akka raja na gogo.+
11 Dipamate Ibana do si Sihon raja ni halak Amori,+
Si Og raja ni Basan,+
Dohot sude harajaon na adong di Kanaan.
12 Dilehon Ibana do tano ni nasida
Gabe parbagianan ni halak Israel bangsona.+
13 Ale Jahowa, martahan do goarmu saleleng ni lelengna.
Ale Jahowa, martahan do hasangaponmu* sian tikki tu tikki.+
15 Anggo patung na disomba akka bangso, sian perak dohot sian mas do i,
Jala jolma do na mambahen i.+
16 Adong do babana, alai dang boi makkatai.+
Adong do matana, alai dang boi mangida.
17 Adong do pinggolna, alai dang boi mambege.
Dang adong hosa di igungna.+
19 Ale pinoppar ni Israel, puji ma Jahowa.
Ale pinoppar ni si Aron, puji ma Jahowa.
20 Ale pinoppar ni si Lepi, puji ma Jahowa.+
Hamu na makkabiari Jahowa, puji ma Jahowa.
136 Mandok mauliate ma tu Jahowa, ai na burju do Ibana.+
Toktong do dipatudu Ibana holong ni rohana* sahat tu saleleng ni lelengna.+
2 Mandok mauliate ma tu Debata na untimbo sian debata na asing,+
Ai toktong do dipatudu Ibana holong ni rohana sahat tu saleleng ni lelengna.
3 Mandok mauliate ma tu Tuan na untimbo sian sude tuan na asing,
Ai toktong do dipatudu Ibana holong ni rohana sahat tu saleleng ni lelengna.
4 Holan Ibana do na mangulahon akka ulaon na palongang roha,+
Ai toktong do dipatudu Ibana holong ni rohana sahat tu saleleng ni lelengna.+
5 Dibahen Ibana do langit marhite bisukna,+
Ai toktong do dipatudu Ibana holong ni rohana sahat tu saleleng ni lelengna.
6 Dibahen Ibana do tano on di ginjang ni akka aek,+
Ai toktong do dipatudu Ibana holong ni rohana sahat tu saleleng ni lelengna.
7 Dibahen Ibana do asa tiur* langit,+
Ai toktong do dipatudu Ibana holong ni rohana sahat tu saleleng ni lelengna,
8 Dibahen Ibana do mataniari mangarajai arian,+
Ai toktong do dipatudu Ibana holong ni rohana sahat tu saleleng ni lelengna,
9 Dibahen Ibana do bulan dohot akka bintang mangarajai borngin,+
Ai toktong do dipatudu Ibana holong ni rohana sahat tu saleleng ni lelengna.
10 Dipamate Ibana do anak siakkangan na di Mesir,+
Ai toktong do dipatudu Ibana holong ni rohana sahat tu saleleng ni lelengna.
11 Diboan Ibana do kaluar bangso Israel sian Mesir,+
Ai toktong do dipatudu Ibana holong ni rohana sahat tu saleleng ni lelengna,
12 Dipakke Ibana do tanganna na gogo i,+
Ai toktong do dipatudu Ibana holong ni rohana sahat tu saleleng ni lelengna.
13 Dibola dua Ibana do Laut Merah,+
Ai toktong do dipatudu Ibana holong ni rohana sahat tu saleleng ni lelengna.
14 Dibahen Ibana do halak Israel mardalan sian tonga-tonga ni laut i,+
Ai toktong do dipatudu Ibana holong ni rohana sahat tu saleleng ni lelengna.
15 Dilonokkon Ibana do si Firaun dohot akka tentarana tu Laut Merah,+
Ai toktong do dipatudu Ibana holong ni rohana sahat tu saleleng ni lelengna.
16 Ditogu-togu Ibana do bangsona mardalan sian gurun,+
Ai toktong do dipatudu Ibana holong ni rohana sahat tu saleleng ni lelengna.
17 Dipamate Ibana do akka raja na sangap,+
Ai toktong do dipatudu Ibana holong ni rohana sahat tu saleleng ni lelengna.
18 Dipamate Ibana do akka raja na gogo,
Ai toktong do dipatudu Ibana holong ni rohana sahat tu saleleng ni lelengna.
19 Dipamate do si Sihon+ raja ni halak Amori,
Ai toktong do dipatudu Ibana holong ni rohana sahat tu saleleng ni lelengna.
20 Jala dipamate do si Og+ raja ni Basan,
Ai toktong do dipatudu Ibana holong ni rohana sahat tu saleleng ni lelengna.
21 Dilehon Ibana do tano ni nasida gabe parbagianan ni bangsona,+
Ai toktong do dipatudu Ibana holong ni rohana sahat tu saleleng ni lelengna,
22 Dilehon do i gabe parbagianan ni Israel naposona i,
Ai toktong do dipatudu Ibana holong ni rohana sahat tu saleleng ni lelengna.
23 Diingot Ibana do hita tikki mandele hita,+
Ai toktong do dipatudu Ibana holong ni rohana sahat tu saleleng ni lelengna.+
24 Sai dipalua Ibana do hita sian akka musutta,+
Ai toktong do dipatudu Ibana holong ni rohana sahat tu saleleng ni lelengna.
25 Dilehon Ibana do sipanganon tu nasa na mangolu,+
Ai toktong do dipatudu Ibana holong ni rohana sahat tu saleleng ni lelengna.
26 Mandok mauliate ma tu Debata na marhuaso di surgo,
Ai toktong do dipatudu Ibana holong ni rohana sahat tu saleleng ni lelengna.
137 Tikki hundul hami di labbung ni akka sunge na di Babel,+
Mangangguki do hami molo diingot hami Sion.+
3 Disuru akka halak na mambahen hami gabe tawanan do hami marende,+
Dilesengi nasida do hami, didok do songon on asa las roha ni nasida,
“Endehon hamu jo sada ende taringot Sion.”
4 Boha do bahenonnami marende tu Jahowa
Di huta ni halak?
6 Molo dang huingot ho Jerusalem
Molo dang hubahen ho gabe haroroan ni las ni rohakku na umbalga,
7 Ale Jahowa,
Ingot ma tikki na ditaluhon i Jerusalem, didok halak Edom do,
“Ruppakkon ma i! Ruppakkon ma i sahat tu fondasina!”+
8 Ale anak boru ni Babel, lao dihancurhon nama ho tokkin nai,+
Marlas ni roha ma halak na mambalos ho
Dos songon na binahenmu tu hami.+
9 Marlas ni roha ma halak na manakkup gellengmu
Jala na manoppasson nasida tu dolok batu.+
Sian si Daud.
138 Pujiokku ma Ho sian nasa rohakku,+
Endehonokku ma puji-pujian tu Ho
Di jolo ni akka debata na asing.*
2 Marsomba ma au tu arah ni bagas jorom* na badia i,+
Jala pujiokku ma goarmi+
Ai setia do Ho jala dipatuduhon Ho do holong ni roham.*
Dibahen Ho do ussangap hatami dohot goarmi sian manang aha pe.*
4 Pujion ni sude akka raja na di tano on ma Ho, ale Jahowa.+
Ai nungnga dibege nasida akka janjimi.
5 Endehonon ni nasida ma taringot dalan ni Jahowa,
Ai sangap situtu do Jahowa.+
6 Nang pe sangap Jahowa, diparrohahon Ibana do halak na serep marroha.+
Alai mandao do Ibana sian siginjang roha.+
7 Tikki masa jea tu au, dijaga Ho do au asa toktong mangolu.+
Dialo Ho do akka musukku na muruk i marhite tanganmu,
Jala dipalua Ho do au marhite tanganmu na gogo i.*
8 Bahenon ni Jahowa do manang aha pe lao paluahon au.
Ale Jahowa, toktong do dipatudu Ho holong ni roham* sahat tu saleleng ni lelengna.+
Sai unang ma lupahon akka na binahen ni tanganmu.+
Tu pamimpin ni akka parende. Ende ni si Daud.
139 Ale Jahowa, ditanda Ho do au jala manat do au diparrohahon Ho.+
2 Diida Ho do pikkiranku sian na dao,+
Diboto Ho do tikki hundul jala tikki jongjong au.+
4 Dang adong dope hudok manang aha,
Nungnga takkas diboto Ho i, ale Jahowa.+
5 Dihaliangi Ho do au lao manjaga au,
Jala ditogu-togu Ho do au.
6 Mabagassu do* parbinotoanmi.
Dang tarbahen au mangattusi i.+
7 Tudia ma au boi martabuni sian tondi parbadiami,
Tung tudia ma au boi lao mandao sian Ho?+
9 Nang pe boi hatop au habang mangalewati langit dos songon mataniari bissar,
Lao tinggal di bariba ni laut na undao,
10 Disi pe togu-toguonmu do au
11 Nang pe hudok, “Boi do au martabuni di na holom!”
Alai gabe tiur do borngin na makkaliangi au.
12 Haru na holom i pe dang holom di Ho,
Dos do arian dohot borngin di Ho,+
Jala dos do di Ho na holom dohot na tiur.+
14 Hupuji do Ho, ai longang do rohakku ala denggan do au dibahen Ho.+
Palongang roha do akka ulaonmu,+
Takkas do i huboto.
15 Tikki ditoppa Ho au di inganan na buni,
Tikki di bortian ni omakku dope au,
Dang buni holi-holikku sian Ho.+
16 Nungnga diida Ho au andorang so tubu dope au.
Andorang so adong dope au,
Disurat Ho do i di bukkum,
Disurat Ho do mulai nandigan i adong.
17 Ale Debata, longang do au mamboto akka pikkiranmu!+
Jala tung godang situtu do i!+
18 Molo huetong sadia godang i sude, unggodang do i sian pasir.+
Tikki dungo au, tong dope huetong i.*+
19 Ale Debata, autsugari ma olo Ho pamatehon akka parjahat!+
Pasti mandao do akka halak na kejam sian au.
20 Didok nasida do akka na jahat taringot Ho,
Akka musum do nasida jala lomo-lomo ni nasida do mamakke goarmu.+
21 Ale Jahowa, sogo do rohakku tu akka halak na marsogo ni roha tu Ho,+
Jala magigi do au tu akka halak na mangalo tu Ho.+
22 Massai sogo do rohakku tu nasida,+
Nasida do akka musukku.
23 Ale Debata, manat ma parrohahon au jala ida ma rohakku.+
Manat ma parrohahon au, jala ida ma arsak ni rohakku.+
Tu pamimpin ni akka parende. Ende ni si Daud.
140 Ale Jahowa, palua ma au sian halak na jahat,
Jaga ma au sian halak na kejam,+
2 Marsakkap do nasida mambahen na jahat,+
Jala holan na patubu-tubu parbadaan do nasida ganup ari.
3 Tajom do dila ni nasida dos songon dila ni ulok.+
Jala adong do bisa ni ulok di bibir ni nasida.+ (Sela)
4 Ale Jahowa, palua ma au sian tangan ni akka parjahat.+
Jaga ma au sian akka halak na kejam.
Ai marsakkap do nasida lao mambahen au tartuktuk.
5 Dibahen siginjang roha do jorat tu au,
Dipahembang nasida do jaring di dalan.+
Dibahen nasida do jorat tu au.+ (Sela)
6 Hudok ma tu Jahowa, “Ho do Debatakku.
Ale Jahowa, tangihon ma tikki mangelek-elek au asa diurupi Ho.”+
8 Ale Jahowa, unang ma lehon pangidoan ni parjahat i.
Unang ma loas nasida marhasil, asa unang ginjang roha ni nasida.+ (Sela)
9 Sai anggiat ma akka hata na jahat sian halak na makkalilingi au,
Gabe mulak muse tu nasida.+
10 Sai anggiat ma mardabuan gara ni api tu nasida.+
Sai anggiat ma nasida disappatton tu api,
Jala disappatton tu lubang na bagas*+ asa unang boi be nasida kaluar sian i.
11 Sai unang ma tinggal di tano on akka halak na mandok na so tutu.+
Sai masa ma hajahaton tu halak na kejam jala hancur nasida alani i.
12 Huboto do, dibela Jahowa do halak na dangol,
Jala adil do Ibana tu halak na pogos.+
13 Pujion ni halak na tigor marroha ma goarmu,
Jala tinggal ma halak na tigor marroha i di jolom.+
Ende ni si Daud.
141 Ale Jahowa, jou-jou do au tu Ho.+
Hatop ma Ho ro mangurupi au.+
Tangihon ma tikki jou-jou au tu Ho.+
2 Sai anggiat ma tangiakku gabe dos songon dupa+ na diparade di jolom,+
Jala tanganku na tarangkat i dos songon pelean sipanganon na dilehon tikki borngin.+
3 Ale Jahowa, urupi ma au asa boi hujaga babakku,
Urupi ma au asa boi hujaga bibirhu.+
4 Sai unang ma loas rohakku mangihutton na jahat,+
Sai unang ma dohot au mangulahon na jahat rap dohot akka halak na jahat,
Sai unang ma dohot au mangallang sipanganon ni nasida na tabo i.
5 Molo diattuk halak na tigor marroha au, patuduhon holongna do i.+
Molo dipissang ibana au, dos songon miak do i di ulukku,+
Jalookku do i,+
Jala tikki susa nasida, sai hutangiakkon do nasida.
6 Autsugari ma disappatton akka hakim tu lombang,
Tangihonon ni akka halak ma hatakku, ai lomo do roha ni nasida manangihon i.
7 Dos songon tano na diombak jala dipadosdos asa unang marhippal,
Songon i ma holi-holinami marserak di Kuburan.*
8 Alai marhaposan tu Ho do au, ale Jahowa Tuan Natumimbul.+
Tu Ho do au marlinggom.
Unang ma pasombu au mate.
9 Padao ma au sian jorat na binahen ni nasida,
Sian jorat ni akka parjahat.
10 Na lao madabu do akka parjahat i tu jorat na binahenna,+
Alai malua do au sian i.
Maskil.* Tangiang ni si Daud tikki di bagasan gua.+
142 Jou-jou do au tu Jahowa mangido asa diurupi.+
Mangelek-elek do au tu Jahowa mangido asi ni rohana.
Dung i diparrohahon Ho do dalanku.+
Dibahen musukku do jorat
Di dalan sidalanakku.
Dang huboto be tudia au lao,+
Dang adong na mamikkiri au.
5 Ale Jahowa, jou-jou do au tu Ho mangido asa urupanmu au.
Hudok do, “Ho do parlinggomakku.”+
Holan Ho do parlinggomakku saleleng ni ngolukku.
6 Tangihon ma angguk-anggukku na mangido asa urupanmu au,
Ai nungnga mandele au.
Palua ma au sian akka halak na mambahen na jahat tu au.+
Ai umgogo do nasida sian au.
7 Palua ma au sian penjara,
Asa hupuji goarmi.
Sai anggiat ma ro marpungu akka halak na tigor marroha tu labbungku.
Ai burju do Ho tu au.
Ende ni si Daud.
143 Ale Jahowa, tangihon ma tangiakku.+
Tangihon ma elek-elekku na mangido asa urupanmu au.
Alusi ma au, ai setia do Ho jala sittong do ulaonmu.
2 Unang ma adili au naposomon,
Ai dang adong jolma na sittong di jolom.+
3 Dilele musukku do au,
Didege-dege do au sappe mate,
Dibahen do au maringanan di inganan na holom dos songon halak naung leleng mate.
5 Alai huingot do sude akka naung salpu.
Hurimang-rimangi do sude ulaonmu.+
Jala hupikkir-pikkiri* do akka na binahen ni tanganmu.
6 Huangkat do tanganku martangiang tu Ho,
Hupaima-ima do Ho, dos songon tano na koring na paima-imahon udan.+ (Sela)
8 Sai anggiat ma hubege tikki manogot taringot holong* na pinatudum,
Ai pos do rohakku tu Ho.
Patuduhon ma tu au dalan sidalanakku.+
Ai tu Ho do hupasahat ngolukku.
9 Ale Jahowa, palua ma au sian akka musukku.
Ai tu Ho do au marlinggom.+
10 Ajari ma au mangulahon lomo ni roham,+
Ai Ho do Debatakku.
Burju do Ho,
Togu-togu ma au di dalan na dosdos marhite tondi parbadiami.
11 Ale Jahowa, jaga ma au asa toktong mangolu alani goarmi.
Palua ma au sian akka hasusaakku, ai sittong do ulaonmu.+
12 Patudu ma holong ni roham* tu au, pamate ma* akka musukku.+
Hancurhon ma sude halak na mambahen na jahat tu au.+
Ai naposom do au.+
Sian si Daud.
144 Pinuji ma Jahowa Dolok Batukku,+
Na mangajari tanganku lao marporang,
Dohot na mangajari jari-jarikku lao manaluhon musu.+
2 Dipatuduhon Ibana do holongna* tu au jala Ibana do Sipalua au,
Ibana do bentengku jala Ibana do parlinggoman di au,
Ibana do perisaiku jala Ibana do parlinggomakku,+
Dibahen Ibana do tunduk akka bangso tu au.+
3 Ale Jahowa, tung aha ma jolma i umbahen na diingot Ho ibana?
Tung aha ma anak ni jolma i umbahen na diparrohahon Ho ibana?+
5 Ale Jahowa, bahen ma lekkuk langitmi jala turun ma Ho.+
Jama ma akka dolok i jala bahen ma kaluar timus sian i.+
7 Surdukkon ma tanganmi sian ginjang,
Palua ma au sian aek na bagas,
Sian tangan ni akka bangso na asing,+
8 Sian halak na makkatahon gabus,
Dohot sian halak na mangangkat tanganna lao marsumpa mandok na so tutu.
9 Ale Debata, endehonokku ma ende na baru tu Ho.+
Marende ma au mamuji* Ho huhut mamakke harpa na balga.
10 Dibahen Ho do monang akka raja.+
Dipalua Ho do naposom si Daud asa unang mate alani podang.+
11 Palua ma au sian tangan ni akka bangso na asing,
Sian halak na makkatahon gabus,
Dohot sian halak na mangangkat tanganna lao marsumpa mandok na so tutu,
12 Asa boi akka anaknami gabe dos songon suan-suanan na hatop tubu,
Jala akka borunami pe, gabe dos songon tiang na mambahen bagak akka sudut ni istana.
13 Lam godang ma hasil panen di gudangnami,
Lam godang ma biru-biru dohot hambingnami di ladang, marribu-ribu jala marpuluribu.
14 Torus ma maranaki akka lombunami, dang adong na mate,
Jala dang adong be na mangangguki di akka dalan.
15 Marlas ni roha do bangso molo masa sisongon i tu nasida,
Marlas ni roha ma bangso molo Jahowa Debatana.+
Ende puji-pujian sian si Daud.
א [Alef]
ב [Bet]
ג [Gimel]
ד [Dalet]
4 Pujion ni nasida ma akka na binahenmu saleleng ni lelengna,
Paboaon ni nasida ma taringot akka pambahenanmu na palongang roha.+
ה [He]
5 Paboaon ni nasida ma taringot hasangaponmu,+
Jala hurimangi ma akka ulaonmu na palongang roha.
ו [Waw]
6 Paboaon ni nasida ma taringot huasom na palongang roha,
Jala paboaokku ma taringot hasangaponmu.
ז [Zayin]
7 Marlas ni roha ma nasida paboahon akka haburjuonmu,+
Marsurak ma nasida marlas ni roha alani pambahenanmu na sittong i.+
ח [Khet]
ט [Tet]
9 Burju do Jahowa tu sude,+
Jala tarida do asi ni rohana di sude akka ulaonna.
י [Yod]
כ [Kaf]
11 Paboaon ni nasida ma taringot harajaonmu na sangap i,+
Jala paboaonna ma taringot huasom.+
ל [Lamed]
12 Asa diboto akka halak taringot ulaonmu na palongang roha i,+
Jala asa diboto akka halak taringot harajaonmu na sangap i.+
מ [Mem]
13 Martahan do harajaonmu saleleng ni lelengna,
Jala mamaretta do Ho saleleng ni lelengna.+
ס [Samekh]
ע [Ayin]
15 Ro do sude halak tu Ho mangido asa diurupi,
Jala dilehon Ho do sipanganon tu nasida di tikkina.+
פ [Pe]
צ [Tsade]
ק [Qof]
ר [Res]
19 Dilehon Ibana do sude na dihaporluhon akka halak na makkabiari Ibana.+
Ditangihon Ibana do angguk-angguk ni nasida na mangido asa diurupi,
Jala dipalua do nasida.+
ש [Syin]
ת [Taw]
Paloas ma au mamuji Jahowa.+
2 Pujiokku ma Jahowa saleleng ni ngolukku.
Marende ma au mamuji* Debatakku saleleng ni ngolukku.
5 Marlas ni roha ma halak na mangido tu Debata ni si Jakkob asa diurupi,+
Jala na porsea tu Jahowa Debatana,+
6 Ibana do na manoppa langit dohot tano on,
Songon i nang laut dohot nasa isina,+
Ibana do na toktong boi dihaporseai,+
7 Na mambahen na adil tu halak na dioto-otoi,
Na mangalehon sipanganon tu halak na male.+
Jahowa do na paluahon halak na tarhurung.*+
8 Dibukka Jahowa do mata ni halak na mapitung,+
Dipatogu Jahowa do halak na gale,+
Jala dihaholongi Jahowa do halak na tigor marroha.
9 Dijaga Jahowa do halak panoppang,
Diurupi Ibana do dakdanak na so marama dohot ina na mabalu,+
10 Jahowa do na lao gabe Raja saleleng ni lelengna,+
Ale Sion, Debatami do na gabe Raja sian tikki tu tikki.
Puji ma Jahowa!*
Denggan situtu do molo marende hita mamuji* Debatanta,
Massai las do roha mamuji Ibana jala patut do Ibana pujion!+
3 Dipamalum Ibana do roha ni na mandele,
Diubati Ibana do lukka ni nasida.
7 Marende ma hamu mandok mauliate tu Jahowa,
Marende ma hamu huhut mamakke harpa lao mamuji Debatanta,
8 Ibana do na mambahen ombun manutupi langit,
Ibana do na mangalehon udan tu tano on,+
Ibana do na mambahen tubu duhut-duhut+ di akka dolok.
9 Ibana do na mangalehon mangan akka binatang,+
Dohot anak ni burung gagak na jou-jou mangido mangan.+
12 Pasangap ma Jahowa, ale Jerusalem.
Puji ma Debatam, ale Sion!
13 Dibahen Ibana do togu akka palang ni gerbang ni kotam,
Dipasu-pasu Ibana do akka anakmu.
15 Dikirim Ibana do parettana i tu tano on,
Jala hatop do marlojong hatana i.
16 Ditutup Ibana do tano on dohot salju, songon salimut na bottar,+
Disabur Ibana do nambur na beku songon abu.+
17 Diparo Ibana do udan es songon ropuk-ropuk ni roti.+
Dang tartaon ngalina.+
18 Tikki dikirim Ibana parettana, malala ma es i.
Dibahen Ibana ma mangullus alogona i,+ gabe mardalan ma aek i.
19 Dipasahat Ibana ma hatana i tu si Jakkob,
Jala dipaboa ma akka paretta dohot aturanna tu halak Israel.+
20 Dang dibahen Ibana songon i tu bangso na asing,+
Dang diboto nasida manang aha taringot tu parettana.
148 Puji ma Jahowa!*
Puji ma Jahowa hamu akka na di surgo,+
Jala hamu akka na di inganan na timbo, puji ma Ibana.
2 Puji ma Ibana, hamu sude akka suru-suruan.+
Puji ma Ibana, hamu sude akka tentarana.+
3 Puji ma Ibana, ale mataniari dohot bulan.
Puji ma Ibana, ale akka bintang na marsinondang.+
4 Puji ma Ibana, ale langit na untimbo,
Puji ma Ibana, ale ombun na di langit na parohon udan.
5 Sai dipuji nasida ma goar ni Jahowa,
Ai marhite parettana do tartoppa sudena i.+
6 Dibahen Ibana do sudena i hot di ingananna be saleleng ni lelengna,+
Dibahen Ibana do hukum jala toktong do i adong.+
7 Puji ma Jahowa, hamu sude akka na di tano on
Ale akka binatang na balga na di laut dohot na mangolu di aek na bagas.
8 Ale sillam dohot udan es, salju dohot ombun na tobal,
Ale halisuksung na mangoloi hatana, puji ma Ibana.+
9 Hamu sude ale akka dolok,+
Sude hau na marparbue dohot hamu sude ale hau ares, puji ma Ibana.+
10 Hamu sude akka binatang liar+ dohot sude binatang na dipiaro,
Sude akka na manjirir dohot akka pidong na marhabong, puji ma Ibana.
11 Sude akka raja na di tano on, dohot sude akka bangso,
Sude akka pamimpin dohot sude hakim, puji ma Ibana.+
12 Hamu akka doli-doli dohot akka anak boru,*
Akka na matua rap dohot sude akka na poso, puji ma Ibana.
Hamuliaonna untimbo sian tano on dohot langit.+
14 Ibana do na mambahen lam balga huaso* ni bangsona,
Asa dipuji sude akka naposona na setia,
Akka pinoppar ni si Israel, bangso na jonok tu Ibana.
Puji ma Jahowa!*
149 Puji ma Jahowa!*
Endehon ma ende na imbaru tu Jahowa,+
Puji ma Ibana di tonga-tonga ni punguan ni akka halak na setia.+
2 Sai marlas ni roha ma Israel alani Sitoppa nasida na sangap i,+
Sai marlas ni roha ma penduduk* ni Sion alani Raja ni nasida.
3 Sai manortor ma nasida mamuji goarna,+
Marende ma nasida mamuji* Ibana huhut mamakke rebana* dohot harpa.+
4 Ai las do roha ni Jahowa mangida bangsona.+
Dipalua* Ibana do halak na serep roha.*+
5 Marlas ni roha ma halak na setia alani hamuliaon na dijalo nasida,
Sai marsurak ma nasida marlas ni roha di podoman ni nasida.+
6 Sai anggiat ma ende puji-pujian tu Debata adong di pamangan* ni nasida,
Jala podang sidua baba di tangan ni nasida,
7 Lao mambalos akka bangso,
Jala manghukum ganup bangso,
8 Lao mangikkat akka raja ni nasida pakke ratte,
Jala mangaratte akka pamimpin ni nasida,
9 Lao manghukum nasida songon naung tarsurat i.+
Ai appuna ni sude halak na setia do hasangapon on.
Puji ma Jahowa!*
Puji ma Debata di ingananna na badia i.+
Puji ma Ibana, hamu akka na di toru ni langit na patuduhon gogona.+
2 Puji ma Ibana alani akka ulaonna na balga i.+
Puji ma Ibana alani hasangaponna na tung massai balga i.+
3 Puji ma Ibana mardongan soara ni tarompet.*+
Puji ma Ibana mamakke alat musik na martali dohot harpa.+
4 Puji ma Ibana mardongan rebana*+ huhut manortor.*
Puji ma Ibana mamakke alat musik na martali+ dohot suling.+
5 Puji ma Ibana mardongan soara ni simbal* na singil.
Puji ma Ibana mardongan soara ni simbal na gogo.+
6 Sude akka na mangolu, puji ma Jahowa.
Manang “dohot halak na jotjot mangissaki”.
Manang “Marsoara do ibana manjaha”.
As. “kulit ni eme”. Ida di Kamus.
Manang “dalan”.
Manang “sahata”.
Manang “dohot Kristusna”. As. “dimiahi”. Ida di Kamus.
Ida di Kamus.
As. “Umma”.
Ida di Kamus.
As. “Pabidang ma dalanku”.
Manang “dipapulik Jahowa do akka naposona na setia lao di Ibana”.
Manang “Pahusor-husor”.
Manang “sian roha na tigor”. Ida “Hatigoran” di Kamus.
Ida di Kamus.
Manang “tu pambunu”.
Manang “holong na manoktong”. Ida di Kamus.
Manang “di jolo ni ingananmu”.
As. “Syeminit”. Ida di Kamus.
As. “ai hitir-hitir do holi-holikku”.
Manang “holong na manoktong”. Ida di Kamus.
Manang “Syeol”. Ida di Kamus.
Manang boi do “Molo asi rohakku tu halak na mangalo au so adong alana”.
Manang “Dipareso Ho do ate-ate dohot ginjal”.
Manang “Hupakke ma alat musik lao”.
Ida di Kamus.
Manang boi do “Dipaboa do taringot hamuliaonmu sahat tu langit”.
As. “na binahen ni jari-jarim”.
Ida di Kamus.
Manang “Pakkeonku ma alat musik lao”.
As. “boru”.
Ida di Kamus.
Manang “Syeol”. Ida di Kamus.
Manang boi do “Jala halak na mangoto-otoi lao mandapot uttung pe, dipuji-puji do dirina sandiri”.
Manang “na so marama na so marina”.
As. “adong fondasi ni hatigoran”. Ida “Hatigoran” di Kamus.
Manang boi do “bahenonna gara tu”.
As. “Syeminit”. Ida di Kamus.
Hata ni Jahowa ias dos songon mas na ias dung ditutung di api.
Manang boi do “di tungku na dipeakkon di tano”.
Manang “generasi”.
Manang “holong na manoktong”. Ida di Kamus.
Manang “ai nungnga dipasu-pasu Ibana au”.
As. “sundut”.
Manang “na setia tu”.
As. “sumpana”.
Ida di Kamus.
Manang “jala Ibana do parbagiananku”.
As. “diukkur”.
As. “ginjalhu”.
Manang “Togu do au saleleng ni lelengna”.
As. “marlas ni roha do hasangapokku”.
Manang “Syeol”. Ida di Kamus.
As. “na setia mangida”.
Manang boi do “Dang pasombuonmu busuk naposom na setia”.
Manang “Paunduk ma jala tangihon ma”.
Manang “mukjizat”.
Manang “holong na manoktong”. Ida di Kamus.
As. “tangan kananmu”.
As. “tanduk haluaonku”. Ida “Tanduk” di Kamus.
Manang “Syeol”. Ida di Kamus.
Ida di Kamus.
Manang “na bidang”.
As. “ala ias”.
As. “Sun denggan”.
Hata ni Jahowa ias dos songon mas na ias dung ditutung di api.
As. “tangan kananmu”.
Manang “Lehononmu do tanggurung ni akka musukku tu au”.
As. “Bahenokku do sip”.
Manang “Jala marmusik ma au”.
Manang “hamonangan”.
Manang “holong na manoktong”. Ida di Kamus.
As. “dimiahi”. Ida di Kamus.
As. “tu bonina”.
Manang boi do “tali pangukkur”.
As. “mambahen mata marsinondang”.
Manang “godang hasalaan”.
Manang “lao mambahen ibana monang”.
Manang boi do “raja i”.
Manang “ala di jolom”.
Manang “holong na manoktong”. Ida di Kamus.
As. “bohi ni nasida”.
As. “Marende ma hami jala marmusik tu”.
Olo do ra goar ni nada manang jenis ni musik.
Manang “rahim”.
As. “tu hasusaan ni halak na dangol i”.
As. “na mokmok”.
As. “na mulak gabe orbuk”.
Manang “generasi”.
Manang boi do “na tenang aekna”.
Manang “Dibahen Ho do segar”.
Manang “holong na manoktong”. Ida di Kamus.
Manang “di bagasan ngoluna”, na nidokna dison, i ma ngolu ni Jahowa.
As. “hatigoran”. Ida di Kamus.
Manang “Sundut”.
As. “na mangalului bohim”.
Manang “tarangkat”.
Manang “Sebaot”, lapatanna pamimpin ni akka suru-suruan na di banua ginjang.
Manang “tu Ho do hupasahat ngolukku”.
Manang “holong na manoktong”. Ida di Kamus.
Manang “Na dipatuduhon Ho mulai sian najolo”.
Manang “holong na manoktong”. Ida di Kamus.
Manang “holong na manoktong”. Ida di Kamus.
As. “tobus”.
As. “ginjalhu”.
Manang “holong na manoktong”. Ida di Kamus.
Manang “Mardalan do au di dalanmu na tigor i”.
As. “Dang hundul au rap dohot”.
As. “hundul rap”.
Manang “dohot pambunu”.
Manang “mangalehon suap tu na asing”.
As. “tobus”.
As. “di tano na dosdos”.
Manang “haulion”.
Manang “hutatap ingananna na badia”.
As. “Lului ma bohikku”.
Manang boi do “Porsea do au na boi idaokku haburjuon ni Jahowa saleleng mangolu au”.
Manang “di ingananmu na badia i”.
Manang boi do “tu Jahowa alani hasangaponna”.
Ra na nidokna dison Dolok Libanon.
Goar ni Dolok Hermon di halak Sidon.
Manang “di laut na di langit”.
Manang boi do “bagas joro”. As. “jabu”.
Manang “Syeol”. Ida di Kamus.
As. “Aha ma guna ni mudarhu”.
Manang “Paunduk ma jala tangihon ma”.
As. “jaring”.
Manang “Debata na setia”.
Manang “holong na manoktong”. Ida di Kamus.
Manang “na bidang”.
Manang “holong na manoktong”. Ida di Kamus.
Manang “Syeol”. Ida di Kamus.
As. “sian dila ni parbada”.
Manang “mukjizat”.
Manang “holong na manoktong”. Ida di Kamus.
Ida di Kamus.
Manang “na dilupahon”.
Manang “Didondoni sogo ni roham”.
Di bahasa Heber, binatang on i ma hasil perkawinan ni halode jantan dohot hoda boru-boru.
Manang “holong na manoktong”. Ida di Kamus.
Manang “holong na manoktong”. Ida di Kamus.
Ida “Ruach; Pneuma” di Kamus.
As. “sude akka tentara na di langit”.
Manang “malua”.
Manang “holong na manoktong”. Ida di Kamus.
Manang “holong na manoktong”. Ida di Kamus.
As. “Dai”.
Manang “jea”.
As. “Ditobus”.
Perisai na somal dipakke akka pemanah.
Manang “hujurmu”.
As. “kulit ni eme”. Ida di Kamus.
Manang “halak na manimbil sian Debata”.
Manang boi do “Direhe-rehei halak na jahat do au holan alani sipanganon”.
Manang “hurimangi”.
Manang “holong na manoktong”. Ida di Kamus.
Manang “dijaga”.
As. “dolok ni Debata”.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “luat”.
Manang boi do “Unang ma jut roham, ai parohon jea do i”.
As. “Diboto Jahowa do ari-ari ni”.
Manang “olo do mangurupi”.
Manang “halak na setia tu Debata”.
As. “holi-holikku”.
As. “gottingku”.
Manang boi do “Godang do halak na gabe musukku hape so adong salakku”.
Ida di Kamus.
As. “mamboto ujung ni ngolukku”.
As. “mambahen ngolukku gabe nasa bidang ni talapak ni tangan”.
Manang “Dipaunduk jala ditangihon Ibana do”.
Ida “Hatigoran” di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
As. “diangkat ibana do tumitna mangalo au”.
As. “Jala bahenonmu do au di jolom”.
Ida di Kamus.
Manang “dolok na gelleng”.
Manang “holong na manoktong”. Ida di Kamus.
Manang boi do “Hira na diropukkon akka musukku do holi-holikku”.
Ida di Kamus.
As. “tangan kananmu”.
As. “dohot ala marsinondang bohim”.
Manang “sian tuhor ni nasida”.
As. “tudos-tudos”.
As. “ditabunihon”.
Manang “holong na manoktong”. Ida di Kamus.
As. “tobus”.
Ida di Kamus.
As. “na huulahon on”.
Ida “Pulpen” di Kamus.
Manang “juru tulis”.
Ida “Hatigoran” di Kamus.
As. “tangan kananmu”.
Manang “dimiahi”. Ida di Kamus.
Gota ni hau na angur. Ida di Kamus.
Na nidokna dison, i ma hau na angur na gota dohot miakna dipakke lao mambahen parfum.
Ida di Kamus.
As. “borua”.
Manang “palambok bohim”.
Manang boi do “dipakke ibana do jubah na ditonun”.
As. “Alamot”. Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang “inganan na timbo”.
Manang “hujur”.
Manang boi do “akka perisai”.
Manang “tarompet na sian tanduk ni biru-biru jantan”.
As. “perisai”.
Manang “na timbo”.
Manang “nungnga sahata be akka raja lao marpungu”.
Manang “holong na manoktong”. Ida di Kamus.
As. “akka anak boru”.
Manang boi do “sahat tu na mate hita”.
Manang “jaman”. Ida di Kamus.
Manang “Syeol”. Ida di Kamus.
Manang “Syeol”. Ida di Kamus.
As. “tangan”.
Manang “Syeol”. Ida di Kamus.
Manang “Sian parbissar ni mataniari sahat tu parbonomna”.
Ida “Hatigoran” di Kamus.
As. “hambing jantanmuna”.
As. “sumpamuna”.
Manang “tikki huajar-ajari ho”.
Manang boi do “Diihutton ho do”.
Manang “Jala diparoa-roa ho do”.
Ida di Kamus.
Manang “holong na manoktong”. Ida di Kamus.
Manang “rahim”.
As. “Pakke ma hisop lao paiasson au sian akka dosakku”.
As. “Tabunihon ma bohim sian”.
As. “bahen”.
Manang “dang leas roham tu”.
Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Ida di Kamus.
Ida di Kamus.
Manang boi do “Hape so porlu nasida mabiar”.
As. “akka na markemah lao”.
Ida di Kamus.
As. “sip”.
Ida di Kamus.
Manang “Unang ma martabuni Ho tikki martangiang au mangido asa diurupi”.
Manang “Syeol”. Ida di Kamus.
Manang “mangangguki”.
As. “tobusonna”.
Na nidokna dison, i ma donganna najolo na ditaringoti di ayat 13 dohot 14.
Manang “Ullandit do hatana sian mentega.”
Manang “bobanmu”.
Manang “meol-eol; moleng”.
Ida di Kamus.
Manang “mangaroro”.
Inganan ni aek na sian kulit ni binatang.
Ida di Kamus.
Manang “holong na manoktong”. Ida di Kamus.
Manang “hujur”.
Manang “Marmusik ma au tu”.
Manang “holong na manoktong”. Ida di Kamus.
Ida di Kamus.
As. “Sian mulai di bortian ni omakna dope”.
Manang “sega”.
Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang “na timbo”.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Ida di Kamus.
Manang boi do “Nungnga dipatudu Ho”.
Manang boi do “Didok Debata do di ingananna na badia”.
As. “bentengku”.
Manang boi do “tu kota na marbenteng i?”
Manang “gale”.
As. “ari-ari”.
Manang “Tinggal do ibana”.
Manang “holong na manoktong”. Ida di Kamus.
Ida di Kamus.
Manang “na timbo”.
Manang boi do “Sude do hamu mangaroro ibana. Dos do ibana songon tembok na miring na naeng maruppak”.
Manang “holong na manoktong”. Ida di Kamus.
Manang “Mauas”.
Manang “holong na manoktong”. Ida di Kamus.
As. “tangan kananmu”.
Manang “rubah”. Ida di Kamus.
Manang “Dijujui nasida do na asing mangulahon na jahat”.
Manang “di ingananmu”.
As. “Ibana”.
Manang “akka halak na tinggal mulai sian inganan parbissar ni mataniari sahat tu inganan parbonomna”.
Ida surat na di toru na di 4Mus 1:1.
As. “ulunami”.
Manang “holong na manoktong”. Ida di Kamus.
Manang “pasangappon”.
Manang boi do “ombun”.
Manang “Jah”. “Jah” singkatan goar ni Jahowa. Ida Lampiran A5.
As. “na gabe hakim tu”.
Manang “akka pangalo”.
As. “tikki mardalan Ho di jolo ni”.
Na nidokna dison, paretta lao marporang.
Na nidokna dison, barita taringot hamonangan.
Manang boi do “di labbung ni kandang ni biru-biru”.
Manang “Dos ma i songon Salmon na marsalju”.
Manang “Dolok na balga”.
Manang “Jah”. “Jah” singkatan goar ni Jahowa. Ida Lampiran A5.
Manang “tamborin”. Ida di Kamus.
Manang boi do “dege-degeon”.
Manang boi do “Ro ma akka utusan sian Mesir”.
Manang “Marmusik ma hamu tu”.
As. “ombun”.
Manang “akka halak na marsogo ni roha tu au hape so adong salakku”.
Manang “Sebaot”, lapatanna pamimpin ni akka suru-suruan na di banua ginjang.
Manang boi do “Ala mangandungi au jala marpuasa”.
As. “Gabe tudos-tudos ni”.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “suan-suanan na marraccun”.
As. “meja”.
Manang “Paunduk ma lao manangihon”.
Manang “rahim”.
Manang “sian bagasan tano on”.
Manang “Marmusik ma au tu”.
Manang “ditobus”.
Manang “Sai hurimangi”.
Ida “Hatigoran” di Kamus.
As. “anggiat ma gabe hakim ibana tu”.
As. “gabe martunas ma”.
Manang “silehon-lehon”.
As. “mudar”.
Manang “Balga do butuha ni nasida”.
As. “ginjalhu”.
As. “Jala sip do dibahen Ho”.
Ida di Kamus.
As. “punguan”.
Manang “di inganan parpunguanmu”.
Ida di Kamus.
Ida di Kamus.
Ida di Kamus.
As. “Jonok do goarmu”.
As. “Unang ma angkat tandukmu”.
As. “Unang ma angkat tandukmu”.
As. “manginum i dohot ampasna”.
Manang “Marmusik ma au tu”.
As. “Ponggolhonokku ma tanduk ni”.
As. “Alai angkatokku ma tanduk ni”.
Ida di Kamus.
Manang “marmusik ma au”.
Manang “holong na manoktong”. Ida di Kamus.
Manang “Jah”. “Jah” singkatan goar ni Jahowa. Ida Lampiran A5.
As. “tanganmu”.
As. “Ditobus”.
Ida di Kamus.
As. “na so paradehon”.
As. “sian akka na gogo i”.
As. “perkemahanna”.
As. “kemahna”.
Manang boi do “Mago do hosa ni nasida jala dang mulak be”.
As. “ditobus”.
Manang “mukjizat”.
Manang “belalang”.
Manang “akka anak mula ni hagabeon”.
As. “inganan na timbo”. Ida di Kamus.
Manang “cemburu”.
As. “dang dipuji be akka boruna”.
Ida di Kamus.
As. “tutup”.
As. “Pakke ma tanganmu”.
Manang boi do “di holang-kolang”.
Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
As. “tatap ma anak”.
Ida di Kamus.
Manang “tamborin”. Ida di Kamus.
Manang “bahasa”.
Karanjang na nidok na dison, ra karanjang na dipakke hatoban lao mamboan akka bahan bangunan.
As. “sian inganan partabunian ni”.
Lapatanna “Marbada”.
As. “tabo-tabo ni gandum”.
Na nidokna dison, i ma bangso ni Debata.
Manang “akka na songon debata”. Na nidokna dison, olo do ra akka halak na gabe hakim di Israel.
Manang “Adili”.
As. “Hutur-hutur ma fondasi ni tano on”.
Manang “Akka na songon debata”.
As. “na ditabunihon”.
Manang “Mambahen parjanjian”.
Manang “Wadi”. Ida di Kamus.
Ida di Kamus.
Manang “Sebaot”, lapatanna pamimpin ni akka suru-suruan na di banua ginjang.
Manang “rura na gok ramba na marsuga”.
Manang boi do “Dibahen guru i do pasu-pasu mambukkus dirina”.
Manang boi do “Ale Debata, ida ma perisainami”.
As. “dimiahi”. Ida di Kamus.
Manang “papungu”.
Manang “holong na manoktong”. Ida di Kamus.
Manang “holong na manoktong”. Ida di Kamus.
Ida di Kamus.
Manang “holong na manoktong”. Ida di Kamus.
Manang “Lehon ma di au roha na tulus”.
Manang “holong na manoktong”. Ida di Kamus.
Manang “Syeol”. Ida di Kamus.
Manang “holong na manoktong”. Ida di Kamus.
Manang “hatobanmu borua”.
Ida di Kamus.
Ida di Kamus.
Ida di Kamus.
Manang “Paunduk ma jala tangihon ma”.
Manang “Syeol”. Ida di Kamus.
Manang “holong na manoktong”. Ida di Kamus.
Manang “Abdon”. Ida di Kamus.
Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
As. “bonim”.
Manang “Sebaot”, lapatanna pamimpin ni akka suru-suruan na di banua ginjang.
Manang “Jah”. “Jah” singkatan goar ni Jahowa. Ida Lampiran A5.
Ida di Kamus.
Manang “holong na manoktong”. Ida di Kamus.
As. “marsinondang do bohim”.
As. “diangkat Ho do tanduknami”.
As. “dimiahi”. Ida di Kamus.
Manang “silehon-lehon”.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Ida di Kamus.
Manang “sude inganan parlinggoman na sian batu”.
As. “Diangkat Ho do tangan kanan ni musuna”.
Manang “Syeol”. Ida di Kamus.
Manang “holong na manoktong”. Ida di Kamus.
Manang “inganannami tading”.
Manang “sian saleleng ni lelengna ro di saleleng ni lelengna”.
Manang “orbuk”.
Sahali giliran jaga lelengna hira-hira opat jom.
Manang “Diboto Ho do sude hasalaannami”.
Manang “ngolunami”.
Manang “Songon na marhusip”.
Manang “holong na manoktong”. Ida di Kamus”.
Manang “Diabbat Ibana do dalan tu ho”.
Manang “dibalos”.
Manang “ingananmu tading”.
As. “Ala marsada do ibana dohot Au”.
Manang “diakkui”.
Manang “holong na manoktong”. Ida di Kamus.
As. “Diangkat Ho do tandukku songon tanduk ni”.
Manang “ubanon”.
As. “mokmok”.
Manang “Jah”. “Jah” singkatan goar ni Jahowa. Ida Lampiran A5.
Manang “Jah”. “Jah” singkatan goar ni Jahowa. Ida Lampiran A5.
Manang “holong na manoktong”. Ida di Kamus.
Manang “Tikki dang tenang rohakku”.
Manang “hakim”.
Manang “patik”.
As. “sip”.
Manang “manoppa darat”.
As. “na di tanganna”.
Lapatanna, “Marbada”.
Lapatanna, “Manguji”.
Manang “mukjizat”.
Manang boi do “tu Jahowa alani hasangaponna”.
As. “boru”.
Manang “holong na manoktong”. Ida di Kamus.
Manang “jala marmusik ma hamu”.
Manang “Marmusik ma hamu”.
Manang boi do “di holang-kolang”.
Ida di Kamus.
Di bahasa Heber, ombun na nidokna dison, i ma ombun na bentukna songon tiang.
As. “dibalos”.
Manang boi do “dang hita sandiri”.
Manang “holong na manoktong”. Ida di Kamus.
Manang “marmusik ma au tu”.
Manang “holong na manoktong”. Ida di Kamus.
Manang “jala setia do au tu Ho”.
As. “dang huboto”.
Manang “Hupamate do”.
Manang “hupamate do”.
Manang “gale”.
Manang “Paunduk ma jala tangihon ma”.
Manang boi do “Nungnga marniang au”.
Manang “goarmu”.
As. “na so ditoppa”.
Manang “Jah”. “Jah” singkatan goar ni Jahowa. Ida Lampiran A5.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
As. “Songon dao ni parbissar ni mataniari sian parbonom ni mataniari”.
As. “Dang ditanda ingananna be bunga i”.
Manang “holong na manoktong”. Ida di Kamus.
As. “di akka aek”.
Manang “songon alogo”. Ida “Ruach; Pneuma” di Kamus.
Manang “na lao hutur-hutur i”.
Binatang na songon marmut na balga, dang adong ihurna, jala mangolu di tano na marbatu-batu.
Ida di Kamus.
Manang “Marmusik ma au tu”.
Manang boi do “akka na hupikkiri taringot Ibana”.
Manang “Jah!”. “Jah” singkatan goar ni Jahowa. Ida Lampiran A5.
Manang “marmusik ma hamu tu”.
Manang boi do “Paboa”.
As. “bohina”.
Manang “mukjizat”.
As. “Parettana”.
Manang “generasi”.
As. “dimiahi”. Ida di Kamus.
Ida di Kamus.
As. “Diponggolhon Ibana do sude tukkot roti”. Olo do ra na nidokna dison tukkot na dipakke lao manggattung roti.
Olo do ra on si Musa dohot si Aron.
Manang “belalang”.
Manang “akka anak mula ni hagabeon”.
Manang “Jah”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Manang “holong na manoktong”. Ida di Kamus.
Manang “dirimangi”.
Manang “holong na manoktong”. Ida di Kamus.
As. “Alai jongjong ma si Musa manolai di jolona”.
As. “Diangkat Ibana ma tanganna lao marsumpa”.
Manang “tu debata na so sittong”.
As. “hatigoran”. Ida di Kamus.
Lapatanna, “Marbada”.
Manang “diparsiajari”.
Ida di Kamus.
Manang “dang setia be nasida songon boru-boru na so hasea”.
Manang “holong na manoktong”. Ida di Kamus.
Manang “gabe manolsoli ma Ibana”.
Manang “Sai saut ma i!”
Manang “Jah!”. “Jah” singkatan goar ni Jahowa. Ida Lampiran A5.
Manang “holong na manoktong”. Ida di Kamus.
Manang “ditobus”.
Manang “Sian parbissar ni mataniari dohot sian parbonom ni mataniari”.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “Marmusik ma au tu”.
Manang “holong na manoktong”. Ida di Kamus.
Manang boi do “Didok Debata do di ingananna na badia”.
As. “bentengku”.
Manang “parjahat”.
Manang “na patuduhon holong na manoktong”. Ida di Kamus.
Manang “patuduhon holong na manoktong”. Ida di Kamus.
Manang “holong na manoktong”. Ida di Kamus.
Manang “belalang”.
Manang “holong na manoktong”. Ida di Kamus.
Manang “di tangan kanan”.
As. “lehonon ni Jahowa do tukkot”.
Manang “pamimpin ni saluhut tano on”.
Na nidokna dison, “Tuanku” na di ayat 1.
Manang “Jah!”. “Jah” singkatan goar ni Jahowa. Ida Lampiran A5.
Ida di Kamus.
Na nidokna dison, i ma tano.
Manang “Jah!”. “Jah” singkatan goar ni Jahowa. Ida Lampiran A5.
Manang “na burju”.
As. “hatigoran”. Ida di Kamus.
As. “Dipatimbo ma tandukna”. Ida “Tanduk” di Kamus.
Manang “Jah!”. “Jah” singkatan goar ni Jahowa. Ida Lampiran A5.
Manang “Sian parbissar ni mataniari sahat tu parbonomna”.
Manang “Na martahta”.
As. “sian orbuk”.
Manang boi do “sian tempat sampah”.
Manang “Jah!”. “Jah” singkatan goar ni Jahowa. Ida Lampiran A5.
Manang “Dang adong manang aha di hami, ale Jahowa, dang adong manang aha di hami”.
Manang “holong na manoktong”. Ida di Kamus.
Manang “Jah!”. “Jah” singkatan goar ni Jahowa. Ida Lampiran A5.
As. “inganan na lungun”.
Manang “Jah!”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Manang “Dipaunduk jala ditangihon do”.
Manang “Syeol”. Ida di Kamus.
As. “Hujou ma goar ni Jahowa”.
As. “Asa mardalan au di jolo ni Jahowa di luat ni halak na mangolu”.
As. “Huangkat ma makkuk haluaon”.
As. “Arga do di Jahowa”.
Manang “hatobanmu borua”.
Manang “Jah!”. “Jah” singkatan goar ni Jahowa. Ida Lampiran A5.
Manang “suku”.
Manang “holong na manoktong”. Ida di Kamus.
Manang “Jah!”. “Jah” singkatan goar ni Jahowa. Ida Lampiran A5.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “holong na manoktong”. Ida di Kamus.
Manang “Jah!”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Manang “na bidang”.
Manang boi do “jala didongani Ibana do halak na mangurupi au”.
Manang “harinuan”.
Manang boi do “dionjar Ho”.
Manang “Jah!”. “Jah” singkatan goar ni Jahowa. Ida Lampiran A5.
As. “tangan kananna”.
Manang “Jah!”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Ida di Kamus.
Manang “holong na manoktong”. Ida di Kamus.
Manang “na setia”.
As. “keputusanmu”.
Manang “huparsiajari”.
Manang “diparsiajari”.
As. “dalan”.
Manang “huparsiajari”.
As. “Huadu”.
Manang boi do “asa lam pos rohakku”.
Manang “Bahen ma au mardalan di dalan ni”.
Manang “hatam”.
Manang boi do “Na dibahen tu akka halak na makkabiari Ho”.
Ida “Hatigoran” di Kamus.
Manang “holong na manoktong”. Ida di Kamus.
Manang “songon na nidokmi”.
Manang “na bidang”.
Manang “huparsiajari”.
Manang “I do na sinurum asa hupaima”.
Manang “na nidokmi”.
Manang “holong na manoktong”. Ida di Kamus.
Manang “mangulahon dosa na so husengaja”.
As. “Dang makkilala be roha ni nasida dos songon tabo-tabo”.
Manang “holong na manoktong”. Ida di Kamus.
Manang “hatam”.
Manang boi do “Margabus do nasida lao mambahen na jahat tu au”.
Manang “huparsiajari”.
Inganan ni aek na sian kulit ni binatang.
Manang “holong na manoktong”. Ida di Kamus.
Na nidokna dison, i ma sude toppaanna.
Manang “songon na nidokmi”.
Di bahasa Heber, on patuduhon kotoran na kaluar tikki ditutung perak manang mas.
Manang “hatam”.
Manang “holong na manoktong”. Ida di Kamus.
Manang “Bahen ma hot lakkakku”.
As. “Tobus”.
Manang “Sai anggiat ma mekkel suping Ho”.
Hata ni Jahowa ias dos songon mas na ias dung ditutung di api.
Manang “Andorang so giliran jaga malam”.
Manang “huparsiajari”.
Manang “holong na manoktong”. Ida di Kamus.
Manang “songon na nidokmi”.
Manang “holong na manoktong”. Ida di Kamus.
Manang “songon na nidokmi”.
Ida di Kamus.
Manang “tambaanna”.
Ida di Kamus.
Manang “humutur”.
As. “Jagaon ni Jahowa do ho tikki kaluar manang tikki masuk”.
Ida di Kamus.
Na nidokna dison, i ma Jerusalem.
Manang “di tembok partahananmu”.
Ida di Kamus.
Manang “Nungnga butong hami dileai”.
Ida di Kamus.
Ida di Kamus.
As. “tukkot hajahaton”.
Manang “tangan ni halak”.
Ida di Kamus.
Manang “akka wadi na di selatan”. Ida “Wadi” di Kamus.
Ida di Kamus.
Ida di Kamus.
Ida di Kamus.
Ida di Kamus.
Manang “na torus dietong”.
Manang “ale Jah”. “Jah” singkatan goar ni Jahowa. Ida Lampiran A5.
As. “dihabiari”.
Manang “holong na manoktong”. Ida di Kamus.
Ida di Kamus.
Ida di Kamus.
Manang “Tabernakelna na sangap”.
Manang “tu tabernakelna na sangap”.
As. “hatigoran”. Ida di Kamus.
Manang “Unang padao bohim sian”.
Manang “Bahenokku ma akka malimna marabit haluaon”.
As. “tanduk”. Ida di Kamus.
Manang “na dimiahi”. Ida “Dimiahi” di Kamus.
Ida di Kamus.
Ida di Kamus.
Manang boi do “Di inganan na badia ma hamu mangangkat”.
Manang “Jah!”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Manang “Jah!”. “Jah” singkatan goar ni Jahowa. Ida Lampiran A5.
Manang “uap air”.
Manang boi do “Dibukka Ibana do akka pintu asa ro”.
Manang “mukjizat”.
Manang “goarmu”.
Manang “Jala manolsoli do Ibana alani”.
Manang “Jah!”. “Jah” singkatan goar ni Jahowa. Ida Lampiran A5.
Manang “holong na manoktong”. Ida di Kamus.
Manang “Dibahen Ibana do mataniari, bulan, dohot akka bintang di”.
Na nidokna dison, i ma kota Babel.
Manang boi do “gale-gale”.
As. “Lok ma lokkot dilakku tu langit-langit ni babakku”.
Manang boi do “Marmusik ma au tu Ho lao mangalo debata na asing”.
Manang “ingananmu”.
Manang “holong na manoktong”. Ida di Kamus.
Manang “Ussangap do dibahen Ho hatami sian goarmi”.
As. “tangan kananmu”.
Manang “holong na manoktong”. Ida di Kamus.
As. “Diukkur”.
Manang “Longang do rohakku alani”.
Manang “Syeol”. Ida di Kamus.
As. “ditiop tangan kananmu”.
Manang boi do “ditonun”.
Manang “rahim”.
As. “tong dope au rap dohot Ho”.
As. “ulukku”.
Manang “na maraek”.
Manang “Syeol”. Ida di Kamus.
Ida di Kamus.
As. “na mananda”.
Manang “huparsiajari”.
Manang “holong na manoktong”. Ida di Kamus.
Manang “holong na manoktong”. Ida di Kamus.
As. “suru ma sip”.
Manang “holong na manoktong”. Ida di Kamus.
Manang “Marmusik ma au tu”.
Manang “holong na manoktong”. Ida di Kamus.
As. “Hatigoran”. Ida di Kamus.
Manang “di bagasan hasittongan”.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “Marmusik ma au tu”.
Manang “akka na sangap”.
As. “tarratte”.
Manang “Dipapeol do dalan ni akka parjahat”.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “molo marmusik hita tu”.
Manang “na lambok roha”.
As. “tu pat ni bawa”.
Ida di Kamus.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “akka perawan”.
As. “tanduk”. Ida di Kamus.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
As. “akka anak”.
Manang “Marmusik ma nasida tu”.
Manang “tamborin”. Ida di Kamus.
As. “Dihias”.
Manang “lambok roha”.
As. “aru-aru”.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
As. “tarompet sian tanduk ni biru-biru jantan”.
Manang “tamborin”. Ida di Kamus.
Manang “manortor huhut marhaliang”.
Alat musik na sian logam jala bulat.
Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.