Juni

Massai susa do ngolu ni ina na mabalu on. Alani pogosna, ikkon berjuang do ibana asa boi mangan tiap ari. Alai nang pe songon i, lao do ibana mangalean sumbangan. Didabuhon ma dua hepeng logam na otik argana. Diboto Jesus, holan dua lepton do na didabuhon ibana, i ma hepeng logam na paling otik argana di tikki i. Lao manuhor sada amporik pe dang cukkup, hape amporik ma pidong na ummura tikki i. Menurut Jesus, luar biasa do na dibahen ina na mabalu i. Dijou ibana ma akka siseanna jala didok, “Unggodang do na dipamasuk ina na mabalu na pogos on, sian sude na dipamasuk halak na asing.” Didok Jesus ma muse, “Sude do nasida [khususna halak na mora] pamasukkon sian lobi-lobi ni hamoraonna. Alai anggo ina na mabalu on nang pe pogos, dilehon ibana do sude na adong di ibana.” (Mrk. 12:43, 44) Tikki dipamasuk ina na mabalu i hepengna sisaotik i tu poti pelean, hira na pasahatton ngoluna ma ibana tu Jahowa.​—Ps. 26:3. w21.04 6 ¶17-18

Saleleng di tano on Jesus toktong do semangat ibana marbarita na uli, jala lomo do rohana asa songon i tong akka siseanna. (Joh. 4:35, 36) Alani i saleleng rap Jesus dohot akka siseanna semangat do nasida marbarita na uli. (Luk. 10:1, 5-11, 17) Alai dung ditakkup jala dipamate Jesus, sanga do dang semangat akka siseanna i. (Joh. 16:32) Dung hehe Jesus, dipaingot Jesus ma nasida asa toktong fokus marbarita na uli. Alani i dung nakkok Jesus tu surgo semangat ma muse nasida. Gabe rarat ma ajaran ni nasida di sude huta na di Jerusalem. Di abad na parjolo, Jesus do na langsung mangatur ulaon marbarita na uli jala dipasu-pasu Jahowa do i. Hasilna di ari Pentakosta taon 33 M, adong ma hira-hira 3.000 halak na tardidi. (Ul. 2:41) Mulai sian i torus do tamba godang ni akka sisean. (Ul. 6:7) Jala nungnga dipaboa Jesus hian, lam godang do halak manjalo barita na uli di tikki ari parpudi.​—Joh. 14:12; Ul. 1:8. w21.05 14 ¶1-2

Diingot hamu dope songon dia hamu boi mananda hasittongan? Massai las do rohamuna mamboto hasittongan i. Jadi didok rohamuna, na asing pe pasti lomo do rohana mamparsiajari i. Pos do rohamuna molo marsiajar Bibel nasida, gabe lam denggan ma ngoluna jala dapotna ma hangoluan saleleng ni lelengna di ari na naeng ro. (Ps. 119:105) Gabe semangat ma hita paboahon hasittongan i tu akka donganta dohot tu keluargatta. Alai godang do na so olo manangihon. Dang pola heran hita disi, ala Jesus sandiri pe ditolak do. Hape godang do bukti na patuduhon na didongani Debata ibana. Contohna godang do mukjizat dibahen ibana. Hea do dipahehe ibana si Lasarus jala dang adong na boi mandok na so tutu i masa. Alai tong do dang diakkui pamimpin ni halak Jahudi molo Jesus i do Messias. Gariada naeng dibunu halak i do Jesus dohot si Lasarus.​—Joh. 11:47, 48, 53; 12:9-11. w21.05 2 ¶1-2

Berupaya ma hita asa taratur ro marpungu. Alana di parpunguan do hita dipatogu jala boi lam takkas mananda akka dongan. Disi boi ma hita mardongan tu akka dongan na gabe teladan, dang soal sadia umurna manang songon dia latar belakangna. Bibel mandok, “Adong do bisuk di akka na godang umurna.” (Job 12:12) Jadi akka na poso boi do marsiajar sian akka dongan na matua, jala songon i nang sebalikna. Contohna si Jonatan dohot si Daud. Dao do upposo si Daud sian si Jonatan, alai marale-ale do nasida. (1 Sam. 18:1) Tikki godang masalah ni nasida, masiurupan do halak i na dua asa toktong setia tu Jahowa. (1 Sam. 23:16-18) Si Irma, na holan sahalakna Saksi Jahowa di keluargana mandok, “Akka dongan di huria do na gabe natua-tuakku, kakakku, adekku, dohot ibotokku. Nasida do na dipakke Jahowa lao mangurupi au.” Pos ma rohatta, las do roha ni akka dongan mangurupi hita. Jadi unang pola mabiar hita paboahon tu nasida na porlu hita diurupi. w21.06 10-11 ¶9-11

Di tudosan ni Jesus taringot sahalak raja dohot hatobanna, olo do raja i manesa utang ni hatobanna na massai godang na so mungkin boi gararonna. Alai di pudian ni ari, dang olo hatoban i manesa utang ni donganna hatoban nang pe otik hian. Tikki diboto raja na masa i, dipenjarahon ma hatoban na jahat i. Tindakanna i mambahen ibana rugi dohot donganna na asing. Na parjolo, gabe rugi do dibahen ibana donganna na marutang i. Alana “dipenjarahon [ibana] do donganna i sahat tu na digarar sude utangna i”. Na paduahon, berdampak do i tu hatoban na asing. Alana tikki diida nasida na masa i, “marsak situtu ma nasida”. (Mat. 18:30, 31) Sarupa ma, molo dang olo hita mengampuni donganta berpengaruh do i tu na asing. Na parjolo, gabe tabahen ma haccit roha ni donganta na marsala i. Alana molo dang olo hita manalpuhon hasalaanna, gabe dang parduli be hita tu ibana jala dang tahaholongi. Na paduahon, gabe dang tabo be dihilala akka dongan na asing ala dang olo hita mardame tu donganta i. w21.06 22 ¶11-12

Ditoppa Jahowa do jolma asa boi maniru akka sifatna. Alai digoda Sibolis do jolma asa unang denggan pangalahona. Di jaman ni si Noak, diida Jahowa ma “nungnga massai jahat akka jolma”. Gabe ‘marsak ma Jahowa jala massai haccit ma rohana’. (1 Mus. 6:5, 6, 11) Jala lam tu parahna do hajahaton ni jolma saonari. Godang do halak na mangulahon seks na so patut, jala las do roha ni Sibolis mangida i. Apalagi ma molo na mangulahon akka sisomba Jahowa. (Eps. 4:18, 19) Asing ni i, susa do muse ngolutta ala jolma na mangarajai jolma. Tamba do muse hasusaanta ala nungnga sega tano on dibahen jolma. Hape diparettahon Debata do asa dirajai jala diurus jolma tano on. (Pjm. 8:9; 1 Mus. 1:28) Aha ma akibatna ala nungnga sega tano on? Akka peneliti mandok, molo torus dope dang denggan cara ni jolma mamakke sumber daya alam, boi do punah lobi sian sajuta jenis ni binatang dohot suan-suanan holan di bagasan piga-piga taon. w21.07 12 ¶13-14

Adong do piga-piga donganta na sai torus merasa bersalah alani kesalahanna di tikki naung salpu. Nang pe nungnga bertobat ibana, alai didok rohana dang mungkin disalpuhon Jahowa hasalaanna i. Molo songon i do dihilala hamu, ingot ma manoktong do holong ni roha ni Jahowa, jadi boi do ias panggora ni rohamuna jala gabe marlas ni roha manomba Ibana. Songon na didok Bibel, “ias ma hita sian sude dosa dibahen mudar ni Jesus, Anakna i”. (1 Joh. 1:7) Jadi molo torus dope metmet rohamuna alani hasalaanmuna di tikki naung salpu, ingot ma rade do Jahowa manalpuhon i. Hea do disurat si Daud, “Songon langit na untimbo sian tano on, songon i ma balga ni holong ni roha na dipatudu [Jahowa] tu akka halak na makkabiari Ibana. Songon dao ni timur tu barat, songon i ma dao ni hasalaatta dipadao Ibana sian hita.”​—Ps. 103:11, 12. w21.11 5-6 ¶12-13

Sahalak suami Kristen ikkon mangattusi pakkilalaan ni istrina. (1 Ptr. 3:7) Ikkon diargai ibana do istrina i. Dang suruonna istrina mangulahon akka ulaon na so tolap diulahon istrina, jala dang dibanding-bandingkon tu na asing. Donganta si Rosa na so Saksi Jahowa suamina paboahon, sering do ibana dibandingkon suamina tu borua na asing. Kasar do suamina i makkatai tu ibana. Gabe merasa ma si Rosa dang mararga. Didok ibana, “Ikkon sai torus do hupapos rohakku na arga do au di Jahowa.” Alai molo sahalak suami Kristen, dang boi songon i. Ikkon diargai ibana do istrina, jala olo mamuji dohot mandok na holong rohana tu istrina. Molo dang diargai ibana istrina, gabe sega ma hubungan ni nasida. Dang holan i, sega ma muse hubunganna tu Jahowa .w21.07 22 ¶7-8

Kecewa do ra hamu molo dang marna ro paket barang na dipaima-ima hamu. Alai molo diboto hamu boasa dang marna ro paket i, gabe sabar ma hamu paimahon. Di Poda 13:11, dipaboa do ilustrasi na patuduhon massai porlu do hasabaron i. Didok disi, “Hatop do suda hamoraon na mura didapot, alai lam martamba do hamoraon na dipapungu sasaotik.” Aha ma na taparsiajari sian i? Halak na marbisuk, sabar jala manat do mangulahon karejona. Ujungna gabe denggan ma hasilna. Poda 4:18 mandok, “Songon mataniari bissar do dalan ni halak na tigor marroha na lam tiur sahat tu tonga ari.” Ayat on patuduhon bertahap do dipaboa Jahowa lomo ni rohana tu naposona. Ayat i pe boi do tong patuduhon porlu do tikki asa boi sasahalak mambahen kemajuan jala benar-benar jonok tu Jahowa. w21.08 8 ¶1, 3-4

Ala nungnga lam jonok ajal ni portibi on, lam godang do na ikkon taulahon. (Mat. 24:14; Luk. 10:2; 1 Ptr. 5:2) Alani i, lomo do rohatta mangalehon unggodang tikki lao melayani Jahowa. Misalna gabe perintis, karejo di Betel, karejo di tim konstruksi, jala godang do donganta bawa na berupaya melayani gabe parhobas manang sintua di huria. (1 Tim. 3:1, 8) Pasti las hian do roha ni Jahowa mangida akka naposona na berupaya mangulahon i. (Ps. 110:3) Alai, molo hea hita kecewa ala dang marna dapotta cita-citatta manang tugas na taharappon, tapaboa ma i tu Jahowa. (Ps. 37:5-7) Boi do muse tajalo saran sian akka dongan naung berpengalaman manang na togu haporseaonna, asa lam terampil hita mandalatton tugasta. Molo taulahon saranna i, dapotta ma cita-citatta i. w21.08 20 ¶1; 21 ¶4

Sahalak panurirang borua do si Hanna. Nungnga mabalu ibana jala marumur 84 taon. Nang pe songon i, “sai ro do ibana tu bagas joro” lao marhobas tu Debata. Ala toktong ibana setia, dilean ma tu ibana kesempatan na istimewa boi mangida Jesus tikki poso-poso. (Luk. 2:36-38) Saonari on pe godang do donganta na matua na gabe sitiruon na denggan tu akka na poso. Molo denggan tatangihon akka pengalaman ni nasida, boi ma hita dipatogu. Nungnga diida nasida songon dia Jahowa mamasu-masu organisasina, jala nasida sandiri pe nungnga makkilala pasu-pasu sian Jahowa. Nungnga marsiajar nasida sian akka hasalaan na dibahen nasida. Jadi ikkon taanggap do nasida songon “haroro ni bisuk”, jala marsiajar ma hita sian nasida. (Poda 18:4) Molo berupaya hamu mananda nasida, boi ma lam togu haporseaonmuna. w21.09 3 ¶4; 4 ¶7-8; 5 ¶11, 13

Surirang ni si Jesaya mandok, “Paradeon ni akka bangso dohot akka raja ma sude na porlu” di naposo ni Jahowa. (Jes. 60:5, 16) Ala semangat naposo ni Jahowa marbarita na uli, saonari nga adong be Saksi Jahowa di 240 negeri jala nga tersedia be publikasitta di lobi sian 1.000 bahasa. Ala otik nai nama tikkina, ikkon dibahen sude halak do keputusan naeng mendukung pamarettaon ni Debata manang pamarettaon ni portibi on. (Rom 13:1-7) Memang ikkon unduk hita tu pamarettaon na di portibi on, alai ikkon netral do hita di masalah politik. Alana dang sian portibi on Harajaon ni Debata. (Joh. 18:36, 37) Jala takkas do taboto, holan Harajaon ni Jahowa do na boi pasaehon sude masalah na adong di portibi on. w21.09 17 ¶13-14

Molo adong anggota keluargamuna na maninggalhon Jahowa, massai penting do asa sude keluargamuna toktong togu. Songon dia ma carana? Taratur ma hamu manjaha Bibel dohot mangarimangi i, jala torus ma ro tu parpunguan. I do na diulahon donganta si Joanna tikki dipecat bapakna dohot kakakna. Didok ibana, “Tikki hujaha pengalaman ni naposo ni Jahowa songon si Abigail, si Ester, si Job, si Josep, dohot pengalaman ni Jesus, gabe dame ma pikkiran dohot perasaanku. Gabe dipatogu ma rohakku jala boi ma au marpikkiran positif mangadopi situasikku.” Molo songon i do situasimuna, pangido ma tu Jahowa asa diurupi hamu marpikkiran positif, asa dibahen hamu ‘marbisuk, jala dipaboa tu hamu dalan na ikkon sidalananmu’. (Ps. 32:6-8) Molo dang sanggup hamu paboahon i tu Jahowa alani haccitna, pos ma rohamuna diattusi Jahowa do perasaanmuna i. Jadi nang pe maol, paboa hamu ma sude perasaanmuna i tu Ibana.​—2 Mus. 34:6; Ps. 62:7, 8. w21.09 27-28 ¶9-10

Dung Paskah taon 32 M, mandapot parnidaan ma Apostel Petrus, Jakobus, dohot Johannes. Tikki i, di Dolok Hermon do nasida rap dohot Jesus. Diida nasida ma muba rupa ni Jesus. “Marsinondang bohi [ni Jesus] songon mataniari jala pakkeanna pe massai bottar.” (Mat. 17:1-4) Dibege nasida ma soara ni Debata mandok, “On do Anakku, haholongakki, las situtu do rohakku mangida ibana. Tangihon hamu ma ibana.” (Mat. 17:5) Diulahon apostel na tolu i do paretta ni Jahowa i. Pasti lomo do rohatta naeng maniru nasida. Mandok mauliate do hita tu Jahowa ala dilehon Ibana petunjuk tu hita marhite Jesus Kristus, i ma “ulu ni huria”. (Eps. 5:23) Bertekad ma hita ‘manangihon ibana’, songon na dibahen Apostel Petrus, Jakobus, dohot Johannes. Molo taulahon i jala torus mardalan di dalan tu hangoluan, gabe las ma rohatta saonari sahat tu saleleng ni lelengna. w21.12 22 ¶1; 27 ¶19

Di huria Korint di abad na parjolo, adong bawa na mangulahon seks dohot istri ni bapakna. Disuru Apostel Paulus do asa dipecat bawa i sian huria. Alana berpengaruh do i tu akka dongan di huria. Bisa jadi gabe adong na marpikkir dang sala mangulahon sisongon i. (1 Kor. 5:1, 2, 13) Belakangan muba ma bawa i jala botul-botul bertobat. Jadi didok si Paulus ma asa ‘disalpuhon dosa ni bawa i jala dipatogu rohana’. Boasa? “Asa unang mandele ibana alani arsak ni rohana.” Jadi olo do si Paulus manalpuhon hasalaan ni bawa naung bertobat i. (2 Kor. 2:5-8, 11) Saonari pe berupaya do akka sintua maniru Jahowa, dipatudu nasida do asi ni roha jala olo manalpuhon hasalaan. Alai molo dang olo halak na mangulahon dosa serius i bertobat, tegas do nasida mendisiplin. Molo dang didisiplin nasida halak na mangulahon dosa serius i, berarti dang marasi ni roha nasida tu ibana. Alai gabe hira na setuju ma nasida tu pangalahona na sala i. w21.10 11 ¶12-15

Disarupahon do haccit ni roha i songon lukka. Adong do lukka na gelleng, adong do lukka na serius. Molo mangaloppa hita, olo do ra tarseat tanganta. Molo taobati, biasa pittor hatop do i malum jala dang tarida be dia na tarseat i. Songon i ma haccit ni rohatta alani kesalahan na so pola serius. Contohna, molo adong halak na mambahen haccit rohatta ala dang jolo dipikkiri ibana hatana, biasana pittor hatop do tasalpuhon kesalahanna i. Alai adong do lukka na lebih serius, na ikkon dijahit jala diperban. Molo sai torus dijamai lukka i, boi do gabe lam parah. Sarupa songon i ma halak na torus marsogo ni roha jala dendam. Gabe lam susa ma ibana alani i. Jadi takkas ma taboto, dumenggan do hasilna molo taoloi poda na adong di ayat sadari on. w21.12 12 ¶15

Bayakkon ma sahalak sintua naeng mangalehon nasehat taringot cara marpakkean manang dandanan. Sebelum menasehati, denggan do jolo dipikkirhon sukkun-sukkun on, ‘Memang adong do prinsip ni Bibel na patuduhon na sala cara marpakkeanna i?’ Asa unang holan menurut pandapot pribadina nasehatna i, boi do disukkun ibana sintua na asing manang halak Kristen na matang di huria. Boi do rap dibahas nasida hata ni si Paulus taringot cara marpakkean dohot dandanan. (1 Tim. 2:9, 10) Didok si Paulus, pakkean ni halak Kristen ikkon patuduhon “toruk ni roha dohot bisuk”. Alai dang adong dibahen si Paulus daftar ni baju na boi dohot na so boi dipakke. Jadi sude do halak Kristen marhak mambahen pilihan pribadi taringot pakkean, asal ma dang maralo tu prinsip ni Bibel. Jadi molo diida sintua pakkean ni sasahalak nungnga patuduhon toruk ni roha dohot bisuk, dang porlu be ibana dipasingot. Taingot ma, boi do marasing-asing pilihan pribadi ni dua halak Kristen na matang, jala dang sala i. Jadi unang ma tapaksahon donganta mangihutton pilihan pribaditta. w22.02 16 ¶9-10

Boasa ikkon tapatudu holong na manoktong? Adong do piga-piga alasanna di bukku Poda. Didok, “Sai toktong ma ho setia jala patuduhon ma holong ni roha. . . . Dung i lomo ma roha ni Debata dohot jolma tu ho jala ditanda ma ho halak na marbisuk.” “Molo dipatudu sahalak bawa holong na manoktong, parohon laba do i tu dirina sandiri.” “Manang ise na marsitutu mangulahon na sittong jala patuduhon holong . . . dapotna ma hangoluan.” (Poda 3:3, 4; 11:17, surat na di toru; 21:21) Sian on taboto ma, adong tolu alasan boasa ikkon tapatudu holong na manoktong. Na parjolo, gabe lomo ma roha ni Debata tu hita. Na paduahon, boi ma hita marale-ale dohot na asing. Na patoluhon dapotta ma pasu-pasu, termasuk ma i hangoluan saleleng ni lelengna. Jadi taihutton ma poda ni Jahowa on, “Patuduhon hamu ma holong na manoktong dohot asi ni roha tu donganmuna.” w21.11 8 ¶1-2

Tikki mangadopi situasi na maol, olo do ra gabe tasadari hurang dope haporseaotta. Alai unang ma menyerah. Berupaya ma hita patoguhon haporseaotta. Toktong ma hita martangiang tu Jahowa, khususna tikki masa situasi na massai borat. Boi do Jahowa mangurupi hita marhite akka dongan dohot keluarga. Molo Jahowa do na diandalhon hamu saonari, gabe lam pos ma rohamuna pasti urupanna do hamu di ari na naeng ro. Nang pe hea hurang haporseaon ni akka siseanna, alai pos do roha ni Jesus na urupan ni Jahowa do nasida asa boi toktong setia. (Joh. 14:1; 16:33) Saonari pe, pos do roha ni Jesus tu punguan bolon, na boi do nasida martahan mangadopi hasusaan bolon molo marhaporseaon na togu. (Pgk. 7:9, 14) Jadi boi do hamu selamat molo berupaya hamu patoguhon haporseaonmuna!​—Heb. 10:39. w21.11 25 ¶18-19

Saonari on, dang taharappon be dibahen Jahowa mukjizat lao manjaga hita. Alai taingot ma molo tung pe mate hita saonari, pos ma rohatta pasti paheheon ni Jahowa do hita jala bahenonna mangolu saleleng-lelengna. Haduan diuji dope haporseaotta tu Jahowa tikki ro serangan Gog sian Magog, i ma gabungan akka bangso na mangalo ibadat na sittong. Tikki i ikkon pos do rohatta tu Jahowa, na sanggup do Ibana paluahon hita. Alana haduan hira biru-biru na so adong parmahanna ma hita. (Hes. 38:10-12) Dang adong sinjatatta, dang hea hita marporang, gabe dirippu nasida ma mura hita ditaluhon. Sabotulna adong do suru-suruan na manjaga hita, alai dang boi diida nasida i, ala dang porsea nasida tu Debata. Pasti tarsonggot do nasida annon mangida suru-suruan i mambela hita!​—Pgk. 19:11, 14, 15. w22.01 6 ¶12-13

Dianggap Jahowa do penting sude dongan sahaporseaotta, jadi ikkon songon i ma tong hita tu nasida. Ikkon parduli do hita tu nasida jala berupaya manjaga akka donganta i. Molo tasadari nungnga haccit roha ni dongan tabahen, unang ma sengaja hita mangalupahon i. Jala unang ma didok rohatta ikkon wajib do donganta i manalpuhon hasalaatta. Alai, boasa adong donganta na mura tersinggung? Olo do ra alani latar belakangna manang ala baru dope gabe sisomba Jahowa. Jadi agak maol dope halak i manalpuhon hasalaan ni na asing. Alai manang aha pe na mambahen nasida songon i, ikkon berupaya do hita mardame dohot nasida. Jala molo taboto hita halakna mura tersinggung, berupaya ma hita padenggatton kelemahanta i. Porlu do tapadenggan i, asa dame rohatta jala denggan hubungatta tu na asing. w21.06 21 ¶7

Tikki susa tahilala, porlu hian do hita diurupi akka dongan na boi mangattusi pakkilalaatta i, khususna na hea mangalami situasi na sarupa. Jesus hea do makkilala hasusaan songon hita. Jadi diattusi ibana do songon dia pakkilalaatta tikki susa, jala urupanna do hita “di tikki na tahaporluhon”. (Heb. 4:15, 16) Tikki susa dihilala Jesus, dipatogu suru-suruan do ibana di taman Getsemane jala las do rohana disi. Alani i tatiru ma ibana. Tajalo ma bantuan na disediahon Jahowa marhite akka dongan, publikasi, akka video, jamita, dohot kunjungan penggembalaan sian akka sintua. (Luk. 22:39-44) Pasti lehonon ni Jahowa do tu hita “hadameon na so boi diattusi jolma” lao patoguhon hita.​—Plp. 4:6, 7. w22.01 18-19 ¶17-19

Pos do rohatta sittong do sude na diulahon Jahowa. Alai sipata hurang pos do rohatta tu akka bawa na martanggung jawab di organisasi. Olo do sukkun-sukkun rohatta, ‘Petunjuk sian Bibel do dipakke nasida tikki mambahen keputusan, manang pikkiran ni nasida sandiri?’ Sasittongna, molo dang pos rohatta tu halak na mandapot tanggung jawab i, berarti dang pos rohatta tu Jahowa. Saonari marhite “naposo haposan jala na marbisuk” do Jahowa mangarahon organisasina na di tano on. (Mat. 24:45) Sarupa do tugas ni nasida songon punguan na mangaradoti di abad na parjolo. Nasida do na mengawasi naposo ni Jahowa di saluhut portibi on jala mangalehon petunjuk tu akka sintua. Dung i dipastihon akka sintua do sude petunjuk i diulahon di huria. Jadi molo taihutton petunjuk na dibahen nasida, on patuduhon na pos do rohatta tu Jahowa. w22.02 4 ¶7-8

Bangga do hita gabe Saksi Jahowa. Las do rohatta mangurupi akka “halak na marpangalaho na denggan” asa gabe sisomba Jahowa jala mandapot hangoluan saleleng ni lelengna. (Ul. 13:48) Sarupa ma pakkilalaatta songon Jesus. “Marlas ni roha” do ibana ala mambege akka pengalaman na denggan sian akka siseanna tikki marbarita. (Luk. 10:1, 17, 21) Asa marhasil hita mangulahon i, porlu do taihutton hata ni si Paulus tu si Timoteus, “Toktong ma parrohahon dirim dohot na diajarhonmi . . . Ai molo diulahon ho i na paluahon dirim do ho dohot na manangihon ho.” (1 Tim. 4:16) Alani i hita sude rakyat ni Harajaon ni Debata, ikkon toktong do mamparrohahon diritta. Lapatanna, ikkon denggan do pangalahotta sadalan tu barita na uli na taboan, asa unang marlea goar ni Jahowa. (Plp. 1:27) Asing ni i, ikkon taparrohahon do na taajarhon. Lapatanna, denggan ma taparade akka bahan na lao tapasahat tikki marbarita. Jala tapangido ma asa dipasu-pasu Jahowa hita tikki marbarita. w21.10 24 ¶1-2

Halak na mamakke “pangalaho na imbaru”, i ma halak na berupaya maniru Jahowa. Gabe boi ma dipatudu ibana akka sifat na denggan. Misalna, holong do rohana tu Jahowa dohot tu akka dongan. (Mat. 22:36-39) Toktong do las rohana nang pe mangadopi hasusaan. (Jak. 1:2-4) Siboan dame do ibana. (Mat. 5:9) Sabar jala burju do ibana tikki berurusan dohot halak na asing. (Kol. 3:13) Lomo do rohana tu akka na denggan jala diulahon ibana do i. (Luk. 6:35) Massai togu do haporseaonna tu Jahowa jala tarida do i sian tindakanna. (Jak. 2:18) Lambok do ibana nang pe kasar halak tu ibana. Jala boi do dirajai ibana dirina tikki digoda. (1 Kor. 9:25, 27; Tit. 3:2) Asa boi tapakke pangalaho na imbaru, ikkon berupaya do hita mangulahon akka sifat na dipaboa di Galatia 5:22, 23 dohot di akka ayat na asing. w22.03 8-9 ¶3-4

Porlu do ditiru akka sintua Apostel Paulus. Dipakke nasida ma setiap kesempatan na adong lao marbarita na uli, dang holan sian jabu tu jabu. (Eps. 6:14, 15) Porlu do muse diparade akka sintua tikkina lao mangalatik akka dongan asa lam terampil marbarita, termasuk ma i akka parhobas di huria. (1 Ptr. 5:1, 2) Unang ma sappe alani sibukna gabe so adong tikki ni nasida marbarita na uli. (Mat. 28:19, 20) Molo dilehon tugas tambahan tu nasida, ikkon dipertimbangkon nasida do i, boi dope nasida seimbang mangulahon tanggung jawabna manang na dang. Porlu do ditangiakkon akka sintua i. Alana ikkon diutamahon nasida do na uppetting, songon memandu ibadat keluarga, marbarita na uli, manang mangalatik anakkon ni nasida marbarita. Pos ma roha ni akka sintua na diattusi Jahowa do keinginan ni nasida lao mambahen seimbang i sude. w22.03 27 ¶4, 7; 28 ¶8

Tikki marsiajar Bibel dope hita, mabiar do ra hita marbarita na uli, manang mabiar ditentang keluarga dohot akka dongan. Molo taingot songon dia biar ni rohatta di tikki i, gabe boi ma taattusi pakkilalaan ni studitta. Jala Jesus pe mandok, wajar do molo mabiar hita. Alai unang ma gabe dang tasomba Jahowa holan alani i. (Mat. 10:16, 17, 27) Torus ma talatik studitta marbarita na uli. Najolo mabiar do tong akka sisean ni Jesus marbarita na uli. Alani i diurupi Jesus ma nasida. Dipaboa Jesus ma ise na boi dijuppangi jala barita aha na lao dipasahat nasida. (Mat. 10:5-7) Songon dia do hita boi maniru Jesus? Tasukkun ma studitta i, adong do hira-hira halak na ditanda ibana na olo mambege sada hatorangan sian Bibel. Dung i taurupi ma ibana mampersiappon bahan na lao paboaonna. w21.06 6 ¶15-16

Adong ma halak na selamat sian gempa di Nepal taon 2015 mandok, “Holan di bagasan piga-piga menit ruppak ma akka bangunan.” Na asing muse mandok, “Panik do akka halak . . . Nang pe holan dua menit gempa i, alai molo di au hira na leleng hian do i.” Hea do disurat Panurirang Haggai songon on, ‘Didok Jahowa Pamimpin ni Akka Tentara i ma, “Satokkin nai, huturokku ma langit dohot tano i sahali nai.”’ (Hag. 2:6) Tikki didok si Haggai dihutur Jahowa akka bangso, dang gempa bumi maksudna. Alana molo gempa bumi, mambahen hancur do i. Sebalikna tikki na dihutur Jahowa i akka bangso denggan do hasilna. Didok Jahowa, “Huturokku ma akka bangso jala diboan ma akka arta ni nasida na arga tu jabu i. Ujungna gabe sangap ma jabu i.” w21.09 14 ¶1-3

Asa lam akrab hita tu donganta, ikkon jotjot do hita makkatai tu bana. Songon i do tong hubungatta tu Jahowa. Tikki tapaboa songon dia perasaanta dohot aha na tapikkirhon di bagasan tangiang, i patuduhon na pos do rohatta tu Ibana jala boi tahilala holong ni rohana. (Ps. 94:17-19; 1 Joh. 5:14, 15) Silehon-lehon sian Jahowa do akka dongan sahaporseaon. (Jak. 1:17) Dipakke Jahowa do nasida lao ‘patuduhon holong ni roha’ tu hita. (Poda 17:17) Di surat ni Apostel Paulus tu halak Kristen di Kolosse, dipaboa ibana do piga-piga goar ni dongan sahaporseaon na ‘patoguhon rohana’. (Kol. 4:10, 11) Jesus sandiri pe hea do dipatogu suru-suruan dohot akka siseanna. Jadi, pasti do porlu hita dipatogu akka donganta. (Luk. 22:43) Molo olo hita paboahon arsak ni rohatta tu akka dongan, boi ma nasida patoguhon hita. w21.04 24-25 ¶14-16

Boha do molo adong tindakan ni donganta na mambahen jut rohatta? Berupaya ma hita asa toktong mardame. Martangiang ma hita tu Jahowa paboahon perasaanta i. Tatangiakkon ma dongan na mambahen haccit rohatta i asa dipasu-pasu Jahowa ibana. Tapangido ma tu Jahowa asa diurupi hita mangida akka sifatna na denggan, na mambahen holong roha ni Jahowa tu ibana. (Luk. 6:28) Molo maol dope tahilala manalpuhon hasalaanna i, talului ma cara asa boi hita makkatai tu ibana. (Mat. 5:23, 24) Unang ma sappe marpikkir hita na sengaja donganta i mambahen haccit rohatta, jala taingot ma ibana pe berupaya do mardame tu hita. Alai boha do molo hira na so olo ibana mardame? “Toktong ma [hita] sabar.” (Kol. 3:13) Asing ni i, unang ma torus jut rohatta tu ibana, ala boi do i mambahen sega hubungatta tu Jahowa. Molo dang taloas manang aha pe manegai haporseaotta, berarti na holong hian do rohatta tu Jahowa.​—Ps. 119:165. w21.06 23 ¶15