Maret

Dijujui Apostel Petrus do akka dongan sahaporseaonna mamakke silehon-lehon manang bakatna lao patoguhon dongan na asing. Didok ibana, “Dilehon Debata do asi ni rohana na massai balga i tu akka naposona na burju. . . . Alani i songon naposona na burju, pakke hamu ma silehon-lehon i lao mangurupi na asing.” (1 Ptr. 4:10) Ikkon talehon do na undenggan tu Jahowa. Unang pola khawatir hita adong na kecil hati manang na cemburu tu hita. Alai unang ma sappe taanggarhon i. (1 Kor. 4:6) Taingot ma aha pe kesanggupanta, silehon-lehon ni Debata do i. Jadi tapakke ma i lao patoguhon akka dongan di huria, dang lao pasangappon diritta. (Plp. 2:3) Pasti marlas ni roha do hita molo tapakke kesanggupanta i lao mangulahon lomo ni roha ni Jahowa. Marlas ni roha pe hita, dang ala ummalo hita sian na asing, alai ala tapakke do i lao mamuji Jahowa. w22.04 11-12 ¶7-9

Holong do roha ni Jesus tu Hata ni Debata. Jala nungnga disurirangkon hian perasaanna i di Psalmen 40:8. Didok disi, “Ale Debatakku, lomo do rohakku mangulahon lomo ni roham. Husippan do patikmu di bagasan rohakku.” Hasilna gabe las ma rohana jala marhasil do ibana melayani Jahowa. Hita pe boi do makkilala sisongon i, gabe las ma rohatta jala marhasil melayani Jahowa molo tajaha Hata ni Debata jala tahaholongi Hatana i. (Ps. 1:​1-3) Sian teladan dohot hata ni Jesus, berupaya ma hita maningkatton keterampilanta tikki manjaha Bibel. Boi do tatingkatton pangattusionta taringot Bibel molo martangiang hita, lambat tikki manjaha, mangarimangi sukkun-sukkun, jala mambahen catatan singkat. Tapakke ma kesanggupan marpikkirta jala tamanfaatton ma akka publikasi tikki mangariset na tajaha di Bibel. Taloas ma muse Hata ni Debata membentuk cara marpikkirta. Molo taulahon i sude, gabe lam godang ma manfaat na tadapot sian Bibel jala lam jonok ma hita tu Jahowa.—Ps. 119:17; Jak. 4:8. w23.02 13 ¶15-16

Pillit ma keterampilan na naeng diparsiajari hamu. Dung i berupaya ma hamu meraih tujuan i. Misalna, molo naeng lam terampil hamu mangajari, boi do diparsiajari hamu brosur Cara Asa Lam Denggan Manjaha dohot Mangajari. Molo dapotmuna tugas jamita di parpunguan tonga pokan, pangido ma tu sahalak donganta bawa na berpengalaman asa dibege ibana hamu tikki latihan. Dung i sukkun ma tu ibana aha na porlu dipadenggan hamu. Denggan ma persiappon hamu tugas i, asa boi diida akka dongan na botul-botul hamu bekerja keras jala boi diandalhon. (2 Kor. 8:22) Boha do molo maol dihilala hamu marsiajar sada keterampilan? Unang ma menyerah! Gabe parjamita manang guru na malo do si Timoteus? Dang adong dipaboa Bibel taringot i. Alai ala diihutton ibana do nasehat ni si Paulus, gabe lam terampil ma ibana mangulahon tugasna.—2 Tim. 3:10. w22.04 24-25 ¶8-11

Manggombarhon ise do binatang buas na pitu uluna? Didok di Bibel songon macan tutul do binatang buas i. Patna songon pat ni beruang, babana songon baba ni singa, jala adong sappulu tandukna. Opat binatang buas na dipaboa di Daniel bindu 7 pe songon i do tong ciri-cirina. Alai molo di bukku Pangungkapon opat ciri-ciri i adong di sada binatang buas, dang di opat binatang buas na berbeda. Jadi binatang buas i dang manggombarhon sada pamarettaon. Asing ni i, didok do ibana mangarajai “saluhut marga, suku, bahasa, dohot bangso”. (Pgk. 13:7) Jadi binatang buas i pasti manggombarhon sude kuasa politik di portibi on na hea mamaretta sahat tu saonari. (Pjm. 8:9) Alana angka sappulu pe jotjot do dipakke di Bibel lao manggombarhon kelengkapan. w22.05 9 ¶6

Ise do annon na mandapot manfaat sian pamarettaon i? Na parjolo, i ma punguan bolon na selamat sian Armagedon dohot akka dakdanak na tubu di tano na imbaru. Dipaboa do tong di Pangungkapon bindu 20 na lao dipahehe ma akka halak naung mate. (Pgk. 20:​11-13) Lao dipahehe ma akka “na burju”, i ma akka halak na toktong setia sahat tu na mate. Dipahehe do muse akka “na jahat”, i ma akka halak na so sanga mananda Jahowa tikki mangolu dope nasida. (Ul. 24:15; Joh. 5:​28, 29) Jadi na gabe dipahehe do sude halak na mate saleleng Pamarettaon Saribu Taon i? Daong. Dang dipahehe akka halak na so olo manomba Jahowa. Alana nungnga dilehon tu halak i kesempatan tikki mangolu dope nasida, alai dang olo nasida muba. On patuduhon dang layak nasida mangolu di Paradeiso.—Mat. 25:46; 2 Tes. 1:9; Pgk. 17:8; 20:15. w22.05 18 ¶16-17

Marhite “naposo haposan jala na marbisuk”, diarahon Jesus do organisasi ni Jahowa di tano on lao mangulahon ibadat na sittong. (Mat. 24:45) Boha do perasaanmuna bergabung tu organisasi i? Olo do ra sarupa perasaanmuna songon Apostel Petrus na mandok tu Jesus hata na adong di ayat harianta sadari on. Bayakkon ma boha do parngoluotta molo dang bergabung tu organisasi ni Jahowa. Pasti susa do hita. Marhite organisasi ni Jahowa do Jesus mangurupi hita asa toktong setia tu Debata, mangalatik hita asa lam terampil marbarita na uli, jala mangurupi hita mamakke “pangalaho na imbaru” asa boi mambahen las roha ni Jahowa. (Eps. 4:24) Dilehon Jesus do muse tu hita akka petunjuk na denggan tikki masa hasusaan. Contohna saleleng masa pandemi COVID-19 on, godang do halak di portibi on na so mamboto aha na ikkon diulahon. Alai marhite organisasi, dilehon Jesus do tu hita petunjuk asa boi toktong aman. w22.07 12 ¶13-14

Najolo diparettahon Jahowa do tu halak Israel asa jotjot nasida mangajari anakkonna taringot Jahowa. (5 Mus. 6:​6, 7) Godang do kesempatan ni nasida di bagasan sadari lao makkata-hatai dohot gellengna jala ‘manuatton’ paretta ni Jahowa tu bagasan roha ni gellengna i. Misalna molo bawa do anakna, sering do ibana rap dohot bapakna di ladang. Molo borua sering do ibana mangurupi omakna di jabu, songon manjahit, menyulam, manang makkarejohon tugas di jabu. Ala godang tikki ni nasida rap dohot gellengna, godang do na boi dihatai nasida. Boi do dibahas nasida taringot haburjuon ni Jahowa jala songon dia Ibana mangurupi keluarga ni nasida. Di godang negara, dang jotjot be akka natua-tua makkata-hatai dohot gellengna. Sibuk do nasida karejo, jala dakdanak pe marsikkola. Jadi ikkon dimanfaatton natua-tua do setiap kesempatan asa boi makkata-hatai dohot gellengna.—Eps. 5:​15, 16. w22.05 28 ¶10-11

Halak na mangulahon dosa na balga nungnga mangalanggar patik ni Debata. Jadi ikkon martangiang do ibana tu Debata Jahowa mangido pengampunan. Jala ikkon diakkui ibana do dosana i tu akka sintua di huria. (Ps. 32:5; Jak. 5:14) Holan Jahowa do na marhak mengampuni dosa ni sasahalak. Marhite tobusan ni Jesus Kristus do Jahowa mengampuni dosana i. Alai dilehon Jahowa do tugas tu akka sintua lao manottuhon sian akka prinsip ni Bibel, boi dope pardosa i toktong di huria manang na dang. (1 Kor. 5:12) Asa boi ditottuhon akka sintua i, ikkon dipikkirhon nasida do sukkun-sukkun on: Sengaja do ibana mangulahon i? Berupaya do ibana manabunihon dosana i? Mulak-ulak do diulahon ibana dosana i? Na paling penting, adong do bukti na patuduhon naung bertobat ibana? Jala adong do bukti na jelas naung diampuni Jahowa ibana?—Ul. 3:19. w22.06 9 ¶4

Dijujui Jesus do akka siseanna asa mangalului hasittongan. (Mat. 5:6) Lapatanna ikkon bertekad do hita mangulahon na sittong, na denggan, jala na ias di jolo ni Debata. Tottu lomo do rohamuna tu hasittongan dohot hatigoran, jala sogo do rohamuna tu gabus, tu sude na jahat, dohot na sala. (Ps. 119:​128, 163) Molo margabus sasahalak, sasittongna na maniru Sibolis do ibana disi, i ma parhuaso ni portibi on. (Joh. 8:44; 12:31) Berupaya do Sibolis mambahen marlea goar ni Debata Jahowa. Mulai sian di Taman Eden nungnga dihatahon ibana gabus taringot Debata. Didok Sibolis do Jahowa Parhuaso na so jujur, dang parduli, jala menahan akka na denggan sian jolma. (1 Mus. 3:​1, 4, 5) Sahat tu saonari pe, berupaya do Sibolis mambahen asa porsea akka halak tu gabusna i. Molo dang ‘dihaholongi akka jolma hasittongan’, gabe dipengaruhi Sibolis ma nasida lao mangulahon na so tigor dohot akka na jahat.—Rom 1:​25-31. w23.03 2 ¶3

Mungkin nungnga berupaya hamu asa unang mangulahon akka ulaon na diboto hamu sala, alai sipata olo dope diulahon hamu i. Manang olo do gabe metmet rohamuna ala dang tercapai dope cita-citamuna. Aha do na boi mangurupi hamu asa toktong martahan? I ma holong tu Jahowa. Massai arga do holongmuna tu Jahowa. (Poda 3:​3-6) Molo togu do holongmuna tu Jahowa, on boi mangurupi hamu asa marhasil mangadopi akka tantangan di ngolumuna. Jotjot do dipaboa di Bibel taringot songon dia Jahowa patuduhon holong na manoktong tu akka naposona. Dang hea Jahowa maninggalhon akka naposona jala torus do dihaholongi Ibana nasida. Ditoppa Jahowa do hita asa boi maniru sifatna. (1 Mus. 1:26) Attong songon dia do caratta patuduhon holong tu Ibana? Patudu ma na diargai hamu sude na dilehon Debata. (1 Tes. 5:18) Ganup ari, sukkun hamu ma dirimuna, ‘Songon dia do Jahowa patuduhon holongna tu au?’ Dung i, mandok mauliate ma hamu tu Jahowa di tangiangmuna jala paboa ma akka na denggan naung dibahen Ibana tu hamu. Anggap ma sudena i bukti holong ni Jahowa tu hamu secara pribadi. w23.03 12 ¶17-19

Dipatudu Jesus do holong tu 12 apostelna. Aha ma parsiajaranna tu hita? Nang pe jut rohatta alani pambahenan ni sasahalak, porlu do taparrohahon songon dia tindakanta. Ikkon tetap do tapatudu holong dohot haburjuon tu ibana. Tikki jut rohatta dibahen dongan sahaporseaon tasukkun ma diritta, ‘Aha do na mambahen jut rohakku tu ibana? Adong do sifathu na porlu hupadenggan? Adong do masalah ni donganta i umbahen na songon i pambahenanna tu au? Nang pe memang sala ibana, alai boi do hupatudu holong jala humaappon kesalahanna?’ Molo tapatudu holong tu akka dongan, on patuduhon na tutu do hita siihutton Jesus. Teladan ni Jesus mangajarhon tu hita asa berupaya mangattusi akka donganta. (Poda 20:5) Memang dang songon Jesus hita na boi mamboto aha na adong di bagasan roha. Alai nang pe songon i, boi do hita toktong sabar tu akka dongan na mambahen haccit rohatta. (Eps. 4:​1, 2; 1 Ptr. 3:8) Asa mura mangulahon i, berupaya ma hita mangattusi latar belakang ni akka donganta. w23.03 30 ¶14-16

Tikki marsahit hita, dipakke Sibolis do kesempatan i asa unang setia be hita tu Jahowa. Adong do ra dokter manang keluarga na so Saksi na mamaksa hita manjalo transfusi darah, hape maralo do i tu patik ni Debata. Manang adong do ra halak na asing manjujui hita manjalo pengobatan alternatif na so sesuai tu prinsip ni Bibel. Memang dang olo hita mate. Alai taboto do molo tung pe ikkon mate hita, sai torus do dihaholongi Jahowa hita. (Rom 8:​37-39) Molo di Jahowa nang pe mate naposona, hira na mangolu dope nasida, ala sai diingot Jahowa do nasida. (Luk. 20:37) Tarpaima do Jahowa pahehehon nasida. (Job 14:15) Jala nungnga dilehon Jahowa tobusan na massai arga asa boi hita “mandapot hangoluan na saleleng ni lelengna”. (Joh. 3:16) Pos do rohatta massai holong do roha ni Jahowa tu hita jala parduli do Ibana tu hita. Jadi unang ma tatinggalhon Jahowa tikki marsahit manang tikki terancam ngolutta. Sebalikna taasahon ma Ibana. Tapangido ma muse asa dilehon tu hita bisuk, gogo, jala asa tarapul rohatta.—Ps. 41:3. w22.06 18 ¶16-17

Didok Bibel, “Biar mida Jahowa do parmulaan ni bisuk, jala parbinotoan taringot Debata Nabadia i do na mambahen halak mamboto dia na sittong dohot dia na sala.” (Poda 9:10) Tikki naeng mambahen keputusan na penting, porlu do taihutton cara marpikkir ni Jahowa. Carana tapareso ma isi ni Bibel dohot akka publikasitta. Molo taulahon i, dapotta ma bisuk na sian Jahowa. (Poda 2:​5-7) Holan Jahowa do na boi mangurupi hita asa botul-botul marbisuk. (Rom 16:27) Boasa tadok songon i? Alasan na parjolo, Ibana do na manoppa saluhutna. Jadi holan Ibana do na takkas mamboto sude taringot toppaanna. (Ps. 104:24) Na paduahon, sude tindakan ni Jahowa patuduhon bisukna. (Rom 11:33) Na patoluhon, selalu do bermanfaat bisuk ni Jahowa. (Poda 2:​10-12) Jadi asa boi hita gabe halak na botul-botul marbisuk, ikkon taattusi do tolu alasan i jala tapakke ma i tikki mambahen keputusan. w22.10 19 ¶3-4

Sian Pangungkapon bindu 12, taboto ma talu do Sibolis. Ujungna gabe disappatton ma ibana tu tano on rap dohot akka suru-suruan na jahat. Muruk hian do Sibolis jala dibahen ma susa jolma. Akibatna gabe “marjea” ma tano on. (Pgk. 12:​9-12) Aha do manfaat ni surirang on tu hita? Akka na masa di portibi on dohot pangalaho ni akka jolma na lam jahat, paposson rohatta nungnga gabe Raja Jesus di surgo. Jadi unang pola jut rohatta molo taida godang halak na kejam jala egois saonari, ala taboto do pangalaho ni nasida i menggenapi surirang ni Bibel. Jala i mambuktihon nungnga mamaretta Harajaon ni Debata di surgo. (Ps. 37:1) Taingot ma, lam jonok hita tu Armagedon lam tu sursarna do annon keadaan ni portibi on. (Mrk. 13:8; 2 Tim. 3:13) Mandok mauliate do hita tu Jahowa Bapakta na parholong i, ala nungnga diurupi Ibana hita mamboto boasa massai godang hasusaan di portibi on. w22.07 3-4 ¶7-8

Porlu do tatangiakkon akka dongan sahaporseaon asa martahan nasida mangadopi godang tantangan. Tapangido ma tu Jahowa asa boi nasida martahan tikki marsahit, tikki masa bencana alam, tikki adong porang, tikki dianiaya, manang tikki mangadopi akka hasusaan na asing. Boi do muse tatangiakkon akka donganta na gabe relawan lao mangurupi na hona bencana. Jala molo adong sian akka donganta na susa i na tatanda, tadok ma goar ni nasida di tangiangta. Molo olo hita mangulahon i, berarti botul-botul do holong rohatta tu nasida. Porlu do muse tatangiakkon akka donganta bawa na bekerja keras di huria. Songon na dihilala Apostel Paulus, godang do manfaatna di nasida molo taulahon i. Didok ibana, “Tangiakkon hamu ma nang au, asa barani au paboahon hata na dipasahat tu au, i ma rahasia na badia taringot tu barita na uli.” (Eps. 6:19) Saonari pe godang do akka sintua na bekerja keras di huriatta. Molo martangiang hita asa dipasu-pasu Jahowa nasida, berarti na holong do rohatta tu nasida. w22.07 23-24 ¶14-16

Dipakke sahalak tentara do takkuluk bosi lao melindungi uluna. Dos songon i ma, harapan pe boi manjaga pikkiranta sian serangan ni Sibolis. Godang do cara na dipakke Sibolis lao manggoda jala manegai pikkiranta. Alani i, torus ma tapatogu harapanta. Alana boi do i melindungi cara marpikkirta asa tetap hita setia tu Jahowa. Molo gabe fokus do hita mangalului keinginanta sandiri, gabe moru ma pos ni rohatta tu janji ni Jahowa taringot hangoluan saleleng ni lelengna. Songon i do na hea masa tu halak Kristen di Korint. Dang pos be roha ni nasida tu janji ni Jahowa taringot haheheon. (1 Kor. 15:12) Didok si Paulus akka halak na so porsea di haheheon holan mangalului kesenanganna sandiri. (1 Kor. 15:32) Godang do halak dang porsea tu janji ni Debata. Akibatna gabe fokus ma nasida mambahen sonang ngoluna saonari. Alai anggo hita dang songon i. Pos do rohatta tu janji ni Jahowa di ari na naeng ro. w22.10 25-26 ¶8-9

Dipangido Jahowa do hita asa martangiang tu Ibana. Diboto Jahowa do sitaonon na masa tu hita. Jadi pos ma rohatta, pasti ditangihon Ibana do tangiangta. Alana lomo do roha ni Jahowa manangihon tangiang ni naposona. (Poda 15:8) Aha do na boi ditangiakkon hamu tikki merasa kesepian songon si Elia? Paboa ma sude na di rohamuna tu Jahowa. (Ps. 62:8) Paboa ma aha na dikhawatirhon hamu, jala aha dampakna tu hamu. Pangido ma tu Jahowa asa diurupi hamu mengatasi perasaanmuna i jala asa dilehon tu hamu habaranion. Asing ni i, pangido ma bisuk asa boi hamu denggan patorakkon haporseaonmuna. (Luk. 21:​14, 15) Molo berjuang do hamu mengatasi perasaan negatif, pangido ma tu Jahowa asa diurupi hamu paboahon perasaanmuna i tu dongan na matang. Pangido ma tu Jahowa asa boi diattusi donganta i perasaanmuna. Parrohahon ma songon dia Ibana mangalusi tangiangmuna i. Dung i jalo ma bantuan sian na asing asa unang merasa kesepian be hamu. w22.08 10 ¶6

Masa do penganiayaan tu akka dongan di huria na baru di Tessalonik. Ditakkup akka halak na di kota i do akka dongan jala diboan “tu jolo ni akka pamaretta”. (Ul. 17:6) Boi tabayakkon pasti mabiar do akka dongan disi. Baru dope nasida gabe halak Kristen, alai toppu ma masa penganiayaan tu nasida. Alai dang lomo roha ni si Paulus gabe dang semangat be nasida melayani Jahowa alani kejadian i. Dipastihon si Paulus do asa adong na patoguhon akka dongan disi. Didok si Paulus do tu nasida, “Husuru hami ma si Timoteus mandapotton hamu . . . lao manjujui jala patoguhon haporseaonmuna asa unang adong sian hamu na gale haporseaonna alani akka hasusaan i.” (1 Tes. 3:​2, 3) Nungnga diida si Timoteus songon dia si Paulus patoguhon akka dongan na di Listra. Ala nungnga hea dirasahon ibana dukungan ni Jahowa, gabe boi ma diurupi si Timoteus akka dongan di Tessalonik asa marpos ni roha, pasti diurupi Jahowa do nasida mangadopi penganiayaan i.—Ul. 14:​8, 19-22; Heb. 12:2. w22.08 21 ¶4

Di taon 1870, dibahen si Charles Taze Russell ma punguan lao mamparsiajari Bibel, na digoari Parsiajar Bibel. Lomo do roha ni nasida mamboto ajaran na sittong taringot tobusan ni Jesus, jala songon dia do seharusna Borngin Parningotan diulahon. Saonari godang do manfaat na tadapot sian riset ni nasida. Boasa tadok songon i? Alani pasu-pasu ni Jahowa, gabe boi ma taattusi hasittongan taringot tobusan ni Jesus jala songon dia tobusan i bermanfaat tu sude jolma. (1 Joh. 2:​1, 2) Taparsiajari do muse sian Bibel taringot dua harapan na dilehon Debata, i ma harapan tu akka halak na tarpillit lao mangolu salelengna di surgo, dohot harapan tu marjuta halak lao mangolu salelengna di tano on. Gabe lam jonok ma hita tu Jahowa ala taboto massai holong do rohana tu hita, jala massai godang do manfaat ni tobusan ni Jesus tu hita masing-masing. (1 Ptr. 3:18) Songon na dibahen akka donganta najolo, lomo do rohatta mangundang akka halak asa dohot tu acara Borngin Parningotan na sesuai tu pola na dibahen Jesus. w23.01 21 ¶6-7

Tikki di tano on Jesus, diajarhon ibana do akka pasu-pasu na lao dibahen Harajaon ni Debata. Mandok mauliate do hita muse tu tobusan alana marhite tobusan i gabe boi hita marale-ale tu Jahowa dohot tu Jesus. Molo porsea hita tu Jesus, gabe adong ma harapanta mangolu salelengna jala boi pajuppang muse tu akka halak na tahaholongi naung mate. (Joh. 5:​28, 29; Rom 6:23) Sasittongna dang tama hita mandapot sude pasu-pasu i jala dang tarbalos hita sude naung dilehon Jahowa dohot Jesus tu hita. (Rom 5:​8, 20, 21) Alai adong do na boi taulahon lao patuduhon pangargaiotta tu nasida. Songon dia ma carana? Tapakke ma tikki, gogo, dohot artatta lao mendukung ulaon Harajaon. Misalna boi ma hita dohot mambangun jala mangarawat akka bangunan na dipakke lao manomba Jahowa. w23.01 26-28 ¶3, 5

Lao mamaretta ma Jesus dohot si 144.000 tu marmiliar halak di liat portibi on. Sada hasangapon do on dilean Jahowa tu si 144.000 i. Lao gabe raja dohot malim do nasida songon Jesus. (Pgk. 5:10) Tikki marlakku dope Patik ni si Musa, akka malim do na mangurupi bangso Israel asa tetap sehat jala asa toktong jonok hubungan ni nasida tu Jahowa. Bibel mandok Patik i “holan bayangan ni akka na denggan na masa di ari na naeng ro do i”. Jadi haduan urupan ni si 144.000 i do tong naposo ni Debata asa tetap sehat jala asa toktong jonok hubungan ni nasida tu Jahowa. (Heb. 10:1) Saonari dang taboto dope songon dia annon akka malim dohot raja i mangalehon petunjuk tu rakyat ni Harajaon ni Debata na adong di tano on. Alai manang na songon dia pe carana, pasti dilehon do petunjuk na mangurupi nasida annon.—Pgk. 21:​3, 4. w22.12 11 ¶11-13

Lomo do rohatta asa diboto akka halak aha naung diulahon Jahowa dohot Jesus tu hita sude. I do alana taundang nasida tu Borngin Parningotan. (Joh. 3:16) Lomo do rohatta dung ro nasida tu acara Borngin Parningotan, gabe tergerak nasida lao marsiajar taringot Jahowa jala manomba Ibana. Taundang do muse akka dongan na so aktif. Molo taundang nasida, gabe dipaingot ma nasida na toktong do dihaholongi Debata nasida. Godang do akka dongan na so aktif na manjalo undanganta, jala las do rohatta mangida nasida ro tu Borngin Parningotan. Di acara i, gabe dipaingot ma nasida tu las ni roha na dihilala nasida najolo tikki melayani Jahowa. (Ps. 103:​1-4) Dang soal songon dia tanggapan ni halak, berupaya do hita mangundang nasida tu Borngin Parningotan. Pos ma rohatta pasti diargai Jahowa do upaya ni ganup halak na ro tu Borngin Parningotan i.—Luk. 15:7; 1 Tim. 2:​3, 4. w23.01 20 ¶1; 22-23 ¶9-11

Di borngin parpudi andorang so mate Jesus, martangiang ma ibana tu Debata Jahowa. Dipangido ibana ma tu Jahowa asa dijaga akka siseanna. (Joh. 17:​15, 20) Memang, sai dijaga Jahowa do akka naposona. Alai ditangiakkon Jesus pe i, ala diboto ibana bahenon ni Sibolis nama akka tantangan na maol tu siseanna. Jala diboto Jesus do asa boi nasida monang mangalo Sibolis, ikkon diurupi Jahowa do nasida. Di portibi na dirajai Sibolis on, godang do hasusaan na diadopi halak Kristen saonari. Boi do gabe kecil hati hita alani akka hasusaan i, bahkan boi do i manguji kesetiaanta tu Jahowa. Alai dang porlu hita mabiar, diparrohahon Jahowa do hita. Diboto Ibana do hasusaan na taadopi jala lomo rohana mangurupi hita. ‘Diparrohahon Jahowa do akka halak makkabiari Ibana . . . lao paluahon nasida.’—Ps. 33:​18-20. w22.08 8 ¶1-2

Piga-piga minggu sebelum jala dukkon sae Borngin Parningotan, talehon do tikkitta mangarimangi manfaat tobusan ni Jesus tu jolma. Asing ni i las do rohatta mangundang akka halak asa boi ro tu acara i. Jala hita sandiri pe bertekad do ro tu acara i. Di acara Parningotan, marsiajar do hita boasa massai penting di hita tobusan, jala songon dia hamatean ni sahalak jolma boi manesa dosa ni godang jolma. Dipaingot do muse hita aha na digombarhon roti dohot anggur, jala ise na boi mangallang dohot manginum i. (Luk. 22:​19, 20) Asing ni i gabe tarimangi ma muse akka pasu-pasu na lao jaloon ni akka halak na harapanna mangolu salelengna di tano on. (Jes. 35:​5, 6; 65:​17, 21-23) Sada hasangapon do di hita boi mamboto hasittongan on. w23.01 20-21 ¶2, 4

Dilehon Jahowa pe Anakna lao manobus dosatta asa boi do hita mangolu salelengna. (Mat. 20:28) Apostel Paulus mandok, “Ai songon hamatean i na ro sian sahalak jolma, suang songon i do haheheon ni halak na mate ro do i sian sahalak jolma. Ai sude do jolma mate alani si Adam, suang songon i ma sude do jolma mulak mangolu alani Kristus.” (1 Kor. 15:​21, 22) Diajari Jesus do akka siseanna manangiakkon asa ro Harajaon ni Debata jala asa saut lomo ni rohana di tano on. (Mat. 6:​9, 10) Sada sian lomo ni roha ni Debata, i ma asa mangolu saleleng ni lelengna jolma di tano on. Alani i, dipillit Jahowa do Jesus gabe Raja di Harajaonna. Dipillit Jahowa do muse 144.000 halak sian tano on rap mamaretta dohot Jesus, lao pasautton lomo ni roha ni Debata.—Pgk. 5:​9, 10. w22.12 5 ¶11-12

Tikki mate halak na tahaholongi, pasti masihol do hita tu ibana. Mulana lungun do rohatta molo taingot muse haccitan ibana tikki lao mate. Alai lam leleng boi do muse las rohatta tikki taingot akka na diajarhon, diulahon, dohot dihatahon ibana tu hita. Dos songon i ma, lungun do rohatta tikki manjaha taringot sitaonon ni Jesus sahat tu na mate ibana. Piga-piga minggu sebelum jala dukkon sae Borngin Parningotan, talean do tikkitta lao mangarimangi pengorbanan ni Jesus na massai balga i. (1 Kor. 11:​24, 25) Las do rohatta tikki mangarimangi sude na hea diajarhon dohot diulahon Jesus tikki di tano on ibana. Dipatogu do muse rohatta tikki mangarimangi aha na diulahon Jesus saonari jala na lao bahenonna di ari na naeng ro. w23.01 26 ¶1-2

Lungun hian do roha ni akka sisean tikki mate Jesus. Nungnga mate be dongan ni nasida jala hira na so adong be harapan ni nasida. (Luk. 24:​17-21) Alai tikki dipataridahon Jesus dirina tu nasida, diurupi Jesus do nasida mangattusi songon dia ibana menggenapi akka surirang ni Bibel. Asing ni i, dilehon Jesus do tugas na penting tu nasida. (Luk. 24:​26, 27, 45-48) Tikki nakkok Jesus tu surgo, dang lungun be roha ni akka sisean. Gariada marlas ni roha do halak i dung mamboto nungnga dipahehe be Tuan ni nasida jala rade do Tuanna i mangurupi nasida mangulahon tugasna. Las ni roha i ma na mangonjar roha ni nasida asa toktong semangat manomba Jahowa. (Luk. 24:​52, 53; Ul. 5:42) Asa boi tatiru akka sisean ni Jesus, berupaya ma hita mangutamahon Harajaon ni Debata di ngolutta. Ikkon torus do hita berupaya asa toktong melayani Jahowa. Marjanji do Jahowa na lehononna do pasu-pasu tu hita.—Poda 10:22. w23.01 30-31 ¶15-16

Tottu dang olo hita maniru si Adam dohot si Hawa. Berupaya do hita marsiajar taringot Jahowa, mangargai akka sifatna, jala mangattusi cara marpikkirna. Molo taulahon i gabe lam balga ma holongta tu Jahowa. Taparrohahon ma contoh ni si Abraham. Massai holong do rohana tu Jahowa. Torus do dioloi ibana Jahowa, nang pe dang sai diattusi ibana keputusan ni Jahowa i. Gariada berusaha do si Abraham lam mananda Jahowa. Sada tikki naeng dihancurhon Jahowa ma kota Sodom dohot Gumora. Mulana mabiar do si Abraham dihukum “Hakim ni saluhut tano on” halak na burju rap dohot halak na jahat di kota i. Alai diboto si Abraham do dang mungkin bahenon ni Jahowa songon i. Jadi disukkun ibana ma tu Jahowa piga-piga hali taringot i. Sabar do Jahowa mangalusi ibana. Gabe diattusi si Abraham ma diboto Jahowa do roha ni ganup jolma, jala dang mungkin dihukum Ibana halak na burju rap dohot halak na jahat.—1 Mus. 18:​20-32. w22.08 28 ¶9-10

Di taon 455 SM, dung sae dibangun Gubernur Nehemia tembok Jerusalem, dilului ibana ma akka bawa na boi denggan manjaga kota i. Termasuk ma i si Hanania kepala panjaga Benteng. Bibel paboahon “halak na boi dihaporseai do si Hanania jala ibana do na umbiar tu Debata na sittong sian akka halak na asing”. (Neh. 7:2) Holong do roha ni si Hanania tu Jahowa jala mabiar do ibana mambahen haccit roha ni Jahowa. I do alana serius si Hanania mandalatton tugas manang aha pe na dilean tu ibana. Tatiru ma si Hanania asa boi hita denggan mandalatton tugas sian Jahowa. Marsiajar ma hita muse sian si Tikikus. Sahalak dongan na dihaporseai si Paulus do ibana. Jotjot do dipangido si Tikikus lao mangurupi ibana. Didok si Paulus halak na “toktong marhobas tu Tuan i” do si Tikikus on. (Eps. 6:​21, 22) Dang holan mangirim surat tu akka dongan na di Epesus dohot Kolosse ibana disuru si Paulus. Alai disuru do si Tikikus patoguhon jala mangapuli nasida. Si Tikikus na setia on paingotton hita tu akka bawa na martanggung jawab di huria saonari.—Kol. 4:​7-9. w22.09 9-10 ¶5-6

Susa do si Josep saleleng 13 taon. Boi do marpikkir si Josep dang dihaholongi Jahowa be ibana jala merasa naung ditinggalhon Jahowa. Alai dang gabe muruk si Josep tu Jahowa. Dijaga ibana do rohana jala toktong tenang. Tikki adong pe kesempatan lao mambalos akka abangna i, dang diulahon ibana i. Gariada dipatudu si Josep do holong tu nasida jala diampuni do nasida. (1 Mus. 45:​4, 5) Dang holan tu masalahna i fokus ni si Josep, alai boi do diida ibana i sian sudut pandang ni Jahowa. (1 Mus. 50:​19-21) Aha do parsiajaranna? Molo adong dongan na mambahen haccit rohamuna, unang ma gabe muruk hamu tu Jahowa manang merasa naung ditinggalhon Jahowa hamu. Sebalikna rimangi ma songon dia Jahowa mangurupi hamu martahan mangadopi tantangan i. Jala molo adong dongan na mambahen haccit rohamuna, rade ma hamu manalpuhon hasalaanna jala patudu ma holong tu nasida. w22.11 21 ¶4

Dilehon Jahowa do parnidaan tu Panurirang Daniel na patuduhon umbalga do huaso ni Jahowa sian sude pamaretta na di tano on. Diida si Daniel do adong opat binatang buas na manggombarhon akka kuasa dunia songon Babel, Media Persia, Junani, Rom, dohot Anglo-Amerika. (Dan. 7:​1-3, 17) Dung i diida si Daniel ma Jahowa hundul di tahtana na di surgo lao mangadili. (Dan. 7:​9, 10) Buaton ni Jahowa do huaso ni akka pamaretta saonari jala lehononna do i tu na asing, na pantas jala na umgogo sian nasida. Ise ma i? Jesus Kristus “na songon anak ni jolma” dohot si 144.000, akka ‘na badia na marhobas tu Debata Natumimbul i’. Rap mamaretta ma nasida “saleleng ni lelengna”. (Dan. 7:​13, 14, 18) Takkas ma holan Jahowa do “Debata Natumimbul”. Aha na diida si Daniel di parnidaan i sesuai do tu na dipaboa ibana sebelumna. Didok ibana, “[Debata na di surgo] do na mamillit dohot na manggatti akka raja.”—Dan. 2:​19-21. w22.10 14-15 ¶9-11