Juni

Togu do hubungan ni si Job tu Jahowa, marlas ni roha do keluargana, jala mora hian do ibana. (Job 1:​1-5) Alai toppu ma muba situasina. Parjolo, habis ma sude artana. (Job 1:​13-17) Dung i, mate ma sude anakkonna. Pasti hancur hian do perasaan ni si Job dohot istrina ala sahali mate sude anakkonna i. Jadi wajar do sappe diribak si Job abitna jala hundul ibana di tano alani lungun ni rohana! (Job 1:​18-20) Dibahen Sibolis do muse marsahit na parah si Job. Gabe dang sangap be ibana alani sahitna i. (Job 2:​6-8) Hape sebelumna halak na sangap do si Job di hutana. Jotjot do ro akka halak mangido nasehat sian ibana. (Job 31:18) Alai dung marsahit ibana, gabe mandao do nasida sian ibana. Bahkan keluargana, ale-alena, dohot akka hatobanna pe mandao do sian ibana.—Job 19:​13, 14, 16. w22.06 21 ¶5-6

Dung tardidi, sude do hita porlu mangulahon nasehat na dilehon si Paulus tu halak Kristen di Epesus. Dijujui si Paulus do nasida asa gabe halak Kristen na “toras”. (Eps. 4:​13, surat na di toru) Lapatanna ikkon torus do dibahen nasida kemajuan rohani. Pasti holong do rohamuna tu Jahowa. Alai ikkon torus do diusahahon hamu asa lam tamba holong ni rohamuna i tu Ibana. Boha do carana? Dipaboa Apostel Paulus do i di Pilippi 1:9. Ditangiakkon ibana do halak Kristen di Pilippi asa “lam martamba-tamba” holong ni nasida tu Jahowa. Sian on taboto ma molo holong i boi do martamba. Carana, torus ma tatambai ‘parbinotoan dohot bisukta’. Molo nungnga lam takkas tatanda Jahowa, gabe lam holong ma rohatta tu Ibana. Lam taargai ma akka sifatna dohot akka na diulahon Ibana tu hita. Hasilna gabe tergerak ma hita mambahen las roha ni Jahowa, jala dang taulahon be akka na mambahen haccit rohana. Alani i torus ma hita berusaha mangattusi lomo ni roha ni Jahowa, jala taulahon ma i. w22.08 2-3 ¶3-4

Dang tu sude halak bukku Pangungkapon disurat. Alai holan tu hita do akka naposo ni Jahowa. Jadi dang heran be hita na dohot do hita menggenapi akka surirang di bukku i. Tikki disurat si Johannes i dipaboa ibana do andigan i lao masa. Didok ibana, “Marhite panogu-noguon ni tondi parbadia, diboan ma au tu ari ni Tuan i.” (Pgk. 1:10) Taon 96 M do disurat si Johannes i, jala mulai sian i sahat tu na dapot “ari ni Tuan i” leleng nai dope. (Mat. 25:​14, 19; Luk. 19:12) Sian akka surirang na adong di Bibel taboto ma molo “ari ni Tuan i” dimulai di taon 1914 tikki mamaretta Jesus di surgo gabe Raja. Mulai sian taon i sahat tu satorusna mulai ma digenapi akka surirang na adong di bukku Pangungkapon. Jala dohot do hita naposo ni Debata menggenapi i. Boi ma tasimpulhon, mangolu di “ari ni Tuan i” do hita saonari!—Pgk. 1:3. w22.05 2 ¶2-3

Tikki mangolu dope binatang buas dohot panurirang na makkatahon na so tutu i, disappatton ma nasida tu laut api belerang na marsigorgor. Jadi tikki mamaretta dope akka pamarettaon i, lao dihancurhon ma nasida saleleng ni lelengna. Aha do pengaruhna tu hita? Ikkon torus do hita setia tu Jahowa dohot tu Harajaonna. (Joh. 18:36) Alani i ikkon netral do hita di urusan politik jala unang marpihak tu pamarettaon na dia pe di portibi on. Memang dang sai mura mangulahon on. Alana dipangido pamaretta do hita asa mendukung nasida. Jala ikkon tapatudu i sian pakkataion dohot tindakanta. Molo olo halak mendukung nasida dapotna ma tanda sian binatang buas i. (Pgk. 13:​16, 17) Alai taboto do akka halak na manjalo tanda i, na mangalo Jahowa do ibana disi jala dang boi dapotna hangoluan saleleng ni lelengna. (Pgk. 14:​9, 10; 20:4) Alani i massai penting ma hita toktong netral di urusan politik, dang soal sadia balga tekanan ni pamaretta tu hita! w22.05 10-11 ¶12-13

Sada tujuan na boi tabahen, i ma marsiajar akka keterampilan na marguna tu organisasi. Boi do i mangurupi hita tikki mandapot tanggung jawab tambahan. Coba ma jo tapikkirhon sadia godang akka dongan na dihaporluhon lao pajongjokkon fasilitas Betel, Bale Kebaktian, dohot Bale Harajaon. Godangan sian nasida, marsiajar akka keterampilan na baru sian akka donganta na berpengalaman. Saonari, akka dongan bawa dohot borua boi do rap marsiajar keterampilan na dihaporluhon lao mangarawat Bale Kebaktian dohot Bale Harajaon. Molo olo hita mamakke keterampilanta, gabe sae ma godang ulaon ni organisasi. Jala gabe dipasangap ma Jahowa “Raja na manoktong” dohot Jesus Kristus “Raja ni akka raja”. (1 Tim. 1:17; 6:15) Pasti lomo do rohatta bekerja keras jala mamakke keterampilanta lao pasangappon Jahowa, dang diritta sandiri.—Joh. 8:54. w22.04 24 ¶7; 25 ¶11

Mora hian do si Salomo. Jala massai bagak do istanana. (1 Raj. 10:​7, 14, 15) Molo Jesus otik do artana jala dang adong jabuna. (Mat. 8:20) Alai sarupa do cara pandang ni nasida na dua taringot arta. Alana Jahowa do na mangalehon bisuk tu nasida. Diboto si Salomo, “parlinggoman” do hepeng i. Molo adong hepengta gabe boi ma tatuhor akka na tahaporluhon dohot akka na tahalomohon. Nang pe mora hian si Salomo diboto ibana do adong na lobi penting sian hepeng. Didok ibana, “Tumagon do [denggan] goar ni sasahalak sian apala gok artana.” (Poda 22:1) Didok si Salomo, halak na holongan di hepeng dang marna sonang rohana bahenon ni artana i. (Pjm. 5:​10, 12) Alani i ma, dipasingot ibana do hita asa unang tabahen hepeng gabe na uppetting di ngolutta. Alana boi do i hatop mago.—Poda 23:​4, 5. w22.05 21 ¶4-5

Molo tarimangi akka pasu-pasu naung tajalo saleleng on, gabe lam togu ma hubungatta tu Jahowa. Jala molo tarimangi akka pasu-pasu ni Jahowa di ari na naeng ro, gabe lam nyata ma harapan i di hita. Sudena i mangurupi hita asa marlas ni roha manomba Jahowa saonari. Satokkin nai “ro nama” Jahowa lao manghancurhon portibi na jahat on. Pos do rohatta “Debata na adil” do Jahowa i, dang mungkin pasombuonna Sibolis torus mangarajai portibi on. (Jes. 25:9) Alani i ikkon sabar do hita paimahon Jahowa paluahon hita. Alai sambil paimahon i, bertekad ma hita asa torus martangiang tu Jahowa, mamparsiajari Bibel jala mangulahon i di ngolutta, dohot mangarimangi akka pasu-pasu na sian Jahowa. Molo taulahon i, urupan ni Jahowa do hita asa toktong martahan jala marlas ni roha manomba Ibana. w22.11 13 ¶18-19

Dang dipaboa di Bibel songon dia si Timoteus tardidi. Alai yakin do hita pasti las hian roha ni si Eunike tikki i. (Poda 23:25) Marhasil do si Eunike mangurupi si Timoteus makkaholongi Jahowa dohot Jesus Kristus, nang pe godang tantangan na diadopi ibana. Dang sahaporseaon natua-tua ni si Timoteus. Bapakna halak Junani, omakna dohot oppungna halak Jahudi. (Ul. 16:1) Tikki remaja do si Timoteus gabe halak Kristen si Eunike dohot si Lois. Alai molo bapakna dang olo gabe halak Kristen. Saonari pe, akka donganta borua naung margelleng dihaholongi do anakkonna. Diurupi nasida do anakkonna asa marale-ale tu Jahowa. Arga do di Jahowa upaya ni nasida i. (Poda 1:​8, 9) Buktina, godang do akka donganta borua na diurupi Jahowa asa marhasil mangajari anakkonna lao manomba Ibana. w22.04 16 ¶1-3

Satokkin nai sogo ma roha ni kuasa politik tu agama na so sittong. Bahenon ni Debata ma akka kuasa politik i “mangulahon lomo ni rohana”. Pakkeon ni Debata ma nasida, i ma “sappulu raja” i, lao manghancurhon sude agama na so sittong di liat portibi on. (Pgk. 17:​1, 2, 12, 16) Sian dia taboto nungnga jonok be kehancuran ni Babel na Balga i? Songon na taboto, dikalilingi sunge Euprat na balga do kota Babel najolo. Saonari pe, Babel na Balga dikalilingi “aek” na manggombarhon akka pendukungna. (Pgk. 17:15) Alai na lao “mahiang” do aek i. Lapatanna, moru ma pendukung ni agama na so sittong. (Pgk. 16:12) Nungnga tergenap surirang i saonari. Godang do halak na so porsea be tu agama. Jala tikki adong pe masalah ni nasida, dang tu akka pamimpin agama be nasida mangido bantuan. w22.07 5-6 ¶14-15

Molo taampuni dongan na asing, on patuduhon na taargai do asi ni roha ni Jahowa tu hita. Tikki paboahon sada ilustrasi, dipatudos Jesus do Jahowa songon sahalak raja na manghapus utang ni sahalak hatobanna. Alai dang olo hatoban i marasi ni roha tu donganna hatoban. Hape sasittongna dao do ummotik utang ni donganna i sian ibana. (Mat. 18:​23-35) Aha do parsiajaranna tu hita? Molo botul-botul taargai asi ni roha ni Jahowa na massai balga tu hita, pasti tergerak do hita mengampuni na asing. (Ps. 103:9) Piga-piga taon naung salpu hea do dipaboa di Joujou Paboahon, “Dang soal sadia jotjot hita mengampuni akka donganta, sasittongna dang sebanding i tu pengampunan ni Jahowa na dilehon Ibana marhite tobusan ni Jesus.” Molo taampuni na asing, hita pe diampuni Jahowa ma. Dipatudu Jahowa do asi ni rohana tu halak na marasi ni roha. (Mat. 5:7) Tarida do i sian tangiang na diajarhon Jesus tu akka siseanna.—Mat. 6:​14, 15. w22.06 10 ¶8-9

Tikki di tano on Jesus, sempurna do ibana maniru akka sifat ni Bapakna Jahowa. (Joh. 14:9) Marhite Jesus, gabe boi ma tatanda jala tahaholongi Debata. Mandapot manfaat do muse hita sian ajaran ni Jesus dohot sian cara ni ibana mangarahon huria Kristen saonari. Diajari Jesus do muse hita songon dia carana mambahen las roha ni Jahowa. Jala na uppetting, mandapot manfaat do hita sian tobusan ni Jesus. Alana tikki dipahehe Jahowa ibana, dijalo Jahowa do pelean ni Jesus na sempurna. On ma na mambahen hita ‘ias sian dosa’. (1 Joh. 1:7) Saonari nungnga gabe Raja be Jesus na toktong mangolu salelengna. Jala satokkin nai lao dihancurhon Jesus ma ulu ni ulok i. (1 Mus. 3:15) Marlas ni roha ma hita tikki dihancurhon Sibolis saleleng ni lelengna. Jala marhite pinoppar ni borua i, pasu-pasuon ni Jahowa ma “sude bangso di tano on”. Boi do tahaporseai sude na didok Jahowa. Jadi unang ma menyerah hita. w22.07 18 ¶13; 19 ¶19

Ikkon masuk akkal do hita menetappon tujuanta. Boasa? Alana dang boi takendalihon sude situasitta. Taida ma jo pengalaman ni si Paulus. Baru dope dibentuk ibana huria di Tessalonik. Alai akka halak na marsogo ni roha mamaksa si Paulus asa maninggalhon kota i. (Ul. 17:​1-5, 10) Molo torus si Paulus tinggal disi, parohon bahaya do i tu akka dongan sahaporseaonna. Jadi disesuaihon si Paulus ma carana mangurupi nasida. Disuru ibana ma si Timoteus tu Tessalonik lao patoguhon akka dongan na disi. (1 Tes. 3:​1, 2) Pasti marlas ni roha do halak i. Adong na boi taparsiajari sian pengalaman ni si Paulus di Tessalonik. Bisa jadi nungnga tabahen tujuan. Alai ala muba situasitta, gabe dang boi tacapai tujuanta i. (Pjm. 9:11) Molo songon i na masa, bahen hamu ma muse tujuan na baru na boi dicapai hamu. w22.04 25-26 ¶14-15

Dipaboa Jahowa do tu hita harapan taringot ari na naeng ro. Saonari taida ma jo piga-piga ayat ni Bibel na boi patoguhon rohatta tikki marsitaonon. Contohna didok Jahowa do “dang adong na boi manirang hita sian holong ni Debata”, termasuk ma akka sitaononta. (Rom 8:​38, 39) Didok do muse, “jonok do Jahowa tu sude halak na jou-jou tu Ibana” marhite tangiang. (Ps. 145:18) Marjanji do Jahowa mangalehon gogo tu hita asa sanggup mangadopi tantangan manang aha pe molo torus hita mangandalhon Ibana. Bahkan, boi do hita marlas ni roha tikki marsitaonon. (1 Kor. 10:13; Jak. 1:2) Taboto do muse holan parsatokkinan do sitaonon i molo dibandingkon tu upa na lao tajalo saleleng ni lelengna. (2 Kor. 4:​16-18) Nungnga marjanji Jahowa lao dipamate do Sibolis dohot sude halak na jahat na mambahen hita susa. (Ps. 37:10) Asing ni akka ayat i, adong dope ayat na diingot hamu na boi patoguhon rohamuna molo masa sitaonon? w22.08 11 ¶11

Hea do hamu merasa dang sanggup mangihutton standar ni Jahowa na sittong ganup ari? Disarupahon Jahowa do akka pambahenanta na denggan “songon galumbang ni laut”. (Jes. 48:18) Bayakkon ma hamu jongjong di topi ni laut na bidang. Diida hamu ma dang marna so galumbang ni laut i. Torus do ro galumbang ni laut i sian tikki tu tikki. Songon dia do carana asa boi pambahenanta na denggan i disarupahon songon galumbang ni laut? Tikki naeng mambahen keputusan, sai tapikkirhon ma aha na dihalomohon Jahowa. Dung i pittor taulahon ma i. Taingot ma dang soal sadia maol keputusan na ikkon tabahen, sai urupan ni Jahowa do hita. Lehononna do tu hita gogo asa boi hita torus mangulahon na sittong ganup ari.— Jes. 40:​29-31. w22.08 30 ¶15-17

Di ujung ni 1.000 taon i, dipalua ma Sibolis jala berupaya ma ibana mangaliluhon akka jolma naung sempurna i. Di tikki i, gabe takkas ma tarida ise do halak na botul-botul pasangappon goar ni Jahowa jala mendukung pamarettaonna. (Pgk. 20:​8-10) Tindakan ni nasida di tikki i ma na manottuhon, boi do permanen tarsurat goar ni nasida di bukku hangoluan i manang na dang. Dipaboa Bibel do tu hita, adong do akka halak na so setia, songon si Adam dohot si Hawa. Ditolak nasida do pamarettaon ni Jahowa. Aha ma na masa tu nasida? Pangungkapon 20:15 mandok, “Manang ise na so tarsurat goarna di bukku hangoluan i, disappatton ma ibana tu laut api i.” Jadi akka halak na mangalo i lao dipamate ma saleleng ni lelengna. Alai unggodang do haduan halak na marhasil mangalewati ujian na parpudi i. w22.09 23-24 ¶15-16

Adong do halak Jahudi na mamaksa halak Kristen na so Jahudi asa disunat. Olo do ra asa unang tersinggung akka halak Jahudi na asing. (Gal. 6:12) Sasittongna dang setuju Apostel Paulus tu pandangan ni nasida i. Alai dang dipaksahon si Paulus pandanganna asa diihutton akka dongan. Gariada dipasahat ibana do masalah i tu akka apostel dohot akka sintua na di Jerusalem. (Ul. 15:2) Hasilna gabe boi ma huria i toktong dame jala marlas ni roha. (Ul. 15:​30, 31) Molo adong masalah na boi mambahen huria dang marsada, denggan do molo tasukkun akka donganta bawa na dilantik Jahowa. Asing ni i, boi do tong talului akka petunjuk sian publikasi na diparade organisasi. Molo taihutton akka petunjuk i jala dang tapaksahon pandanganta sandiri, na mangurupi huria do hita disi asa toktong dame. w22.08 22-23 ¶8-9

Sipata alani susana olo do tahilala porlu tapaboa perasaanta tu dongan akrabta. Alai dang sai mura i. Bisa jadi dang terbiasa hita paboahon perasaanta tu na asing. Manang olo do ra hea hita kecewa dibahen donganta. Tapaboa tu ibana perasaanta hape dipaboa ibana muse tu na asing. Alai pasti las do rohatta molo adong ale-ale na boi dihaporseai jala na boi manjaga rahasia. Dipatudos do akka sintua songon “inganan partabunian sian alogo, songon inganan parlinggoman sian udan haba-haba”. (Jes. 32:2) Alani i ma leluasa do hita paboahon manang aha pe tu akka sintua. Alai unang ma tapaksa nasida paboahon informasi rahasia. Asing ni i, mandok mauliate do hita tu akka istri ni sintua ala dang olo nasida mamaksa suamina paboa-boahon rahasia ni akka dongan di huria. Sabotulna molo dang dipaboa-boa sahalak sintua informasi rahasia tu istrina, on patuduhon na parduli do ibana tu istrina i. w22.09 11 ¶10-11

Pos ma rohatta pasti paluaon ni Jahowa do akka naposona na setia saleleng “hasusaan bolon”. (Mat. 24:21; Dan. 12:1) Tikki marsada Gog na sian Magog manang gabungan ni akka bangso di portibi on lao menyerang naposo ni Debata, pasti paluaon ni Jahowa do nasida. Nang pe marsada 193 negara na bergabung tu Perserikatan Bangsa-Bangsa, alai dang tolap nasida mangalo Debata Natumimbul dohot akka tentarana na di surgo! Didok Jahowa do, “Bahenokku ma sangap dirikku, pabadiaokku ma dirikku jala patuduokku ma i di jolo ni godang bangso. Botoon ni nasida ma na Au do Jahowa.” (Hes. 38:​14-16, 23) Serangan ni Gog na sian Magog tu naposo ni Jahowa ma na memulai porang Armagedon. Disi ma hukumon ni Jahowa “akka raja na di tano on”. (Pgk. 16:​14, 16; 19:​19- 21) Alai “holan halak na tigor marroha do na lao tinggal di tano on, jala halak na setia do na lao mangingani i”.—Poda 2:21. w22.10 16-17 ¶16-17

Dang taboto aha na adong di roha ni jolma. Holan Jahowa do na boi ‘mamareso sakkap ni roha ni jolma’. (Poda 16:2) Holong do roha ni Jahowa tu sude jolma, nang pe berbeda latar belakang dohot kebudayaan ni nasida. Jala dipangido Jahowa do hita ‘mambukka roha’ tu akka dongan sahaporseaonta. (2 Kor. 6:​13, surat na di toru) Alani i, unang ma tahakimi akka donganta. Gariada ikkon tahaholongi do nasida. Unang ma tahakimi akka halak na so sahaporseaon dohot hita. Unang ma tadok taringot keluargatta, “Pasti dang olo nasida gabe Saksi.” Molo tadokkon songon i, berarti nungnga tahakimi nasida jala merasa hita undenggan sian nasida. Hape sahat tu saonari, dilehon Jahowa dope kesempatan “tu sude jolma” asa muba. (Ul. 17:30) Taingot ma molo taanggap undenggan hita sian na asing, berarti halak na so sittong do hita di jolo ni Jahowa. Sai torus ma taihutton standar ni Jahowa na sittong asa marlas ni roha hita jala gabe teladan di na asing. Hasilna lam akrab ma hita dohot akka dongan jala lam dihaholongi nasida ma Jahowa. w22.08 31 ¶20-22

Dang heran hita molo ditentang tikki marbarita na uli. Jala taboto lam balga do tantangan i di ari naeng ro. (Dan. 11:44; 2 Tim. 3:12; Pgk. 16:21) Nang pe songon i pos do rohatta diurupi Jahowa do hita. Boasa? Sian najolo torus do diurupi Jahowa akka naposona asa marhasil mangulahon tugasna dang soal songon dia tantangan na diadopi nasida. Marsiajar ma hita sian Panurirang Hesekiel na marbarita tu halak Jahudi na ditawan di Babel. Tu halak na songon dia do si Hesekiel marbarita? Tu halak “sijogal rukkung” dohot “pangalo”. Berbahaya do nasida dos songon akka ramba na marsuga dohot kalajengking. Alani i ma jotjot do didok Jahowa tu si Hesekiel, “Unang mabiar ho!” (Hes. 2:​3-6) Boi do si Hesekiel mandalatton tugasna marbarita ala (1) Jahowa do na manuru ibana, (2) diurupi tondi parbadia do ibana, jala (3) dipatogu Hata ni Debata do ibana. w22.11 2 ¶1-2

Sian sude toppaan ni Jahowa di tano on, holan jolma do na boi mangolu salelengna. Tikki ditoppa Jahowa jolma, dilehon do tu nasida keinginan lao mangolu salelengna. Bibel mandok, “Dibahen [Jahowa] do tu roha ni nasida sakkap lao mangolu saleleng ni lelengna.” (Pjm. 3:11) On ma alasanna boasa hita manganggap hamatean i songon musu. (1 Kor. 15:26) Buktina molo marsahit na parah hita, pasti dang pasrah hita paima tikkina mate. Alai lao do hita tu dokter marubat asa malum sahitta. Berupaya do hita asa unang mate. Jala molo mate halak na tahaholongi, dang soal poso dope ibana manang nga matua, tottu lungun hian do rohatta. (Joh. 11:​32, 33) Lomo pe rohatta mangolu salelengna ala na songon i do hita ditoppa Jahowa. Takkas ma, lomo do roha ni Jahowa asa mangolu salelengna hita. w22.12 3 ¶5; 4 ¶7

Godang do akka donganta gabe marsahit, khawatir, manang merasa kesepian di situasi na maol. Toktong ma jonok tu akka dongan sahaporseaon. Tikki masa wabah penyakit, bisa jadi ikkon jaga jarak do hita bahkan tu akka dongan sahaporseaon. Olo do ra sarupa situasitta tu Apostel Johannes. Lomo do rohana pajuppang dohot donganna si Gayus. (3 Joh. 13, 14) Ala dang boi dope di tikki i pajuppang si Johannes tu si Gayus, dibahen ibana ma surat tu si Gayus. Jadi molo dang boi dope hita pajuppang dohot akka dongan, tabahen ma upaya lao manghubungi nasida. Molo toktong hita jonok tu akka dongan sahaporseaon, gabe dang merasa kesepian be hita jala boi merasa dame. Hubungi ma akka sintua khususna tikki merasa khawatir hamu, dung i jalo ma bantuan ni nasida lao patoguhon hamu.—Jes. 32:​1, 2. w22.12 17-18 ¶6-7

Dipaboa do di Bibel, tikki di penjara si Josep diratte do patna dohot rukkungna mamakke ratte na sian bosi. (Ps. 105:​17, 18) Lam parah do situasi ni si Josep, sian hatoban na dihaporseai hian gabe sahalak tahanan. Hea do lam parah situasimuna hape nungnga jotjot ditangiakkon hamu i tu Jahowa? Olo do masa songon i. Dang sai dilindungi Jahowa hita sian sude hasusaan na masa di portibi na dirajai ni Sibolis on. (1 Joh. 5:19) Alai nang pe songon i, taingot ma on: Diparrohahon Jahowa do aha na masa tu hamu jala parduli do Ibana tu hamu. (Mat. 10:​29-31; 1 Ptr. 5:​6, 7) Asing ni i, marjanji do muse Jahowa, “Dang tadikkonokku ho jala dang pasombuokku ho.” (Heb. 13:5) Pos ma rohamuna urupan ni Jahowa do hamu asa martahan mangadopi situasi na parah, bahkan nang pe didok rohamuna hira na so adong be jalan keluarna. w23.01 15-16 ¶7-8

Marhite Bibel, dipapos Jahowa do rohatta dang tinggalhononna hita nang pe hea taulahon hasalaan. Misalna marulak-ulak do halak Israel najolo mardosa tu Jahowa, alai ala bertobat nasida disalpuhon Jahowa do dosa ni nasida. Songon i do na dihilala halak Kristen di abad na parjolo. Pos do roha ni nasida massai balga do holong ni Jahowa tu nasida. Marhite panogu-noguon ni tondi parbadia, dijujui Apostel Paulus do nasida asa ‘manalpuhon hasalaan jala patoguhon roha’ ni sahalak bawa naung bertobat. (2 Kor. 2:​6, 7; 1 Kor. 5:​1-5) Dang olo Jahowa manolak naposona na mangulahon hasalaan. Gariada berupaya do Jahowa mangurupi jala pasingotton nasida asa boi marale-ale muse nasida tu Ibana. Marjanji do Jahowa mangulahon na sarupa tu sude halak naung bertobat saonari. (Jak. 4:​8-10) Dipaboa do di Bibel taringot bisuk, keadilan, dohot holong ni Debata na massai balga tu hita. Asing ni i dipaboa do di Bibel lomo do roha ni Jahowa asa tatanda Ibana jala gabe ale-alena. w23.02 7 ¶16-17

Pasti lomo do rohatta mamboto songon dia akka na masa di portibi saonari on menggenapi surirang ni Bibel. Misalna, nungnga dipaboa Jesus hian akka peristiwa na mangurupi hita mamboto nungnga jonok ujung ni portibi ni Sibolis on. (Mat. 24:​3-14) Apostel Petrus pe manjujui hita asa mamparrohahon surirang ni Bibel naung terjadi, asa boi lam togu haporseaotta. (2 Ptr. 1:​20, 21) Diurupi Apostel Petrus do hita asa seimbang mangida akka peristiwa na masa na menggenapi surirang ni Bibel. Dijujui ibana do hita “asa sai mangingot haroro ni ari ni Jahowa”. (2 Ptr. 3:​11-13) Boasa? Dang ala na lomo rohatta mamboto “ari dohot jamna” ro Armagedon i. Alai asa boi tapakke tikkitta saonari lao mambahen ‘badia pangalahotta jala marsitutu manomba Debata’. (Mat. 24:36; Luk. 12:40) Berupaya ma hita mambahen lam denggan pangalahotta, jala mamastihon sude na taulahon lao melayani Jahowa alani holongta do i tu Ibana. Alani i, ikkon tapareso do diritta. w23.02 16 ¶4, 6

Adong do na porlu diulahon ‘biru-biru na asing’ saonari asa boi nasida mangolu di Paradeiso. Ikkon tapatudu do pangargaion tu Jesus. Misalna, boi do tapatudu holongta tu Jesus molo tadukung haha anggina. Didok Jesus lao diuhumi do ‘biru-biru na asing’ berdasarkan dukungan na dipatudu nasida tu haha anggina. (Mat. 25:​31-40) Molo semangat hita marbarita na uli dohot mambahen sisean, na mendukung nasida do hita disi. (Mat. 28:​18-20) Sian saonari, tapatudu ma na lomo rohatta gabe rakyat ni Harajaon ni Debata. Berupaya ma hita gabe halak na dihalomohon Jahowa. Misalna jujur ma hita di pakkataion dohot di parniulaonta jala berupaya ma hita mangarajai diri asa seimbang ngolutta. Setia ma hita tu Jahowa, tu pasanganta, dohot tu akka dongan sahaporseaon. Molo sian saonari hita unduk tu Jahowa, gabe lam mura ma hita unduk tu Ibana di Paradeiso haduan. Asing ni i boi do tapadenggan akka sifatta, jala taparsiajari ma akka keterampilan na marguna annon di tano na imbaru. w22.12 11-12 ¶14-16

Holong do rohatta tu Jesus ala ibana do Raja na terbaik. Jahowa do na mangalatik Anakna i jala na mamillit ibana lao mamaretta. (Jes. 50:​4, 5) Pikkirhon ma muse holong dohot sikap rela berkorban na dipatudu Jesus. (Joh. 13:1) Ala Jesus Rajatta, tama do ibana tahaholongi. Didok Jesus molo holong rohatta tu ibana didok do hita ale-alena. Jala tapatudu do holong tu Jesus molo taoloi akka parettana. (Joh. 14:15; 15:​14, 15) Sada hasangapon do di hita boi marale-ale tu Anak ni Debata! Serep do rohana jala sempurna do ibana maniru Bapakna. Hea do dilehon ibana mangan marribu halak, patoguhon halak na marsak, jala pamaluppon halak na marsahit. (Mat. 14:​14-21) Nungnga diida hamu songon dia Jesus mangarahon akka huria saonari. (Mat. 23:10) Jala takkas diboto hamu, umbalga do na lao diulahon Jesus haduan tikki gabe Raja ibana di Harajaon ni Debata. Songon dia hamu patuduhon na holong rohamuna tu Jesus? Ihutton ma teladanna. Boi ma i diulahon hamu molo dilehon hamu dirimuna tu Jahowa jala tardidi. w23.03 4 ¶8, 10

Jahowa do na manoppa sude na adong di langit, di tano on, dohot na di laut. Jala sian akka toppaan i, godang do na boi taparsiajari taringot Jahowa. (Ps. 104:​24, 25) Pikkirhon ma muse songon dia Jahowa manoppa hita. Dibahen Ibana do hita asa boi menikmati sude toppaan na bagak na adong di sakalilingta. Dilehon Ibana ma muse kesanggupan tu hita lao mangida, mambege, maniop, mandai, dohot manganggo asa boi tanikmati marragam toppaan ni Jahowa. Dipaboa Bibel do muse alasan na asing boasa ikkon taparrohahon akka toppaan. On mangajarhon hita taringot sifat ni Jahowa. (Rom 1:20) Misalna coba ma taparrohahon akka toppaan ni Jahowa jala songon dia i dirancang. Sian i gabe taboto ma na massai marbisuk do Jahowa i. Pikkirhon ma muse ragam ni akka sipanganon na boi tanikmati. Sian i gabe taboto ma na massai holong do roha ni Debata tu jolma. Tikki taida sifat ni Jahowa sian akka toppaanna, gabe lomo do rohatta lam mananda jala lam jonok tu Ibana. w23.03 16 ¶4-5

Ala lam tu sursarna annon situasi ni portibi on, bisa jadi diuji do haporseaotta tu Hata ni Debata. Adong do ra akka halak na berupaya mambahen ragu hita tu isi ni Bibel, manang tu naposo haposan na dipillit Jahowa lao mangarahon naposona saonari. Alai molo porsea hita sittong do Hata ni Jahowa i, toktong do togu haporseaotta jala dang ragu hita disi. Marsitutu do hita ‘mangihutton akka aturan ni [Jahowa] ganup tikki sahat tu ujungna’. (Ps. 119:112) “Dang maila” hita paboahon hasittongan tu akka halak, jala taurupi do nasida mangihutton nasehat ni Bibel di ngolu ni nasida. (Ps. 119:46) Hasilna, boi ma hita martahan, “sabar, jala marlas ni roha” mangadopi hasusaan aha pe di ngolutta, termasuk penganiayaan. (Kol. 1:11; Ps. 119:​143, 157) Hasittongan i mangurupi hita asa toktong tenang jala mangajari hita songon dia carana mangolu di portibi na sursar on. Pos do rohatta lam tu dengganna do annon ngolutta tikki mamaretta Harajaon ni Debata. w23.01 7 ¶16-17

Di borngin sebelum mate Jesus, leleng do ibana martangiang tu Jahowa. Dipangido ibana do asa ‘dijaga akka apostelna sian Sibolis’. (Joh. 17:15) On patuduhon massai holong do roha ni Jesus tu nasida. Hape diboto Jesus do, satokkin nai masa nama sitaonon na borat tu ibana. Alai di situasi sisongon i pe, dipikkiri Jesus dope akka siseanna. Molo tatiru Jesus dang holan kebutuhanta be na tapikkiri. Alai gabe tapikkirhon ma akka donganta jala tatangiakkon nasida. Molo taulahon i, berarti na taoloi do paretta ni Jesus lao makkaholongi na asing. Jala tapatudu ma tu Jahowa na holong rohatta tu akka dongan sahaporseaon. Godang do manfaatna molo tatangiakkon akka donganta. Alana di Bibel didok, “Margogo do tangiang ni halak na mangulahon na sittong.” (Jak. 5:16) Taingot ma, porlu do tatangiakkon akka donganta, ala massai godang do hasusaan na diadopi nasida. w22.07 23-24 ¶13-15