Juli

Hadiah sian Jahowa do kesanggupanta berkomunikasi. Alai dang denggan dipakke toppaan ni Jahowa kesanggupan berkomunikasi i. Margabus do Sibolis tu si Hawa. Alani gabusna i gabe mardosa ma jolma. (1 Mus. 3:​1-4) Si Adam pe songon i do. Disalahon ibana do si Hawa, bahkan disalahon ibana do Jahowa alani kesalahanna. (1 Mus. 3:12) Molo si Kain, dung dibunu ibana adekna si Abel margabus do ibana tu Jahowa. (1 Mus. 4:9) Boha molo saonari? Molo taida somal do akka pamimpin politik kasar makkatai di jolo ni akka halak. Akka film pe songon i do. Molo akka parkarejo dohot akka parsikkola, jotjot do nasida mambege jala mandok hata na kasar. Molo dang hati-hati hita, boi do gabe terpengaruh. Ala halak Kristen hita, ikkon berupaya do hita mambahen las roha ni Jahowa. Tahindari ma akka hata na kasar. Alai dang sae holan i, ikkon berupaya do tong hita mamakke kesanggupan berkomunikasi i lao mamuji Debata Jahowa. w22.04 4 ¶1-3

Jesus pe seimbang do cara pandangna tu arta. Lomo do rohana menikmati sipanganon dohot siinuman na tabo. (Luk. 19:​2, 6, 7) Sada tikki hea do dibahen ibana aek gabe anggur na dumenggan. Jala i do mukjizatna na parjolo. (Joh. 2:​10, 11) Di ari parmatena pe, dipakke ibana do baju na massai arga. (Joh. 19:​23, 24) Nang pe songon i, dang hea dibahen Jesus arta na uppetting di ngoluna. Diajarhon Jesus do tu hita molo sai talului parjolo Harajaon ni Debata, pasti paradeon ni Jahowa do sude na tahaporluhon. (Mat. 6:​31-33) Godang do akka donganta na mandapot manfaat ala menerappon nasehat ni Bibel taringot hepeng. Taparrohahon ma jo pengalaman ni sahalak donganta lajang na margoar si Daniel. Didok ibana, “Tikki remaja huputusson ma mambahen Jahowa gabe na paling penting di ngolukku.” Dibahen si Daniel ma sederhana parngoluonna. Gabe boi ma ibana mangurupi panitia penanggulangan bencana jala melayani di Betel. Didok ibana muse, “Sadia godang pe hepeng na dapottu, dang sebanding i tu sude pasu-pasu na dilehon Jahowa tu au.” w22.05 21-22 ¶6-7

Asa lam taargai hasittongan i, ikkon ringgas ma hita marsiajar Bibel dohot akka publikasi na diparade organisasi. Jala dang soal nungnga sadia leleng hita manomba Jahowa, ikkon torus do hita marsiajar. Tottu ikkon tabahen do pengorbanan lao mandapot hasittongan, alai godang do manfaatna molo taulahon i. Memang dang sude hita lomo rohana manjaha dohot marsiajar. Alai dipangido Jahowa do asa ‘sai talului’ hasittongan na adong di Bibel. (Poda 2:​4-6) Molo berupaya hita mangulahon i, pasti godang do manfaat na tadapot. On ma na dihilala si Corey. Tikki manjaha Bibel, berfokus do ibana tu sada-sada ayat. Didok ibana, “Hujaha ma surat na di toru, referensi silangna, jala hubahen ma riset. . . . Hasilna godang ma hal baru na huboto.” Memang dang sai sarupa cara na tapakke tikki belajar pribadi. Alai molo talehon tikki dohot upaya lao mamparsiajari Bibel, on patuduhon na taargai do hasittongan i.—Ps. 1:​1-3. w22.08 17 ¶13; 18 ¶15-16

Tikki di tano on Jesus, dipakke ibana do toppaan lao mangajarhon tu siseanna taringot Bapakna na di surgo. Tabahas ma sada na diajarhon Jesus taringot toppaan. Dipatudu Jahowa do holongna tu sude halak. Di Jamita na di Dolok, dipaboa Jesus do tu akka siseanna taringot mataniari dohot udan. Godang do halak na merasa hal na biasa do i, hape penting hian do na dua i asa boi jolma toktong mangolu. Sasittongna boi do dang dilean Jahowa mataniari dohot udan tu akka halak na so manomba Ibana. Alai Debata na parholong do Ibana. Dipabissar Ibana do mataniari jala diparo Ibana do udan tu sude halak. (Mat. 5:​43-45) Dipakke Jesus do contoh on lao mangajari akka siseanna na lomo do roha ni Jahowa asa tahaholongi sude halak. Tikki taida bonom mataniari manang ro udan taingot ma holong ni roha ni Jahowa tu sude halak. Gabe tergerak ma rohatta maniru Jahowa patuduhon holong marhite marbarita na uli tu sude halak. w23.03 17 ¶9-10

Aha do na mambahen si Johannes heran? Diida ibana adong boru-boru hundul di atas ni binatang buas na merah songon api. Boru-boru na so hasea do ibana jala digoari “Babel na Balga”. Didok Bibel, “Diulahon ibana do seks na so patut tu akka raja na di tano on.” (Pgk. 17:​1-5) Ise do “Babel na Balga” i? Dang manggombarhon organisasi politik on. Alana didok do ibana mangulahon seks na so patut dohot akka raja na di tano on. (Pgk. 18:9) Sasittongna ibana do na mangarajai akka pamaretta, alana didok do ibana hundul di atas ni nasida. Asing ni i dang manggombarhon sistem perdagangan na tamak Babel na Balga on. Molo di bukku Pangungkapon didok do sistem perdagangan sebagai “partiga-tiga na di tano on.” (Pgk. 18:​11, 15, 16) Najolo kota Babel do pusat ni agama na so sittong. Alani i, Babel na Balga manggombarhon sude agama na so sittong di portibi on.—Pgk. 17:​5, 18. w22.05 11 ¶14-16

Wajar do khawatir sahalak borua olo do gellengna manomba Jahowa manang na dang. Alana godang do tekanan na diadopi gellengna di portibi na dirajai Sibolis on. Ubborat do muse situasi na diadopi akka donganta borua na so adong be suamina manang dang Saksi Jahowa suamina. Gabe tantangan do on tu akka natua-tua na pasanganna dang sahaporseaon. Alai natua-tua na rap manomba Jahowa pe, tong do ikkon berupaya mangurupi gellengna asa manomba Jahowa. Alai manang aha pe situasina, unang pola khawatir hamu. Urupan ni Jahowa do hamu. Sukkun ma akka natua-tua naung marpengalaman songon dia nasida mamakke akka alat na diparade organisasi di ibadat keluarga ni nasida. (Poda 11:14) Martangiang ma hamu tu Jahowa, jala pangido ma asa diurupi hamu mamakke sukkun-sukkun na pas lao mamboto na di bagasan roha ni gellengmuna.—Poda 20:5. w22.04 17 ¶4, 7; 18 ¶9

Sada cara lao manambai holongta tu Jahowa, i ma maniru Anakna Jesus. Alana sempurna do Jesus maniru sifat ni Bapakna. (Heb. 1:3) Boi do tatanda Jesus molo taparsiajari opat bukku Injil, i ma Mateus sahat tu Johannes. Molo dang taratur dope hamu manjaha Bibel ganup ari, boi do dicoba hamu mulai manjaha sian bukku Injil. Molo dijaha hamu i, boi ma diboto hamu akka sifat ni Jesus na boi tatiru. Contohna, burju do Jesus jala mura dijonoki, olo do ibana mangabing dakdanak. (Mrk. 10:​13-16) Akka siseanna pe leluasa do paboahon pandapot ni nasida tu Jesus. (Mat. 16:22) Ala sempurna do Jesus maniru Jahowa, berarti Jahowa pe mura do jonohan. Alani i, unang ma mabiar hita paboahon sude na di bagasan rohatta tu Ibana marhite tangiang. Pos ma rohatta tikki tapaboa sude na di rohatta tu Jahowa, dang uhumanna hita. Alana dihaholongi Ibana do hita jala parduli do Ibana tu hita.—1 Ptr. 5:7. w22.08 3 ¶4-5

Jahowa do na manoppa hita. Jadi takkas do ditanda Ibana hita. Pikkirhon ma, ditanda Ibana do ganup halak na adong di tano on jala diboto Ibana do sude taringot nasida. (Ps. 139:​15-17) Alani i pasti diboto Ibana do dang sempurna hita sude mulai sian na tubu. Takkas do diboto Ibana songon dia latar belakangta jala aha na hea masa di ngolutta. Ala diboto Jahowa do sudena i, songon dia ma perasaanna mangida hita? Gabe asi do rohana tu hita. (Ps. 78:39; 103:​13, 14) Dipatudu Jahowa do na rade Ibana mengampuni hita. Diattusi Ibana do alani tindakan ni si Adam do umbahen na mardosa jala mate hita sude. (Rom 5:12) Dang adong halak na boi manobus dirina manang donganna sian dosa dohot hamatean. (Ps. 49:​7-9) Alai asi do roha ni Debata tu hita, gabe dibahen Ibana ma pengaturan asa boi hita malua sian i. Songon na dipaboa di Johannes 3:​16, dilehon Jahowa do Anakna na sasada i mate humokkop hita.—Mat. 20:28; Rom 5:19. w22.06 3 ¶5-6

Molo taampuni na asing, hita pe diampuni Jahowa ma. Tarida do i sian hata ni Jahowa tu naposona, si Job. Tikki i massai haccit do roha ni si Job ala kasar hata ni donganna tu ibana, i ma si Elipas, si Bildad, dohot si Sopar. Alai disuru Jahowa do si Job manangiakkon nasida. Dung diulahon si Job pe i, baru ma dipasu-pasu Jahowa ibana. (Job 42:​8-10) Molo torus hita muruk, parohon jea do i tu diritta sandiri. Lomo do roha ni Jahowa molo dame tahilala. Boi do dame rohatta molo tapasiding muruk sian diritta. (Eps. 4:​31, 32) Dijujui Jahowa do hita asa ‘unang muruk jala unang tarrimas’. (Ps. 37:8) Mandapot laba do hita molo taihutton nasehatna i. Molo torus hita muruk tu sasahalak boi do terganggu kesehatanta. (Poda 14:30) Dos ma i songon na manginum raccun. Hita do na rugi. Alai molo olo hita mengampuni na asing, godang do manfaatna tu hita. Boi ma dame pikkiranta dohot rohatta jala boi ma hita torus melayani Jahowa. w22.06 10 ¶9-10

Harapanta on dos songon takkuluk bosi na boi melindungi cara marpikkirta asa unang berfokus tu keinginanta sandiri, na boi manegai hubunganta dohot Jahowa. (1 Kor. 15:​33, 34) Harapan pe boi do melindungi pikkiranta sian gabus na mandok dang mungkin boi tabahen las roha ni Jahowa. Songon i do cara marpikkir ni si Elipas. Didok ibana do tu si Job, “Adong do haroa jolma na badia di jolo ni Debata?” Didok ibana muse, “Ida ma! Dang porsea Ibana tu akka suru-suruanna, haru langit pe dang badia di Ibana.” (Job 15:​14, 15) Gabus do i! Pikkiran ni Sibolis do i. Diboto Sibolis do molo porsea hita tu gabusna i, gabe mago ma harapanta. Alani i unang ma porsea hita tu gabusna i. Lomo do roha ni Jahowa asa dapotta hangoluan na salelengna, jala sai diurupi Ibana do hita lao mandapot i.—1 Tim. 2:​3, 4. w22.10 25-26 ¶8-10

Berusaha do Sibolis mambahen si Job porsea ala na muruk do Jahowa tu ibana umbahen na masa sude hasusaan i. Misalna dibahen Sibolis do haba-haba mangaruppakkon jabu ni anakna, gabe mate ma sappulu anakkon ni si Job. (Job 1:​18, 19) Dibahen Sibolis ma muse api turun sian langit manutung akka biru-biru ni si Job dohot akka parkarejona. (Job 1:16) Ala sian langit do haba-haba dohot api i, olo do ra didok roha ni si Job sian Jahowa do i. Ujungna gabe dirippu si Job ma adong tindakanna na mambahen muruk Jahowa. Nang pe songon i, dang hea si Job mamburai Jahowa. Diingot ibana do nungnga dapotna godang akka na denggan sian Jahowa saleleng martaon-taon. Jadi didok rohana, molo nungnga dijalo ibana akka na denggan, ikkon jaloonna do tong akka na so denggan. Gabe didok si Job ma, “Sai toktong ma dipuji goar ni Jahowa.”—Job 1:​20, 21. w22.06 21 ¶7

Hea do dipasingot Jesus akka siseanna taringot penganiayaan na lao masa tu nasida. Disurat ma i di Johannes 17:14. Nungnga taida masa sebagian surirang on, khususna saleleng 100 taon na parpudi on. Boasa tadok songon i? Dung gabe Raja Jesus di Harajaon ni Debata taon 1914, didabuhon ibana ma Sibolis sian surgo. Gabe muruk situtu ma Sibolis, alana diboto ibana otik nai nama tikkina. (Pgk. 12:​9, 12) Gabe diserang ibana ma akka naposo ni Debata na di tano on. (Pgk. 12:​13, 17) Jadi boi ma taattusi boasa lam sogo roha ni akka halak di portibi on tu hita. Nang pe songon i, dang porlu hita mabiar tu Sibolis dohot tu akka pengikutna. Gariada songon Apostel Paulus pos ma rohatta mandok, “Molo Debata do donganta, ise ma na boi mangalo hita?” (Rom 8:31) Jadi toktong ma hita porsea tu Jahowa. w22.07 18 ¶14-15

Ulaon na balga do pasahatton barita na uli i tu saluhut portibi on, alai pos do roha ni Jesus toktong do adong na mangulahon i sahat tu panutup ni jaman on. Alana diboto ibana do na ikkon digenapi surirang di bukku Psalmen na mandok, “Tikki ditogihon ho tentaram marporang rade do rakyatmu mangurupi.” (Ps. 110:3) Molo dohot hamu marbarita na uli, berarti dohot do hamu menggenapi surirang i. Jala on patuduhon didukung hamu do Jesus dohot naposo haposan. Sahat tu saonari torus dope hita marbarita na uli, alai adong do tantanganna. Aha ma i? Tantangan na parjolo, godang do halak na menentang ulaon marbarita. Adong akka halak na murtad, pamimpin agama, dohot parpolitik na paroa-roahon hita. Jala olo do ra keluargatta, donganta sakarejo, dohot halak na asing na tatanda porsea tu gabus ni nasida i. Akibatna, gabe diorai ma hita manomba Jahowa dohot marbarita na uli. Di piga-piga negara adong do akka donganta na diancam, diserang, ditakkup, bahkan dipenjarahon. w22.07 8 ¶1; 9 ¶5-6

Dipangido Jahowa do hita asa taratur mamparsiajari Bibel jala mangarimangi akka na tajaha i. Dung i taulahon ma aha na taparsiajari asa lam togu haporseaotta jala lam jonok hita tu Jahowa. Hasilna, gabe margogo ma hita mangadopi hasusaan. Dilehon Jahowa do muse tondi parbadiana tu akka halak na mangulahon parettana. Gabe dapotta ‘gogo lobi sian gogo ni sahalak jolma’, asa boi martahan mangadopi hasusaan manang aha pe. (2 Kor. 4:​7-10) Saonari diurupi Jahowa do “naposo haposan jala na marbisuk” lao paradehon godang artikel, video, dohot musik na boi patoguhon haporseaotta jala mangurupi hita toktong jonok tu Ibana. (Mat. 24:45) Dipangido Jahowa do naposona asa patuduhon holong jala menghibur akka dongan na marsitaonon. (2 Kor. 1:​3, 4; 1 Tes. 4:9) Rade do akka dongan mangurupi hita asa toktong setia nang pe mangadopi sitaonon. w22.08 12 ¶12-14

Molo taida akka na denggan sian akka donganta, gabe lam akrab jala marsihaholongan ma hita dohot sude na di huria. Sipata halak Kristen na matang pe olo do berbeda pandapot songon Apostel Paulus dohot si Barnabas. Hea do si Barnabas naeng mamboan si Markus di pardalanan utusan injil ni nasida, alai dang setuju si Paulus. Akibatna gabe tubu ma parbadaan di nasida. Gabe marsirang ma si Paulus dohot si Barnabas. (Ul. 15:​37-39) Alai nang pe songon i berupaya do si Paulus, si Barnabas, dohot si Markus asa mardame. Buktina di pudian ni ari, akka na denggan do na dihatahon si Paulus taringot si Barnabas dohot si Markus. (1 Kor. 9:6; Kol. 4:10) Saonari pe molo adong parsoalanta dohot dongan di huria, berupaya ma hita mardame. Akka na denggan ma na taida sian donganta i. Hasilna gabe boi ma dame jala marsada huria. w22.08 23 ¶10-11

Memang ikkon berupaya do hita mangihutton standar ni Jahowa na sittong. Alai unang ma tahakimi halak na asing molo dang olo nasida mangulahon i, jala unang ma taanggap undenggan hita sian nasida. Taingot ma Jahowa do “Hakim ni Saluhut tano on”. (1 Mus. 18:25) Jadi dang adong hakta lao menghakimi na asing. Taida ma contoh ni si Josep. Dang olo ibana manguhumi na asing, nang pe dibahen na so adil tu ibana. Dianiaya akka abangna do ibana, dijual gabe hatoban, jala margabus do nasida mandok tu bapakna nungnga mate ibana. Martaon-taon dukkon i, pajuppang ma muse si Josep dohot akka abangna i. Tikki i, nungnga gabe pejabat tinggi si Josep. Sasittongna boi do dibalos si Josep pambahenan ni akka abangna i. Jala i do na dikhawatirhon nasida nang pe nga botul-botul menyesal nasida. Alai didok si Josep do tu nasida, “Unang pola mabiar hamu. Ai dang Debata au, na boi manguhumi hamu.” (1 Mus. 37:​18-20, 27, 28, 31-35; 50:​15-21) Takkas do diboto si Josep holan Jahowa do na marhak manguhumi. w22.08 30 ¶18-19

Sude do hita boi dipakke Jahowa lao mangalusi tangiang ni sasahalak, dang soal sintua, parhobas, perintis, manang penyiar di huria. Jala dang soal hita bawa, borua, na poso, manang na matua. Tikki adong naposo ni Jahowa na martangiang mangido asa diurupi, akka sintua dohot dongan sahaporseaon do na dipakke Jahowa lao “patoguhon” roha ni nasida. (Kol. 4:11) Sada hasangapon do boi melayani Jahowa jala mangurupi akka dongan, khususna tikki masa hasusaan alani wabah penyakit, bencana alam, manang penganiayaan. Olo do gabe maol hita mangurupi akka dongan molo keluargatta sandiri pe marsahit manang susa di parhepengon. Alai las do roha ni Jahowa molo berupaya hita mangurupi akka dongan.—Poda 19:17. w22.12 22 ¶1-2

Asa gabe halak na boi dihaporseai, ikkon tapatudu do holong. Jesus mandok dua paretta na umbalga, i ma makkaholongi Jahowa dohot makkaholongi akka dongan. (Mat. 22:​37-39) Molo holong rohatta tu Jahowa, pasti berupaya do hita maniru Ibana na boi dihaporseai. Jala molo holong rohatta tu akka dongan, pasti berupaya do hita asa unang manceritahon masalah pribadi ni nasida. Dang olo hita mambahen nasida maila manang mambahen haccit rohana. Molo serep rohatta, boi do hita gabe halak na dihaporseai. Dang olo hita paboahon sada informasi penting asa terkesan halak tu hita. (Plp. 2:3) Dung i dang olo muse hita mambahen halak marpikkir hita ma halak na paling mamboto sude informasi na terbaru. Asing ni i, dang olo hita paboa-boahon pandangan pribadi na so adong dasarna sian Bibel manang sian publikasi. w22.09 12 ¶12-13

Didok sada suru-suruan do akka naposo ni Jahowa ma na takkas mangattusi akka surirang na disurat di bukku Daniel. Alai molo halak na jahat “dang adong sian nasida na mangattusi i”. (Dan. 12:10) Saonari ma tabuktihon molo hita dang halak na mangulahon na jahat. (Mal. 3:​16-18) Nungnga dipapungu Jahowa akka halak gabe sada “bangso na massai arga” di Ibana. Pasti lomo do rohatta boi tarpillit gabe bangsona. Godang do akka peristiwa na luar biasa di tikkitta saonari. Jala godang nai dope akka peristiwa na lao masa haduan. Satokkin nai taida ma dihancurhon Jahowa sude parjahat. Dung i taida ma saut janji ni Jahowa tu si Daniel, “Hehe do ho muse jala jaloonmu ma upam di ujung ni akka ari i.” (Dan. 12:13) Jadi lao dipahehe do si Daniel dohot sude halak na tahaholongi naung mate. Pasti tarpaima do hita asa hatop masa i. Alani i bertekad ma hamu sian saonari asa toktong setia tu Jahowa. Molo diulahon hamu i pos ma rohamuna, boi do tarsurat goarmuna di bukku hangoluan saleleng ni lelengna. w22.09 24 ¶17; 25 ¶19-20

Gabe dipatogu do roha ni si Hesekiel mambege i. Boasa? Alana songon i do tong hata ni Jahowa tu si Musa dohot tu si Jesaya, tikki dipillit Jahowa nasida gabe panurirang. (2 Mus. 3:10; Jes. 6:8) Diboto si Hesekiel do na diurupi Jahowa do halak i na dua mangulahon tugasna nang pe mangadopi tantangan. Jadi tikki dua hali didok Jahowa tu si Hesekiel, “Suruokku ma ho,” gabe pos ma roha ni si Hesekiel pasti diurupi Jahowa do ibana. Jala jotjot do didok di suratna, “Makkatai ma muse Jahowa tu au.” (Hes. 3:16) Gabe pos ma roha ni si Hesekiel Jahowa do na manuru ibana. Asing ni i, ala anak ni sintua ni malim do si Hesekiel, pasti diajarhon bapakna do tu ibana songon dia Jahowa mangurupi akka panurirangna najolo. Contohna didok Jahowa do tu si Isak, si Jakkob, dohot si Jeremia, “Sai na donganakku do ho.”—1 Mus. 26:24; 28:15; Jer. 1:8. w22.11 2 ¶3

Nang pe mardosa si Adam dohot si Hawa jala gabe mate pinopparna, dang muba sakkap ni Jahowa. (Jes. 55:11) Lomo do rohana asa mangolu salelengna akka naposona na setia. Sian dia taboto? Sian akka na hea dihatahon jala diulahon Jahowa najolo lao pasautton akka sakkapna. Marjanji do Jahowa lao pahehehon halak na mate jala dilehon do kesempatan tu nasida asa mangolu salelengna. (Ul. 24:15; Tit. 1:​1, 2) Diboto si Job do na lomo roha ni Jahowa pahehehon halak naung mate. (Job 14:​14, 15) Diboto Panurirang Daniel do muse na lao dipahehe do halak na mate jala boi mangolu salelengna. (Ps. 37:29; Dan. 12:​2, 13) Diboto halak Jahudi di tikki ni Jesus do tong boi do lehonon ni Jahowa “hangoluan na saleleng ni lelengna” tu akka naposona na setia. (Luk. 10:25; 18:18) Jesus pe jotjot do paboahon taringot janji on. Jala ibana sandiri pe na dipahehe Debata do.—Mat. 19:29; 22:​31, 32; Luk. 18:30; Joh. 11:25. w22.12 4-5 ¶8-9

Diundang Jahowa do hita asa jonok tu Ibana. (Jak. 4:8) Lomo do rohana gabe Bapakta, Debatanta, dohot Donganta. Dialusi do tangiangta jala diurupi do hita tikki susa. Marhite organisasina, diajari jala dijaga do hita. Boi do hita jonok tu Jahowa molo martangiang hita tu Ibana, tajaha Bibel, jala tarimangi na tajaha i. Molo taulahon i, gabe lam tamba ma holong dohot pangargaionta tu Jahowa. Gabe taronjar ma rohatta mangoloi jala mamuji Jahowa, ala tama do Ibana manjalo i. (Pgk. 4:11) Lam tatanda Jahowa, lam pos ma rohatta tu Ibana dohot tu organisasi na dipakke Ibana lao mangurupi hita. Berupaya do Sibolis mambahen lam moru pos ni rohatta tu Jahowa dohot tu organisasina. Alai boi do hita dang tartipu tu taktikna i. Molo togu haporseaotta tu Jahowa, pasti dang olo hita maninggalhon Jahowa dohot organisasina.—Ps. 31:​13, 14. w22.11 14 ¶1-3

Godang do halak Kristen na rade dianiaya bahkan dipamate ala holong roha ni nasida tu Jahowa. Toktong do nasida setia tu Ibana, songon tolu halak Heber na setia najolo. Nang pe disappatton nasida tu api na marnala-nala, alai toktong do nasida setia tu Jahowa Debata Natumimbul i, jala dipalua do nasida. Hea do dipaboa si Daud boasa massai penting mampartahatton kesetiaanta tu Jahowa. Didok ibana, “Jahowa do na mangadili akka bangso. Tikki diadili Ho au ale Jahowa, ingot ma setia do au tu Ho jala huulahon do lomo ni roham.” (Ps. 7:8) Didok si Daud muse, “Sai ramoti ma au ala setia jala tigor do au marroha, ai tu Ho do au marpos ni roha.” (Ps. 25:21) Takkas ma asa boi hita botul-botul marlas ni roha di ngolutta, ikkon toktong do hita setia! Molo taulahon i boi ma tahilala na didok panurat Psalmen, “Marlas ni roha ma halak na setia . . . , na mardalan mangihutton patik ni Jahowa.”—Ps. 119:​1, surat na di toru. w22.10 17 ¶18-19

Pasti sering do si Job makkata-hatai dohot na asing saleleng ngoluna. Alai na paling berkesan di si Job, i ma tikki makkatai ibana dohot Jahowa. Tikki i, dijujui Jahowa do si Job asa mamparrohahon ulaon ni Jahowa na palongang roha. Gabe diboto si Job ma na massai marbisuk do Jahowa i. Jala gabe pos ma rohana na sanggup do Jahowa paradehon na porlu tu akka naposona. Misalna dipaingot ma si Job na sanggup do Jahowa paradehon siallangon ni binatang. Jadi pasti sanggup do Jahowa paradehon na porlu di si Job. (Job 38:​39-41; 39:​1, 5, 13-16) Dung diparrohahon si Job akka toppaan i, gabe lam takkas ma ditanda ibana akka sifat ni Debata. Hita pe boi do lam godang marsiajar taringot Jahowa molo tarimangi akka toppaanna. Alai sipata dang mura mangulahon i. Molo tinggal di kota hita, olo do jarang taida akka toppaan ni Jahowa. Bahkan molo tung pe tinggal di huta hita, olo do dang sanga hita mangarimangi akka toppaan. Alai godang do manfaatna molo tabahen tikki lao mangarimangi akka toppaan ni Jahowa. w23.03 15 ¶1-2

Nungnga dipaboa Jesus hian na lao masa ma “gempa na massai gogo” dohot akka bencana na asing saleleng ari parpudi. (Luk. 21:11) Asing ni i dipaboa Jesus do muse ‘lam godang do hajahaton’. Songon na taida saonari, godang do halak na mangulahon kekerasan dohot serangan teroris. (Mat. 24:12) Dang adong didok Jesus holan akka halak na so manomba Jahowa do na hona bencana. Gariada godang do naposo ni Jahowa na setia na hona bencana. (Jes. 57:1; 2 Kor. 11:25) Memang dang dipalua Jahowa hita secara mukjizat sian akka bencana. Alai dilehon Ibana do tu hita sude na tahaporluhon asa boi hita toktong tenang jala dame tikki masa bencana. Molo tabahen persiapan sebelum ro bencana, gabe boi ma hita toktong tenang tikki masa i. Molo tabahen persiapan, na hurang do haporseaotta tu Jahowa? Daong. Gariada on patuduhon, na porsea hita sanggup do Jahowa melindungi hita. Bibel mandok ikkon tapersiappon do diritta sebelum ro bencana. w22.12 18 ¶9-10

Tikki di penjara si Josep, dibahen Jahowa ma si Firaun mandapot dua nipi. Tikki diboto ibana si Josep boi mangartihon nipi, disuru ma si Josep ro. Alani bantuan ni Jahowa boi ma dipaboa si Josep arti ni nipi ni si Firaun. Terkesan do muse si Firaun alani saran na dipaboa si Josep. Diida si Firaun, na didongani Jahowa do si Josep. Alani i, dipillit si Firaun ma si Josep gabe pangurus sipanganon di sude luat na di Mesir. (1 Mus. 41:​38, 41-44) Belakangan masa ma haraparon na parah dang holan di Mesir alai sahat tu Kanaan, tempat tinggal ni keluarga ni si Josep. Ala nungnga gabe pangurus sipanganon si Josep, gabe boi ma ibana menyelamatton keluargana jala boi melindungi garis keturunan ni Mesias. Takkas ma, Jahowa do na mambahen si Josep gabe marhasil. Nang pe di mulana naeng dibunu akka abangna si Josep, alai boi do diuba Jahowa situasi i gabe dalan lao pasautton lomo ni rohana. w23.01 16-17 ¶11-12

Ikkon taboto do akka bahaya na boi manegai hubungatta tu Jahowa jala menghindari bahaya i. Hasilna, gabe boi ma hita toktong di bagasan holong ni Debata. (Poda 22:3; Jud 20, 21) Dipasingot Apostel Paulus do halak Kristen asa mamparrohahon diri ni nasida. Misalna, dipasingot ibana do halak Kristen di Epesus, “Sai parrohahon hamu ma pangalahomuna. Unang ma songon halak na so marbisuk hamu, alai marbisuk ma hamu.” (Eps. 5:​15, 16) Sai torus do Sibolis berupaya manegai hubungatta tu Jahowa. Alani i, “sai lului ma lomo ni roha ni Jahowa” asa boi hita terlindung sian serangan ni Sibolis. (Eps. 5:17) Ikkon taboto do “pikkiran ni Jahowa” asa boi tabahen keputusan na denggan. Songon dia carana? Taratur ma hita mamparsiajari Bibel jala mangarimangi i. Lam takkas taboto lomo ni roha ni Jahowa dohot “pikkiran ni Kristus”, gabe lam “marbisuk ma hita” tikki mambahen keputusan nang pe dang adong aturan na ikkon taulahon.—1 Kor. 2:​14-16. w23.02 16-17 ¶7-9

Sadia jotjot do hamu paiasson jabumuna? Molo pinda hamu tu sada jabu na baru, pasti na parjolo sahali diulahon hamu, i ma paiasson jabu i. Alai boha do molo holan sahali dipaias hamu i? Pittor gok ma abuna jala kotor ma muse jabu i. Alani i asa torus ias jabumuna i, porlu do taratur dipaias hamu. Dos songon i ma, ikkon torus do tapareso cara marpikkirta dohot sifatta. Memang sebelum tardidi hita, nungnga berupaya hita mambahen perubahan asa ‘ias diritta sian akka na mambahen ramun daging dohot pikkiranta’. (2 Kor. 7:1) Alai dukkon tardidi, porlu do taihutton nasehat ni Apostel Paulus asa toktong ‘tapaimbaru roha dohot pikkiranta’. (Eps. 4:23) Boi do hatop portibi on manegai cara marpikkirta. Jadi asa boi torus tabahen las roha ni Jahowa, taratur ma hita mamareso cara marpikkir, sifat, dohot keinginanta. w23.01 8 ¶1-2

Bayakkon ma hamu mambege Jesus mangajari. Jotjot do ibana mangutip Surat na Badia jala diingot ibana do i sude! Tikki tardidi jala dimiahi tondi parbadia Jesus, dibahen Jahowa ma Jesus boi mangingot muse hangoluanna tikki di surgo. Dang holan tikki mangajari, tarida do dikutip Jesus do Surat na Badia sian hatana na parjolo dung tardidi dohot hatana na parpudi sebelum mate. (5 Mus. 8:3; Ps. 31:5; Luk. 4:4; 23:46) Saleleng tolu satonga taon ibana melayani di tano on, jotjot do Jesus manjaha, mangutip Hata ni Debata, jala patorakkon i di jolo ni godang halak. (Mat. 5:​17, 18, 21, 22, 27, 28; Luk. 4:​16-20) Andorang so marbarita na uli dope Jesus, jotjot do ibana manjaha dohot manangihon Hata ni Debata. Pasti dibege ibana do si Maria dohot si Josep mangutip sian Surat na Badia. (5 Mus. 6:​6, 7) Asing ni i, sai ro do Jesus tu sinagoga tiap ari Sabat rap dohot keluargana. (Luk. 4:16) Tikki di sinagoga manat do ditangihon ibana tikki dijahahon Surat na Badia. w23.02 8 ¶1-2

Godang do alasan na mambahen hita makkaholongi Jahowa. Misalna taboto do ‘sian Jahowa do ro hangoluan’. Jala sian Ibana do “sude silehon-lehon na denggan jala na sun denggan”. (Ps. 36:9; Jak. 1:17) Sude akka na denggan na tanikmati sian Jahowa do, Bapakta na burju jala na parholong. Tobusan, i ma silehon-lehon na massai arga sian Jahowa tu hita sude. Boasa tadok songon i? Rimangi ma songon dia do hubungan ni Jahowa dohot Jesus. Didok Jesus, “Dihaholongi Ama i do au” jala “holong do rohakku tu Damang i”. (Joh. 10:17; 14:31) Massai togu do parale-aleon ni nasida ala nungnga rap nasida lobi sian marmilliar taon. (Poda 8:​22, 23, 30) Pikkirhon ma muse songon dia pakkilalaan ni Jahowa mangida Anakna haccitan jala mate. Massai holong do roha ni Jahowa tu hita sude termasuk tu hamu. Alani i dilehon Ibana ma Anakna gabe tobusan asa boi hamu dohot na asing mangolu saleleng ni lelengna. (Joh. 3:16; Gal. 2:20) On ma alasan na umbalga boasa holong rohatta tu Debata. w23.03 4-5 ¶11-13

Ikkon tatolak do ajaran ni halak na murtad. Dipasingot Jesus do huria di Pergamos ala dipasombu nasida adong disi akka halak na mambahen huria dang marsada. (Pgk. 2:​14-16) Alai dipuji ibana do huria di Tiatira ala ditolak nasida do “akka na buni di bagasan roha ni Sibolis”. Jala dijujui ma nasida asa toktong “setia” mangihutton ajaran na sittong. (Pgk. 2:​24-26) Alani i, porlu do muba halak Kristen na disi, naung gale haporseaonna ala mangihutton ajaran palsu. Songon dia molo hita saonari? Hita pe ikkon menolak ajaran na maralo tu cara marpikkir ni Jahowa. Olo do ra hira na manomba Debata idaon halak na murtad, “alai di parngoluonna dang dipatudu na disomba nasida Debata”. (2 Tim. 3:5) Jadi ikkon ringgas do hita marsiajar Bibel asa boi hita mura menolak ajaran palsu. (2 Tim. 3:​14-17; Jud. 3, 4) Ikkon tapastihon ma dijalo Jahowa ibadatta. Molo adong taulahon na so sesuai tu lomo ni roha ni Jahowa, ikkon hatop ma hita muba asa las roha ni Jahowa mangida hita.—Pgk. 2:​5, 16; 3:​3, 16. w22.05 4 ¶9; 5 ¶11