Referensi tu Parpunguan Hangoluan dohot Pangkobasion na Laho Diparsiajari
© 2024 Watch Tower Bible and Tract Society of Pennsylvania
2-8 SEPTEMBER
ARTA NA ARGA NA ADONG DI BIBEL PSALMEN 79-81
Pasangap ma Goar ni Jahowa
Tobusan Sada “Silehonlehon na Denggan” sian Debata
5 Songon dia do patuduhon na taparsangapi goar ni Jahowa? Marhite parniulaonta. Lomo roha ni Jahowa asa badia hita. (Jaha 1 Petrus 1:15, 16.) Holan Ibana ma tasomba jala unduk sian nasa roha. Nang pe marsitaonon, marsitutu do hita mangolu hombar tu aturan ni Jahowa. Molo hombar do ngolunta tu aturan ni Jahowa, on parohon sangap tu Jahowa. (Mat. 5:14-16) Tapatudu ma na denggan do patik ni Jahowa jala pargabus do Sibolis. Ala ndang tipak, olo do hita mangulahon na sala. Molo taulahon na sala, marhamubaon ma hita jala marsitutu asa unang mangaleai goar ni Jahowa.—Ps. 79:9.
ijwbv 3 ¶4-5
Rom 10:13—“Manjou Goar ni Debata, i ma Jahowa”
Lapatan ni istilah ‘jou-jou tu goar ni Jahowa’ na tarsurat di Bibel, dang holan mamboto goar ni Debata jala manjou goarna tikki manomba Ibana. (Psalmen 116:12-14) Alai ikkon pos do rohatta tu Debata jala ikkon taandalhon do Ibana.—Psalmen 20:7; 99:6.
Rikkot hian do goar ni Debata di Jesus Kristus. Di contoh tangiang na diajarhon Jesus, on ma na parjolo sahali didok ibana, “Ale Amanami na di banua ginjang, sai dipabadia ma goarmu.” (Mateus 6:9) Didok Jesus do muse, asa boi hita mangolu saleleng ni lelengna, ikkon tatanda, tahaholongi, jala taoloi do paretta ni Jahowa.—Johannes 17:3, 6, 26.
Arta na Adong di Bibel
it-2 1337
Si Josep
Sangap do Goar ni si Josep. Ala ussangap do si Josep sian akka anak ni si Jakkob na asing, sipata gabe dipakke do goarna mewakili goar ni sude marga Israel (Ps 80:1) manang mewakili sappulu marga na adong di utara. (Ps 78:67; Am 5:6, 15; 6:6) Asing ni i, dipakke do tong goarna di piga-piga surirang na adong di Bibel. Misalna di parnidaan ni si Hesekiel, diida ibana ma adong dua bagian na gabe parbagianan ni si Josep (Hes 47:13), di sada gerbang ni kota na digoari “Disi do Jahowa” adong do tarsurat disi goar ni si Josep (Hes 48:32, 35), jala di parnidaan ni si Hesekiel taringot na lao dipasada naposo ni Jahowa, didok do si Josep ma na gabe pamimpin di sada bagian ni bangso i, jala si Juda ma na gabe pamimpin ni bagian na asing sian bangso i. (Hes 37:15-26) Dipaboa si Obaja do surirang taringot “pinoppar ni si Josep” na lao manutung “pinoppar ni si Esau”. (Ob 18) Dipaboa di Sakaria do muse surirang na patuduhon na lao dipalua Jahowa do “pinoppar ni si Josep”. (Sak 10:6) Jala di bukku Pangungkapon pe didok, sian marga Josep do dibuat deba Israel ni Debata, dang sian marga Epraim.—Pgk 7:8.
Ala dipamasuk do goar ni si Josep di daftar na adong di Pangungkapon 7:8, on patuduhon surirang na dipaboa si Jakkob sebelum mate ibana, lao tu Israel na pinillit ni Debata do i. Alani i, dilehon Jahowa Debata Pargogo na So Hatudosan i ma Jesus Kristus gabe Parmahan na Burju na lao mangalehon ngoluna humokkop “biru-biruna”. (Joh 10:11-16) Kristus Jesus ma muse na gabe batu parsuhi-suhi na gabe fondasi. Jala di ginjang ni batu fondasi i ma jongjong bagas joro ni Debata, i ma Israel na pinillit ni Debata. (Eps 2:20-22; 1Ptr 2:4-6) Didongani Debata Pargogo na So Hatudosan i do Parmahan i manang Batu Fondasi i.—Joh 1:1-3; Ul 7:56; Heb 10:12; bandingkon tu 1Mus 49:24, 25.
9-15 SEPTEMBER
ARTA NA ARGA NA ADONG DI BIBEL PSALMEN 82-84
Taargai ma Tanggung Jawab na Dilehon tu Hita
Parsiajaran sian Angka Pidong na di Langit
Di Jerusalem, jotjot do halak mangida leangleang, ala somalna di toru ni atap ni jabu do asarna. Asing ni i, adong do na mambahen asarna di bagas joro ni si Salomo. Angka pidong on, na ganup taon marasar di bagas joro, boi ma tarlinggomi jala boi denggan maranak.
Panurat buku Psalmen 84, i ma sada sian anak ni si Korah na marhobas di bagas joro saleleng saminggu ganup onom bulan. Hea do disurat ibana taringot asar ni leangleang i. Lomo rohana songon leangleang na tongtong tading di bagas ni Jahowa. Didok ibana, “Dengganna i angka ingananmi, ale Jahowa Zebaot! Pola do langan jala maras rohangku dibahen lungunna di angka alaman ni Jahowa. . . . Gari amporik jumpangan jabu, jala leangleang dapotan asarna bahen inganan ni angka anakna, mandok: Angka langgatan pamelean tu Ho, ale Jahowa Zebaot, Rajangku dohot Debatangku.” (Psalmen 84:2-4) Lomo do rohanta dohot ianakhonta ringgas ro tu parpunguan jala marsada di huria?—Psalmen 26:8, 12.
w08 15/7 30 ¶3-4
Mambahen Cita-Cita na Masuk Akkal jala Marlas ni Roha
Molo nungnga matua hita manang marsahit, olo do tahilala dang godang be na boi taulahon tu Jahowa. Manang molo nungnga adong gellengta, olo do ra gabe maol hita mangalehon roha tikki pelajaran pribadi dohot tikki marpungu. Alai molo holan keterbatasanta i do na tapikkiri, gabe didok rohatta ma dang adong be na boi taulahon.
Marribu taon naung salpu, adong sahalak Lepi na mambahen cita-cita na so masuk akkal. Lomo rohana boi marhobas di bagas joro saleleng ni lelengna. (Ps. 84:1-3) Hape nungnga dilehon tu ibana tugas na istimewa marhobas di bagas joro saleleng dua minggu di bagasan sataon. Alai di pudian ni ari, disadari ibana ma sada tugas na istimewa do boi marhobas di bagas joro dang soal sadia leleng pe i. On ma na mambahen ibana gabe merasa puas. (Ps. 84:4, 5, 10) Songon halak Lepi i, asa boi hita merasa puas unang ma holan mamikkirhon keterbatasanta hita. Alai tapikkiri ma aha dope na boi taulahon jala mandok mauliate ma hita ala boi dope taulahon i.
Mararga do Hamu di Jahowa!
12 Tikki marsahit hamu, pos ma rohamu na diantusi Jahowa do songon dia pakkilalaanmuna. Pangido ma tu Ibana asa diurupi hamu pasidikkon arsak ni roha. Lului ma akka ayat ni Bibel na boi patoguhon rohamuna. Rimangi ma akka ayat na patuduhon songon dia Jahowa mangargai akka naposona. Molo diulahon hamu i, idaonmuna ma na burju do Jahowa tu sude naposona na setia.—Ps. 84:12.
Arta na Adong di Bibel
it-1 124
Akka Dakdanak na So Marama
Biasana dang parduli akka halak tu dakdanak “na so marama” dohot na so marina. Boi do tarida songon dia hubungan ni halak Israel tu Jahowa sian pambahenan ni nasida tu dakdanak na so marama dohot na so marina. Molo jonok do hubungan ni nasida tu Jahowa, pasti denggan do diparrohahon akka dakdanak i. Alai molo dang diurus nasida akka dakdanak sisongon i, berarti dang denggan hubungan ni nasida tu Jahowa. Bahkan on pe boi do patuduhon na lao hancur do bangso i. (Ps 82:3; 94:6; Jes 1:17, 23; Jer 7:5-7; 22:3; Hes 22:7; Sak 7:9-11; Mal 3:5) Muruk do Jahowa tu halak na mambahen na jahat tu dakdanak na so marama. (5Mus 27:19; Jes 10:1, 2) Alana Jahowa do na gabe Panobus (Poda 23:10, 11), na mangurupi (Ps 10:14), jala Ama tu akka dakdanak na so marama. (Ps 68:5) Dibahen Jahowa do na adil tu akka na so marama dohot na so marina (5Mus 10:17, 18). Asi do rohana tu nasida (Hos 14:3), diurupi do nasida (Ps 146:9), jala diurus.—Jer 49:11.
Sada sian tanda ni halak Kristen na sittong i ma, mamparrohahon akka na mabalu dohot dakdanak na so marama na so marina. Songon on ma na didok si Jakobus taringot i, “On do agama na so ramun jala na ias di jolo ni Debata Ama i: Mangurus na so marama na so marina dohot na mabalu tikki marsitaonon nasida. Jala na manjaga dirina asa unang ramun dibahen portibi on.”—Jak 1:27.
16-22 SEPTEMBER
ARTA NA ARGA NA ADONG DI BIBEL PSALMEN 85-87
Boi do Hita Martahan molo Toktong Martangiang
w12 15/5 25 ¶10
Tabahen do Marsinondang Hasangapon ni Jahowa?
10 Asa boi hita mambahen marsinondang hasangapon ni Debata, porlu do hita ‘toktong martangiang’. (Rom 12:12) Ikkon martangiang do hita tu Jahowa asa diurupi Ibana hita lao mangulahon lomo ni rohana. Jadi tikki martangiang hita, tapangido ma tondi parbadia sian Jahowa. Tapangido ma asa dipatogu haporseaotta, dilehon gogo tu hita tikki adong godaan, jala asa diurupi hita “denggan mangajari jala patorakkon hasittongan i”. (2 Tim. 2:15; Mat. 6:13; Luk. 11:13; 17:5) Somalna, pos do roha ni sahalak dakdanak tu bapakna. Dos songon i ma ikkon pos do rohatta tu Bapakta, i ma Jahowa. Molo tapangido tu Jahowa asa diurupi hita mangulahon lomo ni rohana, pasti diurupi Ibana do hita. Jadi unang ma tarippu na mangganggu Ibana do hita molo martangiang tu Ibana. Tikki martangiang, tapuji ma Jahowa jala mandok mauliate ma hita tu Ibana. Tapangido ma petunjukna tikki adong tantangan jala tapangido ma asa diurupi hita pabadiahon goarna tikki marbarita.—Ps. 86:12; Jak. 1:5-7.
Cara ni Jahowa Mangalusi Tangiangta
17 Jaha Psalmen 86:6, 7. Pos do roha ni si Daud na manurat Psalmen i, na dialusi Jahowa do tangiangna. Hamu pe boi do songon i. Akka contoh na dibahas di artikel on paposson rohatta na dilean Jahowa do tu hita bisuk dohot gogo na tahaporluhon lao martahan. Dipakke Jahowa do muse akka dongan sahaporseaon manang akka halak na so manomba Ibana lao mangurupi hita.
18 Nang pe dang songon cara na taharappon dialusi Jahowa tangiangta, alai taboto do pasti do dialusi i. Diparade Ibana do na tahaporluhon di tikki na pas. Alani i torus ma hamu martangiang jala porsea ma na ditangihon Jahowa do hamu. Pos ma rohamuna na parduli do Jahowa tu hamu saonari. Jala annon di tano na imbaru “lehononna ma na pinangido ni roham”.—Ps. 37:4.
Arta na Adong di Bibel
it-1 1089 ¶3
Roha
Manomba Jahowa “sian Nasa Roha”. Molo dang sehat sude bagian ni jantungta, dang boi i denggan berfungsi. Alai, molo rohatta manang jantung kiasanta boi do i terbagi. Alani i ma didok si Daud di tangiangna, “Urupi ma au pasangappon goarmi sian nasa rohakku.” Sian tangiangna i gabe taboto ma, memang boi do roha ni jolma terbagi. (Ps 86:11) Molo nga terbagi roha ni sasahalak, dang sian nasa roha be ibana manomba Debata. (Ps 119:113; Pgk 3:16) Manang boi dokkonon nungnga “mardua roha” be halak sisongon i. Lapatanna dilehon rohana tu na sada, alai dilehon muse tu na asing. Contohna halak na marsitutu manomba dua tuan, manang halak na sai mamanggar-manggar jala mangoto-otoi. (1Kron 12:33; Ps 12:2) Takkas do didok Jesus halak na munafik do halak na songon i.—Mat 15:7, 8.
23-29 SEPTEMBER
ARTA NA ARGA NA ADONG DI BIBEL PSALMEN 88-89
Pamarettaon ni Jahowa do na Terbaik
Marpihak ma tu Pamarentaon ni Jahowa!
5 Pingkirhon ma muse boasa marhak Jahowa mamarenta. Marhite hatigoran do Ibana mamangke huasoNa. Didok tu hita, “Ahu do Jahowa, parasi roha na mangkajongjongkon uhum dohot hatigoran di tano on, ai angka ido lomo ni rohangku.” (Jer. 9:23) Ndang dihaporluhon Jahowa patik ni jolma laho mangurupi Ibana manontuhon na denggan. Ibana sandiri do na manontuhon taringot tu na denggan. Marhite hatigoranNa, dilehon do patikNa tu jolma. Panurat ni psalmen mandok, “Hatigoran dohot uhum do ojahan ni habangsami.” Alani i, denggan do sude patik, prinsip, dohot aturan na sian Jahowa. (Ps. 89:15; 119:128) Didok Sibolis, ndang tigor pamarentaon ni Jahowa. Hape, Sibolis pe ndang boi mambahen hatigoran tu portibi on.
Marpihak ma tu Pamarentaon ni Jahowa!
10 Ndang kejam pamarentaon ni Jahowa. I do alana, marlas ni roha do na mangihuthon Ibana. (2 Kor. 3:17) Didok si Daud taringot tu Jahowa, “Hatongamon dohot hamuliaon di jolona, hagogoon dohot hinauli masa di bagasan habadiaonna i.” (1 Kron. 16:7, 27) Si Etan panurat ni psalmen mandok, “Martua ma bangso na umboto olopolop! Angka na marpangalaho di bagasan hatiuron ni bohim, ale Jahowa. Sai marolopolop do nasida manipat ari marhitehite goarmu, jala timbul do nasida hinorhon ni hatigoranmu.”—Ps. 89:16, 17.
11 Molo jotjot tarimangi denggan basa ni Jahowa, lam pos ma rohanta pamarentaonNa do na dumenggan. Sarupa ma pangkilalaanta songon panurat ni psalmen na mandok tu Debata, “Dumenggan do sadari di angka alamanmu sian saribu ari na asing.” (Ps. 84:11) Jahowa do na manompa hita, diboto do aha na mambahen las rohanta. Umbotoan do Ibana taringot na laho silehononNa tu hita. Sude na pinangido ni Jahowa mangkorhon na denggan do i. Nang pe godang na taulahon laho mangoloi Jahowa, i do na mambahen hita marlas ni roha.—Jaha Jesaya 48:17.
w14 15/10 10 ¶14
Pos ma Rohamuna tu Harajaon ni Debata
14 Dibahen Jahowa do sada parjanjian tu Raja Daud, i ma raja ni halak Israel najolo. Digoari do perjanjian i, parjanjian tu si Daud. (Jaha 2 Samuel 7:12, 16.) Marjanji do Jahowa sian pinoppar ni si Daud do ro Messias. (Luk. 1:30-33) Jadi takkas do dipaboa Jahowa garis keturunan ni Messias. Didok Jahowa pinoppar ni si Daud do “na marhak” lao gabe Raja di Harajaon ni Messias. (Hes. 21:25-27) Hot do tahta ni si Daud saleleng ni lelengna. Alana, Jesus do na gabe pinoppar ni si Daud. Jala didok di Bibel, “Hot do pinopparna sahat tu saleleng ni lelengna, jala hot do tahtana di jolokku songon mataniari.” (Ps. 89:34-37) Pos do rohatta sai adil do pamarettaon ni Messias i mamaretta jala parohon pasu-pasu saleleng ni lelengna!
Arta na Adong di Bibel
w07 15/7 32 ¶2-4
“Saksi na Setia di Langit”
Torus do bulan mangalilingi tano on saleleng 27 ari 8 jom di bagasan sabulan, jala dang na lao muba i. Alai dang holan taringot parputaran ni bulan na dipikkirhon panurat psalmen tikki manuratton taringot bulan. Di sada ende na marisi surirang didok panurat psalmen do bulan i songon “saksi na setia di langit”. Surirang i paboahon taringot Harajaon ni Debata na disuru Jesus asa ditangiakkon akka siseanna.—Mateus 6:9, 10.
Lobi sian 3.000 taon naung salpu, dibahen Jahowa ma parjanjian tu Raja Daud taringot Harajaon. (2 Samuel 7:12-16) Dibahen pe parjanjian i, asa boi do pinoppar ni si Daud, i ma Jesus Kristus mamaretta saleleng ni lelengna. (Jesaya 9:7; Lukas 1:32, 33) Songon on ma na didok panurat psalmen taringot tahta ni ‘pinoppar’ ni si Daud i, “Hot do tahtana i saleleng ni lelengna dos songon bulan, dos songon saksi na setia di langit.”—Psalmen 89:36, 37.
Cocok do bulan na marsinondang tikki borngin dipatudos tu pamarettaon ni Kristus na martahan saleleng ni lelengna. (1 Musa 1:16) Songon on ma na didok di Daniel 7:14 taringot Harajaon i, “Martahan do pamarettaonna saleleng ni lelengna jala dang boi digattihon. Harajaonna pe, dang boi dihancurhon.” Bulan ma na gabe saksi na paingotton hita tu Harajaon ni Debata i, dohot pasu-pasu na lao lehonon ni Harajaon i tu sude jolma.
30 SEPTEMBER–6 OKTOBER
ARTA NA ARGA NA ADONG DI BIBEL PSALMEN 90-91
Marhaposan ma tu Jahowa asa Ganjang Umurmuna
Na Dibahen Jolma Laho Paganjangkon Umur
Nang pe marsitutu angka jolma mambahen asa unang gabe matua, godang do ilmuwan mandok ndang boi jolma tongtong poso. Memang, sian abad 19, hira na lam ganjang do umur ni jolma. Alai boi pe lam ganjang, ala nunga diboto angka jolma do taringot kebersihan jala nunga godang didapot angka ubat dohot vaksin. Porsea do piga-piga ilmuwan molo umur ni jolma nunga ditontuhon batasna.
Hira-hira 3.500 taon naung salpu, disurat si Musa do di Bibel, “Pitupulu taon do ngolunami, ualupulu taon ma molo margogo hami. Alai gok arsak dohot hasusaan do i, alai hatop do i salpu, dung i laos salpu ma dohot hami.” (Psalmen 90:10, Bibel siganup ari) Nang pe marsitutu angka jolma mambahen asa lam ganjang umur, alai tutu do masa na didok si Musa on.
Hape, molo taparrohahon angka tompaan songon bulu babi manang sada jenis korang, boi do umurna lobi sian 200 taon. Jala pohon sequoia raksasa umurna boi sampe marribu taon. Molo tabandingkon umur ni jolma tu umur ni angka tompaan on, gabe sungkun-sungkun do rohanta, ‘Memang holan sahat tu 70 manang 80 taon do umur ni jolma?’
Ise do Goar ni Debata?
Ra songon na asing olo do sungkun-sungkun rohamuna taringot i. Jadi molo Debata do na manompa sasude, ise do na manompa Debata?
Godang angka ilmuwan setuju, adong do na mambahen alam semesta on. Dos do pandapot ni nasida i tu na didok Bibel, “Di mula ni mulana ditompa Debata langit dohot tano on.”—1 Musa 1:1.
Ndang boi alam semesta on gabe adong sandiri. Alana, na so adong hian ndang boi tompu gabe adong. Molo ndang adong manang ise pe andorang so adong alam semesta on, tontu ndang boi i gabe adong. Jadi sasintongna, adong do hape na so boi taida na mambahen i sude. I ma Debata Jahowa na marhuaso jala na marbisuk.—Johannes 4:24.
Taringot Debata, didok do di Bibel, “Tagan so tubu dope angka dolok, jala tagan so adong dope ditubuhon tano on dohot portibi on, nunga adong hian Ho, ale Debata, sian salelenglelengna ro di salelenglelengna.” (Psalmen 90:2) Jadi ndang adong na manompa Debata, alana adong do Ibana sian najolo. Jadi “di mula ni mulana”, Ibana do na manompa alam semesta on.—Pangungkapon 4:11.
Holong ni Jahowa Mangurupi Hita Mangatasi Biar ni Roha
16 Diboto Sibolis do na taargai hangoluan. Jadi didok Sibolis, pasti taulahon do manang aha pe asal ma boi hita tetap mangolu, nang pe gabe sega hubungatta tu Jahowa. (Job 2:4, 5) Alai sala do Sibolis! Ibana do “na parohon hamatean”. Alani i sai berupaya do ibana memanfaatton biar ni rohatta tu hamatean lao mambahen hita mangalo Jahowa. (Heb. 2:14, 15) Dipakke Sibolis do muse akka halak na marsogo ni roha tu Saksi Jahowa mangancam lao pamatehon hita. Tikki marsahit hita, dipakke Sibolis do kesempatan i asa unang setia be hita tu Jahowa. Adong do ra dokter manang keluarga na so Saksi na mamaksa hita manjalo transfusi darah, hape maralo do i tu patik ni Debata. Manang adong do ra halak na asing manjujui hita manjalo pengobatan alternatif na so sesuai tu prinsip ni Bibel.
17 Memang dang olo hita mate. Alai taboto do molo tung pe ikkon mate hita, sai torus do dihaholongi Jahowa hita. (Jaha Rom 8:37-39.) Molo di Jahowa nang pe mate naposona, hira na mangolu dope nasida, ala sai diingot Jahowa do nasida. (Luk. 20:37, 38) Tarpaima do Jahowa pahehehon nasida. (Job 14:15) Jala nungnga dilehon Jahowa tobusan na massai arga asa boi hita “mandapot hangoluan na saleleng ni lelengna”. (Joh. 3:16) Pos do rohatta massai holong do roha ni Jahowa tu hita jala parduli do Ibana tu hita. Jadi unang ma tatinggalhon Jahowa tikki marsahit manang tikki terancam ngolutta. Sebalikna taasahon ma Ibana. Tapangido ma muse asa dilehon tu hita bisuk, gogo, jala asa tarapul rohatta. On ma na diulahon si Valérie dohot suamina.—Ps. 41:3.
Arta na Adong di Bibel
Adong do Surusuruan na Manjaga Hamu?
Ndang adong diajarhon di Bibel molo di ganup halak adong sada surusuruan na manjaga nasida. Tutu didok Jesus do, “Jaga ma hamu, so tung marhu ni roha hamu mida sada sian na metmet on, ai hudok ma tu hamu: Diida angka surusuruannasida na di banua ginjang i do tongtong bohi ni Damang na di banua ginjang i.” (Mateus 18:10) Nang pe songon i, na nidok ni Jesus disi ndang na adong sada surusuruan na manjaga sasahalak. Alai lapatanna, i ma diparrohahon angka surusuruan do tongtong ganup siseanna. Alani i, ndang boi didok roha ni angka naposo ni Debata, na sai dilinggomi surusuruan do nasida nang pe mamillit ulaon na parohon jea.
Antong, na so diurupi surusuruan do angka jolma? Ndang songon i. (Psalmen 91:11) Adong do pigapiga halak na pos situtu rohana, naung dihilala nasida do panogunoguon dohot pangurupion ni Debata marhite surusuruan. I do na dihilala si Kenneth, na dipaboa di artikel na parjolo. Olo do sintong na nidokna i. Jotjot do dihilala Sitindangi Ni Jahowa pangurupion sian surusuruan tingki marbarita. Alai ala ndang boi taida surusuruan, ndang taboto songon dia cara ni Debata mamangke nasida laho mangurupi ganup halak na mangadopi marragam parsoalan. Nang pe songon i, denggan do molo tadok mauliate tu sude pangurupion ni Debata tu hita.—Kolosse 3:15; Jakobus 1:17, 18.
7-13 OKTOBER
ARTA NA ARGA NA ADONG DI BIBEL PSALMEN 92-95
Pillit ma Manomba Jahowa!
Angka Na Poso, Bahen ma Citacita na Palashon Roha ni Jahowa?
5 Sada alasan na ringkot, i ma ala hita laho patuduhon hamauliateonta tu Jahowa ala holongNa dohot sude pambahenanNa. Sahalak panurat Psalmen mandok, “Tung na denggan do mandok mauliate tu Jahowa . . . Ai angka pambahenanMu halongangan i do, ale Jahowa, mambahen ahu marlas ni roha, hinorhon ni angka pambahenanMu, marende ma ahu marlas ni roha.” (Ps. 92:2, 5, Bibel siganup ari) Pingkirhon ma sude na dilehon Jahowa tu hamu, songon ngolumuna, paralealeonmuna tu Ibana, Bibel, angka dongan di huria, dohot pangkirimon asa mangolu salelengna di Paradeiso. Tingki ditontuhon hamu tujuanmuna, na patuduhon hamauliateon do hamu tu Jahowa. Jala i boi mambahen hamu lam jonok tu Ibana.
Pingkiran ni Ise do na Ditiru Hamu?
8 Dipatudos do Jahowa songon natua-tua na burju. Lomo do rohana asa denggan ngolunta. (Jes. 48:17, 18) Diajarhon do tu hita angka prinsip ni Bibel asa denggan pangalahonta tingki maradophon na asing. Dijujui do hita asa maniru pingkiran ni Jahowa jala mangihuthon podana. On ndang mambahen hita susa. Gariada boi do mangurupi hita asa mambahen keputusan na denggan. (Ps. 92:6; Poda 2:1-5; Jes. 55:9) Gabe las ma rohanta tu keputusan na tabahen i. (Ps. 1:2, 3) Jadi godang do labana maniru pingkiran ni Jahowa!
Mararga do Hamu di Jahowa!
18 Nang pe naung matua, pos ma rohatta toktong do dipakke Jahowa hita lao mangulahon lomo ni rohana. (Ps. 92:13-16) Diajarhon Jesus do tu hita, na arga do di Jahowa sude na taulahon lao manomba Ibana, nang pe didok rohatta dang godang na boi taulahon. (Luk. 21:2-4) Alani i, pikkirhon ma akka aha na boi diulahon hamu. Umpamana, marbarita na uli, manangiakkon akka dongan, jala patoguhon na asing asa toktong setia. Dipakke Jahowa do hamu lao gabe dongan saulaonna dang alani sadia godang na boi taulahon. Alai, ala rade do hita mangoloi Ibana.—1 Kor. 3:5-9.
Arta na Adong di Bibel
cl 176 ¶18
‘Bagas Situtu do Bisuk ni Debata!’
18 Songon on ma na didok Apostel Paulus lao paboahon taringot bisuk ni Jahowa, “Tung godang situtu do pasu-pasu na sian Debata! Bagas situtu do bisukna dohot parbinotoanna! Dang adong na boi mangattusi cara ni Ibana manguhumi, jala dang adong na boi takkas patorakkon akka ulaonna!” (Rom 11:33) Sian hata ni si Paulus on, boi ma taboto longang situtu do roha ni si Paulus mamboto bisuk ni Debata. Di ayat i dipakke ibana do hata “tung godang situtu”. Molo di bahasa Junani, dipatudos do hata “tung godang situtu”, tu “lubang na massai bagas”. Molo bagas tarimangi bisuk ni Debata, sarupa ma i hira na mangida sada lubang na so adong ujungna. Alani bidangna dohot bagas ni lubang i, dang adong na boi mangukkur manang patorakkon taringot lubang i. (Psalmen 92:5) Takkas ma dao do untimbo bisuk ni Debata sian bisuk ni jolma.
14-20 OKTOBER
ARTA NA ARGA NA ADONG DI BIBEL PSALMEN 96-99
“Paboa ma Barita na Uli”!
w11 1/3 6 ¶1-2
Barita na Uli Taringot Akka Aha do na Dipaboa di Bibel?
IKKON dibaritahon halak Kristen do “barita na uli taringot tu Harajaon”. Tapaboa ma tu akka halak sada pamarettaon na adil do Harajaon ni Debata i jala na lao mamaretta do i tu saluhut tano on. Alai dang holan taringot Harajaon ni Debata barita na uli i. Misalna adong do dipaboa di Bibel “barita na uli taringot haluaon” (Psalmen 96:2); “barita na uli na sian Debata” (Rom 15:16); dohot “barita na uli taringot tu Jesus Kristus”.—Markus 1:1.
Boi dokkonon barita na uli i, i ma sude na diajarhon Jesus jala na disurat akka siseanna. Sebelum lao Jesus tu surgo, didok ibana do tu akka siseanna “Alani i, lao ma hamu, bahen hamu ma saluhut halak sian nasa bangso gabe siseanku. Didi hamu ma nasida di bagasan goar ni Ama, Anak, dohot tondi parbadia. Ajari hamu ma nasida mangulahon sude naung huparettahon tu hamu.” (Mateus 28:19, 20) Jadi dang holan paboahon barita na uli taringot Harajaon i tugas ni halak Kristen. Alai ikkon diurupi nasida do akka halak asa gabe sisean ni Jesus.
w12 1/9 16 ¶1
Aha do na lao Masa di Ari Panguhuman i?
Songon na taida di gambar sabola kanan, godang do halak marpikkir di Ari Panguhuman diboan ma marmilliar tondi ni halak na mate tu jolo ni Debata. Dukkon i, dihakimi ma nasida mangihutton pangalaho ni nasida tikki mangolu. Molo burju sasahalak saleleng ni ngoluna, boi ma ibana tu surgo. Alai molo jahat do ibana, disiksa ma ibana di api narokko. Hape dang songon i na didok di Bibel. Bibel mandok tujuan ni Ari Panguhuman i asa boi do hilalaon ni akka halak keadilan. (Psalmen 96:13) Nungnga dipillit Debata be Jesus Kristus gabe Hakim na lao mambahen na adil tu sude jolma.—Jaha Jesaya 11:1-5; Ulaon ni Apostel 17:31.
w12 15/9 12 ¶18-19
Dame di Pamarettaon Saribu Taon Sahat tu Saleleng ni Lelengna!
18 Ala dioloi jolma na parjolo Sibolis jala dialo nasida Debata, gabe sega ma hubungan ni jolma dohot Jahowa. Alai, dung jongjong Harajaon ni Debata di taon 1914, mulai ma dipadenggan hubungan ni jolma dohot Jahowa. Jala rap marsada ma naposo ni Jahowa na di surgo dohot na di tano on manomba Jahowa. (Eps. 1:9, 10) Tikki mamaretta Jesus saleleng saribu taon, dipasaut ibana ma janji ni Debata. Dung “di ujung” ni pamarettaonna, aha ma na diulahon ibana? Nang pe nungnga dilehon Debata tu ibana “saluhut huaso na di banua ginjang dohot na di tano on” alai dang hea tarpikkir ibana lao mambahen asa sarupa dirina songon Debata. Toktong do serep rohana, dipasahat ibana do Harajaon i tu Debata. Dipakke ibana do huasona na istimewa i lao “parohon hasangapon tu Debata”.—Mat. 28:18; Plp. 2:9-11.
19 Di tikki i, nungnga sempurna be sude rakyat ni Harajaon ni Debata na di tano on. Ditiru nasida do Jesus. Serep do roha ni nasida mangakkui holan Jahowa do na marhak mamaretta nasida. Jala tetap do nasida setia tikki dipalua Sibolis lao manguji sude jolma. (Pgk. 20:7-10) Dukkon i, dipamate ma sude suru-suruan dohot jolma na mangalo tu Debata. Tikki i, pasti las do rohatta. Sude ma naposo ni Jahowa na di surgo dohot na di tano on mamuji Jahowa. Dung i, holan Debata ma “na mangarajai sasudena”.—Jaha Psalmen 99:1-3.
Arta na Adong di Bibel
it-2 242
Ende
Dang holan di bukku Psalmen disurat istilah “ende na baru”, alai adong do tong dipaboa si Jesaya dohot Apostel Johannes taringot istilah i. (Ps 33:3; 40:3; 96:1; 98:1; 144:9; 149:1; Jes 42:10; Pgk 5:9; 14:3) Molo taida aha na dibahas di akka ayat na manuratton istilah i, gabe taboto ma boasa adong “ende na baru” i. Tikki adong hal na baru na diulahon Jahowa lao patuduhon holan Ibana do na marhak mamaretta, diendehon ma “ende na baru” i. Misalna di Psalmen 96:10 songon on ma disurat di ende na baru i, “Nungnga gabe Raja be Jahowa!” Jadi taringot hak ni Jahowa lao mamaretta di surgo dohot di tano on do na gabe tema ni “ende na baru i”.—Ps 96:11-13; 98:9; Jes 42:10, 13.
21-27 OKTOBER
ARTA NA ARGA NA ADONG DI BIBEL PSALMEN 100-102
Tajaga ma Hubunganta tu Jahowa
Songon dia do Carana asa Rade Hamu Tardidi?
18 Massai arga do holongmuna tu Jahowa. (Jaha Poda 3:3-6.) Molo togu do holongmuna tu Jahowa, on boi mangurupi hamu asa marhasil mangadopi akka tantangan di ngolumuna. Jotjot do dipaboa di Bibel taringot songon dia Jahowa patuduhon holong na manoktong tu akka naposona. Dang hea Jahowa maninggalhon akka naposona jala torus do dihaholongi Ibana nasida. (Ps. 100:5) Ditoppa Jahowa do hita asa boi maniru sifatna. (1 Mus. 1:26) Attong songon dia do caratta patuduhon holong tu Ibana?
19 Patudu ma na diargai hamu sude na dilehon Debata. (1 Tes. 5:18) Ganup ari, sukkun hamu ma dirimuna, ‘Songon dia do Jahowa patuduhon holongna tu au?’ Dung i, mandok mauliate ma hamu tu Jahowa di tangiangmuna jala paboa ma akka na denggan naung dibahen Ibana tu hamu. Anggap ma sudena i bukti holong ni Jahowa tu hamu secara pribadi. Songon i do na diulahon Apostel Paulus. (Jaha Galatia 2:20.) Sukkun ma dirimuna, ‘Hupatudu do na holong rohakku tu Jahowa ala nungnga dibahen Ibana na denggan tu au?’ Holong tu Jahowa mangurupi hamu manolak godaan jala asa marhasil mangadopi akka tantangan. Jala holong on ma na mangurupi hamu asa torus manomba Jahowa ganup ari.
“Jaga ma Hamu, Toktong ma Torang Pikkiranmuna!”
10 Akka bahaya na ikkon tahindari termasuk ma i menggoda lawan jenis, kecanduan minuman beralkohol, dirajai sipanganon na berlebihan, mandokkon hata na mambahen haccit roha, manonton hiburan na marisi kekerasan dohot pornografi, manang na asing. (Ps. 101:3) Sai berupaya do musutta Sibolis mangalului kesempatan lao manegai hubungatta tu Jahowa. (1 Ptr. 5:8) Molo dang manat hita, gabe disuanton Sibolis do tu roha dohot pikkiranta akka sifat na so denggan, songon mangiburu, dang jujur, tamak, sogo ni roha, ginjang ni roha, dohot dendam. (Gal. 5:19-21) Di mulana olo do tahilala dang pola berbahaya akka sifat sisongon i. Alai molo dang pittor tabolokkon i, boi do i hatop tubu di rohatta songon tanaman na marraccun jala parohon jea ma i tu hita.—Jak. 1:14, 15.
w11 15/7 16 ¶7-8
Olo do Hamu Manangihon Sipaingot ni Jahowa?
7 Aha ma na ikkon taulahon asa unang terpengaruh hita tu halak na murtad? Pasti dang olo hita mangundang nasida tu jabutta manang makkatai tu nasida. Alai dang sae holan i. Tottu hita pe dang olo manjaha sijahaon, manonton acara, dohot mangida situs web na dibahen nasida, manang mangomentari na disurat nasida di situs web i. Boasa tabahen tindakan na tegas songon i? Ala holong rohatta tu Jahowa, “Debata na makkatahon na sittong”. Alani i pasti dang lomo rohatta tu ajaran ni nasida na maralo tu Hata ni Debata. (Ps. 31:5; Joh. 17:17) Asing ni i, holong do tong rohatta tu organisasi ni Jahowa. Alana sian i do hita mamboto ajaran na sittong taringot goar ni Jahowa dohot arti ni goar i, taringot tujuan ni Debata manoppa tano on, taringot keadaan ni halak naung mate, dohot taringot haheheon. Pasti las hian do rohamuna tikki parjolo sahali mamboto ajaran na sittong sian Bibel taringot i sude. Jadi olo dope hamu manangihon ajaran ni akka halak na murtad i?—Joh. 6:66-69.
8 Manang aha pe na didokkon akka halak na murtad i, unang ma taihutton nasida! Alana molo taihutton nasida, dos ma hita songon naeng mambuat aek sian sumur na koring. Alai molo toktong hita setia tu Jahowa dohot tu organisasina, pasti las ma rohatta. Alana boi do dapotta sian i ajaran na sittong na sian Bibel. Dos ma hita songon na minum sian sumur na godang aekna jala na ias.—Jes. 55:1-3; Mat. 24:45-47.
Arta na Adong di Bibel
it-2 319
Burung Pelikan
Dung butong burung pelikan, jotjot do akka burung i lao tu inganan na buni. Jala disi ma akka burung hundul dos songon halak na marlungun ni roha. Dipamasuk ma uluna tu tanggurungna sappe so tarida be uluna i. Molo diida halak sian na dao, dirippu nasida ma i batu na bottar. Tahan do akka burung i sai songon i saleleng piga-piga jom. I do alana tikki marlungun ni roha panurat psalmen dipatudos ibana do dirina “songon burung pelikan di gurun”. (Ps 102:6) Hata “gurun” di ayat i, boi do lapatanna rawa-rawa na dao sian tempat tinggal ni jolma. Di musim tertentu marasar do burung pelikan di rawa-rawa, di bagian utara ni Lembah Jordan. Adong tolu macam burung pelikan na adong di Israel. Na unggodang i ma pelikan putih timur (Pelecanus onocrotalus), burung pelikan keriting (Pelecanus crispus), dohot burung pelikan punggung merah Afrika (Pelecanus rufescens). Alai jarang do adong burung pelikan na dua on.
Lomo do roha ni burung pelikan tinggal di inganan na dao sian inganan ni jolma. Disi ma akka burung marasar, martolor, jala papodoppon tolorna. Disi do muse akka burung i modom dung sae manakkup dekke. Ala lomo roha ni burung pelikan tinggal di inganan na buni, gabe dipakke do burung pelikan on di Bibel lao manggombarhon inganan na tarulang. Lao manggombarhon huta halak Edom na tarulang, disurirangkon si Jesaya do na lao maringanan nama burung pelikan disi. (Jes 34:11) Asing ni i, disurirangkon si Sepania do na lao marasar akka burung pelikan di tiang ni kota Ninive naung maruppak. On manggombarhon kehancuran ni kota i jala dang na lao adong be na maringanan disi.—Sep 2:13, 14.
28 OKTOBER–3 NOVEMBER
ARTA NA ARGA NA ADONG DI BIBEL PSALMEN 103-104
“Diingot Ibana do Hita Orbuk”
Tiru ma Jahowa, Debata na Masuk Akkal
5 Masuk akkal do Jahowa ala serep rohana jala marasi ni roha. Misalna, dipatudu Jahowa do serep ni rohana tikki naeng pamatehon halak Sodom na jahat. Disuru Jahowa do suru-suruanna lao paboahon tu si Lot halak na tigor marroha asa lari tu inganan na mardolok-dolok. Mabiar do si Lot lao tu inganan i. Alani i dipangido ibana ma asa diloas Jahowa ibana dohot keluargana lao tu Kota Zoar na seharusna dihancurhon Jahowa. Boi do sasittongna Jahowa mandok ikkon ihuttonon ni si Lot do parettana. Alai diloas Jahowa do si Lot lao tu Zoar jala dang dihancurhon Ibana kota i. (1 Mus. 19:18-22) Marratus taon dukkon i, dipatudu Jahowa do asi ni roha tu halak Ninive. Tikki i, disuru Ibana do Panurirang Jona paboahon lao dihancurhon nama kota i jala pamateonna ma akka halak na disi. Alai dung diida Jahowa bertobat halak Ninive, gabe asi ma roha ni Jahowa tu nasida jala dang dihancurhon Jahowa be kota i.—Jona 3:1, 10; 4:10, 11.
Andalhon ma Jahowa Songon si Simson
16 Nang pe gabe susa si Simson alani kesalahanna, alai dang na gabe so olo be ibana mangulahon tugas sian Jahowa. Songon si Simson, olo do ra hea taulahon na sala. Gabe dipissang hita manang dang dilehon be tanggung jawab tu hita. Molo songon i, unang ma gabe dang olo be hita mangulahon lomo ni roha ni Jahowa. Taingot ma rade do Jahowa manalpuhon kesalahanta. (Ps. 103:8-10) Nang pe hea taulahon kesalahan, alai olo do Jahowa mangalehon gogo tu hita songon na dibahen tu si Simson.
17 Taparrohahon ma pengalaman ni donganta na poso na margoar si Michael. Godang do na diulahon ibana di huria, gabe parhobas dohot perintis biasa. Alai hea do dibahen ibana kesalahan, alani i gabe dang dilehon be tu ibana tanggung jawab di huria. Didok si Michael, “Mulana massai godang do na boi huulahon tu Jahowa. Alai toppu do mago i sude. Lungun hian do rohakku, alana dang adong be na boi huulahon tu Jahowa. Huhilala hira na ditadikkon Jahowa do au. Jala gabe sukkun-sukkun do rohakku, boi do denggan muse hubungakku tu Jahowa songon na uju i, manang boi do dapottu muse tanggung jawab songon najolo i.”
18 Alai toktong do si Michael manomba Jahowa. Didok ibana, “Berupaya do au padenggatton hubungakku tu Jahowa. Taratur do au martangiang, marsiajar Bibel, jala mangarimangi i.” Ujungna dapot ni si Michael ma muse tanggung jawabna di huria. Saonari gabe sintua do ibana dohot perintis biasa. Didok ibana, “Godang do dapottu bantuan, tarlumobi sian akka sintua. Gabe husadari ma na holong dope roha ni Jahowa tu au. Boi do dapottu muse tanggung jawabhi jala nga ias be panggora ni rohakku. Sian on marsiajar do au rade do Jahowa manalpuhon kesalahan ni halak na olo bertobat sian nasa rohana.” Pos ma rohatta nang pe hea tabahen kesalahan, alai molo tapadenggan pangalahotta jala taandalhon Jahowa, pasti pasu-pasuonna do hita.—Ps. 86:5; Poda 28:13.
Boi do Hamu Mencapai Cita-Cita Rohanimuna
2 Molo adong cita-citamuna saonari alai dang boi dope dicapai hamu, unang ma merasa kecil hati hamu. Cita-cita na sederhana pe porlu do godang tikki dohot upaya lao mencapai i. Sasittongna holan adong pe keinginanmuna lao mencapai cita-citamuna, on patuduhon na diargai hamu do hubunganmuna tu Jahowa jala lomo rohamuna mangalehon na terbaik tu Ibana. Diargai Jahowa do upayamuna i. Tottu dang dipangido Ibana lobi sian na boi dilehon hamu. (Ps. 103:14; Mik. 6:8) Jadi bahen hamu ma cita-cita na masuk akkal sesuai tu keadaanmuna. Molo songon i aha do na boi diulahon hamu lao mencapai cita-citamuna? Tabahas ma piga-piga saran.
Arta na Adong di Bibel
cl 55 ¶18
Huaso lao—“Manoppa Langit Dohot Tano on”
18 Aha do na boi taparsiajari taringot huaso ni Jahowa mambahen marragam toppaan? Longang do rohatta mangida marragam toppaan ni Jahowa. Songon na didok panurat psalmen, “Tung godang situtu do na binahenmu, ale Jahowa! . . . Gok do na binahenmu di tano on.” (Psalmen 104:24) Tutu do na didok panurat psalmen on! Akka ahli biologi mandok, adong lobi sian sajuta jenis ni makhluk hidup di tano on; alai godang do muse na mandok adong dope marjuta nai jenis ni makhluk hidup. Molo sahalak seniman, olo do maol mangalului ide lao mambahen sada karya. Alai molo Jahowa dang songon i. Boi do dipakke Ibana huasona lao manoppa marragam toppaan na baru.