Le mɔcuɛ m’ɔ bo i bo Fevrie i le 8 i siesielɛ
LE MƆCUƐ M’Ɔ BO I BO FEVRIE I LE 8
□ Asɔnun’n i Biblu’n nun like suanlɛ:
lv ndɛ tre 16 § 15-22 ɔ nin kuku ng’ɔ o i bue 194 su’n
□ Ɲanmiɛn junman dilɛ suklu:
Biblu’n nun kannganlɛ: Jɔlɛ Difuɛ Mun 11-14
No. 1: Jɔlɛ Difuɛ Mun 13:1-14
No. 2: ?Ngue yɛ Zezi i ndɛ ng’ɔ o Lik 16:9-13 nun’n ɔ kle e ɔ?
No. 3: ?Sran’m be ‘ɲrɛnnɛn klelɛ tititi’ nga Biblu’n kɛn i ndɛ’n yɛle benin? (rs bue 126 § 3-4)
□ Junman dilɛ aɲia:
Min 5: Jasin mun.
Min 10: Cɛn wie’m be dilɛ i su kosan wie’m be su tɛlɛ. Ijɔfuɛ’n nin nzrafuɛ’m be koko yalɛ. Ɔ taka ce nɲɔn nga be o fluwa Comment raisonner i bue 164 nin 165 su. ?Kɛ amun niɛn i sa’n, amun jasin fɛ’n bowlɛ nun’n, cɛn benin yɛ sran’m be su siesie be wun naan b’a di ɔ? ?Yɛ, fɛtri’m be nun’n, benin yɛ kɛ i dilɛ blɛ’n ko ju’n, amun kwla ɲan atin be kan wafa nga Ɲanmiɛn bu i’n i ndɛ ɔ? Maan siɛ annzɛ niɛn kun yi wafa nga ɔ ukɛ i wa’n naan w’a kwla tɛ kosan yɛ’n su i nglo. Kosan sɔ’n yɛ: ?Ngue ti yɛ maan a diman paki ɔ?
Min 20: “Fluwa nga é fá yía asiɛ wunmuan’n su sran mun E Wla Kpɛnlɛ Cɛn Aɲia’n i bo’n.” Kosan usalɛ nin i su tɛlɛ. Ka naan amun a koko ndɛ kpɔlɛ 2 su yalɛ’n, sɛ sran’m be yialɛ fluwa’n wie o lɛ’n, maan be fa man nzrafuɛ mun, kun liɛ kun. Yɛ wafa nga be jajali fluwa’n ɔ nin i su foto mun’n, yiyi nun. Sɛ amun wie ndɛ kpɔlɛ 2 su yalɛ koko’n, wafa nga e kwla fa sran’m be yialɛ fluwa’n, e yia be’n, maan jasin bofuɛ kun yi i nglo. I sin’n, fa ijɔlɛ’n wla junman sunianfuɛ’n annzɛ asɔnun kpɛnngbɛn uflɛ i nuan. Maan ɔ kan jasin bolɛ’n i su ajalɛ nga be fali naan b’a fa fluwa’n b’a cɛcɛ sran mun blɛ sɔ’n nun i ndɛ.