Ɲanmiɛn junman dilɛ suklu’n, i nun flanlɛ

Ɲanmiɛn junman dilɛ suklu’n, i nun flanlɛ’n i su kosan mun. Le mɔcuɛ ng’ɔ bo i bo afuɛ 2010 nun, Fevrie i le 22 su’n, bé fá kosan nga be lɔngɔ su yɛ’n bé dí junman. Suklu sunianfuɛ’n fá miniti ablaɔn (20) yɛ ɔ́ úsa kosan mun ɔn. Junman nga e dili i suklu’n nun afuɛ 2010 Zanvie 4 i le mɔcuɛ nun lele m’ɔ́ fá jú Fevrie 22 i le mɔcuɛ nun’n, i su yɛ i nun flanlɛ’n taka ɔ.

1. ?Kɛ Izraɛli akpasua wie’m be juli Mɛn nga Ɲanmiɛn sunnzunnin kɛ ɔ fá mán be i nun lɔ’n, ngue ti yɛ be cɛli kpa naan b’a fa klɔ’m be ngba ɔ? ?Yɛ afɔtuɛ benin yɛ be aeliɛ sɔ’n man e ɔ? (Zoz. 18:2, 3) [it-1 bue 934 § 1]

2. ?Like benin ti yɛ Zozie kannin ndɛ ng’ɔ o Zozie 24:14, 15 nun ɔn? ?Ngue ti yɛ ɔ fata kɛ ndɛ sɔ’n yo e liɛ wie ɔ? [w08-AO 1/5 bue 21-22 § 4-6]

3. ?Wafa ng’ɔ yoli mɔ Baal sɔfuɛ’m be amuin sɔlɛ’n kacili kɛ aya mɔ be suɛli i Izraɛlifuɛ’m be bo sa’n, i kun yɛle benin? (Jɔl. 2:3) [w08 15/2 bue 27 § 2-3]

4. ?Wafa nga srɛ w’a kunman Eid m’ɔ fali tokofi’n fa kunnin sran kun’n, ngue yɛ ɔ kle e ɔ? (Jɔl. 3:16, 21) [w97 15/3 bue 31 § 4]

5. ?Kɛ e nian wafa nga Zoova deli Zedeɔn nin i sran 300 be kwlaa’n, wafa sɛ yɛ i sɔ’n wla e fanngan ɔn? (Jɔl. 7:19-22) [w05 15/7 bue 16 § 8]

6. ?Ngue ti yɛ Zoova ‘yaci Izraɛlifuɛ’m be nyrɛnnɛn nun ɔn, ɔ yoman ye ɔ?’ (Jɔl. 10:16) [cl bue 254-255 § 10-11]

7. ?Kɛ Zɛfte tali Zoova i nda’n, i waan ɔ́ fá sran yí tɛ sakpasakpa ti ɔ? (Jɔl. 11:30, 31) [w05 15/1 bue 26 § 1]

8. ?Ɔ yo sɛ yɛ Samsɔn m’ɔ ti Ɲanmiɛn liɛ klonglo’n kannin sran ng’ɔ kunnin be’n be fuɛn’n niɔn? (Jɔl. 14:19) [w05 15/1 bue 30-31]

9. ?Samsɔn i wunmiɛn dan’n, ɔ fin i timuɛn bɔbɔ ba’n sakpa? (Jɔl. 16:18-20) [w05 15/3 bue 28 § 5-6]

10. ?Sɛ e wun sa sroesroe nga Samsɔn yoli mɔ be kɛn i ndɛ Jɔlɛ Difuɛ Mun 16:3 nun be wlɛ’n, wafa sɛ yɛ ɔ kwla uka e ɔ? [w04-AO 1/11 bue 13-14 § 7-8]