Ajalɛ nga e kwla fa’n

E bo sran’m be Biblu’n nun like klelɛ bo, Sɛptamblu i Fue cɛn klikli’n nun

“Sran’m be dan lika be si srɛlɛ nga Zezi kleli i sɔnnzɔnfuɛ mun’n kpa. Srɛlɛ sɔ’n nun’n, be se kɛ: ‘Maan ɔ sielɛ blɛ’n ju, maan e bɔ e o asiɛ’n su wa’n, e yo ɔ klun sa kɛ be bɔ be o ɲanmiɛn su lɔ’n be yo’n sa.’ Ɔ liɛ’n, a bu i kɛ ngue yɛle Ɲanmiɛn Sielɛ’n? [Maan sran’n tɛ kosan’n su.] Biblu’n nun ndɛ ng’ɔ o yɛ ɔ uka e naan y’a wun i wlɛ.” Kanngan Daniɛl 2:44. I sin’n amun nin sran’n be kanngan ndɛ kpɔlɛ nga be o Sasafuɛ Tranwlɛ’n fluwa Utu 1, i bue 28 ndɛ ce klikli’n i bo lɛ’n be nun. Yɛ Biblu’n nun ndɛ mma nga be klɛli i lɛ’n kusu’n, an kanngan be nun kun nun wie. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan’n i nɲɔn su’n i su yalɛ’n, maan amun nuan sɛ su.

Sasafuɛ Tranwlɛ’n Utu 1

“Kɛ mɔ e nguan’n ti tika mɔ afɛ’n o e su’n ti’n, sran wie’m be usa be wun kɛ: ?Ngue ti yɛ e wo asiɛ’n su ɔ? W’a fɛ i sɔ kosan’n w’a usa ɔ wun le? [Maan sran’n tɛ kosan su.] Biblu’n se kɛ cɛn wie lele’n afɛ kwlaa wíe. [Kanngan Sa Nglo Yilɛ 21:4 nun.] Fluwa nga ɔ kan ninnge kpakpa nga Ɲanmiɛn waan ɔ́ yó man klɔ sran mun’n i ndɛ. Asa kusu ɔ bobo ninnge wie m’ɔ fata kɛ e yo naan ikisa bɔbɔ’n y’a kwla di aklunjuɛ ɔ.”

Réveillez-vous ! Août

“N kunndɛ kɛ ń sí akunndan nga a bu i Biblu’n nun ndɛ mma nga su’n. [Kanngan 1 Samiɛl 16:23 nun.] Kɛ nga e fa wun i lɛ sa’n, miziki’n le ta kpa. ?A bu i kɛ jue wie’m be kwla man e akunndan tɛ? [Maan sran’n tɛ kosan’n su.] Fluwa ng’ɔ o yɛ’n ɔ kle e wafa nga ngwlɛlɛ su’n, e kwla kunndɛ jue kpa e tie’n, ɔ nin wafa nga e kwla uka e mma mun naan b’a fa ajalɛ kunngba’n wie’n.”