Ajalɛ nga e kwla fa’n

E bo sran’m be Biblu’n nun like klelɛ bo, Fevrie i Fue cɛn klikli’n nun

“?E kwlaa e kunndɛ kɛ é ɲán janvuɛ, nɛ́n i ɔ? ?Sanngɛ, nzuɛn kpa benin yɛ a kunndɛ kɛ ɔ janvuɛ yi i nglo ɔ? [Maan sran’n tɛ kosan’n su.] Like nga ti yɛ ɔ fata kɛ e nian nun kpa naan y’a tra janvuɛ’n, fluwa nga kɛn i ndɛ.” I sin’n, fa Desamblu 1 i blɔfuɛ Sasafuɛ Tranwlɛ’n mɛn i, kpɛkun maan amun koko fluwa’n i bue 26 i nun ndɛ nga be o i ce’m be nun kun i bo lɛ’n, be su yalɛ likawlɛ. Biblu’n nun ndɛ mma nga be o nun’n, kanngan be nun wie mun annzɛ be nun kun nun. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ tranwlɛ’n Zanvie 1

“Koko nun wa’n, ɲrɛnnɛn sa kɛ asiɛ’n i kejelɛ ɔ nin aunmuan m’ɔ kpɛ’n, be juli lika sunman nun. ?Sa nga ti yɛ sa sɔ’m be lɔngɔ su siɛn’n, w’a fa usa ɔ wun le? [Maan sran’n tɛ kosan’n su.] Biblu’n dun mmua boli su kɛ blɛ kun nun’n, ɲrɛnnɛn sa sɔ’m bé jú. [Kanngan Matie 24:7, 8 nun.] ?Ngue ti yɛ le nɲɔn nga nun’n, ɲrɛnnɛn sa’m b’a sɔn sɔ ɔ? ?Ɲanmiɛn yɛ ɔ fɛ i sɔ sa liɛ mun fa kle e nun ɔn? ?Ngue ti yɛ e kwla lafi su kɛ ɔ ka kaan sa Ɲanmiɛn wá yó naan ɲrɛnnɛn sa sɔ’m be wie ɔ? Fluwa nga tɛ kosan sɔ’m be su.”

Réveillez-vous ! Janvier

“Aata dilɛ nun’n, adi ninnge’m be manlɛ, ɔ nin ndrunmun dilɛ wafa wie’m b’a tru kpa. Sran wie’m be liɛ’n, sɛ sran kun di aata naan cɛn kunngun w’a diman ndrunmun’n, be bu i kɛ ninnge’m be su yoman ye i sa nun. ?Wafa sɛ yɛ a bu i sɔ’n niɔn? [Maan sran’n tɛ kosan’n su.] I yo, maan e nian Ɲanmiɛn Ndɛ’n i nun ɲanndra kun. [Kanngan Nyanndra Mun 20:17 nun.] Like nga ti yɛ nanwlɛ dilɛ’n ti like kpa’n, fluwa nga kɛn i ndɛ.”