Ajalɛ nga e kwla fa’n

E bo Biblu’n nun like klelɛ bo Fevrie i Fuɛ cɛn klikli’n nun

“Sran sunman be waan sa tɛ’n fin Satan. Sanngɛ be usa be wun kɛ: ?Satan kpa’n, ɔ fin nin? ?Ɲanmiɛn yɛ ɔ boli i ɔ? ?Yɛ wɔ li, a bu i sɛ? [Maan sran’n tɛ kosan’n su.] Nian ndɛ nga be klɛli i wa yɛ’n.” Fa ndɛ ng’ɔ o Fevrie 1 Sasafuɛ Tranwlɛ’n i sin bui’n su’n naan amun koko ndɛ kpɔlɛ klikli’n, ɔ nin Biblu’n nun ndɛ mma’m be su yalɛ. Fa periodiki mun mɛn i naan cɛn nga amún wún be wun ekun’n, amun nuan sɛ su.

Sasafuɛ Tranwlɛ’n Fevrie 1

“Ɲanmiɛn sran kun o lɛ’n, sran sunman be ɲin yi i kpa. I li asɔnunfuɛ nin Ɲanmiɛn flɛfuɛ mun yɛ be ɲin yi i kpa’n niɔn. Sran sɔ’n yɛle Moizi. Yɛ min waan ń úsa wɔ i su ngwlɛlɛ afɛ kan. ?Kɛ a ti bian sɔ’n i dunman’n, ngue su yɛ wɔ akunndan’n dun mmua kɔ ɔ? [Maan sran’n tɛ kosan’n su.] Kannzɛ blɛ wie nun’n ɔ fɔnnin’n, sanngɛ niɛn i ndɛ klanman mɔ Biblu’n kan ɔn. [Kanngan Mmla’n 34:10-12 nun.] Fluwa nga kɛn i nzuɛn klanman nsan be ndɛ. Kpɛkun, wafa nga e kwla niɛn i liɛ’n su’n, ɔ kɛn i ndɛ wie.”

Réveillez-vous ! Février

“Andɛ mɛn nga nun’n, e wun kɛ sran wie’m be kɔ nvle uflɛ nun. Afin be waan lɔ yo fɛ tra be tranwlɛ liɛ’n. ?Kɛ be kɔ sɔ’n, blɛ kwlaa nun yɛ be ɲan like nga ti yɛ be ɔli’n niɔn? [Maan sran’n tɛ kosan’n su] Nvle uflɛ nun kɔlɛ’n timan e blɛ sufuɛ’m be ngunmin be aeliɛ. Afin nian ndɛ nga Biblu’n i fluwa klikli’n kan’n. [Kanngan Bo Bolɛ 46:5, 6 nun.] Fluwa nga yiyi i sɔ ndɛ liɛ’n nun.” Fa kosan nga be o fluwa’n i bue 6 i ja ngua lɛ’n kle sran’n.