Periodiki’m be fa manlɛ
Sasafuɛ Tranwlɛ’n Fevrie 1
“?A bu i kɛ Ɲanmiɛn Ndɛʼn nun like suanlɛʼn ti cinnjin sakpa? [Maan sranʼn tɛ kosanʼn su.] Ɲanmiɛn se kɛ. [Kanngan Sofoni 2:3] Mmlusuɛ nga e kwla ɲɛn i Ɲanmiɛn Ndɛʼn i nun like suanlɛ nunʼn, ndɛ akpasua nga yiyi nun weiin.“ Fa fluwaʼn i bue 12 kle sranʼn. I sinʼn, ndɛ kpɔlɛ kan ngʼɔ o i kosan i 3 suʼn i bo lɛʼn, kanngan nun naan an koko su yalɛ. Fa Sasafuɛ Tranwlɛ’n nin Réveillez-vous ! mɛn i, kpɛkun cɛn uflɛ’n, amun koko kosanʼn i 4 suʼn, i su yalɛ.
Réveillez-vous ! Février
“Kɛ mɔ be klɛli Biblu’n i osu w’a cɛ’n ti’n, sran wie’m be bu i kɛ siansi ndɛ ng’ɔ kan’n, ɔ timan nanwlɛ. ?Yɛ ɔ li, a bu i sɛ? [Maan sran’n tɛ kosan’n su.] Kɛ e fali Biblu’n nun ndɛ nga e kleli sran mun’n, be nun sunman lika be nuan boli be wun. [Kanngan Ezai 40:22 nun.] Fluwa nga i bue 22 su’n, be tɛ kosan nga su: ‘?Ndɛ nga Biblu’n kan’n ɔ nin siansi liɛ’n be kɔ likawlɛ?’ ”
Sasafuɛ Tranwlɛ’n Fevrie 1
“Sran kpanngban be bu i kɛ Edɛni fie’n w’a tranman lɛ sakpa. Sanngɛ ndɛ nga Zezi kɛnnin i Adam nin Ɛvu be su’n, ɔ kle kɛ be trannin nguan nun sakpa. Atrɛkpa’n, i sɔ’n bo ɔ nuan. ?Nɛ́n i ɔ? [Maan sran’n tɛ kosan’n su. I sin’n, kanngan Matie 19:4-6 nun.] Edɛni fie’n i su kosan nga sran sunman be usa’n, fluwa nga yiyi be nun wie’m be nun.”
Réveillez-vous ! Février
“Le nɲɔn nun’n, sran’m be klo bae dilɛ ninnge mun kpa. ?Sɛ sran kun fɛ i sa wlɛ i bae dilɛ nun’n, a bu i kɛ ɔ kwla yo i tɛ? [Maan sran’n tɛ kosan’n su.] Nian like nga Ɲanmiɛn seli Izraɛlifuɛ mun kɛ nán be yo’n. [Kanngan Mmla’n 18:10-12 nun.] Ndɛ nga Biblu’n kɛn i bae dilɛ’n su’n, ɔ o fluwa nga nun.”