Ajalɛ nga e kwla fa’n

E bo Biblu’n nun like klelɛ bo Fevrie i Fue cɛn klikli’n nun

“Sran wie’m be waan Biblu’n ti Ɲanmiɛn Ndɛ. Sanngɛ wie’m be waan ɔ ti kɛ fluwa onga’m be sa. ?Yɛ ɔ li? ?Sɛ be usa wɔ kɛ Biblu’n fin wan, á tɛ́ su sɛ?” Maan sran’n tɛ kosan’n su. Fa ndɛ ng’ɔ o Fevrie 1 Sasafuɛ Tranwlɛ’n i sin bui’n su’n kle sran’n naan ndɛ ng’ɔ o kosan klikli’n i bo lɛ’n, amun koko su yalɛ. Biblu’n nun ndɛ mma nga be klɛ lɛ’n, an kanngan be nun wie mun annzɛ kun nun. I sin’n, fa fluwa’n man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Fevrie 1

“Sran’m be dan lika be kunndɛ kɛ alɛ dilɛ’n wie mɛn wunmuan’n nun. ?Kɛ a niɛn i sa’n, i sɔ’n kwla yo ye? [Maan sran’n tɛ kosan’n su.] Nian ndɛ nga Biblu’n kan’n. [Kanngan Jue Mun 46:10 nun.] Sa wie mɔ be juli alɛ dan klikli’n nun’n, ɔ nin be sin sa wie mun ekun be kle kɛ ɔ cɛ kan’n, Ɲanmiɛn wá yó naan Biblu’n nun ndɛ mma sɔ’n kpɛn su. Fluwa nga kan sa sɔ’m be ndɛ.”

Réveillez-vous ! Février

“E bali amun osu nianlɛ naan é kán sa kun m’ɔ ju e kwlaa e su’n i ndɛ. Yɛle kɛ sran’m be ɲanman be ti andɛ naan b’a yo ninnge ng’ɔ fata kɛ be yo be’n. ?Ɔ klun’n, junman m’ɔ bobo e su’n ti yɛ, annzɛ kusu e blɛ mɔ e yomɛn i cɛcɛ’n ti ɔ? [Maan sran’n tɛ kosan’n su.] Sran kpanngban siman kɛ Biblu’n man e afɔtuɛ wie mun naan y’a kwla yo e blɛ’n i cɛcɛ. Afɔtuɛ sɔ’m be nun kun yɛ. [Kanngan Filipfuɛ Mun 1:10a nun.] Fluwa nga kan ajalɛ nnan mɔ sran wie’m be fali naan b’a kwla yo be blɛ’n i cɛcɛ’n i ndɛ.”