Le mɔcuɛ m’ɔ bo i bo Avrili i le 2 i siesielɛ
LE MƆCUƐ M’Ɔ BO I BO AVRILI I LE 2
Jue 8 yɛ srɛlɛ
□ Asɔnun’n i Biblu’n nun like suanlɛ:
fy ndɛ tre 11 § 1-5 (Min. 25)
□ Ɲanmiɛn junman dilɛ suklu:
Biblu’n nun kannganlɛ: Zeremi 17—21 (Min. 10)
No. 1: Zeremi 21:1-10 (Nán maan ɔ tra miniti 4)
No. 2: ?Ngue yɛ Satan i sielɛ wafa’n ɔ kle ɔ? (Min. 5)
No. 3: ?Ngue like yɛ yasua kun ɔ nin i yi be kwla yo naan be aja’n w’a yo kpa w’a tra laa ɔ?—rs-F bue 229 § 1-4 (Min. 5)
□ Junman dilɛ aɲia:
Min 10: Jasin mun. Wafa nga Avrili i Fue cɛn klikli’n nun’n, e kwla bo sran’m be Biblu’n nun like klelɛ bo’n, maan be nian ajalɛ ng’ɔ o i bue nga su’n, be yi i nglo.
Min 15: Ninnge ng’ɔ fata kɛ asɔnun’n fɛ i ɲin sie su’n.
Min 10: Wafa nga Avrili nun’n, e kwla fa periodiki mun e man’n. Ijɔlɛ nin nzrafuɛ’m be kosan usalɛ. Fa miniti kun annzɛ nɲɔn bo fluwa’m be nun ndɛ nga amun lika nun lɔ’n, ɔ kwla yo sran’m be fɛ’n be su. I sin’n, ndɛ akpasuaakpasua nga be yiyi ndɛ ng’ɔ klɛ Sasafuɛ Tranwlɛ’n su’n be nun’n, fa ɔ ɲin sie be su. Kpɛkun usa nzrafuɛ mun naan fluwa’n i fa manlɛ nun’n, be kle kosan kpa nga be kwla usa’n, ɔ nin Biblu’n nun ndɛ mma nga be kwla kanngan nun’n. Fa Réveillez-vous ! naan yo i kunngba’n. Sɛ a le i wun blɛ’n, fa ndɛ akpasua uflɛ Sasafuɛ Tranwlɛ’n annzɛ Réveillez-vous ! nun naan yo i kunngba’n. Wafa nga be kwla fa periodiki’m be man’n, maan be yi i nglo kunngunngun. Sɛ amun nin a ɲanman Avrili i fluwa liɛ mun’n, amun yi fluwa nga be o lɛ’n, be fa manlɛ’n i nglo kunngunngun.
Jue 99 yɛ srɛlɛ