Ajalɛ nga e kwla fa’n

E bo Biblu’n nun like klelɛ bo Fevrie i Fue cɛn klikli’n nun

“Sran sunman srɛ Ɲanmiɛn. Be nga be lafiman Ɲanmiɛn su bɔbɔ’n, kɛ lika’n ko jran be su’n, be nun wie’m be srɛ i. ?Ɔ klun’n, srɛlɛ ngba yɛ Ɲanmiɛn tie ɔ?” Maan sran’n tɛ kosan’n su. Fa ndɛ ng’ɔ o Utu 1 Sasafuɛ Tranwlɛ’n i sin bui’n su’n kle sran’n naan amun koko ndɛ ng’ɔ o kosan klikli’n i bo lɛ’n su yalɛ. Biblu’n nun ndɛ mma nga be klɛ lɛ’n, an kanngan be nun wie mun be nun annzɛ kun nun. I sin’n, fa fluwa’n man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Ndɛ nanndoliɛ: Jasin fɛ’n bolɛ aɲia nga bé yó i Utu i le 3 su’n i bo’n, maan be yi ajalɛ nga i nglo.

Sasafuɛ Tranwlɛ’n Utu 1

“E bali amun osu nianlɛ naan é kán ayeliɛ kun mɔ w’a tru kpokpaa m’ɔ sanngan sran kpanngban akunndan’n i ndɛ. Ayeliɛ sɔ’n yɛle bian nin bla nna nga be fa fite nzra nun’n. Sran wie’m be waan ɔ timan like tɛ. ?Sanngɛ wafa sɛ yɛ ɔ bɔbɔ a wun i sɔ liɛ’n niɔn? [Maan sran’n tɛ kosan’n su.] Zezi seli kɛ sɛ e waan é wún i wlɛ kɛ like kun ti tɛ annzɛ ɔ ti kpa’n, maan e fa e ɲin e sie i bo nzuɛn’n su. [An Kanngan Matie 7:17 nun.] Fluwa nga kan bian nin bla nna nga be fa fite nzra nun’n i bo nzuɛn’n i ndɛ. Asa ekun’n, ɔ kle wafa nga e kwla yo naan y’a flo aya sɔ’n nun’n.”

Réveillez-vous ! Août

“E nun sunman e kunndɛ kɛ é trán nguan nun é cɛ́ kpa. ?Kɛ a niɛn i sa’n, cɛn wie lele’n siansifuɛ’m be kwla yo naan sran’m b’a tran nguan nun tititi? [Maan sran’n tɛ kosan’n su.] Nian nda nga Ɲanmiɛn tali e’n. [An kanngan 1 Korɛntfuɛ Mun 15:26 nun.] ?Sanngɛ wafa sɛ yɛ Ɲanmiɛn wá yó naan ndɛ sɔ’n w’a kpɛn su ɔ? ?Ɔ́ sín siansifuɛ’m be lika annzɛ ɔ́ fá ajalɛ uflɛ? ?Yɛ ngue ti yɛ dɔ nga su’n, e yo oke mɔ e wu ɔ? Fluwa nga kan wafa nga Biblu’n tɛ kosan sɔ’m be su’n i ndɛ.”