Ajalɛ nga e kwla fa’n

E bo sran’m be Biblu’n nun like klelɛ bo, Utu i Fue cɛn klikli’n nun

“Afuɛ nga be sinnin koko nun wa’n nun’n, sran’m be fali be ɲin sieli anzi’m be su kpa. ?A bu i kɛ anzi’m be o lɛ sakpa? [Maan sran’n tɛ kosan’n su.] Nian ndɛ nga be klɛli i wa’n.” I sin’n, fa Utu 1 Sasafuɛ Tranwlɛ’n mɛn i, kpɛkun a nin i be koko fluwa’n i bue 16 i nun ndɛ nga be o i ce klikli’n i bo lɛ’n, be su yalɛ. Biblu’n nun ndɛ mma nga be o nun’n, kanngan be nun wie mun annzɛ be nun kun nun. Fa periodiki mun mɛn i. naan amun nuan sɛ cɛn nga amún kókó kosan uflɛ su yalɛ’n i su.

Sasafuɛ Tranwlɛ’n Utu 1

Kanngan Jue Mun 65:3 nun. Kpɛkun se kɛ: “Sran kpanngban be srɛ Ɲanmiɛn cɛn kwlaa afin be lafi su kɛ ‘sɛ be srɛ i ɔ, ɔ ti.’ Sanngɛ wie’m be waan: ‘?Sɛ Ɲanmiɛn o lɛ sakpa’n, ngue ti yɛ lika’n w’a jran sɔ ɔ?’ ?Yɛ ɔ li, a bu i sɛ? Ɲanmiɛn kun o lɛ m’ɔ ti e srɛlɛ’n sakpa ɔ? [Maan sran’n tɛ kosan’n su] ‘?Ngue ti yɛ srɛlɛ’n i tiefuɛ’n yaci sran mun lɛ mɔ be wun ɲrɛnnɛn ɔn?’ Fluwa nga tɛ kosan sɔ’n su.”

Réveillez-vous ! Août

“Andɛ sran kpanngban be sro gua su fitelɛ. I li kɛ sɛnzɛ’n ko tɔ bɔbɔ’n, yɛ be kloman kɛ bé fíte’n niɔn. ?A bu i kɛ be kwla fa ajalɛ wie mun naan mɛn nun nzaje sa mun b’a go nun kan? [Maan sran’n tɛ kosan’n su] Fluwa nga kan ninnge wie mɔ e kwlaa e kwla yo naan e nin e wiengu mun y’a tran fɔundi nun’n i ndɛ. Asa kusu wafa nga Ɲanmiɛn nuan ijɔfuɛ’m be ndɛ nga be kɛnnin’n i yɛ’n wá kpɛ́n su’n, ɔ kɛn i ndɛ wie.” Kanngan Jue Mun 72:7 nun.