?Ɲanmiɛn tran lika trele kun nun?

Ndɛ nga Biblu’n kan’n

Ɛɛn. Ɲanmiɛn tran lika trele kun nun. Ɔ tran ɲanmiɛn su lɔ. Biblu’n nun ndɛ nga’m be kle sɔ weiin.

Famiɛn Salomɔn srɛli Ɲanmiɛn kɛ: “Kɛ a o ɔ tranwlɛ’n nun ɲanmiɛn su lɔ’n, sie ɔ su tie.”—1 Famiɛn Mun 8:43.

Zezi Klisi seli i sɔnnzɔnfuɛ’m be kɛ, kɛ bé srɛ́ Ɲanmiɛn’n be se kɛ: “E Si m’ɔ o ɲanmiɛn su lɔ’n.”—Matie 6:9.

Kɛ Zezi wuli m’ɔ cɛnnin nguan’n, ɔ ɔli ‘ɲanmiɛn su lɔ. Ɔ maan siɛn’n, ɔ jran Ɲanmiɛn ɲrun.’—Ebre Mun 9:24.

Ndɛ mma kwlaa sɔ’m be kle weiin kɛ Ɲanmiɛn Zoova ti sran jrɛiin kun yɛ ɔ nunman lika kwlaa. Sanngɛ ɔ o ɲanmiɛn su lɔ, lɔ yɛ ɔ ti i tranwlɛ’n niɔn.