NIAN SRAN OSU
LIKE SUANLƐ 7
Mian ɔ ɲin uka sran mun
Ndɛ cinnjin’n: “Be kle sran’m be like, yɛ be bo […] jasin fɛ’n. B’a yacimɛn i sɔ yolɛ.”—Sa Nga Be Yoli’n 5:42.
Like nga Pɔlu yoli’n
1. Nian VIDEO’N, annzɛ kanngan Sa Nga Be Yoli’n 19:8-10 nun. I sin’n, bu kosan nga’m be akunndan:
(1). ?Ngue yɛ ɔ kle kɛ Pɔlu jrannin kekle naan w’a yaciman jasin fɛ’n i bolɛ-ɔ?
(2). ?Pɔlu sɛli i sin ko kleli be ng’ɔ boli jasin fɛ’n kleli be’n be Biblu’n nun like kpɛ suman? ?Yɛ kɛ ɔ kɔ sɔ’n ɔ di blɛ nɲɛ?
?Ngue yɛ like nga Pɔlu yoli’n kle e-ɔ?
2. Ɔ fata kɛ e mian e ɲin naan y’a ko nian sran’m be osu naan kusu y’a bo be Biblu’n nun like klelɛ bo.
Sɔnnzɔn Pɔlu
3. Ko nian sran’n i osu blɛ ng’ɔ klo’n nun. Usa ɔ wun kɛ: ‘?Blɛ nin lika benin nun yɛ n kwla to i-ɔ? ?Blɛ benin nun yɛ ɔ kwla ɲɛn i ti-ɔ?’ Kannzɛ blɛ ng’ɔ kleli’n timan ɔ liɛ su’n sanngɛ mian ɔ ɲin ko niɛn i osu.
4. Se sran’n naan ɔ kle wɔ blɛ nga a kwla ko niɛn i osu’n. Blɛ kwlaa nga amun wie yalɛ koko’n, maan amun nuan sɛ blɛ nga á bɛ́ i osu nianlɛ ekun’n su. Mian ɔ ɲin naan di ndɛ nga a kannin’n su.
5. Nán ɔ sa sin bubu wɔ ndɛndɛ. Sɛ a toman sran kun i awlo titi annzɛ blɛ sunman’n i sa o junman nun’n, nán kpli se kɛ ndɛ nanwlɛ’n timɛn i cinnjin. (1 Kor. 13:4, 7) Sanngɛ mian ɔ ɲin niɛn osu titi. Sanngɛ i sɔ yolɛ nun’n fa ngwlɛlɛ nanti naan w’a saciman ɔ blɛ’n.—1 Kor. 9:26.