Periodiki’m be fa manlɛ

La Tour de Garde Zuɛn 1

“Wunnzue yilɛ nga be nian sran i awuliɛ cɛn’n su be yi’n, mɔ wie liɛ be klɛ i zronali nun’n, sran sunman lika be dun mmua nian be liɛ’n kwlaa naan sɛ bé fá ajalɛ wie ɔ b’a fa. ?A bu i kɛ nzraama’m be le ta ninnge nga é yó be’n, be su? [Maan sran’n tɛ kosan’n su.] Ng’ɔ yo fɛ’n yɛle kɛ Biblu’n kan nglo lɔ ninnge’m be su ndɛ.” [Kanngan 2 Famiɛn Mun 23:5 nun.] Fluwa nga kan wafa nga Biblu’n bu sa sɔ’m be ndɛ.” Fa ndɛ akpasua ng’ɔ bo i bo fluwa’n i bue 18 su kle i.

Réveillez-vous ! Zuɛn

“Blɛ sunman nun’n, be tua asɔnun sua wie’m be kalɛ naan b’a yo sran’m be batɛmu lɔ, annzɛ b’a yo be aja, annzɛ kusu b’a yo sɛ. ?A bu i kɛ i sɔ’n nin i fata? [Maan sran’n tɛ kosan’n su.] Tie afɔtuɛ nga Zezi fa mannin i sɔnnzɔnfuɛ mun. [Kanngan Matie 10:7, 8b nun.] Ɲanmiɛn junman nga be di man sran kun’n, sɛ Biblu’n waan ɔ fata kɛ sran sɔ’n tuɛ i kalɛ annzɛ nán ɔ tuɛ i kalɛ’n, fluwa nga kɛn i ndɛ.” Fa ndɛ akpasua ng’ɔ bo i bo fluwa’n i bue 22 su kle sran’n.

Sasafuɛ Tranwlɛ’n Zuɛn 1

“?Sa nga ti yɛ Ɲanmiɛn yaci sran mun lɛ mɔ be wun ɲrɛnnɛn’n, w’a fa usa ɔ wun le? [Maan sran’n tɛ kosan’n su.] Kosan kun mɔ sran kaka b’a usɛ i le’n, be nga be klɛli Biblu’n be nun kun usali wie. Sie wafa ng’ɔ fa kannin ndɛ’n, i nzɔliɛ. [Kanngan Jue Mun 10:1 nun.] Sa nga ti yɛ Ɲanmiɛn yaci sran’m be lɛ mɔ be fɛ, yɛ like ng’ɔ su yo naan ɲrɛnnɛn w’a wie sran’m be su’n, Biblu’n kɛn i ndɛ. Ndɛ sɔ’n wo fluwa nga nun.”

Réveillez-vous ! Zuɛn

“Kɛ be nian lika’n sa’n, be kwla se kɛ kɛ aliɛ kun sán mɔ uflɛ cɛ́n’n, sran’m be wla guaman ase.” ?A bu i sɛ? [Maan sran’n tɛ kosan’n su.] Sa nga ti yɛ sran sunman lika be wla guaman ase’n, sran kaka be waan be nun kun yɛ. [Kanngan 2 Timote 3:1 nun.] Kɛ e wla guaman ase’n, i tɛ ng’ɔ ti’n, fluwa nga kɛn i ndɛ. Kusu like nga e kwla yo naan e wla w’a gua ase’n, ɔ kɛn i ndɛ wie.”