?Wafa sɛ yɛ é fá fluwa Veuillez suivre l’intérêt (S-43) é dí junman ɔn?

Jasin fɛ’n bolɛ nun’n, sɛ e to sran kun m’ɔ kan aniɛn uflɛ’n annzɛ ɔ tranman e jasin fɛ’n bowlɛ nun’n, naan Ɲanmiɛn Ndɛ’n lo i’n, ɔ fata kɛ e klɛ i dunman fluwa Veuillez suivre l’intérêt i su. Laa’n, sɛ Ɲanmiɛn Ndɛ’n lo sran sɔ’n nin o, sɛ ɔ lomɛn i kpa o, e klɛ i dunman fluwa sɔ’n su. Sanngɛ siɛn’n, ɔ su yoman sɔ kun. Yɛle kɛ, sɛ sran sɔ’n kle kɛ Ɲanmiɛn Ndɛ’n lo i’n, yɛ ɔ fata kɛ e klɛ i dunman fluwa’n su ɔ. Sanngɛ, sutrefuɛ’m be liɛ’n, e kwla yo i kɛ laa’n sa. Yɛle kɛ, sɛ e to sran kun m’ɔ ti sutrefuɛ’n, kannzɛ Ɲanmiɛn Ndɛ lo i annzɛ ɔ lomɛn i kpa o, ɔ fata kɛ e klɛ i dunman fluwa Veuillez suivre l’intérêt i su.

?Kɛ e ko klɛklɛ fluwa’n su’n, ngue yɛ ɔ fata kɛ e yo ɔ? Ɔ fata kɛ e fa fluwa’n e man asɔnun’n i fluwa klɛfuɛ’n. Sɛ ɔ si asɔnun ng’ɔ fata kɛ ɔ ko nian sran sɔ’n i osu’n, ɔ kwla fa fluwa’n ko man asɔnun kpɛnngbɛn nga be o asɔnun’n sɔ’n nun’n naan b’a kwla uka sran sɔ’n. Sɛ ɔ siman asɔnun ng’ɔ́ fá fluwa’n kó mɛ́n i’n, maan ɔ ko fa man Betɛli lɔ.

Sɛ sran sɔ’n mɔ Ɲanmiɛn Ndɛ’n lo i’n, ɔ kan aniɛn uflɛ’n naan ɔ tran amun jasin fɛ’n bowlɛ’n nun’n, lele nin i kɛ jasin bofuɛ kun m’ɔ kan i aniɛn’n kó nían i osu’n, maan aniaan ng’ɔ klɛli i dunman’n ɔ ko niɛn i osu. Ɔ timɛn i ti’n, sran sɔ’n i ɲin kwla tu Ɲanmiɛn Ndɛ’n su.—Amun nian afuɛ 2009 Novamblu i Ɲanmiɛn Sielɛ Blɛ junman fluwa nun, i bue 4.