Wafa nga be kwla fa fluwa pɛplɛpɛ Message de la Bible di junman’n, i wun ajalɛ kun

Lika nga e bo jasin fɛ’n, i nun sran kpanngban be siman Biblu’n nun ndɛ’n. I li bɔbɔ be nga be timan Klistfuɛ’n be liɛ’n yɛ ɔ ti tɛ dan’n niɔn. Kɛ jasin fɛ’n bofuɛ wie’m be nin sran sɔ’m be nun kun bé súan fluwa Biblu’n kle i nun like’n, be fa fluwa pɛplɛpɛ Message de la Bible be di junman wie. Be fa fluwa sɔ’n uka like suanfuɛ’n naan w’a si Biblu’n nun ndɛ’n. Aniaan kun liɛ’n, kɛ ɔ nin like suanfuɛ’n bé súan fluwa Biblu’n kle’n i ndɛ tre 3 i nun like’n, ɔ fa fluwa pɛplɛpɛ’n i akpasua 1 ɔ fa suan like suanlɛ’n i bo. I sin’n, like suanlɛ kwlaa i awieliɛ’n su’n, ɔ fa fluwa pɛplɛpɛ’n i akpasua uflɛ naan b’a koko su yalɛ. ?Amun nin sran kun m’ɔ siman Biblu’n nun ndɛ’n kpa’n be su suan Biblu’n nun like? Sɛ ɔ ti sɔ’n, amun fa fluwa pɛplɛpɛ Message de la Bible be fa suan fluwa Biblu’n kle i nun ndɛ’n i bo, yɛ amun ukɛ i naan w’a suan ‘Nyanmiɛn Ndɛ nga be klɛli’n naan w’a si ngwlɛlɛ naan w’a nyɛn i ti.’—2 Tim. 3:15.