An sie i kpa
?Amun fa fluwa pɛplɛɛplɛ nga mun bo jasin fɛ’n?
La Bible — Quel est son message ?
Be nga be siman Biblu’n nun ndɛ’n i kpa’n mɔ be timan asɔnunfuɛ’n, be ti yɛ be yili ɔ
I fa manlɛ: “Ḿ má kánngan Ɲanmiɛn Ndɛ’n nun, naan wafa nga a bu ndɛ sɔ’n, n kunndɛ kɛ a bo su kle min. [Jue Mun 37:11 mɔ fluwa pɛplɛpɛ’n i akpasua 11 bo su’n, kanngan nun.] ?Kɛ ndɛ sɔ’n wá kpɛ́n su’n, wafa sɛ yɛ asiɛ’n wá káci ɔ? [Maan sran’n tɛ kosan’n su.] Kannzɛ sran’m be finwlɛ’n nin be Ɲanmiɛn sulɛ wafa’n ti sɛ’n, Biblu’n nun ndɛ mɔ be kwla fa cici be wla’n, be nun kun yɛ ɔ o lɛ.” Ndɛ kpɔlɛ ng’ɔ o fluwa’n i bue 3 su’n, i nglo lɔ lika liɛ nun’n, kanngan nun naan fa fluwa’n fa mɛn i.
An yo i kɛ nga sa be nian: Sɛ e kle sran kun m’ɔ timan Klistfuɛ’n i like fluwa Biblu’n kle i nun’n, mɔ kusu ɔ o Ɲanmiɛn sulɛ wafa uflɛ nun’n, kɛ é bó i like klelɛ kwlaa bo’n, annzɛ kɛ ɔ ko wie’n, e fa blɛ kan naan e fɛ i ɲin e sie i fluwa pɛplɛpɛ’n i akpasua kun su naan ɔ si Biblu’n nun ndɛ’n.
Anannganman nguan’n i atin’n — ?Amun a wun i?
Sran ble mɛn nun’n, be bu i kɛ be wu be o lɔ. Ɔ maan sran sɔ’m be ti yɛ be yili ɔ.
I fa manlɛ: “Sran ble mɛn’n nun wa’n, kɛ sran ko wu’n, sran kpanngban kpa be waan w’a ɔ ‘wunmiɛn’m’ be mɛn’n nun lɔ.” Ɔ maan, sran’m be lafi su kɛ, sɛ be awlobo’n taka kpa naan sɛ be ɲan be wun asiɛ’n su wa’n, ɔ fin be nannan’m be wunmiɛn mun. Sanngɛ sɛ b’a nianman wunmiɛn’m be lika’n annzɛ sɛ be wɔ be safle’n, tukpaciɛ, annzɛ kusu sika wun yalɛ dilɛ nin ɲrɛnnɛn sa’m be kwla tɔ be su. ?Yɛ wɔ li, a bu i sɛ? [Maan sran’n tɛ kosan’n su.] Kɛ e nannan Adam wuli’n, like ng’ɔ kacili’n, n waan ń fá Biblu’n naan e nian. [Kanngan Bo Bolɛ 3:19 nun.] Adam ti yɛ e kwlaa e wu ɔ. Ɔ maan be nga be wu’n, sɛ be kɔ lika wie o, sɛ be kaci like o, fluwa nga kɛn i ndɛ.
An yo i kɛ nga sa be nian: Sɛ awlofuɛ’n sɔ fluwa’n nun’n, amun kle i wafa nga be fa fluwa’n be suan Biblu’n nun like’n. I sɔ yolɛ nun’n, amun kwla fa like suanlɛ 4 i nun ndɛ wie annzɛ i wunmuan’n.
Amun kwla yo Ɲanmiɛn i janvuɛ!
Sran nga be siman fluwa kpa’n be ti yɛ be yili ɔ.
I fa manlɛ: “?A bu i kɛ klɔ sran kun sa kwla kaci Ɲanmiɛn i janvuɛ? [Maan sran’n tɛ kosan’n su. I sin’n, kanngan Zak 2:23 nun.] Abraamu kacili Ɲanmiɛn i janvuɛ. E kusu’n, kɛ i sa’n, e kwla kaci Ɲanmiɛn i janvuɛ wie. I sɔ ti yɛ be yili fluwa nga ɔ.”
An yo i kɛ nga sa be nian: Kpɛ klikli nga amun to sran’n, annzɛ kusu sɛ amun kɔ i osu nianlɛ’n, maan amun kle i wafa nga be suan Biblu’n nun like’n. I sɔ yolɛ nun’n, amun kwla fa like suanlɛ 1 i nun ndɛ wie annzɛ i wunmuan’n.
La vrai foi : le chemin qui mène au bonheur
Ɲanmiɛn flɛfuɛ nga sɛ be waan bé súan Biblu’n nun like’n, ɔ su yoman be su ndɛ’n, be ti yɛ be yili ɔ.
I fa manlɛ: Amun fa desɛn nga be o i bue 16-17 be su’n fa kle i naan amun se kɛ: “Ninnge nga e wun be desɛn nga su’n, ɔ nin wafa nga andɛ mɛn’n fa ti’n, be timan kun mlɔnmlɔn. ?Ɔ maan, a bu i kɛ cɛn wie lele’n, mɛn’n kwla yo kɛ nga sa? [Maan sran’n tɛ kosan’n su.] Maan e nian Ɲanmiɛn Ndɛ’n nun like nga Ɲanmiɛn wá yó mán e’n. [Biblu’n nun ndɛ mma nga be klɛli be lɛ’n, fa Biblu’n naan kanngan be nun kun nun.] Fluwa nga uka e maan e lafi su tankaan kpa kɛ ninnge nga be kannin be ndɛ lɛ’n, bé kpɛ́n su.”
An yo i kɛ nga sa be nian: Cɛn klikli nga e to sran’n, kɛ e ko wie yalɛ koko’n, kosan nga be o fluwa’n i sin su’n, e se i naan i bɔbɔ nian nun fa be nun kun. Kpɛkun cɛn uflɛ nga é fá fluwa’n é tɛ́ kosan sɔ’n su’n, maan e nuan sɛ su.
Cinq questions à se posser sur l’origine de la vie
Suklu ba nga be ti Klistfuɛ’n, mɔ be kle be kɛ sran fin ndo’n, be ti yɛ be yili ɔ. Be nga be bu i kɛ Ɲanmiɛn nunman lɛ’n, annzɛ kusu sɛ ɔ o lɛ o, sɛ ɔ nunman lɛ o, be kwlá kpɛmɛn i bo’n, ɔ nin be nga be waan sran fin ndo’n, kɛ e nin bé kókó yalɛ’n, fluwa’n kwla uka e wie. (Ɔ timan awloawlo’m be nun jasin fɛ’n bolɛ’n liɛ.)
Sɛ e nin sran nga ɔ bu i kɛ Ɲanmiɛn nunman lɛ’n, annzɛ sran nga ɔ bu i kɛ sran fin ndo’n é kókó yalɛ’n, wafa nga e kwla fa fluwa’n e di junman’n: “Sa sifuɛ dandan’m be fluwa’m be nun’n, be waan sran fin ndo. ?A bu i kɛ ndɛ ngbɛn sa yɛ be kan annzɛ sa’m be kle kɛ ɔ ti nanwlɛ? [Maan sran’n tɛ kosan’n su.] Ndɛ kɛ nga sa’n, sɛ e waan é wún i nanwlɛ’n, ɔ fata kɛ e kpajakpaja nun kpa. Ninnge nga sran kpanngban be fali be ɲin sieli su’n, ɔ maan be wunnin i kɛ Ɲanmiɛn o lɛ sakpa’n, fluwa nga kan wie’m be ndɛ.”
An yo i kɛ nga sa be nian: Be nga be kɔ suklu’n, maan be fa fluwa’n fa sie i be tabli’n su lɛ, sɛ suklu ba wie wá kpɛ́ i kannglɛ o.
La paix et le bonheur durables : comment les trouver
Sinua’m be ti yɛ be yili ɔ
I fa manlɛ: “Andɛ’n, mɛn’n w’a kete, i ti’n, alaje’n kwla mlinmlin e wun. ?Kɛ sa o amun su’n, ngue yɛ ɔ uka amun mɔ maan amun di alaje ɔ? [Maan sran’n tɛ kosan’n su.] Kɛ sran wie’m be fali Biblu’n nun afɔtuɛ’m be su’n, be dili aklunjuɛ. [Kanngan Jue Mun 119:1, 2 nun.] Wie’m be waan Biblu’n ti blɔfuɛ nin Amlɛnkɛn’m be liɛ ti’n, be nianman nun. Sanngɛ, nian ndɛ ng’ɔ o fluwa nga nun’n. [Amun nian ndɛ kpɔlɛ 16, i bue 17 nun.] Wafa nga e kwla di alaje kpafuɛ’n, fluwa nga kɛn i ndɛ.”
An yo i kɛ nga sa be nian: Sɛ sran’n sɔ fluwa’n nun’n, an kanngan i nun ndɛ kpɔlɛ 18, i bue 17, ndɛ ɲanman klikli nsan be nun. I sin’n, an se sran’n kɛ: “Cɛn uflɛ’n, ḿ má klé wɔ like nga m’ɔ o e ɲrun lɔ’n mɔ é ɲɛ́n i’n.” Kɛ amún sá amun sin’n, amun nian ndɛ kpɔlɛ 6, i bue 30 nun naan amun fɛ i ɲin sie i i nun ndɛ cinnjin’m be nun kun su.