?Sɛ tukpaciɛ tɔ e su kekle kpa’n, are yolɛ wafa nga é kplín su’n, y’a bu i akunndan?

Kɛ e o lɛ sa’n, tukpaciɛ kekle wie kwla tɔ e su, ɔ fu e nun. (Zak 4:14) Sanngɛ sran ng’ɔ ti ngwlɛlɛfuɛ’n, ɔ buɛbuɛ i wun sie. (Nya. 22:3) ?Ɔ maan, are yolɛ wafa nga sɛ tukpaciɛ kekle tɔ amun su’n, amún kplín su kɛ be fa yo amun’n, amun a dun mmua bu i akunndan? ?Yɛ ajalɛ kwlaa nga amún fá’n, amun a klɛ i fluwa DPA su? I sɔ yolɛ nun’n, be yili flimu kun m’ɔ kwla uka amun ɔn. Be flɛ i kɛ Soigner sans transfuser — Besoins et droits du patient. Flimu sɔ’n o DVD nga be flɛ i Des alternatives à la transfusion — Documentaires su. Kɛ amún nían’n, wafa nga amun kwla tɛ kosan nga be o ja ngua lɛ’n be su’n, maan amun bu i akunndan. Flimu’n nun’n, be kle sran mɔ be su kpaci be nun ɔn. I sɔ’n ti’n, sɛ amun waan amun nin be mma’m bé nían’n, maan amun bu i akunndan.

(1) ?Ngue ti yɛ dɔɔtrɔ wie’m be wa wunnin i kɛ sran’m be kplo’n nun mmoja wlalɛ’n timan kpa kun ɔn? (2) Flimu’n nun’n, be kleli sran wie mɔ be nun kpacilɛ w’a yoman pɔpɔ dɔɔtrɔ’m be sa nun, sanngɛ i yolɛ nun’n, b’a wlaman be nun mmoja. Amun bobo sran nun kpacilɛ sɔ’n be nun nsan su. (3) Mɛn’n nun dɔɔtrɔfuɛ wie’m be kplinnin su kɛ sran’m be are yolɛ nin be nun kpacilɛ’n nun’n, be su wlaman be nun mmoja. ?Ngue ti yɛ be fɛli i sɔ ajalɛ’n niɔn? (4) ?Mmoja mɔ be fa wla sran’m be nun dɔɔtrɔ wie’m be nun’n, kɛ dɔɔtrɔfuɛ wie’m be nianniannin nun kpa’n, ngue yɛ be sieli i nzɔliɛ ɔ? (5) ?Ngue ti yɛ mmoja mɔ be fa wla tukpacifuɛ’m be kplo nun’n, ɔ yoman be ye ɔ? (6) ?Kɛ dɔɔtrɔ wie’m b’a faman mmoja mɔ be yoli sran’m be are wafa uflɛ, mɔ i bo’n guali kpa’n, ngue ndɛ yɛ be kannin ɔn? (7) ?Ngue yɛ ɔ yo mɔ mmoja wie sran nun ɔn? ?Ngue yɛ be kwla yo naan i mmoja’n w’a sin i osu ɔ? (8) ?Ngue yɛ be kwla yo naan sran kun i mmoja’n nun ninnge kanngan nga be flɛ be globules rouges b’a ba nun ɔn? (9) ?Kɛ bé kpáci sran kun nun’n, ngue yɛ be yo naan i mmoja’n w’a sonjiman dan ɔn? (10) ?Sɛ be faman mmoja naan be fa are wafa uflɛ be fa yo ba kanngan mun annzɛ sran nga be o wie nuan’n, i sɔ’n kwla yo be kpa? (11) ?Dɔɔtrɔ’m be mmla benin yɛ ɔ ti mɔ be di su sran’m be are yolɛ nun naan b’a kle kɛ be bu be wie yɛ be yoli be are kɛ ɔ nin i fata’n sa ɔ?

Are yolɛ’n wafa wie’m be o lɛ mɔ be kannin be ndɛ flimu’n nun’n, sran kun kwla kplin su sanngɛ i wiengu su kplinman su. I sɔ ti’n, nán e minndɛ lele naan tukpaciɛ tɔ e su kekle naan y’a bu are nga e klo kɛ be fa yo e’n i akunndan. Sɛ an klo kɛ amún wún ndɛ sɔ’n i ɲrun nin i sin kpa’n, an nian fluwa ‘Ɲanmiɛn klo e’n’ i ndɛ tre 7 nun. Biblu’n i akua nga be kannin be ndɛ lɔ’n, amun nian be nun wie. Asa ekun’n, an nian afuɛ nga be flɛ i 2006, Novamblu Ɲanmiɛn Sielɛ Blɛ junman fluwa’n, i afiɛn fluwa’n nun. I sin’n, ajalɛ kwlaa nga amún fá be’n, maan amun mɔ b’a yo amun batɛmu’n, amun klɛklɛ be amun fluwa DPA su. Yɛ kan kwlaa nga amún kɔ́’n, maan ɔ tran amun bo.

[Ndɛ kwle, bue 3]

?Are yolɛ wafa nga sɛ tukpaciɛ kekle tɔ amun su’n, amún kplín su kɛ be fa yo amun’n, amun a dun mmua bu i akunndan? ?Yɛ, amun a klɛ i fluwa DPA su?