Be fa Ɲanmiɛn Ndɛ’n be kle like
1. ?Akpasua kun aɲia nga é yó i Ɲanmiɛn junman dilɛ afuɛ 2014 nun’n i flɛlɛ’n yɛle benin? ?Yɛ kosan benin mun yɛ é wá tíe be su tɛlɛ’n aɲia sɔ’n i bo ɔ?
1 Mɛn wunmuan’n nun’n, Zoova m’ɔ ti e Like Klefuɛ Dan’n yɛ ɔ si like kle tra sran kwlaa ɔ. (Eza. 30:20, 21) ?Sanngɛ wafa sɛ yɛ Zoova kle e like ɔ? Ɔ mannin e fluwa kun mɔ fluwa uflɛ fi tomɛn i ɔ. Fluwa sɔ mɔ i Ndɛ’n o nun’n, yɛle Biblu’n. ?Ɔ maan, wafa sɛ yɛ like nga Zoova kle e’n kwla yo naan y’a yo e wun yɛinyɛin ɔn? ?Wafa sɛ yɛ ɔ kwla yo naan e akunndan’n w’a yo sanwun ɔn? ?Wafa sɛ yɛ ɔ kwla yo naan e wun w’a kpaja e ɔ? ?Yɛ wafa sɛ yɛ ɔ kwla yo naan y’a yo sanwun Ɲanmiɛn ninnge’m be nun ɔn? Akpasua kun aɲia’n nga é yó i Ɲanmiɛn junman dilɛ afuɛ 2014 nun’n i bo lɔ’n, é wá tíe kosan sɔ’m be su tɛlɛ’n. Aɲia sɔ’n i flɛlɛ’n yɛ: “Be fa Ɲanmiɛn Ndɛ’n be kle like.” Ɔ taka 2 Timote 3:16 su.
2. ?Kosan benin mun yɛ aɲia’n i nun ndɛ cinnjin’m bé táka su ɔ?
2 Aɲia’n i nun ndɛ cinnjin mun: Aɲia’n i nun ndɛ cinnjin’m be taka kosan yɛ’m be su:
• ?Kɛ Ɲanmiɛn kle e like’n, wafa sɛ yɛ ɔ ɲan ta e su ɔ? (Eza. 48:17, 18)
• ?Sɛ e kunndɛ kɛ é fá ajalɛ wie mun naan y’a fa e wun y’a wlɛ i blɛ kwlaa nun Ɲanmiɛn junman dilɛ nun’n, ngue yɛ e kwla lafi su ɔ? (Mal. 3:10)
• ?Sɛ sran wie kunndɛ kɛ ɔ́ fá e ɲin síe i ‘like wafawafa nga sran’m be kle’n’ su’n, ngue yɛ ɔ fata kɛ e yo ɔ? (Ebr. 13:9)
• ?Wafa sɛ yɛ e kwla si like kle kɛ Zezi sa ɔ? (Mat. 7:28, 29)
• ?Be nga be kle like asɔnun’n nun’n, ngue ti yɛ ɔ fata kɛ be kle be bɔbɔ be wun like wie ɔ? (Rɔm. 2:21)
• ?Ɲanmiɛn Ndɛ’n uka e naan y’a yo ngue? (2 Tim. 3:16)
• ?Kɛ Zoova “keje” nvlenvle’m be nun’n, i bo’n gua sɛ? (Aze 2:6, 7)
• ?Ngue yɛ Zoova lafi su kɛ e kwla yo ɔ? (Efɛ. 5:1)
• ?Ngue ti yɛ ɔ fata kɛ e mian e ɲin naan e fa like nga Zoova kle e’n su titi ɔ? (Lik 13:24)
3. ?Ngue ti yɛ ɔ ti cinnjin kɛ e tran e akpasua kun aɲia’n i bo naan e fa e ɲin sie su ɔ?
3 Ka naan Pɔlu w’a kan ndɛ nga aɲia’n i flɛlɛ’n taka su’n, ɔ kannin sa kekle nga bé klé kɛ e o mɛn’n i bue nuan’n be ndɛ. Sa sɔ’m be o 2 Timote ndɛ tre 3 nun. Pɔlu seli kɛ: “Sran nga be klun yo wi bɔ be ti gblɛfuɛ’n, be sa tɛ nga be yo’n i tɛ’n ɔ́ trá laa liɛ’n, bé láka sran mun yɛ bé láka be bɔbɔ be wun.” (2 Tim. 3:13) Kɛ ɔ ko yo naan b’a lakaman e’n, ɔ ti cinnjin kpa kɛ e fa e ɲin sie i like nga Ɲanmiɛn kle e’n su, kpɛkun maan e nanti su. I sɔ’n ti’n, maan e fua kpa kɛ é trán e akpasua kun aɲia m’ɔ́ wá úka e i sɔ yolɛ nun’n i bo naan é fá e ɲin síe su kpa.