Ajalɛ nga e kwla fa’n

E bo Biblu’n nun like klelɛ bo Ɔktɔblu i Fue cɛn klikli’n nun

“E bali amun osu nianlɛ kan. Be nga e nin be koko yalɛ’n be waan ninnge nga be boli be wla kpa’n be nun kun yɛle be awlɛn su sran wie m’ɔ wuli’n. ?I sɔ sa’n w’a ju ɔ su le? [Maan sran’n tɛ kosan’n su.] Ndɛ nga be klɛli i wa’n, ɔ wla fanngan kpa.” Fa ndɛ ng’ɔ o Ɔktɔblu 1 Sasafuɛ Tranwlɛ’n i sin bui’n su’n kle sran’n naan amun koko ndɛ ng’ɔ o kosan klikli’n i bo lɛ’n i su yalɛ. Biblu’n nun ndɛ mma nga be klɛ lɛ’n, an kanngan be nun wie mun annzɛ kun nun. I sin’n, fa periodiki mun man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Ɔktɔblu 1

“E su wla sran’m be fanngan kɛ be kanngan Biblu’n nun. Sran wie’m be klo Biblu’n nun ndɛ’n. Sanngɛ wie’m be klomɛn i mlɔnmlɔn. ?Yɛ ɔ li? [Maan sran’n tɛ kosan’n su.] Nian ndɛ cinnjin yɛ’n mɔ Biblu’n kan’n. [Kanngan 1 Tɛsalonikfuɛ Mun 2:13 nun.] Nanwlɛ, sɛ Biblu’n fin Ɲanmiɛn sakpa’n, nn ɔ fata kɛ e kanngan nun. ?Nɛ́n i ɔ? Fluwa nga kan Biblu’n i ndɛ. Kpɛkun ɔ kan sa nga ti yɛ ɔ fata kɛ e kanngan nun’n i ndɛ.”

Réveillez-vous ! Octobre

“Nán aɲinsa ɔ. N kunndɛ kɛ ń úsa ɔ ngwlɛlɛ afɛ. ?Ɔ klun’n, sɛ sran kun leman like kpanngban’n ɔ kwla di aklunjuɛ? [Maan sran’n tɛ kosan’n su.] Nian ndɛ nga Biblu’n kɛn i wa’n. [Kanngan 1 Timote 6:8 nun.] Fluwa nga uka e naan y’a wun akunndan ng’ɔ fata kɛ e bu i aɲanbeun ninnge’m be su’n. Asa ekun’n, ɔ kan like cinnjin nsan mɔ sika kwlá toman’n, be ndɛ.”