ƐNTƐNƐTI SU FLUWA SIEWLƐ Watchtower

ƐNTƐNƐTI SU FLUWA SIEWLƐ

mwb16 Avrili b. 3
Maan e nuan nun ndɛ’m be wla sran fanngan

Klistfuɛ mun nin be junman’n—Aɲia Fluwa—2016

mwb16 Avrili b. 3

ƝANMIƐN NDƐ NUN NINNGE KPAKPA WIE MUN | ZƆB 16-20

Maan e nuan nun ndɛ’m be wla sran fanngan

Sran ng’ɔ man afɔtuɛ’n, ɔ fata kɛ i nuan nun ndɛ’m be wla sran fanngan

Zɔbu i wla boli i wun. I ti’n, ɔ fata kɛ be suɛn i bo yɛ be wlɛ i fanngan.
Zɔbu i janvuɛ nsan’m b’a kanman fɔnvɔlɛ ndɛ fi b’a klemɛn i. Nga be yoli’n, yɛle i suɛn tɔnlɛ nin i afɛ’n i su ukalɛ.

Bildadi i ndɛ tɛtɛ ng’ɔ kannin be’n ti’n, Zɔbu i wla boli i wun dan

Zɔbu kpan flɛli Ɲanmiɛn kɛ ɔ de i. Ɔ kpan flɛli wie’n bɔbɔ.
Zɔbu fɛli i wla guɛli i sran cɛnlɛ’n su yɛ ɔ jrannin kekle.

Elifazi su kan ndɛ kle Zɔbu. Bildadi nin Zɔfar be su niɛn i

ZƆBU I SUƐN TƆNFUƐ MUN

Elifazi:

Atrɛkpa, ɔ fin Teman. Edɔmu lɔ klɔ kun ɔn. Zeremi 49:7 waan Teman lɔ yɛ Edɔmufuɛ’m be ngwlɛlɛ sifuɛ’m be fin ɔn.
Atrɛkpa’n, Zɔbu i fɔnvɔfuɛ’m be nun kaklaka’n niɔn. Ɔ le kwlalɛ kpa. I yɛ ɔ dun mmua ijɔli ɔ. Ɔ ijɔli dan trɛli i wiengu mun. Ɔ ijɔli kpɛ nsan.

Ndɛ tɛtɛ ng’ɔ kannin’n:

I waan Zɔbu su kle i wun yalɛ naan Ɲanmiɛn lafimɛn i sufuɛ’m be su. (Zɔb 4, 5)
I waan Zɔbu tu i wun, i klun yo wi naan ɔ sroman Ɲanmiɛn. (Zɔb 15)
I waan sran fi kwlá yoman like kpa kun sa manman Ɲanmiɛn, naan Zɔbu ti aɲinkplifuɛ, ɔ yoman sa i nuan su. (Zɔb 22)

Bildadi:

Ɔ ti Sua i afinliɛ nunfuɛ. Atrɛkpa ɔ trannin Efrati nzue’n i nuan lɛ.
I yɛ ɔ ti sran nɲɔn su m’ɔ ijɔli’n niɔn. Ɔ ijɔli kpɛ nsan, w’a ijɔman kaka kɛ Elifazi sa. Sanngɛ i ndɛ’m be yo ya tra Elifazi liɛ’n.

Ndɛ tɛtɛ ng’ɔ kannin’n:

I waan Zɔbu i mma’m be yoli sa tɛ naan wulɛ nga be wuli’n, ɔ ti su, naan Zɔbu kacili i sin sili Ɲanmiɛn. (Zɔb 8)
I waan Zɔbu ti sa tɛ yofuɛ. (Zɔb 18)
I waan sran’m be seiin nantilɛ’n ti ngbɛn Ɲanmiɛn ɲrun. (Zɔb 25)

Zɔfar:

Ɔ fin Naama. Atrɛkpa’n, ɔ o Arabi lɔ wia atɔliɛ’n i nglo lɔ lika’n nun.
I yɛ ɔ ti sran nsan su m’ɔ ijɔli’n niɔn. Ɔ kannin ndɛ tɛtɛ trali be ngba. Ɔ ijɔli kpɛ nɲɔn cɛ.

Ndɛ tɛtɛ ng’ɔ kannin’n:

I waan Zɔbu ijɔ beblebe naan ɔ wlɛ i nzuɛn tɛ’n i ase. (Zɔb 11)
I waan Zɔbu i klun yo wi naan ɔ klo sa tɛ yolɛ. (Zɔb 20)