?Zezi yɛ ɔ ti Ɲanmiɛn Kpli’n niɔn?

Ndɛ nga Biblu’n kan’n

Zezi i ɲrun tanndanfuɛ’m be tɔnnin i suɛn kɛ i waan ɔ nin Ɲanmiɛn be sɛ. (Zan 5:18; 10:30-33) Sanngɛ Zezi w’a seman le kɛ ɔ nin Ɲanmiɛn Kpli be sɛ. I kpa bɔbɔ’n, ɔ seli kɛ: “Siɛ’n ti dan tra min.”—Zan 14:28.

Zezi i sɔnnzɔnfuɛ klikli’m b’a bumɛn i kɛ Zezi yɛ ɔ ti Ɲanmiɛn Kpli’n niɔn. Akoto Pɔlu klɛli i kɛ, kɛ Zezi cɛnnin nguan’n, Ɲanmiɛn “mɛnnin i kɔmin su trali laa’n.” Ndɛ sɔ’n kle kɛ Pɔlu w’a bumɛn i kɛ Zezi yɛ ɔ ti Ɲanmiɛn Kpli’n niɔn. ?Afin sɛ ɔ ti kɛ Zezi yɛ ɔ ti Ɲanmiɛn Kpli sa’n, nn Ɲanmiɛn mɛ́n i kɔmin su wafa sɛ?—Filipufuɛ Mun 2:9.