Be nga be si aunnvuɛ’n be liɛ su ti ye!

1. Aunnvuɛ sifuɛ’m be liɛ su o!

Ɲanmiɛn i ɲrun’n be yo ɲɛnmɛn.

Be se sa kpa klofuɛ mun kɛ

Ɲanmiɛn klo aunnvuɛ sifuɛ mun.

Zezi ti’n Ɲanmiɛn si aunnvuɛ,

I maan Zezi kpɔli e ti.

Ɲanmiɛn si wɛtɛɛfuɛ aunnvuɛ

Afin ɔ si kɛ e ti fa.

2. Aunnvuɛ sifuɛ’m be liɛ su o!

Be yaci be sa tɛ’n cɛ be.

Be liɛ su, be si be aunnvuɛ.

Klist ɔli Ɲanmiɛn wun lɔ’n ti.

E si aunnvuɛ sɔ’n lika kwlaa,

I ti e bo jasin fɛ’n kpa.

E se sran kɛ maan i klun jɔ,

Ɲanmiɛn Sielɛ’n Blɛ’n o lɛ’n ti.

3. Kɛ Zoova dí sran’m be jɔlɛ’n,

Wɛtɛɛfuɛ’m bé wún k’ɔ klo be.

Bé sí i sran aunnvuɛ silɛ’n,

Afin be si sran aunnvuɛ wie.

Ɔ maan e mian e ɲin kpa naan

I sɔ yolɛ’n kaci e nzuɛn.

Ɲanmiɛn nin Klist be kle e mmla’n.

I ti’n, e nanti su titi.