A NIN SRAN BO YALƐ KOKOLƐ BO
LIKE SUANLƐ 5
Maan ndɛ nga a kan’n yo fɛ
Ndɛ cinnjin’n: “Maan ndɛ ng’ɔ fin amun nuan fite’n, ɔ yo fɛ.”—Kol. 4:6.
Like nga Pɔlu yoli’n
1. Nian VIDEO’N, annzɛ kanngan Sa Nga Be Yoli’n 17:22, 23 nun. I sin’n, bu kosan nga’m be akunndan:
(1). ?Kɛ Pɔlu wunnin amuin nga Atɛninfuɛ’m be sɔ be’n, wafa sɛ yɛ i wun yoli i-ɔ?—Nian Sa Nga Be Yoli’n 17:16 nun.
(2). ?Wafa sɛ yɛ Pɔlu fali ngwlɛlɛ boli jasin fɛ’n niɔn?
?Ngue yɛ like nga Pɔlu yoli’n kle e-ɔ?
2. Sɛ e bu ndɛ’n nga é kán’n nin wafa nga é kán ndɛ sɔ’n be akunndan kpa’n, yɛ sɛ e kan ndɛ sɔ’n blɛ ng’ɔ nin i fata’n nun’n i tielɛ’n yó sran’m be fɛ.
Sɔnnzɔn Pɔlu
3. Bu ndɛ nga á kán’n i sin kpa. Sɛ a nin sran kun m’ɔ kɔman asɔnun’n amun su koko yalɛ’n naan ɔ waan á kán Biblu’n annzɛ Zezi i ndɛ klé i’n nian ɔ wun su.
4. Nán kpli se kɛ ndɛ nga sran’n kannin’n timan su. Yaci sran’n nun maan ɔ kɛn i klun ndɛ. Sɛ ɔ kan ndɛ naan ɔ nin nga Biblu’n kan’n be sansan be wun’n, nán a nin i be si akplowa. (Zak. 1:19) Sɛ a sie ɔ su i nuan bo’n, á sí like nga sran’n lafi su’n nin like nga ti yɛ ɔ lafi su’n.—Ɲan. 20:5.
5. A nin sran’n amun ti amun wun aniɛn yɛ sɛ ɔ nin i fata’n yo i mo. Sran’n kwla bu i kɛ like nga be kle be be Ɲanmiɛn sulɛ wafa’n nun lɔ’n ɔ ti su. Kɛ a nin sran’n bé kókó yalɛ’n, kan ndɛ nga amun nɲɔn’n amun nuan kwla sɛ su’n. Kpɛkun ukɛ i blɛblɛblɛ naan ɔ wun like nga Biblu’n kle’n i wlɛ.