Ajalɛ nga e kwla fa’n

E bo sran’m be Biblu’n nun like klelɛ bo, Marsi i Fue cɛn klikli’n nun

“?A bu i kɛ andɛ’n, Ɲanmiɛn nin sran’m be ngunminngunmin yɛ be nanti annzɛ kusu ɔ le i anuannzɛ kun mɔ saan é wlú nun naan e nin i y’a nanti ɔ? [Maan sran’n tɛ kosan’n su.] I afuɛ kpanngban yɛ, Ɲanmiɛn fali sran wie mun kɛ be yo i liɛ. Ndɛ nga fluwa nga kɛn i sran sɔ’m be su’n, maan e fa e ɲin sie su e nian.” Fa Fevrie 1 Sasafuɛ Tranwlɛ’n liɛ’n naan fɛ i bue 30. I sin’n, ndɛ ng’ɔ o ndɛ ce klikli’n i bo lɛ’n, maan amun koko su yalɛ naan amun kanngan Biblu’n nun ndɛ mma kun nun. Kpɛkun fa Sasafuɛ Tranwlɛ’n nin Réveillez-vous ! man sran’n yɛ cɛn nga amún kókó kosan uflɛ ng’ɔ su i su’n i su yalɛ’n, maan amun nuan sɛ su.

Sasafuɛ Tranwlɛ’n Marsi 1

“Le nɲɔn nun’n, Armagedɔn ndɛ’n yɛ ɔ o sran’m be nuan nun ɔn. ?A bu i kɛ klɔ sran’m be kwla yo like kun naan Armagedɔn sɔ w’a yoman? [Maan sran’n tɛ kosan’n su.] Maan n kle wɔ like nga be flɛ i ‘Armagedɔn’n.’ [Kanngan Sa Nglo Yilɛ 16:16 nun. Kpɛkun fa fluwa’n i bue klikli’n kle sran’n.] Wafa nga Biblu’n tɛ kosan nga’m be su’n, ɔ o fluwa nga nun.”

Réveillez-vous ! Mars

“Andɛ’n, e nin e wiengu mun e koko sa kun mɔ w’a ju su’n, i su yalɛ. E wun i kɛ le nɲɔn nun’n, sran’m be ya falɛ’n finman wa juman wa. Awlɛn tralɛ sa’n, w’a yo kekle w’a man sran mun. ?Kɛ a niɛn i sa’n, ngue ti yɛ be yo sɔ ɔ? [Maan sran’n tɛ kosan’n su.] Ndɛ nga Biblu’n kɛn i ya falɛ’n su’n yɛ. [Kanngan Jue Mun 37:8 nun.] Fluwa nga nun’n, be kannin sa nga ti yɛ ya falɛ’n w’a kaci sran’m be nzuɛn’n i ndɛ. Yɛ ninnge nga sran kun kwla yo naan w’a si i awlɛn tra’n, ɔ kɛn i ndɛ wie.”