Iskedyul sa Pagtiripon sa Paglilingkod
Semana nin Disyembre 10
10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na To the Ends of the Earth bilang pag-andam para sa pag-orolay sa Pagtiripon sa Paglilingkod sa semana nin Disyembre 24.
12 min: Lokal na mga pangangaipo.
23 min: “Igwa Kita nin Sarong Bagong Kasangkapan Para sa Pagpoon nin mga Pag-adal!” Pakikipag-olay sa mga nagdadangog na pangengenotan kan paraataman sa paglilingkod. Iiba an duwang demonstrasyon, na ginagamit an mga suhestion sa kahon na “Kun Ano an Sasabihon Manongod sa mga Magasin.” An sarong parahayag iinaatubang an Disyembre 15 Torrengbantayan, asin an saro pa iinaatubang an Disyembre 22 na Awake! Sa kada kamugtakan, makonklusyon an parahayag paagi sa pagtao kan pulyetong Ano Gusto Nindong Makaaram Pa nin Orog Manongod sa Biblia? sa kagharong—sa saro na dai nag-ako kan mga magasin asin sa saro na nag-ako kaiyan. Enkaminaron an gabos na itao an bagong pulyeto sa gabos na nanonompongan ninda sa ministeryo oras na umabot an suplay sa kongregasyon.
Kanta 222 asin pantapos na pamibi.
Semana nin Disyembre 17
10 min: Lokal na mga paisi. Report sa kuenta. Itao an espesyal na mga areglo sa paglilingkod sa langtad sa Disyembre 25 asin Enero 1.
22 min: “Gamiton an Tataramon nin Dios sa Tamang Paagi.”a Iiba an sarong demonstrasyon kan pag-atubang na nasa parapo 4. Siring man, idemonstrar an sarong epektibong pag-atubang na ginamit na sa lokal sa pagparigon kan boot o pagranga sa mga tawo na napupurisaw huli kan mga kamugtakan sa kinaban sa presente. Puedeng magsaysay nin sarong halipot na eksperyensia.
13 min: ‘May Sadiri Kamong Biblia.’ Pakikipag-olay sa mga nagdadangog basado sa librong Reasoning, pahina 279-80 (p. 256-7 sa Tagalog). Kun an mga tawo nagduduwaduwang maghinanyog huli ta New World Translation an ginagamit niato, ano an puede niatong sabihon? Iareglo nin patienot na isaysay nin mga parahayag sa sadiri nindang mga tataramon an isinuherir na mga simbag.
Kanta 225 asin pantapos na pamibi.
Semana nin Disyembre 24
10 min: Lokal na mga paisi. Ginagamit an mga suhestion sa pahina 8, idemonstrar an duwang halipot na pag-atubang nin mga magasin, an saro ginagamit an Enero 1 Torrengbantayan asin an saro pa ginagamit an Enero 8 Awake!
10 min: “An Teokratikong Paadalan sa Pagmiministro Para sa 2002.” Pahayag kan paraataman sa paadalan. Enkaminaron an gabos na magin mahigos sa pag-otob kan saindang mga asignasyon.
25 min: “Paghuhulit—Sagkod sa mga Kasagkodan kan Daga.” Pakikipag-olay sa mga nagdadangog. (Pasabot: Sa mga kongregasyon na mayo kan video na ini, puedeng itao imbes an pahayag na “Young People Ask, ‘What’s So Bad About Gossip?,’” basado sa Pebrero 22, 1999 Awake!, pahina 17-19.) Sa Pebrero rerepasohon niato an video na Noah—He Walked With God.
Kanta 24 asin pantapos na pamibi.
Semana nin Disyembre 31
10 min: Lokal na mga paisi.
15 min: Itao sa Kamagurangan an Konsiderasyon na Maninigo sa Sainda. Pinag-oolayan nin duwa o tolong ministeryal na lingkod an Hunyo 1, 1999 Torrengbantayan, pahina 18-19. Kinokomentohan ninda an manongod sa dakol na obligasyon na dapat asikasohon nin kamagurangan, kabale an sekular na trabaho, mga paninimbagan sa pamilya, asin teokratikong mga asignasyon. Konsideraron an mga paagi na an gabos makaparirigon kan boot ninda, makapagigian kan pasan ninda, asin makasusunod sa paggiya ninda. Minaoyon an mga lingkod na iyan na an kamagurangan nagsasagibo nin mahalagang paglilingkod asin maninigo sa “orog kisa ekstraordinaryong konsiderasyon.”—1 Tes. 5:12, 13.
20 min: “Mga Bendisyon Gikan sa Pagpaheling nin Apresasyon sa Pagkamoot ni Jehova—Kabtang 2.”b Kun tinotokar an parapo 2-6, imbitaran an kongregasyon na isaysay an mga eksperyensia ninda sa pagtao nin mga tataramon nin pagranga asin paglaom sa mga nagmomondo nin makuri o nahahadit huli kan dai pa sana nahahaloy na kalamidad asin mga resulta kaiyan.
Kanta 219 asin pantapos na pamibi.
Semana nin Enero 7
10 min: Lokal na mga paisi.
20 min: Gamiton sa Pinakamarahay an Saindong Buhay. Pinag-oolayan kan mga miembro nin pamilya an Agosto 15, 1998 Torrengbantayan, pahina 8-9. Rinerepaso ninda an konseho sa Kasuratan sa artikulo na nagpapaheling kun paano masesegurado an saindang kaogmahan, na nagkokonsentrar sa pangangaipo nin pakamansay, kapakipakinabang na mga prioridad, asin pagtitiwala ki Jehova. Sinasabi ninda an praktikal na mga pagliliwat na puede nindang gibohon bilang sarong pamilya.
15 min: Sarong Maingat na Pagriparo sa Satong Kingdom Hall. Pahayag nin sarong magurang sa kongregasyon. Mangnohon an kamugtakan kan Kingdom Hall. Anong mga plano an ginigibo para sa pankagabsan na paglinig bago an Memorial? Anong mga paghirahay an kaipuhan na magibo bago kaiyan? Ipaliwanag kun paano makakatabang an kongregasyon. Idoon an pangangaipo na seguradohon na an satong lugar nin pagsamba nagpapabanaag kan kagayonan asin dignidad na iinaasosyar niato sa harong ni Jehova.—Sal. 84:1.
Kanta 126 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.