Iskedyul sa Pagtiripon sa Paglilingkod

Semana nin Agosto 12

Kanta 76

13 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Agosto 15 Torrengbantayan asin an Agosto 22 na Awake! Sa kada kamugtakan, ipaheling an magkalaen na paagi nin pagsimbag sa habong makipag-olay na nagsasabing “Taano kamo ta parateng marhay na nagsosongko?”​​—Helingon an librong Reasoning, pahina 20.

20 min: “Magbugtak nin Espirituwal na mga Pasohan.”a Kun pinag-oolayan an parapo 5, iiba an nakamomotibar na mga komento manongod sa pagregular payunir asin pagmimisyonero patin paglilingkod sa Bethel hale sa librong Our Ministry, pahina 114-​16.

12 min: Lokal na mga eksperyensia. Imbitaran an kongregasyon na magsaysay nin mga eksperyensia ninda sa paggamit kan pulyetong Ano Gusto Nindong Makaaram Pa nin Orog Manongod sa Biblia? May naponan daw na mga pag-adal sa Biblia? Kun igwa, ipaliwanag kun paano o isaaksion an saro o duwang eksperyensia. Repasohon an kahon na “Mga Oportunidad na Idistribwir an Pulyeto” sa Disyembre 2001 An Satong Ministeryo sa Kahadean, pahina 4.

Kanta 123 asin pantapos na pamibi.

Semana nin Agosto 19

Kanta 182

10 min: Lokal na mga paisi. Report sa kuenta.

15 min: Ano an Nakapopogol sa Sainda? Pakikipag-olay sa mga nagdadangog asin demonstrasyon. Sa satong ministeryo parate kitang nakanunupar nin mga tawo na nagduduwaduwang pag-olayan an saindang pagtubod. Kun aram niato kun taano an saro ta nagduduwaduwa, puedeng makatabang ini sa sato na mag-andam nin pagdolok na maenkaminar sa indibiduwal na ipahayag an saiyang opinyon. Tokaron kun paano niato puedeng ibagay an satong pag-atubang kun nanunuparan niato an minasunod na klase nin mga tawo: (1) An mga indiperente sa relihion, dawa sa relihion ninda mismo. (2) An mga may emosyonal na simpatiya sa relihiosong mga kaugalean kan saindang pamilya. (3) An mga nag-aalangan na pag-olayan an manongod sa saindang paniniwala huling daing gayo ninda iyan mapatunayan sa Kasuratan. (4) An mga may salang paghona tumang sa sato huli sa nakalalagalag na mga komento nin mga paratumang. Iiba an sarong halipot na demonstrasyon na nagpapaheling kun paano kukuanon an interes nin saro na makipag-olay sa Kasuratan.

20 min: “Magpaheling nin Kristianong Kaimbodan Kun Natiwalag an Sarong Paryente.”b (Parapo 1-8) Pangengenotan nin sarong kualipikadong marhay na magurang sa kongregasyon, na ginagamit an itinaong mga hapot. Ipabasa nin makosog an kada parapo sa sarong tugang na lalaki na mahusay magbasa.

Kanta 136 asin pantapos na pamibi.

Semana nin Agosto 26

Kanta 189

10 min: Lokal na mga paisi. Ginagamit an mga suhestion sa pahina 8, ipademonstrar sa sarong payunir kun paano iaatubang an Setyembre 1 Torrengbantayan asin hagadon sa sarong parahayag sa kongregasyon na ipaheling kun paano iaatubang an Setyembre 8 Awake! Enkaminaron an gabos na parahayag na iiba an sarong teksto sa saindang pag-atubang.

17 min: “Magin Parakomunikar!”c Bilang konklusyon, enkaminaron an mga parahayag na repasohon an kapitulong “Kun Paano Paooswagon an Abilidad sa Pakikipag-olay” sa librong Makinabang sa Edukasyon sa Teokratikong Paadalan sa Pagmiministro, pahina 62-5.

18 min: “Magpaheling nin Kristianong Kaimbodan Kun Natiwalag an Sarong Paryente.”d (Parapo 9-14) Pangengenotan nin sarong kualipikadong marhay na magurang sa kongregasyon, na ginagamit an itinaong mga hapot. Ipabasa nin makosog an kada parapo sa sarong tugang na lalaki na mahusay magbasa.

Kanta 125 asin pantapos na pamibi.

Semana nin Setyembre 2

Kanta 84

10 min: Lokal na mga paisi. Itampok sa halipot an artikulong “Magbasa Kaiba kan Saindong mga Aki” sa Mayo 1, 1999 Torrengbantayan, pahina 25.

20 min: Mag-andam Bago Kamo Humale. Pag-orolay asin demonstrasyon. An marahay na pagplano nakakokontribwir sa satong pagigin epektibo sa ministeryo. Kun siring, patienot na: (1) Kumua nin mga babasahon na kakaipuhanon nindo. (2) Seguradohon na igwa kamo nin supisyenteng house-to-house record asin bolpen o lapis. (3) Kun kaipuhan nindo nin malulunadan, gumibo nin angay na mga areglo sa pagbiahe. (4) Girumdomon an mga pagdalaw liwat na plano nindong gibohon. (5) Andamon an sasabihon nindo. Kun kamo an mamamayo sa pagtiripon bago lumuwas sa paglilingkod sa langtad, kumua nin supisyenteng teritoryo. Tokaron sa mga nagdadangog an duwa o tolong paagi na ikaaalok an librong Creation sa ministeryo durante kan Setyembre. Idemonstrar an saro sa mga pag-atubang, asin iiba an sarong teksto sa pakikipag-olay.​​—Helingon an mga suhestion sa An Satong Ministeryo sa Kahadean, Setyembre 1996, pahina 8, asin Hunyo 1995, pahina 4.

15 min: “Pag-apresyar sa mga Probisyon ni Jehova.”e Enkaminaron an regular na pagtao nin mga kontribusyon kan gabos sa kongregasyon para sa pambilog na kinaban na gibohon.

Kanta 99 asin pantapos na pamibi.

[Mga Nota sa Ibaba]