Amapinda
3 We mwana wandi, wilaba ifyo nkusambilisha,*
Kabili umutima obe naulekonka amafunde yandi,
2 Pa kuti ukekale inshiku ishingi
Kabili ukekale umutende.+
3 Wileka ukutemwa ukushipwa ne cishinka* fikushe.+
Fikake mu mukoshi obe;
Filembe pa mutima obe;+
4 Lyena ukapaalwa
Kabili Lesa na bantu bakakumona ukuti walishilimuka.+
7 Wilaimona ukuti uli wa mano.+
Uletiina Yehova kabili uletaluka ku fyabipa.
9 Ulecindikila Yehova ku fyuma fyobe,+
Na ku fisabo fyobe fyonse ifyabalilapo ukupya.*+
10 Lyena amatala yobe yakesula nga nshi,+
Kabili umo ukamina imyangashi mukesula umwangashi uupya ica kuti ukalafumina na kunse.
11 We mwana wandi, wilakaana nga ca kuti Yehova akusalapula,+
Kabili wilakalipa nga akulungika,+
12 Pantu abo Yehova atemwa alabalungika,+
Nga filya fine wishi alungika umwana uo atemwa.+
13 Wa nsansa umuntu uusanga amano+
No muntu uwishiba ifya kwiluka ifintu;
14 Ukunonka amano kwawama ukucila ukunonka silfere,
Kabili ukukwata amano kwawama ukucila ukukwata golde.+
16 Ukwikala inshiku ishingi kwaba mu kuboko kwa yako ukwa ku kulyo;
Ifyuma no bucindami fyaba mu kuboko kwa yako ukwa ku kuso.
19 Yehova apangile umufula we sonde ku mano yakwe.+
Abikile imyulu apo ifwile ukuba pa mulandu wa kuti aleluka nga nshi.+
21 We mwana wandi, wileka fifume pa ntanshi yobe.*
Sunga amano yene yene no kutontonkanya bwino pa fintu;
22 Fikalenga ukabe no mweo
Kabili fikaba nga kakufwala mu mukoshi obe pa kuiyemfya;
23 Lyena ukacingililwa ilyo ukalaenda mu nshila yobe,
Kabili ulukasa lobe talwakaipunune.+
25 Tawakatiine ubusanso ubwingesa mu kupumikisha+
Kabili tawakatiine ubucushi ubwisa nge cikuuku ca mwela pa babifi.+
28 Wilaeba umunobe auti, “Kabiye, ukabwele limbi! Nkakupeela mailo,”
E lyo ninshi naukwata ifya kumupeela.