Amapinda
2 Wilaleka akanwa kobe kalekulumbanya, lelo uleleka umuntu umbi* e o alekulumbanya;
Wilaleka imilomo yobe ilekulumbanya, lelo uleleka abantu bambi* e bo balekulumbanya.+
3 Ilibwe lyalifina, umucanga na o walifina,
Lelo ifikalifya umutima ifyo umuwelewele acita, fyalifina ukucila ifi fyonse fibili.+
5 Ukukaanapita mu mbali pa kulungika umuntu kwawama, ukucila ukutemwa ukwasungilwa fye mu mutima.+
9 Amafuta no bubani filalenga umutima wasekelela;
Ifi fine e fyaba na cibusa umusuma uwingakufunda ukwabula ukukupita na mu mbali.+
10 Taufwile ukusuula cibusa obe nelyo cibusa wa bawiso,
Kabili wilaingila mu ng’anda ya kwa munonko pa bushiku ulecula;
Umwina mupalamano awama ukucila munonko uwaba ukutali.+
12 Uwa mano nga amona ububi alafisama,+
Lelo uushaba na mano atwalilila fye ukuya kabili alakumana no bucushi.
13 Poka ica kufwala ca muntu uwalaya ukulipililako umweni inkongole;
Mupoke icikatilo nga alaya ukulipililako umwanakashi umbi umbi* inkongole.+
14 Umuntu nga alepaala umunankwe ku macaca ninshi naimya ishiwi,
Bakamumona ukuti aletiipa.
15 Umukashi uwatemwa ukuumana aba ngo mutenge uuloka ilyo kuli mfula.+
16 Onse uwingamulesha ukuumana, kuti alesha no mwela,
Kabili kuti aikata na mafuta mu kuboko kwakwe ukwa ku kulyo.
18 Uusakamana icimuti ca mukunyu, akalya ifisabo fya ciko,+
No usakamana shikulu wakwe bakamucindika.+
19 Nga filya fine umuntu amona icinso cakwe nga alolesha mu menshi,
E fyo no mutima wa muntu umo, umonekela mu mutima wa muntu umbi.
21 Nga filya fine Silfere na golde bayengulula mu mulilo pa kuti bailopolole,+
E fyo no muntu eshibikwa ifyo aba nga balemulumbanya.
23 Ufwile ukwishiba bwino ifyo impaanga shobe shili.
Ulesakamana bwino impaanga shobe,*+
24 Pantu ifyuma tafitwalilila ukubako,+
Ne cisote ca bufumu* tacakabeko ku nkulo shonse.
25 Icani iciteku caloba, icani cimbi camena,
Kabili ifimenwa fya mu mpili bafilonganika.
26 Abana ba mpaanga balakufwika,
Kabili mu mbushi ishilume kuti washitamo ibala.
27 Kabili umukaka wa mbushi uwa kuti ukalenwa,
Uwa kuti aba mu ng’anda yobe bakalenwa, uwa kuti ababomfi bobe abanakashi bakalenwa, ukaba uwingi.