Mulelungika Ukubelenga

1 Timote 4:13

IFILI MULI ILI ISAMBILILO: Ilyo mulebelenga mu kupongomoka, mufwile ukubelenga amashiwi filya fine fye yalembelwe.

IFYO MUFWILE UKUCITA:

• Mulepekanya bwino. Muletontonkanya pa calengele balembe ifyo mulebelenga. Mulepitulukamo pa kuti mulebelenga ilongo lya mashiwi ukucila ukubelenga kwati mulependa amashiwi. Ilyo mulebelenga tamulingile ukubikamo amashiwi ayashilimo, ukucilila amashiwi, nelyo ukupyanikapo amashiwi yambi. Mulekonka ifishibilo fyonse.

• Muleshimbula bwino amashiwi. Nga tamwaishiba ifya kushimbula ishiwi limo, mulemona ifyo lishimbulwa muli dikishonari, mulekutika ifyo babelenga ulupapulo, nelyo muleeba uwaishiba ukubelenga pa kuti amwebe ifyo balishimbula.

• Mulelanda ifyo abantu bengomfwa. Muleshimbula bwino amashiwi, muleinuna umutwe pa kulanda kabili muleyasamuna akanwa. Mulebikako amano pa kuti muleshimpa bwino ifilembo ifipanga ishiwi.